الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: أيام (عبدالله الدفار)..!! (Re: كمال علي الزين)
|
سلامات يا اديبنا ود الزين
ياخي حلتكم دي ( الماعونه + محطة سبعه ) المفروض تكتب عنها كتب مش قصة واااااااااحده بس
بعد تنتهي من قصة الدفار ريح شويه كده وبعدين اكتب لينا عن مساطيل حلتكم العملو فريق كورة قدم و سمو فريقهم (كولمبيا) يا ريت تكون متذكر الفريق ده وقصة تكوين الفريق ؟
محبتي
| |
|
|
|
|
|
|
Re: أيام (عبدالله الدفار)..!! (Re: سيف اليزل جعفر عبد الرحمن)
|
Quote: بعد تنتهي من قصة الدفار ريح شويه كده وبعدين اكتب لينا عن مساطيل حلتكم العملو فريق كورة قدم و سمو فريقهم (كولمبيا) يا ريت تكون متذكر الفريق ده وقصة تكوين الفريق ؟
|
كيف يا(سيف) ودي حاجة تتنسي ؟ تيم كلو مساطيل وبدقو كفر عجيب وبلعبوا الكورة بي خيال مبدع
| |
|
|
|
|
|
|
Re: أيام (عبدالله الدفار)..!! (Re: SHIBKA)
|
Quote: المشكلة يابهاء يابان انو كمال ليلي المعيشة وانا نهارية المعيشة الحكاية بتكون صعبة في انو يجي هسة لكن انت بعد تصلي العشا تعال بتلقى جديد انشا الله
والله انتو زاتكم يومكم عكس الناس دا زاتو حيرني يعني ما عندكم فرق من كمال قطر |
والله يا(هند) صادقة , أنا محسوب على ناس أوربا واليابان وأمريكا بصحى معاهم وبنوم معاهم .. بهاء (صليت العشاء) ؟
| |
|
|
|
|
|
|
Re: أيام (عبدالله الدفار)..!! (Re: Baha Elhadi)
|
Quote: شبكة : صباحك خير
شربتي شاي الصباح؟؟ غايتو نحن اتغدينا وصلينا العصر ولسع نفوس ما عرفنا رجعت (الفلاش باك) ولا لسع؟؟ رغم اننا عارفينها الله يرحمها ماتت شبكة : نادي كمال ياخ زهجنا من المطوحة دي بهاء بتاع طوكيو أو كما قال كمال |
صديقي بهاء بتاه اليابان .. تلفونك ده محلي داخل اليابان ولا شنو ؟ كلما تتصل علي حالف يخلينا عند مرحلة السلام .. مساء الخير ياخوي .. رجعنالك ..
محبتي ..
| |
|
|
|
|
|
|
Re: أيام (عبدالله الدفار)..!! (Re: Hadeer Alzain)
|
Quote: هي يعني (شبكة) قصرت ..؟ |
عافية منها،،،، :D :D :D
Quote: إزيك يا(هالة) وملاحظاتك (مفيدة بشكل لن تتصوريه).. والتأخير سببو الملاحظات دي بالمناسبة .. |
شفتو يا جماعة، الزول كان شغال،،، ساكت ظلمتوه،،،،
كلو فى سبيل التجويد يا كمال يا خوى،،،،
طيب و النص عين دى، كان سببها شنو؟؟؟
| |
|
|
|
|
|
|
Re: عبد الله دفار (Re: كمال علي الزين)
|
(*)
(*)
سرحت (نفوس) بخيالها بينما كانت على تلك الحال , .. أحست للمرة الأولى أنها في بيتها , .. وأنها (إنسان) حقيقي , له جذور , له ماض , له عائلة تفرح لفرحه وتحزن لحزنه .. أحست بأنها الآن أقوى كثيراً مما مضى .. ومازالت على تلك الحال , حتى غفت ونامت لأول مرة دون أن تطاردها هواجس الغد , .. دون أن تخشى المستقبل .. نامت كأنها طفل رضيع , غفا تحرسه عينا أمه.. مازالت على تلك الحال , بين اليقظة والمنام .. حتى سمعت باب بيت أمها , يفتح ويصدر صوت صرير مزعج .. نهضت مفزوعة , ووجدت أمامه رجلاً أشيباً , قصير القامة .. يرتدي جلباباً بلدياً متسخاً .. تسبقه إليها رائحة خمر نفاذة ..!!
| |
|
|
|
|
|
|
Re: عبد الله دفار (Re: كمال علي الزين)
|
(*)
إنتفضت (نفوس) لرؤية العجوز المخمور أمامها هكذا فجأة , .. صرخت وركضت نحو (أمها) .. خرجت أمها من مطبخها الصغير فزعة صايحة: في شنو يا(نفيسة) مالك ؟ أجابتها (نفوس) مرتعبة: في زول , راجل عجوز سكران كده جا داخل علينا فجأة ..!! نظرت (أمها) خلفها , ورأت الرجل ثم مالبثت أن هدأت فجأة وقالت : ده عمك (عوض طلايع) يا(نفيسة) .. ثم وجهت حديثها نحوه : تعال يا(عوض) سلم على (نفيسة) بتي , جات هي وولدا من الخرطوم .. نظر إليها الرجل , وتقدم نحوها ومد يده في برود , .. ثم توجه نحو (السرير) الذي يتوسط (الحوش) , وأستلقى عليه .. وسرعان مابدأ يغط في نوم (عميق) وعلا شخيره ..!!
| |
|
|
|
|
|
|
Re: عبد الله دفار (Re: كمال علي الزين)
|
مرات بتكون شابكة معاك غنية تلقي نفسك طوالي بتردد فيها.
