|
Re: نادى العزابة الاسفيرى ....... (Re: Muna Khugali)
|
Quote: ما تضيعوا وقتكم... الفالانتاين فضل ليه اسبوع بس.. |
منى خوجلى الحبوبة..
هو انتى قايلة شنو ؟؟ الفالانتاين دى تخصصنا بس تعالى لينا
يوم الخميس بجاى ... عشان تشيل ليكى بقجة ورد احمر سمح؟
تسلمى يا حبوبة..
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
انعام ع حفيظ
Quote: إخترتو مجلس الإدارة ولا لسه؟؟؟
قسمتوا الوزارات ولا أجلتوها شويه؟؟؟
ورونا ياخ وصلتو لشنو
عشان الواحد يقرر يستمر معاكم
ولا يفارق العزوبية دي |
مالك بهنا انت كمان صغيرة وجاهلة وواعدة . امشى ساى قبل تنقلي العدوى .
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
ابوحتوت ...
شايفاك تشيل وتلصق ليهم في الاغاني ...
النبي ما تكوس لي اختك اغنية تتناسب والطلب المقدم من طرفنا وتلصقا جنب مداخلتي ...
لا ازيك لا مشتاقين.
**ام حتوت انتي ما شايفة الراجل دا قاعد يقول هو ارجل من اى راجل بيكتب في البوست دا لانهم "مراتاتهم" ما بيقرو البوست لكن هو مرتو بتقرا وهارشا.. المسكتك شنو يا الغبيانه .. يشيل حسك وسط النت وانتي ساكته "وش فيهو قرون رافع حواجبو بتاع مشاكل"
بالله يا ناس النادي الكلام التحتو خط دا اسمو بيان بالعمل اوكي .. اها تدوني المكتب الاستشاري ولا عندكم راي تاني.
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
الله يقرب سوبا....
يا سموحة ودشيقوق....صفوا حساباتكم بهناك....
الاستاذ مني خوجلي بس انتي تعالي يوم 14 ده بجاي...حتلقي جيوش متحركة بجاي ...حتلقي الحتة بيروت...استهداف لشخصيات مرموقة مشكلتها انها متزوجة او مرتبطة.
رندا المكتب الاستشاري... انا موافق لكن معتصم دفع الله بوافق؟
عماد عبدالله خليك قريب...ياخي ما تكتب هنا شوية...وتم توفيق...او اكتب ورسل لي انا بدخله باسمي
وتاني راجعين
| |
|
|
|
|
|
|
Re: نادى العزابة الاسفيرى ....... (Re: Salah Waspa)
|
Quote: اميرة مما فتحت البوست الله وكيلك اتلمو كلهم التقول دقوا ليهم جرس، وان شفت المداخلات يعلم الله من شدة ما فايرين ومعورشين نفسهم قايم "بس الكديس العفصو في ضنبو" ... قلت انا كان ماااالي ومال الشلاقه دي.
|
والعرض متواصل يا رنده...روتانا سننا
لكن والله بالعكس الواحد يلقي زول متزوج يقعد يشكي ليك...مرة الفلس..ومرة اهل المرة رمدانين...ومرةهو كان داير يقرا وبقي مطرطش... غايتو نحمد الله نحن سيستمنا علي كيفك تنوم وعلي كيفك تقوم...لا حصة فطور لا دفتر حضور...
بس بتجههنا لمدة دقيقة بنية سمحة ماشة...دي نقطة ضعفنا...غير كدة نحن عشرة علي عشرة
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
الطيب شيقوق...
منى خوجلى...
رندا حاتم...
سماح...
البشير دفع الله...
ياخ دى سماحة لمة...يعنى الواحد ما ياخد ليهو غمدة فى البلد دى ولا شنو??
متكيفة ليكم كيف ...بجيكم راجعة بالمهلة
لانو ظهرت حالات خاصة كتيرة..
ناس الإقامة الدايمة مشتاقين وكدا..
برضو بجيكم راجعة..
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
امورة
Quote: الطيب شيقوق...
منى خوجلى...
رندا حاتم...
سماح...
البشير دفع الله...
ياخ دى سماحة لمة...يعنى الواحد ما ياخد ليهو غمدة فى البلد دى ولا شنو??
متكيفة ليكم كيف ...بجيكم راجعة بالمهلة |
نحن ذاتنا ما بنشرب القهوة الا بعد نضمن عودتك عشان نقعد نسمع شماراتك ولا شنو يا بنيات ؟
منى انشاء الله آية اتحلت بالسلامة وبقيتي حبوبتو .
