|
السودان ظريف لكن داير مصاريف
|
السودان ظريف لكن داير مصاريف
هي عبارة موجودة على ظهر إحدى حافلات النقل العام بالخرطوم
هي حقيقة أن السودان ظريف وظريف للغاية .. لكن دون مصاريف العيش فيه صعب للغاية .. ومصاريف تشمل الاحتياجات الأساسية والاحتياجات الكمالية والاحتياجات الأخرى لمعايشة الواقع المطلوب فعلاً....
بالنسبة للمغتربين دائما هناك سؤال كيف يعيش الناس في السودان وهم من ذوي الدخل المحدود يعني بالبلدي كدا واحد ماهيته 400 ألف جنيه بالقديم وبيصرف على بيته أكثر من مليون كييييييييف؟؟؟؟
لذا المغترب يسافر وفي جيبه المليون نفسه ولكنه يرجع مديون من أهل الداخل في الفترة الأخيرة لا اعتقد أن في مغترب خطط لمصاريف إجازته مبلغ ورجع دون أن يستدين من أهل الداخل أو يقطع إجازته ويرجع
ياريت لو نعرف تجاربكم ونصايحكم في الموضوع دا عشان الواحد لما يسافر يعرف كيف يخطط لمصاريف إجازته وما يرجع مديون أو مقطوع ومنتظر أول الشهر بفارغ الصبر
|
|
|
|
|
|
|
|
Re: السودان ظريف لكن داير مصاريف (Re: SHIBKA)
|
طبعاً ماعايز أحبطك لكن لو السفر كان عن طريق سواكن اول شيء 75% من القروش بتنتهي قرأت كتاب اسمو العشرة مفاتيح الذهبية للنجاح مش متأكد من الاسم لكن يعطيك عشرة خطوات عشان تنجح ويبدو لي أن الخواجة مؤلف الكتاب زول فارغ ساي وماعارف ظروفنا نحن شنو المهم من المستحيل تعمل خطة للمصاريف الباقية الحيطة بتنفزر أول ماتشوفك جيت من السعودية الدبلوسي طاااااااااااخ يقع بلا شغلة بكاء هنا وسماية هناك وكشف هنا ومستشفى هناك ويجوك جماعة يقولوا ليك بقرنا سرقوه عاوزين المساعدة طبعاً من الشهر الأول بتحاول الاتصال على اصحابك في السعودية عشان يمدوك ويغيثوك والجيب طوالي من الشهر الأول بيصيبه الجفاف والنسوان هناك أغلبهن بنشفن حلقك يعني كان ليها مراد جيبك ماتفضل فيهو ولا مليم عندهن هوس العرس لو قروشك اتوفرت والتماسيح عندنا في البر أكثر من تماسيح الأنهار لغف من المرور ولغف من ناس المحلية ولغف من اللجان الشعبية وناس الموية والنفايات ومصيبة كبرى اسمها السماسرة ياويلك لو قلت عاوز تأجر بيت أو تشتري ليك حمار وغنماية الجدادة على الفحم 30 الف ماعارف لو فيها اربعة كرعين حاتكون بي كم والمشكلة البتجنن الواحد الناس هناك بقوا سمااااااااااااااااان الواحدة تخليها 51 كيلو تجي تلقاها 85 وبعضهم رقبتو السيف مايقطعها والله من المغص بناطليني كلها رجعتها للترزي عشان يضيقها أكثر كل يوم أطلع وأجي أغلي وست النفر تقول ليك والله انت حاتموت واقف { موتة ضان } لكن لو عندك حظ تموت ليك حبوبة أو جد في طيارة اقربائي لا اغتربوا ولايحزنون ربك رب الخير فطس ليهم حبوبتهم في الطيارة السودانية أدوهم تعويض 185 مليون بالتمام والكمال هسي شيء دكاكين وعربات وتياب سويسرية مطرزة ونحن جدنا ياكافي البلاء مات لينا في نص العنقريب قلت ليهم ماكان ياجماعة تلحقوا لينا طيارة الأردن قال خطط قال !!! ابوحراز المحبط 00966507063205
| |
|
|
|
|
|
|
Re: السودان ظريف لكن داير مصاريف (Re: ابوحراز)
|
ابوحراز انتوا ما عندكم في حلتكم نسوان اول ما يسمعوا بيك جيت يجوك من الصباح يسلموا عليك
وكان ما ناولت في اول مناسبة بتلمهم مع بعض (هم اتنين) يقولوا لزومها شنو جيتوا هسة عمل شنو لاهلو ... لكن لو ناولت واتلافيت الضرر بتكون زي الكانك فتحت عكا...
| |
|
|
|
|
|
|
Re: السودان ظريف لكن داير مصاريف (Re: أميرة فاروق عبد العال)
|
Quote: تصاريف نصاح هي يا شبكة.. والله ماعارفين ذاتو بقينا نعرف نصرفها؟ ولا قلبنا بقا ميت؟ ولا جلدنا بقا تخين؟
_____________________ لكن زي ماقال ليك.. خليها على الله |
يا اميرة يختي هي الامور كلها على الله لكن برضو البحيرك انو التصاريف دي بيتعلموها وين؟؟؟ لانها بقت من اهم ادوات المعيشة في السودان
القلب المتين والجلد التخين مطلوبات جدا جدا لانو حِرة القلب بتجيب المرض في الحالات دي
وتسلمي انتي من كل شر
| |
|
|
|
|
|
|
Re: السودان ظريف لكن داير مصاريف (Re: SHIBKA)
|
Quote: لان المغتربين حاسدين الجوة على حياتهم
|
شبكة
كلامك ده يمكن يكون عليهو تحفظات من قبل بعض ويقولوا ليك ( نحسدم على شنو ، الكتاحة ... ولا الجرى وراء المناسبات الكتيرة )
لكن إنت عارفة بى حالنا ده ، وكت ماتكون فى كتاحة ... ولا يمر يومين تلاتة بدون مجاملات عزاء أو زيارة مستشفى بنكون خرمانين
هسى يجيك خليل ينظر
| |
|
|
|
|
|
|
Re: السودان ظريف لكن داير مصاريف (Re: سيف اليزل جعفر عبد الرحمن)
|
Quote: السودان ظريف لكن داير مصاريف هي عبارة موجودة على ظهر إحدى حافلات النقل العام بالخرطوم |
قال ليك واحد جعلي مشو ليهو في بيتو يوم جمعة كدا وسألوهو يا سلام عليك يا علوب البيت دا مؤجروا بي كم قال والله مؤجروا بي ستوميت الف جنيه يا سلام والله بيت جميل ةطيب انت راتبك الشهري كم قال ستوميت الف جنيه يا الله طيب انت بتاكل شنو قال ليهم انا باكل صاحب البيت هيهيهيييييييييييييييييهاي يكا
| |
|
|
|
|
|
|
Re: السودان ظريف لكن داير مصاريف (Re: Zomrawi Alweli)
|
Quote: قال ليك واحد جعلي مشو ليهو في بيتو يوم جمعة كدا وسألوهو يا سلام عليك يا علوب البيت دا مؤجروا بي كم قال والله مؤجروا بي ستوميت الف جنيه يا سلام والله بيت جميل وطيب انت راتبك الشهري كم قال ستوميت الف جنيه يا الله طيب انت بتاكل شنو قال ليهم انا باكل صاحب البيت هيهيهيييييييييييييييييهاي يكا |
