كتب الكاتب الفاتح جبرا المتوفرة بمعرض الدوحة
|
زمن الزهج...........
|
زمن الزهج
يكبس عليك من كل فج
من غير يدق بابك يلج
دستور مفكفك وأكرة كج
والصبر مفتاح الفرج
|
|
|
|
|
|
|
|
Re: زمن الزهج........... (Re: Rasha Hatim)
|
لمن مشيت..
حفت الدروب البيك لبست حنتا..
لمن خطاويكَ غشتا..
اتكفكف الموج واتكفا..
وعيان صحي..
المرة دي..
ما شفتو كيف..
محتاج قعادك ليو شفا..
يا صاحبي في الزمن الكعب..
صاحبت بيك بحرا صعب..
امواجو بتجيك مرتين..
مرات هديرا يلخبتك..
ومرات سكون يشجيك طرب..
حسيتو جواها الحنين..
وسماحة الصلصال وطين..
والنطفة في رحم الزمان..
اتمخضت.. ولدت امان..
لكن خسارة لإنو كان..
وتعال شوية النحكي ليك..
عن اللي ضاع ولقيتو فيك..
عن نجمة عشقت وحدتا..
والصحبة قمرن مشتهيك..
وسماها متوسد يقين..
عارف دريباتا بتجيك..
ورغم الحكاوي السمحة ديك..
الكون فراغ..
والراس قِوى..
ما اصلو كان لان حبة بيك..
يا مطرة في ارضا يباس..
ما شفت كيف النخلتين..
يتشابوا ليك؟؟
وقََفنا ساعات الزمان..
شان نمسح المنقوصة كان..
ويا ريت.. حليلنا.. ولو كمان..
واحيييييييييييييا (بَس)..
كمل الكلام..
وتعبت معانا الكسرة (بِِِس)..
والزهجة (إس)
والحكمة انو الضمة (أُس)
مرفوعة كُج..
ومتين يفج؟؟؟
والحظ لزج..
دربك زلالق يا جبل..
انست فيك نارا تَوِج..
ومن غير هدى..
كست القبس..
ورجعت بي شعلة زهج..
وخوار جسد..
طاف في شقاوة الروح وحج..
| |
|
|
|
|
|
|
Re: زمن الزهج........... (Re: Rasha Hatim)
|
(*)
سليكة والله حننتيني , إيه التشاؤم ده ..
ماعودتينا على كده ..
Quote: واحيييييييييييييا (بَس)..
|
وين الكلام اللابس بمبي داك ..
الليلة البجيك بي وردة حمراء لازم تكون (زابلة) ونعسانة كده ..
| |
|
|
|
|
|
|
Re: زمن الزهج........... (Re: Hussein Mallasi)
|
Quote: تأخر حضور ود الصايم و محمد البشرى - حتى الآن - أقلقني عليهم! |
وكمان ماتنسي حبايبنا (هاشم خلف الله)
وعماد
نحنا بوستات (رشا) بنجيها والزولة دي زولتنا وبنريدا ..
(مافيها حاجة ياملاسي بك)
___________________________________
كنتا عاوز أقول ليك (أميرة) كمان لكن خفتا تفهمني صاح
| |
|
|
|
|
|
|
Re: زمن الزهج........... (Re: اساسي)
|
Quote: الله يعطيك العافية كان ريحتني في حناني |
اساسي الاساسي
ما عارفة ليه كل ما اقرا مداخلاتك بتذكر ياسين (والا اسمو منو؟؟؟) المحمشاتي بتاع ساحات الفداء داك ياااااخ
| |
|
|
|
|
|
|
Re: زمن الزهج........... (Re: كمال علي الزين)
|
ــــــــــــ
Quote: وعماد
نحنا بوستات (رشا) بنجيها والزولة دي زولتنا وبنريدا ..
|
كمال سلامات ... والله ما قلت إلا الحق ؟!
في الايام السمحة بنجيها ...وكمان نخليها براها في زمن الزهج
رشا تعالي أضحكي في الغاووون ديل
| |
|
|
|
|
|
|
Re: زمن الزهج........... (Re: Rasha Hatim)
|
يا النفس ما حملتها تتحمل و للدهر اياام تجور و تعدل و عااقبة الصبر الجميل جميلة...
رشا... رغما عن معاناة الحس ورهق البوح حتما سينفذ الضوء ليمنحنا الحياة فى اشراقها الوضى و تخضر الاحلاااام و نرجع نغنى مع الطيور الراحلة فى ضل المساء..
سلمت من كل شر...
| |
|
|
|
|
|
|
Re: زمن الزهج........... (Re: ابوبكر يوسف إبراهيم)
|
Quote: علينا أن نشيد آفاقاً حالمة في حيواتنا حتى نعيش الحياة .. علينا أن نحلم .. نحلم فكثير من الأحلام تبني آمالاً مشرقة .. لك مودتي |
ابوبكر!!!
