الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
السطو المصور
|
فتح أحمد المرضي بوستاً لما يظنه صور؛ فقام تاج السر الملك بالسطو عليه بواسطة صوره الجد جد!
|
|
|
|
|
|
|
|
Re: السطو المصور (Re: Hussein Mallasi)
|
شنو يا ملاسي البخلي المصور ابقىكاتب والكاتب ابقى مصور بعدين ما تنزل لينا المعرض ده عشان نشوف معاك ونحكم !! من عملت الماجستير وفاتح لينا !ّ!!!
| |
|
|
|
|
|
|
Re: السطو المصور (Re: khaleel)
|
Quote: مش في حاجة اسمها فنان شامل |
في .. بس لمن الشامل ما يكون شامل بيحصل عليهو زي الحصل على أحمد المرضي.
_____ و انت طيب يا خليل.
| |
|
|
|
|
|
|
Re: السطو المصور (Re: Hussein Mallasi)
|
أحمد المرضي فنان و تاج السر الملك فنان
و الفن بكل دروبه وسيلة توصيل أفكار و قيم إنسانية للمجتمع, و تقييم الناس للفن مقرون بتنوع مشاربهم الثقافية و المعرفية
ملاسي أمشي شوف ليك شغلة أو أرجع المدرسة و أعمل ليك دكتوراه و بعد داك تعال إتكلم فى ال ABC بتاعة الفن
| |
|
|
|
|
|
|
Re: السطو المصور (Re: Rawia)
|
لقد كان والدك الأستاذ ابراهيم ملاسى عليه رحمة الله ورضوانه هو استاذ علم الأحياء وقد درسنا هذه المادة فى بداية الستينيات من القرن الماضى بمدرسة عطبرة الثانوية وقد كان الراحل مسرحياً يكتب المسرحيات ويمثلها معنا وكان فناناً يرسم وكان مصوراً ويشاركنا فى تحرير الجرائد الحائطية ويمدنا بالصوروكنا نحتفظ معه بعلاقات حميمة وتواصل حتى وفاته. اللهم أحسن إليه وأسكنه فى نعيم مقيم.
| |
|
|
|
|
|
|
Re: السطو المصور (Re: محمد أحمد الريح)
|
بعد تميز تشكيلي أو اتنين في الفتوغرافيا؛ ظن بقيتهم إنو أي تشكيلي بالضرورة فوتوغرافي؛ فأصبحنا نشاهد لهم معارض فوتوغرافية في الخرطوم أقل ما يمكن أن توصف به أنها مضحكة.
| |
|
|
|
|
|
|
Re: السطو المصور (Re: حسن سنادة)
|
Quote: أتوقع أن الأمر تعدى مرحلة الزيادة إلى الإغراق! |
المعلق المصري علي زيوار كان يصف أي هزيمة تتعدى 2/صفر بالعلقة.
| |
|
|
|
|
|
|
Re: السطو المصور (Re: Hussein Mallasi)
|
بعد الإضطلاع على الرابط وجدتني لاشعورياً أقوم بعمل save picture as لكل الصور التي قام الـ(مبدع) تاج السر بإدراجها في البوست ووضعها في فولدر خاص وأتجاهل تماماً جميع الصور الأخرى .
| |
|
|
|
|
|
|
Re: السطو المصور (Re: Hussein Mallasi)
|
بصفتي زميل صنعة وليست مهنة فانا صعقت لانتاج الملك (فنان كبير) وتسالت عن اعمال المرضي ... فهي تفتقد لل Proper Technique واكاد اجزم بانها ناتج ال Auto-setup
| |
|
|
|
|
|
|
Re: السطو المصور (Re: Marouf Sanad)
|
حسين !!
Quote: حتى بت أتوقع أن سيسلق الفلفلية و يقدم صورتها بعد إضافة قليل من الملح و زيت الزيتون. |
كل واحد يخلل فلفلايه ....
خل للللللللللوهـ !
انتو ما بتخللللوهوش ليه ؟؟ ,,,,
والله انا بتلايق لياقه صباحية ولا شفت البوست ولا ناوية
جنى وجن الصور يا اشووف عدييييل كدا يا بلاش ...
بعدين الناس البصورو الناس ديل ... فى المحافل وكدا
بمنعوا الناس القاعدين وحاضرين يشوفوا عشان خاطر
يوروا ناس مافيشين ،،، تصدق ؟
التشكيك فى تصوير الملك (يا قولك) لا يشابهه تشكيك الا التشكيك فى دكتوراة منصور خالد ..
ــــــــــــــ حسين ... انت ما بجيبوك فى شاهد على العصر ليه ياخ ؟؟ او حتى بالعدم فى اسماء فى حياتنا ؟؟ مش خلاص عملت الماجستير .. وحجيت ؟
| |
|
|
|
|
|
|
Re: السطو المصور (Re: محمد فرح)
|
Quote: إنتو وقت مابتقدروا على الكلام البتقولو بتكتبو ليه ؟؟!!! |
يا محمد فرح
تصدق وتآمن بالله انا عدلت لانو قبضت روحي كاتب كلمة
"سلامت" (البعدها نظرك)
كنتا كاتبا "سلامة" نظرك
ولحدي اسي داخلني فيها شك
الظاهر الواحد لو قعد معاكم هنا كتير حالتو حتدهور
| |
|
|
|
|
|
|
Re: السطو المصور (Re: الجيلى أحمد)
|
وماذا عن طلال عفيفي الذي جاء –برضو- بحديث غير جاد عن الحسد وما الحسد، حسد شنو يا المصور طلال، دا اسمو الجهل بصمّتو، من ضنبو لقرونو، وألا إنت برضك متشعبط التصوير ساكت؟
والله يا محسن يا انا ما متشعبط في التصوير ساكت ، أبداً ... متشعبط فيهو محبة وبعين قوية ... وكمان معجب جداً وأيما إعجاب بفوتوغرافيا المرضي ، لأني شايف إنو لاقط حالة حية من حاجة بنعتبرا ساكنه . وعبرت عن ده بقولي إنو أحمد فنان ، ودي شهادة ما بيحتاج ليها أحمد مني . كما إني بأعتبر الفنون دي حالة من الأداء والتذوق ، ما بيحسما في النهاية حسين ملاسي ولا محسن خالد (ولا أي واحد تاني ) لأنها خاضعة لمسألة إلتقاط خفيف ومحب للحالة نفسها ، يعني إنها مش فيزيا ولا كيميا يا خال .
