نسجل حضور ودعم ومعا لرفاهية العزابة وحمايتهم من المتورطين في الحياة الزوجيةارفض أغنية العزابة الكلها عدس لانها من زمن قديم...لان كل مرحلة ليها توجهاتها وبنيتها الاساسية وملامحها الحنتفق عليهادلوكتي (عادل امام)...
Quote: نسجل حضور ودعم ومعا لرفاهية العزابة وحمايتهم من المتورطين في الحياة الزوجيةارفض أغنية العزابة الكلها عدس لانها من زمن قديم...لان كل مرحلة ليها توجهاتها وبنيتها الاساسية وملامحها الحنتفق عليهادلوكتي (عادل امام)...
بعدين يا اميره زي اخونا عمر سعد نديهو عضوية مراقب لحدى ما يفك (الجكسويه) بتاعتو دى بعداك نعيد النظر فى منحه عضويه كامله يعنى زى وضعو حيكون زى وضع السودان فى (الاوبك)
اعتذر عن التكليف لارتباطي بثلاثةر من الزوجات وكمية من الأبناء والبنيات الزي العسل . . . كما ارفض الترشيح مجددا أو الضغوط أيا كان شكلها لكراهيتي للعزابة والعزوبية وبيوت العزابة وحتى بوستات العزابة ... . . خليكم قاعدين سجمانين ورمدانين كدا أنا عندي مشوار مع المدام لي عند الشيراتون أصلو الليلة عيد زواجنا وواحد صاحبنا حجز لينا تلاتة يوم مجاااااااااااااني . . قاتلكم الله ايها العزابة المعذبيييين
Quote: اعتذر عن التكليف لارتباطي بثلاثةر من الزوجات وكمية من الأبناء والبنيات الزي العسل .
ود القريش..
ازيك...
عافين ليك لله والرسول..
بس انت خليك لحدى ما الندوة بتاعة د. ناهد تنتهى بجى برد ليك هنا دا
Post: #27 Title: Re: نادى العزابة الاسفيرى ....... Author: محمد سنى دفع الله Date: 01-27-2008, 07:55 AM Parent: #25
لالالالالاحووووول شدة ما تحننو صحيت لقيت يدي محننات حننتوني وش فرحان لي راجل واقفه وراه مرتو ههههيييي
Post: #28 Title: Re: نادى العزابة الاسفيرى ....... Author: مجاهد عبد الرحمن Date: 01-27-2008, 08:20 AM Parent: #27
شاويش دي رتبة إتجاوزناها يا أمير صول ينفع ... وميت في التقاعد
عايز ارتاح
تحياتي يأ أميرة (العزابة)
Post: #29 Title: Re: نادى العزابة الاسفيرى ....... Author: Salah Waspa Date: 01-27-2008, 09:02 AM Parent: #28
Quote: اعتذر عن التكليف لارتباطي بثلاثةر من الزوجات وكمية من الأبناء والبنيات الزي العسل
أميرة أرى قبول إعتذار معتز نظرا للظروف الآنف ذكرها وأيضا
هناك ملاحظة مهمة برأيي أن إستشارات ود القريش كانت حتودي
الإخوة العزابة في ستين داهية وتلحق جمعيتنا أمات طه قبل ما
أولاد عمها إسمعو بيها وعسى أن تكرهوا شيئا وهو خير لكم .
Quote: خليكم قاعدين سجمانين ورمدانين كدا أنا عندي مشوار مع المدام لي عند الشيراتون أصلو الليلة عيد زواجنا وواحد صاحبنا حجز لينا تلاتة يوم مجاااااااااااااني
يعني حسع يا أبو البنيات بتمشي الشيراتون كم مرة في السنة
بسم الله ما شاء الله وتبارك الله
صلاح واسبه
Post: #30 Title: Re: نادى العزابة الاسفيرى ....... Author: عمرو كمال ابراهيم Date: 01-27-2008, 09:49 AM Parent: #29
Quote: بالنسبة لنادينا دا بكونو عزابة بس برتبة شاويش..
أميرة
عليك الله رسلى الشرايط والكاكى سررررررررررررررررررررررررررررررريع
من ناحية تانية يلزمكم علاقة قوية مع احمد العربي المِأذون
قكرة موفقة
بالنسبة للعندو جكسوية لو اعلن تسقط العضوية ولو بالغمتي ما بنبهشه...لنا بالظاهر بالنسبة للمأذون عندنا مأذون ببنطلون جينز متخصص في E-commerce يعني عندنا اربعة انواع من العقودات بزنس وكستمر B2B B2C C2B C2C ويديك العافيي
اول عزابية انتى ..البورد دا مافيهو عزابيات غيرنا??
عزابة الخرطوم اغلبية يا تجو يا ......
Post: #36 Title: Re: نادى العزابة الاسفيرى ....... Author: خضر حسين خليل Date: 01-27-2008, 10:56 PM Parent: #1
أميرة الشيخ إزيك ياأميرة ياخ
ثم كتر خيرك وإنتي بتسندي قفانا المعووج دة ياخ ... كل الناس هنا إتنين إتنين (إلا العزابيين والعزابيات ) نفر نفر وكل زول بي جمرو ... نسوي شنو ياخ نحنا . تنقش تنقش تنقش أحببتها والبلاد تملصني كخروج الشعرة من العجين ... أحببتها وكسرت ركبة في سمرتها البرونزية ... بت زي موية التلج تنزل عليك برداً وسلاماً برداً وسلاماً في صيف البلاد الحار . ياخ البنات عجيبات يا أميرة والعزوبية دي للأسف محل قبلنا قبالنا (وراي وراي زي ضلي) وهذا البوست أثار ما أثار من الشجن . موش غريبة يا أميرة إنو الواحد يحتفي بي (روحو كعزابي يقد عين الشمش) والله الدنيا دي عجيبة وبايخة ... تحب وتلقي روحك برضو عزابي ... تخطب وبرضو تلقي روحك عزابي والأفظع تتزوج وتلقي روحك عزابي .... والله ما فضل لنا غير أن نتبع خطي أبوزر رضي الله عنه (براهو براهو براهو) كان ذاك الصحابي الجميل . ونحن علي الدرب لسائرون .
كما أهدي الأغنية لقمر بوبا وأشهد الله أنه يستحق عنوةً كدة وإقتدار وظيفة الأمين العام لنقابة العزابة ... لتمترسه وصموده في وجه الــ...... (هسي ياموسي أقول وش منو ولا منو) نهايتو في وجه الوجوه .
الأغنية يا أميرة ... براي براي في الدرب الطويل تاررراررم ويمكن إستبداله بالأغنية أدناه برايا برايا بشيل الشيلة
Quote: كما أهدي الأغنية لقمر بوبا وأشهد الله أنه يستحق عنوةً كدة وإقتدار وظيفة الأمين العام لنقابة العزابة ... لتمترسه وصموده في وجه الــ...... (هسي ياموسي أقول وش منو ولا منو) نهايتو في وجه الوجوه .
خضر حسين الله يعلك...انت معانا بجاي برضو؟ ثم ثانيا غنية شنو التهديها لي بتاعة براي دي...براي دي تسمعها انت في غربتك...انا معاي البلد كلها وماني خايف...ولما اكون عايزها اسمعها انا اسمعها من التومات ما منك ...ومشتاقين يا وغد
اسلام عليكم انا ما بختف زهوورك بعاين بس بعاين بعيوني
غايتو الايامات دي البورد مليان بوستات عن التعدد وزيدي عليها زواج الرهط قلتي شنو يا اميرة ما بنلقى فرصةيعني المتزوجين ودايرين يعرسوا تاني ما ممكن تعتبروهم/ن عزابة او عازابيات؟ مجرد سؤال تراني بعاين بس لحدي الاجابة مقتدين ببرنامج د. ناهد في الجزيرة
Quote: جابني الدرب بس مافي طريقة للتسجيل كأصدقاء للجمعية ؟ لتقديم الدعم الفني والاستشاري .
البشير دفع الله سلاااااااام
جابك الدرب ولا الحنين للعزوبية ... قول لينا بصراحة وبعدين الدعم الفنى
والاستشارى للعزوبية ولا وللزواج؟؟؟ لانها بتفرق هنا
Post: #65 Title: Re: نادى العزابة الاسفيرى ....... Author: البشير دفع الله Date: 01-29-2008, 11:37 AM Parent: #62
Quote:
البشير دفع الله سلاااااااام
جابك الدرب ولا الحنين للعزوبية ... قول لينا بصراحة وبعدين الدعم الفنى
والاستشارى للعزوبية ولا وللزواج؟؟؟ لانها بتفرق هنا
ما يسمعك الباشكاتب يا بت الشيخ عزوبية شنو ؟ قال حنين للعزوبية قال الدعم الفني والاستشاري للزواج , هي العزوبية شقية الحال دي بتدورلها استشارات كمان ما زي ما تجي تجي
Post: #48 Title: Re: نادى العزابة الاسفيرى ....... Author: انعام عبد الحفيظ Date: 01-28-2008, 01:26 PM Parent: #1
السلالالالام عليكم ابها العزاااابة ، اهو انا جيت اقدم لعضوية النادي و اظنني استحقها بلا جدال يا الاميرة بت الشيخ ، من غير انعقاد لجنة تنفيذية و لا غيرو و كمان عايزة لي منصب في ادارة النادي ، و عندي رأي في الناس المتزوجين ديل و عايزين يدخلوا النادي كمستشارين و غيره ، نحنا ما عاوزين استشارة أو نصيحة من زول متزوج لانه بكون بعيد عن مغس العزابة و ما بقدر يفيدنا ، احسن حاجة نتبادل نصائحنا برانا و كل زول فينا يحكي تجربته للباقين و نتناقش فيها بروح العزابة الواحدة ، رأيكم شنو يا شباب ، عفوا اعتقد برضو يوجد عزابة كهول و عجائز لذا اصبح السؤال رأيكم شنو يا عزابة في الكلام دا ?
Post: #74 Title: Re: نادى العزابة الاسفيرى ....... Author: Sabah Hussein Date: 01-30-2008, 05:18 AM Parent: #73
سلام يا ود البشري و بركة البقينا ليك سبب تضحك بيه من الصباح ، علي كدا يومك كلو حيكون ورد ! لكن يا اخوي كان سألت من التجارب وحاتك انت يالغالي جنس تجارب هي : شئ جكييس و شئ شواكيش و شئ حب من طرف واحد و شئ عينك علي ود العم أو بت العم ، و عيييييك كلام كتير و قصص !! انت قايل العزوبية دي جات كدا بس من فراغ ? و لا بس انتوا عشان اتشالقتوا و عرستوا بدري بدري لاقين التجارب دي حقت المتزوجين بس ? بالعكس العزابة ديل تجاربهم بحر !! خليك بعيد يا ود البشري ، بس جيب الاغنية و خليك برة النادي دا
Quote: نحنا ما عاوزين استشارة أو نصيحة من زول متزوج لانه بكون بعيد عن مغس العزابة و ما بقدر يفيدنا ، احسن حاجة نتبادل نصائحنا برانا و كل زول فينا يحكي تجربته للباقين و نتناقش فيها بروح العزابة الواحدة ،
هبة بت الماحى ..
ازيك..ياخ.
البوست بوستيك.. سوى الدايرة فيهو.. وباين انو موقفك واضح وواثقة
من عزوبيتك وما خايفة من اجعص متزوج هنا( ودالبشرى وصلاح واثبة)ونحن دى نوعية العضوية
ازيك انتي دي يا بت الشيخ و تسلمي علي الدعم المعنوي اصلو نحنا عزابة زي بعض و مؤسسين لهذا النادي و لازم ندعم بعض . و العزوبية في بلاد العام سام صعبة والله يعني عليك همين هم غربة و هم وحدة !! غايتو ربك كريم علينا .
Post: #120 Title: Re: نادى العزابة الاسفيرى ....... Author: البشير دفع الله Date: 02-02-2008, 12:57 PM Parent: #73
Quote: و عندي رأي في الناس المتزوجين ديل و عايزين يدخلوا النادي كمستشارين و غيره ، نحنا ما عاوزين استشارة أو نصيحة من زول متزوج لانه بكون بعيد عن مغس العزابة و ما بقدر يفيدنا ،
الاخت / heba Elmahi انا عارفك قاصداني أنا بالكلام ده , لكن اسمعي الكلام ده كويس وما تابيهو , ويجيك يوم تكوسي لمستشار ما تلقيهو , أهه دي فرصة واستشارات مجانية , لا داير عمولات ولا راتب , انتي قايلة المتزوجين ديل الله خلقهم كدي متزوجين طوالي ؟ لا ابدا ديل اول حاجة كانوا عزابة , وتدرجوا في سلك العزوبية ردح من الزمن الى أن من الله عليهم ببت الحلال , يعني شوكشوا واتشوكشوا , والراس مليان فليق كمان , وآخر شئ اتوكلوا على الله وعرسوا . أهه الاستشارات دي بتكفيك شر التجارب , طالما غيرك جربها , والعزابي بتعظ بي غيروا , ولا شنو ؟ الاخت اميرة الشيخ بعد السلام والذي منو ما زال عرضي قائما للعمل كمستشار للجمعية .
Quote: و عندي رأي في الناس المتزوجين ديل و عايزين يدخلوا النادي كمستشارين و غيره ، نحنا ما عاوزين استشارة أو نصيحة من زول متزوج لانه بكون بعيد عن مغس العزابة و ما بقدر يفيدنا
الواضح ما فاضح يا صلاح يا اخوي ، انتوا ناس متزوجين و فارقتوا احساس العزوبية من زمن و عليه وجودكم في هذا النادي يعتبر تسلل !! يا اميرة افتحي باب الترشيح لمنصب حارس لبوابة النادي و من هنا و لي قدام الدخول بالبطاقات .
يا اميرة... الكيمياء بنشرحها...لكن كدي نحسم مسألة الهجمات البتجي من برة دي ..... وبعدين في تداخل في الصلاحيات... وانا ال (Job Description) بتاعي ما واضح وبالطريقة انا بجقلب... والشي التاني النادي نادي للعزابة ما بيت عزابة...لو بيت عزابة انا نازل هنا..
سلامات يا شباب عندي احساس كدا انكم طردتونا بالبارد وكدا لكن وفاءً بوعدي - يا حليلك يا لؤي - جبت ليكم الأغاني اختاروا المناسبة شعار للنادي و عافي ليكم الباقيات
بت الشيخ كيفك لو خليت كل واحدة في مداخلة بروحها او جمعتهن سوا ما بتفرق برضو غنية صحافة حتستقبلك لأنو هو اختار الست أب بتاعها كدا autostart = true فكلفي حالك و تعالي على نفسك شوية و أضغطي للتشغيل وكدا
إشا الله مراقب !!! و أقعد في المنصة جنب أميرة الشيخ .. هو ده إجتماع ؟ ما يكون مؤتمر كمان ؟!! أنا سمنار ما بطال معاي .. لكن بشيل الصرفة الأولى .. نجي ؟؟ بتنفعكم/ن الخبرة يا وهم .
قلتو شنو ؟؟ ( ولا بِغِم يا ود البشرى .. و لا بِغِم , إنطم بس ) .
هنا اعلن انسحابي التام لأن البوست بقي يعمل لي مشكلة نفسية لأغاني ودالبشري ذات الطابع الزواجي وبما أن تلك الاغنيات أنا زايغ منها حتي في الاعراس بمشي في الربع ساعة الاخيرة وبنهنئ ونتخارج لكن ما لدرجة اغاني سيرة في بوست عزابة .
يظل هذا الانسحاب مقرونا بوقف اطلاق النار واعلان مبادئ جديدة من الاخوة المتزوجون.
ويا أميرة ما هاين علينا نخليك ونمشي لكن ظرروف
اخونا خضر صالح آشة صمد حتي رحل رحمه الله ...ولو في عزابي قوي في الدنيا كان صالح آشة.
وعزابة وبنحبك يا سلاف فواخرجي
Post: #118 Title: Re: نادى العزابة الاسفيرى ....... Author: محمد البشرى الخضر Date: 02-02-2008, 09:47 AM Parent: #117
عدلناها يا قمر بوبا ولا تزعل ولا تنسحب العاوز يسمع يشغلها بنفسه لك العتبى أبوي و اسمحلنا
آها يا جماعة انا جيت ، القاعد منو و المافي منو ?? الناس دي وينها ? ما شايفة اي زول !! يا ربي طفشوا وين ? يا اميرة انا مش قلت ليك اعملي لينا غفير لي بوابة النادي عشان يضبط لينا الطالع و الداخل ? و اي زول ما عندو بطاقة ما يدخل ، هسة الجاب ود البشري دا هنا شنو ? ========================================================================= *** بجهز ليكم في نصائح للعزابة من الجنسين عصارة خبرة طويلة ( ما طويلة شديد عشان انا ما كبيرة شديد ) أو بالاصح هي عصرة غربة قامت عملت خبرة ، انتظروني يا شباب ****
Post: #122 Title: Re: نادى العزابة الاسفيرى ....... Author: محمد البشرى الخضر Date: 02-03-2008, 07:18 AM Parent: #121
Quote: بجهز ليكم في نصائح للعزابة من الجنسين عصارة خبرة طويلة ( ما طويلة شديد عشان انا ما كبيرة شديد ) أو بالاصح هي عصرة غربة قامت عملت خبرة ، انتظروني يا شباب
انت ما فاضى لينا شكلك مع اطلاق النار الشغال فى البورد دا..
