يذكر التاريخ السودانى المدون والشفاهى ان المك نمر قد فر الى الحبشة بعد غدره باسماعيل باشا فى الواقعة الشهيرة ..
ولكن ينسب التاريخ الشفاهى فى بعض المناطق قبيلة الجعليين الى أصول حبشية ، فالملك نمر (حسب هذه المصادر) كان يتحدث اللغة التقرنجية (لغة أقوام من الأحباش ) وهى اللغة التى خاطبه بها ابن عمه فى حضرة اسماعيل باشا لتهدئته .
وقد اختار المك نمر اللجوء الى الحبشة لنفس هذا السبب .
فما هى نسبة صحة هذه المعلومات ؟
علما بأن الأصول الحبشية ليست عيبا ، وهناك قبائل سودانية كثيرة مشتركة مع أثيوبيا وأريتريا .
12-06-2008, 04:56 PM
يوسف الولى
يوسف الولى
تاريخ التسجيل: 12-28-2005
مجموع المشاركات: 1312
Quote: فالملك نمر (حسب هذه المصادر) كان يتحدث اللغة التقرنجية (لغة أقوام من الأحباش ) وهى اللغة التى خاطبه بها ابن عمه فى حضرة اسماعيل باشا لتهدئته
المصادر التي اطلعت عليها, والروايات الشفهيه لاهلنا السعداب تذكر إن لغة
التخاطب كانت هي البداويه , لغة غالبية القبائل البجاويه " عدا الحباب, والبني عامر" وهي لغة يجيد الحديث بها العديد من تجار الجعليين أنذاك لتجارتهم , وتزاوجهم الواسع مع البجا. بل هناك بيوتات جعليه كبيره تنحدر من أصول بجاويه في ديم القراي, وطيبة الخواض. مع ودي وتقديري
اخي المعز ابو نورا تحياتي ما اوردته انت صحيحا وهي ان جلعين كثر كانوا يتحدثون التبداويه
Quote: المصادر التي اطلعت عليها, والروايات الشفهيه لاهلنا السعداب تذكر إن لغة
التخاطب كانت هي التبداويه, لغة غالبية القبائل البجاويه " عدا الحباب, والبني عامر" وهي لغة يجيد الحديث بها العديد من تجار الجعليين أنذاك لتجارتهم , وتزاوجهم الواسع مع البجا. بل هناك بيوتات جعليه كبيره تنحدر من أصول بجاويه في ديم القراي, وطيبة الخواض. مع ودي وتقديري
وان النبي عام و الذين يسميهم ياسر طيفور خاسا هم جعلين الاب وكنا نضحك في سرنا عليه لانه يشتم اهله ولا يعرف...وقد وجدت هذه المعلومه بموقع اهل الشرق ( سكناب) ولكن لم احفظ الرابط.
هذا يا آمونه غير رواية أسامة احمد المصطفى طبعا البتخلي الجعلين دمهم يفور,وهي قيل يجدونا في موطأ الامام مالك عن اصلهم.
البهمنا انه هؤلا الموجودين الآن بيننا هم سودانين يحملون الكثير المشترك مع سودانين كثر ويحمل سودانين كثر الكثير المشترك منهم.
12-06-2008, 05:34 PM
AMNA MUKHTAR
AMNA MUKHTAR
تاريخ التسجيل: 07-31-2005
مجموع المشاركات: 13702
يُعرف عن الجعليين أنهم لا يتحدثون إلا اللغة العربية...لكن المعروف قليلاً: هو أن قادتهم يرطنوا باللغة البجاوية...وذلك لإحتكاكهم مع البجا في كثير من المناطق في الشرق....وحلحلة المشاكل التي تنتج عن الإحتكاكات القبلية والخ من مقتضيات الجيرة في الوطن...
وإن كان للجعليين أصول حبشية، فهذا مفخرة لنا جميعاً كسودانيين....فالحبش ناصروا الرسول (صلعم)، وأهدوه العنزة "العصى التي يتكئ عليها الإمام أثناء خطبة الجمعة"...وبنوا له المنبر "ذا الثلاث درجات"...وهو موجود في الآثار السودانية أيضاً في مروي...
أنا شخصياً أفخر أيّما فخر...بأن تكون لي أصول حبشية...لما لهؤلاء القوم من حضارة مشرقة...عندما كان العرب عبارة عن قبائل تبكي أطلالها وأحجارها!
Quote: المصادر التي اطلعت عليها, والروايات الشفهيه لاهلنا السعداب تذكر إن لغة
التخاطب كانت هي التبداويه, لغة غالبية القبائل البجاويه " عدا الحباب, والبني عامر" وهي لغة يجيد الحديث بها العديد من تجار الجعليين أنذاك لتجارتهم , وتزاوجهم الواسع مع البجا. بل هناك بيوتات جعليه كبيره تنحدر من أصول بجاويه في ديم القراي, وطيبة الخواض.
أستاذ المعز أبو نورة .. شكرا على اجابتك على الاستفسار بدون عنظزية فارغة ..
فى الحقيقة المصادر التى اطلعت عليها تذكر نفس هذه المعلومة التى اوردتها ، وهى ان اللغة التى خاطب بها المك نمر ابن عمه كانت اللغة التبداوية لغة اهلنا البجا .
وبلكن بعض المصادر الشفهية تذكر انها كانت التقرينجا.
ليت السودانيون يستعينون بالتطور الهائل فى علم الجينات و DNA لمعرفة أصولهم وقرابتهم بجيراننا فى القارة الأفريقية ، دون تحسس زائد من هذا الموضوع .
فالخلق كلهم من أصل واحد فى النهاية ..
12-06-2008, 05:47 PM
AnwarKing
AnwarKing
تاريخ التسجيل: 02-05-2003
مجموع المشاركات: 11481
Quote: ليت السودانيون يستعينون بالتطور الهائل فى علم الجينات و DNA لمعرفة أصولهم وقرابتهم بجيراننا فى القارة الأفريقية ، دون تحسس زائد من هذا الموضوع .
بل الأجدى والأكثر عملية، أن يتصالح السودانيين مع أنفسهم ويقبلوا ببعضهم البعض...دون تعالي فارغ... فلنأخذ العبرة من أمريكا...التي ليست فقط تحتفي بتنوع أعراقها....بل تقوم بتشجيع الآخرين على الهجرة لها وأعطائهم جنسيتها...وكمان فتح المجال أمامهم لرئاسة الدولة متى ما أثبتوا جدارتهم بها... أوباما مثالاً ناصعاً...
