|
# عفواً#
|
أنا قلبي شان ينساك دايرلو تاني زمن عفوا ًحبيب قلبي , ما إنت لي وطــن أنا قلبي ذنبو شنو عودتو إنت عليـك علمتو يبكي ينوح يوم ما يشوف عينيك وكتين ملكتو خلاص فرّيتها ليه جنحيك خاطبتو باستبداد قُت ليهو أخطى الليك هو الصابر المسكين راجي الليالي تروح لا كل لا مل لا عاتب المعشـــــــوق كل القِدِر قالو : يا ناس كتلني الشـوق ما الضُقتو في دنياي ما ضاقو قط مخلوق أنا يا خلايق آه ضقت العذاب أصنـاف شفت الليالي سُقُد تشهد ( تبارك) و) ق~) جربت صبر أيوب كانت نهايتو كفــاف و الصابني ياالمريود بالعين محال ينشـاف لو داير تعرف البيّ أرجوك مرة تعــال أقعد و عاين و بس ما تسأل أيّ ســـؤال أنا يا حليلي أنا أصبح يميني شِمـــــال جواي عشرة أشياء خلت حياتي محــــال حظي التعيس الشوم الغيره و العــــزال ليل الضياع و الخوف و الحيرة و الإهمــال إنك تملي معاي و بيناتنا كم أميـــــال إحساسي إني بسيط و أحلامي واقفة جبـال صبرا ً صبرتو عليك ذكرني سيدنا بلال حتى ان سكتّ أنا تتكلم الأطــــلال و آخر المطاف بالليل سافرت باستعجال لا طلت بلح الشام لا ضُقت راحة البـال برضك تقول لي اصبر اتحمل المكتوب اتعوض الله خلاص أنساني يالمحبــوب خليتني زي عصفور هبت عليهو هبوب فنّتلو عُشّو شِمال شالت صِغارو جنـوب جعفر السقيد
الاغنيه دي بصوت الفنان جعفر السقيد وكلمات حاتم حسن الدابي و الحانه
|
|
|
|
|
|
|
|
Re: # عفواً# (Re: dmoo3)
|
الاخ دمو علي مايبدو أن هذه القصيدة للاستاذ الفاتح ابراهيم بشير وهو أيضاً من ابناء القرير وقد تغني له العيد من الفنانين وله اسهامات واضحة في خارطة الغناء الشايقي وهو انسان بمعني انسان مواصل محبوب
| |
|
|
|
|
|
|
Re: # عفواً# (Re: dmoo3)
|
دموع
تحيات من مسقط الي مسقط
يا ريت لو تنزلي الأغنية عشان تدينا البعد الحقيقي للكلمات ، للأسف لم اسمع بهذه الغنية من قبل ، وكذلك الفنان شفتي التخلف دا ، رغم تشبع الفضاء بالفضائيات
تحياتي
رحمابي
| |
|
|
|
|
|
|
Re: # عفواً# (Re: AlRa7mabi)
|
Yes this song very nice song.and also in the same casite so many others nice songs. Elra7mabi mashllha bitk 3asel rbnha ya7fzha.liha zmen ma shoftha Atfal sudanin.mashllha.
| |
|
|
|
|
|
|
Re: # عفواً# (Re: dmoo3)
|
Ro3a thanx alot 4 your comment sister
استاذ الموصلي
جزيل الشكر ليك و فعلا التعديل رهيب و مقترحك احلى بس و الله ما عندي الاغنيه و حتى لو عندي التخلف حاصل و ما حاعرف انزلها بس الله يدي العافيه
دموعكم
| |
|
|
|
|
|
|
|