Post: #1
Title: # عفواً#
Author: dmoo3
Date: 03-03-2003, 09:15 AM
أنا قلبي شان ينساك دايرلو تاني زمن
عفوا ًحبيب قلبي , ما إنت لي وطــن
أنا قلبي ذنبو شنو عودتو إنت عليـك
علمتو يبكي ينوح يوم ما يشوف عينيك
وكتين ملكتو خلاص فرّيتها ليه جنحيك
خاطبتو باستبداد قُت ليهو أخطى الليك
هو الصابر المسكين راجي الليالي تروح
لا كل لا مل لا عاتب المعشـــــــوق
كل القِدِر قالو : يا ناس كتلني الشـوق
ما الضُقتو في دنياي ما ضاقو قط مخلوق
أنا يا خلايق آه ضقت العذاب أصنـاف
شفت الليالي سُقُد تشهد ( تبارك) و) ق~)
جربت صبر أيوب كانت نهايتو كفــاف
و الصابني ياالمريود بالعين محال ينشـاف
لو داير تعرف البيّ أرجوك مرة تعــال
أقعد و عاين و بس ما تسأل أيّ ســـؤال
أنا يا حليلي أنا أصبح يميني شِمـــــال
جواي عشرة أشياء خلت حياتي محــــال
حظي التعيس الشوم الغيره و العــــزال
ليل الضياع و الخوف و الحيرة و الإهمــال
إنك تملي معاي و بيناتنا كم أميـــــال
إحساسي إني بسيط و أحلامي واقفة جبـال
صبرا ً صبرتو عليك ذكرني سيدنا بلال
حتى ان سكتّ أنا تتكلم الأطــــلال
و آخر المطاف بالليل سافرت باستعجال
لا طلت بلح الشام لا ضُقت راحة البـال
برضك تقول لي اصبر اتحمل المكتوب
اتعوض الله خلاص أنساني يالمحبــوب
خليتني زي عصفور هبت عليهو هبوب
فنّتلو عُشّو شِمال شالت صِغارو جنـوب
جعفر السقيد
الاغنيه دي بصوت الفنان جعفر السقيد وكلمات حاتم حسن الدابي و الحانه
|
Post: #2
Title: Re: # عفواً#
Author: albagir altahir
Date: 03-03-2003, 09:49 AM
Parent: #1
الاخ دمو
علي مايبدو أن هذه القصيدة للاستاذ الفاتح ابراهيم بشير
وهو أيضاً من ابناء القرير وقد تغني له العيد من الفنانين وله اسهامات واضحة في خارطة الغناء الشايقي وهو انسان بمعني انسان مواصل محبوب
|
Post: #3
Title: Re: # عفواً#
Author: AlRa7mabi
Date: 03-03-2003, 01:11 PM
Parent: #1
دموع
تحيات من مسقط الي مسقط
يا ريت لو تنزلي الأغنية عشان تدينا البعد الحقيقي
للكلمات ، للأسف لم اسمع بهذه الغنية من قبل ، وكذلك الفنان
شفتي التخلف دا ، رغم تشبع الفضاء بالفضائيات
تحياتي
رحمابي
|
Post: #4
Title: Re: # عفواً#
Author: Ro3ah
Date: 03-03-2003, 01:49 PM
Parent: #3
Yes this song very nice song.and also in the same casite so many others nice songs.
Elra7mabi mashllha bitk 3asel rbnha ya7fzha.liha zmen ma shoftha Atfal sudanin.mashllha.
|
Post: #5
Title: Re: # عفواً#
Author: Elmosley
Date: 03-03-2003, 01:52 PM
Parent: #1
يادموع
جعفر السقيد ده اخو علي السقيد ولا شنو
القصيده ظريفه
كنت قايلها حقت وحبيت اديك مقترح تعديل
بسيط مثلا
لو داير تعرف البيّ أرجوك مرة تعــال
أقعد و عاين و بس ما تسأل أيّ ســـؤال
تبقي
Quote: لو بس تعرف البيّ أرجوك مرة تعــال
أقعد و عاين لي ما تسأل أيّ ســـؤال |
لك الشكر وياريت نسمعو
|
Post: #6
Title: Re: # عفواً#
Author: dmoo3
Date: 03-03-2003, 02:08 PM
Parent: #1
و الله يا استاذ الباقر الاغنيه هي عجبتني شديد و هي بالطنبور
و انا شلتها من شريط كاسيت للفنان جعفر السقيد
بس ما عندي اي فكره عن كلامك
لكن برضو الله يديك العافيه و شكرا ليك على كل حال
الرحمابي
بصراحه كده انا ما عندي ليها في cd بس في شريط كاسيت و بعدين انا لسه مستجده في حكايه تنزيل الاغاني دي
التحيه موصوله ليك من الخوير تحديدا
و شكرا ليك
دموع
|
Post: #7
Title: Re: # عفواً#
Author: dmoo3
Date: 03-03-2003, 02:13 PM
Parent: #1
Ro3a
thanx alot 4 your comment sister
استاذ الموصلي
جزيل الشكر ليك
و فعلا التعديل رهيب و مقترحك احلى
بس و الله ما عندي الاغنيه
و حتى لو عندي التخلف حاصل و ما حاعرف انزلها
بس الله يدي العافيه
دموعكم
|
|