البحث في الأصول غير مجدي...بل الأجدى هو البحث عن طرق الوحدة والإحتفاء بهذا التنوع الفريد...
خالص الشكر أنور
12-06-2008, 06:50 PM
Hisham Osman
Hisham Osman
تاريخ التسجيل: 09-29-2006
مجموع المشاركات: 1210
يقال ان اهالي ديم القراي ينحدرون في الاصل من عائلات ترجع اصولها الي الحبشة, وازكر ان صديقنا د.عثمان بشير خلف الله وهو من ابناء ديم القراي وعمل معنا في مستشفي كسلا ,اكد لي ان ديم القراي كان اسمها
اصلا ديم التقراي واعترت الاسم بعض من (خفة اليد الثورية)فصار بحكم
التحور القراي بدلا عن التقراي,والثابت ايضا ان طيبة الخواض وهي من
مناطق الجعليين الحالية,.
Hisham Osman. خفة اليد الثورية التفرتك ليك راسك ان شاء الله
عالم وهم
_________ "YourAttitudeDetermineYourAltitude"
12-08-2008, 03:13 AM
Hisham Osman
Hisham Osman
تاريخ التسجيل: 09-29-2006
مجموع المشاركات: 1210
المرؤ يعرف فى الزمان بفضله ... وخصائل الحر الكريم كأصله واذا الصديق قسى عليك بجهله ... فاصفح لاجل الود ليس لأجله
الجبيب نزار كل عام وأنت بخير والإسرة الصغيرة والكبيرة في اتم صحة وعافية
ما تزعل يا حبيب وقالوا الما بيعرفك بيجهلك نزار ابراهيم الشيخ الخواض بن الشيخ عبدالرحمن بن الشيخ محمدعشرة بن الخليفة ابراهيم الخواض بن الشيخ الفكي احمد بن الخليفة ابراهيم الخواض(الصغير)، بن الشيخ عبدالسلام ابو إيدا صاقته، بن الشيخ القراي سمساعه*(امه مدينه بنت الشيخ عمر بن البلال، اخت الشيخ حامد اب عصاة لأبيه) بن الخليفة الخواض(الكبير) بن الاستاذ العالم العامل التقي الورع الزاهد الشيخ محمد المشهور بالقراي العجمي، الشاذلي طريقة، المالكي مذهبا، الاشعري عقيدة، المتوفى فى اواخر القرن العاشر الهجري و المدفون بقوز الفقرا(الفقهاء)بالقرب من الجبلاب ، شمال طيبة الخواض(مركز الخلافة)غرب مدينة شندي – بن البركة الشيخ اسماعيل المتوفى فى بغداد، بن الشيخ سليمان بن الشيخ عيسى بن الشيخ عمر بن ابراهيم بن موسى بن سليمان بن محمد بن الخضر بن داود بن سالم بن ابي بكر بن عمر بن سالم بن ابراهيم بن شعيب بن علي بن محمد بن العباس بن عبد الله الدمشقي بن احمد بن محمود بن الحسن المدني بن جعفر بن عثمان بن عمر بن محمد المذهب بن عبد الله العرجي بن عمرو بن ذي النورين عثمان بن عفان بن ابي العاص بن امية بن عبد شمس بن عبد مناف الاموي القرشي العربي
نزار ابراهيم الشيخ الخواض بن الشيخ عبدالرحمن بن الشيخ محمدعشرة بن الخليفة ابراهيم الخواض بن الشيخ الفكي احمد بن الخليفة ابراهيم الخواض(الصغير)، بن الشيخ عبدالسلام ابو إيدا صاقته، بن الشيخ القراي سمساعه*(امه مدينه بنت الشيخ عمر بن البلال، اخت الشيخ حامد اب عصاة لأبيه) بن الخليفة الخواض(الكبير) بن الاستاذ العالم العامل التقي الورع الزاهد الشيخ محمد المشهور بالقراي العجمي، الشاذلي طريقة، المالكي مذهبا، الاشعري عقيدة، المتوفى فى اواخر القرن العاشر الهجري و المدفون بقوز الفقرا(الفقهاء)بالقرب من الجبلاب ، شمال طيبة الخواض(مركز الخلافة)غرب مدينة شندي – بن البركة الشيخ اسماعيل المتوفى فى بغداد، بن الشيخ سليمان بن الشيخ عيسى بن الشيخ عمر بن ابراهيم بن موسى بن سليمان بن محمد بن الخضر بن داود بن سالم بن ابي بكر بن عمر بن سالم بن ابراهيم بن شعيب بن علي بن محمد بن العباس بن عبد الله الدمشقي بن احمد بن محمود بن الحسن المدني بن جعفر بن عثمان بن عمر بن محمد المذهب بن عبد الله العرجي بن عمرو بن ذي النورين عثمان بن عفان بن ابي العاص بن امية بن عبد شمس بن عبد مناف الاموي القرشي العربي
frankly الذي رضي عن جهله ورضي جهله عنه
الناس الرصيتم فوق ديل قيمتهم شنو? ماذا اضافوا للتراث الانساني
اكثر من القدرة علي لانجاب بمعناه البيولوجي?
12-06-2008, 05:46 PM
JOK BIONG
JOK BIONG
تاريخ التسجيل: 11-14-2006
مجموع المشاركات: 5394
بأن يكون السودانيين موجودين في كل مكان ويستطيعوا توفير الحماية لمن يأتيهم من أوطانهم الأم؟
نفسي أزور المنطقة المسماة بالمتمة الحبشة، بالتأكيد سألاقي فيها الكثير من أهلنا هناك...موش كده؟
انور نعم مفخر ان يكون الجعليين سودانيين مئة بمئة لا اعتراض على ذلك بس ما يقولوا نحن من قريش ولا غيره دايرين نعرف اصولهم ومن اين هاجروا الينا؟ تسلم يا انور وعيد سعيد جوك
12-06-2008, 06:10 PM
AnwarKing
AnwarKing
تاريخ التسجيل: 02-05-2003
مجموع المشاركات: 11481
الأخ الحبيب جوك... على حسب علمي المتواضع...أنو وجود الحبش في منطقة الجزيرة العربية سابق لوجود العرب أنفسهم...لذلك فالتمسك بالحبش أجدى لمن أراد مفخرة حقيقية...