مهماً كتب حسين عن تصاوير أحمد ، فإن تصاوير أحمد بتعبر عن نفسها بمنأى رأي حسين أو طلال أو عبد الجبار (أو محسن ، لو سمحت ) .
ولسه مليان إصرار إنو صور الفلفلية جميلة .
تحياتي يا فرده .
| |
|
|
|
|
|
|
Re: السطو المصور (Re: Hussein Mallasi)
|
Quote: السؤال يا خال هو: شنو البيخلي الرسام يبقى مصور .. أو يحاول يبقى مصور. |
غايتو سؤال نموذجى يدل على العقلية الملاسية فعلا..
كنت دائما (ولا زلت) أعتقد ان الرسام هو: مصور وكنت زمان أعتقد ان ملاسى : شاطر فى اللغة العربية
____
ملاسى لا فن ولا ذائقة ما عندك ياكافى البلا ؟! والله ماأنصفت الرجل ..
| |
|
|
|
|
|
|
Re: السطو المصور (Re: Hussein Mallasi)
|
لاكن ما بالغتا يا محسن عندما قلت لك انني من مدة طويلة توقفت عن التوقيع في اي بيانات جماعية وافضل ان ادون مواقفي بكلماتي ولا اعدل اي مداخلات ولكن اكتب مداخلة للتعديل.. شكرتني يامحسن وقلت لي انك لاتحب ان تؤجل رد معروف وذودتني بنصيحة اراك اليوم تعمل بخلافها: الم تقل لي يومها: لاتجامل في فن ولاماكل فكلاهما غذاء وياويلك ان فعلت فتاكل مالاتريد وتجبر على تذوق مالاتستذيق... واياك وان تتمهل في اللحاق بمن تحب او البخل بنصره على نفسه... ؟؟؟؟؟ اخوك وليد صفوت
| |
|
|
|
|
|
|
Re: السطو المصور (Re: abubakr salih)
|
بالمناسبة فى حاجة مهمة حقو الناس تلتفت ليها.
انا من المتابعين للبوست المذكور من بدايته فى سودان فوراوول و حتى احتفظت باحدى صور المرضى كخلفية لجهازى منذ ذاك الوقت و حتى الان و بدت لى مشاركة تاج السر اٍيجابية فى رفد و تنويع اساليب الشغل و الابداع و لم اتصورها فى صيغة منافسة للمرضى على اى حال، لكن حفيد الباشبزق هذا جرف الناس فجاءة بسوء نيته المعهود و طريقتة تفكيره المريضه الى هذا الاٍتجاه
ارجو ان نتحرى الدقة فى تقيم الامر لان المرضى و الملك اكيد لا ينظرا اليه من هذه النافذة المسمومــة بالحسد الذى لا يتوفر الا عند باشبزوق كبير
| |
|
|
|
|
|
|
Re: السطو المصور (Re: Hussein Mallasi)
|
Quote: لا محاننة للجهلاء إلا بقدح الكسرة، أمَّا الفكرة فهي (حارة شرسة) يقوم عليها الكفوءُ، بالفعل تنظيراً وتطبيقاً، وتقوم هي باتجاه ابتناء الحياة والمعارف بكل الجديّة المطلوبة لها منطقياً، بعيداً عن التحانن المُضر، والعاطفة غير المنقّحة. ولا نامت عينُ المتشعلقين |
الله فوقك يا محسن خالد، والله مشتاقين.
| |
|
|
|
|
|
|
Re: السطو المصور (Re: Hussein Mallasi)
|
لا حولا ملاسي ح تسكت ليه ؟ أوعك غايتو حميدة محظوظ بالإيقاف لما يجي راجع بتكون اتنست لكن انت الله يعينك
اقترح تتسداها في كمال الجزولي - كالعادة
| |
|
|
|
|
|
|
Re: السطو المصور (Re: الصادق صديق سلمان)
|
الأخ ملاسي،، تصاوير ورسومات الفنانين المرضي والملك رائعة حد الدهشة،، لا اظنك تقصد تبخيسها او التقليل من جمالها،،
قرصة خفيفة: اظنك قد نسيت أن ترد على مداخلة سعادة العميد محمد أحمد الريح عن والدك الكريم،،
فتح الباري
| |
|
|
|
|
|
|
Re: السطو المصور (Re: Hussein Mallasi)
|
السيد ملاسي
Quote: فتح أحمد المرضي بوستاً لما يظنه صور؛ فقام تاج السر الملك بالسطو عليه بواسطة صوره الجد جد! |
يمكن أن يرد هذا التعليق علي لسان ناقد
وليس علي لسان متلقي
لأن الناقد هو الشخص المؤهل لذلك وليس أنت
فأنت يمكنك القول:
والله ماعجبني تصوير أحمد المرضي لكين عجبني تصوير تاج السر الملك
زول بسألك مافي لأنو دا رأيك الشخصي ودا من حقك وغلطان البسألك
لأن الفنون الجمالية للتذوق فقط
وإنت وذوقك
ولكن أن تقارن بصور موضوعيه فهذا ليس من شأنك
Quote: السؤال يا خال هو: شنو البيخلي الرسام يبقى مصور .. أو يحاول يبقى مصور. |
يدرس التصوير كماده في كلية الفنون
كما يدرس الرسم والتلوين والنحت والخزف و .. و ..
وهي بالنسبه للفنان أدوات يستطيع بواسطتها عكس قيم فنيه للمتلقي
كل الناس بيحسو بالجمال والفنان يستطيع أن يعكس ذلك عن طريق هذه الأدوات دي
بعدين لعلمك معرض الفنون ما بفكرة معرض المنتجات ولا معرض السيارات . . .