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
الغالية العزيزه الاستاذه ست الكل رندا ((كسير تلج شديد )) لزوم قبول طلبي ادناه
Quote: Say it laud ... Say it straight Randa for the Consultancy Office in 2008 |
Do you want an assistant to the Office of Advisory
| |
|
|
|
|
|
|
Re: نادى العزابة الاسفيرى ....... (Re: محمد الطيب حسن)
|
اححححممممم
والله طبعا يا محمد الطيب انت شاب نشيط ويعتمد عليك .. وانا صراحه ح احتاج لي مدير حملة ومساعد اداري واعضاء نشطين و.و.و
لكن ....
غير لينا بروفايلك دا بالله ما بنفع معانا بي جاي .. خصوصا انو ممكن يسبب "ازمات" نفسية للاعضاء، وكمان ياللخو بخلي مهمتنا في الاستشارات "المهببه" صعبة .. يعني كيف بالله داير تقنع ليك واحد/ه بالعزوبية ودا بروفايلك!!!!!!
عدل وقدم لينا الطلب مرة تانية.
ـــــــــــــــــــــــــــــــــــــــــ Say it laud ... Say it straight Randa for the Consultancy Office in 2008
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
رندة حاتم... طيب اول استشارة وكدة... عندي عروض كالاتي... 1.صحفية اكبر مني ب 3سنوات (ما سمحة...وبتلبس نضارة سميكة وعمرها 35) 2.طالبة جامعة اكبر مني برضو بسنة كدة 22 سنة (بتتكلم كتير) 3.خريجة عاطلة محبطة ليها ستة سنة مااشتغلت بمليم ومديونة لناس بيتها حق قرايتها.ومفتلة ممكن تدقني في اي لحظة...واخر مرة جات ختت طلبها فوق اخر حاجة عنوة واقتدار وحمرت لي ومشت
ماذا كنت ستفعل لو كنت مكاني
الرد قبل الاغلاق... لو اغلقوا المنبر برضو الرد يجي Validity of one day...دي اتش ال...فاكس...اس ام اس ...وحمادة بالعز خلاص حيحس
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: .صحفية اكبر مني ب 3سنوات (ما سمحة...وبتلبس نضارة سميكة وعمرها 35) 2.طالبة جامعة اكبر مني برضو بسنة كدة 22 سنة (بتتكلم كتير) 3.خريجة عاطلة محبطة ليها ستة سنة مااشتغلت بمليم ومديونة لناس بيتها حق قرايتها.ومفتلة ممكن تدقني في اي لحظة...واخر مرة جات ختت طلبها فوق اخر حاجة عنوة واقتدار وحمرت لي ومشت |
طيب ... بسم الله نبدأ:
العرض الاول ... بما انها صحفية يعني شيالة حال درجة اولى .. يعني ح تلقى اخبارك واخبار ناس بيتكم في الحلة اول بي اول وما اعتقد انت ممكن تستحمل جنس الحالة دي، دا غير انها ح تقدك قد بي اخبار العالم يعني ونستكم ح تكون زي برنامج الاتجاه المعاكس "مع العلم انها هي اللي ح تكون سميح القاسم ما انت يا الفالح" المشورة : جليها
العرض التاني: طالبة جامعية نقناقة اهلنا في المثل قالو "بيت الجدري ولا بيت النقري" يعني ياللخو ابسط الامراض الممكن تصيبك جراء ارتباطك بيها "التهاب في الاذن الوسطى، زغلله وعدم تركيز، تشتت وانهيار عصبي" مالك يا اخوي ومال الحالة دي من شاب ينطط ويبرطع لي زول مرضان يبلع في الحبوب. المشورة: جليها
العرض التالت: خريجة عاطلة وشفته كمان بما انها عاطله يعني انت ح تكون همها الوحيد ، والله لا وراك لما تكون انت محور اهتمام بالشكل المكثف دا تكرهك الريده والمحنه ذاااتا اضف الى كدا وبما انها "مفتله" يبقى اهتماما ومحنتها بيكونو من نوع "تهاظرو ولما يهاظروكم تموتو" المشورة" جليها
الامشورة النهائية: خليك عزابي ..عمرك يبقى طوييييل زي عمر الدابي.
انتهى. ــــــــــــــــــــــــــــــــــــــــــــــــ Say it laud ... Say it straight Randa for the Consultancy Office in 2008
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
رندا
Quote: عدل وقدم لينا الطلب مرة تانية. |
اعدل شنو ناسكم ديل مجانين فاكرين اى واحد كاتب متزوج في بروفايلو متزوج وبعدين انتو تفتكروااى حد متزوج مو عزابي ؟
انا اقترح عمل اجتماع طارئي لتحديد الاوضاع التي يمكن ان يصنف / تصنف الحالة بانها هكذا ومن ثم يكون من توفرت فيه تلك العناصر مؤهلا لترشيح والتصويت لعضوية مجلس الادارة .
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: انا اقترح عمل اجتماع طارئي لتحديد الاوضاع التي يمكن ان يصنف / تصنف الحالة بانها هكذا ومن ثم يكون من توفرت فيه تلك العناصر مؤهلا لترشيح والتصويت لعضوية مجلس الادارة . |
ودشيقوق سلام عليك..
انا مع فكرة الاجتماع واقترح يكون يوم الخميس الموافق14/2 (الفالانتاين داى)
ومنها يكون احتفال وهجيج ..
بسي اجندة الاجتماع شنو....؟؟؟ عشان ما نتخمة فى الزحمة دى..
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: بسي اجندة الاجتماع شنو....؟؟؟ عشان ما نتخمة فى الزحمة دى.. |
شوفي يا اميرة انا معاك في فكرة الاحتفال والهجيج والفولنتاين داى
اما الاجندة ارى ان تكون منصبة حول
اولا : تصفية العناصر المندسة وسط هذا البوست والتي تدعي عزوبيتها . ثانيا : اجراء احصائي لمعرفة عدد الاولاد العزابة وكذلك البنات العزابيات حتى يتسنى لنا اما تقسيم الاولاد بنسبة وتناسب على الاولاد او العكس . ثالثا : وضع المعايير التى من خلالها يمكن تصنيف امحمد او فاطنة بانه / انها عزابي / عذابية .
العمل ترتيب آليات التواصل بين الاعضاء من الجنسين حتى يستطيع الاعضاء التعرف على بعضهم البعض .
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: الحنة التقوم ليك فى راسك.. حالك دا ما حال زول بيقولو عليهو اتحنن.. والا البوست دا يكون مافى ليهو داعى.. قايلنك شنو.. دا نحن عارفنك شغال وزير مفتوق المحبة.. خلاص لملمتة حاجات الكرامة ورجعت... البوست دا طالبك وبطل جقلبة.. |
دي حنة ولا محنة .. غايتو شيلي شيلتك يا أميرة أنا حاسس بحركة إنقلابية ..
Quote: معتصم يا عمك يا خوي حفلة شنو وصبحية شنو عارفنك ما مت كمان ما شقيت مقابر أصلك دا جرتق ابوي عقبالك و تمبس ان شاء الله |
يا ودالبشرى جرتق جرتق غرامة غرامة .. أهو كلو محصل بعضو ومغص مغص يالعزابة ..
Quote: رندا المكتب الاستشاري... انا موافق لكن معتصم دفع الله بوافق؟ |
يا قمر والله ما عندي مانع خلينا نحن فراجة ساي ..
Quote: معتصم دفع الله بكلم ليهو تمبس بقنعو لي .... |
رندا سلام .. تمبس دا خليهو في حالو غايتو تاني كان جبتو ليهو سنجر ما بتخيطو .. أصلو مفتوق حبتين ..
Quote: الشعار التحت دا متطلبات المرحله وكدا التوقيع: رندا اوباما |
يا رندا أوباما .. نؤيدك ونشد من أزرك ولا نامت أعين العزابة ..
Quote: حنعتصم بعد ما نعرس لي معتصم كيتن في بت الشيخ |
سلام يا واسبا .. عارف سامع لي حركة بي تحت تحت .. غايتو ح يكون هناك إنقلاب عزابي ح يهد كل عروش العزاب .. يا ربي دا يكون عرس جماعي .. وبكده تضيع كل جهود الريس أميرة في شربة موية ..
يا جماعة الليلة ما لاقي الوشوش ..
| |
|
|
|
|
|
|
Re: نادى العزابة الاسفيرى ....... (Re: معتصم دفع الله)
|
Quote: رندا سلام .. تمبس دا خليهو في حالو غايتو تاني كان جبتو ليهو سنجر ما بتخيطو .. أصلو مفتوق حبتين .. |
يا سيدي ربنا "يرتق فتقو"، انا بس قلت واسطه وكدا لكن وكت انت موافق نخليهو للجايات.
Quote: يا رندا أوباما .. نؤيدك ونشد من أزرك ولا نامت أعين العزابة .. |
ياها المحرية فيك يا ود دفع الله، وليك علي المشورتين الاولانيات مجانا بدون رسوم.
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: اها قلتو شنو؟؟؟؟ نقول بسم الله ندخل باليمين ولا عندكم راي؟؟
|
رندا حاتم ..
سلام مثنى وثلاث ورباع..
بتسالى ؟؟هو انتى دخلت يمين ..شمال ..وسط وجهجهتى الباكات وحارس المرمى ..
