|
الجمل التكتيكية والخطط الدفاعية فى المنبر
|
المنبر دا مرات زى ميدان الكورة ، فيهو لاعبين مهرة وفيهو كيشة ، وفيهو ناس بتلعب على الواقف ، فيهو مدارس لعب يسارية ، ويمينة ، ودارفورية ، فيهو مرات ناس مدرستهم برازيلية وفيهو احيانا الفرنسية وفيهو ناس عك ودارفورى وفيهو ناس دارفور وديل طريقة لعبهم براهم قاطعنها من راسهم
|
|
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: الجمل التكتيكية والخطط الدفاعية فى المنبر (Re: محمد حامد جمعه)
|
ابرز حاجة فى طرق التقفيل هنا اسلوب اللعب بالباك القشاش والتغطية مان تو مان (رجل لرجل ) طبعا مرة سمعت مدرب فى الدورى الممتاز وكنت متضهب جنب اللاعبين بتاعنو فى الهاف تايم بتلك مع الباك اسمع يا كابتن الود نمرة سبعة العواليق دا العب معاه رجل لرجل - كراع لكراع - لو ما عملت كدا (............) ورشق اللاعلبين بكلمة نابية جدا
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: الجمل التكتيكية والخطط الدفاعية فى المنبر (Re: محمد حامد جمعه)
|
إنت يا محمد حامد جمعة فكت منك و لا شنو ؟؟
من يوم أوكامبو قال ليكم حكومتكم كلها حتجيها الكشة ... شايفك مهضرب و فاتح مليون بوست ... و قالوا زولك نافع داك إنبرش و قال ليهم جيبوا أي قوات ... أي خواجات ... حتي كان روبوت !!!
شوف .. دافوري .. دارفوري ..... التسونامي راجيكم ..... إنتو قايلين الدنيا دي فوضي ؟؟!! ... تكتلوا في الناس و تعذبوا فيهم و تحرقوا أطفال و بلاوي ؟؟!!
هو إنت بره اللستة عامل كده ... و مال ناس أبوريالة و صلاح قوش يكونوا عاملين شنو ... و بحسب كلام أوكامبو ( صاحب واصل ) قال عندو أطنان من الأدلة .... و عارف متين حيفجر قنبلته ... قائمة جماعتك ؟؟ ... يوم عشرة يوليو يصادف عيد تأسيس المحكمة الجنائية الدولية .... و العالم يريد أن يكون هذا اليوم هو يوم عيد أهل دارفور .... بملاحقة القتلة و المجرمين في الخرطوم ... أصحابك .. عشان كدة إنت فاكينك في المنبر زي الجدادة القطعو راسها .... تجري في كل الإتجاهات .... يقولوا ليهو التسونامي جاييكم ... هو يتكلم عن كوتش ينبذ في لعيبة ... شفت يا محمد حامد جمعة .... بإذن الله حتدفعوا ثمن العاملينو الآن في الخرطوم و كل تجنيكم علي أبناء و بنات دارفور في الخرطوم و حتكونوا مسؤولين من أي فرد بالإسم ... ده مقدم الحساب .... و التقيل جاي ورا .. أنت تتباهي هنا بتعذيب عشر و قتل الجمالي و تعذيب أطفال المجاري .... لذلك إنطبق عليكم وصف المدعي بأنكم نظام نازي ... فاهم إيه يعني نازي ؟؟ نظام صدام لم يرقي لوصف نازي !!! نظام نازي يعني سوف لن يعيش معه العالم ... يعني سيكون نظام غير قانوني و يجب إزالته من الوجود و معاقبة كل أقطابه و تحريم الحزب الحاكم تحت أي مسمي .... أتذكر النمسا و إنتخاب يورغ هايدر عام و لكنه قوطع عالميا و فرضت عقوبات علي النمسا مما أجبر هايدر علي الإستقالة ؟؟.. كل هذا بسبب أنه فلتت منه كلمة أشادة بالنازية .. فوصم بمتعاطف مع النازية ..... أنتم نظامكم وصف بالنازية عدييييل كدة .... خلاص .. حتي يوليو ... هضرب زي ما إنت داير .... و جيب معاك فرانكلي و القلب النابض و جني و ياسيكو ( اللبد ) و عصام دهب و كورجة الأمنجية الجدد الملأوا البورد ( دقداق و سيدح و مين ما عارف ) ... شوف لو ما خليناك تمشي تليس في الشارع و تتكلم براك !!!
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: الجمل التكتيكية والخطط الدفاعية فى المنبر (Re: محمد حامد جمعه)
|
Quote: تراجى مصطفى مع الزميلة منى خوجلى |
لا يا ود جمعه
فى دى انتا غلطان ياخ سمعت بالباك البيشيل الفريق كلو وكمان بيتقدم ويجيب اقوان اها دى تراجى حية الدنيا دى
دى لاعبه ليك مع منى خوجلى واختها ماجده ومع القلب النابض ومع عزاز شامى ومع بنات العباسى
ومرات مرات بتعمل فاولات خشنه مع دوما وبيان
ياخ دى شايله الفريق كلو
| |
![Edit](https://sudaneseonline.com/db/blank.gif)
|
|
|
|
|
|
Re: الجمل التكتيكية والخطط الدفاعية فى المنبر (Re: محمد حامد جمعه)
|
Quote: ابرز رموزها تراجى مصطفى مع الزميلة منى خوجلى |
إستخدام الموساد للنساء لاعمال التجسس والتجنيد (من ملفات المخابرات) !!