كدى اعمل هدنة وتعال لينا بجاى..
Post: #128 Title: Re: نادى العزابة الاسفيرى ....... Author: عثمان دغيس Date: 02-04-2008, 06:19 AM Parent: #1
أميرة الشيخ
كيفنك ؟؟
ما زلت منتظر الباسورد لعضوية ناديكم ... فقد وعدتيني بالنظر في ذووي الحالات الخاصة !! وغايتو كان ما أديتوني لالعضوية بفتح فيكم نار عدييييييييييييييييييييل !!
انا جييييت و معليش يا جماعة اعذروني لو غبت عنكم بس دا حال البلد دي جري شديد و ما بخلص ، فوق شنو انا ذاتي ما عارفة !! المهم انا دايرة اقول انه النادي دا ما حق زول ، صحي البوست حق ست البنات الاميرة بت الشيخ و نحييها علي الفكرة لكن النادي حقنا كلنا بحقوق عضوية متساوية و من غير مناصب المنصب الوحيد العاوزنو غفير لي باب النادي ، أها في زول عاوز يترشح للمنصب دا ? أما المتزوجين المرازين بينا ديل يا اميرة و عازوين يموتوا عشان يخشوا النادي ( ناس بتحدوا في نسوانهم و ناس بتحرش في النسوان بي هناك ) و غايتو حالة عجيبة !انا بقترح نديهم عضوية بي صلاحيات محدودة ، بمعني ممكن يدخلوا النادي و يتناقشوا معانا في كل المواضيع المفتوحة للنقاش بس ما يتدخلوا لينا في القرارات النهائية ، رأيكم شنو عزابة و متزوجين ?
أها النصيحة الاولي مقدمة للسادة العزاب ( الرجال ) ، عشان ما تمشوا تقعوا ساي و بعدين تقولوا ما كلمتونا و ما نصحتونا ، وكمان إن بقيت بخيت ربنا يديك مرا هدية ورضية السماحة ما ضروري لانو بعد شوية ما حتكون سمحة حتكون عادية نصيحة ليك النسوان البقولن ديل أوعك تعرس واحدة فيهن:
حتمرق معاها وتقعد تحوم، في الحفلات، وتشوف كرسي قدام وتقعد فيهو، شايل عكازك وسكينك في ضراعك، وعينك عليها، إن راجل بشر ساكت.. تتحنفش وتقوم إلا يهجروك اتنين على الكرسي، وتجو نص الليل راجعين أهلكم والنهار كلو نايمين.
الحنانة:
طول النهار برا البيت، تحنن في نسوان الرجال، وهي كرعيها يكونن ما شافن حنة ليهن سنتين، والنهار كلو انت تحاحي في الشفع ما يلمسوا الصبغة. الحردانة:
دي حتكرهك حياتك، أقل كلمة، تتقنع بي توبها وتجري بيت ناس أبوها، وتلحقها أنت وتلقى أبوها، تقعد في طرف العنقريب، تطقطق في اصابعيك، ومدنقر في الواطا، وداير تراضيها ترجع البيت، لكن أحسن حل لك يا تسكنو مع ناس أبوها يا تجيب ناس أبوها عندكم.. عشان توفر المشاوير والجري.
المدرسة:
أول حاجة دي ما بتقدر تفرق بينك وبين الطلبة، وحتقعد تعيد وتكرر في الكلام مليون مرة، زي برنامج من الأمس الفي تلفزيون السودان، وممكن جداً تسرح وتقول لك فاهم يا شاطر؟!.
المدبرسة:
تلقاها طوالي زهجانة، وشايلة أخلاقها في طرف نخرتها، وأن كلكلتها ما تضحك، في النهاية حتوديك التجاني الماحي، نزيل اكتئاب. المفلسة:
ما دايرة أي شرح
النوامة:
تجي من الشغل نص النهار وزهجان، تلقاها تانية المخدة وخاتة ايدها تحتها، وتشخر، وريالتها سايلة، وحالتها بالبلا، وتكره اليوم الفكرت أنت فيهو في العرس.
الحوامة: طول اليوم فوق كرعيها، في الحلة من بيت لبيت، وتدخل البيت قبل ما انت تجي من الشغل بخمس دقائق، وتجري تولع النار، وتطبخ لك القطر قام، وأول ما ينتهي الغدا تدخل في سفنجتها استعداداً لرحلة جديدة.
اللوامة:
دا نوع مزعج جداً، لو جبت سيرة أخوك ساكت تفتح فيهو، الله يسألني سنتنا ديك وقت انت خليتنا بلا قروش وسافرت، يدخل ويمرق علينا مدلدل ايديهو، كيس موز ساكت ما بيجي شايلو، ولو جبت سيرة أمك هي والله امك دي اصلها ما بتريدني، من تشوفني تزعل والنيران تنطلق فيها، وتمد قدومها ووليداتي ديل السلام يا الله ويا أمين تسلم عليهم.
البوبارة:
دي تحملك فوق طاقتك تشريك الما بينشري، و جية ناس في البيت، تجري على علبة الدهب وتتعنكش كلها من رأسها لكرعيها، وتقعد تنضم بايديها وكرعيها ورقبتها واضنيها، عشان توري الدهب.
الكوبارة:
دي تكبر أي موضوع، وتسوي ليهو توم وشمار، وتقول لك ناس القبور وقفوا طابور، لو شافع من شفعك عتر ووقع، تصرخ وتخت ايديها في نص رأسها، وبطول حسها ووووووووووووب علي ووووووووووب علي، ماااااااااات.. ماااااااااااات، يسمعوها في الشارع، والغريبة لو أنت كنت نايم وسمعتها، تقوم ومخلوع، وتمرق من الأوضة لحدي نص الصالة، أما لو كان عندك قلب مرضان اللحظة ديك من المهد إلى اللحد.
الخبارة:
البتدور الخبار.. لو في نضم تلقاها سكتت الشفع، ونهرتهم عشان تسمع، الجيران مالهم بيهرجو وصوتهم عالي، ولو كانت بتكوي ليك في هدوم قطع شك قميص.. والا جلابية حيكون في عداد ضحايا الحريق، وممكن الملاح يحرق وممكن الجردل يكون في الماسورة يتملي والبيت يغرق من الفيضان، وحرمكم المصون واقفة فاتحة خشمها وتتصنت للجيران.
الممحوقة:
دي إن جبت دكان كامل وختيتو لها في البيت تكملوا في يومين، تصوطو كلو فوق تحت، لكن ممكن توديها لأصحابك الزعلان منهم لو عندهم مناسبة تطبخ لهم عشان لما المناسبة تنتهي يشحدو وانت تنبسط.
اللايوقة:
دي حكاية تانية.. تمسك في موضوع يحلك منو الجليل الرحيم.. يا .. دا.. هوي يا دا.. الليلة يا يمة.. طرشت؟!، وقدر ما تطنش هي مصرة، وممكن تجي جنبك وتخجك خجة جامدة عشان تنتبه .. و النقة تبدا. ================================================================================= لحدي هنا و اعتقد كفاية ، بس طبعا السادة المتزوجين ما معانا في الكلام دا ، عشان ما كل واحد فيكم يمشي بفكر انه مرتو من ياتو نوع ، بعد ما الفاس وقع في الراس عاوزة اسمع تعليقاتكم يا شباب عشان اعرف استمر في مدخل النصائح دا ولا ما بعرف ? تحيااااااتي للجميع عزاب و متزوجين
Quote: ما زلت منتظر الباسورد لعضوية ناديكم ... فقد وعدتيني بالنظر في ذووي الحالات الخاصة !! وغايتو كان ما أديتوني لالعضوية بفتح فيكم نار عدييييييييييييييييييييل !!
عثمان دغيس..
احييك على ثباتك ودفاعك المستميت فى انك تكون من اهل الحظوة(العذابة)
وهذا ان دل انما يدل على وضعنا المرموق كعذابة فى هذا الفضاء الاسفيرى
خليك متابع التطورات وما تيأس...
شكرا لثقتك...
Post: #154 Title: Re: نادى العزابة الاسفيرى ....... Author: معتصم دفع الله Date: 02-05-2008, 07:52 AM Parent: #1
انتو قايلني مشيت إتحننت غايب منكم كم يوم واحد فيكم سأل مافي ..
Quote: مالك عايز تشبكو فيني انا هسع جاى بهنا اغطى راسي منو - وعارفو ما عندو فراسة تجيبو يكتب هنا .
عن اذنكم يا ناس النادي بس شغلة بسيطة وطالع .. انتو ما عندك غفير لنادييكم دة؟؟ ... هسع العجوز المخرف دة الجنيات جنياتو بيلعبو دافوري في حوش بيتم في الدندر وكمان بيتم التاني في امبدة واااام عبدالله غلب حمارا وهي تفتش عليهو كيفن تخلوه يدخل نادييكم ؟؟؟
قال ما عندو قراسة !! الفرسة التفلق قريعتك "راسك في زمااااان سابق" .. قوم اطلع وخلي سواية الوليدات البتسويها دي ....
خليتكم بعافية وواع تخلو مثل الشواب دييل يدخلو النادي تاني ....
Quote: عن اذنكم يا ناس النادي بس شغلة بسيطة وطالع .. انتو ما عندك غفير لنادييكم دة؟؟ ... هسع العجوز المخرف دة الجنيات جنياتو بيلعبو دافوري في حوش بيتم في الدندر وكمان بيتم التاني في امبدة واااام عبدالله غلب حمارا وهي تفتش عليهو كيفن تخلوه يدخل نادييكم ؟؟؟
قال ما عندو قراسة !! الفرسة التفلق قريعتك "راسك في زمااااان سابق" .. قوم اطلع وخلي سواية الوليدات البتسويها دي ....
خليتكم بعافية وواع تخلو مثل الشواب دييل يدخلو النادي تاني ....
يجازي محنك .
بقيت تصنع في جيوب استخباراتية .
القمر بطل البوستات كلها وصار يعمل بكل السبل لتغويض الابداع الفني والادبي والعاطفي كمان . يا اخونا نحن الان نكذب لنتجمل امام العزبات بغية الحصول على واحدة تتوفر فيها الشروط الاتية :
اولا : جمال نص نص لزوم التخفيف من غلواء الغيرة عليها ثانيا : تكون مشأية بشرط تفدّع سواعدها مع مشيتها السنّيد . ثالثا : خفيفة الروح بس معاى برااااااااااااى - رابعا : ان تكون لها خبرة في قومة الدغشية لزوم حليب الغنم لان الدرار الكتير بتاع اللبن !! بيكون دائما مع الصباحية . خامسا : الالتزام بالمحافظة على برتمانية زيت السمسم لزوم المسوحة من الغبشة .
Quote: رابعا : ان تكون لها خبرة في قومة الدغشية لزوم حليب الغنم لان الدرار الكتير بتاع اللبن !! بيكون دائما مع الصباحية . خامسا : الالتزام بالمحافظة على برتمانية زيت السمسم لزوم المسوحة من الغبشة .
بت الشيخ كيفنك ... لكن والله اتلومتي.. يعني "المطلقين" والمطلقات" ديل فرقهم منكم شنو في حالتهم الراهنه دي؟؟ مفروض تدوهم نصف عضوية .. ارتدينا اي نعم .. لكن اثبنا الى رشدنا
وبعدين النادي دا ما دايرين تعينو ليهو مكتب للاستشارات .. اها المكتب دا احسن ناس يمسكوهو ليكم المطلقين .. لسبب .. لانهم ح ياكدوا لكل "العزازيب" و "العزازيبات" انو "العزوبية" اخير من العرس مية مرة ودي مشورة بتكون مدعمة بتجارب وقصص وفبركات والذى منو..وعليه انتو ح تستفيدو جدا بانو عضوية النادي ح تكون في حالة ارتفاع نتيجة *"للمشورة المهببه" بتاعت المكتب "الاستشاري".
اها قلتو شنو؟؟؟؟ نقول بسم الله ندخل باليمين ولا عندكم راي؟؟
*تعكس وجهة نظر الرجال المتزوجين فقط
Post: #187 Title: Re: نادى العزابة الاسفيرى ....... Author: البشير دفع الله Date: 02-06-2008, 11:12 AM Parent: #179
Quote:
وبعدين النادي دا ما دايرين تعينو ليهو مكتب للاستشارات .. اها المكتب دا احسن ناس يمسكوهو ليكم المطلقين .. لسبب .. لانهم ح ياكدوا لكل "العزازيب" و "العزازيبات" انو "العزوبية" اخير من العرس مية مرة ودي مشورة بتكون مدعمة بتجارب وقصص وفبركات والذى منو..وعليه انتو ح تستفيدو جدا بانو عضوية النادي ح تكون في حالة ارتفاع نتيجة *"للمشورة المهببه"
الاستاذة / Randa
تحية وتقدير
سبق وتقدمت بطلب الانضمام للنادي بصفة استشارية باعتباري متزوج الآن بعد أن مررت بفترة العزوبية وأكملت كل فصولها بامتياز مما
يؤهلني لهذه الدرجة , وأحالت الاخت أميرة الشيخ أوراقي الى هبة وقمر بوبا للنظر فيها .
تقديمك لطلب عضوية استشارية يدعم موقفي كثيرا باعتبارك مستشارة لشريحة العزابيات وأكثر دراية بهذا الجانب , مما يجعل الحوجة
عارف في "شرائح" كدا لو قدرو استقطبوها ح تنفعهم شديد....
Quote: سبق وتقدمت بطلب الانضمام للنادي بصفة استشارية باعتباري متزوج الآن بعد أن مررت بفترة العزوبية وأكملت كل فصولها بامتياز مما يؤهلني لهذه الدرجة , وأحالت الاخت أميرة الشيخ أوراقي الى هبة وقمر بوبا للنظر فيها .
اما الجزئية دي فكلا والف كلا انا لا اتفق معك فيها ابدا.. انت ناسي انو المطلق/ه اجتاز/ت مرحلة العزوبية واكمل/ت فصولها بنجاح كما وانه/ا امتلك/ت الشجاعه لاقتحام عالم المتزوجين/ات ثم عاد/ت الى قواعده/ا سالم/ه.. لا حولا الله الواحد نفسو قام .. الله يجازي الجندر.
اها يعني بالله يا اميرة وقمر بوبا انظرو في طلبات الفصيله "ط" قبل طلبات الفصيله "ز" الله يرضى عليكم ..
Post: #195 Title: Re: نادى العزابة الاسفيرى ....... Author: البشير دفع الله Date: 02-06-2008, 12:34 PM Parent: #192
الاستاذة / رندا التحية والتقدير كتبتي :
Quote: انت ناسي انو المطلق/ه اجتاز/ت مرحلة العزوبية واكمل/ت فصولها بنجاح كما وانه/ا امتلك/ت الشجاعه لاقتحام عالم المتزوجين/ات ثم عاد/ت الى قواعده/ا سالم/ه..
ما عندي اعتراض على الكلام ده , وبالتأكيد كلها خبرات ويحتاجها هذا النادي وحيستفيد منها كتير , ومؤسسة الزواج لا تحتاج لشجاعة واقدام طالما الواحد كمل فصول العزوبية وبتبقى مرحلة مكملة او لا بد منها ( نظام بريستيج اجتماعي وكده ) .
Quote: اها يعني بالله يا اميرة وقمر بوبا انظرو في طلبات الفصيله "ط" قبل طلبات الفصيله "ز" الله يرضى عليكم ..
يعني شنو التحيز ده ,
ما دام هم جلسوا للنظر في طلباتنا المانع شنو ينظروا فيها الاتنين مع بعض ( ط + ز ) وكلهم مكملين لبعض , وكلها خبرات .
انا مما كتبت مداخلتي وقلبي دا في يدي، قلت هسي انا الدخلني حوش العزابه والعزابيات دا شنو؟؟ اميرة مما فتحت البوست الله وكيلك اتلمو كلهم التقول دقوا ليهم جرس، وان شفت المداخلات يعلم الله من شدة ما فايرين ومعورشين نفسهم قايم "بس الكديس العفصو في ضنبو" ... قلت انا كان ماااالي ومال الشلاقه دي.
Quote: لو عندهم راي حنعتصم ونحاصر البوست طواااااااااااالي
وبعدين الكلام دا ما برموهو تخ ترخ كدا، انت ناسي اننا في "عقر دارهم" وانهم في حالة انتفاضه.
***ملحوظة: كل الكلام الفوق دا مكتوب بالحبر السري .. وكدا
Post: #185 Title: Re: نادى العزابة الاسفيرى ....... Author: Emad Abdulla Date: 02-06-2008, 10:46 AM Parent: #183
رندا حاتم .. !!
إزيك ياخ . .....
أميرة , جيت أسلم على رندا .. برضو ح ترفعي لي الكرت الأحمر ؟
مسنجر: ما كلموك انو خطوتك الاولى العملتها انا لاحقاك فيها. والتانية العملتها انا سبقتك عليها.