لي كم يوم شابكة معاي (عبدالله الدفار) ....... ده يكون من الدخاخين القايمة هنا والا شنو ؟
| |
|
|
|
|
|
|
Re: عبد الله دفار (Re: omer osman)
|
Quote: مرات بتكون شابكة معاك غنية تلقي نفسك طوالي بتردد فيها. لي كم يوم شابكة معاي (عبدالله الدفار) ....... ده يكون من الدخاخين القايمة هنا والا شنو ؟ |
عمر عثمان سلامات ياخوي .. (الدفار) بقى نجم وبغنوا ليهو كمان ؟ يمكن ما الدخاخين برضو ..
شكراً على مرورك من هنا ..
محبتي ..
| |
|
|
|
|
|
|
Re: عبد الله دفار (Re: كمال علي الزين)
|
(*)
نظرت (أم نفوس) نحو (عوض طلايع) , راقبته حتى علا شخيره , .. وعادت إلى مطبخها حيث كان (عبدالله الدفار) منصرفاً إلى إلتهام ما وضعته أمامه من (طعام) , .. لحقتها (نفوس) وهي تسأل : (عوض طلايع ) ده من (يمة) ..؟ أجابتها وهي تصب ماء وتضعه أما (الدفار) : عمك (عوض ) ده (راجلي) .. ردت (نفوس) في إستغراب : عرستيهو متين ؟ الناس الدلوني عليك في (الخرطوم) ماقالوا لي أمك عرست بعد أبوك ؟ ردت أمها : يمكن ديل من الناس الطولوا في (الخرطوم) , أنا عرستو لي خمستاشر سنة .. بعد أبوك (الله يرحمو) سرقك مني باليل وهرب بيك , قعدت أفتش عنك سنين وكنتا فاكراهو هرب بيك (للحبشة) رجع بيك لأهلو .. مافكرتا إنو ممكن يفكر يمشي الخرطوم , لأنو كان بترجاني أمشي معاهو (الحبشة) أنا أبيت .. بعديها لاقيت عمك (عوض طلايع) ده , جابوهو من الخرطوم عسكري (يتدرب) ناس (الطلايع) زمن (نميري) إشتهر هنا بإسم (طلايع) ده , وكان ظريف معاي بعديها نزل المعاش وأبى يرجع الخرطوم وعرستو وسكنتو معاي ..!!
| |
|
|
|
|
|
|
Re: عبد الله دفار (Re: كمال علي الزين)
|
(*)
كان الأستاذ / النور عثمان أبكر قد وعدني بكتابة مقدمة هذه (الرواية) وتصحيحها .. لكنه لم يفي بوعده .. ورحل سأجعل أهداءها له (مقدمة) لها .. فهي :إلى روح الأستاذ / النور عثمان أبكر ..
| |
|
|
|
|
|
|
Re: عبد الله دفار (Re: كمال علي الزين)
|
كمال : بالأمس نسيت الكلمات الصحو والصاحية ولم أنم بع وصباح أسود يلفني بفقد صحو الكلمات المنسية وتاني واحد جميل قام مات له مغفرة واسعة وحب من الله تعالى يوم يلقاه بهاء الحزين في اليابان
| |
|
|
|
|
|
|
Re: عبد الله دفار (Re: Baha Elhadi)
|
Quote: كمال : بالأمس نسيت الكلمات الصحو والصاحية ولم أنم بع وصباح أسود يلفني بفقد صحو الكلمات المنسية وتاني واحد جميل قام مات له مغفرة واسعة وحب من الله تعالى يوم يلقاه بهاء الحزين في اليابان |
| |
|
|
|
|
|
|
Re: عبد الله دفار (Re: Yassir Tayfour)
|
الحبيب كمال الزين
طلبك علي الرأس والعين
عندي لوحات كبيرة ماداخلة في الكومبيوتر
سوف احاول انزالها
وسوف اكون سعيد جدا لارسالها لك .
وبعدين خزلتني : شنو مدفوعة الاجر... ياخي حرام عليك .بس عذرتك لانك ما بتعرفني .
لك كل الحب
| |
|
|
|
|
|
|
Re: عبد الله دفار (Re: awad hassan)
|
Quote: الحبيب كمال الزين
طلبك علي الرأس والعين
عندي لوحات كبيرة ماداخلة في الكومبيوتر
سوف احاول انزالها
وسوف اكون سعيد جدا لارسالها لك .
وبعدين خزلتني : شنو مدفوعة الاجر... ياخي حرام عليك .بس عذرتك لانك ما بتعرفني .
لك كل الحب |
العزيز/ عوض .. لا عليك , فلم أقصد سوى أنني سأبطعها بغرض البيع وطالما ستباع فأعتقد أن من حقك أن يكون لك منها نصيب ..
