|
قناة النيل الازرق ...جاتكم بدون تشفير
|
عقدت قناة النيل الازرق الاحد الماضى بالقولدن قيت مؤتمراً صحفياً بمناسبة فك تشفير القناة.. حيث أعلن الأستاذ حسن فضل المولى مدير القناة انه سيتم فك التشفير في الثامن من مارس القادم.. وذكر فضل المولى أن من أسباب فك التشفير هو ان عائد الإعلان والدعاية اضعاف عائد التشفير، اضافة إلى أن هناك عدد من المعلنين طالبوا بفك التشفير.. وكذلك المشاهدة العالية للقناة داخل العاصمة وطلب أهل الولايات لمتابعتها كانت من الاسباب القوية ايضاً على أقدامنا لهذه الخطوة. وأمن حسن على حرصهم لضرورة المحافظة على روح القناة المتمثلة في التنوع والتشويق والجاذبية مع مراعاة الابعاد الجاذبة.. وستحرص القناة ايضاً على توسيع قاعدة المشاهدة وزيادة ساعات البث التي ستبدأ منذ العاشرة صباحاً كما انه ستتم اتاحة فرصة للوجوه الشابة .وقال المدير اهم ما يميز قناة النيل الازرق كادرها المتميز الخلاق والمبدع الذين حرصت على تدريبهم جيداً وقد تعرضت القناة لذهاب البعض إلى قنوات أخرى وهذا سوق فلا اعتراض لدينا.وتحدث عن برنامج نجوم الغد وهو من البرامج التي يعتزون بها والآن بصدد دراسة لتكون مدرسة بذاتها.وتسعى القناة ايضاً للتجديد في برامج المنوعات والرياضة والاجتماعية.هذا وقد تحدث ايضاً الاستاذ الشفيع عبدالعزيز مدير البرامج عن الخطة البرامجية التي ستصاحب الفترة القادمة.وحضر المؤتمر الصحفي عدد من كادر القناة والاعلاميين.
_____________________
جريدة الوطن
|
|
|
|
|
|
|
|
Re: قناة النيل الازرق ...جاتكم بدون تشفير (Re: ناهد بشير الطيب)
|
كانت القناة (قبل اليوم ) تبث برامجها عبر مساحة بث صغيرة وقد جودت برامجها الان ستذيد هذه المساحة وستبث برامجها منذ الساعة العاشرة صباحا وحتى الثالثة من فجر اليوم التالى ... ... اتمنى لها ان تكون بنفس الجودة ...ونفس الجمال ....ونفس الالق ...
| |
|
|
|
|
|
|
Re: قناة النيل الازرق ...جاتكم بدون تشفير (Re: عمر الفاروق)
|
Quote: والله يا ناهد البورد مع البورد الكان قايم كلللو ختان مرأة ده اتلخبت علينا الاختساس !!!! يعني اسة النيل الازرق دي حا يختنوها ؟ وعلى حسب ما ارودت اختنا حليمة فانتي تتحدثي عن النوع الرابع >> ولا انتو بتتكلموا عن شنو ؟ |
هى خطوة جميلة ان تهرع قناة النيل الازرق لفك التشفير...
_____________________
وياعمر....
كل السلام ...
| |
|
|
|
|
|
|
Re: قناة النيل الازرق ...جاتكم بدون تشفير (Re: عبد الدائم سيد أحمد)
|
Quote: هدية جميلة لكل المشاهدين يعنى نتوقع نشوفك كتير واقترح لسهرة بعد فك التشفير مع بورداب جده
|
انشاءالله وبرنامجى احلام مسافرة سيكون قريبا جدا منكم ...ولى حلقة خاصة مع بورداب جدة احتفالا بفك التشير وراى المشاهدين فيها .....(خليك قريب)
Quote: صورة البروفايل دى مالا 24 بوصة |
وحااحاول اصغر الصورة ( اذا عرفت )ياعبدالدائم
شكرا ....
| |
|
|
|
|
|
|
Re: قناة النيل الازرق ...جاتكم بدون تشفير (Re: tmbis)
|
Quote: خبر جميل يا ناهد .. يادوبك كدا الواحد يمشي يشتري ليهو تلفزيون |
وبالمرة ياعلاء رجع كرت اشتراك باقة الاوائل....