زمرواي دا زاتو كويس انو عندو راتب قدر الايجار والباقي الله كريم في زول تلقاه مأجر ب600 جنيه دي زاتها ومرتبو 400 جنيه وماكل شارب لابس ساكن متفسح مجامل في امان الله
اها دي كيف؟
| |
|
|
|
|
|
|
Re: السودان ظريف لكن داير مصاريف (Re: Zomrawi Alweli)
|
Quote: قال ليك واحد جعلي مشو ليهو في بيتو يوم جمعة كدا وسألوهو يا سلام عليك يا علوب البيت دا مؤجروا بي كم قال والله مؤجروا بي ستوميت الف جنيه يا سلام والله بيت جميل ةطيب انت راتبك الشهري كم قال ستوميت الف جنيه يا الله طيب انت بتاكل شنو قال ليهم انا باكل صاحب البيت هيهيهيييييييييييييييييهاي يكا |
من هيهيهيييييييييييييييييهاي يكا دة قطع شك بكون شايقي
| |
|
|
|
|
|
|
Re: السودان ظريف لكن داير مصاريف (Re: محي الدين جبريل)
|
محي الدين
Quote: كلامك ده يمكن يكون عليهو تحفظات من قبل بعض ويقولوا ليك ( نحسدم على شنو ، الكتاحة ... ولا الجرى وراء المناسبات الكتيرة )
|
الكتاحة دي جات صدفة ولي ما اتربينا فيها مفروض انها حاجة عادية زي الما قاعدين جوة عايشين فيها الكل يعيش فيها انت عارف في بعض مغتربين يقولوا ليك كدا فعلا والواحدة تقول ليك اولادي بيمرضوا في السودان عشان كدا ما بمشي اجازة شفت النوعية دي الله يستر عليها وما تجيهم سياسة التقطير والسعودة وما الى ذلك من سياسات دول
Quote: لكن إنت عارفة بى حالنا ده ، وكت ماتكون فى كتاحة ... ولا يمر يومين تلاتة بدون مجاملات عزاء أو زيارة مستشفى بنكون خرمانين
|
المجاملات فعلا كترتها تجنن وقلتها تخرم لكن حال الدنيا
وفي انتظار خليل
دمت بود
| |
|
|
|
|
|
|
Re: السودان ظريف لكن داير مصاريف (Re: SHIBKA)
|
Quote: ياريت لو نعرف تجاربكم ونصايحكم في الموضوع دا عشان الواحد لما يسافر يعرف كيف يخطط |
نصيحتي ليك...اول شي تمشي تدفع الضرائب والزكاة ورسوم التجنيد وتجهز تأشيرتك...وتخت جوازك في اقرب شنطة...
تاني يوم...امشي السوق المركزي...اشتري...سكر وشاي وبن ودقيق وصابون...بسعر الجملة...
وتغشي سوق الخضار واللحمة...تملأ قفتك... وتاني تعمل نايم لما الاجازة تكمل... عديها خفيس...يوم في سوق الناقة ويوم في حفلة عقد الجلاد... ويومين تلاتة جنب ست شاي... اصلو اصحاب ما حا تلم فيهم... ويوم تشرب بي قروشك آخر كباية شاي نفط بنطلونك وامش المطار... ورسوم المغادرة اي زول حا يديك ليها..
| |
|
|
|
|
|
|
Re: السودان ظريف لكن داير مصاريف (Re: nazar hussien)
|
السوق المركزي وسوق الخضار دا في حالة اني ولد وفي حالة اني بت ما ولد البمشي لي السوق المركزي منو وسوق اللحمة منو.... ست شاي دي معاي ما بتظبط من حفلة لحفة برضو ما بتظبط
Quote: ورسوم المغادرة اي زول حا يديك ليها.. |
دي حريصة عليها اول ما اصل اخت التذكرة والجواز وجووووووووووة ظرف التذكرة اخت الرسوم لانو اخر يوم دا خليهو على ربك بس
| |
|
|
|
|
|
|
Re: السودان ظريف لكن داير مصاريف (Re: nazar hussien)
|
Quote: نصيحتي ليك...اول شي تمشي تدفع الضرائب والزكاة ورسوم التجنيد وتجهز تأشيرتك...وتخت جوازك في اقرب شنطة...
تاني يوم...امشي السوق المركزي...اشتري...سكر وشاي وبن ودقيق وصابون...بسعر الجملة...
وتغشي سوق الخضار واللحمة...تملأ قفتك... وتاني تعمل نايم لما الاجازة تكمل... عديها خفيس...يوم في سوق الناقة ويوم في حفلة عقد الجلاد... ويومين تلاتة جنب ست شاي... اصلو اصحاب ما حا تلم فيهم... ويوم تشرب بي قروشك آخر كباية شاي نفط بنطلونك وامش المطار... ورسوم المغادرة اي زول حا يديك ليها.. |
نزار سلامات أنا نازل البلد فى عقاب الشهر دا.. الله يرضى عليك عدل الوصفة دى.. عشان ما بتنفع لى زول ماشى لى أهلك الفى البلد، مو الخرطوم.... غيرك تب مافى زول بجيهنى... أنت براك عارف ناسنا ديك كيف.. ما تقول لى سويها كل يوم خفيس للخرطوم. والله راسى ضارب ليه أسبوع وأجلت السفر مرتين... ما تتأخر عليك الله.. تسلم سيف
| |
|
|
|
|
|
|
Re: السودان ظريف لكن داير مصاريف (Re: SHIBKA)
|
هي مصاريف ساكت
تصدقي انا بشيل معاي ربطة قروش بي لستكها اها وحاتك برجع البيت رابط اللستك في يدي لوول
وبتصرف عادي اكتر من الناس الهناك
عندنا صاحبنا مشى بي عربيتو الماخمج اها اول ايام كلها يقيف في اقرب طرمبة ويقول ليهو فل تانك ومشغل المكيف من قولت تيت
اها بعد شهر بقى يكب جالونين وفاتح القزاز قال لي اخوهو بلدكم غالية خلاص قاليهو ماغالية لكن انت شكلك سخنته لووول.
المشكلة لمن الواحد يقارن يعني يقولوا ليهو جالون البنزين بي 6 الف جنيه يقوم يقول يعني 12 ريال اها 12 ريال دي هنا نص تانك عديل كده
عندنا قريبنا قال لي ماتكلف نفسك كتير في الهدايا والخرمجه قلت ليهو طيب الواحد يجي فاااضي كده ماجايه
قال لي شوف ليك اقرب عزاء حتى لو المرحوم جاركم ساااكت تجي ناطي طوالي زول بكا شنطة هدومك وبس
تحياتي
زاتووووو
| |
|
|
|
|
|
|
Re: السودان ظريف لكن داير مصاريف (Re: ALZOLZATOO)
|
Quote: تصدقي انا بشيل معاي ربطة قروش بي لستكها اها وحاتك برجع البيت رابط اللستك في يدي لوول
|
عندنا قريبنا عندو بناء مش السودان بدا في البنا قال امشي على محل البنا شايل ربطات قروش في جيبي اجي راجع باللستك قال اقعد اعد اها استك اتنين تلاتة وطبعا كل لستك بمليون لما قربت تفك منو وقف البنا لي هسة ما كملو
Quote: قال لي شوف ليك اقرب عزاء حتى لو المرحوم جاركم ساااكت تجي ناطي طوالي زول بكا شنطة هدومك وبس
|
ياربي في زول بيتسحمل يقعد لامن مرحوم يموت......