Post: #212 Title: Re: نادى العزابة الاسفيرى ....... Author: البشير دفع الله Date: 02-07-2008, 08:09 AM Parent: #183
Quote: انا مما كتبت مداخلتي وقلبي دا في يدي، قلت هسي انا الدخلني حوش العزابه والعزابيات دا شنو؟؟ اميرة مما فتحت البوست الله وكيلك اتلمو كلهم التقول دقوا ليهم جرس،
الاستاذة / Randa Hatim
تحية وتقدير
ايدك في قلبك ليه ؟
تعرفي البوست ده من أجمل وأرقى و ( أنضف ) البوستات في المنبر ده , يعني ما بتلقى
كلمة تفلقك زي الصاقعة من شاكلة ( عنصري ) ( جلابي ) ( مهمش ) , وقائمة الشتائم والسب
يعني الواحد بكتب براحتو خالص , مع انو الناس المتداخلين كتيرين , والآراء متباينة
اميره هووووي وباقي الشباب... ما تضيعوا وقتكم... الفالانتاين فضل ليه اسبوع بس.. كل واحد فيكم يكتب لنفسه كرت سمح.. ويشتري علبه شوكولاته..ومعاها ورده سمحه.. ويرسلهم لنفسه علشان يصلوه في نفس اليوم.. ويقعد يوم 14 يسمع أغنيه حلوه ويحتفل بالعيد.. وأصله مافي مستحيل في الدنيا دي.. بلا متزوجين بلا عزابه..الأصل القلوب
Quote: انا مما كتبت مداخلتي وقلبي دا في يدي، قلت هسي انا الدخلني حوش العزابه والعزابيات دا شنو؟؟ اميرة مما فتحت البوست الله وكيلك اتلمو كلهم التقول دقوا ليهم جرس، وان شفت المداخلات يعلم الله من شدة ما فايرين ومعورشين نفسهم قايم "بس الكديس العفصو في ضنبو" ... قلت انا كان ماااالي ومال الشلاقه دي.
لالالالالالالالالا عيب يا رندو انت اصلك مع الطيور الما بتعرف ليها خرطة ولا في ايدها جواز سفر .
Quote: وبعدين الكلام دا ما برموهو تخ ترخ كدا، انت ناسي اننا في "عقر دارهم" وانهم في حالة انتفاضه.
النبي ما تكوس لي اختك اغنية تتناسب والطلب المقدم من طرفنا وتلصقا جنب مداخلتي ...
لا ازيك لا مشتاقين.
**ام حتوت انتي ما شايفة الراجل دا قاعد يقول هو ارجل من اى راجل بيكتب في البوست دا لانهم "مراتاتهم" ما بيقرو البوست لكن هو مرتو بتقرا وهارشا.. المسكتك شنو يا الغبيانه .. يشيل حسك وسط النت وانتي ساكته "وش فيهو قرون رافع حواجبو بتاع مشاكل"
بالله يا ناس النادي الكلام التحتو خط دا اسمو بيان بالعمل اوكي .. اها تدوني المكتب الاستشاري ولا عندكم راي تاني.
Quote: اميرة مما فتحت البوست الله وكيلك اتلمو كلهم التقول دقوا ليهم جرس، وان شفت المداخلات يعلم الله من شدة ما فايرين ومعورشين نفسهم قايم "بس الكديس العفصو في ضنبو" ... قلت انا كان ماااالي ومال الشلاقه دي.
والعرض متواصل يا رنده...روتانا سننا
لكن والله بالعكس الواحد يلقي زول متزوج يقعد يشكي ليك...مرة الفلس..ومرة اهل المرة رمدانين...ومرةهو كان داير يقرا وبقي مطرطش... غايتو نحمد الله نحن سيستمنا علي كيفك تنوم وعلي كيفك تقوم...لا حصة فطور لا دفتر حضور...
بس بتجههنا لمدة دقيقة بنية سمحة ماشة...دي نقطة ضعفنا...غير كدة نحن عشرة علي عشرة
والله طبعا يا محمد الطيب انت شاب نشيط ويعتمد عليك .. وانا صراحه ح احتاج لي مدير حملة ومساعد اداري واعضاء نشطين و.و.و
لكن ....
غير لينا بروفايلك دا بالله ما بنفع معانا بي جاي .. خصوصا انو ممكن يسبب "ازمات" نفسية للاعضاء، وكمان ياللخو بخلي مهمتنا في الاستشارات "المهببه" صعبة .. يعني كيف بالله داير تقنع ليك واحد/ه بالعزوبية ودا بروفايلك!!!!!!
عدل وقدم لينا الطلب مرة تانية.
ـــــــــــــــــــــــــــــــــــــــــ Say it laud ... Say it straight Randa for the Consultancy Office in 2008
رندة حاتم... طيب اول استشارة وكدة... عندي عروض كالاتي... 1.صحفية اكبر مني ب 3سنوات (ما سمحة...وبتلبس نضارة سميكة وعمرها 35) 2.طالبة جامعة اكبر مني برضو بسنة كدة 22 سنة (بتتكلم كتير) 3.خريجة عاطلة محبطة ليها ستة سنة مااشتغلت بمليم ومديونة لناس بيتها حق قرايتها.ومفتلة ممكن تدقني في اي لحظة...واخر مرة جات ختت طلبها فوق اخر حاجة عنوة واقتدار وحمرت لي ومشت
ماذا كنت ستفعل لو كنت مكاني
الرد قبل الاغلاق... لو اغلقوا المنبر برضو الرد يجي Validity of one day...دي اتش ال...فاكس...اس ام اس ...وحمادة بالعز خلاص حيحس
Quote: .صحفية اكبر مني ب 3سنوات (ما سمحة...وبتلبس نضارة سميكة وعمرها 35) 2.طالبة جامعة اكبر مني برضو بسنة كدة 22 سنة (بتتكلم كتير) 3.خريجة عاطلة محبطة ليها ستة سنة مااشتغلت بمليم ومديونة لناس بيتها حق قرايتها.ومفتلة ممكن تدقني في اي لحظة...واخر مرة جات ختت طلبها فوق اخر حاجة عنوة واقتدار وحمرت لي ومشت
طيب ... بسم الله نبدأ:
العرض الاول ... بما انها صحفية يعني شيالة حال درجة اولى .. يعني ح تلقى اخبارك واخبار ناس بيتكم في الحلة اول بي اول وما اعتقد انت ممكن تستحمل جنس الحالة دي، دا غير انها ح تقدك قد بي اخبار العالم يعني ونستكم ح تكون زي برنامج الاتجاه المعاكس "مع العلم انها هي اللي ح تكون سميح القاسم ما انت يا الفالح" المشورة : جليها
العرض التاني: طالبة جامعية نقناقة اهلنا في المثل قالو "بيت الجدري ولا بيت النقري" يعني ياللخو ابسط الامراض الممكن تصيبك جراء ارتباطك بيها "التهاب في الاذن الوسطى، زغلله وعدم تركيز، تشتت وانهيار عصبي" مالك يا اخوي ومال الحالة دي من شاب ينطط ويبرطع لي زول مرضان يبلع في الحبوب. المشورة: جليها
العرض التالت: خريجة عاطلة وشفته كمان بما انها عاطله يعني انت ح تكون همها الوحيد ، والله لا وراك لما تكون انت محور اهتمام بالشكل المكثف دا تكرهك الريده والمحنه ذاااتا اضف الى كدا وبما انها "مفتله" يبقى اهتماما ومحنتها بيكونو من نوع "تهاظرو ولما يهاظروكم تموتو" المشورة" جليها
الامشورة النهائية: خليك عزابي ..عمرك يبقى طوييييل زي عمر الدابي.
انتهى. ــــــــــــــــــــــــــــــــــــــــــــــــ Say it laud ... Say it straight Randa for the Consultancy Office in 2008
اعدل شنو ناسكم ديل مجانين فاكرين اى واحد كاتب متزوج في بروفايلو متزوج وبعدين انتو تفتكروااى حد متزوج مو عزابي ؟
انا اقترح عمل اجتماع طارئي لتحديد الاوضاع التي يمكن ان يصنف / تصنف الحالة بانها هكذا ومن ثم يكون من توفرت فيه تلك العناصر مؤهلا لترشيح والتصويت لعضوية مجلس الادارة .
Quote: انا اقترح عمل اجتماع طارئي لتحديد الاوضاع التي يمكن ان يصنف / تصنف الحالة بانها هكذا ومن ثم يكون من توفرت فيه تلك العناصر مؤهلا لترشيح والتصويت لعضوية مجلس الادارة .
ودشيقوق سلام عليك..
انا مع فكرة الاجتماع واقترح يكون يوم الخميس الموافق14/2 (الفالانتاين داى)
ومنها يكون احتفال وهجيج ..
بسي اجندة الاجتماع شنو....؟؟؟ عشان ما نتخمة فى الزحمة دى..
Quote: بسي اجندة الاجتماع شنو....؟؟؟ عشان ما نتخمة فى الزحمة دى..
شوفي يا اميرة انا معاك في فكرة الاحتفال والهجيج والفولنتاين داى
اما الاجندة ارى ان تكون منصبة حول
اولا : تصفية العناصر المندسة وسط هذا البوست والتي تدعي عزوبيتها . ثانيا : اجراء احصائي لمعرفة عدد الاولاد العزابة وكذلك البنات العزابيات حتى يتسنى لنا اما تقسيم الاولاد بنسبة وتناسب على الاولاد او العكس . ثالثا : وضع المعايير التى من خلالها يمكن تصنيف امحمد او فاطنة بانه / انها عزابي / عذابية .
العمل ترتيب آليات التواصل بين الاعضاء من الجنسين حتى يستطيع الاعضاء التعرف على بعضهم البعض .
Post: #219 Title: Re: نادى العزابة الاسفيرى ....... Author: معتصم دفع الله Date: 02-07-2008, 10:39 AM Parent: #1
Quote: الحنة التقوم ليك فى راسك.. حالك دا ما حال زول بيقولو عليهو اتحنن.. والا البوست دا يكون مافى ليهو داعى.. قايلنك شنو.. دا نحن عارفنك شغال وزير مفتوق المحبة.. خلاص لملمتة حاجات الكرامة ورجعت... البوست دا طالبك وبطل جقلبة..
دي حنة ولا محنة .. غايتو شيلي شيلتك يا أميرة أنا حاسس بحركة إنقلابية ..
Quote: معتصم يا عمك يا خوي حفلة شنو وصبحية شنو عارفنك ما مت كمان ما شقيت مقابر أصلك دا جرتق ابوي عقبالك و تمبس ان شاء الله
Quote: رندا المكتب الاستشاري... انا موافق لكن معتصم دفع الله بوافق؟
يا قمر والله ما عندي مانع خلينا نحن فراجة ساي ..
Quote: معتصم دفع الله بكلم ليهو تمبس بقنعو لي ....
رندا سلام .. تمبس دا خليهو في حالو غايتو تاني كان جبتو ليهو سنجر ما بتخيطو .. أصلو مفتوق حبتين ..
Quote: الشعار التحت دا متطلبات المرحله وكدا التوقيع: رندا اوباما
يا رندا أوباما .. نؤيدك ونشد من أزرك ولا نامت أعين العزابة ..
Quote: حنعتصم بعد ما نعرس لي معتصم كيتن في بت الشيخ
سلام يا واسبا .. عارف سامع لي حركة بي تحت تحت .. غايتو ح يكون هناك إنقلاب عزابي ح يهد كل عروش العزاب .. يا ربي دا يكون عرس جماعي .. وبكده تضيع كل جهود الريس أميرة في شربة موية ..
Quote: رندا سلام .. تمبس دا خليهو في حالو غايتو تاني كان جبتو ليهو سنجر ما بتخيطو .. أصلو مفتوق حبتين ..
يا سيدي ربنا "يرتق فتقو"، انا بس قلت واسطه وكدا لكن وكت انت موافق نخليهو للجايات.
Quote: يا رندا أوباما .. نؤيدك ونشد من أزرك ولا نامت أعين العزابة ..
ياها المحرية فيك يا ود دفع الله، وليك علي المشورتين الاولانيات مجانا بدون رسوم.
Post: #220 Title: Re: نادى العزابة الاسفيرى ....... Author: محمد البشرى الخضر Date: 02-07-2008, 10:40 AM Parent: #1
يا خوانا دقيقة باللاي ما تلخبطونا وتخمونا ساي الأوبجيكتفس المن أجلها أتاسس النادي شنو؟ تو كيب ذا سينقل ستيتس و لا تو جينج إت كان تو كيب إت دا طرفنا منكم وكان للجينج دا شنو البتسوي فيه أم حاتم دا
Quote: طيب اول استشارة وكدة... عندي عروض كالاتي... 1.صحفية اكبر مني ب 3سنوات (ما سمحة...وبتلبس نضارة سميكة وعمرها 35) 2.طالبة جامعة اكبر مني برضو بسنة كدة 22 سنة (بتتكلم كتير) 3.خريجة عاطلة محبطة ليها ستة سنة مااشتغلت بمليم ومديونة لناس بيتها حق قرايتها.ومفتلة ممكن تدقني في اي لحظة...واخر مرة جات ختت طلبها فوق اخر حاجة عنوة واقتدار وحمرت لي ومشت
ماذا كنت ستفعل لو كنت مكاني
]
قمر بوبا..
انت بعد تسكت ساى ما عندك اى كلام معاى .. الحالة عامل فيها حارس مرمى
دا شنو البسوى فيهو دا ..
يعنى رندا حاتم كان جات من بداية البوست دا.. كان قفلت ليناالبوست
دا من الصفحة الاولى.... مش ؟؟؟
على فكرة انتى الاديت رندا دى المكتب الاستشارى من غير اى شروط.
ما قلتو فى البداية لا وشنو ولازم ومفروض...اشمعنى يعنى رندا ؟.. فى ناس مقدمين
الا الجندر والجندر وايس والجندر بلانص و الدسكرمنيشن والحاجات دي....شيلي اي حاجة انتي عايزاها..اقول ليك حاجة ...ياخي انا غلطان..بس ما تصعبوا الموضوع وتركبوا مكنات جندر...دي مكنة احسن منها العرس...اكتر موضوع في الدنيا جرسني موضوع الجندر ده....في زول بفك اخره في البورد ده؟؟؟...اها انا فكيته
Quote: طلبات ليهم شهر...غايتو عالم كبكابات بشكل..
يا اميرة ياهندا قدامك في مازن ده جا خاشي سلمته سلاح طوالي اكتر من كدة اعمل شنو ...وبعدين انا ما عارف ذاتو زول اسمه مازن يكون عزابي كيف...والله لو كان اسمي مازن كنت عرست انا.
اميرة لقتني رشحت روحي للمكتب الاستشاري .. من باب "اسمع كلام مجرب ولا تسمع كلام طبيب" ومن هذا المنطلق بديت اجمع اصوات كويسة للفوز بالمكتب الاستشاري .. اهاااا الاخت خافت اقوم ارشح نفسي لرئاسة النادي واكون اول "ما عزابية" تراس ليها نادي "عزابة" زى ما "اوباما" مرشح نفسه يكون اول رئيس "اسود" لبلد كانت اكتر بلد بحقر "السود" قامت طوالي عملت حملة مضادة.
لكن ولا يهمك .. اي نعم هي صاحبة الفكرة والمشروع لكن كمان مفروض يكون في ديمقراطية و "هامش" حرية للاعضاء والمرشحين، ما ممكن الاخت تتعامل بمبدا "الاحتكار" وكمان بلغة التهديد "اصبر لى، ولما افضى ليك" وغيره من جمل التهديد والوعيد .. دا نوع من الارهاب المرفوض.
اسمعوا هنا يا ناس النادي هوووي، اول شئ نفهم المساله دي "حوكرية" ولا شغل ديمقراطيه وكدا..
رندة كويس انك ظهرتي.... اميرة دي ما خلت لي حتة انوم عليها تهددني بالتمييز النوعي والكبكبة...ومرة شلعت النادي وبعدين هي ناسية انو بعد تلاتة يوم حنخش معركة شرسة جدا في مسألة الفالنتاين...وبدل تجيب الفتاوي واسلحة التخريب قبلت علي انا...ناس ما بتقدر تمرحل صراعاتها ولا عندها استراتيجيات تدير بيها شغلها.
ونبدأ الهجوم علي الفالنتاين
مرة لما كنت في السعودية بنين وفي يوم من ايام الفالنتاينات.... ونحن طبيعة شغلنا مكاتب وصالات عرض لانو كانة شركة بتاعة Retail في صالة المحلات كان في محل بتاع ورد ماسكة لبناني (راغب علامة بس) يزبط شعره جل ويقعد يبيع الورد والهدايا...والمحل مستأجره مننا لكن واره معاه ابن الكلب...يوم الفالنتاين البنات السعوديات واقفات صف واخونا منهمك في شغله جووه ليك هيئة الامر بالمعروف...لاندكروزر ملان دقون ...كرفسوه ليك وبعد 15 يوم كان خرجوا ليه نهائي... اللذيذة تعبير وحدة سعودية بعد الموقف قالت: وايش دري المطوع بالحب لذا نعتقد انو بيع الورود حرام...والحب حرام....والخميس نحن مطاوعة
النادي هسي بيمر بمرحلة اثبات وجود خصوصا في اعياد الفالانتاين ح يكون راجينا دور ضخم ومتشعب "عليك الله شوف متشعب دي قوية كيف" يعني مطلوب اولا نعمل على استقرار الحالة النفسية للعزابة .. خصوصا انو اعياد الفالانتاين بتشكل مرحله بتاعت "هزه نفسية" قوية يجب انو الناس تتكاتف عشان تعديها على خير ... دا اضافة الى انو في الاعياد دي بيكتر اللون "الاحمر" و "الروز" واكيد مفعولهم في نفسية العزابي زي مفعولهم على نفسية "التور" يعني ممكن يقومو باعمال "شغب" جراء الفراغ العاطفي الذي يكون اكثر وضوحا في هذه الفترة، عليه لازم نخلي بالنا لغاية ما نتجاوز هذه المرحله (انفع القي خطاب موش"..النقطة اللى ما منتبهه ليها الهانم "يعني اميره" انو ح تواجهنا حمله مضادة وشرسة من المتزوجين واحتمال كبير يتأسس نادي "انا ودالبشرى دا ما ماسك قلبي .. وكدا " شكلو غواصه.