سيكون هناك برنامج او مدخل يومى عن الرياضة ومتنوع سيأتى ...بكل اندية الدورى الممتاز ...وكأس العرب ... وستكون الكرة منقولة على الهواء ...وبعضها مسجل ... وهذا يعتبر من صميم اهتمام القناة بالقاعدة الرياضية العريضة ...
_____________
بالله التلفزيون بلازما ....كوره وكده ...
| |
|
|
|
|
|
|
Re: قناة النيل الازرق ...جاتكم بدون تشفير (Re: SHIBKA)
|
Quote: كل سنة وانتي طيبة ..
وشكرا للاخبار الحلوة ..
قناة راقية جدا .. |
وانتى طيبة ياانعام ..... وكما قال الاستاذ الشفيع سوف تعاد كل السهرات السابقة .... وسوف يعود برنامج طرب الليالى وسبيث من على خشبة المسرح القومى شهريا ...وايضا برنامج نجوم الغد للاستاذ بابكر صديق ...
| |
|
|
|
|
|
|
Re: قناة النيل الازرق ...جاتكم بدون تشفير (Re: SHIBKA)
|
Quote: كل سنة وانتي طيبة ..
وشكرا للاخبار الحلوة ..
قناة راقية جدا .. |
وانتى طيبة ياانعام ..... وكما قال الاستاذ الشفيع سوف تعاد كل السهرات السابقة .... وسوف يعود برنامج طرب الليالى وسبيث من على خشبة المسرح القومى شهريا ...وايضا برنامج نجوم الغد للاستاذ بابكر صديق ...
| |
|
|
|
|
|
|
Re: قناة النيل الازرق ...جاتكم بدون تشفير (Re: SHIBKA)
|
Quote: ياناهد يعني امشي اقلع قروشي من ناس الاي ار تي؟؟؟؟ |
شبكة ....
اديك فكرة ... انتى اتفرجى القناة لسه بالتشفير خليك من التردد الجديد ... والافقى والكلام ده لمن كرتك يخلص ...بعدين قبلى شوفى (التردد والاستقطاب والافقى وين )
شبكة ....ماتترددى ....
| |
|
|
|
|
|
|
Re: قناة النيل الازرق ...جاتكم بدون تشفير (Re: بشير حسـن بشـير)
|
كتر خيرك يابت بشير الطيب على الخبر السار
--- بالمناسبة دي أحكي ليك دي
الأستاذ / حسن فضل المولى مشترط على لجنة الأختيار، ما تختار إي واحد/ة شين نهوهاااااائي .. المهم في يوم تقدم واحد صوتو مبالغة، مقبول 100%، وفي نهاية المقابلة قام الأستاذ محمدية ( عضو من أعضاء لجنة الاختيار ) ضرب باطن يديو اليسار بطرف اصابعو اليمين وقال : اللـــه لكن حسن فضل المولى
تحياتي عبر الاثير ( بوستكم دا ) للأستاذ / بابكر صديق الرائع مكتشف المبدعيين من بلاااااادي. ( اهــــا يا بلد) دي خارج الموضوع معليش ..
وللأستاذ / بابكر صديق بصمات واضحة .. حيث اكتشف في منتصف السبعينات وهو في تلفزيون الجزيرة المعطى، قامة يشار لها بالبنان الآن في مجال الموسيقى .. وستحدث عن هذا الموضوع لاحقاً
وكتر خيرك تاني ... عشان فزعتي اخونا هشام يازول يا زول
| |
|
|
|
|
|
|
Re: قناة النيل الازرق ...جاتكم بدون تشفير (Re: خال فاطمة)
|
Quote: وللأستاذ / بابكر صديق بصمات واضحة .. حيث اكتشف في منتصف السبعينات وهو في تلفزيون الجزيرة المعطى، قامة يشار لها بالبنان الآن في مجال الموسيقى .. وستحدث عن هذا الموضوع لاحقاً
وكتر خيرك تاني ... عشان فزعتي اخونا هشام يازول يا زول
|
وكل تقدير للزميل واخو الاخوان الاستاذ بابكر صديق ... وابنه مخرج الروائع لؤى بابكر صديق ...