محبتي وفي إنتظارك ..
| |
|
|
|
|
|
|
Re: عبد الله دفار (Re: Yassir Tayfour)
|
Quote: فالحة والله ياكيمو، تمشي معاهو الحبشة عشان تقعد out of business.. ___ بجيك راجع!
|
سلامات يا(طيفور) منتظر رجعتك عشان نعرف ماتحاشته برفضها ولماذا هي فلحت حين رفضت .. (أظنك عندك تجربة ) ..
محبتي ..
| |
|
|
|
|
|
|
Re: عبد الله دفار (Re: كمال علي الزين)
|
(*)
نظرت (أم نفوس) نحو (عوض طلايع) , راقبته حتى علا شخيره , .. وعادت إلى مطبخها حيث كان (عبدالله الدفار) منصرفاً إلى إلتهام ما وضعته أمامه من (طعام) , .. لحقتها (نفوس) وهي تسأل : (عوض طلايع ) ده من (يمة) ..؟ أجابتها وهي تصب ماء وتضعه أما (الدفار) : عمك (عوض ) ده (راجلي) .. ردت (نفوس) في إستغراب : عرستيهو متين ؟ الناس الدلوني عليك في (الخرطوم) ماقالوا لي أمك عرست بعد أبوك ؟ ردت أمها : يمكن ديل من الناس الطولوا في (الخرطوم) , أنا عرستو لي خمستاشر سنة .. بعد أبوك (الله يرحمو) سرقك مني باليل وهرب بيك , قعدت أفتش عنك سنين وكنتا فاكراهو هرب بيك (للحبشة) رجع بيك لأهلو .. مافكرتا إنو ممكن يفكر يمشي الخرطوم , لأنو كان بترجاني أمشي معاهو (الحبشة) أنا أبيت .. بعديها لاقيت عمك (عوض طلايع) ده , جابوهو من الخرطوم عسكري (يتدرب) ناس (الطلايع) زمن (نميري) إشتهر هنا بإسم (طلايع) ده , وكان ظريف معاي بعديها نزل المعاش وأبى يرجع الخرطوم وعرستو وسكنتو معاي ..!!
| |
|
|
|
|
|
|
Re: عبد الله دفار (Re: كمال علي الزين)
|
(*)
باتت (نفوس) ليلتها بحضن (أمها) , كأنها تحاول أن تحيا طفولتها من جديد , (أمها) حاولت تعويضها دون إعتراف بذلك , .. خرجت أمها في الصباح الباكر , علمت (نفوس) أن (أمها) تكسب عيشها من بيع بعض متعلقات (النساء) بسوق (الرنك) , .. سوق بلدي , به مجموعة من (السيدات) يفترشن الأرض , يبعن أغراضاً مختلفة , .. كل واحدة منهن تخصصت بشئ مختلف , .. (أم نفوس) تخصصت بمتعلقات (النساء) التي أيضاً تعمل على صناعتها يدوياً ببيتها , ساعدتها نفوس على ترتيبها وحملها قبل خروجها .. ثم أنفقت يومها في ترتيب بيت أمها المتواضع وتنظيفه .. كانت تتحرك بخفة , تغني وهي تعمل .. (الدفار) أنفق يومه في (نوم) عميق , من أثر السفر الطويل ورهقه .. فتحت (نفوس) أعينها صباحا ولم تجد أثراً لزوج أمها(عوض طلايع) .. خرج مبكراً جداً .. لم يسعفها الوقت حتى تسأل (أمها) عنه .. عادت (أمها) عند منتصف النهار , وقد باعت بضاعتها , .. وأشترت إحتياجات معيشتها , وبدأن في تواصل حميم يتساعدن على صنع (غداءهم) ..!!
| |
|
|
|
|
|
|
Re: عبد الله دفار (Re: كمال علي الزين)
|
(*)
هنالك بالخرطوم ... كان أصدقاءها قلقون عليها , ترى هل وجدت (أمها) , .. أم أنها قد خاب مسعاها , ..؟ (أب تسعة) و(البعيو) كان يفكران بأمرها دون أن يناقشاه سوياً , .. أنفقا أيامهما صامتين .. حتى جاء مايشغلهم عن أمرها , فقد تعرض (رمضان الحلبي) لحادث مروري ,.. وتم نقله للمستشفى .. جاءتهم (طيبة الزانداوية) باكية , أصطحباها للمستشفى , .. وجدوه وقد غطي كامل جسده بالجبس , حتى عنقه , .. كان حادثاً مريعاً , وكان هو على (موتره) .. ما أن رأته (طيبة) على تلك الحال حتى جن جنونها وصارت تولول وتصيح .. طلب أحد الأطباء من صديقيه أخذه لبيته فلا حاجة له بالبقاء فقد (جبسوا) كسوره .. أخذوه على نقالة بدائية(تجرها) ممرضتان يعاونهما (أب التسعة) و(البعيو)
و(طيبة ) تجري وراءهم ويديها على رأسه تهمس بأذنيه ..!!
(عدل بواسطة كمال علي الزين on 02-07-2009, 06:44 AM) (عدل بواسطة كمال علي الزين on 02-07-2009, 08:07 AM) (عدل بواسطة كمال علي الزين on 02-07-2009, 08:07 AM)
| |
|
|
|
|
|
|
Re: عبد الله دفار (Re: كمال علي الزين)
|
(*)
صاح (رمضان الحلبي) بوجه (طيبة) بعد أن همست بأذنه (دون أن يسمعها أحد): غوري من وشي ياولية , دة وقتو أسي ؟ (البعيو) قال وهو يلهث خلف (النقالة) : مالا (طيبة) يا(رمضان) قالت ليك شنو؟ رد (رمضان) : وهو يتحاشي أن يسمعنه (الممرضات) : (الولية) بتسأل من (الجهاز) , شافتني (مجبس) كلي مالقت حاجة تقلق عليها غيروا ..
