الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: سودانية تتطلب الزواج عن طريق جريدة الوسيط (Re: khaleel)
|
هلا يا خلي ودعوتني كخبير انثربولوجي ولكن في هذا الامر يستحسن ان اجيك كخبير اركلوجيا سابق.... واولا نحي جدية وشجاعة واقتحام الزولة لمدارك فيها اشواك وصحاري قاحلة في سماء سوداننا ثانيا الموضوع ورغم شجاعةااقتحام الا اننا نرصد صيحة في وادي ملي بالثقوب تجاه محنة الظروف والرغبة والتلويح بجذرة قد تظل دلالة انتهازية(وتنميط لموسسة الزواج)... عموما التقاط قفاز هذه الزيجة الجريدية به الكثير من الدروب ان تمت كونها تلقي بضبابي حول مفهوم الزواج وتعريفاته المثيرة للجدل حصان الحب قبل او بعد الزواج الزواج ونظرة الفرد اليه في مجتمعاتنا
المهم يازول الموضوع متشعب وفيه نقة السنين وجدير بالتامل ... ولكن كانت تكون دقيقة في توصيف الزوج المرتقب وماتخلي القصة مطلوقة في السهلة كده يقوم ينط فيها زول مسخوت يعدم الهايس بتاعتها دي الاسبير
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: عبدالكريم الامين احمد)
|
Quote: والتلويح بجذرة قد تظل دلالة انتهازية(وتنميط لموسسة الزواج)... عموما التقاط قفاز هذه الزيجة الجريدية به الكثير من الدروب ان تمت كونها تلقي بضبابي حول مفهوم الزواج وتعريفاته المثيرة للجدل حصان الحب قبل او بعد الزواج الزواج ونظرة الفرد اليه في مجتمعاتنا
|
هلا بخبيرنا كيكي
نحن امام (superposition) وظروف غير طبعية وشظف عيش وعزوف عن زواج
بسبب الضايقة الاقتصادية
ونحن نري في كتير من المجلات العربية وحتي قنوات فضائية للاعلان عن الزواج
ويبدو انها ثقافة دخلت حياة شعبنا الذي يواجه كل يوم جديد
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: ALMURADABI)
|
يا خليل شغلها نضيف
مش الدين قالQuote: تنكح المراة لمالها |
و..الخ
من حقها وآخير لها من البيغش عليها باسم الحب وهو عينه على الهايس و الامجاد.
الخازوق يجيها نوع (راجل المر )حلو حلا.
يكون واحد غلبته قفة الملاح يقرر فك مشكلته بالزواج باآخرى ويقنع الاولى
ب( يا وليه خلينا نحل مشاكلنا نعرس بتاعت الهايس دي وننعنش كلنا).
ربنا يغطي علي شعبنا .....الحاله بقت صعبه.....خداع وغش امتد لكل شيئ.
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: Tragie Mustafa)
|
Quote: يكون واحد غلبته قفة الملاح يقرر فك مشكلته بالزواج باآخرى ويقنع الاولى
ب( يا وليه خلينا نحل مشاكلنا نعرس بتاعت الهايس دي وننعنش كلنا).
ربنا يغطي علي شعبنا .....الحاله بقت صعبه.....خداع وغش امتد لكل شيئ.
|
صحيح يا تراجي
العرض يدخل الطمع في نفوس بعض الانتهازيين
الله كريم
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: taha)
|
Quote: العصمة في ايد منو؟ |
الباشمهندس خليل
تساؤل الاخ طه قد يؤدى الي سرعة فرز الطلبات المُقدمه وحصرها ,, وأُضيف اليه الشروط الآتيه:-
** يجب أن يكون الزوج غير مُدخن (جميع أنواع الدخان) ولايتعاطى المشروبات الكحوليه.. ** غير متزوج ولم يسبق له الزواج.. ** تكون وظيفته علي الهايس والامجاد إشرافيه ومن أجل المُتابعه الدقيقه سوف تقوم الزوجه بشراء موتر هوندا 125 سي سي لمتابعة الهايس والامجاد للمحافظه علي الايراد.. ** يتقاضي الزوج راتب مشرف إدارى.. ** الايراد يُسلم يومياً لصاحبة الهايس والامجاد.. ** العصمه في يدها... ** مؤخر صداق الزوج إيراد يومين من الهايس وإيراد أربعه أيام من الامجاد.. ** في حالة فك تسجيل الزوج يوؤل إليه الموتر الهوندا..