____________
...وماالتوفيق الا من عند الله .. شكرا.....
| |
|
|
|
|
|
|
Re: قناة النيل الازرق ...جاتكم بدون تشفير (Re: ناهد بشير الطيب)
|
Quote: انشاءالله وبرنامجى احلام مسافرة سيكون قريبا جدا منكم ...ولى حلقة خاصة مع بورداب جدة احتفالا بفك التشير وراى المشاهدين فيها .....(خليك قريب) |
وما تنسي تجينا في الرياض لانو القنوات الاخرى عاملة هيصة هنا وما بنشوفهم يا ريت قناة النيل تجي تحل لينا الغبن الحاصل لينا من القنوات السودانية الشغالة هنا لناس معينين
وكان كدا ناس الأيه آر تي ما دقسو والله القنوات الرياضية دي بقت ما بتجيب همها خاصة بعد امتلاك الجزيرة الرياضية اجمل الدوريات الاوربية واغلب الدول الافريقية تعبانة في البث الارضي مما حرمنا من المباريات التي تمت دون نقل تلفزيوني اذا لا فائدة مرجو من آيه آر تي.
تعالوا لينا يا قناة النيل يا ملولوين دون تشفير فك الله شفراتكم
| |
|
|
|
|
|
|
Re: قناة النيل الازرق ...جاتكم بدون تشفير (Re: عبدالكريم أحمد الامين)
|
Quote: وبالمرة ياعلاء رجع كرت اشتراك باقة الاوائل....
_____________
بالله التلفزيون بلازما ....كوره وكده ... |
يا ناهد الكرت من آخـر مباراة للهلال في الدورة الافريقية بتاعت المرة الفاتت وبعدما الاشتراك انتهى بطنا طمت منو .. بقينا شغالين قبل فترة أنا ومعتصم بي ريسيفر بي كيبول بتاع دي اس إل .. غايتو حاليا ماشي على التلفزيون البلازمــا .. علشان عايز اعلقو في الحيطة بعيد مني .. محسوبك من النوعية البتكسر التلفزيونات مع اي هدف من الفريق الخصم .. ولو ما تكسر التلفزيون بي اخوي واخوك .. بيترمي بالشباك وننط بي وراهـو..
كنـا منتظرنك في احتفال الصحفيين .. عرفت خبرك متأخر خالص انك ما جاية .. خيره في غيره نشوفك في النيل الأزرق
| |
|
|
|
|
|
|
Re: قناة النيل الازرق ...جاتكم بدون تشفير (Re: tmbis)
|
Quote: يا ناهد الكرت من آخـر مباراة للهلال في الدورة الافريقية بتاعت المرة الفاتت وبعدما الاشتراك انتهى بطنا طمت منو .. بقينا شغالين قبل فترة أنا ومعتصم بي ريسيفر بي كيبول بتاع دي اس إل .. غايتو حاليا ماشي على التلفزيون البلازمــا .. علشان عايز اعلقو في الحيطة بعيد مني .. محسوبك من النوعية البتكسر التلفزيونات مع اي هدف من الفريق الخصم .. ولو ما تكسر التلفزيون بي اخوي واخوك .. بيترمي بالشباك وننط بي وراهـو..
كنـا منتظرنك في احتفال الصحفيين .. عرفت خبرك متأخر خالص انك ما جاية .. خيره في غيره نشوفك في النيل الأزرق |
ولله لغاية اخر لحظة كان مفروض اجى الاحتفال الرائع لجمعية الصحفيين ولكن حالت ظروف قهرية خلتنى مااقدر اتحرك ....والاحتفال كان اكثر من رائع ومبروك لنجاحه .....وكان فعلا نفسى الاقيكم هناك .....
| |
|
|
|
|
|
|
Re: قناة النيل الازرق ...جاتكم بدون تشفير (Re: عبدالكريم أحمد الامين)
|
Quote: بت بشير الطيب الفكا تشفير قناتكم ,, يفك تهكير سودانيزونلاين الذى أصبح اسبوعياً وقدا جيبنا كل تهكيره بكومبيتر جديد ** خليك عي النيل الازرق حاجه ماتخلص |
وكل تهكيرة فيها خيرة ياابو محمد فؤاد ....ولاشنو اهوهسى عندك كمبيوتر جديد ..( يقدل ) امامك بكل خفة ... لايحمل هكرا فى نفسه ...
