|
ازيكم!!طيبين!!جيتكم مع المطره..
|
انا جيت مع المطره..شايلنا سيل الشوق.. ازيكم زولا زولا تحياتي بعرفكم ومتابعاكم شديد وعاجبني
وبهديكم مطرتي الخاصه وخطوه مني وبينا مشوارنا الجميل توما *****
مطرالطريق يوم السفر ببقي الرفيق.. مطر الصديق لمن يهل في ذات ضيق.. مطرالشكر رزقا كتر.. مطر العمر بنزورها دي الدنيا ونمر.. مطر المودع دنيا ماشي علي القبر .. او كان مودع للفقر.. مطر الغريب ..مطر الوداع عز الشتاء نشوفك قريب.. مطرا طفاك يا مصطفي عز الحريق.. ومطرا رواها الورده تنضح بالرحيق.. مطر البحر ودع رحل ساق الغريق.. مطرا سقانا وما روي.. والنحنا جارناالعمده خط الاستواء..
شايل غمام مطر السلام.. مطرالكلام ضحك ابتسام.. ينضح عرق مطر المسام.. مطرالخريف.. لو ينكسر مجدافي ما اقدر احصل القي قيف.. والبيني بينك لما يوحل وتب يقيف.. نستسقي منك يا رحيم.. مطر الحميم.. مطر الغني..لمن ينقط في الدواخل دندنه.. مطر التناقض والتساقط والبناء.. مطر العناء.. مطر الكفر ..جوعا كتر.. والمطره عز الجوع..تروي الكفر مزروع.. يبقي اليقين مرجوع.. مطر الجفاف..شفع ضعاف.. البيت نشاف.. كل العمر سنوات عجاف.. مطر الغبن.. مطر البجوع عيشا سخن.. والدمعه مطر العين فرحان ومره حزين والصمت مطر الخوف غطي الغمام الشوف والوجعه حارقه الجوف وسكات عن الحاصل.. ساكت عليهو الحق.. ساكت علي باطل.. جوك العساكر ليل والامر بالمعروف.. في الاصلو صار معروف.. لعبا علي المكشوف.. واقف وشادي الحيل والجته محنيه.. هداك كتر الشيل.. والساره تترجي بكل صفا النيه.. ما تسوقو ساتر الحال.. والصرخه جوه البال ماتت هناك نيه.. يا سيدنا شد الحيل جواك عشم وافر موعود بمطر النيل شايلو السحاب راحل شاهد عليهو الليل والحلم بباكر
.. توما
|
|
|
|
|
|
|
|
Re: ازيكم!!طيبين!!جيتكم مع المطره.. (Re: توما)
|
توما حبابك الف وحباب بشايرك الحلوه
ومرحب بيك ومرحب بغيمك وابقي صابه فوق أرضنا وزيدي خضرتنا وجمالاً
Quote: شايل غمام مطر السلام.. مطرالكلام ضحك ابتسام.. ينضح عرق مطر المسام |
كلام سمح لجوه ومليون مرحب
| |
|
|
|
|
|
|
هوبلس (Re: توما)
|
هوبلس سلامات حبابك الف كمان وكتر الف خيرك لكلامك السمح .. توما
| |
|
|
|
|
|
|
بامسيكا (Re: توما)
|
بامسيكا حبابك اخوي.. شكرا لبشاشه الترحيب..وببقي لجوه ان ربنا قال.. توما
| |
|
|
|
|
|
|
Re: بامسيكا (Re: توما)
|
توما يا مراحب ادخلى لا داخول بالحيل عجبتنى القصيدة العجب الامضاء نتمنى ان نراك كثيرا
| |
|
|
|
|
|
|
بيان (Re: توما)
|
بيان سلامات.. مرحب بيك كمان ويعجبك السمح ان شاء الله.. عاجباني انا اضافاتك في بوست عطبره شديد.. بكتب ليك هناك.. وبنتلاقا.. توما
| |
|
|
|
|
|
|
Re: الجندريه (Re: توما)
|