بالنسبة للتمسك بقريش والخ...فأعتقد أنه يجانب دعوة الإسلام نفسه... فالإسلام يعلمنا أنو كلو زول معلق من عرقوبو...ولا فضل لعربي على أعجمي إلا بالتقوى...
وبالنسبة للعدالة في الإسلام...فقد قال رسولنا (صلعم): لو سرقت فاطمة بنت محمد -أي بنته- لقطع محمد يدها... وبالنسبة للنسب وهل سيفعل لك شئ يوم القيامة لفاطمة بنته أيضاً: يا فاطمة أنني لن أغني عن من الله شيئا...
ونحن نعرف منزلة سيدنا بلال بن رباحة الحبشي عن رسول الله (صلعم)...فقد كان مؤذنه...
والمؤذن اليوم يا جوك...عامل زي المتحدث الرسمي بأسم البيت الأبيض عشان كده شفتا العرب زعلانين كيف، كونو من أصول إسرائيلية؟
وأنا مبسوط جداً لذلك...
هذه خطوط رئيسية....ونحن في السودان...نهوى أوطاننا يا جوك...ولو رحلنا بعيد...بنطرا خلانا...من كل القبائل والجهات...
كامل المودة وكل عام وأنت وأسرتك بخير
أنور
12-06-2008, 05:53 PM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
Quote: كمان توجد قبيلة اسمها جعلتي في الحبشة وهو فرع احتمى بهم المك نمر
يبقى النكته الزمان علن الحبشي القال في الكشة انه قبيلته جعلتي كان صادقا؟؟!!
يا آمونه اتفق مع انور كنج هذا لا يفيدنا كثير بقدر حوجتنا لايجاد ما يجمعنا وليس ما يفرقنا. انا مثلا اجتمع مع الجعلين في قوة الراس وفي الحماقة المكن تودينا التوج وفي الكرم وفي حب الشجاعه وتقديرها وفي التغزل في الفارس المقدام و الشجاع و الجسور.
واكره عندهم البطان واراه عادة غبيه وبها ساديه مفرطه.
وكل واحد اكيد لو تامل سيجد عادات مشتركه بينه وبين قبائل كثيرة.
الأخت العزيزة جداً تراجي... أشكرك على هذه الأفكار الإيجابية...
حقيقة أخرى يجب أضافتها...وهو أنو عندما بدأت حملة الدفتردار الإنتقامية ( حملة الإبادة الجماعية، والتخويف والتجويع)... كان بيوقفوا الناس صف...ويسألوهم منو الجعلي...وكان المقصود أن يتم إبادة الجعليين...ولكن أي زول من أي قبيلة سألوه...قال أنا جعلي...
مافي زول خاف من الموت...وهذا هو السودان...السوداني على الإطلاق لا يخاف...وليست مقصورة على قبيلة أو جهة بعينها...
ديل أهلي...
ولذلك ارتبطت قولة الزول ده جعلي...ليس بالقبيلة والعرق...بل بالصفات ومنها الشجاعة التي ذكرتيها...
وبالنسبة للحماقة...فأعتقد أنو الشوايقة "بغتاتهم" أحمق سودانيين حايمين في السودان. تلقي الواحد منهم راقدلو فوق راي....
لكم المحبة
أنور
12-06-2008, 06:16 PM
AMNA MUKHTAR
AMNA MUKHTAR
تاريخ التسجيل: 07-31-2005
مجموع المشاركات: 13702
Quote: يا هو زاتو حكاية الهروب الي الحبشة فالمك نمر هرب الي اهله وعليهم الاعتراف بذلك الصلة بين الجعليين والاحباش ما فيه عيب
العزيز جوك بيونق.. أنا ما عارفة الناس ديل ماخدين الموضوع بزعل شديد كده ليه؟!
فما ضير الانتساب الى الأحباش وهم قوم ذوى حضارة عريقة تعد من اطول الممالك عمرا فى العالم.. والأغرب من ذلك ..ينفون باصرار عجيب سودانية كثير من القبائل السودانية ويطالبونهم بالرجوع الى أوطان أخرى مفترضة !!
شوف مثلا أستاذنا (المعز أبو نورة )جاوب على الاستفسار بكل روح رياضية دون تعالى اجوف ، بالرغم من ان هذا الرجل ينتمى الى أسرة أشهر المؤرخين السودانيين .
____
شخصيا أرى ان الأحباش أرقى من السودانيين بكثير..
12-06-2008, 06:37 PM
JOK BIONG
JOK BIONG
تاريخ التسجيل: 11-14-2006
مجموع المشاركات: 5394
Quote: العزيز جوك بيونق.. أنا ما عارفة الناس ديل ماخدين الموضوع بزعل شديد كده ليه؟!
فما ضير الانتساب الى الأحباش وهم قوم ذوى حضارة عريقة تعد من اطول الممالك عمرا فى العالم.. والأغرب من ذلك ..ينفون باصرار عجيب سودانية كثير من القبائل السودانية ويطالبونهم بالرجوع الى أوطان أخرى مفترضة !!
شوف مثلا أستاذنا (المعز أبو نورة )جاوب على الاستفسار بكل روح رياضية دون تعالى اجوف ، بالرغم من ان هذا الرجل ينتمى الى أسرة أشهر المؤرخين السودانيين .