رايك شنو ما ترشح نفسك عن مكتب الفتاوي والله تنفع .. فتاويك كلها ح تكون من نوع "جليها"
Quote: خصوصا انو اعياد الفالانتاين بتشكل مرحله بتاعت "هزه نفسية" قوية يجب انو الناس تتكاتف عشان تعديها على خير ... دا اضافة الى انو في الاعياد دي بيكتر اللون "الاحمر" و "الروز" واكيد مفعولهم في نفسية العزابي زي مفعولهم على نفسية "التور"
تور عديل كدة....دحين ده ما تجني واضح يا الاخت...
قال مكتب فتاوي قال...والله في فتوي لقيتها في حتة لو جبتها ليكم هنا والله التقولي البوست ضربوه بدناميت...لكن لو عكت شديد بنجيبها.
يا اخي ياقمر بوبا عليك الله خليك زول نظرتك عميقه .. ما تخليني اغير رايي فيك ..
هسي انت التور كان جبت ليهو قطعة قماش حمرا بيعمل شنو؟؟؟ موش الا يضايرك في كورنر حتى يرتاح .. اها بالنسبه للعزابه والعزابيات الورود الحمرا رمز الفالانتاين وكدا بتاثر على حالتهم النفسية وبتخليهم متوترين وقابلين للتمرد والعصيان حيث انهم في الفالانتاين بيحسو بالوحده وكل واحد بيبدأ يفتش على "نصفه الاخر" ودا طبعا ضد اهداف هذا النادي الكبير.
يعني ياللخو وجه الشبه "الآكشن" ما التور في حد ذاااتو.
Quote: ذا مين اوبجيكتيف فور زيس كلب اذ تو ميك سينقل بيبل براود اوف ذير بريزنت استاتس، اند تو ليت ذيم نو ذات بيينج سينجل اذ نوت سومثينج باد لايك وات ذي آر هيرينج فروم اوزرس، اولسو وي وونت تو اوير اوول باشلورز اباوت ذا ادفانتج اوف بيينج سينقلز اند تو دو سو وي ار سبورتنج اور ايديا ويذ ترو استوريز اند اكبيرسانسيس ذات ويل ميك ذم فيل هابي اند ساتيسفايد .. فور زوس هو وونت تو جت ماريد وي ويل بروفايد ذم وذ صم جوود ادفايسيز ان اوردر تو هاف اهابي ماريج لايف اند تو نو هاو تو كيب ات هابي اذ لونج اذ بوسيبل.
وقع ليك
لا ما وقع لي واي بيكوز ذير إز آ ميجر كونتراديكشن هيير بيتوين تو اندرلايند ستيتمنس , هاو إت كمس ذات يو وونت تو إنكارج سينقلس تو كيب ذير استيتس آند إن آ سيم تايم قيفنج آدفايس تو ذوس هو وونت تو جت ماريد آي ثينك ذا اوبجيكتف شود بي كلير أذر وايز ذا كريديبيليتي أوف ذا كلب ويل بي كمبارمايزد ذيس - أنفورتشونيتلي - فورس مي تو فوت أقينست يو مام فور كونسولتانت أوفيس هيد بوزيشن
Quote: اولا : تصفية العناصر المندسة وسط هذا البوست والتي تدعي عزوبيتها . ثانيا : اجراء احصائي لمعرفة عدد الاولاد العزابة وكذلك البنات العزابيات حتى يتسنى لنا اما تقسيم الاولاد بنسبة وتناسب على الاولاد او العكس . ثالثا : وضع المعايير التى من خلالها يمكن تصنيف امحمد او فاطنة بانه / انها عزابي / عذابية .
العمل ترتيب آليات التواصل بين الاعضاء من الجنسين حتى يستطيع الاعضاء التعرف على بعضهم البعض .
الطيب شقوق...
بالاضافة للاجندة اعلاه...
1-مناقشات عضوية ذووى الحالات الخاصة....
2-اختيار اعضاء المكتب التنفيذى .....
واذا فى واحد من اعضاء اللجنة التسيرية عندو اى اضافة للاجندة الفوق دى
بت الشيخ إزيك الغنية جاهزة ومهداة ليك شخصيا لكن السيرفر الجديد دا أبى يرفعها بحاول اعمل تسوية مع فلان أنسى ليه موضوع الـ9000 وهو يرفعها لي بمعرفته شيلي الصبر أمي
أها نجي للموضوع المهم بالله في اجتماع لجنة شيقوق أحسموا لينا امر اهداف النادي عشان نعرف كوعنا من بوعنا و موقفنا شنو في المولد دا
بعدين دا شنو
Quote: وضع المعايير التى من خلالها يمكن تصنيف امحمد او فاطنة بانه / انها عزابي / عذابية
ياخي بالغتوا المعيار واحد مافي غيرو دايرين تنظروا و تفلسفوا الموضوع بالله لما تخلصوا الإجتماع اعملوا لينا تنوير بخصوص الحتة دي بالذات
Quote: واي بيكوز ذير إز آ ميجر كونتراديكشن هيير بيتوين تو اندرلايند ستيتمنس , هاو إت كمس ذات يو وونت تو إنكارج سينقلس تو كيب ذير استيتس آند إن آ سيم تايم قيفنج آدفايس تو ذوس هو وونت تو جت ماريد آي ثينك ذا اوبجيكتف شود بي كلير أذر وايز ذا كريديبيليتي أوف ذا كلب ويل بي كمبارمايزد ذيس - أنفورتشونيتلي - فورس مي تو فوت أقينست يو مام فور كونسولتانت أوفيس هيد بوزيشن
زيرس نو كونتراديكشن ان ماي استايتمينتس، ذا مين تارجيت فور اور كلب از تو كيب ذا سينقل استيتاس. بت فور زوس هو وونت تو جيت ماريد اند ذي ريفيوزد اور ادفايس، وي ويل نوت ليت ذم داون وي ويل سبورت ذم رجاردليس ذي ويل ريمين سينقلس اور ذي ويل جو تو ذا ازر سايد اوف ذا روود،افتر اوول وي بليف ذات ذي وير اور ميمبرز اند وي شود استاند بيسايد ذيم ان ديفرنت سيركيومستانسيس، باي دوينج سو وي كان اشور زير لوياليتي تو ذا كلب ايفن افتر تيكينج ذيس ديسيشن.
بت الشيخ ظلمتيني ظلم الحسن و الحسين أولا ما في أهداف من الغنية ولا حاجة غير الهجيج و الطرب تانيا رئاسة نادي شنو الأنا بنافس عليها إنتي بي صحك هو النادي للآن ما حدد هدفو ولا شروط عضويته أنا كان ما الونسة و الناس الحلوين الهنا و طبعا نقط نقط نقط بقرا البوست ما كنتي شفتيني بي جاي من اساسه تمام يما
سلام يا شباب جميعا عزااااابة و متزوجون !! والله يا اميرة فيك الخير البتسألي عني رغم انها جاءت متاخرة لكن برضو احسن من غيرك ، و حياتك انتي لا في ورود حمرا و لا صفرا المشغولية بس في حاجات تانية و زي ما بقولوا ما مسكنا منكم الا الشديد القوي ، ثم يا ستي انا من الاعضاء المؤسسين و عزابية من الدرجة الاولي ، تقولي لي ورود ما ورود !! حلوة من الدرجة الاولي دي صااااح ? الحمدلله شايفة امور النادي مشت كويس خالص و عدد الاعضاء زاد ، بس بعد كدة عاوزين نفرز الكيمان ، الاعضاء الاصليين و ديل طبعا العزابة ، و الاعضاء الشرفيين و ديل السادة المتزوجون
اميرة... شايفك ماسكة ثيرباك مية مية... هبة معليش نحن كنا بعيد وحمد الله بالسلامة.... ودالبشري ورندا ون تو جميل بلغة اجمل...
نجي لحبيب قساي ديك الجن...قلت لي السعودية بنين وكلاء النيابة فرع البيت عزاك من السعودية تلاتة حاجات...مهارة فائقة في اعداد الحلة (Jumbo Size) والاسناك فودز...بس ما تنسي التميس....الخبرة الممتازة في مجال العمل...الخوة الجميلة بين الناس...لكن مافي شي تاني
اديك اقتراح...فكر في الحب من المقيمات هناك كنا بنسميه (سلام من الداخل)....
اها ياخوانا... التكتيك شنو لبكرة... كل زول ينزل بوست منفصل اسمه (مقاطعة عيد الحب) وما يزيد كلمة يخت رابط البوست ده ويتخارج بسلامته لو لقيتوا اي بوست بحتفل بالعيد خربوه...اطلعوا للزول في تربيزته.
تحياتنا يا قمر الزمان و الله يسلمك يا اخوي و ان شاءالله تاني ما نغيب عنكم ، انا معاك في برنامج مقاطعة عيد الحب و لا عيد الوهم دا و مستعدة تماما لتخريب اي بوست يتكلم عن الفالنتين ، بلا فالنتين بلا نيلة . ********** غايتو بس دي حسادة مننا سااااي للناس الحبييييبة و معترفة بيها ************
Quote: كل زول ينزل بوست منفصل اسمه (مقاطعة عيد الحب) وما يزيد كلمة يخت رابط البوست ده ويتخارج بسلامته لو لقيتوا اي بوست بحتفل بالعيد خربوه...اطلعوا للزول في تربيزته.
بركة الشفناك ...
من يوم ما مشيت سوبا ما رجعت ولاشنو(وش خايف)..
لكن التكتيك ما عندك ..
دى بتبقى حسادة يا قمر بوبا وبعدين مفترض عيد الحب دا يكون تحت رعايتنا
وكدة ... هو عيد حب ياقمر ما عيد زواج .. وقع ليك ابوى .
لكن ولا تزعل انا غايتو شايفة نادية السر فاتحة ليها بوست اسمو فى يوم الحب
بمشى بخت الرابط دا هنا لانو نادية دى صاحبتى وكمان زميلة مهنة..
وبعدين انت ما تخاف مش عضوية بس دا انت مرشح لمكتب ذووى الاحتيجات
الخاصة عديييييييييييييييل كدا
وقع ليك?? لانك حريص ومتابع طلبك باستمرار لا كليت لا مليت..
نحن من خلفك ونشدو من ازرك ..
Post: #281 Title: Re: نادى العزابة الاسفيرى ....... Author: معتصم دفع الله Date: 02-14-2008, 08:14 AM Parent: #1
غايتو انتو البغيب منكم يومين ترمو طوبتو .. هسي أنا عيان لي كم يوم ولا واحد هببو لي مافي .. الغريبة في ناس كتار قالو لي دا مرض العرس .. هسي لو كانت معاك العروس دا كلو ما كان حصل .. أها يا جماعة الخير رأيكم شنو في الموضوع .. اليومين ديل الواحد بقى ما عارف نفسو يمكن يبيع زمتو عاااااااادي ..
و لا يهمك الكلام دا يا قمر الزمان مافي زوووول بيقدر يرفدك و انا قاعدة ، ثم هو اصلا النادي و زي ما قلنا قبل كدة ما حق زول و مافي زول عنده حق اكتر من التاني كلنا بحقوق عضوية متساوية !! اعملي حسابك يا رندا هسة بنعمل عليك لوبي و بنطلعك برة بي ديمقراطية مش رفد و تعسف .
يا اخونا القرارات الزي دى تحتاج لاجماع من مجلس الادارة ليتخذ قرار بشانها - ارجوك يا رندا الالتزام بالمنهج المؤسسي - الود قمر ده مسكين واتيم باحث ليهو عن عزابية مبحبحة وتتكلم كلام كبار كبار وفالحة في لفحة توبها في المطار عشان يشوفوا الدهب في اياديها
ممكن تقولي يا صلاح يا قريبي ايه البلمك مع الشايب العايب دة ؟؟؟ دة جدو .. جنياتو كما قلنا من قبل بيلعبو تيم واحد في امبدةوبكورة مخصوصة من الدوم ؟؟ دة غشاك قال ليك عزابي وانت صدقت ؟؟؟ بلا عزابة بلا لمة ؟ انت ذاتك اطلع من هنا وروح اتزوج لو لسه حايم عزابي سااااي ...والا نحرمك من الجنسية الرطانية .... دة كلام
Quote: إنت الوداك لمكان العزابة شنو والله أكلم ليك أم العيال
انا بفتش علي العجوز الضال دية اها من بوست الي بوست بس ما كل البوستات انا عارف طبعو وانو متصابي فلذا جيت هنا ؟؟ وانا "مضمون" زي الجنيه الدهب بكان ما امشي سامية بتكون عارفة او ما عارفة ما في مشكل ..برابرة سااااي هو في واحدة كانت بتعرف اجدادنا بيصرمحو فين بعد ما يسافرو شمالا وشرقا وجنوبا ...
Quote: انا بفتش علي العجوز الضال دية اها من بوست الي بوست بس ما كل البوستات انا عارف طبعو وانو متصابي فلذا جيت هنا ؟؟ وانا "مضمون" زي الجنيه الدهب بكان ما امشي سامية بتكون عارفة او ما عارفة ما في مشكل
سامية من جيل السمحة ام ولدى هسع قايلاك مساهر في الخرط المعمارية وحياة ربي اكان عارفها خرط عاطفية اكان هيييييييييييييييييييييع جابت خبرك
Post: #313 Title: Re: نادى العزابة الاسفيرى ....... Author: Salah Waspa Date: 02-17-2008, 01:01 AM Parent: #312
Quote: برضو اشاعة ... طيب لمن عندكم نادى جايين تتطالبو بعضوية هنا مالكم؟؟
لو سمحت صححي معلوماتك وتحري الدقة
نحن فقط مستشاريييين مستشارين و كنا في البداية متطوعين لكن
نحن فقط مستشاريييين مستشارين و كنا في البداية متطوعين لكن
عدد المتطوعين زاد وقبلنا بالعرض الوظيفي من النادي
كدي هسي بطلي نقة وورينا كنتي غاطسة وويين ?
حاسب القطر فيهو ناظر - قف نعترض على هذا الاسلوب الهجومي على حادية ركب النادي بت بحر ابيض - قف - اعلم لكل مقام مقال - قف - اتركوا اسلوبكم الاستعلائي ايها الرطانة .
Quote: زي توزيعك للنضم الحلو لبنات الهندسة في المين روووووووووووووووووود وزى تجكسك الزماااااااااااااااااان للرطانيات وقت حصاد التمر
بنات الهندسة زمنا يادوبك اتنين تلاتة وما ممكن يكونن فاضيات لطلبة زيهم زينا ؟؟ كان عندهن طموحات وده حقهن كرائدات في الهندسة ... ياعرريب الرطانة العلاقات الاجتماعية والحبكانات ما مرتبطة بمواسم عندهم ..نحن شعوب متفتحة
Quote: لقيتوني كيف يا وسبة ويا منسي ويا بوبا ويا اميرة ؟
اولا انا عمري ما شفت لي نادي زي نادي اميرة بتاع العزابة دة ...؟؟ الاعضاء الرسميين كلهم برة وشوية عجائز ومتزوجيين استولو عليه .. تانيا متخيل يلفووك كيف شوازنغر مثلا ؟؟؟
Quote: بنات الهندسة زمنا يادوبك اتنين تلاتة وما ممكن يكونن فاضيات لطلبة زيهم زينا ؟؟ كان عندهن طموحات وده حقهن كرائدات في الهندسة ... ياعرريب الرطانة العلاقات الاجتماعية والحبكانات ما مرتبطة بمواسم عندهم ..نحن شعوب متفتحة
يعني بتقدلوا سااااااااااااااااااااااااااااااى كل المواسم و كمان جيوبكم الغريقة مليانة سجائر بنسون آن هدجيس الزمان
هيييييييييييع لينا بحالكم
لكن بيني وبينك نحن لما دخلنا الجامعة زمان السلاح بيضرب في كل ناصية من نواصي الحلة ولما نجى الجامعة جيوبنا ملياااااااااانة بس عولك يبيعوا ليك ناقة في السوق ويملوا بيها جيبك وما بتصرف منها الا للجكس الغاشينا ساااااااااااااااااى .
