جــــامعة ســـودانيزأونلايـن .....بالله أدخل وعااااين وبعدين قاااارن !!!
بكل الفخر نعلن ولأول مرة إفتتاح جامعة سودانيز أونلاين..... ( تصفيق بالله يا جماعة ) دي جامعة تخص كل بوردابي سودانيزأونلاين نساءاً ورجال..... ومهما قارنتها بأي جامعة ما حتلقى ذيّها !!! بس ياجماعة الجامعة دي محتاجة مننا شوية ترتيبات ....كييييييييف؟؟؟؟ يعني المدير ما معروف .....عميد كل كلية لسه ما اتعين.......الطلاب والطالبات ديل لسه حيلتحقوا هنا......... المهم..... دايرين نعين مدير أو مديرة من البورداب ....عميد لكل كلية كمان من البورداب.....ومن حق أي عضو في المنبر ترشيح نفسه بكل ثقة... وحنشوف رأي الأغلبية فيه ....وبرضو من حق أي عضو ترشيح الشخص الذي يراه مناسباً لآداء هذه المهمة.....( الضمير الحي هنا مطلوب بالله يا جماعة ) وعشان ما أنسى مطلوب حارس لحفظ الأمن في الجامعة والتبليغ طوالي عن أي شرارة بوردابية حاصلة.... والعاوز يسجل نفسه كطالب / بة.....يكتب اسمو طوالي.....ويختار الكلية العاوزا....بس يكون متابع لأنو عدم حضورو في هذا البوست حيأثر بالتأكيد على نجاحو وإنتقالو للسنة البعدها.... ومن حقكم تنصحوا أي بوردابي وتوروه أنسب كليه ليه شنو....من باب مساعدتو ليس الاّ وإظهار النية الحسنة الكليات المتوفرة حتى الآن.... كلية كلها رومانسية كلية الناس الجادة كلية الونسة والبهجة والمسرة كلية الشعر والشعراء كلية الناس العندها مزاااااج ورايقة كليه الشكل والمشاكل كليه حلالي المشاكل كلية الإشاعات ( الشمارات ).... كليه ناس صعبة خلاص.... باقي الكليات انتوا ممكن تقترحوها.....عشان نفتحها في المستقبل ( نعمل لإرضاءكم ) والجامعة دي ما ساكت ليها بنود وشروط.....يعني مثلاً : تقييم الدرجات لكل شخص والإنتقال للسنة البعدها حتى التخرج مبني على أساس التالي... _ عدد مشاركات كل عضو في هذا البوست _ رأي البورداب .....( الرأي الفيه شكر طبعاً ) والزول الما بيشكروه البورداب كان الله في عونه الى الخلف در ....او مكانك قف.... وحتكون في هيئة استرحام لنجدة العضو.....دي طبعاً البورداب براهم سريع يعملوها هنا لو لقوا العضو حالته ميئوس منها.....أو استنجد !!!! وما ننسى البقدم السبت بيلقى الأحد ويوم ليك ويوم عليك...... والناس مواقف ....يعني بكرة ممكن تتخت في نفس الموقف...... والما عندو علاقات وما لاقي ليه وجيع....يناضل براه ....اصلو الدنيا مرات صعبة..... وتأتي الرياح بما لا تشتهي السفن.... حل تاني.....يشوف ليه واسطة ( يختار ليه عضو من المنبر ) بسم الله نبدأ ترشيحاتكم.... - منو المدير؟ - عميد كل كلية؟ - الداير يخش كطالب أو طالبة..... - والحارس؟ بشرى سارة......الوظائف الأخرى ستتوفر قريباً.....ممكن تقترحوها كمان !!! أو أي خدمات تساهم في خدمة أعضاء المنبر ..... وما تنسوا يا جماعة دي جامعتكم....وحتكون ذكرياتنا فيها جميلة.... والله يجمعنا جميعاً في ساعة خير... ......... (عدل بواسطة salma subhi on 01-19-2008, 09:18 AM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]