امنة نحن ما يهمنا غير سوداننا دا واي قبيلة داير تقف وتقعد على كيفه نوريه انو نحن كمان قبائل موجودة في ارضنا منذ الازل والي الابد باقون...جنسياتنا ليست بالميلاد ولا سجم رماد.نحن هنا قبل تسمية هذه الكرتونة باسم السودان.التهرب من انتماء الجعليين لاصول الحبشية عن رغبتهم في الانتماء الي العروبة والقريش في الجزيرة العربية لا اكثر بس نعترف بسودانيتهم كغيرهم من القبائل السودانية. جوك
12-06-2008, 07:56 PM
Yassir Tayfour
Yassir Tayfour
تاريخ التسجيل: 08-18-2005
مجموع المشاركات: 10899
إنا جعلناكم شعوباً وقبائل لتعارفوا، ده كلام ربنا؛ الحبش مالهم؟؟ عيبوهم لي ! أحلى وأجمل ناس وأصحاب موروث خرافي وحضارة ضاربة الجزور؛ أنا ذاتي قدر ما الاقي الأحباش "بهوزِزوا" لي رؤوسهم، وهذا حال تعارفهم حين ما يلتقون شخصاً ما أول مرة، حتى يتأكدون من "حبوشيته" وأنا كانت الحبشية "نضيفة" أنا كلي بتهوزز، موش راسي بس، وأعقبها بكلمات مختارة بعناية، حتى يتأكد ظنها، وتدخل الطمأنينة بيننا؛ وحتى لا يتسرب لها الشكل، وقبل أن تُبحر بي عميقاً في الونسة بلغتها، أقول: نحن حبش، بس إتربينا في السودان؛ وإن كانت حبشية "غير نضيفة، أرد لها "هوزيز" رأسها بـHi، ولا أزد.. فقبيلة الجعليين " الهاردة حشاكم" دي قبيلة مختلطة إختلاط عجيب وبديع، وكلما إختلطت صارت أكثر "جعلّنةً" وأكثر إنتشاراً؛ بعض الجعليين يزعمون أن إصولهم تنتهي عند العباس، وبعضهم "تأمم"، أي وصل نسبه إلي بني أمية قتلة علي كرم الله وجهه وإبنيه الحسنين، ونسوا ما بينهم -العباسيين والأمويين - من تأريخ دامِ، ولله في خلق شئون؛ أما أنا- والعياذ بالله منكم/ن- ينتهي نسبي عند النوبة، فما أنا إلا نوبي نسي لغته الأصليه، لماذا ؟؟ لا أعرف، ولكني نوبي لقربي من مركز وعاصمة دولة النوبة، ولا اظن أن الجعليون إستوطنوا عاصمة النوبة ومركزها وطردوا من كان عليها من نوبة، فهذا ما لم يحدثنا به التأريخ؛ وإن تأكد لنا أن جزورنا أيضاً تنتهي عند الأحباش ، فهي زيادة خير وبركة.. ___ وقد يكون هنال بعض الجعليين تنتهي صلاتهم عند العباس و عند آل البيت، بفعل التجارة وطلب العلم؛ آمنة مختار وتراجي مصطفى خرجتان لطلب العلم، ورجعتان ممسكتان بمصري ينتهي نسبه عند مارية القبطية وأردني ينتهي نسبه عند آل البيت "عِدِل"؛ فالبيمنع شنو يكون في جعليين إختلطلوا بمن ينتهي نسبه عند العرب وأصبح لهم أحفاداً عرباً، ما المانع؟؟
12-06-2008, 08:00 PM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
Quote: وقد يكون هنال بعض الجعليين تنتهي صلاتهم عند العباس و عند آل البيت، بفعل التجارة وطلب العلم؛ آمنة مختار وتراجي مصطفى خرجتان لطلب العلم، ورجعتان ممسكتان بمصري ينتهي نسبه عند مارية القبطية وأردني ينتهي نسبه عند آل البيت "عِدِل"؛ فالبيمنع شنو يكون في جعليين إختلطلوا بمن ينتهي نسبه عند العرب وأصبح لهم أحفاداً عرباً، ما المانع؟؟
ان شاء الله كراع جاسكيا الكنديه تلقاها.
12-06-2008, 08:23 PM
Yassir Tayfour
Yassir Tayfour
تاريخ التسجيل: 08-18-2005
مجموع المشاركات: 10899
الاخ الكريم ياسر طيفور و بقية كرام بنى جعل ، عليكم الله الدنيا عيد وما تشغلوا انفسكم بتوافه الامور، زمان قالوا جدكم المك نمر كان راقد كدة فى ضل الضحى وجاءت و احدة من حبوباتنا وقالت ليهو كلامن كدة ما عجبو ، طبعا جعلية و ما بتخاف ( وامها بت عم ابوها )، اها قام المك عاين ليها وضحك ساكت ، بعدين عثمان و النعيسان قال لحبوبتنا الجعلية ، ضحكة المك معناها ده شعرن ما عندك ليهو رقبة . المك بعد ما فاتت المراة قال لى ود النعيسان ، يا خوى مالك تاعب نفسك و بتوضح ليها، طبعا ود النعيسان ........
العزيزة آمنة مختار عيد سعيد وكل سنة وأنتِ بخير 000
اقرب الوسائل لإثبات النسب هو علم الــDNA لكن دعاة آل قريش وآل العباس في السودان ماعندهم الشجاعة عشان يقوموا بفحص حمضي لان هذا الفحص حتما حيكشف اكاذيبهم اللى ماعندها نهاية 00
اقرب الوسائل لإثبات النسب هو علم الــDNA لكن دعاة آل قريش وآل العباس في السودان ماعندهم الشجاعة عشان يقوموا بفحص حمضي لان هذا الفحص حتما حيكشف اكاذيبهم اللى ماعندها نهاية 00
بريش فيوف ..
انت من وين في الاهل ....
ود الباوقة
12-06-2008, 11:44 PM
Yassir Tayfour
Yassir Tayfour
تاريخ التسجيل: 08-18-2005
مجموع المشاركات: 10899
Quote: اقرب الوسائل لإثبات النسب هو علم الــDNA لكن دعاة آل قريش وآل العباس في السودان ماعندهم الشجاعة عشان يقوموا بفحص حمضي لان هذا الفحص حتما حيكشف اكاذيبهم اللى ماعندها نهاية 00
يا فيوف الـ DNA ده اختاهو، لأنو إنت شخصياً الـDNA ممكن يطلع عندك قرابة بقرود إنقطع نسلها وتأنسنت، ويجو بعدين ناس حقوق الحيوان وحقوق الإنسان يتشاكلو فيك، وده مصير ما برضاهو ليك بحكم زمالتنا الإسفيرية دي.. ___ منظمة حقوق "الحيسان"
12-07-2008, 00:13 AM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
الأخت آمنة أعتقد أنه سؤال منطقي. يلفت النظر كذلك الشبه الكبير في التقاطيع بين بعضنا كجعليين و بين بعض الإخوة الإثيوبيين. شخصيا سأكون سعيدا جدا لو ثبت أن أصولنا ترجع إلى إثيوبيا يعني من جهة نحن أعمام سيد الخلق صلى الله عليه و سلم و من جهة نحن سلالة أعرق حضارتين في أفريقيا حضارة النوبة و حضارة أكسوم. و في النهاية و البداية (كلكم لآدم و آدم من تراب).