بت الشيخ سلام كنت عايز اجيب ليك حاجة كدا بمنسبة الصفحة الرابعة لكن لقيت اعمامك ديل نفسهم قايم وعجاجتم في السما خليني اروق دمهم بي زامفير و في الخامسة إن شاء الله بجيب ليك حاجة كويسة
رندة تشكري علي الوقفة معانا وطولتي الغياب دغيس: بتاعين الإحتياجات الخاصة لو فتحنا ليهم باب البورد ده كلو بتكب هنا...الشغل بتاع الاحتياجات الخاصة لازم نشتغله باستمارات خاصة تتورد للمالية...ده بترولنا عديل كدة...ما تفكه مجاني كدة
قالو كفيل رسل الهندي قال ليهو تمشي الخلا تقبض لي ضب "ورل" وكان ما جبتو انا يرجع انت بلاد الهندي مشى الخلا ..اليوم بي طولو ما رجع للكفيل الكفيل قلق قال الهندي دا كمان تحصل عليهو مصيبة ويبقى لي في رقبتي ركب الجيب بتاعو ومشى على الخلا لقى ليك الهندي "بارك" قدام شق في الواطه وماسك ليهو سحلية من ضنبها ويشيل ويكفت فيها ويقول ليها وين باب مال انتي .. وين باب مال انتي
أم حاتم و أمر بوبا ما دام قلبتوها هندي قالوا الهندي الأرباب عصرو في حاجة بشكي لصاحبه داير يقول ليه " يمهل ولا يهمل" قال: الحين في صبر , بعدين سوي ترتيب (وهز راسه مرتين تلاتة كدة)
Quote: جمع تأنيث "ورلات" جمع تذكير "اورال" لتفادي المشاكل تجمع "ضُبُبَه"
ضحكتيني شديييييد لحدى وقعت من الكرسي
انت عارفة يا رندا عمك الرطاني يوم داك جمع كلمة ناقة (بالنوق) وطوالي اديناهو شهادة اهلية للتعامل معنا باللغة العربية الفصحى لان كلمة نوق ما شي حد بيعرفها الا سيبويه . انا كنت متوقع يجمعها انياق او ناقات .
اما الورل فجمعها شعراء البادية بالورائل عندما قالوا
غرقت التماسيح والورائل عائمة
ويضرب هذا المثل عندما تضيق الحال باصحاب القدرات ويجد السزج مساحاتهم للتبجح في غياب الشريحة الاولى .
لقيتيني كيف؟
Post: #350 Title: Re: نادى العزابة الاسفيرى ....... Author: معتصم دفع الله Date: 02-20-2008, 09:00 AM Parent: #1
جمــــــيعاً .. سلاموووووووز ..
المرجو عمل أرانيك عضوية وتوزيعها للعزابة الهنا دا .. لأنو بصراحة في ناس عاملين زغبير وبجو يزازو بي بره .. عشان نعرف يا جماعة منو المعانا ومنو المع غانا ..
لا لا ديل علاقتهم تشبه العلاقة بين النمر والكديس الضب صغييييييير والورل حاجة كبيرة في حجم السمكة الكبيرة لكن التشابه في الاثنين وارد بس الفارق في الحجم
سلام يا شباب آها جيتكم راجعة و مشتاقة ليكم و راجعة ليكم لباب النصائح فاسمعوا و أعوا : في المرة الفاتت حذّرت الرجال من بعض النساء.. لقيت أن من العدل والإنصاف وعدم المكاواة ان أحذّر النسوان من بعض الرجال والما بتلقى ولا واحدة من الصفات الأنا حأقولها دي في اي راجل تتوكل على الله وتعرسو... والبتكتشف اي صفة في اي واحد وهي معرساهو تحاول ان تقومه، وإن ابا الشكية لله تقعد معاهو وتتحمل ومأجورة بإذن الله كل شى ولا خراب البيوت. والرجال ديل هم:
اي كتير الجكيّس قبل الزواج..ودي عادة قلما يتركها اصحابها الا من رحم ربي..زي دا يخليكي ديمة ايدك فوق قلبك وخايفة يجكس من وراكي، وهو قطعا حيسويهاواحذري ثم احذري ان يسمع غنية (راجل المرا حلو حلاة)
السياسي
دا ما بيقدر يميز بينك وبين جماهير الشعب.. يكضب عليكي ويوعدك ويكضب ..وكل مرة يغشك بطريقة مبتكرة وجديدة.. حكمة ربنا انتي تصدقيهو وفرحانة كمان زي الشعب بالظبط والربط... يكضب عليكي لحدي ما يموت دا لو ما متي انتي قبالو .
المراسي
معاقر المريسة ومشتقاتها وأخواتها واخوانها..المراسي دا يجيكي نص الليل شايل معاهو راس خروف وضلافين وينهزك من النوم عشان تقومي تطبخيهن ليهو.. وفيهم نوع يشغل المسجل ويخت شريط بتاع فنان شايقي ويحلف عليكي طلاق علا ترقصي وهو ياخد شبال... انتي الليل كلو ترقصي وهو ياخد في الشبالات والنيفة بهناك تحرق والشكلة تقوم.. وفيهم نوع يجيبوهو ليكي اصحابو نص الليل شبه نائم كل يوم ايام الله السبعة..
الشنّاف
كتير الشناف ..اي حاجة يطلع فيها غلط ويشيل حال اي حاجة وأي زول يقع تحت يدو.. حتى كديستكم الفي البيت ما بتمرق من شيل حالو لازم يطلع فيها شئ ومرة مرة انتي زاتك يديكي حقك...
العوّاف
دا يعاف اي شئ اي حاجة تسويها ليهو ما ياكلها، ولو مشى معاكي بيت ناس ابوكي وعندك اخوان صغار وخاصة النوع الديمة عندو نزلة وللا عندك حبوبتك كبيرة وللا جدك كبير.. ما يدخل اي حاجة في خشمو.. طول ما هو قاعد عندهم يكون عايف اخوانك وجدك وحبوبتك ويدخلك في ضفورك ويخليكي تكوسي للإعذار ليهو .
الخواف
اول معرفتك بيهو يعمل فيها عنتر بن شداد ويقعد يحكي ليك ويكلمك ببطولاتو مع كلاب الحلة والحرامية والرباطين وكيف كان بيدقهم.. لكن بعدين حتكتشفي انو اخوف زول في الدنيا ونضمو دا نضم فاضي ساكت اول ما يسمع انو في حرامي متلح الحلة حقتكم يقول لك (النعمة؟ ما مشتهية ناس ابوكي نمشي ناخد معاهم يومين تلاتة؟) هروبا من الحرامي وإن شاء الله البيت يسرقوهو كلو...
الشكاي
الجنو شكية خصوصا من المعايش... تلقيهو هامي ويزيدك هم وغم ويقعد يشكي ليل نهار من الماهية الما مكفياهو، ومن مديرو في الشغل الحاقر بيهو .. ومن جيرانو القاعدين يخلوا كيس الوسخ حقهم قدام خشم بابكم ويمرق برا البيت ويقعد يشتكي منك انتي زاتك...
الحاكاي
من يحاكي خلق الله فعلا وقولا وسلوكا.. ودا حيقعد كل ما يزعل منك يحاكيكي يمرق سنونو برا.. ويعوج خشمو ويقول لك (يا سلام عليك يا اخوي)زي ما بتقوليها انتي .. لحدي ما بيفقدك الثقة في جمالك .
الكاواي
يستمع بالمكاواة.. تقولي ليهو ما تبصق السفة في السراميك يسوي السعوط شغلة يقعد يسف ويبصق اليوم كلو فوق السراميك عشان يكاويكي ويغيظك.. ولو ما كاواكي يقعد اليوم كلو زهجان...
اللعلاع
يحب الصوت الجهوري .. بالرغم من حلقومو الكبير وكواريكو لكن هرشة.. لو صريتي ليهو صرة صغيرونة بيسكت طوالي المصيبة انو بسرعة ينسى الصرة ويرجع تاني يلعلع.. وبعدين ونستو كلها بأعلى صوتو يعني ما عندكم سر.. سركم كلو عند الجيران...
البرطاع
من يمشي وهو يبرطع .. تسمعي حس نعلاتو من اول الشارع يحب لبس الشباشب والسفنجات كأدوات قوية للبرطعة... يمتاز بكرعين مشققات .. تخان.. خُرُش .. نص ميزانيتكم حتروح نعلات..
الطماع
قحف .. قيحة .. اي حاجة عندو بالحساب من الصابونة لحدي طرقات الكسرة يعدهن طرقة طرقة.. وحتى القُطْر بتاع الطرقة يعبرو..
عاد زي ما سمعتوا يا اخواتي اعملوا حسابكم من الانواع المذكورة أعلاه و احسن لينا عزوبيتنا دي من وجع الراس زي ما شفتوا و سمعتوا ، اقعدوا عااااافية .
Quote: اكدت دراسة فرنسية شملت 125 ألف شخص أن العزاب الذين يعيشون بمفردهم يكونون أكثر عرضة للإصابة بالذبحة الصدرية وأمراض القلب المختلفة بمعدل ثلاثة أضعاف المتزوجين
وأن العازب يهمل في صحته من خلال تناول أطعمة غير مفيدة واللجوء إلى كثير من المنبهات ، كما أشارت إلى أن العزاب لم يسلموا من أمراض التفكير في النساء . أما حواء قد تجد صعوبة في إيقاع العازب المتردد في دخول مصيدة الزواج ، لذا عليها بذل بعض الجهد لمعرفة نواياه إذا كان ينوي الزواج أم لا ، وتشير الدكتورة النفسية بجامعة كاليفورنيا تينا تسينا إلى أن " الرجال لديهم ساعة حيوية ، لكن توقيتهم مختلف عن النِساءِ .
فأكثر أولوياتِ الرجالِ تكون مركزة على توفير الأمنِ الماليِ قبل تأسيس العائلة ، فيكافح من أجل دفع فواتيرِه، ولا يريد إضافة عبئ مصاريف زوجة ، فالمرأة دائماً تبحث عن رجل بالغ قادر على الإلتِزام بعمل ، بدون الحاجة للعائلة أو الأصدقاء ، وبتحقيق ذلك يكون الرجل مستعداً للزواج ، حتى إذا كان هو لَيسَ مستعدَّ للزَواج مباشرةً، أما على الجبهةِ الرومانسيةِ ، هو على الأقل قادر على مناقشة مفهوم مفهومِ الالتزام ".
شوف يا عمك الدراسة دى لمن قريناها زمااان كان حاصل العكس ...
بس اسى بكون دا واحد متزوج حاقد على العزابة جاب الدراسة( الاشاعة) دى..
اسى اعمل دراسة هنا فى البورد دا ونحن العزابة الشايفنا ديل
حنتعاون معاك .. ونشوف النتائج يا عمك ..
عشان الدراسات دى بقت مضروبة وحسب العرض والطلب..
____________________________________
نسخنا ليك الرابط عشان فى ناس ما بقدرو يمشو المشاوير دى ..
Post: #364 Title: Re: نادى العزابة الاسفيرى ....... Author: معتصم دفع الله Date: 02-23-2008, 08:09 AM Parent: #1
شنو الحكاية يا جماعة .. النادي دا تحول إلى نادي ضببة وورله ولا شنو ..
Quote: عريس عصبي يوم فرحه كتب في بطاقةالدعوة: الزفت اللي هايجي مايتأخرش...واللي مش جاي في ستين داهية ... والعيال الرذلين الصغيرين يتخمدوا فى البيت..... و اللي هاتجيب موبايل كاميرا هفقع لها عينيها الاتنين....وابقوا اطفحوا في بيوتكم .. كفايه اللي دفعته للموكوسه العروسه.... اللي هتمد ايدها عالتورته هقطعهالها ..وابقى حلي في البيت ياختي انتى وهى .. منتو زي القطط تاكلوا وتنكروا .... الرقص ممنوع .. الضحك بصوت ومن غير صوت ممنوع...... وابقى عيل لو اتجوزت تانى
تنومي السهر زول مؤسس نادي و بتاع يتابع احوال العضوية و يشوف الفي منو و المافي منو و الجديد شديد ولا يقول حموني النوم بالطريقة دي بتسقطي في الإنتخابات الجاية
Post: #397 Title: Re: نادى العزابة الاسفيرى ....... Author: معتصم دفع الله Date: 02-26-2008, 07:39 AM Parent: #393
Quote: تنومي السهر زول مؤسس نادي و بتاع يتابع احوال العضوية و يشوف الفي منو و المافي منو و الجديد شديد ولا يقول حموني النوم بالطريقة دي بتسقطي في الإنتخابات الجاية
يا ودالبشرى عليك الله شفت ليك عزابي بنوم ؟؟ قالت الواحد ما ينوم في البلد دي قال ..
بعدين الزولة دي شكلها كده عايزه تكب الزوغة .. يا قمر بوبا .. يا رندا حاتم .. يا شباب ..
معتصم دفع الله ... ارقد قفا ... لا بتقفل ... لا بتشفر .... احنا بقت معانا كلمة السر البتفتح مغارة علي باب والاربعين حرامي ...
تسري الاشاعه بين العزابه وتتناقلها الالسن همسا "النادي قفلو .. قالو البوست اتشفر" ويسري الخبر كالنار في الهشيم .. ويتوافد العزابه زرافاتا ووحدانا يقفون على اطلال ناديهم ويبكونه بادمع من دم .. وبينما هم على تلك الحاله يتملكهم الياس ويعصف بهم الحزن .. وتنهمر دموعهم امطارا .. اذا بها تطل عليهم كالبدر ليلة اكتماله .. تتقدم نحوهم وهي تختال الهوينا .. تنظر بعينيها البنيتين وتتامل باب النادي المغلق ثم تقول "بكري .. لو سمحت بلاش الدكتاتورية ديا .. افتح ليهم النادي" وماهي الا ثوان معدودات .. ويفتح باب النادي على مصرعيه .. وتحل عقدة تشفير البوست فيهلل العزابا فرحا وهم يدخلون الى ناديهم المحبب تتقدمهم ...
Post: #412 Title: Re: نادى العزابة الاسفيرى ....... Author: معتصم دفع الله Date: 02-26-2008, 09:03 AM Parent: #402
رندا مستغانمي ياخي بعد الكلام الحلو دا كلو تقولي لي نجي نقيف على الأطلال ونبكي ؟ أوووب علينا شالو نوم عينينا .. الأغنية مهداءة للعزابة ..
بس أنا الوكت داك كنت في ؟؟
Post: #435 Title: Re: نادى العزابة الاسفيرى ....... Author: امنة عبد الكريم Date: 02-26-2008, 04:00 PM Parent: #402
Quote: معتصم دفع الله ... ارقد قفا ... لا بتقفل ... لا بتشفر .... احنا بقت معانا كلمة السر البتفتح مغارة علي باب والاربعين حرامي ...
تسري الاشاعه بين العزابه وتتناقلها الالسن همسا "النادي قفلو .. قالو البوست اتشفر" ويسري الخبر كالنار في الهشيم .. ويتوافد العزابه زرافاتا ووحدانا يقفون على اطلال ناديهم ويبكونه بادمع من دم .. وبينما هم على تلك الحاله يتملكهم الياس ويعصف بهم الحزن .. وتنهمر دموعهم امطارا .. اذا بها تطل عليهم كالبدر ليلة اكتماله .. تتقدم نحوهم وهي تختال الهوينا .. تنظر بعينيها البنيتين وتتامل باب النادي المغلق ثم تقول "بكري .. لو سمحت بلاش الدكتاتورية ديا .. افتح ليهم النادي" وماهي الا ثوان معدودات .. ويفتح باب النادي على مصرعيه .. وتحل عقدة تشفير البوست فيهلل العزابا فرحا وهم يدخلون الى ناديهم المحبب تتقدمهم ...
أم حاتم مشكورة على وزنة القائمة وإن كنت داير افهم المِس قصدها شنو بالفتلة الأولى لكن برضوا دي ما وقعت لي
Quote: متزوجين مع وقف التنفيذ
فسريها عشان ابدا الهوم ويرك
Post: #390 Title: Re: نادى العزابة الاسفيرى ....... Author: كمال سالم Date: 02-25-2008, 09:26 PM Parent: #1
اميره الشيخ ,, كيفنك ,,
من مده مادخلت بوستك ده بالرغم من انى من الاوائل القدموا لعضويه ماعارف عملتوا لى فيها شنو ؟ لكن يظهر انكم عذابه تعبانين ومضروبين فى الانكل , يعنى بوست زى ده يعمل أربعه صفحات وأكثر من خمسه ألف قارئ وحتى الان ماقادرين تعملوا ليكم عرسه واحده . غايتو كراعى يظهر خضره عليكم , لانى شايف أمنه عبد الكريم جاتكم داخله وحقوا تبدوا الحفله من جديد وتكلموا بكرى يوسع ليكم السيرفر .
Post: #391 Title: Re: نادى العزابة الاسفيرى ....... Author: فيصل عباس Date: 02-25-2008, 09:35 PM Parent: #390
Quote: من مده مادخلت بوستك ده بالرغم من انى من الاوائل القدموا لعضويه ماعارف عملتوا لى فيها شنو ؟
اوووووووو.. امنه عبدالكريم ... الجكسوية التي *"امشرت" البورد وجعلت "عجاجتو" في السما ..
يا مرحبا يا مرحبا .. نورك طغى ع الكهربا ....