إنما الفكره عرض تجربة معينه بمعالجات معينه ويدعو لها النقاد والمتلقين
فأكتب كمتلقي لا كناقد
وما تزعل من كلامي دا
يعلم الله قاصد الفايدة
وكان داير يا ملاسي ممكن أن أحدثك عن الفن والفنانين من أول تعريف للفن لحدي أسي
إحتراماتي
| |
|
|
|
|
|
|
Re: السطو المصور (Re: Hussein Mallasi)
|
Quote: وكان داير يا ملاسي ممكن أن أحدثك عن الفن والفنانين من أول تعريف للفن لحدي أسي |
لا تحدثني و لا أحدثك .. فالصور تتحدث عن نفسها و هي مفوهة أكثر مما تظن.
| |
|
|
|
|
|
|
Re: السطو المصور (Re: Hussein Mallasi)
|
Quote: لاتحدثني و لا أحدثك .. فالصور تتحدث عن نفسها و هي مفوهة أكثر مما تظن. |
في هذا المقام فأنا أعرف ولا أظن . .
لذلك يمكنني أن أحدثك
لتبادل الفائده ولتفادي الحديث عن ما نجهل
ولك أن تقبل أو ترفض
إحتراماتي
| |
|
|
|
|
|
|
Re: السطو المصور (Re: عمار الهادي)
|
لا بأس يا سيد الهادي .. أمام إصرارك هذا لا يمكنني إلا أن أوفق على أن تحدثني "عن الفن والفنانين من أول تعريف للفن لحدي أسي" .. اتفضل ...
| |
|
|
|
|
|
|
Re: السطو المصور (Re: Hussein Mallasi)
|
Quote: كنت دائما (ولا زلت) أعتقد ان الرسام هو: مصور |
قطعاً هي نفس الفكرة التي تملكت أحمد المرضي و بقية التشكيليين الذين زحموا الخرطوم بمعارضهم الفوتوغرافية المضحكة.
| |
|
|
|
|
|
|
Re: السطو المصور (Re: Hussein Mallasi)
|
السيد ملاسي
ساجمع وأرتب الماده
وألي ذلك الحين أرجو - من أجل الفائده للجميع- إن تحلل لنا هذه الاعمال
بصور موضوعيه ، كناقد
لأننا لم نقرأ إلا رأيك الشخصي
إحتراماتي
| |
|
|
|
|
|
|
Re: السطو المصور (Re: عمار الهادي)
|
Quote: ساجمع وأرتب الماده |
السيد الهادي .. وكت ما عندك مادة مجمعة و مرتبة مالك شابكي من قبيل: أحدثك .. أحدثك
_____ إياك و قوقل.
| |
|
|
|
|
|
|
Re: السطو المصور (Re: Hussein Mallasi)
|
( سلام لمن يستحق
رسالة من الصاحب محسن كسرت مؤقتا الخلوة الاختيارية ... حوارات و مفاكرات كتيرة مدوره مع الذات و مع ناس تانية لانو واضح او وضح ان ما يعتقد البعض انه بديهي او متفق عليه ليس بذلك وان هناك "خلل ـ شروخات" في مفاصل كثيرة .... اود مشاركة ما فيها مع اصحاب هموم مفاكرات و دنيا تانيين ـ عنهم الكراون, المرضي ،طلال -
محسن هبش بعض ما اراه مهم، اختلف مع بعض الاراء/الافكار الواردة هنا لكنها قطعا تزعج هذا السكون خاوى الضجيج
معليش يا محسن لنشر الرسالة دون استشارتك، العريبي العبو)
...
هذا ما جاد به .. الزميل .. من مكاتباته وصديقه محسن .. ولحكمه ارتاّها .. عصام انزلها الينا فى هذا ..... الذى افترعه حسين .. .. . . سأعمل على انزالها .. اذا لم يطلع البعض عليها . واتمنى ان اكون قد تخطيت .. حصة الاملاء . فلا اكرر او اعيد *.. .
.
* ( صدقنى ما بقدر أعيد ) بعد الاستئذان .. من الشاعر .. المغنى والكورس فنى التسجيل والشركات المُنتجه .
.
| |
|
|
|
|
|
|
Re: السطو المصور (Re: khatab)
|
Quote:
Quote: يا أخَ البنات، أمَّا مشتاقين، وجدتُ رسالتك في بريد البيت وحاولت أخابرك فعلا، ولم يجبني أحد، يا عملات الحرم بت حاج طيفور -ويا حليلها- الله ما أراد.
كيفك يا عزيزي في دهسيرة الحياة ومقافيها المشتيّة؟
لقد ارتحت قليلاً من العتالة في شوالات بطاطس متاجر آسدا الإنجليزية ويبدو أنَّني ارتقيتُ كثيراً بعثوري على وظيفة مكتبية جيدة جداً إن لم تكن ممتازة عديل، أهداني لها الصديق سيف بشير مشكوراً، فالرجل أهمَّه أمري منذ قدومي إلى هذه البلاد، وصَرَّح لي بأنّ راحتي في العمل قد تُسهم في إضاءات مجاورة على واقعنا الثقافي كما يزعم سيف بشير وهو مخيّر في زعمه هذا، وله جزيل الشكر مرة ثانية على لُطف هذا الظن. المهم رجعنا تاني لحكاية العمل بوسط مكاتب ثقافية ويبدو أنني أفتقد دفء أشياء لن تكون لها شمسٌ ما بقي الإنسان ناجعاً وشريداً ببوادي الجليد هذي.