رد (البعيو) مستوضحاً : (جهاز) شنو يا (رمضان) إنتا كنتا شايل ليك تلفزيون في الموتر ولا شنو ..؟
رد (رمضان) : إنتي جاهل ولا شنو (الجهاز) ده (البتاع ) ياخ ..
(البعيو) : ياخي الكلام بالإلغاز ده مافهمتو (بتاع ) شنو ياخي .. رد (رمضان) : يعني عاوزني أقول إسمو أسي والله (الممرضات) ديل يسمعن إسمو إلا يرموني على (خشمي) , بوريك بعدين ياخ ..
أجاب (البعيو) ويبدو أنه فهم أخيراً : بالله هي بتسأل عن (البتاع) , بالله (المرة) دي نصيحة , لكن بالجد طمنا , إنشاء الله العدة ماتكون إتضررت ؟
رد (رمضان) : ياخي إنتا مالك ومالا , (طيبة) تسأل قبلناها , إنتا مالك ؟
(البعيو): ياخي صحبك وعاوز أطمن علي مستقبلك وأغلى ما تملك ..
(رمضان) : ياخي والله تمام التمام إطمن وطمن الحلة كلها , سمح ؟
وبينما هم يخرجونه من بوابة المستشفى , تجمع حولهم نفر من المارة أدهشهم منظره وجسمه بالكامل يغطيه الجبس تقريباً وتساءل أحدهم : ياخي كفارة الزول ده مالو ؟
رد (البعيو) دون أن يتوقف محاولاً اللحاق (بالنقالة) : ده أخونا (رمضان الحلبي) حرامي خرفان , كان بحاول يسرق خروف بالموتر عمل حادث و..
قاطعه (رمضان) وهو يرفع رأسه وينظر نحوهم: الله يلعنك يا(البعيو) فضحتني , .. ثم حاول أن يجعل صوته أعلى حتى يسمعه (المارة) : أنا ما(حرامي) الزول ده كضاب , أنا ماحرامي أنا (محتال) بس .. خليت السرقة زمان ...!!
| |
|
|
|
|
|
|
Re: عبد الله دفار (Re: كمال علي الزين)
|
Quote: يرد (البعيو) بعد أن يترك سجارة (البنقو) التي أعياه العمل على لفها : أها يا حاج فلسفة , التربية يعني شنو ؟ وإنتا ربوك كيف , عشان تساعدنا على الفهم أضرب لينا مثل بي (ماما) و(بابا) كانو بعاملوك كيف؟ |
Quote: (البعيو) وبعد أن سيطرت عليه (نشوة) البانقو , صار أكثر تعاوناً وإستماعاً , وقام بلف سجارة أخرى لصديقه وأشعلها له قائلاً : هاك يا(بروف) أديها وأشجينا والله إنتا خسارة فينا ..
|
Quote: لقيت نفسي في شارع كلو (كيزان) , إضطريت أكتب على بابي (منزل أحرار) .. وضحكا حتى أدمعت أعينهما .. |
Quote: يعبرونه دون تحية , يتوجهعون نحو (بيتها) .. ثم يعودون لتحيته كأنهم يرونه للمرة الأولى .. |
Quote: رد عليها صوت (حسن البعيو) : حرامي شنو يا سجمانة , خلاص يا (ماما جليلة) *, عمارتك أقفليها كويس تاني , .. والله الحرامي الليقصد خرابتك دي إلا يكون مشتهي ليهو دقة ساي ..!!
|
Quote: قاطعها (البعيو) : سمعة شنو يا (بت السيد علي) .. إنتي منو الما بات معاك , إنتي أقل حاجة عندك (تمنية صلايب إيدز) , . بعدين إنا ستمية مرة قلتا ليك إنتي أصلاً ما (التيب) بتاعي ..
|
كنت احرص علي طقس نفسي معين حال حدوثه ادلف لبوستاتك يا (الزين) وقد اعيد قراتها من الاول لكن (بصوره مختلفه) تتماشي مع طقسي النفسي لم ابلغ ربع البوست في صفحته الاولي وها انا تشافيت شكرا عميقا يا حبيب (بدون تعليق طبعا)
| |
|
|
|
|
|
|
Re: عبد الله دفار (Re: naeem ali)
|
Quote: كنت احرص علي طقس نفسي معين حال حدوثه ادلف لبوستاتك يا (الزين) وقد اعيد قراتها من الاول لكن (بصوره مختلفه) تتماشي مع طقسي النفسي لم ابلغ ربع البوست في صفحته الاولي وها انا تشافيت شكرا عميقا يا حبيب (بدون تعليق طبعا) |
القلوب عند بعضيها ياصاحبي
محبتي
| |
|
|
|
|
|
|
Re: عبد الله دفار (Re: naeem ali)
|
Quote: عاطر الحب (او كما تقول) يا حبيب |
اتعلم ياصاحبي ؟ مضى زمان دون ازيل ما اكتب بهذه العبارة اظنها ضاعت بين ما ازكم الانوف
عاطر الحب يانعيم
| |
|
|
|
|
|
|
Re: عبد الله دفار (Re: naeem ali)
|
Quote: شايفك وصيت راني علي البتاعات ما (تكملا) علينا خليه يجيب لينا منها بتاع بتاعين (شويه) يا بلال عليا
عاطر الحب (برضو) |
(راني مابوصوهو) (بس ناس كندا اللي يفكوهو)
علم بنشيل بتاعك على (جنب)
عاطره ياصديقي ..