12-06-2008, 11:50 PM
Elawad
Elawad
تاريخ التسجيل: 01-20-2003
مجموع المشاركات: 7226
الاخت أمنة كل عام وانت بخير طبيعى ان يفر الانسان الى حيث يأمن ويعرف(لايفر الانسان الى المجهول). لدى تسال هنا ، اذا كانت البداويت هى اللغة السائدة ، وهى اللغة التى خاطب بها المك شقيقه ، لماذا لم يتجه شرقا نحو مناطق البجا؟ مع العلم ان اقليم التاكا لم يخضع لسلطة الاتراك الا فى عام 1841 اى بعد عشرون عاما من دخول الاتراك،
12-07-2008, 01:47 AM
waleed dawash
waleed dawash
تاريخ التسجيل: 06-04-2007
مجموع المشاركات: 1541
الاخت امنه والمتداخلين الاعزاء كل سنه وانتو طيبين.
قبل عدة سنوات وانا اعمل بجامعة جوبا اثير بيننا نقاشا بان الدينكا ابناء عم للجعليين وحاولنا بكل السبل اثبات ذلك واذكر وقتها اننا وجدنا ان نسبة كبيره من الحاضرين من ابناء الدينكا والجعليين يحملون فصيلة الدم(O) ( شفتى الكرم دا) وقد تمنيت لو اثبتنا ذلك لكنا زدنا قبيلة الجعليين فخرا على فخرها فالانتساب الى قبيلة الدينكا فخر ليس اذلال.
اما النسب الى الاحباش فهو تاج يزين دون مشانة.
على كل اشم فى هذا البوست رائحة السودان الواحد. حتى اللعب بين الاخت تراجى والاخ ياسر طيفور كان وديا.
اتمنى ان نكون هكذا ونفكر فى بناء السودان الواحد.
Quote: اقرب الوسائل لإثبات النسب هو علم الــDNA لكن دعاة آل قريش وآل العباس في السودان ماعندهم الشجاعة عشان يقوموا بفحص حمضي لان هذا الفحص حتما حيكشف اكاذيبهم اللى ماعندها نهاية 0
0
الجعليين ممكن يعملوا التست بتاع الهناى ده ( اسمو شنو المنجوه? DNA !) بس انتو دبرو القروش عشان هو غالى وكمان تنتظروا عشرين سنة لاحد النتائج ما تطلع (باقى قالو الفحص بطول)بعد داك تشيلو النتيجة وتمشوا بيها بلد ثاني (عشان السودان بكون راح فيها)
كل الود
12-07-2008, 03:22 AM
Balla Musa
Balla Musa
تاريخ التسجيل: 12-30-2004
مجموع المشاركات: 15238
Quote: انا مثلا اجتمع مع الجعلين في قوة الراس وفي الحماقة المكن تودينا التوج وفي الكرم وفي حب الشجاعه وتقديرها وفي التغزل في الفارس المقدام و الشجاع و الجسور.
مرحب بتراجى وآمنة وجوك بيونق فى قبيلة الجعليين..
وياجوك بيونق خلى بالك الفنانة هيمانويت جعلية من إندناوكذلك الوسيم هيلاسلاسى واهله الأمهرا. ولقد كانت مادلينا بنتنا حيث الشرق أتى والغرب أتى وتلاقت قمم يامرحى!
12-07-2008, 04:31 AM
ahmed shaaeldin
ahmed shaaeldin
تاريخ التسجيل: 03-04-2005
مجموع المشاركات: 65
الاخ الكريم / ابونورة كل عام وانت بخير ودربك اخضر من ناشفيل الى اتلانتا
Quote: إن لغة
التخاطب كانت هي البداويه , لغة غالبية القبائل البجاويه " عدا الحباب, والبني عامر
تصحيح بسيط البنى عامر ليست قبيلة بل مجموعة قبائل بعضها يتحدث البداويت والبعض يتحدث البداويت والتقرى واخرون التقرى فقط. الا ان المعلومة المهمة المرتبطة بموضوع البوست ان قبيلة الناتاب التى منها بيت النظارة ال دقلل، تعد من قبائل الجعليين ، التى سكنت المنطقة وتبجوت(من بجا)، طبعا هذه المعلومة من التاريخ المحكى . غيب وتعال بالغنائم ولك الود
12-07-2008, 09:08 AM
Mohamed E. Seliaman
Mohamed E. Seliaman
تاريخ التسجيل: 08-15-2005
مجموع المشاركات: 17863
عيد سعيد، يا آمنة بت مختار و يا أهلنا في أدب النكايات القبائلي، أشارت تراجي و قال محجوب
Quote: ان قبيلة الناتاب التى منها بيت النظارة ال دقلل، تعد من قبائل الجعليين ، التى سكنت المنطقة وتبجوت(من بجا)، طبعا هذه المعلومة من التاريخ المحكى .
و قال محمد ود بن سليمان
Quote: This point is good Thanks MAHJOOP
صدق محجوب، ففرح به محمد، و بهذه الحقيقة كان قد شافه (وَهَدْأ) الشيخ إبراهيم ود موسى ود إبراهيم ود محمد ود موسى الويلئيابي المحمودابي ناظر عموم الهدندوة بعض المؤرخين، ثم إنتقل ذاك الحكي الشفاهي إلى صفحات الكتب كما حال كل تاريخ. فالمكتوب هو أن عامر نابت بن علي نابت جد النابتاب من ولد شاع الدين بن عرمان جد بطن الشاعديناب من الجعليين. قيل: و في النابتاب حمية الفحول و حسن نسائهم فائق غير زلول. كما إنه مكتوب أن من بعض أشهر أبناء البنات من الهدندوة (وهنا تفرد خاص في حقوق الإنتماء البجاوي)، قبائل: الشرآب (الشرعاب) و هم جلّ هدندوة القاش، من ولد مكابر ود عرمان جد المكابراب الجعليين القرئيب (القرعيب) من ولد زيد ود عرمان جد الزيداب الجعليين الأوداب (العوضاب) من ولد سوار ود شائق من ولد إبراهيم جعل جد السواراب الشايقية الشيكاب (الشيخاب) من ولد الشيخ العدوي و هم في حسبة الجعليين. البشارياب من ولد بشار بن عكيك من نسل شاع الدين ود التويم الشكري كما أن المشهور بتاريخ موثق أن الأتمن (العثامنة) من رؤوس الأمرأر هم بني عثمان بن المانجلك عجيب بن عبد الله الجماع القاسمي. و ما لم يذكر بهذا الخصوص عن الكميلاب و الكمالاب و البشاريين و السمرأر و الحلنقة أكثر، و لكن، قد تبوخ به حَمّارة النكاية. ـــــ ويا محجوب، إن في قولك (تبجوت) النابتاب، إيقاع و نظر جميل. و لكن لي اهتمام فعودة لمداخلة لك تتعلق بمحور أهتم به في بوست قريب (رفاة المك نمر).