جيتى داخلة بنمرة اربعة ودايسة بنزين على الاخر
ولا شغالة باشارة صفراء ولا حمراء ولا برتقالية..وحتى الكونس القدامك دى ما شغالة بيها
شغلة.. شلتيها زى الترتيب وطرحتى برنامجك الانتخابى ..واخدتى مكتب الاستشارات من غير
استشارة زول ..واستقبلتى كيسس وعملتى الانليسس وفتحتى فايلاتك تانى فى شنو امى انا يا
قول ودالبشرى..
| |
|
|
|
|
|
|
Re: نادى العزابة الاسفيرى ....... (Re: مازن الجمّال)
|
أميرة...
Quote: ممكن نشارك..
لانو شايفة المكاتب اتوزعت وانا ما عندى بطاقة عضوية..
اها فى الحالة دى اعمل شنو.؟ |
بقيتي زي سودانير تجي وكت ماعيازة وتمشي وكت ما عايزة...نمسكك علاقات خارجية
مازن حمدلله علي السلامة... تشترك لكن خلي السلاح صاحي للفالنتاين الجاي بعد كم يوم ده...نديك ميمنة الجيش
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
ياخي ضحكتنيني ضحك شديد خلاص...
Quote: على فكرة انتى الاديت رندا دى المكتب الاستشارى من غير اى شروط.
|
المكتب ده كان مع معتصم دفع الله شالته رندة حناسة وشوية تكتتيك...وفي الحالة دي امسكي في معتصم ما فيني انا...
Quote: شفت استشارتك الفوق دى بتخلينى اركب ليك مكنة جندر اسى دى..
|
الا الجندر والجندر وايس والجندر بلانص و الدسكرمنيشن والحاجات دي....شيلي اي حاجة انتي عايزاها..اقول ليك حاجة ...ياخي انا غلطان..بس ما تصعبوا الموضوع وتركبوا مكنات جندر...دي مكنة احسن منها العرس...اكتر موضوع في الدنيا جرسني موضوع الجندر ده....في زول بفك اخره في البورد ده؟؟؟...اها انا فكيته
Quote: طلبات ليهم شهر...غايتو عالم كبكابات بشكل.. |
يا اميرة ياهندا قدامك في مازن ده جا خاشي سلمته سلاح طوالي اكتر من كدة اعمل شنو ...وبعدين انا ما عارف ذاتو زول اسمه مازن يكون عزابي كيف...والله لو كان اسمي مازن كنت عرست انا.
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: ما تقول لى ما عارف القوانين؟؟ |
القوانين موش ياها :
- غرف البلاعة بالايام - غسيل العدة مع الميز - والميز بالايام ومعاهم ملي باغات التلاجة - والنضافة يوم الجمعة بالمشاركة - رسوم الميز - جدول بايام الاسبوع مقسم بعدد العزابة مدقوق في حيطة المتبخ
موش ياها دي ولا حاجة تانية؟؟
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
رندة كويس انك ظهرتي.... اميرة دي ما خلت لي حتة انوم عليها تهددني بالتمييز النوعي والكبكبة...ومرة شلعت النادي وبعدين هي ناسية انو بعد تلاتة يوم حنخش معركة شرسة جدا في مسألة الفالنتاين...وبدل تجيب الفتاوي واسلحة التخريب قبلت علي انا...ناس ما بتقدر تمرحل صراعاتها ولا عندها استراتيجيات تدير بيها شغلها.
ونبدأ الهجوم علي الفالنتاين
مرة لما كنت في السعودية بنين وفي يوم من ايام الفالنتاينات.... ونحن طبيعة شغلنا مكاتب وصالات عرض لانو كانة شركة بتاعة Retail في صالة المحلات كان في محل بتاع ورد ماسكة لبناني (راغب علامة بس) يزبط شعره جل ويقعد يبيع الورد والهدايا...والمحل مستأجره مننا لكن واره معاه ابن الكلب...يوم الفالنتاين البنات السعوديات واقفات صف واخونا منهمك في شغله جووه ليك هيئة الامر بالمعروف...لاندكروزر ملان دقون ...كرفسوه ليك وبعد 15 يوم كان خرجوا ليه نهائي... اللذيذة تعبير وحدة سعودية بعد الموقف قالت: وايش دري المطوع بالحب لذا نعتقد انو بيع الورود حرام...والحب حرام....والخميس نحن مطاوعة
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
ايوا .. كلامك دا عين العقل .
النادي هسي بيمر بمرحلة اثبات وجود خصوصا في اعياد الفالانتاين ح يكون راجينا دور ضخم ومتشعب "عليك الله شوف متشعب دي قوية كيف" يعني مطلوب اولا نعمل على استقرار الحالة النفسية للعزابة .. خصوصا انو اعياد الفالانتاين بتشكل مرحله بتاعت "هزه نفسية" قوية يجب انو الناس تتكاتف عشان تعديها على خير ... دا اضافة الى انو في الاعياد دي بيكتر اللون "الاحمر" و "الروز" واكيد مفعولهم في نفسية العزابي زي مفعولهم على نفسية "التور" يعني ممكن يقومو باعمال "شغب" جراء الفراغ العاطفي الذي يكون اكثر وضوحا في هذه الفترة، عليه لازم نخلي بالنا لغاية ما نتجاوز هذه المرحله (انفع القي خطاب موش"..النقطة اللى ما منتبهه ليها الهانم "يعني اميره" انو ح تواجهنا حمله مضادة وشرسة من المتزوجين واحتمال كبير يتأسس نادي "انا ودالبشرى دا ما ماسك قلبي .. وكدا " شكلو غواصه.
رايك شنو ما ترشح نفسك عن مكتب الفتاوي والله تنفع .. فتاويك كلها ح تكون من نوع "جليها"
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
Quote: خصوصا انو اعياد الفالانتاين بتشكل مرحله بتاعت "هزه نفسية" قوية يجب انو الناس تتكاتف عشان تعديها على خير ... دا اضافة الى انو في الاعياد دي بيكتر اللون "الاحمر" و "الروز" واكيد مفعولهم في نفسية العزابي زي مفعولهم على نفسية "التور" |
تور عديل كدة....دحين ده ما تجني واضح يا الاخت...
قال مكتب فتاوي قال...والله في فتوي لقيتها في حتة لو جبتها ليكم هنا والله التقولي البوست ضربوه بدناميت...لكن لو عكت شديد بنجيبها.
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
يا اخي ياقمر بوبا عليك الله خليك زول نظرتك عميقه .. ما تخليني اغير رايي فيك ..
هسي انت التور كان جبت ليهو قطعة قماش حمرا بيعمل شنو؟؟؟ موش الا يضايرك في كورنر حتى يرتاح .. اها بالنسبه للعزابه والعزابيات الورود الحمرا رمز الفالانتاين وكدا بتاثر على حالتهم النفسية وبتخليهم متوترين وقابلين للتمرد والعصيان حيث انهم في الفالانتاين بيحسو بالوحده وكل واحد بيبدأ يفتش على "نصفه الاخر" ودا طبعا ضد اهداف هذا النادي الكبير.
يعني ياللخو وجه الشبه "الآكشن" ما التور في حد ذاااتو.
لا لا لا انت الظاهر عليك متعب.. وح تسل روحي
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: شوف ياود البشرى ... |
نعم اها
Quote: ذا مين اوبجيكتيف فور زيس كلب اذ تو ميك سينقل بيبل براود اوف ذير بريزنت استاتس، اند تو ليت ذيم نو ذات بيينج سينجل اذ نوت سومثينج باد لايك وات ذي آر هيرينج فروم اوزرس، اولسو وي وونت تو اوير اوول باشلورز اباوت ذا ادفانتج اوف بيينج سينقلز اند تو دو سو وي ار سبورتنج اور ايديا ويذ ترو استوريز اند اكبيرسانسيس ذات ويل ميك ذم فيل هابي اند ساتيسفايد .. فور زوس هو وونت تو جت ماريد وي ويل بروفايد ذم وذ صم جوود ادفايسيز ان اوردر تو هاف اهابي ماريج لايف اند تو نو هاو تو كيب ات هابي اذ لونج اذ بوسيبل.
وقع ليك |
لا ما وقع لي واي بيكوز ذير إز آ ميجر كونتراديكشن هيير بيتوين تو اندرلايند ستيتمنس , هاو إت كمس ذات يو وونت تو إنكارج سينقلس تو كيب ذير استيتس آند إن آ سيم تايم قيفنج آدفايس تو ذوس هو وونت تو جت ماريد آي ثينك ذا اوبجيكتف شود بي كلير أذر وايز ذا كريديبيليتي أوف ذا كلب ويل بي كمبارمايزد ذيس - أنفورتشونيتلي - فورس مي تو فوت أقينست يو مام فور كونسولتانت أوفيس هيد بوزيشن
تمام امي
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
Quote: اولا : تصفية العناصر المندسة وسط هذا البوست والتي تدعي عزوبيتها . ثانيا : اجراء احصائي لمعرفة عدد الاولاد العزابة وكذلك البنات العزابيات حتى يتسنى لنا اما تقسيم الاولاد بنسبة وتناسب على الاولاد او العكس . ثالثا : وضع المعايير التى من خلالها يمكن تصنيف امحمد او فاطنة بانه / انها عزابي / عذابية .
العمل ترتيب آليات التواصل بين الاعضاء من الجنسين حتى يستطيع الاعضاء التعرف على بعضهم البعض . |
الطيب شقوق...
بالاضافة للاجندة اعلاه...
1-مناقشات عضوية ذووى الحالات الخاصة....
2-اختيار اعضاء المكتب التنفيذى .....
واذا فى واحد من اعضاء اللجنة التسيرية عندو اى اضافة للاجندة الفوق دى
يكتب هنا قبل يوم الخميس عشان نكون جاهزين...
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
بت الشيخ إزيك الغنية جاهزة ومهداة ليك شخصيا لكن السيرفر الجديد دا أبى يرفعها بحاول اعمل تسوية مع فلان أنسى ليه موضوع الـ9000 وهو يرفعها لي بمعرفته شيلي الصبر أمي
أها نجي للموضوع المهم بالله في اجتماع لجنة شيقوق أحسموا لينا امر اهداف النادي عشان نعرف كوعنا من بوعنا و موقفنا شنو في المولد دا
بعدين دا شنوQuote: وضع المعايير التى من خلالها يمكن تصنيف امحمد او فاطنة بانه / انها عزابي / عذابية |
ياخي بالغتوا المعيار واحد مافي غيرو دايرين تنظروا و تفلسفوا الموضوع بالله لما تخلصوا الإجتماع اعملوا لينا تنوير بخصوص الحتة دي بالذات
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: ومؤسسة الزواج لا تحتاج لشجاعة واقدام طالما الواحد كمل فصول العزوبية وبتبقى مرحلة مكملة او لا بد منها ( نظام بريستيج اجتماعي وكده ) .
|
الكلام دا بتوقيع ..
البشير دفع الله..
حضورو الاجتماع مهم..
اظهر بالله..
وين كمان معتصم دفع الله برضو مسجل غياب
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
Quote: الاجتماع دا ح تحددو فيهو شنو بالضبط... عشان نعمل حسابنا وكدا ..
|
رندا ..
بالله ارجعى مداخلتين كدد لورا بتلقى الاجندة وكمان لوعندك
اضافة اعمليها هو نحن منو ؟ ما نحن انتو ..
ريلى ايم فرى سبرايس اباوت زيس نيو لانقويتش توك بليس ان سيس بوست.زيس ميك
اص تو لوكيتق فور ترانسيليتر.. اور تو اوبن كلاس سو اذ تو ليرن ذا ميمبر
ذيس نيو لانقويتش.....
-------------------- شنو حركات المسج والاستذان دى خشو توشك ..
ارجع لتلفونك امس.....
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote:
الكلام دا بتوقيع ..
البشير دفع الله..
حضورو الاجتماع مهم..
اظهر بالله..
وين كمان معتصم دفع الله برضو مسجل غياب |
الاخت أميرة الشيخ
تحياتي
الواحد ما يغيب ليهو يومين تلاته يعني ؟؟؟
أول بالتبادي :
طالبت مبكرا بالمكتب الاستشاري لقناعتي التامة لحوجة العزاريب / ت لمكاتب استشارية
وأوضحت في مداخلاتي السابقة اني امتلك المؤهلات اللازمة
واتفقت مع الاستاذة رندا حاتم على خطوط عريضة , ولكن شكلها ( الاستاذة ) باعتني ؟؟؟
ما زلت أرى ضرورة تعدد استشاريي المكتب واختلاف أوضاعهم بين متزوجين أمضوا سنوات طويلة أولا في سلك العزوبية
قبل أن يلجوا ( القفص ) , وبين مطلقين / ت عركوا حياة العزوبية اولا ثم خاضوا تجربة زواج وخرجوا منها بنتائج
ثم عادوا لقواعدهم سالمين , وبين عزاربيب / ت رانكر فوتوا قطار الزواج ويستمتعون بحياتهم كعزازيب / ت .
ودون هذا التعدد يفقد المكتب الاستشاري حياده .
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
Quote: واي بيكوز ذير إز آ ميجر كونتراديكشن هيير بيتوين تو اندرلايند ستيتمنس , هاو إت كمس ذات يو وونت تو إنكارج سينقلس تو كيب ذير استيتس آند إن آ سيم تايم قيفنج آدفايس تو ذوس هو وونت تو جت ماريد آي ثينك ذا اوبجيكتف شود بي كلير أذر وايز ذا كريديبيليتي أوف ذا كلب ويل بي كمبارمايزد ذيس - أنفورتشونيتلي - فورس مي تو فوت أقينست يو مام فور كونسولتانت أوفيس هيد بوزيشن |
زيرس نو كونتراديكشن ان ماي استايتمينتس، ذا مين تارجيت فور اور كلب از تو كيب ذا سينقل استيتاس. بت فور زوس هو وونت تو جيت ماريد اند ذي ريفيوزد اور ادفايس، وي ويل نوت ليت ذم داون وي ويل سبورت ذم رجاردليس ذي ويل ريمين سينقلس اور ذي ويل جو تو ذا ازر سايد اوف ذا روود،افتر اوول وي بليف ذات ذي وير اور ميمبرز اند وي شود استاند بيسايد ذيم ان ديفرنت سيركيومستانسيس، باي دوينج سو وي كان اشور زير لوياليتي تو ذا كلب ايفن افتر تيكينج ذيس ديسيشن.
تمام ابوي.
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
دير اوم هاتيم آيام نوت باينج وات يو أر تراي سيلينج راوند هيير, يو كليرلي مينشاند ذيسQuote: ذا مين تارجيت فور اور كلب از تو كيب ذا سينقل استيتاس. |
Aha tanny shno آند فور ذوس هو ميد إت آند قوينج تو قيت ماريد هاو كم يو سيد يو ويل نوت لت ذيم داون هو تولد يو ذي آر قوينق داون , آكتشوالي باي تيكنج ستش ديسيشن ذي آر تيكنج ذير فيرست ستيب تووردس هابي أند بيوتيفول لايف -ثيوريتيكالي آت ليست أون ذا آذر هاند إف يو كيب سبورتنج ذوس هو بروك يور كلب كود يو ويل بي إن داينجر أوف لووزينج يور مين تارجيتيد ممبرز - ذا سينقلز - لوياليتي باي شوينج يور كونسيرن آند سبورت تو نون سينقلس قوت إت ماما
Shofe laki keyboard 3arabi badal 7arag alrou7 da sami7 Umi
| |
|
|
|
|
|
|
Re: نادى العزابة الاسفيرى ....... (Re: احمد العربي)
|
احمد العربى..
ازيك ياااخ وبركة الجيت..
سيرتك جات فى البوست دا كم مرة وخصوصا انك اشتغلت ماذون و كدا.
نحن سعيدين لانك جيتنا راجع بعد المتغيرات الاخيرة.. ومافى حاجة بتخليك
تتاوق خصوصا انك كنت من اصحاب الوجعة ...تعال اتوهط هنا فى قلب البوست
دا وورينا عضلاتك اول ...
مولانا احمد الشايقى رشحك من بداية البوست لادوار مهمة شديد وانا ثنيت
بس انت ماظهرت .. بركة بالجية وعضلاتك معانا ...
| |
|
|
|
|
|
|
Re: غونـــياتالصــافحاهـ (Re: Amira Elsheikh)
|
بت الشيخ ظلمتيني ظلم الحسن و الحسين أولا ما في أهداف من الغنية ولا حاجة غير الهجيج و الطرب تانيا رئاسة نادي شنو الأنا بنافس عليها إنتي بي صحك هو النادي للآن ما حدد هدفو ولا شروط عضويته أنا كان ما الونسة و الناس الحلوين الهنا و طبعا نقط نقط نقط بقرا البوست ما كنتي شفتيني بي جاي من اساسه تمام يما
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
Quote: النادي محروس والعضوية تكوس
|
الدنيا قبايل عيد .. قلنا نشوف احوال الرعية وكدا...
الجسور قمر بوبا ( الجسور دى كيف يا عمك)
البشير دفع الله ومعتصم دفع الله غايبين ليهم مدة..
وخرجت هبة الماحى ولم تعد حتى الان ...( يكونو بلمو فى الورود الحمرا ليوم الخميس)
وغالبية الاعضاء ديل عزابة باين عليهم هرشو من عصابة المتزوجين..
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
سلام يا شباب جميعا عزااااابة و متزوجون !! والله يا اميرة فيك الخير البتسألي عني رغم انها جاءت متاخرة لكن برضو احسن من غيرك ، و حياتك انتي لا في ورود حمرا و لا صفرا المشغولية بس في حاجات تانية و زي ما بقولوا ما مسكنا منكم الا الشديد القوي ، ثم يا ستي انا من الاعضاء المؤسسين و عزابية من الدرجة الاولي ، تقولي لي ورود ما ورود !! حلوة من الدرجة الاولي دي صااااح ? الحمدلله شايفة امور النادي مشت كويس خالص و عدد الاعضاء زاد ، بس بعد كدة عاوزين نفرز الكيمان ، الاعضاء الاصليين و ديل طبعا العزابة ، و الاعضاء الشرفيين و ديل السادة المتزوجون
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
تحياتى للكل ...
طبعا اجمل مافى الموضوع السعوديه بنين دى ياقمر بوبا ... ياخى دى جنس بنين لمن غلط
العزوبيه الدخلتها فينا لحدى الان ماقادرين نفكها.... الحاجه كل مره تنق ... ياود ماعايز تعرس ياود انته مابرت عديل كده ... اها يا اخوانا شوفو لينا مقعد قدام معاكم وورونا الشروط
والمواصفات ومعا لوحده عزوبيه مقاومه لكل وكلاء النيابه فرع البيت
ولكم التحايا وقبلات الصبايا
ديك الجن
| |
|
|
|
|
|
|
Re: نادى العزابة الاسفيرى ....... (Re: Mohamed Ahmaed Olyesh)
|
اميرة... شايفك ماسكة ثيرباك مية مية... هبة معليش نحن كنا بعيد وحمد الله بالسلامة.... ودالبشري ورندا ون تو جميل بلغة اجمل...
نجي لحبيب قساي ديك الجن...قلت لي السعودية بنين وكلاء النيابة فرع البيت عزاك من السعودية تلاتة حاجات...مهارة فائقة في اعداد الحلة (Jumbo Size) والاسناك فودز...بس ما تنسي التميس....الخبرة الممتازة في مجال العمل...الخوة الجميلة بين الناس...لكن مافي شي تاني
اديك اقتراح...فكر في الحب من المقيمات هناك كنا بنسميه (سلام من الداخل)....
اها ياخوانا... التكتيك شنو لبكرة... كل زول ينزل بوست منفصل اسمه (مقاطعة عيد الحب) وما يزيد كلمة يخت رابط البوست ده ويتخارج بسلامته لو لقيتوا اي بوست بحتفل بالعيد خربوه...اطلعوا للزول في تربيزته.
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
تحياتنا يا قمر الزمان و الله يسلمك يا اخوي و ان شاءالله تاني ما نغيب عنكم ، انا معاك في برنامج مقاطعة عيد الحب و لا عيد الوهم دا و مستعدة تماما لتخريب اي بوست يتكلم عن الفالنتين ، بلا فالنتين بلا نيلة . ********** غايتو بس دي حسادة مننا سااااي للناس الحبييييبة و معترفة بيها ************
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: كل زول ينزل بوست منفصل اسمه (مقاطعة عيد الحب) وما يزيد كلمة يخت رابط البوست ده ويتخارج بسلامته لو لقيتوا اي بوست بحتفل بالعيد خربوه...اطلعوا للزول في تربيزته. |
بركة الشفناك ...
من يوم ما مشيت سوبا ما رجعت ولاشنو(وش خايف)..
لكن التكتيك ما عندك ..
دى بتبقى حسادة يا قمر بوبا وبعدين مفترض عيد الحب دا يكون تحت رعايتنا
وكدة ... هو عيد حب ياقمر ما عيد زواج .. وقع ليك ابوى .
لكن ولا تزعل انا غايتو شايفة نادية السر فاتحة ليها بوست اسمو فى يوم الحب
بمشى بخت الرابط دا هنا لانو نادية دى صاحبتى وكمان زميلة مهنة..
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
غايتو انتو البغيب منكم يومين ترمو طوبتو .. هسي أنا عيان لي كم يوم ولا واحد هببو لي مافي .. الغريبة في ناس كتار قالو لي دا مرض العرس .. هسي لو كانت معاك العروس دا كلو ما كان حصل .. أها يا جماعة الخير رأيكم شنو في الموضوع .. اليومين ديل الواحد بقى ما عارف نفسو يمكن يبيع زمتو عاااااااادي ..
يلا رأيكم بسرعة ..
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
و لا يهمك الكلام دا يا قمر الزمان مافي زوووول بيقدر يرفدك و انا قاعدة ، ثم هو اصلا النادي و زي ما قلنا قبل كدة ما حق زول و مافي زول عنده حق اكتر من التاني كلنا بحقوق عضوية متساوية !! اعملي حسابك يا رندا هسة بنعمل عليك لوبي و بنطلعك برة بي ديمقراطية مش رفد و تعسف .
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
أميرة العزابية البتمنح العضوية جيت عشان أديك هدية ماتفرحي
ما عربية بس لي كل النادي بتاعك و عزابي وعزابية في عيد الحب
أحلى تحيييييييييييييية . ( شاعر وأديب نادي العزابة الأسفيري)
صلاح واسبه
| |
|
|
|
|
|
|
|