وشكرا
| |
|
|
|
|
|
|
Re: قناة النيل الازرق ...جاتكم بدون تشفير (Re: Muna Khugali)
|
Quote: .. وبتكون دي بالنسبه لي أول مره اقدر اشوف فيها القناة من منزلي.. أتمني أن أجد بها ما يعتبر اضافه لكل القنوات السودانيه..
مشتافين كتير يا ناهد.. دايما جايبه الحاجات الحلوه |
رغم انه الفك كان متأخر شوية ...لكن اهو محمدة برضو ... ويقدروا كل الناس يشوفوها .... وان تحظى بمشاهدة عالية فلها ايضا حضورها المميز.....
_______________
وبالاكتر كمان ...اخباركم لعلكم طيبين ...
| |
|
|
|
|
|
|
Re: قناة النيل الازرق ...جاتكم بدون تشفير (Re: Muna Khugali)
|
Quote: وبتكون دي بالنسبه لي أول مره اقدر اشوف فيها القناة من منزلي.. أتمني أن أجد بها ما يعتبر اضافه لكل القنوات السودانيه..
مشتافين كتير يا ناهد.. دايما جايبه الحاجات الحلوه |
اها كمان عشان البعيد الزيكم ده يامنى يقدر يشوفها .... ونتمنى معاك حقيقة ...ان تسبح فى الفضاءات ...وهى بكعبها العالى ... وحيث امنايتنا الاليفة الاصداء ...لزمن عذب ...ولسودانيين عانقوا منافى الجبر والاختيار وايضا تتيح فرصة المشاهدة لكل الاسر المابتقدر تشترك ضمن اى (باقة )...
_________________
وطبعا بالاكتر يامنى .... مافى اتنين تلاته .....
| |
|
|
|
|
|
|
Re: قناة النيل الازرق ...جاتكم بدون تشفير (Re: شول اشوانق دينق)
|
Quote: خبر جميل جداً تشكر عليه اختى ناهد شكراً إدارة قناة النيل الازرق على القرار الموفق جداً |
والشكر ليك ياشول...ونتمنى لها التوفيق ... ....والكثير الكثير من الاضاءة.....والاضافة فنحن فى زمن يضاف ...ولايضاف اليه...
___________________
كيفك ياشول ...
| |
|
|
|
|
|
|
Re: قناة النيل الازرق ...جاتكم بدون تشفير (Re: Zomrawi Alweli)
|
Quote: وما تنسي تجينا في الرياض لانو القنوات الاخرى عاملة هيصة هنا وما بنشوفهم يا ريت قناة النيل تجي تحل لينا الغبن الحاصل لينا من القنوات السودانية الشغالة هنا لناس معينين
وكان كدا ناس الأيه آر تي ما دقسو والله القنوات الرياضية دي بقت ما بتجيب همها خاصة بعد امتلاك الجزيرة الرياضية اجمل الدوريات الاوربية واغلب الدول الافريقية تعبانة في البث الارضي مما حرمنا من المباريات التي تمت دون نقل تلفزيوني اذا لا فائدة مرجو من آيه آر تي.
تعالوا لينا يا قناة النيل يا ملولوين دون تشفير فك الله شفراتكم |
انشاءالله وهذا ماسوف يحدث باذن الله .... ولانشك مطلقا فى اهمية اهل (رياض الخير ) واهمية دورهم الفاعل فى كل المجالات ....وسنكون معهم ايضا (وكما يحدث الان فى جدة) ..سنكون معهم فى بيوتهم....وفى امكن عملهم استقصاءا للفكرة المضيئة ...بواقع المغترب الذى لاتخطئه العين ... ومحاولة ماامكن القاء الضوء
الشكر اجزله لك ....
| |
|
|
|
|
|
|
Re: قناة النيل الازرق ...جاتكم بدون تشفير (Re: ناهد بشير الطيب)
|
.
الشقيقة / ناهد
لك التحية ..
قرار موفق جداً ..
حقيقة رغم التشفير القناة تجد متابعة كبيرة ..
إنضمام اقاليم السودان المختلفة لخارطة المشاهدة يتطلب
من القناة جهد كبير جداً في تطوير البرامج الموجودة وإستحداث برامج
أخرى تلبي اذواق المشاهدين المختلفة .
.................