Quote: التاريخ اليهودي الإسرائيلي ملئ بقصص إستخدام اليهود للفتيات والتساء لتحقيق اهدافهم وتطويعها لمصالحهم بل أن أشهر عمليات الموساد الناجحة التي أستطاعت بها المخابرات الإسرائيلية تحقيق الإنتصارات الكبيرة على مخابرات دول كبرى كالولايات المتحدة والإتحاد السوفيتي وبريطانيا لم يكن ليكتب لها النجاح لولاء إستخدام الفتيات الجميلات سواء أكانوا إسرائيليات او من دول أخرى يتعاونوا مع الموساد برغبتهم او على مضض وإكراه أو حتى إنجراف بعض النساء دون وعي منهم في أعمال خطيرة لا يدرون عاقبتها وعواقبها تكون نتائجها هي تقديم الخدمات والدعم دون مقابل للدولة اليهودية وفي نهاية المطاف سقوط هؤلاء النسوة في شرك الموساد وبالتالي لا يجدن أمامهن أي مجال سوى التحول لعميلات يهوديات يمتهن التجسس والخيانة خدمة للإسرائيليين !!
|
لم تزل حكاية قصة الغراب القلد الطاووس يوماً تتشكل في الذهنية.. فلا هو خلى نفسو غراباً مثله مثل باقي الغربان ورضي بصورته وهيئته بدون كره للذات.. ولا هو قدر يتعلم من الطاووس حاجة.. ولا حتى قدر يكون طاووساً..
ولا أدرى إن كان هذا الغراب قد انتحر بعد ذلك أم لا؟!!!. القصة لم تكتمل.. ولكن ترى ياها..
قصة التقليد السلبي..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: الجمل التكتيكية والخطط الدفاعية فى المنبر (Re: NGABY AJOOZ)
|
بوست كتبه دكتور مجدي اسحق
في العباسية في اعتقاد شائع بانهم اسياد الكورة وان دافوري ميدان ا لربيع هو البداية الحقيقية لأي لاعب حريف. في ايمان راسخ بان جكسا اتعلم الكورة هناك وهناك من يحلف بان قرعم و برعي و المحينة كلهم بدوا الكورةفي ميدان الدافوري.الحاج بهوية كشاف النجوم بيتحسر دايما علي ايام زمان وايام ميدان الربيع و كيف انه الدافوري انتهي وانه ذاته خلي متابعة الدافوري من زمن ومختتما دايما تعليقه بضحكته الساخرة(يا ابوي دي ما كورة ده عك ساكت ووجع قلب).عمنا الوسيلة كشاف الهلال بعدما انقطع من متابعة الدافوري أطلق جملته المشهورة (يا ابوي ده أخير منو قعاد ساي). أعمامنا الوسيلة و حاج بهوية رغم التسابق لاكتشاف النجوم لكن اتفقوا في انو دافوري الربيع انتهي يوم ما اللعيبة بقو اكتر من المشجعين. مع كل التردي الحادث في حياتنا فان جيلنا لم يري من واقع الدافوري سوي الحكاوي الأقرب للأساطير.عايشنا زمنا ليس للدافوري قانون سوي ما تمسك الكورة بيدك و ما تسب الدين بعد كده ما في قانون والحشاش يملا شبكتو .اولا العدد ما مشكلة أي عدد يجئ في أي وكت ممكن يلعبو والعدد دايما فوق التلاتين.في نص الكورة تلقا زول ما بتعرفوا جاري معاك و بيسألك [ انتا شايت علي وين أصلي جيت حسي} .مافي حاجة اسمها فاول والعنف خشم بيوت ودايما الناس بتتكيف من الدافوري لمن تلقي العجاجه قايمة والضرب ركب عشان كده دايما بتسمع الناس بتكورك اديهو سلام ملك ولا علمهم الرجالة و عادي حكاية شيلوا كراعه معاهو الحابو شنو؟ وعشان كده عادي بنتهي الدافوري بكراع مكسوره و كم اصبع مفصول وكم مفصل مفكوك .مافي لبس محدد جلابية ردا بنطلون عريان كلو شغال. المشكلة دايما في الكرعين ناس حفيانيين ناس لابسيين كبك او كدارة او بوت جيش المهم انه سلاحك كراعك مره ود الكاردقل جا الدافوري لابس كبك و مركب مسامير بالجنبات مسميهم الشلاخات ودخلت الاجاويد عشان يقلع الشلاخات ديل. المشكلة في الدافوري الكيمان كل شلة او اولاد اهل بيكونوا مع بعض وبيحامو لي بعض والله قال بي قولك لو عملت فاول مع واحد من كومهم يعني اولاد عيساوي ما شاءالله بيكونوا علي الاقل اربعة ولاخمسة في الدافوري