ترى كم تبلغ المسافة بين مقدار ما ان ننفض من مجلسنا هذا ومقدار ما ان يرتد الينا طرفنا؟؟؟؟
ذات صحو..
صحبتُ حلمي على أن يعلمني مما اوتي رشدا..
فإذا به يخبرني الا عاصم اليوم من طوفان الواقع..
حينها.. استسلمتُ لسلطان اليأس.. فقد بلغ من لدُني زهجا..
فمن لي بزبُر الامل اجعلُ بيني وبين هذا الزمان سدا!!!!!!!
| |
|
|
|
|
|
|
Re: زمن الزهج........... (Re: محمد عثمان)
|
Quote: يا النفس ما حملتها تتحمل و للدهر اياام تجور و تعدل و عااقبة الصبر الجميل جميلة...
رشا... رغما عن معاناة الحس ورهق البوح حتما سينفذ الضوء ليمنحنا الحياة فى اشراقها الوضى و تخضر الاحلاااام و نرجع نغنى مع الطيور الراحلة فى ضل المساء..
سلمت من كل شر... |
تعرف فيك حاجة ناقصة المرة دي!! ما شلت معانا كتف الغنى المّيل..
ذات حلم...
اكيد حنغني غنوة العيد والفرح
كل الود
| |
|
|
|
|
|
|
Re: زمن الزهج........... (Re: Rasha Hatim)
|
Quote: طاف في شقاوة الروح وحج.. |
كُنا بنحج ليكِ يا (أماسينا) تعاليِ أحكي بعُدت مراسينا حِناالدبرسه وحرفك بواسينا والللليييلة إنتِ و الله أقلقتينا فِكيها ؟! وأضحكي يا سِنيينة آهو نحن جينا طُفُنا وسعينا ومن زمزم حروفك ما وروينا كفايا زهج وحزناً رِفقاً بنا شحتفتِ روحناماوفرنادِمُوعنا أزف ليك الخبر قطع اليقينا الموجةجاتكِ تهدرعشقاًوحنينا الزمن جميل عاوزضحكة ليالينا في الختام الله ليكي والله لينا
رشا ياخي ازيك ..... مالو الزمن ده معاكِ وزهجك كدا؟!
| |
|
|
|
|
|
|
Re: زمن الزهج........... (Re: emad altaib)
|
Quote: كُنا بنحج ليكِ يا [B](أماسينا)[/B] تعاليِ أحكي بعُدت مراسينا حِناالدبرسه وحرفك بواسينا والللليييلة إنتِ و الله أقلقتينا فِكيها ؟! وأضحكي يا سِنيينة آهو نحن جينا طُفُنا وسعينا ومن زمزم حروفك ما وروينا كفايا زهج وحزناً رِفقاً بنا شحتفتِ روحناماوفرنادِمُوعنا أزف ليك الخبر قطع اليقينا الموجةجاتكِ تهدرعشقاًوحنينا الزمن جميل عاوزضحكة ليالينا في الختام الله ليكي والله لينا |
والله لينا الما قرينا يا الانترنت سويتا فينا
وين يا زُمُل
| |
|
|
|
|
|
|
Re: زمن الزهج........... (Re: Rasha Hatim)
|
رشا
قدر ما نجيك نبل شوقنا نلاقي الشوق يشتاق ليك بالاكتر وقدر ما نقول وصلنا الحد نقابل زحفك الاخضر
غايتو دي جازفتا ليك عديل كده اصلو المزاج اليومين ديل ما رائق ما عارف الحاصل شنو ؟؟ تكونوا عاديتونا
| |
|
|
|
|
|
|
Re: زمن الزهج........... (Re: هاشم أحمد خلف الله)
|
Quote: قدر ما نجيك نبل شوقنا نلاقي الشوق يشتاق ليك بالاكتر وقدر ما نقول وصلنا الحد نقابل زحفك الاخضر |
وكل ما الروح تروح بترد ونعجز نحن نكتب رد نقول تكفينا كلمة ود معاها اشواقنا تتجدد
اها هاك المجازفة دي
| |
|
|
|
|
|
|
Re: زمن الزهج........... (Re: Rasha Hatim)
|
يا عمك ...Quote: تأخر حضور ود الصايم و محمد البشرى - حتى الآن - أقلقني عليهم! |
يسال منك الخير ابوي للامانة حلوة و ملعوبة بس لو كانت جات من واحد شفرة سيرته حسنة شوية يعني ما فيها زي دا
وكدا
كان ناسي هاك راجع
حسـين ملاسـي
| |
|
|
|
|
|
|
Re: زمن الزهج........... (Re: Rasha Hatim)
|
Quote: يكبس عليك من كل فج
من غير يدق بابك يلج
دستور مفكفك وأكرة كج
والصبر مفتاح الفرج |
الصبر وحده ما كفى لابد يُساعد بالصفا باب الهموم ينسد عديل بالبسمة ديك البعرفا
