|
Re: العمرة وجبت (Re: أيوب خليل)
|
الأصيل أيوب خليل
إن شاء الله يوم شكرك ما يجى
سأفرد لك بوست مخصوص بس خلى الأزمة دى تعدى على خير
الله يديك العافية يا أبو رهف
تحياتى
| |
|
|
|
|
|
|
Re: العمرة وجبت (Re: محمد عادل)
|
إبنى محمد عادل
بارك الله فيك يا محمد عادل فقد أثبت لى أنك فعلا إنسان سودانى أصيل وربنا يجازيك عنى كل خير والعفو والعافية لو كان فى القلب مثقال ذرة من شىء ضدنا ولكنى متأكد من أنك إنسان يحمل قلبا أبيضا نظيفا
ربنا يديك العافية وتوقع منى إيميل
عمك هشام
| |
|
|
|
|
|
|
Re: العمرة وجبت (Re: Tumadir)
|
الشقيقة تماضر أم قلبن حاضر (على قول أبوى)
طالما أنا فى ذلك القلب الكبير فيا سعدى وهناى
الله يديك العافية يا تمضورة
هشام
| |
|
|
|
|
|
|
Re: العمرة وجبت (Re: يازولyazoalيازول)
|
يا الحبيب ما تغتنم فرصة العطالة دي وتجيي الدوحة منها تفك الدبرسة شوية ومنها نحوم بيك البلد فجة فجة حتى ينجلي غبار الحوامة عن وظيفة أم ساندرا مافي زايعة في بلاد الملايو لغاية شهر مايو
لكن انا وماهيتاب بنتعلم فيك الطبيخ
عليك الله تعال
ولولا اني جاي من الإجازة مقشط كان رسلت ليك التذكرة
| |
|
|
|
|
|
|
Re: العمرة وجبت (Re: أبو ساندرا)
|
الملك أبوساندرا
والله العظيم يا ملك رغبتى الأكيدة هى العمل فى الدوحة عشان فيها الناس الحلوين الزيكم عايز أكون قريب منكم فلذلك أرجوكم يا ناس الدوحة أسعو بقصارى جهدكم معى رغم أن ناس الدوحة والله غمرونى بكثير أفضالهم على ودائما هم على إتصال بى والقدم ليهو رافع يا ابوساندرا لو ربنا قاسم لينا لقمة معاكم بناكلها
يلا دعواتكم وربنا يسهل
أخوكم هشام
| |
|
|
|
|
|
|
Re: العمرة وجبت (Re: يازولyazoalيازول)
|
Quote: أرجوكم يا ناس الدوحة أسعو بقصارى جهدكم معى |
يا هشام ( اسعو ) كده بس مابتنفع عشان البلد دي فيها سيستم وبيقومو يعاينو للسن وقدر كم سنة ممكن يستفيدو منك
لكن لمن تجيي بنفسك ويشوفك بتحصل أمور تانية برغم السيستم
مثلآ تقع في عيونهم موقع حسن لبنيتك ، مثلآ أو لإبتسامتك ( انا جادي جدآ ) او لأي سبب أخر يقدره ربنا ومرات بس تقديرآ لجيتك ممكن مايقصرو معاك خاصة في القطاع الخاص
و كل حركة فيها بركة
او بركوتا
| |
|
|
|
|
|
|
Re: العمرة وجبت (Re: أبو ساندرا)
|
الحبيب أبوساندرا وماهيتاب
تحياتى يا حبيب
خلاص والله ، أنا ساعى بحق وحقيقة ورسلت صورة الجواز للأخ هاشم الإدريسى بهدف التأشيرة وكده ، وربنا يسهل
تحياتى يا همام
هشام :)
| |
|
|
|
|
|
|
Re: العمرة وجبت (Re: يازولyazoalيازول)
|
يا زول وظيفـة شنـو؟
بلا وظيفـة معاك..
لو جيت الدوحـة حتعمل مكتب، وأضمن لك نجاحـه.