ودام الود بيننا.. (صديق كيكي) (ابو محمد فؤاد - دبي) - حتي لايحصل لبس بأنني كيكي ..
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: عبدالكريم أحمد الامين)
|
Quote: ** يجب أن يكون الزوج غير مُدخن (جميع أنواع الدخان) ولايتعاطى المشروبات الكحوليه.. ** غير متزوج ولم يسبق له الزواج.. ** تكون وظيفته علي الهايس والامجاد إشرافيه ومن أجل المُتابعه الدقيقه سوف تقوم الزوجه بشراء موتر هوندا 125 سي سي لمتابعة الهايس والامجاد للمحافظه علي الايراد.. ** يتقاضي الزوج راتب مشرف إدارى.. ** الايراد يُسلم يومياً لصاحبة الهايس والامجاد.. ** العصمه في يدها... ** مؤخر صداق الزوج إيراد يومين من الهايس وإيراد أربعه أيام من الامجاد.. ** في حالة فك تسجيل الزوج يوؤل إليه الموتر الهوندا..
|
عبد الكريم ابو محمد فؤاد سلامات
هذه الشروط ممكن كتابتها في عقد الزواج ولكن كاعلان في الجريدة
سيكلف هذه المراة مبالغ طائلة العريس اولي بيها
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: khaleel)
|
Quote: طلب زواج عجيب من واحدة (متضايقة) قالت تتطلب زوج وعندها حافلة وهايس وامجاد وبيت اشراقة مصطفي وودومة وعزاز شامي سنة يا الجندرة |
خليل .. سلامات ..
بس العملته الآنسة ما جديد و عملته السيدة خديجة من اكتر من 1400 سنة ولو هي فعلا "جندرية" بما يكفي في نظري،كانت استغنت عن رجل يُشترى بالمال و تجذبه تسهيلات التمويل
كلمة "جندر" دي ليها ابعاد اعمق بكثير من زواج وما يعنينا اكثر هو قيمتنا "كانسان" و تكافئ الفرص و غيرها مما لا يتسع المجال لذكرها هنا من يتقدم للآخر نقطة لا تعنيني انا شخصيا بقدر ما يهمني كيف سأُعامل في اطار تلك العلاقة
معليش ردي يمكن يبقى ليك حامض لانو بطني طامة من الحاصل
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: عزاز شامي)
|
Quote: بس العملته الآنسة ما جديد و عملته السيدة خديجة من اكتر من 1400 سنة ولو هي فعلا "جندرية" بما يكفي في نظري،كانت استغنت عن رجل يُشترى بالمال و تجذبه تسهيلات التمويل |
ناس عزاز اللذاذ
فعلا هي تقافة ذات جذور تاصيلية ولكنها عادت للظهور في ظل الاوضاع الراهنة
لا يمكن للمراة ان تستغني عن الرجل لان هذه هي مهمتها في الحياة
واللي تغلبو العبو
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: khaleel)
|
Quote: صاحبة الاعلان تقضي الان شهر عسل في اللاذقية |
خلو يا جبان بعتني ولا شنو؟؟؟ بعد ما كشفت نفسي والناس عرفت عايز اعرس تبيعني في سوق امدفسو؟؟؟
بست:
تعرف يا خلو...كل ما اشوف صورة بروفايلك اتذكر وضاحة!!
انا قايلها دي بس ليها هي...لكن طلعت ما عندك امان..