شنو حكايتكم يا سليكة طمطم غابت جات راجعة مهمومة , وانتي رجعتي زهجانة طيب ما تغيبوا
و مشتاقين ... طبعا
| |
|
|
|
|
|
|
Re: زمن الزهج........... (Re: محمد البشرى الخضر)
|
Quote: الصبر وحده ما كفى لابد يُساعد بالصفا باب الهموم ينسد عديل بالبسمة ديك البعرفا
و مشتاقين ... طبعا |
يا ود شاغلنا حنينك وانت الريد معجون من طينك وضفة طيبة ممددة فينا واحنا الفينا اتشر حنينك وجد واحشاني معاك الونسة وضحكة موج في بحرن هيلك طلعت شمس الريدة سمانا تفتش فيكَ تهاتي حليلك تفج في غيوم الواقع الشايل من احزانو رعود تنهيدك وانت قمرنا الكونو ملامحك وكون ريدتنا في ليلو دليلك نشيل أحلامنا قصص في صحوك وكان يا ما كان بالشوق نحكيلك نوسد دمعة رموش عينينا وكل ما نشوف طيفك نبكيلك ننقب جوف الصدق يقيننا ويدفق ريدنا حنين من نيلك وكم في الضفة هناك حرسنا وعد القمرة في هجعة ليلك واتكتفنا رجينا وصولنا عشان عارفنو.. درب الالفة براااااهو بجيلك
بالاكتر يا عمك
| |
|
|
|
|
|
|
Re: زمن الزهج........... (Re: Rasha Hatim)
|
والله يا ناس البورد دا ما فيهو حاجة بتدسا
يا أخوانا قلنا نوفر الباوندث دا بدل ما تاني عمك كيمو يفتح (زمن زهجها .. من أول) وندخل في قصة منتصف العمر وعييييييييييييييك
سليكة
زهجانين بالاكتر ياخ
كسرة لي ملاسي:
يا عمك .. شنو شابكنا
ياخ نحن 2 أنا 1 ود البشرى 1
يبقى عليهما
ولو حاسب ود البشرى دا 2 دي تكون مشكلتك
المهم يا عمك مشكور على القلق
| |
|
|
|
|
|
|
Re: زمن الزهج........... (Re: محمد عبد الماجد الصايم)
|
Quote: والله يا ناس البورد دا ما فيهو حاجة بتدسا
يا أخوانا قلنا نوفر الباوندث دا بدل ما تاني عمك كيمو يفتح (زمن زهجها .. من أول) وندخل في قصة منتصف العمر وعييييييييييييييك
سليكة
زهجانين بالاكتر ياخ |
ياخ وين انت ياااااخ؟
امانة ما اتلومت واتكومت معاي.. تجيني بعد زهجتي ما تعدي اسبوع ونيف
شنو يعني دي الحالة انا كنت من اوائل المازرين ليك في محنتك العسولية
لكن يسألني الله زهج لمن غلط زاااااتو
| |
|
|
|
|
|
|
Re: زمن الزهج........... (Re: Rasha Hatim)
|
Quote: درب الالفة براااااهو بجيلك |
سبحان اللذي اسرى بمزاجك من الزهجة جابك على الإلفة شايلك بُراق وحشة بين لحظة و التانية مزاجك على الهبشة زي غيمة فجأة تشيل لي بلدا بعيد تغشى بي ترفا شديد بتصب و ترش البيود رشة
الزاهجين فؤادي و عاملين رايحين الزهج البيا خلو واديني اليقين
| |
|
|
|
|
|
|
Re: زمن الزهج........... (Re: Rasha Hatim)
|
كيمو يا جاهز...Quote: يا(أبا حتوت) الفيلم بتاع ملاسي بك (مثنياً )
ده كان سنة كم .. |
العهدة على الرواة كان سنة الهكرة ام ضنب وعرفت عند القدماء بسنة التنين حيث تكبكب المتكبكبون و تراجف المتراجفون و تجرلس المتجرلسون جاؤوا من كل فج عميق ينشدون الظهور و سرعة الترحيب آملين ان ينالوا اجر التثنية يحدوهم صاحبنا الملاسي حاملا شنبه امامه بلا خجل او وجل مبادرا عاقدا عظيم آماله و كبير رجائه في ان ينال قصب السبق مثنيا و مرحبا كيف لا و الأمر جلل انها ربة الحسن و الجمال وهو مقام لو تعلم عنده عظيم فخلع عنه رداء الوقار المصطنع و بدا كما هو - خفيفا لفيفا ذ باع طويل في الكبكبي - وهي حقيقته اللتي اجهد نفسه ايما جهد في اخفائها و بطحته اللتي طالما حسس عليها في رؤوس الآخرين
اي سؤال يا عمك
الإهداء للمتصفح ابي بكر صالح
| |
|
|
|
|
|
|
|