|
Re: بلداً هيلي انا (Re: Hussein Mallasi)
|
بلدا هيلي انا
كلمات والحان طارق الامين
إداء : نانسي عجاج
(من الذاكرة)
بلدا هيلي نا دموعا دموعي نا أساها أسايا نا ضميرا ضميري نا كل امالي نا السلام يطلع من هنا والحمام يتشابا ..
تقدل طفلة حلوة وبين أيديها كتابا والحبوبة تمسح بالحنين اكوابا والقمرية تصدح تستريح دبابة القطر الجبيل يمشي ويشق الغابة والنقارة ديك أم كيكي والربابة
البلد الحنين الدرتو يمة ويابة بين العالمين أنسة وجمال ومهابة الحزن القديم لا أطفال حزانا نازحين وغلابة
في العصرية شفع جارية لي ألعابا والشاي في المغارب زكريات وصبابة
| |
|
|
|
|
|
|
Re: بلداً هيلي انا (Re: Hussein Mallasi)
|
!!!
Quote: تمنيت لو أن شريط نانسي عجاج الأخير حمل اسم "بلداً هيلي انا" بدلاً عن رفقة. |
ورفقة برضو رهيبة وما أقل من بلاد هيلي نا ..
أبدع فيها يحي فضل الله وإتقطع فيها اخونا ضياء الدين ميرغني ..
| |
|
|
|
|
|
|
Re: بلداً هيلي انا (Re: ناذر محمد الخليفة)
|
Quote: ورفقة برضو رهيبة وما أقل من بلاد هيلي نا .. أبدع فيها يحي فضل الله وإتقطع فيها اخونا ضياء الدين ميرغني |
أبدع يحى و اتقطع ضياء البسيطة دي .. لم يحدث قط أن أشبعتني أغنية من الاستماع الأول لها مثلما فعلت رفقة
| |
|
|
|
|
|
|
Re: بلداً هيلي انا (Re: almogira alemam)
|
انصح بعد الاستماع إلى الشريط و تقييمه كوحدة واحدة؛ كل اغنية تسمع و تقيم براها؛ فالنواح في أغنية محجوب شريف؛ و الأداء المبالغ في بكائيته في أغنية النعام ادم كانا اكبر من قدرتي على الاحتمال!
| |
|
|
|
|
|
|
Re: بلداً هيلي انا (Re: ناذر محمد الخليفة)
|
Quote: انصح بعد الاستماع إلى الشريط و تقييمه كوحدة واحدة؛ كل اغنية تسمع و تقيم براها؛ فالنواح في أغنية محجوب شريف؛ و الأداء المبالغ في بكائيته في أغنية النعام ادم كانا اكبر من قدرتي على الاحتمال! |
الصحيح: انصح بعدم الاستماع إلى الشريط و تقييمه كوحدة واحدة؛ كل اغنية تسمع و تقيم براها؛ فالنواح في أغنية محجوب شريف؛ و الأداء المبالغ في بكائيته في أغنية النعام ادم كانا اكبر من قدرتي على الاحتمال!
_____ فعذراً.
| |
|
|
|
|
|
|
Re: بلداً هيلي انا (Re: Hussein Mallasi)
|
ربنا يعز مقداركم عموما شهادتى فى (رفقة) مجروحة لذلك اترك لكم الحكم ولكن كل الكاسيت يمكننى ان اقول ان العزيزة المبدعة نانسى تفوقت فيه على نفسها ولعل بلدا هيلى انا جاءت مواكبة تماما للاحداث فى البلد بخفة ظلها وروحها وإيقاعها تحية لطارق الامين ولا يفوتنى تقديم تحية كبيرة للرجل الفنان عمر القصاص صاحب البصمة الحقيقية فى هذا الكاسيت تحياتى حسين ملاسى وناذر الخليفة ضياء ميرغنى
| |
|
|
|
|
|
|
Re: بلداً هيلي انا (Re: altahir_2)
|
أول مره لمن سمعت "بلداً هيلي نا" في البروفات ، إتعمق عندي الإحساس بإنو طارق فنان حقيقي وإنسان مرهف ، وزي ما بيقولوا شاعر مطبوع ؛ الأغنية كلاما بسيط وبيعبر عن معاني الناس طاشين في البحث عنها.. اللحن كمان جذاب ويجيب روحك من أول لمسه ..
غايتو يا حسين غايتو !
| |
|
|
|
|
|
|
Re: بلداً هيلي انا (Re: saadeldin abdelrahman)
|
Quote: ملاسي ذوقك بقى صيني زينا مالو |
ربما لولا الملاحظات السابقة لما تطور أداء نانسي لما أصبح عليه الحال في معظم البوم رفقة
أين اداءها الحالي من: أللااااااااااا المساااااااا .. أللا المسااا
| |
|
|
|
|
|
|
Re: بلداً هيلي انا (Re: Hussein Mallasi)
|
.. . استفسار
هل هى بلداً هٍـٍيلنـْأ ( بمعنى بلدأ لنا ..جميعاً) ام هى بلداً هيلى انا ( بمعنى بلدى انا .. وبس )
____________
يا ناذر شنو من الذاكرة اسمع الشريط واكمل النقص وصحح الاخطاء فى ناس عايزه تحفظ
شكرأ نانسى ..
| |
|
|
|
|
|
|
Re: بلداً هيلي انا (Re: Tabaldina)
|
Quote: ل هى بلداً هٍـٍيلنـْأ ( بمعنى بلدأ لنا ..جميعاً) ام هى بلداً هيلى انا ( بمعنى بلدى انا .. وبس ) |
هي: بلداً هيلى انا .. بمعنى بلدي انا .. بس ما بس.