| |
|
|
|
|
|
|
Re: عبد الله دفار (Re: كمال علي الزين)
|
(*)
كانت (نفوس), .. تكاد تطير فرحاً , وقضت نهارها تحكي لأمها وتسمع منها .. كانتا متشابهتين , حياتهما أيضاً كانت متشابهة , .. (أم نفوس) أرادت أن تعرف عنها كل شئ , في بضعة ساعات , .. رحلة من العذاب والفرح والحزن والألم والمعاناة , إمتدت لسنوات , أرادت أن تعرفها كلها في زمن وجيز , .. حكت (نفوس) لأمها كل شئ , .. كانت تحكي مايفرح وهي تضحك .. وتحكي مايحزن وهي تبكي .. تتألم أمها لألمها الذي كان وتحتضنها في حنان وحزن .. وتفرح لفرحها الذي كان وتحتضنها وتتبسم وتضحك .. مرت بهما ساعات طوال وهما على تلك الحال ,.. (الدفار) كان يمارس هوايته في الأكل أو البحث عن مايؤكل .. سألهما متعجباً : دي أمك كيف يا(نفوس) ؟ أجابته : أمي كده زي ما أنا أمك كده؟ رد (الدفار ) : لكن إنتي كنتي بتأكليني من ولدتيني لحدي أسي ..!! إنتي أمك دي كانت بتأكلك برضو ؟
(عدل بواسطة كمال علي الزين on 02-08-2009, 00:01 AM)
| |
|
|
|
|
|
|
Re: عبد الله دفار (Re: كمال علي الزين)
|
Quote: (*)
كان الأستاذ / النور عثمان أبكر قد وعدني بكتابة مقدمة هذه (الرواية) وتصحيحها .. لكنه لم يفي بوعده .. ورحل سأجعل أهداءها له (مقدمة) لها .. فهي :إلى روح الأستاذ / النور عثمان أبكر .. |
| |
|
|
|
|
|
|
Re: عبد الله دفار (Re: كمال علي الزين)
|
(*)
غابت شمس ذلك اليوم , و(نفوس) وأمها وإبنها (عبدالله الدفار) .. يتجاذبون أحاديثاً مختلفة , عاشوا يوماً كأسرة واحدة , (نفوس) أحست بالأمان للمرة الأولى , الأمان الذي كان يجده (عبدالله الدفار) دائماً في حماها , وحرمت هي منه مبكراً .. تواصل يومهم هكذا حتى أنتصف الليل , وناموا على أسرة كانت مبعثرة بالحوش الصغير , .. جاء بعدها (عوض طلايع) , .. وجد (الدفار) قد نام على سريره , لم يتواني عن حمله ووضعه على الأرض , كان مخموراً كالعادة إستيقظت (أم نفوس) .. وجدت (الدفار) على الأرض يغط في نوم عميق .. إقتربت من (عوض طلايع) وهزته وهي تهمس في غضب .. إستيقظ ونظر بوجهها دون إكتراث .. أشارات إليه بأن يلحق بها إلى الغرفة ... ثم توجهت نحوها دون أن تلتفت له .. نهض متثاقلا .. وتبعها ..!!
(عدل بواسطة كمال علي الزين on 02-09-2009, 08:32 AM)
| |
|
|
|
|
|
|
Re: عبد الله دفار (Re: كمال علي الزين)
|
(*)
دخلت الغرفة وأستدارت و(غزت كوعها) , يبدو أن (نفوس) ورثت (غزة الكوع) الشهيرة من (أمها) , إنتظرته حتى دخل خلفها وصاحت بوجهه : إنتا ياراجل عاوز تحرجني مع (بتي) وولدها..؟ كل يوم جاي بالحالة دي وآخرتا كمان تشيل ولد بتي ترميهو في الواطة؟ أسمع يا(عوض طلايع) أنا إستحملتك سنين , قلتا ماعندو زول في الدنيا غيري .. وكبر وعيب أرميهو بعد السنين دي , لكن لحدي بتي ولدها أصلوا مابسمح ليك ..
تثاءب (عوض طلايع) وفاحت من فمه رائحة خمر نفاذة : أسي يا(ولية) مصحياني بالليل ده عشان تقولي لي بتي وولد بتي ..؟ عرفت من متين ؟ إنتي فاكرة عشان إتلاقيتو أسي وبكيتو حاتبقوا أم وبتها ؟ ياشيخة , إنتو مافي بينكم إلا وهم (ماضي ) قديم وعقدة ذنب.. بعدين هم حايقعدوا هنا لمتين ؟
ردت (أم نفوس) : أسمع يا(طلايع) دي بتي وده بيت (امها) تقعد زي ماتقعد ؟
أجابها : خلاص يا حنينة إنتي , بتك دي أربعين سنة ماشفتيها ولا سألت منها , .. جاي أسي تعملي الأم المثالية ..؟ أطلعي من الدور ده بالله ..
(أم نفوس) : أنا ماكنتا عارفة ليها طريق , لو كنتا عارفة ليها طريق كنتا فتشتها وكنتا عصرتها علي وربيتها , لكن أبوها الله يسامحه , حرمني منها وحرمها مني ..
أجابها وهو يستدير عائداً إلى مرقده: يا(ولية) ما تكذبي الكذبة وتصدقيها , إنتي لو كنتي عاوزة تلقيها كان لقيتيها , لكن إنتي ماصدقتي إنك بقيتي حرة ومافي شفع وراك , أسي الكبر دخل وبقيت تعرفي قيمة الجنا خلي (البت) تسوق ولدها وتمشي تعيش حياتها زي ماكانت عايشة , ماتبوظي ليها حياتها وماتخليها تبوظ حياتنا , أنا وإنتي قدرنا نعيش مع بعض كده لحدي ماواحد فينا يدفن التاني وهي قدرها إنها تعيش على حلم الأم المثالية اللي لو كان لقتها من زمان كان حياتها إتغيرت ..
أكمل جملته وتوجه نحو مرقده في تثاقل , ..
(نفوس) سمعت ذلك الحوار , .. وأغرورقت عيناها بالدموع .. وسهرت تبكي حتى الصباح ..!!
(عدل بواسطة كمال علي الزين on 02-09-2009, 12:06 PM)
| |
|
|
|
|
|
|
Re: عبد الله دفار (Re: كمال علي الزين)
|
(*)
كان(مالك الحبشي) قد وفد حديثاً إلى (الرنك) , .. عمل بمخبز (الرنك) البلدي , كان أعجمي اللسان , يتحدث العربية بركاكة على طريقة (الأحباش) الفكهة , ولكنه لم يكن أمراً شاذاً أو غريباً .. فاهل (الرنك) من (الشلك) كان بعضهم يتحدث لغة أهل الشمال وبعضهم يتحدثها أيضاً باللهجة التي نسميها (عربي جوبا) .. كان قصيراً مربوعاً أسمراً (قمحياً) , أي أنه يميل قليلاً إلى (البياض) .. قابلها للمرة الأولى حين كانت تأتي لشراء (الخبز) , .. كانت طويلة سمراء اللون , ضخمة الجثة , لكنها كانت جميلة ومعجبة بنفسها , .. شعرها (ممشط على الطريقة البلدية) طوال الوقت.. تلبس ثوب أهل الشمال , .. أعجب بها وحاول التقرب إليها , حذره زملاءه بالعمل , من أن سمعتها ليست جيدة .. سأل عنها أهل الحي .. لم يعرف لها أصلا سوى أن أباها وأمها كانا من أهل المنطقة ,.. وتوفيا وتركاها صغيرة , عاشت بكنف جدتها حتى ماتت , وبعدها كفلت نفسها ولم يعرف لها أحداً أهلاً غير جدتها , تركت لها جدتها بيتاً متواضعاً , .. عملت بمهن كثيرة حتى تعول نفسها , .. لكنها أخيراً , إمتهنت بيع (الخمور) و(البانقو) و(الدعارة) أحياناً .. كانت تبيع جسدها للجنود , فقد كان أغلبهم من الشمال وكانوا بعيدين عن أزواجهم وأهلهم ..!!
(عدل بواسطة كمال علي الزين on 02-10-2009, 12:40 PM)
| |
|
|
|
|
|
|
Re: عبد الله دفار (Re: كمال علي الزين)
|
(*)
أحبها (مالك الحبشي) .. لكنه كان (طيباً) حنوناً ولم يكن يردها كما أرادها الآخرون ,.. زعم أنه لو تزوجها سينصلح حالها وستتغير , صارحها بحبه وسخرت منه .. ظل صابراً عليها لسنوات , لم يكف عن حبها , .. حتى جاءته يوماً , بعد أن خرجت من السجن عقب القبض عليها ومحاكمتها بتهمة ترويج (البانقو) كان ساهراً بالمخبز يعمل حتى منتصف الليل , جاءته وفاجأته بالسؤال: إنتا لسا عاوز تعرسني يا(مالك) ؟ أحابها : أيوة .. ردت : خلاص أنا موافقة .. أجابها فرحاً : طيب كويس , بس أنا عندي شرط .. فجأة تغير مزاجها وصاحت بوجهه: كمان إنتا بتتشرط على يا(حبشي) والله ده الفضل كمان .. وأرادت أن تمضي , لكنه هدأ من روعها وقال : أسمعي شرطي الأول بعدين أزعلي .. توقفت وصمتت كأنها تقول له : (هات ماعندك) .. قال (مالك) وهو يفرق (عجين) الخبز الذي علق بيديه , دون أن يرفع رأسه لمواجهتها : شرطي الوحيد , إنك تقعدي في البيت وماتشتغلي تاني وأنا مستعد أصرف عليك , وما أحوجك لي حاجة , قلتي شتو؟ قالت وقد هدأت قليلاً: هو أنا لاقية يا(مالك) أنا حياتي كلها شقاوة وعمري مالقيت زول أعتمد عليهو أنا موافقة ..!!