12-07-2008, 09:08 AM
ALazhary2
ALazhary2
تاريخ التسجيل: 09-06-2003
مجموع المشاركات: 4966
الناس مؤتمنون على أنسابهم ولسنا في حاجة لإثبات نسب لفلان من الناس أو علان من الخلائق أو بامعيط وبا نطاط الحيط .
المجموعة العربية الجعلية في السودان شامخة الأحساب سامقة الإنساب الى سيدنا العباس بن عبد المطلب (بقية أباء رسول الله صلى الله عليه وآله وسلم) ، وخالطت القبائل الإفريقية ليخرج منها هذا النسل الكريم والسلالة الشريفة .
عرب ممزوجة بي دم الزنوج الحارة ديل أهلي .
وكلكم لآدم وآدم من تراب .
كثيرة هي المؤلفات والأبحاث التي تطرقت لنسب القبائل الجعلية في السودان سواء لباحثين من أهل السودان ، أو لنسابة من خارجه .
ومن أهم هذه المؤلفات وكتب الأنساب ما الفه مؤرخون ينتمون لنقابة الأشراف العباسيين في الحجاز الشريف ومنهم النسابة الشريف حسني بن أحمد العباسي صاحب (كتاب المشجر الألماس في أنساب بني العباس) وكتاب ( الأساس في أنساب بني العباس) والنسابة الشريف سطام بن أحمد العباسي صاحب كتاب (المشجر المبين في نسب الأشراف الجعليين)
بعض صفحات من كتاب (الأساس في أنساب بني العباس)
وقد إستعان المؤلف النسابة في هذا الكتاب بما يزيد عن (104) مرجع من كتب الإنساب والمخطوطات التاريخية في السعودية ومصر والسودان وتركيا .
. .
12-07-2008, 09:38 AM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20364
فى حاجه معكوسه فى البوست ده .. الاخت آمنه ردت نسب الجعليين للاحباش وهو تخريج ارادت به الاساءه والذم بالرغم من تأكيدها انها تعتبر الاحباش ارقى من السودانيين - ولا اعلم كيف تاكد لها ذلك - الجعليين قالوا والله الاحباش كويسين كان بقينا منهم بالرغم من حقهم ان يرفضوا تخريجات عالمات وعلماء الاجناس العباقره فى البورد فقام رواد التخريجات العنصريه وذوى الافق الضيق شبكوهم انتوا زعلتوا ليه ؟.. ( لانهم متأكدين انو الموضوع ده مفروض يزعل الجعلين )
الشاهد فى الموضوع حاله استلاب العقل الباطنى واضحه جدا فى البوست
قاتل الله الفراغ .. فهو مؤذ
12-07-2008, 09:42 AM
Mohamed E. Seliaman
Mohamed E. Seliaman
تاريخ التسجيل: 08-15-2005
مجموع المشاركات: 17863
Quote: لفضة ( آب ) الذي تأتي في آخر الاسم كما هو مدون بعالية لفظ مأخوذ من لغة ( البجة ) ومعناها عائلة أو قبيلة لذا نجد اللفظ مضافاً لمسمى معظم القبائل السودانية .
Quote: وفي ميزان التفاضل والرفعة عند ربنا عز وجل يقول سبحانه: { يا أيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم..} قال على بن أبي طالب لما نزلت هذه الآية "اليوم وضع النسب"
ومن السنة يقول صلى الله عليه وآله وسلم: يا أيها الناس:ألا إن ربكم واحد وإن أباكم واحد ألا لا فضل لعربي على أعجمي ولا لعجمي على عربي ولا لأحمر على أسود ولا لأسود على أحمر إلا بالتقوى" وفي رواية "لا فضل لعربي على عجمي ولا لعجمي على عربي ولا لأبيض على أسود ولا لأسود على أبيض إلا بالتقوى الناس من آدم وآدم من تراب"
12-07-2008, 03:48 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
الأخ محجوب كل سنة وأنت طيب ياخي فلتعذرني في المداخلة دي و ليعذرني الدكتور أبو نورة على العجلة ، يدي أكلتني على الكي بورد، لأني مقيم ما أقام عسيب، أطالع، فالعيد كما علمت، غير العيد، و لست على سفر كما الدكتور. كما و أن سؤالك الجيد (غض النظر عن مقدمته) متعلق ببعض همي في بوست الأستاذ قير تور رفاة المك نمر كتب محجوب
Quote: طبيعى ان يفر الانسان الى حيث يأمن ويعرف(لايفر الانسان الى المجهول). لدى تسال هنا ، اذا كانت البداويت هى اللغة السائدة ، وهى اللغة التى خاطب بها المك شقيقه ، لماذا لم يتجه شرقا نحو مناطق البجا؟ مع العلم ان اقليم التاكا لم يخضع لسلطة الاتراك الا فى عام 1841 اى بعد عشرون عاما من دخول الاتراك،