_____ تحياتي للداير يحفظ
| |
|
|
|
|
|
|
Re: بلداً هيلي انا (Re: Hussein Mallasi)
|
Quote: تحياتي للداير يحفظ |
الله يسلمك يا ملاسي
يا الخواض الجديد اداء نانسي تصدق اني سمعت الشغل دا قبل كدا لكن اصلو ما حسيتو ولا انفعلت بيه قدر دا
اداء محتشد بالمحنة تخلي دمعتك تفر غصب
| |
|
|
|
|
|
|
Re: بلداً هيلي انا (Re: فيصل نوبي)
|
لحن جميل وأداء أجمل.. وكلمات بسيطة..
ملاحظة حول كلمة ( هيل),, والتي يبغضها أهل الكثيرين من شمال السودان
فكلمة هيل تعني وتطلق على الشخص المملوك لشخص آخر أي ( عبد)..
فأن سألك أحدهم مثل ( يازول إنت هيل منو) فما عليك ألا أن ترد عليه أما
بلكمة في وجهه أو تقول( أنا هيل الله إنت هيل منو).. ولكن كيف حول طارق الأمين هذا اللفظ البغيض ألى أحقية في إمتلاك الوطن بمعنى إيجابي و بعفوية دون أن تضر كلمة ( هيل) على الصياغ العام للقصيدة!
وأهلنا في الشمال يتجنبون في شعرهم إستخدام كلمة هيل.. أما ملاحظة تبلدينا حول كلمة هيل فصحيحة.. ولكن يبدو أن ملاسي قد فسرها على طريقته وربما كان بعيدآ عن معنى كلمة( هيل). ولكم التحية.
| |
|
|
|
|
|
|
Re: بلداً هيلي انا (Re: malamih)
|
Quote: فأن سألك أحدهم مثل ( يازول إنت هيل منو) فما عليك ألا أن ترد عليه أما بلكمة في وجهه أو تقول( أنا هيل الله إنت هيل منو) |
فيرد الآخر بلكمة أخرى أو يقول أنا هيل الله إنت الهيل منو .. و هكذا هواليك!!
| |
|
|
|
|
|
|
Re: بلداً هيلي انا (Re: Hussein Mallasi)
|
حتى تهال علينا هالة الموت وزي ما قال الشاعر وما الحياة إلا هالك من غير هالة حبيبتي فلتهل علينا الأهوالِ غير مغيري جوانب وما الهيل إلا يضاف لسليقة أو جبنة في خيمة عُربٍ تهلل بإهماد عشقك يا ملاسي في ملهاةِ مغناً مُعججاً بطوارِق مصطلعةً وأورغنٍ لحِس الهزامِ غير هليلِ (من أقوال المهلل بن بني هلال على رد قول الهيك والهيلمان) الغلبك هيلو أديهو باللكيلو (من أقوال هلالية المستهلة)
-------------------------------- ياخي قولت لي (بعدم) ما (بعد) نقطة
| |
|
|
|
|
|
|
Re: بلداً هيلي انا (Re: الطاهر ساتي)
|
الطاهر شنو يا عمكـ انت شغال إحباط كده !! قريت ليكـ مداخلة أمس في بوست ممكونة ..
البنية غناية و إن كره المرجفون
الطاهر بدل الكلمات الحارة بتاعتكـ دي أديها وجهة نظركـ قول لو عملت كده بيحصل كده لو اللحن كان كده بيكون أحسن من يكون كده .. لكن دُرابكـ ده شين في حقكـ ياخ ..
_ هاكـ أسمع دي ياخ .. حقو الواحد يجي يفلقكـ بالدرب .. ما تحبطنا ياخ .. Re: وقت المغارب .. إعترافات مصورة ..
| |
|
|
|
|
|
|
Re: بلداً هيلي انا (Re: كمال علي الزين)
|
حسين ود ملاسي جهز السيارة الجديدة وعندنا برنامج طوييل مع رفقة مامونة بالله فضي لينا نفسك شوية اجازتنا قصيرة وعندنا كم عمل مع ملتقى التشكيليين حضر الكاميرا الماخمج دام صفانا
| |
|
|
|
|
|
|
Re: بلداً هيلي انا (Re: محمد سنى دفع الله)
|
الاخ ملاسي
تحياتي وتقديري مع وافر الاحترام
ليس لي شهاده هنا معكم
لكن بي شكر تملكني واعجب كيف لايكون بي شكر
لكن من ساهم بالحوار وابدا الاراء
اتمني صادقا ان اكون عند حسن الظن
معر وافر الحب واصدق التحايا للجميع
طارق
| |
|
|
|
|
|
|
Re: بلداً هيلي انا (Re: Hussein Mallasi)
|
تقدل طفلة حلوة وبين أيديها كتابا والحبوبة تمسح بالحنين اكوابا والقمرية تصدح تستريح دبابة القطر الجبيل يمشي ويشق الغابة والنقارة ديك أم كيكي والربابة
| |
|
|
|
|
|
|
Re: بلداً هيلي انا (Re: naeem ali)
|
سلام للجميع
ياخ يادوب البنيه دى بقت تغنى واضح انها استفادت من النقد ودى محمده تحسب لها والله لو كان اصرت على طريقتها الاولى لحالت بيننا و بين سماع صوت حنييييييييييييين ذى ده طارق الكلام جميل على الله الفته فى كم دقيقة ياخ انت اسرع زول فى الدنيا بيألف شعر غنائى (وانا شاهد عصر (وجه غامز) وكأنه كل قااااااااعد فى حته كده فى راسك الكبير ده بس مستنى تحكه عشان يجى متدفق عليك الله واصل حك راسك ده و كويس انو ازلت معوقات الشعر و كده
| |
|
|
|
|
|
|
|