"وش جادي" بالله اتخارجي لينا من هنا ياخ .. انتي بي سماحتك دي بتخلي الشباب ديل يتنازلو عن مبادئهم ... هو يا يمة ودالموج عملا حرابه وقال يا امونه يا اغرق ..
اسمعي ... عندك حل من اتنين .. 1 - يا تفضلي سمحه كدا وتشتتي لينا من هنا .. 2 - يا تلبسي ليك "برقع" واهم شي تغتي العوينات ديل وتتصوري بيهو عشان البروفايل وكدا ...
ولا اقول ليك ... امشي ... ما دايرنك ياخ ..
حساده بس .. اللجي زول يفتح خشمو
*من امشير وزوابعه وكتاحاته.
Post: #395 Title: Re: نادى العزابة الاسفيرى ....... Author: ابوبكر الامين يوسف Date: 02-26-2008, 07:22 AM Parent: #394
قلت اقشى ارمى التحية والاشواق لقيتها خربانة من كبارها وقلت اخت لى طوبة حجز مكان مع المدافرة دى كمال سالم وفيصل عباس ديل عندهم شنو هنا...غايتو رندا واميرة من هسى انتو واسطتى ولا كل زول ياكل نارو
يا اختي البورد كلو "امونه .. امنه .. امونه .. امنه" اها قلت الواحد احسن يركب الموجه ويديها كلمتين سمحات .. ما معروفه الظروف في البورد دا .. لو جيت يوم لقيت عندي اي مشكله "يعني باسوورد ضايع، سيرفر ما داير يشتغل، بيت تايهه منو .." ممكن تتوسط لينا وكدا
ــــــــــــــــــــــــــــــــــــــــــ اخراج نور الدمرداش .... لقيتي ليها كسره ... سوري يا شباب .. بكري قافل المسينجر
Post: #416 Title: Re: نادى العزابة الاسفيرى ....... Author: البشير دفع الله Date: 02-26-2008, 09:32 AM Parent: #407
Quote: اميرة الشيخ ...
يا اختي البورد كلو "امونه .. امنه .. امونه .. امنه" اها قلت الواحد احسن يركب الموجه ويديها كلمتين سمحات .. ما معروفه الظروف في البورد دا .. لو جيت يوم لقيت عندي اي مشكله "يعني باسوورد ضايع، سيرفر ما داير يشتغل، بيت تايهه منو .." ممكن تتوسط لينا وكدا
كاريزما أمونه
ارشح آمنة عبدالكريم للعلاقات الخارجية والاعلام بالنادي
بس اوع تجي تقول لي وينو المكتب الاستشاري؟؟ ... انتظر الموسم القادم..
امونه دي كان مسكتها العلاقات الخارجية والاعلام...
نادينا دا...
الا نفتحوا على صالون النادي الجنبنا ...
Post: #437 Title: Re: نادى العزابة الاسفيرى ....... Author: امنة عبد الكريم Date: 02-26-2008, 04:01 PM Parent: #394
Quote: وش جادي" بالله اتخارجي لينا من هنا ياخ .. انتي بي سماحتك دي بتخلي الشباب ديل يتنازلو عن مبادئهم ... هو يا يمة ودالموج عملا حرابه وقال يا امونه يا اغرق ..
(وش مغازل) وانا بقول يا انتي يا اغرق اهاااااااا كدا كيف
والله انا قمر دا نظرتي فيهو ما وقعت واطه... . . لحدي هسي .. . . يا خوفي تجي هسي امونه السمحه وترش كلاما الدقاق داك من نوع "لو سمحت .. بلاش .. عادي ما مشكله" ويقوم اللدر اخوي ينفزر من هوشتو دي وينبرش على وشو ....
والله يا اميرة انا لاقاني عنوان البوست...لكن قلت الاخت جهة امنية فما دخلته اطلاقا.. بعد كم يوم لقيت ليك دينق شغال بستفة صاح في الناس...علي الايمان اتكيفت منه دينق... في ناس كبكابة... جني وجن :المابركز + والمتشالق
Quote: عليك الله يا قمر بوبا بعد يقطعوها وترحلوا حتة تانية تعال وصفها لينا عشان نجي نبارك ليكم الشجرة الجديدة
آمنة
شيلي وصفها من كمال ..
وطلب تاني ( ذوغير) : الصورة بتاعتك فيها مساحة فاضية علي اليمين بيضاء بتقوم بتحرج الهوامش في البوست وتخلينا نجرجر بتحت مدني كوستي..فياريت لو قصيت الهامش الفاضي داك.. مع العلم انو ما ظريفة تدي نفسك مساحة بتاع افق واسعة قدر ديك في بوست عزابه.
ملحوظة : لو ما بتعرفي تقصي الهامش انا متأكد انو في حلاقين كمبيوتر متمكنين جدا...كمال بسويها برضو
Quote: وطلب تاني ( ذوغير) : الصورة بتاعتك فيها مساحة فاضية علي اليمين بيضاء بتقوم بتحرج الهوامش في البوست وتخلينا نجرجر بتحت مدني كوستي..فياريت لو قصيت الهامش الفاضي داك.. مع العلم انو ما ظريفة تدي نفسك مساحة بتاع افق واسعة قدر ديك في بوست عزابه.
ملحوظة : لو ما بتعرفي تقصي الهامش انا متأكد انو في حلاقين كمبيوتر متمكنين جدا...كمال بسويها برضو
قدر ما قلت الكلام دا يقع لى ما وقع لى ..
ما تكون دى بداية الكتاحة يا قمر
Post: #482 Title: Re: نادى العزابة الاسفيرى ....... Author: امنة عبد الكريم Date: 02-27-2008, 10:01 PM Parent: #459
Quote: الصورة بتاعتك فيها مساحة فاضية علي اليمين بيضاء بتقوم بتحرج الهوامش في البوست وتخلينا نجرجر بتحت مدني كوستي..فياريت لو قصيت الهامش الفاضي داك.. مع العلم انو ما ظريفة تدي نفسك مساحة بتاع افق واسعة قدر ديك في بوست عزابه.
ملحوظة : لو ما بتعرفي تقصي الهامش انا متأكد انو في حلاقين كمبيوتر متمكنين جدا...كمال بسويها برضو
والله ما بعرف بسووها كيف يا ود البشري،كمال،رندا،اميرة،والجميع ساعدونا داخليا عشان مافي داعي نعمل للحكاية بوست واكون شاكرة
البوست دا مدور ليهو عشرومية سنة .. وصل الصفحه الرابعه .. نقدل فوقو برانا زول هببو لينا مافي .. مما ختت امونه كراعا "اوووبس سوري رجلها" في البوست دا ... العالم كلو جا داخل ..
حاله اخير منها العرس ...
Post: #422 Title: Re: نادى العزابة الاسفيرى ....... Author: معتصم دفع الله Date: 02-26-2008, 10:46 AM Parent: #421
Quote: اها... جبنا سيرة السكر ... الحمام رك ..
البوست دا مدور ليهو عشرومية سنة .. وصل الصفحه الرابعه .. نقدل فوقو برانا زول هببو لينا مافي .. مما ختت امونه كراعا "اوووبس سوري رجلها" في البوست دا ... العالم كلو جا داخل ..
حاله اخير منها العرس ...
والله يا رندا يوم بتكتلو ليكم زول بي حالتكم دي ..
موووش حالة أخير منها العرس عليك الله .. بس أميرة ما تسمعك ..
كيمو دا بالذات ... معروف في الاسافير بتاع منابر نقاش وسجالات سياسية... بالله مما البنية شرفت بوسطينا دا .. كمال "نفض" ايدو من السياسة وجا تووووش شايت ضفاري ..
وكمان بلا خجله يقول ليك ...
واحد خجلان يمشي بهناك
انت يا كمال .. دحين ما كنت كايس ليك عروس من قبل فترة؟؟؟؟
Post: #425 Title: Re: نادى العزابة الاسفيرى ....... Author: كمال علي الزين Date: 02-26-2008, 11:26 AM Parent: #424
Quote: انت يا كمال .. دحين ما كنت كايس ليك عروس من قبل فترة؟؟؟؟
ده منو الكايس عروس (إنشا الله لقاها)
بهاء بكري.. قالو لقا واحدة إسمها أميرة الشيخ .. (رشحختها أنا)
Quote: بهاء بكري.. قالو لقا واحدة إسمها أميرة الشيخ .. (رشحختها أنا)
دا موش هوا بارد ... دا تسونامي راسو عدييييل.
ولا اقول ليك ..
دا كلام بعادل 6.5 درجة بمقياس ريختر.. سجم خشم امل الما قاعده تدخل النت .
Post: #448 Title: Re: نادى العزابة الاسفيرى ....... Author: كمال علي الزين Date: 02-27-2008, 11:25 AM Parent: #426
Quote: موش هوا بارد ... دا تسونامي راسو عدييييل.
ولا اقول ليك ..
دا كلام بعادل 6.5 درجة بمقياس ريختر.. سجم خشم امل الما قاعده تدخل النت .
سجم خشمها .. وبس
شوهد (بهاء بكري) قبل قليل (في الحلاق) و(إمبارح في بوتيك بشتري في ملابس بودي)..
واليومين ديل سايق (بك إب) بس فاضل يكتب فيهو من ورا :
(أميرة ..حبي أنا) .. ووووووووووووووووووك
وضاعت (أمل)
بعد شوية(أمل) حاتضبح (الشفع) وتطهر (الخروف)
Post: #423 Title: Re: نادى العزابة الاسفيرى ....... Author: كمال علي الزين Date: 02-26-2008, 11:01 AM Parent: #421
Quote: اها... جبنا سيرة السكر ... الحمام رك ..
البوست دا مدور ليهو عشرومية سنة .. وصل الصفحه الرابعه .. نقدل فوقو برانا زول هببو لينا مافي .. مما ختت امونه كراعا "اوووبس سوري رجلها" في البوست دا ... العالم كلو جا داخل ..
حاله اخير منها العرس ...
أمونة ... تاني .. يارندة (مالا)
____________________________
إنتو حقو تخسسوا بعض المساحة في بوسطيكم لمتابعة (أخبار أمونة) وكده وثكراً
يعني يا هبة هم مديننا فرصة نفتقد زول...براك شايفة الجبهات مفتوحة قدر شنو
Quote: بي وين عاد
ود البشري بدل كدة همتك معانا
Quote: جاء داخل بنمرة اربعة وكسر الورا والقدامو ..الحالة انا ورندا
كان عندنا فيهو اعتقاد عدييييييييييييل كدا وكنا دايرين نسوى
ليهو قبة عشان الناس تزور فيهو وخاصة اصحاب المبادئ
تاني اعتقاداتكم دي يا اميرة غيروها....ما تثقوا فيها
Quote: شكلك انت الوحيد اللقيت مدخل خفي وكدة
رشا خليك متعاونة بدل تششكي في المداخل
Quote: Quote: الصورة بتاعتك فيها مساحة فاضية علي اليمين بيضاء بتقوم بتحرج الهوامش في البوست وتخلينا نجرجر بتحت مدني كوستي..فياريت لو قصيت الهامش الفاضي داك.. مع العلم انو ما ظريفة تدي نفسك مساحة بتاع افق واسعة قدر ديك في بوست عزابه.
ملحوظة : لو ما بتعرفي تقصي الهامش انا متأكد انو في حلاقين كمبيوتر متمكنين جدا...كمال بسويها برضو
والله ما بعرف بسووها كيف يا ود البشري،كمال،رندا،اميرة،والجميع ساعدونا داخليا عشان مافي داعي نعمل للحكاية بوست واكون شاكرة
يا اميرة هي فهمت انتي مافهمتي؟؟؟؟؟؟
وبعدين انتي اي حاجة تغلبك يا امنة تفتحي بوست جديد ...شيل الصورة وديها الرسام وقطعيها بمساحة الصورة وشيلي الهوامش وجيبيها تاني...يكون احسن لو شلتيها ذاتو حسب كلام رندة
Post: #487 Title: Re: نادى العزابة الاسفيرى ....... Author: محمد البشرى الخضر Date: 02-28-2008, 10:10 AM Parent: #486
Quote: وشيلي الهوامش
خلعتني يا أمر مع الإستعجال قريتها شيلي الحواجب قلت أمر دا قامت به ولا شنو
ثم ياخي الهامش مالك عليه هو ناقص تهميش كمان داير تشيلو بطلوا حركات الجلابة دي
بت الشيخ روقي المنقة شوية ما فضل ليك إلا تقولي جيب ولي امرك معاك
Quote: دحين يا قمر اخوي .. الصوره دي ما كانت على الشمال "شمالي انا ما شمال الكمبيوتر" ومقبلة جهة اليمين .. هسي مالا بقت لي باليمين ومقبلة جهة الشمال ...
سلام يا شباب ، انا قاااااعدة يا اميرة و امر (علي قول ود البشري ) متااااابعة اخبار النادي بالحتة و مراقبة الداخل والمارق !! خاتا لي كرسي تحت الشجرة البعيدة ديك و قاعدة جنب ست الشاي بتاعة النادي اشيل و اشرب في القهوة و اتفرج علي الناس الداخلين و مارقين و عاملين لينا جوطة ديل ،العجب لما زارتكم البنوتة الحلوة ديك المكسرة الشباب كلو ختيت يدي في قلبي قلت خلاص الليلة النادي اتهدم !! الشباب ديل كلهم كل واحد فيهم الليلة بمشي يحلم بالعرس و الحنة و الضريرة !! لكن الظاهر يا اميرة يا اختي انهم شباب بكاااي ساااي و ما جادين يعني نادينا بيهم حيكون فاتح للابد باذن الله . أها كدي النرجع لي حليمة ست الشاي قبل ما قهوتي دي تبرد و كان شفتو الونسة معاها حلوة كيف كلكم بتجو تركلسوا معانا بجاي .
يا اميرة نصيحتي ليك عليش دا ما تقبلي العضوية حقتو الود دا حبييييييب يعني بالعربي كدا ما بنفع معانا ، لانه اي بت يلاقيها يحبها، يقوم كمان يلف لينا راس بنات النادي ديل !! ابعدي الجاز من البنزين و لا هو بقولوا ابعدوا الجاز من شنو ما عارفة !
Quote: خنغير الهايكل كلها لزوم التجديد واستعياب المتغريات التقنية وعييييييك
مش حتقدر تغند عينيك
كلامى ما وقع واطة..
يعنى ضبط الجودة ضبط الجودة
___________________________________________________________ قمر ....عليك الله تفتكر كيمو دا مفترض يكون فى ياتو مكتب؟؟ بس اوعك تقول لى ضبط الجودة...
Post: #544 Title: Re: نادى العزابة الاسفيرى ....... Author: كمال علي الزين Date: 03-02-2008, 03:55 PM Parent: #531
Quote: قمر ....عليك الله تفتكر كيمو دا مفترض يكون فى ياتو مكتب؟؟ بس اوعك تقول لى ضبط الجودة...
(أميرة) ... زي مابيقولوا (الكيزان) .. مستعدين للخدمة في أي موقع
__________________________________
أقترح تمثكوني لجنة (العزابيات) باقي قلبي رهيف
Post: #546 Title: Re: نادى العزابة الاسفيرى ....... Author: محمد البشرى الخضر Date: 03-03-2008, 08:49 AM Parent: #544
Quote: أقترح تمثكوني لجنة (العزابيات) باقي قلبي رهيف
رهيف وريف و خفيف برضو لأ تطلع لسانك في السين تعوج خشمك في الراء برضةو ما بتقسم العب غيرها البند الرابع المادة 3.6 تقرأ " يوصى بتعيين رئيس لجنة العزابيات من ذوي الأهلية " تعريف الأهلية حسب منطوق المادة الخامسة من الملحق البند 2أ : " كل شخص متزوج او سبق له الزواج لفترة لا تقل عن ثلاث سنوات يعتبر من ذوي الأهلية ممن يحق لهم رئاسة اللجان - و يحبذ لو كان أب لطفل و طفلة "
يعني يا عمك يا شين اللجنة دي بالذات امرها محسوم لإنطباق المواصفات المطلوبة على عضو واحد فقط شوف ليك لجنة وست و لا حريق تنفعك
ودمتم
لجنة الدستور و القوانين ع/ ابو حتوت و توتا وزير العدل المعين في أطلس بيت البكا
أميرة راعي للبولد
Post: #547 Title: Re: نادى العزابة الاسفيرى ....... Author: كمال علي الزين Date: 03-03-2008, 09:04 AM Parent: #546
Quote: رهيف وريف و خفيف برضو لأ تطلع لسانك في السين تعوج خشمك في الراء برضةو ما بتقسم العب غيرها البند الرابع المادة 3.6 تقرأ " يوصى بتعيين رئيس لجنة العزابيات من ذوي الأهلية " تعريف الأهلية حسب منطوق المادة الخامسة من الملحق البند 2أ : " كل شخص متزوج او سبق له الزواج لفترة لا تقل عن ثلاث سنوات يعتبر من ذوي الأهلية ممن يحق لهم رئاسة اللجان - و يحبذ لو كان أب لطفل و طفلة "
يعني يا عمك يا شين اللجنة دي بالذات امرها محسوم لإنطباق المواصفات المطلوبة على عضو واحد فقط شوف ليك لجنة وست و لا حريق تنفعك
ودمتم
لجنة الدستور و القوانين ع/ ابو حتوت و توتا وزير العدل المعين في أطلس بيت البكا
ثجم خثمك يا ياعمك
شكلي كده حا أعمل إنقلاب ...