مكتب ترجمـة وخدمات أجانب.. تصوير طباعـة إنترنت... الخ.
وناس الدوحـة حيتكفلوا بكل مصاريف التأسيس، ربما الجالية بصـورة اساسيـة، على أن ترجع إستثمار الجالية ومعـه مسـاهمـة لنشاطاتهـا المختلفـة.. وأهو عمـر سعـد شـاهـد.
| |
|
|
|
|
|
|
Re: العمرة وجبت (Re: يازولyazoalيازول)
|
والله إن كلمات الشكر لا تكفيكم فأنتم يا أهل المنبر رجالا ونساء لقد كنتم أهلى وأنسى وسندى ودعمى والله لقد جاءتنى إتصالات من أماكن عديدة منهم من يعرضون علىّ مبالغ من المال لتعيننى فى مسألتى ومنهم من يعرضون علىّ وظائف ، وكان دور المرأة فى هذا المنبر عظيما ومشرفا فأختى حليمة عبدالرحمن من الرياض وأختى ناهد بشير من جدة وأختى لنا مهدى من الإمارات وأختى نجاة محمود من ماليزيا وكثير كثير من الأخوات ومن الأخوان الفرسان الرجال بحق وحقيقة فقد جعلونى فعلا أحس بنفسى وبسودانيتى وبأهلى وبأن الناس مهتمون لأمرى فزال همى وغمى وراح النكد إلى ما غير رجعة
أمامى الآن العديد من الفرص تسبب فيها الأخوان والأخوات فى هذا المنبر وأجريت العديد من المعاينات الشخصية وبات أمر العمل أقرب من حبل الوريد وسأوافيكم أخوتى وأخوانى بكل المستجدات فقد عجزت تماما وهربت عنى كل كلمات الشكر التى تليق بكم فاعتبرونى خادم لأهل هذا المنبر وأحمد الله أن جعلنى سودانيا لأرى بأم عينى كيف يكون أبناء جلدتى عند الشدة
بارك الله فيكم فردا فردا وفى أسركم وبلكم وأهلكم أجمعين
كذلك غمرنى القراء بفائض رسائلهم وتوصياتهم وإهتمامهم بأمرى حتى أصبحت أحس بأننى صغير للغاية أمام قاماتهم العالية وقد هربت كل كلمات الشكر من قاموسى
لكم وافر حبى وتقديرى يا أهلى
أخوكم
هشام شيخ الدين
| |
|
|
|
|
|
|
Re: العمرة وجبت (Re: يازولyazoalيازول)
|
<b> أخي هشام .. سلام يكفي أنك ابن معلم الأجيال الأستاذ المرحوم شيخ الدين جبرل .... يكفي أن عمك هو الرجل الهام الذي يعرفه أهل أمدر قاطبة هو الرجل العفيف جاويش الحركة المرحوم أحمد جبريل .... يكفي أنك هشام أول بوردابي دعى البورداب للتعارف في منزله ... . . .
عليك بالصبر فانه مفتاح الفرج باذن الله .. ودعواتنا بان يفرج الله كربتكم ..
خالص تحياتي </b>
| |
|
|
|
|
|
|
Re: العمرة وجبت (Re: Ridhaa)
|
الاخ العزيز هشام لك التحيه والاحترام..
عفوا لم اري هذا الخيط الا البارحه... وسعد ايما سعاده بهذا الانسان السوداني الجميل...
اخي .. علي الرغم من عدم تداخلنا مع بعض في هذا المنبر ولكن لك في القلب معزه خاصه ...
اخي لا نملك لك الا الدعاء ... فدعاء المسلم لاخيه المسلم في ظهر الغيب مستجاب .. ربي يجعل لك عيشا رغدا هنيا...
(اللهم يا مالك الملك ومالك خزائن الكون افتح لعبدك هشام ابواب رحمتك)
| |
|
|
|
|
|
|
|