|
أنت مع منو؟؟ ... الأسد؟؟؟
|
الأول : أفرض إنك ماشي في غابة , قام فجأة ظهر ليك أسد تعمل شنو ؟؟
التاني: هاه .. وده سؤال ؟ ما بضربو بي بندقيتي دي . إنت قايلني بقبض بيها طير بس؟ هيييع أنا أخوك فاطنة يسمعن .
الأول : لا أفرض إنو ما كنت شايلا .. أها تعمل شنو ؟
التاني : ما بضربو ليك عكاز في نص راسو أجيب ليك أجلو.
الأول : اها ده برضو ما كنت شايلو اليوم داك ؟
التاني: شوف انا سكيني دي ما فارقت ضراعي من شكلة ود الطريفي الماتوا فيها عشرة من الفريق الفوق .
الأول : قول ام الأولاد مثلاً قالت ليك أضبح لينا الديك ده ونسيتا في كراع العنقريب بعد ما غسلوها ؟ اهاااا نعمل شنو؟
التاني : إنت شنو شابكني تعمل شنو تعمل شنو ؟ أها بطلع في الشدرة.
الأول : ولو مافي شدرة ؟؟ ام م م م ممم ؟
التاي : في غابة مافيها شدرة؟ دي غابة شنو؟ تمام بقع الموية في بحر الله الواسع ده .
الأول: يا زول هوي غابتي دي مافيها بحر .. نقعة سااااكت .. نقعة .. شفت كيف . أها ؟
التاني : يا زول إنت معاي ولا مع الأسد ؟ أطقك كدة ألحقك أسدك ده؟
تيب أوف توداي
إحذر الغابة في مشاكوس والبحر في القاهرة
أبنوسي
|
|
|
|
|
|