______________________________________________
بيان هام .... فترقبوه ..!!
Post: #548 Title: Re: نادى العزابة الاسفيرى ....... Author: كمال علي الزين Date: 03-03-2008, 09:04 AM Parent: #546
Quote: رهيف وريف و خفيف برضو لأ تطلع لسانك في السين تعوج خشمك في الراء برضةو ما بتقسم العب غيرها البند الرابع المادة 3.6 تقرأ " يوصى بتعيين رئيس لجنة العزابيات من ذوي الأهلية " تعريف الأهلية حسب منطوق المادة الخامسة من الملحق البند 2أ : " كل شخص متزوج او سبق له الزواج لفترة لا تقل عن ثلاث سنوات يعتبر من ذوي الأهلية ممن يحق لهم رئاسة اللجان - و يحبذ لو كان أب لطفل و طفلة "
يعني يا عمك يا شين اللجنة دي بالذات امرها محسوم لإنطباق المواصفات المطلوبة على عضو واحد فقط شوف ليك لجنة وست و لا حريق تنفعك
ودمتم
لجنة الدستور و القوانين ع/ ابو حتوت و توتا وزير العدل المعين في أطلس بيت البكا
ثجم خثمك يا ياعمك
شكلي كده حا أعمل إنقلاب ...
______________________________________________
بيان هام .... فترقبوه ..!!
Post: #551 Title: Re: نادى العزابة الاسفيرى ....... Author: محمد البشرى الخضر Date: 03-03-2008, 10:30 AM Parent: #548
Quote: شكلي كده حا أعمل إنقلاب
يابا تنقلب تنعدل تعمل مؤتمر دستوري تضرب بوري تلعب دافوري ما عندي شغلة بيك لجنتك دي ياخوي امرها محسوم من داي ون بنص الدستور و اللائحة وكان حنك بحنكك وعشرة عزابة معاك جابتر كلوزد شوف ليك ابوي لجنة عزابة اعملوا شير سووا فتة ولا جيبوا ليكم بطيخة اتقسموها
آل لجنة العزابيات آل يا عم روح هو بلا اللجنة دي النادي شن طعمه
Post: #536 Title: Re: نادى العزابة الاسفيرى ....... Author: محمد البشرى الخضر Date: 03-02-2008, 08:41 AM Parent: #535
يعني يا بت الشيخ عاجبك المنطق دا عشان ما عزابة يبقى ما عندنا علاقة بالنادي حسي عليكم الله عضوية النادي الألماني بالخرطوم كلها المان و لا طلعي لي أرمني واحد عضو في النادي الأرمني
الجوطة شنو يا شباب ، كدي روقوا شوية و بالله الشباب المتزوجين ديل اقيفوا بجاي ، و انتو يا العزابة اخواني اقيفوا بجاي ، و مافي زول يتكلم الا باذن !! سجل عندك يا قمر الزمان يجب مراجعة فايل اي واحد مسجل معانا للعضوية و السادة طالبي العضوية لفرز الكيمان و معرفة اصحاب العضوية الاصلية من العضوية الفخرية زي ود البشري كدا و ناس صلاح ديل ، ما تزعلوا يا شباب من الاجراء دا صحي انتوا معانا من داي ون علي قول ود البشري لكن كمان نحنا عندنا مواضيع و حاجات عزابية بحتة عاوزين نناقشها ، ووووينك يا اميرة ما سامعة ليك صوت في الاجتماع ، رأيك شنو في فرز الكيمان دا?
Post: #578 Title: Re: نادى العزابة الاسفيرى ....... Author: محمد البشرى الخضر Date: 03-04-2008, 06:20 AM Parent: #576
بت الماحي ازيك بالله ما تمشي تغتسي كم يوم وتجينا كل مرة دايرة تنظري و تجوطي الدنيا ساي
انت ما عندك حق الرد يا ود البشري ، خلينا نرتب امور النادي دا ياااخ شكلها كدا المسألة جاااااطت و دايرة ليها حسم ! ********************************** خارج النص : تحياتي لطارق يا ود البشري
Post: #581 Title: Re: نادى العزابة الاسفيرى ....... Author: محمد البشرى الخضر Date: 03-04-2008, 07:01 AM Parent: #580
يا سلام القال منو ما عندي حق الرد إنتي ما سمعتي بالتعيينات الجديدة - اتصلحي معانا انا ماسك لجنتكم
لجنة شنو البتمسكها انت يا ود البشري قلنا عضوية فخرية يعني ما بتقدر تجر بيها قلم !! تقيف و تتفرج وممكن نسمح ليك تعلق لكن كمان تقرر و فينا نحنا دي كتيرة عليك و انت عضو فخري ، أها النرجع لموضوع طارق : طارق اخوك و لا انا دااااخلة غلط ?
Post: #584 Title: Re: نادى العزابة الاسفيرى ....... Author: محمد البشرى الخضر Date: 03-04-2008, 07:23 AM Parent: #582
Quote: فهل في تقديرك إنو في عزابي حيفوتو قطر العرس ؟
شوف يا ابن خالتي....
قطر العرس ده تحديدا القطر البقوم فاضي من محطة البداية للنهاية واكتر قطر متوفر في الدنيا قطر العرس وبمختلف درجاته...من اولي للتانية للتالتة للنوم...بتصريح وبقروش وممكن تسطح وبمختلف انواع قطاراته حكومي علي شيخو علي السيماف.. وكت ما داير تركب تركب...وكت ما عايز تنزل بتنزل ومرات تنزل قبل ما تركب
ثم انت وين كنت مختفي...وماذا الكفيل ثم ماذا عن صداح واخيرا ارون هدونقا تيقا
ثم تعالي هنا ...شنو الموضه بتاعة القرايات بتاعتك والفهم فيهم يا اخت القرايات في البوستات السياسية والرياضية الForecasting ده ما علم عزابة
عموما انا ذاتي عندي قرايات للنادي ده بكرة او بعد حنزل دستور وفاقي جدا يستوعب حزمة المتغيرات الجديدة لانو شايف الاقبال كتر وبعد ده لازم نرفع القزاز ونتكلم بشكل استعلائي مع بعض الشرائح الاخري والمتقدمين الجدد
اميرة بت الشيخ و(العزازيب المعاها) سلام اول حاجة اترددت في اني اخش بس لمن حسبت انو باقي لي سبعة شهور واتأهل(شوله) قلت اخش اقضي الزامتي العزابيه لحدي ما ربك يهونا(علامة تعجب)
اها يا قمر في عضوية(استفهامين)
ــــــــــــــــــــــــــــــ بس بعد السبعه شهور تدوني خلو طرف
شوف يا ممدوح قبل تتشرط انت بسبعة شهور وخلو طرف كمل طلبك
Quote: اها يا قمر في عضوية(استفهامين)
في اكسلاميشن مارك ناقص هنا شفت معاينات تمكنا زمان (الزول يسألك ماالدولة المعروفة ببلد المليون شهيد؟: تحك رأسك تقول الجزائر...بكل برود حقول ليك عد لي المليون شهيد) ياهو حالنا حسب الدستور المذكور فوق للحالات الجديدة بعد الصفحة السادسة
الغريبة انك بتعد من واحد اسأل دكتور هجو في جامعة السودان كان عميد كلية العلوم (كليتنا)....حضر الدكتوراة في الصفر كرقم نحن ياخوي بنعد من الصفر معناه انت قدمت في التامنة برضو كمل الطلب
والله انا بسأل عما اذا كان النظام الاساسي للنادي بيوفر للعضو المنتسب اي نوع من انواع الحماية او المرافعات قانونية ضد اسئلة الخالات والعمات وعموم الاصحاب من نوع يازول انت حكايتك شنو،متين نفرح بيك، انت والله بقيت شيخ عزابة والخ....
Quote: والله انا بسأل عما اذا كان النظام الاساسي للنادي بيوفر للعضو المنتسب اي نوع من انواع الحماية او المرافعات قانونية ضد اسئلة الخالات والعمات وعموم الاصحاب من نوع يازول انت حكايتك شنو،متين نفرح بيك، انت والله بقيت شيخ عزابة والخ....
Salih Eissa..
جاى وشايل جرستك معاك..
لو النظام الاساسى مافيهوالفقرة دى حنعدلو...
هو اصلا نحن عاملين النادى دا عشان المشاكل الزى دى.
بس يدك معانا...
Post: #621 Title: Re: نادى العزابة الاسفيرى ....... Author: خضر حسين خليل Date: 03-05-2008, 01:38 PM Parent: #1
خاطرة :
لماذا يسون البنات كدة ؟ إبتدرنا محدثنا وكنا يومها في سخط وشظف وكدح لا آخر له غير أن أمسياتنا في بيوتاتنا العزابية تشهد ماتشهد من البوح الحميم والرغبة في التحرر والأنعتاق من هكذا حياة ..... يشهد الله أنا جميعنا كنا في حيرة من أمر القلب .... يدق ويدق ويدق ثم يؤتي أكله آخرون لم يشهدوا ما كان من أمر العرق الذي نبذله إثر كل طحين . فما بال القلب لا يهدأ ولا يكل ولا يمل . كان يبكي يومها بدمع القلب ولكأن يخيل إليك أن نبيذ مساؤنا لا يمطر سوي الدمع لا كسابق عهده يحملنا لحيث الفرح . أهدأ يابني آدم بعدين ياخ هو العرس دة بلا االمشاكل شن بجيب؟ أحدثه ولكأنني أب لديه خبرة أعوام لاتقل عن العشرين ويحمل في جبينه هم سبع أرواح ووالدتهن التي كانت في سابق عهدها حبيبة سميحونة . يبكي ويبكي وكلما علا دندنات العود بكا صاحبنا بكاءً مراً لا كبكاء الناس دموع كشلالات نياجارا وعيناه ومع إلتماع الليل صارا كإحمرار الشفق أبك ياصاحباه فالعمر أن ترهقه أنت في حال لم تك تتمناه لكنه الحال وواقع المآل
بس لقيتها ختة نضارتها ولامة ناس الدوحة في عمل خير... قلت ليها كلام جادي وكم دعوة بتاعة ناس صالحين...
لكن بجاي ما بخليها
يا رندة مشيتي وين استأذنتي من النادي ده وله مشيتي ساي.. في فوضي ادارية وعليه: قرار رقم : ايقاف رنده حاتم 5 أيام برضو هبة ما شايفها...خصم تلاتة يوم كوبنهاجن...تتفرج يومين بدون كتابة خضر حسين كمل احتفالاتك وتعال في منو تاني
ودشيقوق؟؟؟؟؟؟ ود شيقوق اخر تصريح قال لي النادي بتاعكم ما بغطي معاه قال...لقيته حايم في الفيس بوك...خاتي حديقة الدندر والبيئة في برامجه الانتخابية...العررريب ده ما ساهل...راجل داهية
Quote: بعد موضة (الوصيف) جاتنا موضة (الأعياد ) المجيدة ...
يازول انت قديم خلاص يا كوبي(من كوبنهاجن)...انت ما بتشوف
في موضه رافعها بكور صاحب الحوش علي الايمان صعبة خلاص...غايتو زح من الاعلام والصحافة...
توضيح ذوغير: الحوش مقصود بيه بتاعنا يعني المنبر...ما الحوش داك يا كوبي...انا عارفك من يجيبوا ليك سيرة حوش الايام دي بتبسم لا اراديا...وبتهمهم بكلام غير مفهوم
Post: #685 Title: Re: نادى العزابة الاسفيرى ....... Author: كمال علي الزين Date: 03-09-2008, 07:26 AM Parent: #675
Quote: عاشت حيطة كوبنهاجن .
يعيشك .. (على قولة التوانسة)
بس أنا برضو شامي ريحة صدمة .. الله يستر
Post: #686 Title: Re: نادى العزابة الاسفيرى ....... Author: كمال علي الزين Date: 03-09-2008, 07:33 AM Parent: #668
Quote: توضيح ذوغير: الحوش مقصود بيه بتاعنا يعني المنبر...ما الحوش داك يا كوبي...انا عارفك من يجيبوا ليك سيرة حوش الايام دي بتبسم لا اراديا...وبتهمهم بكلام غير مفهوم
يا(بوبا) .. سيد الحق مانقدر نلاويهو (الكورة كورتو) كان شالا وقال ماداير معانا (حلتنا بتحرق)
_____________________________________________- بعدين وقفة (المسينجر) دي ماقرصة .. في أضانا عشان .. نآمن ..
سلاما من صبي بردا يا اخوة والاخوات العذابة ما عندكم حالات خاصة وموقتة.. حقو تعملوا ناديكم ده (بالكيلو مايلز) اي تعد ايام العذوبية وسنينها ثم توهل صاحبها للعضوية.. مجرد اقتراح من زول طايرة ليهو في راسو
Quote: لكن بجاي ما بخليها يا رندة مشيتي وين استأذنتي من النادي ده وله مشيتي ساي.. في فوضي ادارية وعليه: قرار رقم : ايقاف رنده حاتم 5 أيام برضو هبة ما شايفها...خصم تلاتة يوم كوبنهاجن...تتفرج يومين بدون كتابة خضر حسين كمل احتفالاتك وتعال في منو تاني
Quote: اذكر انو طلبك مع الاخت رندة مسافرة وبترجع كمان يومين حتلقاها موقفة من الشغل انتظر
Quote: .رندا حاتم بعد خمسة ايام
يعني الواحد لو كان غاب ليهو شهر كدا كان جا لقى الحاصل شنو بي جاي؟؟؟؟؟؟ النادي دا لغاية ما مشيت منه كان مديرته اميرة ... دقسوك يا اميرة واكلوك السمسمية ... صاح !!!!!
قمر بوبا ... اجتماع اداري فوق العاده ... الاجنده والمناقشات بالله بالحبر السري عشان ما يشمتو فينا ناس ود البشرى ومن لف لفه ... . . . امووووونه ..... وينا. طفشتوها ؟؟؟؟ ... يعلم الله تطفشوا بلد.
انا ذاتي مما شفتو غير البوفايل قلبي اكلني ... التصرف دا ما عجبني "بتاتا البته" وحسيت انه عنده هدف.. لكن قلت اكضب الشينة ...
غايتو لكن يا "كوبنهاجن"... اخير نسكت ... لكن قسمت بالله ان بقت "امووونه سوركتي" ... الا يحلك مننا الحلا بله .. وكان بله ذااااتو لقى البحلو...انت ما ظنيت تلقى..
Quote: من زمان نقول ليكم التقلة سمحة..مافى زول سمع الكلاام
محمد عثمان...
والله نحن تقال وتقال شديد بس كيمو صاحبنا دا خفيف ولفيف..
ياقول قمر
قدر ما هديناهو ابى يهدى..
هسى بقينا فى محنة جديدة الله يحلنا...
____
_________________________ السويتا رقدت ياكيمو
Post: #717 Title: Re: نادى العزابة الاسفيرى ....... Author: محمد عثمان Date: 03-09-2008, 10:45 AM Parent: #714
اميرة...
انا شخصيا بعلن تضامنى الكامل مع صاحبى كمال دى عشرة سنين...
Post: #718 Title: Re: نادى العزابة الاسفيرى ....... Author: كمال علي الزين Date: 03-09-2008, 10:49 AM Parent: #714
Quote: والله نحن تقال وتقال شديد بس كيمو صاحبنا دا خفيف ولفيف..
ياقول قمر
قدر ما هديناهو ابى يهدى..
هسى بقينا فى محنة جديدة الله يحلنا...
الله يثامحك يا (أميرة)
_________________________________________
أتمسك بحقي في الإستعانة بالمثلين ديك (التور والصقر الوقعو واحد جاتو سكاكين والتاني نفضوا ريشوا) .. كده المثلين صاح ..
Post: #708 Title: Re: نادى العزابة الاسفيرى ....... Author: محمد البشرى الخضر Date: 03-09-2008, 10:07 AM Parent: #1
اولا حمدالله على السلامة تاني يا رندة وشنو يعني مطلعانا برة الإجتماع عشان لا سألناك لا لمناك يعني؟
ثانيا يا شباب مالها الكورة بقت عالية و تصريجاتكم في السما الرؤية ثبتوها في الدوحة و الخرطوم ولا كيف؟ غايتو ناس دبي و ضواحيها بتحروا لسة خليتهم افيدونا بالله عشان الكبشرة و كدا
Post: #712 Title: Re: نادى العزابة الاسفيرى ....... Author: كمال علي الزين Date: 03-09-2008, 10:16 AM Parent: #708
Quote: ثانيا يا شباب مالها الكورة بقت عالية و تصريجاتكم في السما الرؤية ثبتوها في الدوحة و الخرطوم ولا كيف؟ غايتو ناس دبي و ضواحيها بتحروا لسة خليتهم افيدونا بالله عشان الكبشرة و كدا
أبوحتوت
أمسك في بياني الفوق ده قوي
ودعثمان .. لقى فينا فرصة ..
Post: #713 Title: Re: نادى العزابة الاسفيرى ....... Author: محمد البشرى الخضر Date: 03-09-2008, 10:20 AM Parent: #712
يا عمك
Quote: ودعثمان .. لقى فينا فرصة
دقييييييييقة يا ابوي فيكم فييييكم براكم قبلكم الله وحدكم اخوك مألم في الحاجات دي دا غير - طبعا -التقل صنعة
وكدا
واخد بالك يافلان
Post: #715 Title: Re: نادى العزابة الاسفيرى ....... Author: كمال علي الزين Date: 03-09-2008, 10:28 AM Parent: #713
Quote: واخد بالك يافلان
واخد بالك (ياعمك)
(التور إن وقع كتر السكاكين عيب ... ولا المثل ده كيف )
________________________________________
المهم ياعمك نحنا لسا تحت تأثير الصدمة وكدة .. لكن قصدي مثلين (واحدة فيهو صقر والتاني فيهو تور) .. ووقعوا ..
لكن والله عملتوها ظااااهرة ياالعزابة ، معقولة وصلتو للصفحة التامنة و لسة ماشين ، غايتو عالم ممكونة و ما صدقوا لقوا ليهم متنفس ، يديك العافية يا اميرة غايتو فتحتي ليك باب يفش الناس الممكونة دي ( زي التقول انا ما واحدة منهم - غريبة يا دنيا ) لكن برضو بحييكم و ان شاءالله نوصلها للصفحة العشرومية زاتو و لتحيا العزوبية
Post: #787 Title: Re: نادى العزابة الاسفيرى ....... Author: خالد علي محجوب المنسي Date: 03-11-2008, 12:03 PM Parent: #786
موجعاني بالحيل حكيرت ودشيقوق في النادي دا وكمان خالف كراع في كراع اسمعني كويس الزول دا فضل فيهو فد طقاق وبقى يسكسك زي عربية الباسطة في مشيتو ما يغشكن ويدعي الشبشبة الزول دا من زمن بسكويت كوكو تحياتي أميرة
خالد صاحب الانجمامة ده زولي شديد خلينا النرحب بيه وجايب معاه كلام بهمني شديد
Quote: موجعاني بالحيل حكيرت ودشيقوق في النادي دا وكمان خالف كراع في كراع اسمعني كويس الزول دا فضل فيهو فد طقاق وبقى يسكسك زي عربية الباسطة في مشيتو ما يغشكن ويدعي الشبشبة الزول دا من زمن بسكويت كوكو
Quote: حتى ست النادي شايفه رخت الموضوع دا كدي ألقي نظره بي هناك ..
النادى دا عندو ست هو??
يامعتصم اتصلح معانا...
Post: #793 Title: Re: نادى العزابة الاسفيرى ....... Author: عصام علي أحمد Date: 03-11-2008, 08:41 PM Parent: #1
ده انقلاب رسمي بقي...
صحيت كم عشان تقلبها يا عصام
العزيز gamar boba نحن معشر المتزوجين ما بنوم ينوموا ناس كمال عشان كده انقلاباتنا بتنجح وناس كمال ضاربييييييين النوم
Post: #794 Title: Re: نادى العزابة الاسفيرى ....... Author: عصام علي أحمد Date: 03-11-2008, 08:58 PM Parent: #1
قول بسم الله....
كنت بتراقب بالدس ولاشنو?
كان غفرنا ليك الانقلاب ..ما بنغفر ليك غير جديرين دى..
العزيزة اميرة انا موجود بشكل يومى فى النادى لكن لم اتداخل من قبل لكن سعيد جدا بالبوست الجميل وبحاول استعيد بعض ذكريات العزوبية صراحة المتزوجين بحتاجوا احيانا ان يهربوا من الالتزامات الزوجية
انا لازم اعمل انقلاب يافى النادى يافى البيت اختاروا لى مكان الانقلاب وبسرعة ؟
Quote: انا لازم اعمل انقلاب يافى النادى يافى البيت اختاروا لى مكان الانقلاب وبسرعة ؟
قرقر ...مافى خيار تالت?
Post: #795 Title: Re: نادى العزابة الاسفيرى ....... Author: عصام علي أحمد Date: 03-11-2008, 09:12 PM Parent: #1
لكن برضو .. أعلنوا حالة الطواري .. مرات الجماعة المساكين ديل بعملوا حركات لما (المرة) تكون عند أهلا ..
الجميل كمال على الزين صاحب احلى تعليقات فى النادى
( المره فعلا فى السودان ) وبينى وبينك وعشان هى ماتسمعنا الواحد محتاج للنادى الايام دى عليكم الله اقبلوا عضويتى لمدة اسبوع وفى المقابل انا بتنازل عن الانقلاب
في سابقة غريبة من نوعها تمردت إحدي العضوات علي النادي وطالبت برفدها وتعويضها أيضاَ مما خلق بلبله وسط العزابة القاعدين علي الهبشة(نقطة سطر جديد) ولكي لا يحزو حزوها آخرون: علية وبموجب التوصيات المرفوعة من جهات الاختصاص كل من يتعرف عليها التوجه لقسم الملصقات بالنادي
لانو اول مرة من النادى دا اتاسس ما مرق طويلة زى دى...
القريبة كان قاعد يوضح لينا قبل ما يمش اى حتة...
سوبا ...موبيتل ..الديم..الكلاكلة..
Post: #822 Title: Re: نادى العزابة الاسفيرى ....... Author: انعام عبد الحفيظ Date: 03-12-2008, 10:00 PM Parent: #811
Quote: في سابقة غريبة من نوعها تمردت إحدي العضوات علي النادي وطالبت برفدها وتعويضها أيضاَ مما خلق بلبله وسط العزابة القاعدين علي الهبشة(نقطة سطر جديد) ولكي لا يحزو حزوها آخرون: علية وبموجب التوصيات المرفوعة من جهات الاختصاص كل من يتعرف عليها التوجه لقسم الملصقات بالنادي
لا حولااااااااااا
يعني انا هسه أشوف لي محامي !!!!!
انا إتمردت ؟؟؟؟ وطالبت برفدي كمان؟؟؟
ديل ناس أميرة وقمر بوبا الرفدوني
والله صحي على قول ود الصايم غايتو جنس غايتو
Post: #815 Title: Re: نادى العزابة الاسفيرى ....... Author: محمد عثمان Date: 03-12-2008, 01:47 PM Parent: #1
Post: #837 Title: Re: نادى العزابة الاسفيرى ....... Author: عصام علي أحمد Date: 03-14-2008, 08:47 AM Parent: #1
جدجد انت ناوى شر...
عملت انقلاب لتحسين احوال النادى قلتى ناوى شر عايز اجيب ليكم الحاجات الحلوة قلتى ناوى شر
انا عملت انقلاب عشان اكون عضو فى النادى والان انا عضو فى النادى ( غصبا عنك وعن كمال )
سوف اتعامل مع لوائح وقوانين الانقلاب ( حالة الطوارئ ) فقط
هناك كبار القادة من يدعم الانقلاب طارق جبريل ودشيقوق خالد المنسى
القوانين الجديدة الغاء الدستور لا عزابة بعد اليوم البخور والصندل فى كل مكان الزى الرسمى لدخول النادى الجلاليب والثياب تخصيص اماكن ترفيهية للاطفال فتح عيادة اطفال ونساء ولادة داخل النادى
Quote: القوانين الجديدة الغاء الدستور لا عزابة بعد اليوم البخور والصندل فى كل مكان الزى الرسمى لدخول النادى الجلاليب والثياب تخصيص اماكن ترفيهية للاطفال فتح عيادة اطفال ونساء ولادة داخل النادى
ده الشغل ولا بلاش انا اثني عدييييييييييل كده بلا لمة ولا ..
منو دي المحكوم عليه؟ عصام احمد ؟الناطق الرسمي باسم المتزوجين؟ الراجل صعبة حقيقة علينا وخلانا نتحسس بس شعارنا ما بنبدلو ويا بهيه ....... وعرس مافي.......
و ـــــــــــــــــــــــــــــ لا للتطبيع مع جماعة المتزوجين
Post: #843 Title: Re: نادى العزابة الاسفيرى ....... Author: خضر حسين خليل Date: 03-14-2008, 02:40 PM Parent: #1
طبعاً قمر بوبا بكون هسي قاعد في لمة الشباب هناك في النادي وعشان كدة قلنا نستغل الغياب ونقطع فيهو قطيعة قطيعتين مابطالات
Post: #845 Title: Re: نادى العزابة الاسفيرى ....... Author: عصام علي أحمد Date: 03-14-2008, 09:49 PM Parent: #1
منو دي المحكوم عليه؟ عصام احمد ؟الناطق الرسمي باسم المتزوجين؟ الراجل صعبة حقيقة علينا وخلانا نتحسس بس شعارنا ما بنبدلو ويا بهيه ....... وعرس مافي.......
المدعو ممدوح ابارو يحاول النيل من رمز الدولة وعليه سيقدم لمحاكمة عسكرية عاجلة
Post: #852 Title: Re: نادى العزابة الاسفيرى ....... Author: عصام علي أحمد Date: 03-15-2008, 08:45 PM Parent: #1
أوردت الصحف السودانية الأسبوع الماضية خبراً مفاده أن السلطات المحلية تصطحبها عربات الشرطة قامت بأخلاء منازل العزابة بحي العشرة وسط العاصمة (الخرطوم) بناءاً على رغبة بعض سكان الحي. ودون الخوض في تفاصيل الخبر ,
ياممدوح هذا ماقامت به قواتنا بعد الانقلاب مباشرة وستكون هناك مداهمات فى النادى
خليك ناقشة اللعبة قريبك ما بفرط فيك بس حاعمل فيك زى ما عملوا الجماعة في الترابي ايام الانقلاب الاول نمسكك نوديك المعتقل وبعد شهرين تكوني عرابة النظام كلو .
Post: #873 Title: Re: نادى العزابة الاسفيرى ....... Author: عصام علي أحمد Date: 03-16-2008, 05:59 PM Parent: #1
عصام بصراحة كده إنت معانا ولا مع الخيانة ?
بس عشان ما يتلخبط علينا الإختساس
باقي أنا شايف النادي ده جااااايط وحاله مااااعاجبني
وكان للإنقلاب رأينا بتوقف على الكشف على أجندتكم .
صلاح واسبه
ياصلاح تم احتلال النادى من قبل المتزوجين
اجندتنا اطلاق البخور والصندل لطرد العزابة ودى اسلحة فتاكة ولها مفعول ومجربة ولو فشلت هناك قنابل الطلح وصواريخ الدلكه وطائرات تكسر حاجز الزغاريد
خليك معانا ياصلاح
Post: #874 Title: Re: نادى العزابة الاسفيرى ....... Author: عصام علي أحمد Date: 03-16-2008, 06:25 PM Parent: #1
غايتو يا كمال الشافك مشيت كوبر ما كضب
كلم اميرة تجهز ليك العمود...
تخريمة:
اتخيل الفطور الليلة زغنى..والله ما عارف يكتبوها كيف..؟؟
محمد عثمان تحياتى
كمال على الزين مرشح للاعدام وليس سجن كوبر
Post: #876 Title: Re: نادى العزابة الاسفيرى ....... Author: كمال علي الزين Date: 03-16-2008, 07:00 PM Parent: #874
Quote: محمد عثمان تحياتى
كمال على الزين مرشح للاعدام وليس سجن كوبر
(بيان هام ... فترقبوه)
____________________________________________
عصام ياخوي باين .. (الخدرة) طارت ليك في راسك
Post: #875 Title: Re: نادى العزابة الاسفيرى ....... Author: عصام علي أحمد Date: 03-16-2008, 06:31 PM Parent: #1
خليك ناقشة اللعبة قريبك ما بفرط فيك بس حاعمل فيك زى ما عملوا الجماعة في الترابي ايام الانقلاب الاول نمسكك نوديك المعتقل وبعد شهرين تكوني عرابة النظام كلو .
ودشيقوق ده كلام شنو ؟؟؟؟؟؟؟
دى مؤامرة وخيانة
Post: #877 Title: Re: نادى العزابة الاسفيرى ....... Author: كمال علي الزين Date: 03-16-2008, 07:06 PM Parent: #875
والله لكن ... "هُملت" ... . . دا كلام دا... . . ما علينا ...
الو ... من سكاي هوك ... الى جميع مراكز القوى الضاربه .. الرجاء التبليغ الفوري باستلام التعليمات ووضعها قيد التنفيذ ... التعليمات صادرة عن العقيد ركن عزابي قمر بوبا:
1 - نشر القوات الضاربه في وضعية التأهب على كافة المراكز الحيوية 2 - توزيع فريق القناصه على الاسطح والبنايات المجاورة 3 - تثبيت نظام الـ"بايونيك آي" داخل النادي وفي جميع الاماكن الهامه 4 - تثبيت الـ "WMD" في وضعية 12PM تحوطا لاي طارئ حيث سنعمل وفقا للخطه "بي" على وعلى اعدائي. 5 - تشديد الاجراءات الرقابية على كافة الاعضاء والمنتسبين ومراجعة ملفاتهم الامنية . 6 - تعيين عدد من الحراس الشخصيين للسيده / رئيسة النادي ولكبار العزابه المعروفين الى حين انجلاء الازمة. 7 - اعتقال كل من ود شيقوق، واسبه، ودالبشرى، عصام وكل من له صله بالمشتبه بهم ووضعهم قيد الاقامه الجبرية الى حين اكتمال اوراق القضية وعرضها على الهيئة العليا القانونية بالنادي.
عن غرفة العمليات الارضية والجوية .. مقدم رندا حاتم
Post: #884 Title: Re: نادى العزابة الاسفيرى ....... Author: كمال علي الزين Date: 03-18-2008, 09:20 AM Parent: #883
Quote: والله لكن ... "هُملت" ... . . دا كلام دا... . . ما علينا ...
الو ... من سكاي هوك ... الى جميع مراكز القوى الضاربه .. الرجاء التبليغ الفوري باستلام التعليمات ووضعها قيد التنفيذ ... التعليمات صادرة عن العقيد ركن عزابي قمر بوبا:
1 - نشر القوات الضاربه في وضعية التأهب على كافة المراكز الحيوية 2 - توزيع فريق القناصه على الاسطح والبنايات المجاورة 3 - تثبيت نظام الـ"بايونيك آي" داخل النادي وفي جميع الاماكن الهامه 4 - تثبيت الـ "WMD" في وضعية 12PM تحوطا لاي طارئ حيث سنعمل وفقا للخطه "بي" على وعلى اعدائي. 5 - تشديد الاجراءات الرقابية على كافة الاعضاء والمنتسبين ومراجعة ملفاتهم الامنية . 6 - تعيين عدد من الحراس الشخصيين للسيده / رئيسة النادي ولكبار العزابه المعروفين الى حين انجلاء الازمة. 7 - اعتقال كل من ود شيقوق، واسبه، ودالبشرى، عصام وكل من له صله بالمشتبه بهم ووضعهم قيد الاقامه الجبرية الى حين اكتمال اوراق القضية وعرضها على الهيئة العليا القانونية بالنادي.
عن غرفة العمليات الارضية والجوية .. مقدم رندا حاتم
Quote: 7 - اعتقال كل من ود شيقوق، واسبه، ودالبشرى، عصام وكل من له صله بالمشتبه بهم ووضعهم قيد الاقامه الجبرية الى حين اكتمال اوراق القضية وعرضها على الهيئة العليا القانونية بالنادي.
جميع القوى التي صدر اليها تعليماتكم هي الان في سجن الرجاف وسيجري التحقيق معهم ومحاكمتهم ميدانيا ليكونوا عبرة لامثالكم ز
Quote: اعتقال كل من ود شيقوق، واسبه، ودالبشرى، عصام وكل من له صله بالمشتبه بهم ووضعهم قيد الاقامه الجبرية الى حين اكتمال اوراق القضية وعرضها على الهيئة العليا القانونية بالنادي.
Quote: سماح حسابك دا زي الغلط هنا Quote: أنا جيت قلت ألقى شيقا استلم رئاسة النادى واشترى البدل والفساتين لأحفاده عشان يكونو شباينه فى العروسات الأربعة الحيمرق بيهم من هنا
تلاتة بس امي تلاتة
ما تجيبي للراجل الهوا ساي
يا ود البشرى ,,,,
عليك الله ما وحشتك
العزابة ديل ما عندهم قراصة نكلم الجماعة يجو يسوطوها ليهم,,,
ياتو راجل الخايف يجيبو ليهو الهوا دا,,,بس ما تقول لى شيقا الزول ده فى روحو التسونامى والقونو عنده فيهم راى,,,هيييييييييييييع النجيض حديدو المنجل شعارو
أها تم ليهم العواسة دى
Post: #927 Title: Re: نادى العزابة الاسفيرى ....... Author: عصام علي أحمد Date: 03-20-2008, 09:39 PM Parent: #1
ودشيقوق ودالبشرى انا ماشى السودان 15 يوم خلو بالكم من النادى وشددوا الحراسة على الابواب
Quote: سلامات يا شباب عندي احساس كدا انكم طردتونا بالبارد وكدا لكن وفاءً بوعدي - يا حليلك يا لؤي - جبت ليكم الأغاني اختاروا المناسبة شعار للنادي و عافي ليكم الباقيات
مُتاوقة بثْ!!
في مقوله للريس أبوجهينة ..