| |
|
|
|
|
|
|
Re: عبد الله دفار (Re: naeem ali)
|
Quote: (الويسكي) حرام لأنو شراب (الكفار) .. |
تعرف حماعة عزابة كانو ساكنين ومعاهم خواجة بمشوا يجيبو ابو حمار من سلوى قعوى ويضربو وصاحبك الخواجة واقع اليرد ليبل اها يوم اقنعوه يجرب ابو حمار , ضرب منو كاس عجبو تانى يوم مشلى قبلهم حاب حصتو اول ما جوها العزاة قالت ليهم ياجودو الليلة الخواجة اسلم محبتى
| |
|
|
|
|
|
|
Re: عبد الله دفار (Re: عبدالله الامين صالح)
|
Quote: تعرف حماعة عزابة كانو ساكنين ومعاهم خواجة بمشوا يجيبو ابو حمار من سلوى قعوى ويضربو وصاحبك الخواجة واقع اليرد ليبل اها يوم اقنعوه يجرب ابو حمار , ضرب منو كاس عجبو تانى يوم مشلى قبلهم حاب حصتو اول ما جوها العزاة قالت ليهم ياجودو الليلة الخواجة اسلم محبتى |
أوعا بس يكون شربهم (ويسكي) عشان ما يطبق عليهم الحد كمرتدين؟
ليك وحشة يا(عبدالله) ..
محبتي ..
| |
|
|
|
|
|
|
Re: عبد الله دفار (Re: عبدالله الامين صالح)
|
Quote: تعرف حماعة عزابة كانو ساكنين ومعاهم خواجة بمشوا يجيبو ابو حمار من سلوى قعوى ويضربو وصاحبك الخواجة واقع اليرد ليبل اها يوم اقنعوه يجرب ابو حمار , ضرب منو كاس عجبو تانى يوم مشلى قبلهم حاب حصتو اول ما جوها العزاة قالت ليهم ياجودو الليلة الخواجة اسلم محبتى |
| |
|
|
|
|
|
|
Re: عبد الله دفار (Re: كمال علي الزين)
|
كمال يا يا أخوي عندي سؤال محرق روحي
إنت القصة دي حقيقية ولا رواية من بنات أفكارك؟ عشان في حاجات كدا ملخبتة علي _(وش مبتسم)_
وبرضو ما زلنا متابعين عن قرب ..
| |
|
|
|
|
|
|
Re: عبد الله دفار (Re: كمال علي الزين)
|
(*)
كانت تجلس تحت (شمس النهار) الحارقة , فقد كان (السوق) في العراء أو فلنقل كان السوق محض (عراء)لا شئ يقي النساء شمس النهار , كن يتفرقن عند إشتعال الأرض من تحتهن , .. جمعت أغراضها دون أن تبيع شيئاً يذكر على غير عادتها , .. عادت لبيتها وهي تفكر فيما آل إليه حالها بعد سنوات طويلة .. الآن كبرت وكبرت أبنتها بعيداً عنها , لكنها عادت لتذكرها بما مضى , .. عادت وفي ذهنها أن تفعل الكثير من أجل (نفوس) .. وإبنها (الدفار) , عزمت على أن تحتضنها وأبنها وأن تعمل على تعويضها وإسعادها .. دفعت الباب وهي تنادي : (نفوس ) أنا جيت يا(بتي) , .. (عبدالله) حبوبتك جات , تعال ياولدي شوف أنا جبتا ليك شنو .. ولكنها لم تجد رداً , .. تنقلت ببيتها الصغير بحثاً عنهما , ولم تجد لهما أثراً .. كانت هذه هي المرة الأخيرة التي رأت فيها (نفوس) .. جلست على طرف سريرها تبكي , فقد وجدت أن متاع (نفوس) و(الدفار) أيضاً لم يكن له أثر .. عرفت أن (نفوس) أخذت إبنها .. وغادرت ..!!
(عدل بواسطة كمال علي الزين on 02-12-2009, 09:12 AM)
| |
|
|
|
|
|
|
Re: عبد الله دفار (Re: كمال علي الزين)
|
(*)
عادت (أم نفوس) إلى حياتها الطبيعية , .. ولم تلبث أن نسيت (نفوس) و(أبنها) وأنستها الحياة وشغلتها مشاغلها .. بعد رحيل (نفوس) ودفنها وتولي (أب تسعة) و(البعيو) أمر تربية إبنها (الدفار) سافر (البعيو) للبحث عن أمها بالرنك , .. ظناً منه أن (أمها) من حقها أن تعلم بأمر وفاة أبنتها , .. وصل (البعيو) إلى الرنك , وسأل عنها وفوجأ بخبر وفاتها هي أيضاً .. لم يدهشه أمر وفاتها , بقدر ما أدهشه توقيت الوفاة , .. يومها , وساعتها .. وأزهله الأمر فقد كان من معجزات طالما آمن بها (البعيو) .. أخبره زوجها (طلايع) بنبأ وفاتها .. وتحدثا طويلاً عن (نفوس) و(أمها) , ولما سأله (البعيو) : والحاجة بالله إتوفت متين ؟ أدهشه رد (طلايع) .. وأسقط في يده من هول المفاجأة ..!!
| |
|
|
|
|
|
|
Re: عبد الله دفار (Re: SHIBKA)
|
كمال يا زين وكما قالت أحلام مستغانمي: المبدع يرد على كل فاجعة بكتاب .. وليس بمعارك
عشان كدا خليك هنا وبلاش تفارق
وبرضو تجدنا لسه متابعين ..