لم يتوفَّر لي وقتٌ كافٍ لمراجعة (ثورة العوام باقتراح تمبس والباك أب لها من عصام) أو للحقيقة لم يعد في موقع سودانيز ما يُفيد إلا نادراً، تدهور معدّل الإنتاج الثري وذي المعنى، ولا أعتقد بأنّ لهذا الموقع فائدة "حاسمة" معاصرة إلا من ناحية الخبر، بينما قَلّ العمل الثقافي كبير الأثر بسودانفورل أيضاً، لانقطاع كتاب مؤثّرين عن الكتابة، يمكن الناس زهجت من سيول المتشعلقين هؤلاء وابتذالهم لكل مندوحة وفضيلة وفكرة بدهية. ربما لم تعجب الأعدقاء مشاكساتنا في الماضي لهم، ولكن كانت تلك المناورات في حد ذاتها تحريكاَ ضد الجمود والكسل والرتابة. أعتقد أن وتيرة سودانيات قد نمت قليلاً مع محافظتها على الوسطية ذاتها في الطرح، ستجد ما هو أُنس وما هو اجتهاد في ناحية التكريس الثقافي والمعرفي المفيد. أرى أن وضعية سودانيات أفضل، فهي لا تنشط أكثر من العادة لتجمد، ولا هي بمتدهورة المادة من ناحية نوعيتها كما هو الحال مع سودانيز، لقد أصبح سودانيز رجّة ديوان كبير أو صالة نساء كبيرة. وما استنبطوه من بيان العشرين المُبشرين بالإبداع –في تفاصيله التي تنحو باتجاه سيرهم الذاتية- يدلّك على مواطن العبقرية المستشرية، والبحث عن الذات من غير صفات ولا اجتهاد. البحث عن الذات مشروع، بل مطلوب، ولكن كيف؟ هنا يقبع السؤال ملتوياً على نفسه كأصلة مُعَمِّرة. وعااادي جداً، كما كان يغنّي أحمد شاويش، أن يصبح باسويرد بكري معادلاً للمُبدع، وأن يستوي كاتب الـchــات بكاتب المجلّدات، ومالو؟ ألم يجمعنا حوش بكري!؟ ومن كاتبَ قوماً أربعين يوماً صار مثلهم. ياخي في واحد من شباب البورد ديل زمان قال، إنو وردي دا يغني بس، لكن ما ينضم حول الغناء. والجماعة يشيلوا ويأمنوا علي كلام الراجل الحكيم دا. وردي لمَّا كان أستاذ تربية فنيّة في شندي –يعني لما كان بنضم حول الغناء وغيره من الفنون- أمّي البتولا بت المُوفد كانت شافعة ترد المياه من الحفائر، تتفتّح الأزاهير حيث تطأ وأينما ما اتجهت لأنّها النبتة تحمل الماء. تخيّل أن يُكرّس فنان حياته كلّها لينجز نفسه في صالح الفنون ورصيدها، ويأتي أي مفعوص وأغلف من نوع –القنيط- حميدة عشان يوريهو ما يُقال وما لا يُقال.
وهذا ليس بالأمر الخطير، أبداً يا عزيزي عصام، فأقاويل المفعوصين والمفعوصات هي وهم، يطأها الزمن بسنبكه فلا تبقى في الأرض منها ولا منهم باقية، إلا حُفرة حدوة الزمن. ولكن الأخطر من ذلك، هو تنصيب الذات حيث لا مكان لها إلا كشاهدة قبر، قول لي زي شنو!؟ كما يُنَصِّب –القنيط- الآخر، "أب شيبة"، تمييزاً له عن القنيط حميدة "أب عيبة"، يُنَصِّب نفسه في مكان الناقد المعرفي، أو الفيلسوف إن شئت، أعني بالطبع حسين ملاسي حين يُفتي في الفنون، تخَيّل أن تنقلب الحقائق إلى ضدها، كي تناسب ذائقة (الهُراء Nonsense) وكي تُمَيَّع الأُسس النقدية لدرجة التسويف الحرام، علي بالحلال عدم الموس المسنونة للطهور وبس. يا عصام حينما أهدتني صديقتي رشأ رابطاً للبوست فُجعت عديل كدي، ولم أجد عزاء فيه إلا عبارة معروف سند إنو لو الواحد بقي في هذا المكان طويلاً لتدهور مستواه بالفعل ولم يعد يعرف ما هو حق عَمَّا هو باطل. لماذا؟ لأغلبية الجهلاء المغنطيسوميكانيكية، أو أن تغدو الحقائق هي الحقائق فقط لإصرارنا عليها وإلحاحنا الجهول، جاذبين وشادّين لها ناحية الحقائق الفعلية. تخيّل أن بوست التصوير الذي أنشأه أحمد وأنزل فيه تاج السر بعض أعماله، وهي معقولة في مستواها من ناحية الكاميرا "الصنعة"، والأشياء التي هي برايمري خالص إن كانت ستجالد التصوير الفنّي في مداه المعرفي بكامله والفلسفي، لذا فأين هي من أعمال الفنّان الفذ والشاطر، أحمد المرضي، فيلسوف العين وشاعر الريشة، الذي يمنطق ملكة الشوف فينا، ويقّفي الألوان بدرايته!؟ كنتُ أتفرّج في ذلك البوست وأقول متى يا ربي يشعر تاج السر الملك بالحرج ويتوقّف عن مناطحة جبال المرضي الأطلسية! بينما الحصّة تطول لدرجة جعلتني أشعر بالحَيْرة، لا أعتقد بأنّ الملك لا يعرف المسافة بينه وبين أعمال المرضي. ولكنه يعتمد على ذائقة الأغلبية –الجاهلة- المغنيطسوميكانيكية كما برهنها ملاسي في بوسته. وتدافعت بُغاث المستذوقين من كل ناعمة الجناح –حِنْبِّرة- وهاك.. يا سوسو قوقوو كاك كاااك. فيا تُرى هل هذا هو قَدَح (الرجرجة) مع الفنّانين ومواجبتهم لهم في الفنون، الضحك ما شرط الفنون عاد، ونحن من زمان سراويل روسينا اتشرطت ياهو بالقعاد في دلجة أمخاخ زي البوفّرها سودانيز دي. وصديقي كبّر يقول لي سمح الصبر، العندو حكمة ينزّلها للناس بكل طولة بال، يا كبّر يا أخوي ياتو ناس محتاجين حكمتك ياخي؟ في قطيع جُهّال هنا، زي العنبلوق ملاسي دا، قايل رحو عندو قرآن يبخّر بيهو السماء ذاتها، وبدل السماء تنزل ليهو قرآن، لا، هو ذاتو يدخّنها بقرآن طلحو واجّي أكتر من طلح السماء الأحمر. فالناس ضابحين هنا لعشاء أيتها حاجة خلقوها وألا ما خلقوها لسع. وأتفضّلوا يا ناس، أيوة.. دخّل إيدك يا فلان في قدح التشكيل، السياسة، العلوم، وهاك يا عزائم، يا هناية دخّلي إيدك في قدح الشعر، الرسول فوقك، أتفضلوا يا ناس دا بهنا سلطة موزيكا، أيوة، أتفضّلوا.. أتفضّلوا.. تحلية الرواية والقصص والسينما جاية. ما البورد بتاع بكري دا بقى (وليمة) فنون، ويات من عندو باسويرد بقى ياهو معزوم علي الفنون والمعارف الجمالية وغير الجمالية، والفلسفة ذاتها يا زول، تنقد الرهيفة يا أيها الفلاسفة المختبؤون حيث هو مكتوب (اكشط هنا scratch here) كما في الكرتلّة، وحينما تكشط على كرتلّة البورد مستخدماً الباسويرد بدلاً عن قطعة عُمْلة –فجأة كدا- تظهر لك رموز وأكواد هؤلاء الفلاسفة. أتفضّلوا، سقراط يأكل السم اللّسمموا.