و عليه، فـ بالإذن يا عزيزي محجوب و أبو نورة، أولاً، لا أعتقد بأن المك نمر قد (فر) بل تراجع ثم لم تعد هناك من إمكانية للعودة قبل مماته. راجع بوست الأستاذ قير تور. ثانياً، لم تكن البداويت هي اللغة السائدة كما تفضلت،(على الأقل في ذلك الوقت) بل لغة قوم كانت للمك علائق بهم سابقة و لاحقة كما سيتضح. ثالثاً، المك تعلم التبداوية في بعض ظرف تاريخي منذ صباه عندما كان مطلوباً (للقتل) من قبل متملك الدولة وزير الهمج في سنار إدريس ود رجب ود محمد أبي اللكيلك. فلقد أصبح المك نمر بعد مؤامرة قتل فيها أبوه محمد ود نمر كما غالب إخوته لاجئاً مع عمه سعد ود نمر في جهات سافل (شمال) الأتبراوي مخالطاً لسكان المنطقة و من ضمنهم البشاريين و الكمالاب و بعض الهدندوة من الهاكولاب و الكلولي ممن لغتهم (التبداوية). في تلك البادية، كانت هناك أيضاً فروع من البطاحين و من الجعليين النافعاب، و الأخيرون بالذات هم حلفاء بيت النمراب السعدابي و قد آزروه في التغلب على غيره من بيوت السعداب فحيازة مكوكية شندي. أرجح، إنه من تلك المخالطة في بادية الساسريب و قوز رجب تعلم المك و عمه اللغة التي تآمرا بها على إسماعيل في تلك الليلة، و ليس كما قلت أنت (لأن التبداوية كانت سائدة)، و ليس أيضاً بسبب مما يتم ذكره كثيراً عن كثرة تردد التجار من البشاريين على شندي فقد يساعد ذلك على فهم لغة و ليس على الطلاقة فيها. مما يرجِّح قولي، إنه عندما تراجع المك بعد حملة الدفتردار فألب إليه القبائل بجهات أبي دليق كان البشاريون من أول الذين اجتمعوا إليه. أما سؤالك (لماذا لم يتجه شرقا نحو مناطق البجا؟ مع العلم أن إقليم التاكا لم يخضع لسلطة الأتراك إلا في عام 1841 أي بعد عشرين عاما من دخول الأتراك) فهو سؤال على جودته إلا إنه، في ظني، يقوم على افتراض لا محل له عندي، ألا و هو افتراض أن المك نمر كان في عماء كامل عما يدور حوله من أحداث، لا أظن ذلك. الرجل كان مكاً ذا طموح و مآرب تقتضي بعض الفطنة و المعارف و لو قصرت عن الإحاطة بكل شيء كما أثبت التاريخ. ففي تلك الفترة قبل و حوالي 1820 كان الهدندوة ( وبالمناسبة كانوا هم خلل الفترة 1837-1844 بقيادة الشيخ محمد دين ود محمد ود موسى ويل علي ثم ابن أخيه الشيخ أوهدأ موسى ود إبراهيم، مشعلي ثاني أكبر و أطول تمرد على الترك بعد تمرد المك نمر) قد نزلوا من الجبال إلى سهول القاش و منخرطين في سعي محموم للسيطرة على الأراضي بين ذلك و حتى الأتبراوي. كان إقليم التاكا ساحة لحروب لا تكاد تهدأ، بين الهدندوة و الملهيتكناب و الهدندوة و الحلنقة و الهدندوة و السبدرات و الهدندوة و البشاريين و الهدندوة و المسلمية و الهدندوة و الشكرية و الهدندوة و الهدندوة. هذا واقع لا يشجع عاقل على مغامرة الاحتماء به. أم ما رأيك؟ كما و لا أعتقد أن المك نمر كان يجهل وجود الأتراك في سواكن و مصوع، فلا يعقل أن يضع مصيره و مستقبل خطته من التراجع في كماشة الترك. و أخيراً، فظني أن المك كان على بعض إطلاع و معرفة بموازنات القوى المحيطة به، تلك الموازنات التي جعلت من سعي الأحباش في بناء دولة موحدة و من سعي الترك في بناء الإمبراطورية محورين لدوران السياسة في تلك الأصقاع في ذاك الوقت.
شكراً يا آمنة و يا محجوب على الفرصة و بانتظار قراءة لإضاءة من الدكتور أبو نورة و عيد سعيد
(عدل بواسطة هاشم الحسن on 12-07-2008, 08:29 PM) (عدل بواسطة هاشم الحسن on 12-27-2008, 05:44 PM)
12-07-2008, 08:15 PM
خالد خليل محمد بحر
خالد خليل محمد بحر
تاريخ التسجيل: 07-19-2006
مجموع المشاركات: 4337
Quote: فالملك نمر (حسب هذه المصادر) كان يتحدث اللغة التقرنجية (لغة أقوام من الأحباش ) وهى اللغة التى خاطبه بها ابن عمه فى حضرة اسماعيل باشا لتهدئته
ذكر الدكتور/الباقر العفيف فى إحدى كتبه معلومة مفادها أن الجعليين قد تعلموا اللغة العربية قبل قرن أو قرنيين على ما أعتقد...وهذ إن صحى يثبت المعلومة التى اورديتها اليه..عموما سأحوال نقل ماقله الباقر العفيف نصيا..حتى تكتمل الفائدة
12-07-2008, 08:43 PM
Rawia
Rawia
تاريخ التسجيل: 11-23-2002
مجموع المشاركات: 8396
Quote: حقيقة نسب الجعليين الى الأحباش..وهل فر المك نمر الى أهله ؟!
والله ياأمونه يا بت مختار رمية من غير رامي.... لا أستطيع الولوج إلى عقلك ونواياك ولكن لي بظاهر القول وسالف العهد بكتاباتك وأفكارك التي تبثينها.
أردتي النيل من الجعليين في شخص المك نمر وفشلتي وفزنا بالمزيد والمزيد من المعلومات عن ذاك الأسد وعن تاريخه الغير مدون في الكتب التي قرأناها مثل تاريخ وجغرافية السودان لنعوم شقير والسودان عبر القرون لمكي شبيكة وغيرهها من أسافير التاريخ التي وصلت إلينا أو سعينا إليها. شكراً لك أمونه فقد أتحتي لي الفرصة للإطلاع على المزيد من تاريخ المك نمر ود نمر وهو نمر ود نمر ولن يضيره ما يكتب هنا أو هناك فقد فعل ما يجب فعله كرئيس لقبيلة في فضاء سمي فيما بعد جمهورية السودان ولم يكن وقتها كذلك. مشكلتنا يا أمونه تخاصمنا مع أنفسنا،،، لو تصالحنا معها لصلحنا الأخرين.