شايل غمام مطر السلام.. مطرالكلام ضحك ابتسام.. ينضح عرق مطر المسام.. مطرالخريف.. لو ينكسر مجدافي ما اقدر احصل القي قيف.. والبيني بينك لما يوحل وتب يقيف.. نستسقي منك يا رحيم.. مطر الحميم.. مطر الغني..لمن ينقط في الدواخل دندنه توما جيتى وجانا المطر نسال الله ان يجعل ايامنا مطر فى مطر اهلا بيك ومدخلك بقول انك ما ساهلةفى انتظار جديدك
| |
|
|
|
|
|
|
Re: الجندريه (Re: توما)
|
سلامات الف مرحب بيك ياتوما والله كلامك ييقن مرحبتين حبابك ومرحب بيك قدر فيض حروفك ورزاز مطرتك السمحة دي خشي بت امي خشي والدار الوسيع يبقالك وطن ويبقالك سكن اها النقوم اضيفك شايف الجماعة اتسحرو بي كلامك مافي زول جابلك فكة ريق تشربي شنو؟ اظن موية التيبار الليلنا سمحة وبااااااردة اتوهطي ومنتظرين حديثك
| |
|
|
|
|
|
|
ود رمليه (Re: ودرملية)
|
ود رمليه تسلم يا اخوي.. كلامك سمح زي مويه تيباركم.. ما بتقصر ..حبابك.. وبنتلاقا توما
| |
|
|
|
|
|
|
سنتمينتال (Re: sentimental)
|
سنتمينتال حبابك الفين.. ياها التوما الاتوهطت دمي وقالها عثمان بشري حقوقه محفوظه جدا ومحترمه لدينا.. تسلم كتير.. وبنتلاقا.. توما
| |
|
|
|
|
|
|
Re: وليد500 (Re: توما)
|
الاخت توما
حبابك الف جيتينا بكلام سمح بالحيل وانشاء الله بوردينا يزيد خدارو بمطر الحنية
حنينة
| |
|
|
|
|
|
|
حنينه (Re: توما)
|
حنينه سلامات.. اسمك ذاتو حنين..و ربنا يديم المحنه بينا والعالم.. شكرا كتير وبنتلاقا.. توما
| |
|
|
|
|
|
|
ليون (Re: توما)
|
ليون سلامات مرحب بناس دارنا الطيبين والود دائما بيناتنا ان شاءالله ونتلاقا.. توما
| |
|
|
|
|
|
|
ود عقاب (Re: توما)
|
ود عقاب سلامات مرحب بيك كمان وان شاءالله المقام دائما طيب بطيبتكم.. شكرا كتير ونتلاقا.. توما
| |
|
|
|
|
|
|
كبر (Re: توما)
|
كبر سلامات عجبني احساس الصداقه الوصلك من الاسم توما الاتوهطت دمي وابت تطلع.. وتبقي توما الصدق والصداقه.. حبابك الف.. شكرا يا صديق ونتلاقا.. توما
| |
|
|
|
|
|
|
الشريف (Re: توما)
|
الشريف سلامات مرحب بيك كتير والحوش عامر بيكم شكرا كتير ونتلاقا توما
| |
|
|
|
|
|
|
Re: ابو جهينه (Re: توما)
|
يامطيرة صبى لينا فى ايدينا
مطرى..يابت
.رزازا للفرح
وانثرى فينا..دعاشا..من البهج الفسيح
| |
|
|
|
|
|
|
الدعاش (Re: توما)
|
العزيزة دوما لك تحيات الزهور وصلنا دعاشك وبرقك لمع والقبلي بشر والقصيدة دايره رد بي مزاااااااج لك الود خالد
| |
|
|
|
|
|
|
تماضر (Re: توما)
|
تماضر سلامات.. وانتي ابقي صبي ونحن بالايدين نلقي.. يلا صبي.. شكرا كتير.. ونتلاقا توما
| |
|
|
|
|
|
|
خالد العبيد (Re: توما)
|
خالد العبيد سلامات.. ان شاء دائما عزيز .. والله يجيب المزاج عشان نسمعك.. شكرا كتير.. ونتلاقا توما
| |
|
|
|
|
|
|
|