بالطبع سنطالب الـ ART بالفلوس ..
| |
|
|
|
|
|
|
Re: قناة النيل الازرق ...جاتكم بدون تشفير (Re: gamal elsadig)
|
Quote: قرار موفق جداً ..
حقيقة رغم التشفير القناة تجد متابعة كبيرة ..
إنضمام اقاليم السودان المختلفة لخارطة المشاهدة يتطلب
من القناة جهد كبير جداً في تطوير البرامج الموجودة وإستحداث برامج
أخرى تلبي اذواق المشاهدين المختلفة .
.................
بالطبع سنطالب الـ ART بالفلوس .. |
وعود قناة النيل الازرق كثيرة يمكنك متابعة القناة فالوعود بحول الله مبشرة .....
كل التقدير لشخصك ...وشكرا
| |
|
|
|
|
|
|
Re: قناة النيل الازرق ...جاتكم بدون تشفير (Re: ناهد بشير الطيب)
|
Quote: انشاءالله وبرنامجى احلام مسافرة سيكون قريبا جدا منكم ...ولى حلقة خاصة مع بورداب جدة احتفالا بفك التشير وراى المشاهدين فيها .....(خليك قريب) |
آخخخخخخخخخخخخخ الله كريم علينا ناهد يا شقيقة نحنا برضنا والله مسافرين وبرضنا عندنا أحلام ألحقونا قبال أحلامنا زااااتا ما تكون سافرت
_____________
حمداً لله على ظهور القناة لجميع محبيها بدون قيود تشفيرية .
| |
|
|
|
|
|
|
Re: قناة النيل الازرق ...جاتكم بدون تشفير (Re: Azhari Nurelhuda)
|
الاستاذة/ ناهد كيف وكيف أولادك محمد ، يارا وأخوانهم لعلكم بخير جميعاً
رغم أننا نشاهد القناة بانتظام لكن نبارك للنيل الأزرق هذه الخطوة وذلك حتى يشاهد الجميع هذه القناة رجاء أن تتم إعادة السهرة التي تمت استضافتنا فيها من قبلكم أحلام مسافرة وشارك فيها إلى جانبي كابتن سبت دودو والأخوان ابراهيم قديس وعثمان الأحمر وصابر حواتي وعمر أبو راس والباشمهندس الكبير / هشام رضا والتي تستحق أن يراها أكبر قطاع من الشماهدين
تحياتي خ ا ل د
| |
|
|
|
|
|
|
Re: قناة النيل الازرق ...جاتكم بدون تشفير (Re: سامى عتبانى)
|
العزيزة ناهد ،، ألف تحية وشكر على الخبر ، ونحن دائما نشترك في الاي ار تي عشان النيل الأزرق ،، لكن وصية شديدة اللهجة فيما يلي:
Quote: وستكون الكرة منقولة على الهواء ...وبعضها مسجل ... وهذا يعتبر من صميم اهتمام القناة بالقاعدة الرياضية العريضة ...
|
الشريط الإعلاني مورد مهم جدا ولكنه تسبب في مقاطعتي لكل المباريات المنقولة على القناة لأنه يتسبب للكثيرين في آلام بالنظر مما يجعلني ألف أسفل الشاشة بقماش معتم لأتفاداه،، النظر لكرة القدم مع هذا الشريط جناية في حق المشاهدين ولا أحد أساسا يقرأه في زمن المباريات فأرجو إبلاغ القائمين على الأمر إيقاف الشريط أثناء المباريات أو جعله أقل سرعة أو الأحسن جعله في شكل رسائل ثابتة تتحرك للأسفل ،، هذا إن كان لا بد منه بالأصل،، ولكم التوفيق لما تملكون من وسائل النجاح ، صورة جيدة صوت ممتاز ومذيعين يمكن أن يدربوا أو يدعموا بخبرات إضافية لتغطية زمن البث المعلن بدلا عن التكرار للبرامج القديمة،،
حاجة واحدة بس ،، الأخ مقدم برنامج (أغنيات من البرامج) قلل الإنشاء الكثيرة وتكلم بسرعة معقولة حتى لا يكون كلاماته أكثر من كلمات خمس أغنيات تقدم،،
شاكرون ،،
| |
|
|
|
|
|
|
Re: قناة النيل الازرق ...جاتكم بدون تشفير (Re: مرتضى الكجم)
|
الاخت ناهد مليار مبروك فك التشفير النيل الازرق قناة محترمة ينبغي ان يستضيفها كل بيت بكثير من الحبور والترحيب.. هي واحدة من قيم الخير والجمال فى هذا الوطن الجميل اتمنى لهاكل التوفيق .. فريق القناة المبدع عودنا على نثر عطر التميز .. وهكذا جاء اليوم الاول
الخبر اضافة لخريطة الافراح السودانية