المهم!!!
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: khaleel)
|
Quote: المشكلة وين فهمنا معاك |
طيب ناجي افهمك
في السودان لا توجد مثل هذه الثقافة
لاتوجد امراة تتطلب الزواج عن طريق الجرائد
بعدين مين القال في مشكلة
بعدين البوست دها ما تم ساعتين شوفو مش كيف
عشان انا ربنا حباني بخفة الدم والقراء بتحبني
مش زي ناس ختفن جرن
وقع ليك وللا اعيدو ليك
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: khaleel)
|
Quote: ولو هي فعلا "جندرية" بما يكفي في نظري،كانت استغنت عن رجل يُشترى بالمال و تجذبه تسهيلات التمويل |
ينصر دينك يا بت أبو الشام
بعدين راجل عاوز يعيش من ضهر مرة ، انا بعتبرو لا راجل ولا حيكون راجل
إذا كا ن عندها هايس ولا عشرة ، أساسآ هو كرجل إذا ما قادر يعول اسرتو ، المعرس ليها شنو؟؟؟
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: هيثم درار)
|
Quote: ينصر دينك يا بت أبو الشام
بعدين راجل عاوز يعيش من ضهر مرة ، انا بعتبرو لا راجل ولا حيكون راجل
إذا كا ن عندها هايس ولا عشرة ، أساسآ هو كرجل إذا ما قادر يعول اسرتو ، المعرس ليها شنو؟؟؟ |
درار سلامات
الصحابة كان عندهم المهر تمرة واحدة
ياخي مفلس الله خلقو مفلس
اعرس طوالي
رزق ساقه الله اليه
واذا اتتك رياحا فاغنتمها
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: khaleel)
|
أها يا خلى فرضآ البيت ده كان مرهون \وإتقلع منهم ، والهايس والامجاد شاء القدر وعملو حادث وإتلجنو فى نفس اليوم
أها الزول الحيعرس ده بيعمل شنو بعد كده؟؟؟؟؟؟؟؟؟
هل ح ييقى راجل قدر كلمتو ويتم باقى عمرو بالبيقسما ليهو ربنا ؟ ولا ح يقول الشى الكنت جاى عشانو راح ويفوت يخليها وطالما إنو أساسآ هو لمن جاء جاء على أساس البيت والهايس والامجاد، يبقى من البديهى إنو حيتخلى عنها فى اقرب ملف،
ودى ما بتكون رجالة ، دى بتكون ندالة
وأفضل لهيها ان تفتش عن ندل وليس عن راجل
دمت بخير
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: هيثم درار)
|
Quote: هل ح ييقى راجل قدر كلمتو ويتم باقى عمرو بالبيقسما ليهو ربنا ؟ ولا ح يقول الشى الكنت جاى عشانو راح ويفوت يخليها وطالما إنو أساسآ هو لمن جاء جاء على أساس البيت والهايس والامجاد، يبقى من البديهى إنو حيتخلى عنها فى اقرب ملف،
|
يا درار يا صديقي
هي التي تقدمت بالعرض وليس هو
ظالمو ليه دائما معاك
ما بتخلي يكتبوهو (موخر صداق مائة الف دولار)
بعد داك اذا طلق الا (يبيع مواهبه باحس تمن)
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: khaleel)
|
زولة واضحة وصادقة مع نفسها وعارفة عايزة ياتو نوع من الرجال عادى جدا كثير من الرجال بيتقدمة الى البنت لان عندها قروش او عربية او وظيفة جيدة اوبيت او قرين كارت او جواز كندى او غيرة الراجل بكون عامل فيها حريف ومعجب ومكسر دى قالت لا لف لا دوران اختار أنا ولا يجى عامل لى فيها مدقسنى ويتحرفن, الناس احسن تدخل على بعض بى وضوح تام انت انتهازى وانا كمان مافى أحسن من الوضوح بعدين هو ذاتو فى اذمة سواقين فى البلد, بعدين فى رجال الواحد بعرض امكانياتة المادية وتجى الام تقول عندة عربية والخالة تقول ببنى فى بيت فى الصافيةوالاخت تقول عندة جواز انجليزى ودة ما بقلل من وضع الرجل ولا بمنع الارتباط به .