شكراً مرة أخرى وكل سنة وأنتي طيبه يا أمونه بمناسبة عيد الأضحى الذي يحل بعد بضع ساعات وأتمنى لك في هذه الليلة المباركة تصالحاً عاجلاً مع نفسك ويليه تصالحاً مع الآخر،،، ولك كل الود بعد إلحاق أمنيات السعادة لك ولنفسك فما زلتما زولين وحلوين.... الشايقي http://www.youtube.com/watch?v=WjNosdjuv7s [email protected] http://alkatwah.com
.
12-08-2008, 02:26 AM
MAHJOOP ALI
MAHJOOP ALI
تاريخ التسجيل: 05-19-2004
مجموع المشاركات: 4000
الأقباس الجنسية في السودان كثيرة من زيمبابوي وإثيوبيا إلى غانا والكنغو والمغرب ومصر ، والنوب فيه أصل ، حتى أمة النبي إبراهيم السيدة هاجر (ع) وهي أم العرب في القصص المأثورة هي نوبية من جنوب مصر وقيل من ذات المكان الذي كان فيه سلف ماريا القبطية والله أعلم
ولكن الشريف إدريس مدفون في منطقة أزحف أو أسحف شرق بارا
أما الثقة في موضوع أصول وفروع الجعليين فهي مخطوطات الفحل الفكي وكانت بدار الوثائق المركزية في السودان (الأصح أن تسمى الدار المركزية للوثائق ولكن الطبع غلب التطبع) لعل بالإمكان إيجاد نسخ في مكتبة الشرقيات في جامعة لايدن
وهناك كتاب "الأبوراب" للموقد الخزاف الأستاذ في الفنون أحمد عبدالله أبارو أحد رواد فن الخزف في بريطانيالأكثر من خمسين سنة وكتابه كتاب ثمين قيمته المالية فقط حوالى 500 جنيه إسترليني والكتاب نفسه قطعة فنية.
Quote: الجعليين قد تعلموا اللغة العربية قبل قرن أو قرنيين على ما أعتقد
وقبلها كان بتكلموا شنو! البوركيناوية! قرن أو قرنين! دا كلام باحث ولا عتالى نسبة هامش الخطأ 100% ! يعنى آمن مختار عمرها 40 أو 80! آمنة مختار تريد ان تقول ان الجعليين جدهم النجاشى وليس العباس! جنى
12-08-2008, 09:12 AM
ALazhary2
ALazhary2
تاريخ التسجيل: 09-06-2003
مجموع المشاركات: 4966
اميل اكثر الى انها فتره لا تتجاوز القرن .. اي فى حدود1900 .. قبل مولد جدي لابي بابكر المشرف ب14 عاما تقريبا .. اذكر جيدا ان جد الوالد المشرف مختار الشكيري والمتوفى فى 1982 عن عمر ناهز ال90 كان قد اكتسب العربيه كلسان مبين بعد شراءه كتاب ( تعلم العربيه فى 14 يوم ) شكرا للدكتور الباقر وللعباقره علماء الاجناس واللغويات فى المنبر
12-11-2008, 04:29 PM
Mohamed E. Seliaman
Mohamed E. Seliaman
تاريخ التسجيل: 08-15-2005
مجموع المشاركات: 17863
في بوست الزميل فتحي البحيري كتبت ليك رد على كلامك عن عقم العباس عليه السلام ، لكن الظاهر ماشفتيه ، أعيده ليك هنا بضبانته
. . .
Quote: في الاردن كلها ما سمعته زول قال نسبه يرجع للعباس...الا في السودان. والغريبه العباس ده قالوا كان عقيم اها ناس افريقيا ولدهوا السلالة دي كلها من وين الله اعلم.
أم حازم
بالغتي فيما تحته خط
زي مابقولوا أهل الخليج عن الشي الزي دا المابتصدق ولا زول قالو :
قوية قوية قوية قوووووووية ياتراجي
كيفن عم الرسول عقيم وماعندو ذرية؟ القال الكلام دا منو ؟
إنتي يا أم حازم ماسمعتي بالدولة العباسية الحكمت العالم خمسة قرون ؟؟
أمال ناس أبو جعفر المنصور وهرون الرشيد والمامون والمعتصم ديل جدهم النجاشي ولا هيلاسلاسي؟
قوووووووووووية قووووية يا أم حازم
بعدين ياأم حازم إنتي ماسمعتي بحبر الأمة عبد الله بن عباس ؟ إنتي قايلة عبد الله بن عباس دا ود منو؟
غايتو الله يديك العافية بس لأنو كلامك دا ماسبقك به أحد من العالمين .
Salam Ya Abdurrahman ya (Rufaie). X Sorry I have to write in English!.X
So,X what do you think about what you Quoted regarding those well reputed relatives of yours?.X Correct me if I am wrong, or tell the facts, Please.X Al-Eid Mubarak.X
Quote: طبعا جعلية و ما بتخاف ( وامها بت ام ابوها )،
شيخ هجو..حبابك يا صديق كل سنة و انت طيب..
ككيف الكلام ده يا اخوي؟.. كيف يعني امها بت ام ابوها؟.. حسبتك دي يا اخوي معناها امها اخت ابوها لزم.. يعني الإتنين امهم واحدة..اتمنى أن يكون هذا خطأ مطبعي..! سمعنا امها بت عم ابوها..لكن امها بت أم ابوها.. دي دايرة شرح..
اهلنا الجعليين اليومين ديل الفيهم مكفيهم..مالك داير تجيب ليهم هوا في صمة خشمهم.. هسع كن زول/ة لفع كلامك ده و سوا البدع من شاكلة الجعليين كانوا بتزوجوا اخواتهم.. نقول شنو؟..وش ضاحك ضحكة عريضة خلاس..
ذكرتني غلوطية زمان كانت حايمة في كلية القانون أيام دراستنا..و بتقول..ام نفل اخت عتمان و فاطنة..و فاطنة اخت حماد و خديجة.. قام عتمان اتزوج خديجة..و حماد اتزوج ام نفل هل هذان الزواجان صحيحان أم لأ؟..
نعتذر للصديقة امنة مختار و زوارها.. عن هذا الخروج عن النص..!
و دمتم..
كبر
12-14-2008, 09:35 PM
هجو الأقرع
هجو الأقرع
تاريخ التسجيل: 07-19-2006
مجموع المشاركات: 9070
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة