|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: الطيب شيقوق)
|
الأخت سلمى وضيوفها الظريفيييييييييييييييين
وزير التربيـة والتعليم اسمو صــــلاح الاحمر وقاعد في المغرب و،وبقول ليكم بـطلو حـركات الطلبه والشـــلاقه الماليها لازمه، لأنكم كده بتخالفو الغانون(الغين لابد منها) لما تفتحو جامعه بدون ما تشاوروهو. بوست آخر حلاوه وفكرة مساطيل دمهم خفيف. ارجو تسجيلي في كلية (أي لمه حــلوه وفيها ناس مبدعين وطيبين واولاد ناس وبيعرفو معنى احترام الآخر وكيفية تدبير الإختلاف). و معاكم لآخر مدى. مع مودتي وتقديري للجميع.
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: صلاح الأحمر)
|
الأخ الفاضل صلاح الأحمر تحية طيبة....
Quote: وزير التربيـة والتعليم اسمو صــــلاح الاحمر |
شخصياًً هنا يا مرحبا.... الجامعة نوّرت...
Quote: و،وبقول ليكم بـطلو حـركات الطلبه والشـــلاقه الماليها لازمه، لأنكم كده بتخالفو الغانون(الغين لابد منها) لما تفتحو جامعه بدون ما تشاوروهو. |
لكن هذا التعليق يناقض تعليقك أدناهه.....
Quote: بوست آخر حلاوه وفكرة مساطيل دمهم خفيف. ارجو تسجيلي في كلية (أي لمه حــلوه وفيها ناس مبدعين وطيبين واولاد ناس وبيعرفو معنى احترام الآخر وكيفية تدبير الإختلاف). |
وكمان دي...
ولا كيف يا طويل العمر !!!....
تقديري سيدي الفاضل
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: صلاح الأحمر)
|
الأخت سليمى سلام على روحك الطيبة..
دعيني أجر قدمك إلى حوار من مقصدك بتكوين هذه الجامعة: فسؤال المعارف في مجال ما هو ثقافي ما يزال مطروحا ، إن لم أقل يقاوم من لدن جهات لا تؤمن بالثقافي و تكرس بكل الوسائل المتاحة لها ثقافتها المضادة لثقافتنا التي نمت وتنمو في هذا المنبر ، و لسوء حظها فالثقافة الحقة منذ ابتكار الكتابة قبل 3500 سنة قبل الميلاد لم تخلق إلا لدعم و إعادة إحياء و تجديد القيم الإنسانية النبيلة وأحسب يا سليمى أن تلك هي الجامعة التي تدعين إليهافي هذه المساحة ولكن الملاحظ هنا أيضاً أن هناك بعض يصر إن لم أتفق معه فأنا في خانة الضد وربما العدو .. مشكلتنا تنحصر في عدم إحترام فكر الآخر والإسراع بتخوينه .. ولكن الخوف من الدخول دوما في صراع مهما كلف من ثمن مع تلك الجهات "المعرقلة"و التي ألفت العيش في الفتات و النمو السريع و التسلق الأسرع في المياه الراكدة ،لأن الضفادع لايمكنها أن تسمع صوتها إلا من داخل المستنقعات المسائية... عفواً إذا إتسع الصدر .. وعفواً إن ضاق بلا قصد مني.. يمكن فعلاً أن يكون هذا المنبر جامعة بحق وحقيق.. لك التقدير
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: د.نبراس)
|
د. نبراس ضحكتيني....يلا اقري ردنا....
Quote: انا غايبه من الجامعه دي مما سجلت , ما جيت تاني ,, يعني بلغة الجامعه (داكه) !! اها , لا في زول قال لي القرايه فاتتك , لا في زول قال لي غيابك كتير !! عشان كده انا ناويه اكمل معاكم في الجامعه دي !!
|
د. نبراس هو المدير غايب ...إنت ليه ما تغيبي .....تغيبي ونص...:D
والمفاجأة الكبرى وذي ما بيقولوا الخير على قدوم الواردين.... حنفتتح كلية جديدة تماماً تتعلق بوصف دقيق لحالتك ....حاوريك اسمها بعد أن تتفق عليه الشئون الإدارية...إنت بس تابعي البوست وحتلقى الرد قرييييييباً واسمك مكتوب فوووووووووق ....كأول طالبة في هذا القسم.... مبرووووووووووووووووك مقدماً إفتتاح الكلية الجديدة...