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: Hadia Mohamed)
|
Quote: بعدين فى رجال الواحد بعرض امكانياتة المادية وتجى الام تقول عندة عربية والخالة تقول ببنى فى بيت فى الصافيةوالاخت تقول عندة جواز انجليزى ودة ما بقلل من وضع الرجل ولا بمنع الارتباط به . |
شكرا هادية
اتذكرت العريس لما جاء في التعارف قال (خالي ضابط)
وهو عاطل غايتو حكم بس
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: khaleel)
|
حباب طـلتك
هي شجاعه ,واسلوب مبتكر , قد نتفق او نختلف على الاسلوب لكن يظـل هناك عزوف عن الزواج او تاخيره , و يظل السبب الاساسي مادي .. وهي هذه الرائده وضعت الاثنين في عامود ـبصحيفه دعائيه توزع مجانا !..
اتمنى لها زواج عملي موفق .. _______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: شهاب الفاتح عثمان)
|
Quote: هي شجاعه ,واسلوب مبتكر , قد نتفق او نختلف على الاسلوب لكن يظـل هناك عزوف عن الزواج او تاخيره , و يظل السبب الاساسي مادي .. وهي هذه الرائده وضعت الاثنين في عامود ـبصحيفه دعائيه توزع مجانا !..
اتمنى لها زواج عملي موفق ..
|
شهبور
الحاجة ام الاختراع وانتهت ذلك اسطورة الخاطبة للابد
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: عامر تيتاوى)
|
الأخت عزاز
Quote: بس العملته الآنسة ما جديد و عملته السيدة خديجة من اكتر من 1400 سنة ولو هي فعلا "جندرية" بما يكفي في نظري،كانت استغنت عن رجل يُشترى بالمال و تجذبه تسهيلات التمويل |
هذا النص يحمل إيحاءات فطيرة خطيرة، منها: * أن السيدة خديجة رضي الله عنها أعلنت للناس عن رغبتها في زوج ـ في سوق عكاظ مثلا ـ وأنها عرضت إمكاناتها المادية ترغيبا لطالبي الزواج. * أن صاحبة جريدة الوسيط في موقف مثل موقف السيدة خديجة في نظرك. * وأنهما لم تستغنيا بجندريتهما عن رجل يشترى بالمال وتجذبه تسهيلات التمويل؟ أليس هذا هو مدلول عبارتك السابقة؟ أمل ان أسمع جوابا.
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: khaleel)
|
Quote: سودانية تتطلب الزواج عن طريق جريدة الوسيط |
خلي يا حبيب .. ما تقول لي حكاية ال ( تاء ) البقيت ليها في رقبتها وكترت منها دي أخدتها من نانسي ...! ياخي تاء نانسي دي قالوا ليك تاء خاااااااااااصة .. عشان كده قالوا ليها كتري منها ....!
كرهتونا التاء زاتها ...!
قلت لي العرض نفد بنفاد الولية ...!
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: khaleel)
|
Quote: الأخت عزاز
Quote: بس العملته الآنسة ما جديد و عملته السيدة خديجة من اكتر من 1400 سنة ولو هي فعلا "جندرية" بما يكفي في نظري،كانت استغنت عن رجل يُشترى بالمال و تجذبه تسهيلات التمويل
هذا النص يحمل إيحاءات فطيرة خطيرة، منها: * أن السيدة خديجة رضي الله عنها أعلنت للناس عن رغبتها في زوج ـ في سوق عكاظ مثلا ـ وأنها عرضت إمكاناتها المادية ترغيبا لطالبي الزواج. * أن صاحبة جريدة الوسيط في موقف مثل موقف السيدة خديجة في نظرك. * وأنهما لم تستغنيا بجندريتهما عن رجل يشترى بالمال وتجذبه تسهيلات التمويل؟ أليس هذا هو مدلول عبارتك السابقة؟ أمل ان أسمع جوابا. |
الاخ نزار .. سلامات ...
الايحاء الفطير الخطير الأول لا علم لي كيف توصلت اليه ....المُعلنة في جريدة الوسيط قامت بالفعل البسيط. بادرت ولم تنتظر مبادرة "رجل". من هو؟ لما هذا تحديدا؟ ليست حيثيات متشابه بينها و بين السيدة خديجة.
Quote: * وأنهما لم تستغنيا بجندريتهما عن رجل يشترى بالمال وتجذبه تسهيلات التمويل؟ |
هل قلت انا بأن السيدة خديجة جندربة؟ هل المحت لو تلميحا بأن الجندرة تدور حول الزواج أم بينت ان الزواج يقع ضمن باقة "حق الاختيار"؟
لا اشجع رجلا يستميل زوجة مستقبل بمال ولا امرأة تغري زوجا مستقبليا بمال ... التسليع للطرفين لا يرضيني.
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: صديق الموج)
|
الأخت عزاز أعجب لسؤالك كيف توصلت إليه؟ ألم تقولي إن هذه الأنسة فعلت ما فعلته السيدة خديجة قبل 1400 عام، أليس هذا قولك؟ كذلك إذا كنت ترين أن تشبيه فعل امرأة تبحث عن زوج وتعلن عنه في الصحف هو فعل السيدة خديجة فاسمحي لي أن أقول لك هذا هو التحليل الفطير بعينه، لأن الفرق الكبير الواضح هو: • السيدة خديجة لم تعلن عن رغبتها على الملأ كما فعلت صاحبة الوسيط. • السيدة خديجة لم يكن لديها مشكلة الحصول على زوج، بل كان طالبوها كثر، فقد ورد في السيرة: ( كانت خديجة بنت خويلد امرأةً حازمة ، جلدةً ، شريفة مع ما أراد الله بها من الكرامة والخير ، وهي يومئذٍ أوسط قريشٍ نسباً ، وأعظمهم شرفاً ، وأكثرهم مالاً ، وكل قومِها كان حريصاً على نكاحها لو قدر على ذلك ، قد طلبوها وبذلوا لها الأموال ، فأرسلتني إلى محمد). • السيدة خديجة لم تطلب الزواج من شخص لا يعرفها ولا تعرفه. كما هو حال صاحبة الوسيط • السيدة خديجة رضي الله عنها لم تذكر ممتلكاتها ميزة أو محفزا لزواجها كما هو حال صاحبة الوسيط. • السيدة خديجة ما كانت لتبادر بخطبة النبي صلى الله عليه وسلم، لولا أن عقلها الراحج أوصلها إلى أن الذي أمامها هو من هو : عقلا وفضلا ومستقبلا، وهذا بعيد عن حال صاحبة الوسيط، وغير هذا كثير وإن كنت ترين أن مبادرة السيدة خديجة بطلب الزواج من الرسول صلى الله عليه وسلم هي مثل مبادرة صاحبة الوسيط، فأنت مثل من يشبه بيت العنكبوت بالحرير بحجة أن كلا منهما نسج.
| |
|
|
|
|
|
|
Re: سودانية تتطلب الزواج عن طريق جريدة الوسيط (Re: نزار محمد عثمان)
|
نزار
اذا عدنا للتاصيل فان كل خطيب يعرض ظروفه وامكانياته والاسلام يقول
من استطاع الباءة
ولعلك تذكر قصة الهدهد مع خطيبته حين قال لها ساصطحبك الي جبال دمشق
وهنا ضحك سيدنا سليمان عليه السلام وقال كل خطيب كذاب
فلابد من استعراض الامكانيات للمراة او الرجل
والله اعلم
| |
|
|
|
|
|
|
|