كنتُ أتوقّع أن يدخل تاج السر، ويقول لهؤلاء المتشعلقين ولكبيرهم القنيط "أب شيبة"، ما يجب أن يقال، ولكن السؤال هل هو منتفع من هذا التغوُّل العامّي والركيك، لذائقة فقيرة وجاهلة، قُصاد ذائقة أخرى ترى أنَّه من سابع الشاهقات الخوض مع أمثال هذا اللزج –والدعي الجاهل- ملاسي في حديث عن الفنون. ولكن ماذا عن الملك؟ سطر واحد منه لملاسي مثل: أعرض عن هذا يا ملاسي، ألم يكن مفيداً؟ أما كان من المحتمل أن يسبّب له حرجاً؟ إن بقيت مع ملاسي مزعة حرج! وماذا عن طلال عفيفي الذي جاء –برضو- بحديث غير جاد عن الحسد وما الحسد، حسد شنو يا المصور طلال، دا اسمو الجهل بصمّتو، من ضنبو لقرونو، وألا إنت برضك متشعبط التصوير ساكت؟
الفنون ياتها، والمعارف شِنْها، التطير عيشتها مع المتشعلقين ومع أجناس البُغاث ملاسي وحميدة وبعوضة وكشاشة وزنّانة، ونقريطة، وإلخ. صدّقني يا عصام ما أغاظني هو سكوت هذا التاج، ياخي إنّي محسن ود البتولا دا، لن أسمح لأي أحد بخلق دعاية رخيصة لي في وجه فنّان أراه فعلاً فنّاناً وإن كان مستواه أقل منّي، وشأنه أصغر منّي، هذه مواصلة لمسألة (تقاليد المجال) التي تحدثت عنها سابقاً. لن أدع –من لا دخل له- بما نحن فيه، ينحشر بيني وبين من هو رفيق درب، مهما كانت رؤاي الخاصّة عن ذاتي وعنه، ومهما بعدت الشقة بيننا في تقدير الأمور وفي الرؤى. لقد رأيتَ بنفسك كيف كنت أعزل من جاؤوا للنيل من سودانوفورل عبري، لأنّ ما يجمعني بنفر فور أول الثلاثة، لا يجمعني بهؤلاء الناقمين من حيث لا أعرف نقمتهم ولا قصتهم. هذا التزام منّي بعدم العشوائية وسوقية وابتذال الأُسس. لا محاننة للجهلاء إلا بقدح الكسرة، أمَّا الفكرة فهي (حارة شرسة) يقوم عليها الكفوءُ، بالفعل تنظيراً وتطبيقاً، وتقوم هي باتجاه ابتناء الحياة والمعارف بكل الجديّة المطلوبة لها منطقياً، بعيداً عن التحانن المُضر، والعاطفة غير المنقّحة. ولا نامت عينُ المتشعلقين |
.. . .
| |
|
|
|
|
|
|
Re: السطو المصور (Re: Hussein Mallasi)
|
السيد ملاسي
Quote: السيد الهادي .. وكت ما عندك مادة مجمعة و مرتبة مالك شابكي من قبيل: أحدثك .. أحدثك
|
أشكر لك سعة صدرك
وأشكر لك الإحترافيه في التحاور
ما أحدثك عنه فهو مجالي ومعرفتي به أفضل من معرفتك ولكن من الواجب في هذا المقام
أن يأتي المتحدث بنصوص ومراجع حفظا لحقوق الآخرين
بعدين قوقل دا ما دمت عارف إنو فيهو معرفه زي دي كان تفتش تقرأ عشان ماتكتب كلام ساي
أتمني أن تدخل قوقل وتقرأ شوية حاجات عن الموضوع دا وتحلل لينا بصوره موضوعيه
عشان الناس يقدروا يتداخلوا معاك في الموضوع وبي موضوعيه
إحتراماتي
| |
|
|
|
|
|
|
Re: السطو المصور (Re: عمار الهادي)
|
Quote: يمكن أن يرد هذا التعليق علي لسان ناقد
وليس علي لسان متلقي |
الله ينور عليك يا استاذ عمار تفهمني الحتة دي والفرق شنو بين سطرين ملاسي والسطر الكتيته ليهو انت وقلت ليهو قولو بدل التعليق بتاعه اول البوست والقلت عليهو كلام يطلع من لسان ناقد وليس لسان متلقي
احتراماتي انا برضو
______________________ انا في البوست دا الليلة يا ابقى مثقفة يا اخلي ليكم الحتة دي كو كلو
| |
|
|
|
|
|
|
Re: السطو المصور (Re: Rawia)
|
الأستاذه راويه
آسف علي التأخير
Quote: يمكن أن يرد هذا التعليق علي لسان ناقد
وليس علي لسان متلقي
الله ينور عليك يا استاذ عمار تفهمني الحتة دي والفرق شنو بين سطرين ملاسي والسطر الكتيته ليهو انت وقلت ليهو قولو بدل التعليق بتاعه اول البوست والقلت عليهو كلام يطلع من لسان ناقد وليس لسان متلقي |
مدخل البوست
Quote: فتح أحمد المرضي بوستاً لما يظنه صور؛ فقام تاج السر الملك بالسطو عليه بواسطة صوره الجد جد! |
أقصد بنقد موضوعي إنو السيد ملاسي يقول لينا صور أحمد المرضي دي مشكلتها شنو ؟ في مشكله في موضوع الصوره ؟ في مشكله معالجة الضوء ؟ في مشكله في زوايا الصوره ؟ في مشكله في خلفية الصوره و؟ و؟ وليه صور تاج السر أحسن منها ؟ ما دام عمل مقارنه بينهم ديل النقاد بقولوا كده