Quote: انا زاتي جيت هسا عشان اشوف البوتيك الجمب السور ده فيهو شنو , واشرب لي كباية شاي مظبوووووطه , واضرب لي واحد ساندويتش بيرجر من محل التخفيضات داك , واعرف الشمارات الفاتتني اليومين الفاتو , واجي تاني بعد تلاته اربعه يوم كده !! |
بمعنى آخر ما جاية تقري !!
Quote: وهسا شفت لي واحده من صاحباتي اخليها تعزمني حاجه باااااارده خالص |
بالله إنت من ناس ....أتعزم ولا أعزم...كويس عرفنا!!!
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
سلمى العسل انتى المدير لوغاب مابتألو منو وألا يكون عندكم اغراض خفيه وعطاآت دايرين ترسوها إعلان هام يعلن مدير الجامعه لحوجته الماسه لسكرتيره بالمواصفات التاليه ان لاتقل جمالا عن.............. ولاتقل ثقافة عن............ ولاتقل طولاعن............ ولاتقل طبية عن............. يفضل ان تكون رطانيه تجيداللغتين العربيه والانجليزيه كتابة وفصاحة كل الصفات دى طبعا بتنطبق على عزاز شامى لكن ممكن يكونو فى ناس تانين سلمى انتى شوفى عزاز لو ما دايره نزلى الاعلان بس بالله ماتلصقوهو فى الكفتريات سلمى لكى تحياتى النواضر
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: أبوبكر أبوالقاسم)
|
بسم الله الرحمن الرحيم إحم إحم
شكرا يا إنعام عشان قبلتيني كبابيست، ليك على إجيب ليك الكبابي من آخر الدنيا.
سلمى مشيت أودي كباية شاي لي وزير التربية والتعليم لقيتو بيقول في الكلام ده
Quote: وطيبين واولاد ناس وبيعرفو معنى احترام الآخر وكيفية تدبير الإختلاف |
أها لفحتو وجيت
مادي حلاوة الشغلة بتاعتي دي زاتها.
د/أبو بكر أنا يا زول بحب كلامات أولاد الجامعة وبنات الجامعة
بس سندوتش بيرجر كده مرة مرة ما بطال أها بقيتو على شنو إنت وانعام؟
تحياتي
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
الأخت/ سلمى تحية طيبة
أسمحلى كمستشار معين من قبلك بالسلطات المخولة ليكم أن أقترح الرد على الأخ العوض بخصوص الترشيح لرئاسة الإتحاد كالآتى :
نعم يمكن السماح لكم بالترشح ولكن بعد توضيح الطريقة الإنتخابية التى تفضلونها...مع التعليل لكلٍ.
الإنتخاب الحر المباشر .......( أصلب العناصر لأصلب المواقف) التمثيل النسبى............
الإجماع السكوتى...........
وتساؤل أخير... هل ستقوم بالإكثار من الإسبشل مييييييل أيام الإنتخابات إحتراماً لعقولنا الجامعية ؟
أبوبكر
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: أبوبكر أبوالقاسم)
|
سلمى
Quote: يعني اي واحد بيجي يتاوق تسلمي عليهو بالذات دة ما تديهو فرصة |
دى الحسادة البتقطع المصارين عدييييييييييييييييل كده
Quote: بعدين تالجامعة دي من اهم شراكات مجموعة "بتاعتنا" ومش عايزين اسهم المجموعة تتاثر سلبا ... |
شوفي حلاوة ولذة (اندنا وبتاعتنا)
هيييييييييييييع بس التزاموا بقواعد الشفافية والافصاح ليتسنى لروادكم معرفة العناصر الدخيلة التي قد يلقى اشراكها بظلاله سلبا على مؤشراتكم .
