|
Re: ليه بنعمل حاجاتـنا كلها يوم الوقفــة .. ؟ (Re: عبد الدائم سيد أحمد)
|
عبدالدائم
كل سنة و أنت و الأسرة بألف خير
كلامك دة كلو تمام ... إلا حاجتين في عيد الأضحى السودانيين بيجهزوها من بدري :
1. جردل الشربوت 2. جردل المخلل
ديل ما بيلعبوا فيهم كلو كلو ...
أمبارح بالليل ضربت تلفون لواحد قلت ليهو : فاضي نودي الأولاد سوا السوق؟ قال لي بالحرف الواحد : خليها بكرة ... قاعد أبِل الشربوت
( تخريمة : ود الصايم دة ما إنت ... التاني داك جارك )
| |
|
|
|
|
|
|
Re: ليه بنعمل حاجاتـنا كلها يوم الوقفــة .. ؟ (Re: عبد الدائم سيد أحمد)
|
عبد الدايم ازيك كل سنة وانت طيب
عشان نحن ما بندور او ما بنعرف نخطط لاي حاجة بما في ذلك تفاصيل الحاجات الذي دي تحياتي كل سنة وانت طيب
اناغايتو لحسع ما عملت ولا حاجة من الحاجات ديل عارف ليه اولا كنا منتظرين المرتبات بعد جات اها تكون مقرر الليلة تمشي اسوي كدة ولا كدي يجيك خبر بكاء طاير ولا زول رقدوه مستشفى يطرشق ليك البرنامج كله ولا جوك ضيوف ولا الجارات لاقنك في اشلارع وقعدن يتونسن وفتحن موضوع وجر والحكاية بقت قهوة وشاي وقصة ولا الشفع ممتحنين والليلة النتائج كدي النمشي الورشة دي وبعد داك الندوة غايتو بس نقول شنو الزمن ممحوق والمهام كتيرة الله يدي العافية لكن في الاخر يوم الوقفة يالليل كلو بكون تم بما في ذلك الستاير وطقم الجلوس الجديد وماتنسى الملايات ولعب الشفع
عيد سعيد
| |
|
|
|
|
|
|
Re: ليه بنعمل حاجاتـنا كلها يوم الوقفــة .. ؟ (Re: Safia Mohamed)
|
سلام يا نضيف ..
عارف أنا عندي قناعة راسخة إنو يوم الوقفة دة أحلى من يوم العيد ذاتو !!
و عشان كدة بتمنى إنو يطلع قرار ـ من أي جهة ـ يعملوا يوم الوقفة تلاتة يوم !! ــ
أهة يوم الوقفة ـ الجد جد ـ إن شاء الله إنتا معانا ؟؟
عارفك حتزوغ .. ربنا يحلكم بالسلامة ..
كل سنة و إنتو طيبين ، و بالله و خلوا لي ( الشربوت ) بتاعي لحدي ما أرجع من الحج يكون بقى ( طاعم ) شوية ..
| |
|
|
|
|
|
|
Re: ليه بنعمل حاجاتـنا كلها يوم الوقفــة .. ؟ (Re: Safia Mohamed)
|
الضيوف والجارات الواقفات يتونسوا فى الشارع ديل ما عارفين بكره العيد ..... يا صفيه والعجب كان جاكم هواء نص الليل وخرب عليكم السويتوهو الصباح تلقى العيون مورمات من التعب والسهر والواحدة اول ما تشوفك وانت داخل عليهم بعد صلاة العيد ترمى المقشاشة وتقوم جاريه
جارتنا بايركس كده بتقول حقو صلاه العيد يعملوها بعد الفطور عشان ننظف نفسنا بعد التعب والسهر البنشوفو يوم الوقفة لانو دى من الفرص الواحدة ممكن تلقى فيها عريس مما ممكن يجونا بدرى كده !!
| |
|
|
|
|
|
|
Re: ليه بنعمل حاجاتـنا كلها يوم الوقفــة .. ؟ (Re: ناهد بشير الطيب)
|
ناهد بشير والله ليك وقفة خاصة انتى عارفة فى الوقت الانا بتكلم مع الرفاعى بالتلفون قلت ليهو البوست ده بيشبه ناهد ، جيت لقيت مداخلتك يا رفاعى قالوا ليك الدنيا عييييييد ... يعنى حاول نزل ليك بوست اغانى وبنجى نهجج معاك انشاء الله قيقم ..
جده زحمة الايام دى انشاء الله تكونو جهزتو وما منتظرين الوقفة وخليك ذى اميمة سند شديدة جهزت كل شى من اسبوع
خالص الود
| |
|
|
|
|
|
|
Re: ليه بنعمل حاجاتـنا كلها يوم الوقفــة .. ؟ (Re: ناهد بشير الطيب)
|
كـــــل عيد والجميع بخير
وكل يوم وأنتو طيبين
الوقفة يوم الوقفة أحر من الوقفة يوم العيد
نحن شعب من أحب الأمثلة لأنفسنا : في العجلة الندامة وفي التأني السلامة
والعجلة من الشيطان
ياخي الناس لو جهزت أي حاجة قبل يوم الوقفة ...
مش حتلقى حاجة تعملها يوم الوقفة
وإن شاء الله كلكم كدا واقفين في جبل الرحمة يوم عرفة (أقصد يوم الوقفة)
| |
|
|
|
|
|
|
Re: ليه بنعمل حاجاتـنا كلها يوم الوقفــة .. ؟ (Re: جعفر محي الدين)
|
ابو الجعافر كل سنة وانت طيب مالو ما نجهز كل حاجة ونقيف مرتاحين
عندنا طبيب بيطرى فى حلتنا اعتاد السنين الفاتت يجيب معاهو كمية من الضباحين من السلخانة ويفكهم فى الحلة خمسة دقايق الخروف بيكون جاهز . ابواتـنا كبرو والجيل الجديد ما بعرف يضبح الدكتور السنة دى مسافر بره البلد الجماعة كانو ملمومين عايزين يعرفو حيعملو شنو ، واحد قال ليهم يا اخونا ربنا كريم يوم الوقفة يحلها الحلال .
| |
|
|
|
|
|
|
|