مع الامنيات للاحلام المسافرة بالاستقرار الدائم.. فى مزاج المشاهدين خالص التحايا
| |
|
|
|
|
|
|
Re: قناة النيل الازرق ...جاتكم بدون تشفير (Re: محمد عبد القادر)
|
Quote: مليار مبروك فك التشفير النيل الازرق قناة محترمة ينبغي ان يستضيفها كل بيت بكثير من الحبور والترحيب.. هي واحدة من قيم الخير والجمال فى هذا الوطن الجميل اتمنى لهاكل التوفيق .. فريق القناة المبدع عودنا على نثر عطر التميز .. وهكذا جاء اليوم الاول |
الاستاذ المحلل الصحفى محمد عبدالقادر
نتابع تحليلك لمايأتى فى الصحف اليومية عبر قناة النيل الازرق انت وبقية الزملاء الرائعين ....لكم التوفيق فى مجهود (بعد الطيع ) والان المساحة بقت واسعة (فلفلوا لينا الجريدة بالله ) تسلموا وبالنجاح
| |
|
|
|
|
|
|
Re: قناة النيل الازرق ...جاتكم بدون تشفير (Re: عبد اللطيف بكري أحمد)
|
Quote: الشريط الإعلاني مورد مهم جدا ولكنه تسبب في مقاطعتي لكل المباريات المنقولة على القناة لأنه يتسبب للكثيرين في آلام بالنظر مما يجعلني ألف أسفل الشاشة بقماش معتم لأتفاداه،، النظر لكرة القدم مع هذا الشريط جناية في حق المشاهدين ولا أحد أساسا يقرأه في زمن المباريات فأرجو إبلاغ القائمين على الأمر إيقاف الشريط أثناء المباريات أو جعله أقل سرعة أو الأحسن جعله في شكل رسائل ثابتة تتحرك للأسفل ،، هذا إن كان لا بد منه بالأصل،، ولكم التوفيق لما تملكون من وسائل النجاح ، صورة جيدة صوت ممتاز ومذيعين يمكن أن يدربوا أو يدعموا بخبرات إضافية لتغطية زمن البث المعلن بدلا عن التكرار للبرامج القديمة،،
|
دى ملاحظة مهمة والله .... اكيد وصلت لادارة القناة ..... وستكون تحت المتابعة بحول الله
سلامى لكل الاهل ...طبعا ....
| |
|
|
|
|
|
|
Re: قناة النيل الازرق ...جاتكم بدون تشفير (Re: ALGARADABI)
|
Quote: بس بدون التوب الأحمر أزرق بي أبيض حلو خااالص |
وبعدين معاكم ياناس الكورة ... البس احمر تقولى مريخابية ازرق انتى هلالابية اصفر انت اتحادية بمبى انتى مابعرفوا شنو داك
خلاص اعمل توب فيه كل الالوان وتعالوا قولوا لى انتى ( صدى الملاعب ) اها ياعثمان ياخوى
| |
|
|
|
|
|
|
Re: قناة النيل الازرق ...جاتكم بدون تشفير (Re: Elmosley)
|
الأستاذة ناهد
تحياتي الصادقة ولك الشكر على الخبر المفرح كنت قد سمعت أو قرأت عنه وتساءلت لماذا يبدأ البث غير المشفر يوم 8 مارس الذي يصادف اليوم العالمي للمرأة0
لم أجد إجابة ولكن الهدية مقبولة من قناة نحترمها ونستمتع ببرامجها
طال الزمن ولم نلتقيك - تحياتي للمهندس هشام رضا الذي وقف معي عام 2000 عند محاولة سرقة سيارتي بجدة وأنا أنتوي السفر بها للسودان زوجتي وبناتي يطروك بالخير ويسألون عنك وهم يشاهدونك، أما أنا فإعتبارا من لحظة فك التشفير سأتابع ما تقدمين يا إبنة صديقي وزميلي المرحوم بشير الطيب0
لك التحايا
صلاح يوسف
| |
|
|
|
|
|
|
Re: قناة النيل الازرق ...جاتكم بدون تشفير (Re: Salah Yousif)
|
Quote: طال الزمن ولم نلتقيك - تحياتي للمهندس هشام رضا الذي وقف معي عام 2000 عند محاولة سرقة سيارتي بجدة وأنا أنتوي السفر بها للسودان زوجتي وبناتي يطروك بالخير ويسألون عنك وهم يشاهدونك، أما أنا فإعتبارا من لحظة فك التشفير سأتابع ما تقدمين يا إبنة صديقي وزميلي المرحوم بشير الطيب0
|
استاذنا صلاح يوسف
اخبارك لعلك بخير ولعل الاسرة طيبة ....تخياتى بالله ليهم ووقفت الكتابة الراقية ليه فى الجريدة .... والله ستر على عربيتك الوقت داك ...والحمدلله ..... ولك كل الود والشكر...وهشام والبنات بيسلموا عليك...
| |
|
|
|
|
|
|
Re: قناة النيل الازرق ...جاتكم بدون تشفير (Re: Elmosley)
|
Quote: وسيزيد اعجابي بقناة النيل الازرق بعد عرفت انك من كوادرها 1;- القناه مابتجينا في امريكا 2;- لماذا لا تتعامل القناه مع فناني الشتات وذلك بانتاج فني رفيع للاعمال الرفيعة 3;- استعداد كامل مني للتعاون من خلال اعداد سهرات مميزة تحياتي من علي البعد |
الاستاذ يوسف الموصلى سلامات
لى اكثر من سنتين برفقتهم ...واعرف سحر قناة النيل الازرق وهى تجوب طرقها تبحث عن كل ماهو جديد وجميل ومبتكر
بخصوص امريكا ...فالاستاذة غادة عبدالعزيز ...هى مراسلة القناة هناك ...وتقوم بعمل رائع تجاه الجالية السودانية هناك ....
وايضا بخصوص السهرات يمكنك التعاون مع غادة ...فلديها طاقم للتصوير
شكرا لك استاذ الموصلى والقناة ستنظر فى اقتراحك بالطبع
| |
|
|
|
|
|
|
Re: قناة النيل الازرق ...جاتكم بدون تشفير (Re: ناهد بشير الطيب)
|
مداخلة الأخ صلاح يوسف مهمة فهو صديق كما قال للاستاذالراحل بشير الطيب أحد أهم رموز الحداثة فيما يتصل بالنقد الادبي في السودان وقد جئنا - معظم من كتبوا بعده- لنكتب وسيرته والقاص الراحل سمامي يوسف على كل لسان .لكن ولان الصحف السيارة بعد مرور اكثر من عقد يتعذر الحصول عليها إلا في دار الوثائق فنرجو ان تهتبل قناة النيل الازرق هذه الفرصة لتعريف الشباب الجدد بما قدمه الاستاذ بشير الطيب -ليس لان ابنته ناهد تعمل بالقناة-وبما قدمه أمثال الكاتب الراحل خوجلي شكر الله وخليل عبدالله الحاج وعثمان على نور وغيرهم من مبدعين توهجت اعمالهم في ستينات وخمسينات القرن الماضي.ورحلوا نرجو ان يقدم لنا الأستاذ صلاح يوسف حلقة عن الراحل بشير الطيب .التحية للموصلي وبقية المتداخلين ومرحباً بقناة النيل الازرق في زحفها الجديد نحو كل البيوت نافذة إضافية لكل غرفة . .
| |
|
|
|
|
|
|
Re: قناة النيل الازرق ...جاتكم بدون تشفير (Re: Bushra Elfadil)
|
خطوه جميله وموفقه من ادارة القناة قناة النيل الازرق قناه مميزه وعالية المشاهده استطاعت ان تجذب اليها المشاهدين رغم زخم القنوات الكثيف فحجزت لها مكان خاص في قلوب الشماهدين وتربعت عليه
الف شكر استاذه ناهد علي ايراد الخبر وتحياتي عبرك لقريبي الما بعرفني المقدم والمذيع الناجح . أمجد
السباعي
| |
|
|
|
|
|
|
|