بس نخشى الاستئثار بالمعلومة على حساب ناس ود المنسي الناسيين الحقائق وعلى كده تقوموا فاكين اسهمكم الخائبة اليهم ويروحوا ناطين للشراء زى هوامير السعودية .
يعني عييييييييييييييييييييك تخموهم ساااااااااااااااااااااااى كتّافي
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: محمد مختار جعفر)
|
الاستاذ محمد مختار جعفر...
Quote: وقالت السكرتيرة لى هسع ما تم تعيينها |
ده أهم موضوع يشغل بال المدير الآن.....مش الكتب والمكتبات !!
Quote: فى كتب إتسرقت من المينا حرامية مثقفاتيه . تصورو |
تصورنا!! كما تصورت ...حلال عليهم طالما شعار الجامعة تعليم بلا حدود...
كده كويس يا أساسي
Quote: السيد / المدير الشحنة مسكوها فى المينا والمينا عند الحكومه ، والحكومه عند الجمارك والجمارك عند الرقابة والرقابة عند الضرائب والضرائب دون الزكاة والزكاة عند الأوقاف والأوقاف دايره حقها وحقها عند العبور وعووووووووك |
Quote: أريتا كتب ما إتقرت يا مدير الجامعة |
نفس التعليق.... على العموم نؤكد ما زال السيد المدير مشغول حالياً في البحث عن سكرتيرة...وهذه إحدى أولوياته الآن.... ......
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
ما زال هذا الإعلان قائماً
يعلن مدير الجامعه لحوجته الماسه لسكرتيره بالمواصفات التاليه
ان لاتقل جمالا عن.............. ولاتقل ثقافة عن............ ولاتقل طولاعن............ ولاتقل طبية عن............. يفضل ان تكون رطانيه تجيداللغتين العربيه والانجليزيه كتابة وفصاحة
من ترى في نفسها هذه الصفات أو نصفها أو ربعها أو واحد منها فلتسرع بتقديم الطلب...
وإذا في بوردابي شايف واحدة تمتلك الصفات المذكورة أعلاه خلونا برضو نقول نصّها...ولا ربعها...أو واحدة منها ما مشكلة فليتقدم مشكوراً بترشيحها......
....
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: الأخت/ سلمى تحية طيبة
أسمحلى كمستشار معين من قبلك بالسلطات المخولة ليكم أن أقترح الرد على الأخ العوض بخصوص الترشيح لرئاسة الإتحاد كالآتى :
نعم يمكن السماح لكم بالترشح ولكن بعد توضيح الطريقة الإنتخابية التى تفضلونها...مع التعليل لكلٍ.
الإنتخاب الحر المباشر .......( أصلب العناصر لأصلب المواقف)
التمثيل النسبى............
الإجماع السكوتى...........
وتساؤل أخير... هل ستقوم بالإكثار من الإسبشل مييييييل أيام الإنتخابات إحتراماً لعقولنا الجامعية ؟
أبوبكر |
سعادة المستشار
أوعدك مافي سبيشيل مييلز ولا توزيع باسطة للبرالمة ولا إستخراج بطاقات مجانية ليهم ومافي أي سيخ أو مسدسات حتدخل الجامعة أهم من كدة ما حنخلى الكوادر الخارجية ولا العسس يمارسوا العنف في الحرم الجامعي وأضمن ليك ما في أي مبايعات ولا بيعات حتتم باسم الجامعة لقيتني كيف؟
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: ما زال هذا الإعلان قائماً
يعلن مدير الجامعه لحوجته الماسه لسكرتيره بالمواصفات التاليه
ان لاتقل جمالا عن.............. ولاتقل ثقافة عن............ ولاتقل طولاعن............ ولاتقل طبية عن............. يفضل ان تكون رطانيه تجيداللغتين العربيه والانجليزيه كتابة وفصاحة
من ترى في نفسها هذه الصفات أو نصفها أو ربعها أو واحد منها فلتسرع بتقديم الطلب... |
اعلان مدفوع الاجر (برضو سلمي اخدت الفلوس ):
تعلن مجموعة "بتاعتنا" بانها ومن منطلق اهتماماتها الفائقة بالخدمات التي تقدم في هذه الجامعة ووفقا لخبرتها المتميزة وعلاقاتها فلقد قررت ان تنشئ ادارة لترقية خدمات الجامعة لتشمل امور كل التعينات ما عدا الاكاديمية من اداريين وسكرتيريين وسكرتيرات ..الخ ... ووفقا لذلك يعتبر الاعلان اعلاه ملغي تماما وبتاتا والماعجبا علي كيفا
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
Quote: مدفوع الاجر ( ارسلت المبالغ الي سلمي بواسطة paypal] : |
بقى الدفع كمان أون لاين....GOOD
Quote: تحذير: تذكر مجموعة "بتاعتنا" بانه لا شركاء لها البته ولا منافس ( ما حدش يقدر والماعاجبو علي كيفو ) |
هذ الإعلان غير رسمي ولا يجوز دون الرجوع للسلم الإداري وأخذ موافقة كل شخص مسؤول..... صاح المدير مافي ومشغول وإحنا عارفين السبب !! لكن ده ما يمنع انو أعين المسؤولين لا تنام...!!