غايتو هنا في محلنا ناس كتار ما مشوا قريب لانو جو السودان ما بنفع معاهم.....
شفت دي قوية كيف...
| |
|
|
|
|
|
|
Re: السودان ظريف لكن داير مصاريف (Re: SHIBKA)
|
Quote: لذا المغترب يسافر وفي جيبه المليون نفسه ولكنه يرجع مديون من أهل الداخل في الفترة الأخيرة لا اعتقد أن في مغترب خطط لمصاريف إجازته مبلغ ورجع دون أن يستدين من أهل الداخل أو يقطع إجازته ويرجع |
غلطان أنا البحكي ليك أسراري طوالي عملتيها بوست وغلطان وستين غلطان الاتوسطت ليك عشان بكري يديك باسوورد انتي شبهك الأوف لاين ... الأون لاين دي مرحلة بعيدة عليها لسة
عالم تحب الفضائح زي عيونا
ياااخ اتلهي هسي في زول سالك من المصاريف
| |
|
|
|
|
|
|
Re: السودان ظريف لكن داير مصاريف (Re: معتز القريش)
|
شبكة سلامات
Quote: عالم تحب الفضائح زي عيونا
ياااخ اتلهي هسي في زول سالك من المصاريف |
اها شفتي جبتي لي روحك براك
الجماعة قضوها شي قندهار وشي جبل اولياء
وتحت تحت فكرو في الd
ومشو بي هناك يشتكو مش ؟
( وجه مطوفش)
خالص الود
| |
|
|
|
|
|
|
Re: السودان ظريف لكن داير مصاريف (Re: Yassir Bainwi)
|
Quote: اها شفتي جبتي لي روحك براك
الجماعة قضوها شي قندهار وشي جبل اولياء
وتحت تحت فكرو في الd
ومشو بي هناك يشتكو مش ؟
( وجه مطوفش)
خالص الود |
ياسر ديل الناس البسافروا ويخلوا الناس يفتكروا انهم مليونيرات في بلد الاغتراب والمحليين يقولوا ليك عايزين نبقى زي دا وهم مساكين ما عارفين العليهم شنو
عشان كدا الفضيحة وااااااااااجبة عشان كدا زول يرضى بقدرو ونمرة d بعيدة عليها شديد في الوقت الحالي
لك تقديري
| |
|
|
|
|
|
|
Re: السودان ظريف لكن داير مصاريف (Re: SHIBKA)
|
Quote: ياسر ديل الناس البسافروا ويخلوا الناس يفتكروا انهم مليونيرات في بلد الاغتراب والمحليين يقولوا ليك عايزين نبقى زي دا وهم مساكين ما عارفين العليهم شنو
عشان كدا الفضيحة وااااااااااجبة عشان كدا زول يرضى بقدرو ونمرة d بعيدة عليها شديد في الوقت الحالي
لك تقديري |
يا خسااارة القشرة بالفورد خلاص راح شمار في مرقة
وااا شماتة أبله طاظا فيك يا ود القريش
شبكة خليتك ل ......
ولا أقول ليك : المسامح كريم
| |
|
|
|
|
|
|
Re: السودان ظريف لكن داير مصاريف (Re: معتز القريش)
|
Quote: غلطان أنا البحكي ليك أسراري طوالي عملتيها بوست وغلطان وستين غلطان الاتوسطت ليك عشان بكري يديك باسوورد انتي شبهك الأوف لاين ... الأون لاين دي مرحلة بعيدة عليها لسة
عالم تحب الفضائح زي عيونا
ياااخ اتلهي هسي في زول سالك من المصاريف
|
معتز انت حقك زايد لانه مضروب في تلاتة والبوست دا بتكلم عن فرض العين واللي هو واحدة بس
اما تلاتة دي لا اوف لا اون لا اوت ما بحلك
هات تجربتك وتعال ونصايحك انت بالتحديد ما بتلفق مع الناس الهنا ديل
| |
|
|
|
|
|
|
Re: السودان ظريف لكن داير مصاريف (Re: SHIBKA)
|
Quote: معتز انت حقك زايد لانه مضروب في تلاتة والبوست دا بتكلم عن فرض العين واللي هو واحدة بس
اما تلاتة دي لا اوف لا اون لا اوت ما بحلك
هات تجربتك وتعال ونصايحك انت بالتحديد ما بتلفق مع الناس الهنا ديل |
عشان كدا أنا طالع . . النصائح ما بناباها
لكن الفيك اتعرفت
| |
|
|
|
|
|
|
Re: السودان ظريف لكن داير مصاريف (Re: د.محمد حسن)
|
Quote: زمرواي دا زاتو كويس انو عندو راتب قدر الايجار والباقي الله كريم في زول تلقاه مأجر ب600 جنيه دي زاتها ومرتبو 400 جنيه وماكل شارب لابس ساكن متفسح مجامل في امان الله
اها دي كيف؟ |
يا شباكة (اول حاجة انتي اسمك بالعربي شبكة ولا شباكة ولا شبيكة ولا شباك ظاطو)
المهم في خواجة قال ليك انو مكث في السودان حوالي ستة اشهر وشاف الناس تعبانة كيف وكيف قال والله الشعب السوداني تعبان شدبد مافي شغل مافي فلوس لكن عندهم كلام الله كريم... وممكن في يجلس ومافي شغل لكن فيه اكل
فالشعب السوداني اغلبه فقير ولكن له رب يطعمه وكفي
| |
|
|
|
|
|
|
Re: السودان ظريف لكن داير مصاريف (Re: SHIBKA)
|
أولاً أسف للتذكير بدلآً من الأتأنيث
ثانياُ
الوصفة ساهله و بسيطه
من المطار على البيت على طول بدون الإلتفات أوالتوقف فى اى مرفق
ولما تصلى البيت على غرفتك (عدل)
ثم البيات الشتوى أو الصيفى ( حسب حالة الطقس) حتى انتهاء الإجازه
وإذا كان فى طريقة للمطار بدون المرور على جهاز المغتربين ( فذلك هو المطلوب) وإلا
الرماد كال حماد ( وفى هذه الحاله ) تكون الوصفه مطرشقه
| |
|
|
|
|
|
|
Re: السودان ظريف لكن داير مصاريف (Re: معتز القريش)
|
والله الواحد شكلو خش ليه في (شبكة) مع ناس (شبكة) ديل.. قالت ليه ماسمعت (أميرة) قالت شنو؟ هوي ها.. انا زولة بلد 100% وتصاريفي بلدية خالص.. يعني مابتنفع شورة للمغتربين.. عشان كده..
اتصرفوا غايتو..
| |
|
|
|
|
|
|
Re: السودان ظريف لكن داير مصاريف (Re: أميرة فاروق عبد العال)
|
Quote: انا زولة بلد 100% وتصاريفي بلدية خالص..
|
يا اميرة التصاريف دي عايزين نتعلمها من ناس الداخل عشان كدا محتاجين جدا لنصحيتك هنا متعودين على واحد زايد واحد يساوي اتنين لا مجال للتصاريف والفهلوة ابدا
عشان تتحلي من الشبك لازم تقولي وصفة ووصفة مفيدة كمان مش اي كلام
| |
|
|
|
|
|
|
Re: السودان ظريف لكن داير مصاريف (Re: أميرة فاروق عبد العال)
|
ياشبكه بطلى الشبك ,, ومال نحن نقول شنو ؟؟
واحد صحبى فى السودان جانى سلم على أول ماجيت وتانى ماشفتو إلا لما جيت مسافر , قلت ليهو يأخى ماعيب منك الكلام ده ؟ أنا قاعد لى شهرين ما أشوفك إلا وأنا مسافر ؟ رد لى قال لى إنتو يالمغتربين بقيتوا مزعجين , الواحد فيكم يجى وبعد إسبوع يقوليك شوف لى مليون ,, عشان كدا بقينا نتحاشاكم ,, وقد صدق ,,
تحياتى ,, إنتى وين ؟
| |
|
|
|
|
|
|
Re: السودان ظريف لكن داير مصاريف (Re: كمال سالم)
|
Quote: السوق المركزي وسوق الخضار دا في حالة اني ولد وفي حالة اني بت ما ولد البمشي لي السوق المركزي منو وسوق اللحمة منو.... ست شاي دي معاي ما بتظبط من حفلة لحفة برضو ما بتظبط
|
كنت فعلا بخاطب في ولد لكن لقيتك شبكة.فأنا آسف لهذا الخلط
نان:
وقت ما عندك شغلة بالسوق المركزي... ولا عقد الجلاد ولا ستات الشاي وقطعا ما عندك شغلة بي سوق الناقة
الموديك السودان شنو؟ هو غير ديل فيه شنو؟
| |
|
|
|
|
|
|
Re: السودان ظريف لكن داير مصاريف (Re: nazar hussien)
|
Quote: وقت ما عندك شغلة بالسوق المركزي... ولا عقد الجلاد ولا ستات الشاي وقطعا ما عندك شغلة بي سوق الناقة
الموديك السودان شنو؟ هو غير ديل فيه شنو؟ |
يعني انت دا الموديك اديني قروشك حقات السوق المركزي وعقد الجلاد ديل انا بوصلهم ليك لغاية جوة حوش بيتكم وانت خليك مرتاح محل الليل نهار والنهار ليل والايام اللي كلها زي بعض دي
الموديني شنو بالغت في دي غلبني زاتو اعبر عن الموديني لكن ما فيهو سوق خضار ولا لحمة ولا ست شاي لكن ممكن عقد الجلاد ديل يودوني جدا جدا
موضوعنا عنا عن كيف تخطط لاجازتك ماليا والباقي هين
| |
|
|
|
|
|
|
Re: السودان ظريف لكن داير مصاريف (Re: كمال سالم)
|
Quote: واحد صحبى فى السودان جانى سلم على أول ماجيت وتانى ماشفتو إلا لما جيت مسافر , قلت ليهو يأخى ماعيب منك الكلام ده ؟ أنا قاعد لى شهرين ما أشوفك إلا وأنا مسافر ؟ رد لى قال لى إنتو يالمغتربين بقيتوا مزعجين , الواحد فيكم يجى وبعد إسبوع يقوليك شوف لى مليون ,, عشان كدا بقينا نتحاشاكم ,, وقد صدق ,,
|
يا استاذ كمال صاحبك دا شكلو اتلدغ من مغترب قبل كدا وما ردوا ليهو الدين عشان كدا اخدها من قصيرها كلو كلو
احكي لينا عن تجربتك في المجال افضائي دا...
Quote: تحياتى ,, إنتى وين ؟ |
انا قاعدة وبفكر في حل للمعضلة دي
ايميلي عندك في اي لحظة حاضرين
| |
|
|
|
|
|
|
Re: السودان ظريف لكن داير مصاريف (Re: SHIBKA)
|
شبكة ازيك ..
زمان زمن زمااان كده .. عندنا واحد قال عايز يغترب بس عشان يلبس ليهو جلابية سكروته ومشنق الطاقية ويجي الجزر ويقول لي بتاع اللحمة بالله أدينا خمسة كيلو لحمة زي ما المغتربين زمان بعملو أها بعد سنوات إغتراب رجع السودان وبقى من مواطنيه وما أظن تاني يكرره .. الإغتراب فقد معناها من بدري .. وزمان برضو لما واحد يجي من بره بتلقي أصدقائه وأهله كل يوم زائرنه .. هسي يمكن ما تلاقي ولا واحد من ديل ..
| |
|
|
|
|
|
|
Re: السودان ظريف لكن داير مصاريف (Re: معتصم دفع الله)
|
الحمدلله يامعتصم بس محتارة في القضية دي...
عندنا واحد قريبنا في اجازة الصيف الفات قال جا ماري جنب مقابر فاروق و قرر انو يشتري بطيخة
وقف العربية وبدا في المفاصلة مع البائع شيل خت شيل خت
قال جا واحد لابس جلابية وراكب بركسي جديد لنج قال رفع ليهو اربعة بطيخات وكم نوع تاني من تفاح لبرتقال ليوسفي ودفع ليهو 180 الف من سكات ومشي قال انا وقفت اتسمرت في مكاني وبديت احسب فيها دا ماهيته كم وشغال وين وانا مغترب ليه و ... و....
تحياتي للعروس
| |
|
|
|
|
|
|
Re: السودان ظريف لكن داير مصاريف (Re: SHIBKA)
|
غايتو جنس شبكه..... سجن سجن غرامه غرامه..... احلي ناس .... كرسي في شارع الله تسلم وترد السلام .... همبريب ... كتاحه ... شمس ضل... ليل نهار مطر جفاف...مصاريف ... تخاريف .... بنحبوا وما بنبدله.... قال مصاريف وتصاريف قال ...
بس تعالي هنا احكي ليك والمعاك قصه قديمه قبل يوم من السفر حصلت لي مشكله بعد ما بعته العربيه وودعت كل الناس .... اطريت امد الاجازه شهر بدون عربيه او مصاريف او امور مغتربين ..... وكانت الذه اجازه اقضيها ..... ارقدي عافيه
| |
|
|
|
|
|
|
Re: السودان ظريف لكن داير مصاريف (Re: willeim andrea)
|
Quote: في زول تلقاه مأجر ب600 جنيه دي زاتها ومرتبو 400 جنيه وماكل شارب لابس ساكن متفسح مجامل في امان الله
اها دي كيف؟ |
عرفت ليك الناس دى مواهيها بتكفيها كيف اولا الفطور الصباح فى فجة الغداء فى بكاء والفواكه وماشابه فى العقد وبالليل العشاء فى الحفلات اهم شىء يكون الراجل عنده 14 جلابية والمرة 18 توب وبراها بتفرج بعد داك
| |
|
|
|
|
|
|
Re: السودان ظريف لكن داير مصاريف (Re: ناهد بشير الطيب)
|
اليوم الاول بعد الوصول تمشي الفواتح بس اليوم الثاني الصباح الدقش ( اهم يوم ) المغتربين انتهاء من اجراءت الخروج لما تطلع منهم بسلامة تمشي الصرافة تغير الاخضر بعملتنا ( لونها شنو يا ربي ) اليوم الثالث زيارات لكبار السن ( ديل اهم ناس ) وكل زول تنفحو بحاجة كويسه عشان الدعاء يكون كارب
باقي الاجازة في كرسي في الشارع ..... سلام يا ابو السيوف حمد الله على السلامة .... الله يسلمك يا ستاذ
برجع و الحمد الله تمام التمام
| |
|
|
|
|
|
|
Re: السودان ظريف لكن داير مصاريف (Re: سيف اليزل جعفر عبد الرحمن)
|
Quote: اليوم الاول بعد الوصول تمشي الفواتح بس اليوم الثاني الصباح الدقش ( اهم يوم ) المغتربين انتهاء من اجراءت الخروج لما تطلع منهم بسلامة تمشي الصرافة تغير الاخضر بعملتنا ( لونها شنو يا ربي ) اليوم الثالث زيارات لكبار السن ( ديل اهم ناس ) وكل زول تنفحو بحاجة كويسه عشان الدعاء يكون كارب
باقي الاجازة في كرسي في الشارع ..... سلام يا ابو السيوف حمد الله على السلامة .... الله يسلمك يا ستاذ
برجع و الحمد الله تمام التمام |
ياسيف ممكن يكون دا اسلوب لقضاء الاجازة لكن تمشي وترجع زي ما انت ما استفدت شي غير ونست اولاد الحلة في امور كتيرة برة بتكون فايتة عليك لكن طالما قادر على تمشية اجازتك كدا برضو القناعة كنز لا يفنى في الحالة دي ....
| |
|
|
|
|
|
|
Re: السودان ظريف لكن داير مصاريف (Re: willeim andrea)
|
وليم ديل الدكان بتاع بابا شريف دا فلس قادرين على تمويله من ناحية الملابس عااااااااااادي جدا
لانو المتوفر في الدولاليب اكتر من المتوفر في مخزن الدكان وما تنسي في حاجة اسمهما قدر ظروفك جاهز لخدمة كل المناسبات دا لو الدولاب قصر يعني....
| |
|
|
|
|
|
|
Re: السودان ظريف لكن داير مصاريف (Re: ناهد بشير الطيب)
|
Quote: عرفت ليك الناس دى مواهيها بتكفيها كيف اولا الفطور الصباح فى فجة الغداء فى بكاء والفواكه وماشابه فى العقد وبالليل العشاء فى الحفلات اهم شىء يكون الراجل عنده 14 جلابية والمرة 18 توب وبراها بتفرج بعد داك |
ياناهد دي حقيقة عاااااادي حكاية الناس تطلع من الصباح ما ترجع الا بالليل عشان كدا الحكومة عرفت القصة دي ووفرت ليهم الهدوم ابدي ب3 الف وانتهي ب3مليون الكل يلبس ويقشر حسب المناسبة
وامورهم ماشة على كدا..
اها انتي اجازتك بتخططي ليها مالياً كيف؟؟؟
| |
|
|
|
|
|
|
Re: السودان ظريف لكن داير مصاريف (Re: willeim andrea)
|
ياوليم صباحك ابيض ياخي
Quote: غايتو جنس شبكه..... سجن سجن غرامه غرامه..... احلي ناس .... كرسي في شارع الله تسلم وترد السلام .... همبريب ... كتاحه ... شمس ضل... ليل نهار مطر جفاف...مصاريف ... تخاريف .... بنحبوا وما بنبدله.... قال مصاريف وتصاريف قال ...
|
انت ناس المغترب يقعد نضيف وممسح طول اليوم خلال الاجازة دي ما بتلفق معاك كلو كلو بكلامك دا....
Quote: تعالي هنا احكي ليك والمعاك قصه قديمه قبل يوم من السفر حصلت لي مشكله بعد ما بعته العربيه وودعت كل الناس .... اطريت امد الاجازه شهر بدون عربيه او مصاريف او امور مغتربين ..... وكانت الذه اجازه اقضيها ..... ارقدي عافيه |
اهم شي في الاجازة انت تداقش مع الناس وتعرف من وين بيتصرفوا في قروشهم وفي امورهم لانها بالجد هي فن لا يجيده الا السودانيون وزي ما قلت المداقشة في السودان هي حالة لا يمكن ان تعيشها الا في السودان الحمدلله انت قضيت اجازة سعيدة بعد العربية اتابعت بطريقتك دي الزول ما بخاف عليك من قطعة المصاريف لانو الفي يدك بتبيعو بخخخخخخخخختك الله يحلك من الشبك ياخي
| |
|
|
|
|
|
|
Re: السودان ظريف لكن داير مصاريف (Re: SHIBKA)
|
اليك النصائح الآتية:
- لا تزيد الاجازة باي حال عن 40 يوم (يعني حركات ناس السعودية بتاعت السنة شهور ما معانا)
- تعامل كأنك قاعد في السودان ،ومن تجي السودان خلي حركات المغتريبين ...
- خلي خم الهدايا ، واشتري للناس المحتاجين فقط ، واشياء مهمة ... (الهدوم في السودان راقدة)
- مشكلة المغتربين انهم اول ما يجو السودان يصرفون بلا حساب ، وبعد 15 يوم فقط تبدأ الجرسة .. عشان كده ابدأ الصرف بعد ال15 يوم الاولي ...
- اعتقد ان واحدة من مصائب المغتربين ، هي عكس وضع غير حقيقي عن نفسه ، ولكن اذا كان الانسان صريح ، ما ح تواحهوا اي مشكلة ....
انا من اسافر السودان كل 6 اشهر تقريبا (بقسم اجازتي ل 2) واحدة 10 يوم والثانية 28 يوم ، لم افلس ولا مرة (طبعا في ناس ح يقولوا علي بخيل ) لكن والله ابدا ، فقط تعامل عاااااادي وامورك بتمشي جدا
| |
|
|
|
|
|
|
Re: السودان ظريف لكن داير مصاريف (Re: رقم صفر)
|
Quote: ربك رب الخير فطس ليهم حبوبتهم في الطيارة السودانية أدوهم تعويض 185 مليون بالتمام والكمال هسي شيء دكاكين وعربات وتياب سويسرية مطرزة |
أبو حراز،
صدق من قال، مصائب سودانير، عند قوم فوائد،،،
و قس على ذلك يا شبكة، برضو القال، فى السودان الزول يملى القفة قروش، و يرجع بالخضار فى جيبه، برضو ما كضب،،،،
| |
|
|
|
|
|
|
Re: السودان ظريف لكن داير مصاريف (Re: Hala Hassan)
|
Quote: و قس على ذلك يا شبكة، برضو القال، فى السودان الزول يملى القفة قروش، و يرجع بالخضار فى جيبه، برضو ما كضب،،،، |
ياهالة دي حقيقة انو ممكن ترجع بالخضار في جيبك(هي صيغة مبالغة ولكنها مقبولة)
ياهالة في شي تاني كل ما كترت مواردك كترت منصرفاتك وفي السودان تكون تضاعفت منصرفاتك
اسعدني تواجدك معي
| |
|
|
|
|
|
|
Re: السودان ظريف لكن داير مصاريف (Re: رقم صفر)
|
Quote: اليك النصائح الآتية:
- لا تزيد الاجازة باي حال عن 40 يوم (يعني حركات ناس السعودية بتاعت السنة شهور ما معانا)
- تعامل كأنك قاعد في السودان ،ومن تجي السودان خلي حركات المغتريبين ...
- خلي خم الهدايا ، واشتري للناس المحتاجين فقط ، واشياء مهمة ... (الهدوم في السودان راقدة)
- مشكلة المغتربين انهم اول ما يجو السودان يصرفون بلا حساب ، وبعد 15 يوم فقط تبدأ الجرسة .. عشان كده ابدأ الصرف بعد ال15 يوم الاولي ...
- اعتقد ان واحدة من مصائب المغتربين ، هي عكس وضع غير حقيقي عن نفسه ، ولكن اذا كان الانسان صريح ، ما ح تواحهوا اي مشكلة ....
انا من اسافر السودان كل 6 اشهر تقريبا (بقسم اجازتي ل 2) واحدة 10 يوم والثانية 28 يوم ، لم افلس ولا مرة (طبعا في ناس ح يقولوا علي بخيل ) لكن والله ابدا ، فقط تعامل عاااااادي وامورك بتمشي جدا |
رقم صفر حبابك امكن دي اول طريقة تعرض في البوست وطالما هي تجربة شخصية معناه انها مقبولة بنسبة كبيرة لدى البعض
ولدي البعض لا زي ما قال ابو حراز الحيطة بتكون منتظركا بس تجي والجير منتظرك وعرس اختك في انتظارك وكثير من المجاملات اللي حتحضرها او فاتتك ومضطر انك تتواصل مع اصحابها دي كلها تكاليف لازم تواجها كمغترب وما ممكن تتعايش معاها كزول محلي
تاني في حتة الشهادة ما موثقة وتمشي التعليم العالي وتمشي الخارجية والجامعة والسفارة دي كل واحدة منهم بدعة....
وكثير كثير بتخلي تخطيطك فاشل من اليوم الاول
مشكور على مرورك الطيب
| |
|
|
|
|
|
|
Re: السودان ظريف لكن داير مصاريف (Re: Shamael Elnoor)
|
Quote: قليكـ ياشبكة
واحد سالوه:
بتصرف كم؟؟ قال: 500
مؤجر بكم؟؟ قال: 500
وبتاكل من وين؟؟ قال باكل سيد البيت
|
بالظبط كدا ثنيتي على كلام زمرواي فوق ودا المحيرني ومحير كل المغتربين انو الناس عايشة كيف... الله كريم وقادر على كل شي ما قلنا فيها شي لكن التفكير العقلاني بيودي الجنة
سلمتي على مرورك
| |
|
|
|
|
|
|
Re: السودان ظريف لكن داير مصاريف (Re: العوض المسلمي)
|
Quote: فعلا يا شبكة يعتبر السودان من اغلي بلاد العالم
|
فعلا في كل شئ والازمة الاقتصادية الجات على العالم هسة دي زمان جات على السودان لما الناس بقوا ضد الازمات
Quote: وكل من خطط بان يجعل ميزانية له فانها تفشل امام التواصل الاجتماعي الدفاق ,,,
|
التواصل الاجتماعي ياكل من زمنك ومن جيبك ومن صحتك لكن ما بتخلى ابداً
Quote: شبكة النقاش مفيد جدا هنا ,,,, |
اشكرك على مرورك الرائع واتمنى ان نستفيد فعلا من تجارب الاخرين
| |
|
|
|
|
|
|
Re: السودان ظريف لكن داير مصاريف (Re: رقم صفر)
|
Quote:
- لا تزيد الاجازة باي حال عن 40 يوم (يعني حركات ناس السعودية بتاعت السنة شهور ما معانا)
- تعامل كأنك قاعد في السودان ،ومن تجي السودان خلي حركات المغتريبين ...
- خلي خم الهدايا ، واشتري للناس المحتاجين فقط ، واشياء مهمة ... (الهدوم في السودان راقدة)
- مشكلة المغتربين انهم اول ما يجو السودان يصرفون بلا حساب ، وبعد 15 يوم فقط تبدأ الجرسة .. عشان كده ابدأ الصرف بعد ال15 يوم الاولي ...
- اعتقد ان واحدة من مصائب المغتربين ، هي عكس وضع غير حقيقي عن نفسه ، ولكن اذا كان الانسان صريح ، ما ح تواحهوا اي مشكلة ....
انا من اسافر السودان كل 6 اشهر تقريبا (بقسم اجازتي ل 2) واحدة 10 يوم والثانية 28 يوم ، لم افلس ولا مرة (طبعا في ناس ح يقولوا علي بخيل ) لكن والله ابدا ، فقط تعامل عاااااادي وامورك بتمشي جدا |
http://www.sudaneseonline.com/uploadpic/Feb09upload/Cop...2066657_314650_1.jpg
رقم صفر شكرا للنصائح الغالية ورائك شنو في المقاس دة لصورة الامورة المنورة البرفائل بتاعك
| |
|
|
|
|
|
|
راجل ظريف (Re: SHIBKA)
|
شبكة مرحب بشبكتك دي ،،
انا من ظهر (اسكتش) عبد اللطيف راجل ظريف بس جنو وجن المصاريف تاني مارجعت السودان ، وما ح أرجع لما يغيرو رايهم، ويبقوا على ظريف دي بس،، = الكلام الجاي دا والله كلو جد :- كلامهم أثر في جدا ، لكن أستفدت منو ، قلتو كدا ، طيب: قعدت في السعودية اربعة سنة متواصلة بنيت بيت في الخرطوم،، لسه بدفع في بعض الأقساط مع انو البيت اتأجر،، = عندي بين في الابيض مؤجر بألفين ريال في الشهر : وكلها بتمشي للوالد،، قلت أتفك من حكاية (المصاريف) دي،، أمس اتصلت على الوالد: أها ياحاج : الأمور كيف : والله ياولدي إلا تلحقنا الشهر دا ، الكهرباء والموية متراكمات !! أحباط كبير والله العظيم،، 2000 ريال دي ماهية مغترب ياناس!!! = السنة دي نازل إجازة بإذن الله ، عملت حاجة كويسة : عندي أرض زراعية في ضاحية من ضواحي الأبيض : رسلت أحفر فيها بئر ، وكم بقرة وكم حمل حمري وأوصيت أخوي يبني لي راكوبة كبيرة في الأرض دي ومن هسي يبدا في كم حوض خضار وكدا شتلة بتاعة ليمون من الرهد أبودكنة، وح أعمل فرنتشايز مع ناس قندهار والدايرني يجيني هناك ،،(جورج بوش برضو عمل كدا في مكسيكو)،، = الخرطوم هي النكسة!!!
| |
|
|
|
|
|
|
Re: راجل ظريف (Re: عبد اللطيف بكري أحمد)
|
Quote: السنة دي نازل إجازة بإذن الله ، عملت حاجة كويسة : عندي أرض زراعية في ضاحية من ضواحي الأبيض : رسلت أحفر فيها بئر ، وكم بقرة وكم حمل حمري وأوصيت أخوي يبني لي راكوبة كبيرة في الأرض دي ومن هسي يبدا في كم حوض خضار وكدا شتلة بتاعة ليمون من الرهد أبودكنة، وح أعمل فرنتشايز مع ناس قندهار والدايرني يجيني هناك ،،(جورج بوش برضو عمل كدا في مكسيكو)،، = الخرطوم هي النكسة!!! |
عبد اللطيف الراجل الظريف الجنو وجن الاجازات المجهجهة فعلا انت خططت لاجازتك واقامتك بالمرة في السودان الاقساط بتنتهي وبفايدة انو عندك مكان ترجع فيهو كتير من المغتربات مع ازواجهن ما متذكرات حكاية بيت في السودان دي انت انجزت فيها المية المية
وزي ما تفضلت الخرطوم هي مصيبة المصايب اتخيلي الناس البمشوا اجازتهم خارج الخرطوم موفرين جدا وبستمتعوا جدا باجازتهم لانو ما فيها ما ينغصها(الفلس)
شكرا على عرض طريقتك في العيش والتخطيط المستقبلي واتمني ان يستفيد منها الاخرين وانا منهم
وتشكرات كتيرة على مرورك
| |
|
|
|
|
|
|
Re: راجل ظريف (Re: willeim andrea)
|
سلام شبكة ..
عليكم بالنصيحة دي :
Quote: قال لي شوف ليك اقرب عزاء حتى لو المرحوم جاركم ساااكت تجي ناطي طوالي زول بكا شنطة هدومك وبس
|
| |
|
|
|
|
|
|
Re: راجل ظريف (Re: ناذر محمد الخليفة)
|
Quote: سلام شبكة ..
عليكم بالنصيحة دي :
Quote: قال لي شوف ليك اقرب عزاء حتى لو المرحوم جاركم ساااكت تجي ناطي طوالي زول بكا شنطة هدومك وبس
|
والله ياناذر لو باريت النصيحة ناس الشغل يادوب حيقولوا لي انتي بدل المساسقة دي هاك ورقك وامشي تاني ما تجي
دي نصحية بتغطس حجرنا ياخ
| |
|
|
|
|
|
|
Re: راجل ظريف (Re: willeim andrea)
|
Quote: مصاربف ياحليل عروس الدلاقين ديك |
حليل عروس الدلاقين ياوليم اخير مليون مرة من عروس بت ام لعاب البقت هسة
الناس يقولوا ليك الحياة صعبة وتلقى الحفلات مدورة اسبوع طيب كيييييييييييف.............
| |
|
|
|
|
|
|
Re: راجل ظريف (Re: SHIBKA)
|
سلام شبكة انا بالجد جايي السودان يوم 26 فباير يعني بعد اسبوع كدة لمدة 3 اسابيع لمناسبة في البيت وانا كبير البيت والرماد كال حماد طيب وبعديييييييييييييييييين
| |
|
|
|
|
|
|
Re: راجل ظريف (Re: جمال الباقر)
|
Quote: انا بالجد جايي السودان يوم 26 فباير يعني بعد اسبوع كدة
|
يابختتتتتتك رغم المصاريف والنقنقة دي كلها السودان احلى منه مافي لكن حال عباد الله دائما كدا
اجازة سعيدة ومناسبة سعيدة وربنا يكتر من المناسبات السعيدة ويقلل من المصاريف عشان تكمل الظرافة
تحياتي للسودان كله
| |
|
|
|
|
|
|
السودان ظريف (Re: SHIBKA)
|
شبكة ..
Quote: وبالذات في ظل الازمة المالية الجاية دي |
هي لسة ما جات ؟؟؟
جمال الباقر ، عليك بالمقولة المأثورة ، فنشوني ، نفضوني ، قاعد ساكت اليومين ديل
سمعتك حتبقى علي كل لسان ، وأريتو بعد ده يحلك
صلي ، إستغفر ، واركب سودانير يمكن تحلك :)
| |
|
|
|
|
|
|
Re: السودان ظريف (Re: toona)
|
تونة
Quote:
Quote: وبالذات في ظل الازمة المالية الجاية دي
هي لسة ما جات ؟؟؟ |
هي لسة ما جات للعالم لكن في السودان هي مسجلة حضور دائم
اظنو دا الحل المافي غيرو
| |
|
|
|
|
|
|
Re: السودان ظريف (Re: SHIBKA)
|
Quote: الموديني شنو بالغت في دي غلبني زاتو اعبر عن الموديني لكن ما فيهو سوق خضار ولا لحمة ولا ست شاي لكن ممكن عقد الجلاد ديل يودوني جدا جدا |
يا نزار ياحى دا سؤال تألو لى واحده جميله وسنقل ومغتربه مالك بقيت زول سفنتى فايف تعرفى ياشبكه العدو ام فىاالسودان مايخاف انا مثلا برسل للحاجهاالماهيه كل شهر اها لما رجعتا الاجازه لقيتا خاتهم لى كلهم والله ريحونى ليك راحه بقيت ما بشيل هم الاجازه لحدى ما اختى الصغيره اغتربت وبقت تجى اجازات يازوله عينك ماتشوف الا النور وبقيت القى ليك أمى زاتامديونه قال ايه بتهابتخجل تدين عشان هى وزوجها جاين الاجازه بى برادو مابتقدر تقول لى زول دينى ترسل الحاجه المسكينه المابتعرف تقول لا ليناكلنا فكيف تقول لبتها الحتاله ومع الوعد بالتحويل العمرو مابصل ماعارف ليه اول مره اعرف انو التحويل من الخليج ببياخد سنه ونص any way why don't you come somewhere else rather than giong to sudan
| |
|
|
|
|
|
|
Re: السودان ظريف (Re: WAD ELGAALI#4)
|
ياود الجيلي فور اها ساديها عمرها كلو ولما ما مفروض تتقد اتقدت
دا حال السودان وانت شغال زي الدولة توفر ولما تجي وقت التوفير الصحي صحي تلقاهو بقى دين فجاة كدا
تحويل الخليج بقى في ساعتو بيصل يعني يجيك تلفون دايرين قروش هسسسسسسسسسسسسة انت في الصرافة وزولك في الصرافة طوالي يستلم يعني مافيها حاجة اسمها نسيت ولي ما قدرت ولي قافلين فوري ياخوي الشغل بقى
لكن تحويل ناس امريكا اليحيرك قالوا قروش التحويل اكتر من القروش المحولة تفتكر ليه؟.....
اها خطتك في تصاريف ومصاريف الاجازة فشلت ورينا الخطة الجديدة شنو....
| |
|
|
|
|
|
|
Re: السودان ظريف (Re: SHIBKA)
|
Quote: يامغتربين الخارج وموظفي الداخل
خلاص فشلتوا في انكم تلقوا حل للمصاريف..........
حكمته بالغة بالجد |
أها انتي حلك شنو كان غلبك حولي على اصحاب التلاتة زوجات
| |
|
|
|
|
|
|
Re: السودان ظريف (Re: معتز القريش)
|
يامعتز انا حلي كالاتي: انك تعمل ليك حاجة في السودان تدر على دخلك وتأمن عليها شخص آمن ولما تمشي الاجازة ما تشيل معاك ولا مليم وتعتمد على المدخر هناك
وبالتالي حق الاجازة بيكون مرق لكن ما بتكون هبشت سنامك
ولي الراي شنو يابتاع اتلاتة ورقات
| |
|
|
|
|
|
|
Re: السودان ظريف (Re: SHIBKA)
|
Quote: يامعتز انا حلي كالاتي: انك تعمل ليك حاجة في السودان تدر على دخلك وتأمن عليها شخص آمن ولما تمشي الاجازة ما تشيل معاك ولا مليم وتعتمد على المدخر هناك
وبالتالي حق الاجازة بيكون مرق لكن ما بتكون هبشت سنامك |
طيب (وكت) انتي عارفة الحل دا فاتحة ليك بوست طويل عريض في شنو ؟ عشان بس تفضحينا يعني ولا بس لزوم انك بقيتي عضو ولازم تعملي موضوع
| |
|
|
|
|
|
|
Re: السودان ظريف (Re: معتز القريش)
|
Quote: طيب (وكت) انتي عارفة الحل دا فاتحة ليك بوست طويل عريض في شنو ؟ عشان بس تفضحينا يعني ولا بس لزوم انك بقيتي عضو ولازم تعملي موضوع |
يامعتز البوست هو مشكلة كل المغتربين باختلاف بلاد اغترابهم وحقيقة الحل اللي قلتو ليك انا عارفاهو من زمن ومقتنعة بس كنت عايزة اعرف كيف الباقين بيفكروا في حل المشكلة دي ولقيت معظم الناس ما عندهم خطة للاجازة وبمشوا على باب كريم ودا البجيب اللوم
وشكرا لمداخلتك القيمة
| |
|
|
|
|
|
|
Re: السودان ظريف (Re: SHIBKA)
|
شبكة ازيك...
بكتب ليك هسي دي من صالة المغادرة...فيها ستة كمبيوترات عشان المغادر الزهجان من الانتظار وغايز يلعب كوتشينة...يقضي بيها وقت الانتظار ما يتحير..
وكمبيوترين فيهن نت مجاني ساااااااااااااااااكت...بس تعملي كليك علي سودانيز اونلاين تجيك طوالي...ودي اول مجانية تلاقيني في السودان الظريف
قضيت اسبوع بالتمام والكمال وتأكدت ان السودان ظريف لكن داير تصاريف
واحسن تغيري عنوان بوستك من داير مصاريف الي داير تصاريف... بس تتصرفي صاح في الزمن الصاح...ويسعلني ربي عندهم فول بي زيت سمسم وشمار...تأكلي فيه كأنك بتأكلي في تمر اخضر
وشارع خمستاشر العمارات فيه ست شاي بي لقيمات...ما حصلت.. (دونت شنو وكرواسيه شنو) والله دي تسجلها عالميا الا تبقي زي عمك كنتاكي (لقيماتاكي) اما ست الفول والكبدة الفي سوق خمستاشر...ديك شلت منها المقادير...والوصفة وباكر حا اجربها...
وطالما فولهم بالطريقة دي ورخيص كدي...والوجبات هناك اصلهن فطور 12 وغدا عشرة...والاتنين لو كانوا فول ما بطال معاي...يبقي المصاريف عايز بيها شنو؟
امانة ماك سمح سماحة يا السودان
| |
|
|
|
|
|
|
Re: السودان ظريف (Re: nazar hussien)
|
Quote: قضيت اسبوع بالتمام والكمال وتأكدت ان السودان ظريف لكن داير تصاريف
|
بالله بالسرعة دي اسبوعك كمل هو اجازة في السودان لو بقت سنة وفي قروش بتبقى سمحة لكن اسبوع دي شحتفة ساكت غايتو ما بكررها مرة مشيت خمسة يوم ما عرفت البي والعلي جيت راجعة
Quote: امانة ماك سمح سماحة يا السودان |
اصلا السودان زيو مافي كان فيهو تصاريف كان ما فيهو وكان فيهو مصاريف ولا ما فيهو
| |
|
|
|
|
|
|
Re: السودان ظريف (Re: SHIBKA)
|
يا شبكة بت حلتنا كيفنك
يمين فاتحات ساكت ضهرك يتقصة ههههههههههههههههههههه
ياخي انا شيل فاتحات ساكت يديني وجعوني خليك من الجيب والحصل ليه
| |
|
|
|
|
|
|
Re: السودان ظريف (Re: طارق جبريل)
|
Quote: ياخي انا شيل فاتحات ساكت يديني وجعوني خليك من الجيب والحصل ليه |
انتو تشيلوا الفاتحة واحنا النسوان علينا فاتحة وخت تحت المخدة يمين بيتك يتخرب
| |
|
|
|
|
|
|
Re: السودان ظريف (Re: toona)
|
Quote: سمعتك حتبقى علي كل لسان ، وأريتو بعد ده يحلك
صلي ، إستغفر ، واركب سودانير يمكن تحلك :) |
تونة لقيتك خطيرة في الافكار
| |
|
|
|
|
|
|
Re: السودان ظريف (Re: مازن الجمّال)
|
Quote: شيل طاقية دا ولبسا لي دا
والحال بيمشي
وبس |
يامازن مرحب بيك كلامك دا ياهو زاتو المحتاج انو الناس تتعلم التصاريف لانو المحليين بيعرفوا للتصاريف دي كويس والمغتربين بيكونوا دايشين لما يتعلموا التصاريف تكون الاجازة انتهت
| |
|
|
|
|
|
|
Re: السودان ظريف (Re: SHIBKA)
|
Quote: لما يتعلموا التصاريف تكون الاجازة انتهت |
عارفة يا شبكة
اخوك داش الاجازة الاولى وشربت الزيت واكلت الحسكنيت ودخلت في دوين ما بعدها ديون وكانت الدرس العظيم
شوفي يا ستي الخطة المابتخرش المية : اول حاجة وانتي نازلة السودان تحسبي مصاريف ناس البيت قدر الفترة الماشة تقعديها في السودان تطلعيها على جمب .. بعد داك تطلعي مصاريفك انتي وحرابيش احتياطية للظروف اول ما نزلتي السودان تشيلي الحرابيش الطلعتيها قبيل ديك تنغنغي بيها اول اسبوع وتاني اسبوع تجري على المغتربين تديهم الفيها النصيب وتخلصي روحك منهم من الاسبوع التالت تقلعي توب الاغتراب دا وتعيشي حياة الناس القاعدة قالوا فتة ( تختي الشير معاهم ) قالوا ماشين لفلان تتشعلقي معاهم في الحافلة مع الاخذ في الاعتبار ( تخفيض المصروفات قدر ما تقدري )
كدا اجازتك بتمشي فل الفل
لو قلتي كاني او ماني غير كدا ياكي الضحك شرطتك ودخلتي في برنامج الديون
وصدقيني زي ما قالوا الناس القبالي الله كريم والحال دايما بيمشي في السودان بدون حساب وكوار
مودتي
| |
|
|
|
|
|
|
Re: السودان ظريف (Re: مازن الجمّال)
|
Quote: من الاسبوع التالت تقلعي توب الاغتراب دا وتعيشي حياة الناس القاعدة
|
مازن دا الفلم زاتووووووووووو يابطل
دي لو انقدرت من اول يوم بعيش تمام لكن في ناس يامازن ياجروا عربات ولما الواحد يكون نازل يسلم يتخبخ بالريحة في يوم ممكن يكمل فتيل اخر ايامو الله يعينك بس
لكن فكرتك خطيرة بجد
| |
|
|
|
|
|
|
Re: السودان ظريف (Re: SHIBKA)
|
(*)
إنتي الوداك شنو هناك؟ السودان ده بلد أبوك لكن مابلدك ..!!
دي معادلة صعبة جداً .. بالمناسبة حايكون ماظريف معاك برضو .. لو عندك ملايين الدولارات من المصاريف ..
| |
|
|
|
|
|
|
|