| |
|
|
|
|
|
|
Re: عبد الله دفار (Re: Hadeer Alzain)
|
Quote: وكما قالت أحلام مستغانمي: المبدع يرد على كل فاجعة بكتاب .. وليس بمعارك عشان كدا خليك هنا وبلاش تفارق وبرضو تجدنا لسه متابعين .. |
كلام زي الدهب ياهدير
نواصل
| |
|
|
|
|
|
|
Re: عبد الله دفار (Re: كمال علي الزين)
|
(*)
إلتئم شملهم مساءً .. هم كل ماتركته (نفوس) بعد رحيلها من ميراث .. (البعيو) و(الدفار) و(أب تسعة) .. وأنضم إليهم (طلايع) زوج أمها , الوافد الجديد , كانوا قد بدأؤا التهيأ لولوج عوالمهم الخاصة , .. (البعيو) بدأ بلف (البانقو) وتحويله من بذور وأوراق إلى (سيجار) , .. (أب تسعة) جلس أمام (طلايع) وبدأ (طلايع) في صب كأسات صغيرة من (العرقي) .. إتكأ (طلايع) وحمل كأسه بين يديه وتأمل السماء ثم قطع صمتهم قائلاً : ياجماعة أنا عاوز أقول كلام بس ماتفهموني غلط .. لم يجبه أحد , لكنه لم ينتظر إذناً حتى يواصل : أنا ياجماعة زول بحب النسوان , والمرة (أم نفوس) ماتت وكنت يعلم الله بريدا شديد.. لكن أسي في بلدكم دي عاوز أسعاي لي (مرة ), بالحلال بالحرام المهم مرة .. فرغ (البعيو) من لف (سيجاره) ووضعه جانباً وقال : إنتا أظنك يا(طلايع) من ناس (الحب العذري ) أعوذ بالله منكم .. رد (طلايع) : حب عذري كيفن ؟ قال (البعيو) : يعني الحب داك , الكلو قلة أدب , ياخي خليك زول قلبك رهيف وبطل الحب العذري ده .. حب ليك واحدة جد جد كده ,حب عفيف وشريف .. ضحك (أب تسعة) وقال : بالله ياسجمان ده ياهو فهمك للحب العذري .. رد البعيو : أيوة سمعتا عنو كتير , ..!!
(عدل بواسطة كمال علي الزين on 02-16-2009, 10:31 AM)
| |
|
|
|
|
|
|
Re: عبد الله دفار (Re: SHIBKA)
|
Quote: ياكمال جماعتك ديل وصفوا الحب العذري وصف الحب العذري زاتو يتبرا منو... |
كلو زول بعرف الحاجات حسب (معجمو)
كيفك إنتي ؟
| |
|
|
|
|
|
|
Re: عبد الله دفار (Re: كمال علي الزين)
|
(*)
بدأ (أب تسعة) لعب دور (المثقف) الأوحد , وبدأ في إذلال صاحبه (البعيو) , عبر شرحه ماهية (الحب العذري) , إستمر في ممارسة دوره المعتاد وظل (طلايع) صامتاً يكتفي بالإستماع والمتابعة , وما أن أكمل (أب تسعة) حديثه حتى نظر إلى (طلايع) كأنه (مصارع) ضخم ينظر إلى وجوه (الجمهور) مستعرضاً قوته بعد أن جندل خصمه : بالله عليك الله يا(طلايع) ياخوي أنا مش ممكون وصابر ؟ عايش مع الجاهل ده وبعلم فيهو العمر كلو ومابتعلم ؟ رد (طلايع) : دور المثقف الحقيقي إنو ينشر الوعي ويجب إنو يعلم إنو دور (طليعي) لأنو إنتشار الجهل والأمية ما عيب (شخصي) بقدر ماهو عيب (مجتمعي) وأزمة دولة بتتعامل مع (التعليم) على إنو أداة لتهيئة الناس لكسب عيشهم , عشان كده مابتخرج من الجامعات (مثقف) حقيقي وإنما حفظة (كلمات وأرقام) لأجل كسب الرزق .. صمت (أب تسعة) وعلت وجهه دهشة , كمن رأي شبحاً .. قام البعيو من جلسته وحاول حمل (طلايع)رفعه عن الأرض ,كانت هذه طريقته في الإحتفاء وهو يصيح : أمك جاك السم القدر عشاك , عمك (طلايع) أداك (عشرة _صفر) ..!! والله يخربك مافهمتا حاجة , طلعتا بهيمة زيك زيي .. أها رد ليهو ده قال ليك : دور (طليعي) وما إنتبهتا من زمان إنو هو إسمو (عوض طلايع) يعني سيد الشفلة زاتا ياخي إنتا وينك من زمان يا(طلايع) تسكت لينا (الموهوم) ده ..!!
(عدل بواسطة كمال علي الزين on 02-16-2009, 01:20 PM)
| |
|
|
|
|
|
|
Re: عبد الله دفار (Re: كمال علي الزين)
|
Quote: دور (طليعي) وما إنتبهتا من زمان إنو هو إسمو (عوض طلايع) يعني سيد الشفلة زاتا |
طلايع طلع ود سنتر قلبها كمال عليك الله واصل ما تدينا بالقطارة
| |
|
|
|
|
|
|
|