ستسمع المفاجأة قريباً....
ترقب فقط !!
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
حاشية:
اخونا محمد مختار جعفر احدابرز رواد الخط العربي في المنطقة كان له لقاء تلفزيوني في برنامج "المجلة الثقافية" في فضائية "الشروق" الخميس 24 يناير 2008 ولقد تحدث بمعرفة واسعة ومقدرة وباع طوييل في تجربته مع الخط العربي والفن التشكيلي المصاحب .. ولمحمد مختار كتاب عن الخط العربي تدرس فصول منه في جامعة السودان كما عرفت .. وشاهدت لوحات بديعة من اعمال محمد مختار في الخط العربية ولوحات تشكيلية يعبر بها عن انسيابية بعض الخطوط العربية....
________________
اها بعد دة ما في واحد يجي يقدم لعمادة اي كلية تختص ب"الخطوط" حتي ولو خطوط تلفونات .. ونفس الحال ينطبق علي الكافتريات وامور الطعام ووالخدمات و خلافو لانها من تخصصاتنا نحن مجموعة "بتاعتنا" .. خلوكم في كليات البهجة والرومانسيات والرواقة ونحن "مجموعة بتاعتنا" حنكرمكم بوجبات ترويجية مجانا ..خليكم بعيد ....
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
* شـــكر وتقدـــير *
عاجل الى السيد مدير عام شركة بتاعتنا .. المحترم تربيع ..
إستلمنا كوتة الكتب المشحونه من بلاد الخواجات.. ملح .. وعليه نتوجه بعظيم شكرنا ووافر إمتناننا لجهودكم المضنيه وتعبكم الفاق الحدود من أجل العلم والمعرفة وعليه سوف نعلن عن إحتفال بوصول الكتب ونرجو من شركتكم رفع هذا الشعار ( تدفع حق وجبه وتاكل ثلاثه وجبات مجان ) وهذا إبتهاجا للطلبة بوصول الكتب ... ولكم الشكر أمين المكتبة الفتحت من أمس ومافى واحد شرف حتى الآن ..
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: ( تدفع حق وجبه وتاكل ثلاثه وجبات مجان ) |
تعلن مجموعة "بتاعتنا" استحواذها بالكامل علي" جامعة سودانيزاونلاين " ولاسباب ترويجية ستبقي المجموعة اسم الجامعة كما هو "جامعة سودانيزاونلاين " وبهذه المناسبة تعلن المجموعة عن برامجها الترويجي ( تدفع حق وجبه وتاكل ثلاثه وجبات مجان ) ...
ونشير الي اننا بصدد اعادة النظر في التنظيمات الادارية والاكاديمية للجامعة وعلي ان مقاييس الكفاءة مرتبطة بعدد الطلبات التي تطلبها/يطلبها من يقدم الي اية وظيفة من مطاعم "بتاعتنا" في يوم واحد .....( اها بنات الرجيم يشيلن شياتم وظيفة ماكو ) - جنس حال ..!!! توقيع الرئيس الاوحد للجامعة وللمجموعة (والماعاجبا علي كيفا )
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
تنــــــويه تنــــــويه تنــــــويه تنــــــويه
لقد تبين بأن باسوورد الأستاذ الفاضل أبوبكر قد سرق !!! وإن المتحدث منذ فترة شخص آخر وهذا ما لاحظناه فعلياً من إظهار النوايا الهدّامة في مداخلاته لتدمير هذا الصرح الشامخ.... جامعة سودانيزأون لاين.....
وسيتم بإذن الله معرفة هوية الفاعل قريباً والتحقيق في الموضوع بشكل كامل .....
وعليه يعتبر أي قرار متخذ من قبل الفاعل المنتحل لشخصية الأستاذ أبوبكر ...قرار ملغي وغير معمول به........
مجلس إدارة الجامعة...
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
إعلان هااااااااااااااااااام...
انظر الصورة!!
تم بحمد الله معرفة الهاكر الذي إنتحل شخصية الاستاذ أبوبكر ...
ولأقوياء الملاحظة سوف تلاحظون شيئاً آخر على هذا الهاكر .....حاجة تانية غير التعليق أسفل الصورة!! دققوا كوييييييييس......... عرفتوا هي شنو ؟؟؟؟؟؟؟؟؟؟
سوف نعيد نشر هذه الصورة حتى يتسنى لكل البورداب إكتشاف هذا الشئ !!....
والزول العندو قوة ملاحظة حيعرف طوااااااااااااالي
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: أبوبكر أبوالقاسم)
|
الأستاذ الفاضل أبوبكر أبو القاسم عساك بألف خير.... كما ورد أعلاه تنويه بوجود هاكر دخل الى حاسوب جامعة سودانيزأون لاين وأنتحل شخصية الأستاذ أبوبكر.... والآن هذا الهاكر يحاول التشويش مرة أخرى ويسأل....
أبوبكر مين؟؟ الرجاء أخذ الحذر وعمل الإحتياط اللازم..... على العموم الصورة توضح أي أبوبكر قد تقمصّ شخصيته الهاكر... مش كده..
Quote: أسباب أخرى للحردان : - ناس حردانة عشان متعودة تكون حردانة....... - ناس عشان بالجد بتكون حردانة........... - ناس حردانة عشان ما متعودة تكون ما حردانة ............ |
وهذه إضافة معلوماتية ثرية تساهم وبشكل كبير في التعامل مع طلاب كلية الحردانين.... تقديري
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: يعلن مدير الجامعه لحوجته الماسه لسكرتيره بالمواصفات التاليه
ان لاتقل جمالا عن.............. ولاتقل ثقافة عن............ ولاتقل طولاعن............ ولاتقل طبية عن............. يفضل ان تكون رطانيه تجيداللغتين العربيه والانجليزيه كتابة وفصاحة
من ترى في نفسها هذه الصفات أو نصفها أو ربعها أو واحد منها فلتسرع بتقديم الطلب...
|
الأخت الحبيبة سلمى
ما قلتي لينا لا تقل جمالا وثقافة عن من... علشان نعرف نقارن وكده يعني قلتي لي الوظيفة المعلن عنها شنو هي بالظبط؟ طيب أنا عاوزة أعمل الدكتوراة.. عندكم كورسات لينا
محبتي غادة
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
Quote: تعلن مجموعة بتاعتنا وجامعتنا ان الشابة سلمي صبحي ليس لديها اية علاقة بجامعتنا ولم يتم تعينها ابدا بتاتا وانا اعلاناتها تخصها هي فقط وليست جامعتنا "جامعة سودانيزاونلاين " ولكن اذا قدمت للالتحاق بالادارة فسننظر في امرها وبس |
المتحدث : الهاكر... بالإضافة الى جهات أخرى من مصلحتها تدمير الجامعة....
وعليه لن تثنينا مثل تلك الأمور عن الإستمرار في تأسيس هذا الصرح الشامخ ليرى النور....
ولا نامت أعين الهاكرز!!!!
سلمى صبحي....
ونواصل المسيرة
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: _ ود الجعلي...مديراً _ أبوبكر أبو القاسم....مستشار الشئون الداخلية _ أبوبكر يوسف إبراهيم....مستشار الشئون الثقافية _ منى خوجلي....عمادة كلية الآداب + توفيق راسين في الحلال _ عواطف إدريس ....عميد كلية الصحافة...وعضو نشيط في كلية توفيق راسين في الحلال _ سلمى الشيخ سلامة....عميد كلية القلوب _ ماجدة خوجلي ....عميد كلية اللهو الخفي _ حسن محي الدين....مسك عمادة الطلاب يومين وتاني ما شفناه _ محمد زين الشفيع....مسؤول التقارير والخطابات _ إنعام حيمورة...عميد كلية العمل الخيري + خبيرة المهام السريعة _ زمراوي الولي...عميد كلية حلالي المشاكل _ خالد محجوب المنسي....عميد كلية حب الناس ( كده كويس ولا نخليها نقّل فؤادك ) _ الطيب شيقوق....ما حدد لحد الآن !! مع انو مرشح من قبل الآخرين !! _ محمد البشرى الخضر...خبير في ملاحقة الافراد وتقصى الحقائق ورجل أعمال مجتهد _ فيصل نوبي...مرشح لوظيفة حلاق الجامعة ( العهدة على المقترح ما علينا ) _ سناء جعفر...خبير أجنبي بدرجة مستشار + عميد كلية التسي تسي ( العهدة على المقترح) _ محمد الطيب حسن....عميد كلية الإشاعات والشمارات _ مجدي عبد الرحيم فضل...كلية الشعر والشعراء _ أبو الحسين ....كلية الكلمي الموزووووونة الماها طرقي _ السكرتيرة...لسه غادة ما وافقت !! _ صباح حسين...طالبة في كلية الإسعافات الأولية _ العوض الطيب....رئيس تاح الطلبة _ هاشم خلف الله...مكتب التصوير الفوتوغرافي ونسخ المستندات _ حسن الطيب يس...مقترح _ د. محمد حسن....كلية الجكس _ د. صفية...مؤيدة لد. محمد حسن والإتجاه الموازي _ نهى محسن أبوراس....طالبةفي كلية البهجة... _ خالدة البدوي....عميد كلية الدراسات العائلية. _ د. نبراس....طالبة في كلية البهجة _ اسماعيل عباس...طالب في كلية الرومانسية _ الصحافة _30 ...سال من كلية ناس صعبة خلاص وأطنوا لقاها صعبه خلاااااااااص فقام خلاها _ محمد عثمان...طالب منتسب _ wd al geran....خبير في التكتيكات وفك النزاعات _ عبد الكريم الأمين...طالب في كلية الشكل والمشاكل( مع انو افكاره تؤهله ليكون العميد ) _ الطيب عبد الرازق...ناصح أمين _ محمد مختار جعفر...أمين المكتبة _ العوض الطيب....رئيس إتحاد الطلبة _ أساسي....نااااااااس الأمن _ إيمان أحمد ....ملقطة كبابي _ صلاح شكوكو....البوتيك الجنب سور الجامعة _ المر....طالب في كلية قريعتي راحت _ أحمد عبدالله....ما جاي يقرا بس بيزور الجامعه كده وعندو أسبابه _ معتصم دفع الله....رابطة أصدقاء الطلاب _ أبوحراز.........سيد اللبن _ إنعام عبد الحفيظ....الكافتيريا في الميدان الشرقى
وبالتوفيق للجميع....
ولو في زول ما لاقي اسمو يكون.... سقط سهواً ....أو معليش الجايات أكتر من الرايحات
... (عدل بواسطة salma subhi on 26-01-2008, 09:05 ص) |
تعلن مجموعة "بتاعتنا جامعتنا" بصفتهم اصحاب الجامعة بان القائمة اعلاه لم تعتمد من المجموعة وان الشابة سلمي صبحي لا صلاحيات لديها حيث انها لا تعمل لدي المجموعة ...لوعايزن المجموعة تعتمدكم تكتبو لرئيس مجلس اداراتها وما عايزين علي كيفكم
رئيس مجلس ادارتها
| |
|
|
|
|
|
|
|