والمتذوقون -وأنا واحد منهم- فله أن يبدي رأيه- وله كامل الحق في ذلك - فإن كان سلباً فليوضح أسباب ذلك إن كانت بموضوعيه أو يقل أعجبتني هذا ولم يعجبني ذاك دون أن يبخس مجهود الآخرين
صوبيني إن أخطأت
إحتراماتي
| |
|
|
|
|
|
|
Re: السطو المصور (Re: Hussein Mallasi)
|
Quote: فأقاويل المفعوصين والمفعوصات هي وهم، يطأها الزمن بسنبكه فلا تبقى في الأرض منها ولا منهم باقية، إلا حُفرة حدوة الزمن. ولكن الأخطر من ذلك، هو تنصيب الذات حيث لا مكان لها إلا كشاهدة قبر، قول لي زي شنو!؟ كما يُنَصِّب –القنيط- الآخر، "أب شيبة"، تمييزاً له عن القنيط حميدة "أب عيبة"، يُنَصِّب نفسه في مكان الناقد المعرفي، أو الفيلسوف إن شئت، أعني بالطبع حسين ملاسي حين يُفتي في الفنون، تخَيّل أن تنقلب الحقائق إلى ضدها، كي تناسب ذائقة (الهُراء Nonsense) وكي تُمَيَّع الأُسس النقدية لدرجة التسويف الحرام، علي بالحلال عدم الموس المسنونة للطهور وبس. يا عصام حينما أهدتني صديقتي رشأ رابطاً للبوست فُجعت عديل كدي، ولم أجد عزاء فيه إلا عبارة معروف سند إنو لو الواحد بقي في هذا المكان طويلاً لتدهور مستواه بالفعل ولم يعد يعرف ما هو حق عَمَّا هو باطل. لماذا؟ لأغلبية الجهلاء المغنطيسوميكانيكية، أو أن تغدو الحقائق هي الحقائق فقط لإصرارنا عليها وإلحاحنا الجهول، جاذبين وشادّين لها ناحية الحقائق الفعلية. تخيّل أن بوست التصوير الذي أنشأه أحمد وأنزل فيه تاج السر بعض أعماله، وهي معقولة في مستواها من ناحية الكاميرا "الصنعة"، والأشياء التي هي برايمري خالص إن كانت ستجالد التصوير الفنّي في مداه المعرفي بكامله والفلسفي، لذا فأين هي من أعمال الفنّان الفذ والشاطر، أحمد المرضي، فيلسوف العين وشاعر الريشة، الذي يمنطق ملكة الشوف فينا، ويقّفي الألوان بدرايته!؟ كنتُ أتفرّج في ذلك البوست وأقول متى يا ربي يشعر تاج السر الملك بالحرج ويتوقّف عن مناطحة جبال المرضي الأطلسية! بينما الحصّة تطول لدرجة جعلتني أشعر بالحَيْرة، لا أعتقد بأنّ الملك لا يعرف المسافة بينه وبين أعمال المرضي. ولكنه يعتمد على ذائقة الأغلبية –الجاهلة- المغنيطسوميكانيكية كما برهنها ملاسي في بوسته. وتدافعت بُغاث المستذوقين من كل ناعمة الجناح –حِنْبِّرة- وهاك.. يا سوسو قوقوو كاك كاااك. فيا تُرى هل هذا هو قَدَح (الرجرجة) مع الفنّانين ومواجبتهم لهم في الفنون، الضحك ما شرط الفنون عاد، ونحن من زمان سراويل روسينا اتشرطت ياهو بالقعاد في دلجة أمخاخ زي البوفّرها سودانيز دي. وصديقي كبّر يقول لي سمح الصبر، العندو حكمة ينزّلها للناس بكل طولة بال، يا كبّر يا أخوي ياتو ناس محتاجين حكمتك ياخي؟ في قطيع جُهّال هنا، زي العنبلوق ملاسي دا، قايل رحو عندو قرآن يبخّر بيهو السماء ذاتها، وبدل السماء تنزل ليهو قرآن، لا، هو ذاتو يدخّنها بقرآن طلحو واجّي أكتر من طلح السماء الأحمر. فالناس ضابحين هنا لعشاء أيتها حاجة خلقوها وألا ما خلقوها لسع. وأتفضّلوا يا ناس، أيوة.. دخّل إيدك يا فلان في قدح التشكيل، السياسة، العلوم، وهاك يا عزائم، يا هناية دخّلي إيدك في قدح الشعر، الرسول فوقك، أتفضلوا يا ناس دا بهنا سلطة موزيكا، أيوة، أتفضّلوا.. أتفضّلوا.. تحلية الرواية والقصص والسينما جاية. ما البورد بتاع بكري دا بقى (وليمة) فنون، |
محسن خالد..!!
والله مافى مفعوص فى الدنيا دى غيرك..
وكتر خيرنا..نحن (المفعوصين والمفعوصات والرجرجة ) ..فمن غيرنا توجك الها للابداع.. حتى تدخل الى جنته وتخرج من تشاء..؟!
نستاهل نحنا ذاتو..أكتر من كده .. هسه فرقك شنو من ملاسى ؟!!
| |
|
|
|
|
|
|
Re: السطو المصور (Re: AMNA MUKHTAR)
|
Quote: وكتر خيرنا..نحن (المفعوصين والمفعوصات والرجرجة ) ..فمن غيرنا توجك الها للابداع.. حتى تدخل الى جنته وتخرج من تشاء..؟!
نستاهل نحنا ذاتو..أكتر من كده .. |
يا آمنة مختار نحن من زماآآآآآآآآآآآآآآآآن قعد نقول في شنو ؟من زمن الخرطوم خمر شديدة الإسكار (إصلاح قراءة العوام ) لكن لا يسمع لقصير أمر !!
| |
|
|
|
|
|
|
Re: السطو المصور (Re: Hussein Mallasi)
|
السيد ملاسي
Quote: في انتظار أن يقوم السيد الهادي بجمع و ترتيب مادة مجاله و معرفته التي سيحدثنا فيها عن "الفن والفنانين من أول تعريف للفن لحدي أسي". |
بكل سرور
وحتي ذلك الحين في إنتظار نقدك البناء وتحليلك للأعمال
عشان مسأله فلفلايه وزيت وغرقانه ما مفيده ليك ولا لي باقي الناس
فأرجو شاكراً تفضلك بالنقد الموضوعي
لا أعتقد إنو في داعي للسخريه من مجهود الغير حتي وإت رأيت أنه متواضع
إحتراماتي
| |
|
|
|
|
|
|
Re: السطو المصور (Re: عمار الهادي)
|
يا اخ عمار الهادي سلام.. يازول ملاسي شنو العاوزو كمان يقدم ليك روية ونقدية عن التصاوير وهيك نقة واركلوجية زولناده قاعد (امفكو) ساااااكت وماعندو حاجة وكيسو فاضي كمان.... نموذج للمفلكب الواقف ليهو في تل ملي بالدراب ويرمي فيه من طرف لارضاء ذاته المفلكبة... ولو لحق قدم روية نقدية عن صورة واااحدة حرم يحصل ليه ارتجاج في المخيخ.. فما تحلم بعالم نقدي وريف مع هيك مرجف اسفيري
| |
|
|
|
|
|
|
Re: السطو المصور (Re: عبدالكريم الامين احمد)
|
Quote: سأعود – لاحقاً - للبنات العريانات المصورن تاج السر ؛ أو ما يطلق عليهن إبداعياً الموديلات العارية |
لاحظ عزيزي القاري المنحي النقدي وكيرفه عن الناقد الفني ملاسي ساعود الي البنات العريانات بنات عريانات..!!!. قوووم لف ياخي انت ناقد ولا بوليس اداب.. كدي الليلة ابقي قدر كلامك وعود للبنات العريانات يا ملاسي عشان افرج فيك العالمين
| |
|
|
|
|
|
|
Re: السطو المصور (Re: محمد البشرى الخضر)
|
Quote: ح يظل في العرض حتى الأرشفة الجاية او التهكير الجاي - ايهما اقرب |
شايف في صراع حول العالمين ما بين ثنائية محسن خالد الرهيبة ومقولة غنماية الدقيق المدهشة وياريت نلقي لحكاية البنات العريانات ديل فرقة في النص في مولد الود ملاسي ده...
ملاسي الداير يرجع للبنات العريانات يخس...!!
| |
|
|
|
|
|
|
Re: السطو المصور (Re: عبدالكريم الامين احمد)
|
عموما اي عودة من ملاسي لسيرة البنات العريانات تعني عودتنا هنا ايضا في الاستديو الي (ملاسي العريان)... ديك تعرية من هدوم وهنا ستكون تعرية من روية نقدية فنية وفكرية .. وكلو تعرية مضروب في تعرية i.e(تعريتين والحجر في محلو)
| |
|
|
|
|
|
|
Re: السطو المصور (Re: Hussein Mallasi)
|
Quote: لم يتوفَّر لي وقتٌ كافٍ لمراجعة (ثورة العوام باقتراح تمبس والباك أب لها من عصام) أو للحقيقة لم يعد في موقع سودانيز ما يُفيد إلا نادراً، تدهور معدّل الإنتاج الثري وذي المعنى، ولا أعتقد بأنّ لهذا الموقع فائدة "حاسمة" معاصرة إلا من ناحية الخبر، بينما قَلّ العمل الثقافي كبير الأثر بسودانفورل أيضاً، لانقطاع كتاب مؤثّرين عن الكتابة، يمكن الناس زهجت من سيول المتشعلقين هؤلاء وابتذالهم لكل مندوحة وفضيلة وفكرة بدهية. ربما لم تعجب الأعدقاء مشاكساتنا في الماضي لهم، ولكن كانت تلك المناورات في حد ذاتها تحريكاَ ضد الجمود والكسل والرتابة. أعتقد أن وتيرة سودانيات قد نمت قليلاً مع محافظتها على الوسطية ذاتها في الطرح، ستجد ما هو أُنس وما هو اجتهاد في ناحية التكريس الثقافي والمعرفي المفيد. أرى أن وضعية سودانيات أفضل، فهي لا تنشط أكثر من العادة لتجمد، ولا هي بمتدهورة المادة من ناحية نوعيتها كما هو الحال مع سودانيز، لقد أصبح سودانيز رجّة ديوان كبير أو صالة نساء كبيرة. وما استنبطوه من بيان العشرين المُبشرين بالإبداع –في تفاصيله التي تنحو باتجاه سيرهم الذاتية- يدلّك على مواطن العبقرية المستشرية، والبحث عن الذات من غير صفات ولا اجتهاد. البحث عن الذات مشروع، بل مطلوب، ولكن كيف؟ هنا يقبع السؤال ملتوياً على نفسه كأصلة مُعَمِّرة. وعااادي جداً، كما كان يغنّي أحمد شاويش، أن يصبح باسويرد بكري معادلاً للمُبدع، وأن يستوي كاتب الـchــات بكاتب المجلّدات، ومالو؟ ألم يجمعنا حوش بكري!؟ ومن كاتبَ قوماً أربعين يوماً |
يحيرني بحق أمر العوام والرجرجة والدهماء الذي يشتمهم محسن خالد ويرقصون له وعدد منهم تداخل بهذا البوست نكاية في ملاسي بختك يا محسن جمهور من الأغبياء تستخف بهم ويطربون اللهم لا حسادة
_______________ من ورده شك أني أعنيه فليحول شكه إلى يقين
| |
|
|
|
|
|
|
Re: السطو المصور (Re: مجاهد عبدالله)
|
Quote: ياكيكي الراجل ده وقع في يدكم ولافي بلاعة.. |
الراجل يا مجاهد واقع في بلاعة من زمااااااان وقلنا مع (النيو لوك )والولاية الجديد في العصر الاوبامي نبني ليها بالوعة وليس بلاعة جديدة لزوم المكوة
بالوعة حنسميها بالوعة تصاوير البنات العريانة في حضرة ملاسي صاحب السلوك العريانة
| |
|
|
|
|
|
|
Re: السطو المصور (Re: Hussein Mallasi)
|
!!!
Quote: انو زول حاصلة ليهو امفكوية نقدية وفكرية حادة..وقال عاوز يرجع للبنات العريانات كيف يستوي هذا الامر يا قوم |
يخرب عقلك كيكي ..!!
دا كلام شنو دا
| |
|
|
|
|
|
|
Re: السطو المصور (Re: Hussein Mallasi)
|
السيد ملاسي
Quote: ثبت أن تلويح السيد الهادي بالحديث - في ما قال انه مجال معرفته - عن "الفن والفنانين من أول تعريف للفن لحدي أسي" .. مجرد هراء. |
لا أعتقد أنك قرأت مداخلتي الأخيره
عموماً المسأله زي ماقلت ليك من البدايه ما نصر وهزيمه
المسأله مسأله مسئو ليه عن ما نكتب و مسأله فائده
وحديثي عن الفن ليس هراءً لأن ما سأكتبه ليس من عندي فهو أقوال وتحليلات لنقاد وكتّاب مشهود لهم وفي إعتقادي أنه لا صعوبه في ذلك بل أعتقد أن ملاسي أيضاً يستطيع ذلك ولا شنو
وكل هذا من أجل أن تعرف عن ماذا تكتب
ولأن الماده تحتاج قليل من الزمن أرجو إنو تطوّل بالك معاي
لكن لاأعتقد أن رأيك الموضوعي في الصور دي بيحتاج زمن قدر دا
عموماً لو ماعندك رأي موضوعي كلمنا عشان ننسي الموضوع دا
ولا إنت راجي كلامي البكتبو عشان تقدر بعد داك تكتب بي موضوعيه
إذا كان كده برضو مافي مشكله بس وريني
إحتراماتي
| |
|
|
|
|
|
|
Re: السطو المصور (Re: Hussein Mallasi)
|
السيد ملاسي
محاوله مكشوفه للهروب
كنت أتمني أن تكون موضوعي في النقاش علي الأقل مادمت تصر علي عدم الموضوعيه في النقد
متي تعود إلي الموضوعيه . . إعود
مع السلامه
إحتراماتي
| |
|
|
|
|
|
|
Re: السطو المصور (Re: Hussein Mallasi)
|
لقد أصبح سودانيز رجّة ديوان كبير أو صالة نساء كبيرة ********** لأغلبية الجهلاء المغنطيسوميكانيكية ********* ولكنه يعتمد على ذائقة الأغلبية –الجاهلة- المغنيطسوميكانيكية كما برهنها ملاسي في بوسته ********* وتدافعت بُغاث المستذوقين من كل ناعمة الجناح –حِنْبِّرة- وهاك.. يا سوسو قوقوو كاك كاااك. فيا تُرى هل هذا هو قَدَح (الرجرجة) مع الفنّانين ********* في قطيع جُهّال هنا ******** كما في الكرتلّة ******** التغوُّل العامّي والركيك ******** لذائقة فقيرة وجاهلة ___________________________________
صاله نساء؟ رجه؟ جهلاء؟ بغاث؟ حنبره؟ رجرجه؟جهال؟ كرتله؟ ذائقه فقيره و جاهله؟
الياهو فهم العساكر الحاكمينكم و ما راضين بيهم, وما انكرتم من زمانكم فانما افسده عليكم عملكم
صدق الحديث فيكم:
" أعمالكم عمالكم كما تكونوا يولى عليكم " وما خاتي عليكم عبد الملك بن مروان : ما أنصفتمونا يا معشر الرعية ، تريدون منا سيرة أبي بكر وعمر ولا تسيرون فينا ولا في أنفسكم .
انت يا محسن خالد شايف روحك احسن من الناس الاتداخلو هنا و قالو رايهم ديل لانك فناااان وذواااق و ما جاهل والعساكر شايفين روحهم احسن مننا لانه احنا رجرجه و بغاث و جهلاء و ما عارفين مصلحتنا ولا بنفهم احسن منهم you are even زعلانين مالكم سمح؟
و كمان عفوك من شيل شوالات البطاطس في اسدا عشان تعلمنا؟
صاله نساء دي شنو بالله؟ الجهلوله الكبيره الحنبره و علي قول الهاكر، الحنطوره
رحاب
| |
|
|
|
|
|
|
Re: السطو المصور (Re: Rihab Khalifa)
|
كتب السيد الهادي - الذي أرجح أن احتراماتي التي يذيل بها مداخلاته قد صرفت له مع كلمة المرور - الآتي:
Quote: وكان داير يا ملاسي ممكن أن أحدثك عن الفن والفنانين من أول تعريف للفن لحدي أسي |
ثم:
Quote: في هذا المقام فأنا أعرف ولا أظن |
ثم:
Quote: لذلك يمكنني أن أحدثك |
ثم:
Quote: ساجمع وأرتب الماده |
ثم:
Quote: ما أحدثك عنه فهو مجالي ومعرفتي به أفضل من معرفتك |
ثم: و أخيراً :
Quote: و حديثي عن الفن ليس هراءً لأن ما سأكتبه ليس من عندي فهو أقوال وتحليلات لنقاد وكتّاب مشهود لهم |
فتأمل
| |
|
|
|
|
|
|
Re: السطو المصور (Re: Hussein Mallasi)
|
.. . لمن تجى ويلتف حولك مجموعة من البسطاء والظرفاء اشعر بمتعة لا تضاهيه فنجان جبنه بالهوليدى فيلا ..
_________
راوية والصايم ونستكم بتاع قهوجية واحضار اللينك اضفى على السطو نكهة رائعة
| |
|
|
|
|
|
|
|