ولو هبشت واحد منهم اقنع من كورتك لانو بعد كده بيبقوا ليك في رقبتك لو الكورة معاك ولا ما معاك عشان كده العاقل سياستو بتكون في ناس لا تحاورهم ولا تخليهم يحاوروك. تخنلف دوافع الناس في الدافوري في مجموعة بسيطة زي ود جكسا و أحييا هم حريفين بيحبوا الكورة وبتستمتع الناس بمشاهدتهم. في مجموعة ما هينة ماعندها برنامج و ما عندها علاقة بالكورة لكن عاوزين يجروا دمهم ساكت وديل من اول خمسة دقايق نفسهم بنقطع و بيقضوا باقي الدافوري ونسة و مشاغلة. في مجموعة خطرة روحها محرفاها ومكركرةساكت قرفانه من الدنيا ولو الواحد سلمت عيهو يسب ليك ولي اهلك ديل بيجوا الدافوري كايسين مشاكل وعايزين يفشوا مغايص الدنيا.النسبة الكبيرةفاكينها في روحهم و قايلين انهم اسياد الكفر رغم انه من اول باص بيظهر ليك انه الزول ده علاقتو بالكورة زي علاقة حاجة أمنة باللغة الهيروغلوفية لكن تلقاهم الواحد لمن يلمس الكور يعاين هل في متفرجين كفاية حيشوفوا الحركة الخطرة الحيعملها ولا مافي و لمن يلعب باص بيتوقع انه كل امدرمان اليوم داك تحكي عنه أما لو لا قدر الله و جاب قون فحيقعد في البيت باقي الاسبوع منتظر ناس الهلال يجوا جاريين.المجموعة دي بتلقاها في الحلة بتيعيد تفاصيل الابداع بتاعه وكيف انه مستواهو اعلي من الدافوري و انو لولاهم الدافوري ده زول ما كان حيجيهواو انو امس في تمرين المريخ كانو بيتكلمو عن الباص الخطير اللعبو. كما كان متوقع المستوي كل يوم ماشي من سيئ الي اسواء و ما كانت مستغربة لمن الناس الحريفة بدات تنسحب واحد وراء التاني. وكل يوم كمية العنقالة الماعندهم علاقة بالكورةبتزيد والغالبية المضيقينها والفاكينها في روحهم بتتضاعف والحريفين كل يوم ناقصيين. سمعنا انو جزء من الحريفيين عملو ليهم دافوري بالليل تحت الكشافات في ملاعب كمبوني طوالي مشوا عليهم لقب الحناكيش اولاد المصارين البيض وبدأت الحكاوي تتزايد عندهم انهم ديل ما رجال و ما بقدروا علي الكورة الجد جد وزاتوا الحمدلله الفاتو مننا لانهم كانو خاربيين علينا كورتنا.قطية كان بيحلف انو شاف الدافوري بتاعهموتلقاهوا يضحك ويقول{ ياخي ده لا دافوري ولا الله قال ديل نضيفين لا واحد بيقع في ا##########و لا واحد بتوسخ والله رائدات الهلال بيغلبوهم لانو نفسهم قصير و بيملسوا الكورة والواحد بينفرد بالقون ومافي راجل عشان يقع معاهو ارضي}. وطبعا عشان الحكاية ما تجوط وخوفمن اللخبطة شلة كمبوني بيقوا بيختاروا ناسهم بالدس والواحد بيجوا يكلموا براهو وفجأة تلقاه اختفي من الدافوري وظهربالليل في ميدان كمبوني. في شوية مرضانيين كورة بيلعبوا في الدافوري وبرضوا بيمشوا بالليل مع ناس كمبوني وطبعا دايما هم معرضيين للسخرية من الجانبين لمن يمشوا مع ناس الحريفين بيقولوا ليهم بالله لعب الدافوري ده والشوت الضفاري ما بينفع معانا ولمن يرجعوا لي ناس الدافوري بيشاغلوهم بانو بقوا خلاص اولاد مصاريين بيض وبقيتوا بتاعين حركات وبيتفلسفوا اللعب ساكت. الدافوري مستمر ناس بتفوت ما عاوزه العك والعجاج وناس مواصلة عشان عاوزة تجري دمها وناس جديدة بتنضم للشلة الكبيرة الفاكاها في روحها وعايشين علي قصة اخطر دافوري في البلد والنقاد والمتفرجين متابعيننا ولحدي الليلة ما في زول بينعرفوا من الدافوري مشي الهلال ولا المريخ ولا الموردة الوحيد المشي لي قدام ود مرسال ومشي العباسية يقيف وراء القون يلملم ليهم الكور. ومازال العك مستمر................و لكم الود
أعتقال 8 سودانيين و4 مصريين وتونسي في بغداد
| |
![Edit](https://sudaneseonline.com/db/blank.gif)
|
|
|
|
|
|
|