|
|
 الطلاق...قِسمة و نَصيب..!!!
|
___
قامت السيدة جين باترون برفع دعوى طلاق ضد زوجها إيريك باترون بحجة أنه يفضل هوايته عليها. للسيد إيريك باترون شغف واضح بصيد الأسماك..و قد يقضي جل نهاره صامتاً – على ضفة البحيرة - في انتظار صيد ثمين.
حكمت المحكمة بالطلاق ....قامت جين برمي خاتم زواجهما في البحيرة ....قائلةً له.....يجب أن تتزوج البحيرة..فأنت تستمتع بوجودك معها أكثر مني...و تقضي معها وقتاً أنا أولى به .
راح كل منهما لحال سبيله...حتى ذلك اليوم.
بينما إيريك يصطاد في تلك البحيرة..إذا بصنارته تغمز...قام بشدٌها و يا لفرحته...كان صيد ذلك اليوم بالفعل ثميناً..سمكة ضخمة..لكن ما هذا الذي يبرق في فم السمكة....؟
لدهشة إيريك..كانت خاتم زواجه من جين ملتفاً حول فم السمكة....قام إيريك بالاتصال بأصدقائه و روى لهم ما حدث...قاموا هم بدورهم بالاتصال ب جين و أخبروها ما حدث...
لدهشتهم أجهشت جين بالبكاء و قامت فوراً بالاتصال بإيريك قائلة...هذه إشارة ربانية يا إيريك...من فضلك أعيد الخاتم إلى إصبعي!
و قد كان....
و بالطبع لم ينسى الاثنان أن يتناولا تلك السمكة الضخمة....مشوية....على ضوء الشموع..!
____
|
|
 
|
|
|
|
|
|
|
 Re: الطلاق...قِسمة و نَصيب..!!! (Re: mamkouna)
|
ممكونة .. يا مراحب بالطلة ..غبتي كتير واها لما رجعتي وانا شفت العنوان جيت زعلان بس زول شكل (علي غير عادتي ) وبس !!!موية باردة فوق راسي ورجعت لصوابي ....
لا اظن ان الغيرة في كل احوالها ضارة فهناك غيرة تجعلنا نجتهد وغيرة تجعلنا نحب شركلؤنا في الحياة اكثر ودون "اختناق" وغيرة تجعلنا نعمل خيرا اكثر وهكذا اما الغيرة التي تخنق فهي من فرط قوتها تخنق كل جميل اصابتنا غيرة من اجله ...
المشاعر الانسانية من فرح وغضب وغيرة وشك وووو كلها يجب ان يرافقها عقل يكابد ليجعلها متزنة فالمشاعر ان فاضت فقدت الاتزان ...
والف مراحب مرة اخري
مودتي
ابوبكر
تخريمة : مواضيع كتيرة خفيفة ولطيفة راجياكي يبدو ان هذه السنة علي المنبر ستكون كلها سلام وكثير من المودة ..
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: abubakr)
|
ممكونة
قصة جميلة جداً ومعبّرة
Quote: المشاعر الانسانية من فرح وغضب وغيرة وشك وووو كلها يجب ان يرافقها عقل يكابد ليجعلها متزنة فالمشاعر ان فاضت فقدت الاتزان ...
|
العزيز ابو بكر
نعم تفقد إتزانها تلك المشاعر التي لا تجد عقل حكيم يكون الى جانبها
وما أصعب كظم الغيظ والتحكم في الغضب والغيرة والفرح وكل مشاعرنا
ونتعلم كل يوم من أخطائنا وتنضج تجربتنا في التروي والتأني والحكمة
وكل هذي المشاعر يجب ان يقابلها تسامح من الطرف الآخر ووعي وإدراك
حتى تفسّر في مكانها الصحيح ولا يذهب بنا العقل بعيداً عنها
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: انعام عبد الحفيظ)
|
Quote: وكل هذي المشاعر يجب ان يقابلها تسامح من الطرف الآخر ووعي وإدراك
حتى تفسّر في مكانها الصحيح ولا يذهب بنا العقل بعيداً عنها |
يا انعام الظريفة .. الفهم .. هو الاهم .. ان نفهم ما يريد الاخر ونفهم طبائعه ورغباته ومتطلباته وردود افعاله .. حالات طلاق كثيرة بعد زواج عن حب هي بسبب انعدام فهم الواحد/ة للاخر/ي.. اعتبار ان الحب قبل الزواج كاف لادارة شراكة امر فيه كثر من التفاؤل..فهم الاخر يبدء فور الزواج وليس قبله . تنازلات متوازنة هي النتيجة المطلوبة لاستمرار اي شراكة بنجاح
| |
|
|
|
|
|
|
|
|
 Re: الطلاق...قِسمة و نَصيب..!!! (Re: abubakr)
|
| Quote: الفهم .. هو الاهم .. ان نفهم ما يريد الاخر ونفهم طبائعه ورغباته ومتطلباته وردود افعاله .. حالات طلاق كثيرة بعد زواج عن حب هي بسبب انعدام فهم الواحد/ة للاخر/ي.. اعتبار ان الحب قبل الزواج كاف لادارة شراكة امر فيه كثر من التفاؤل..فهم الاخر يبدء فور الزواج وليس قبله . تنازلات متوازنة هي النتيجة المطلوبة لاستمرار اي شراكة بنجاح |
بالتأكيد الفهم هو الأهم يا ابو بكر
الفهم ان تحترم الآخر تحترم مشاعره من فرح وغضب وغيره الخ
الحب وحده لايكفي لإدارة الحياة وانما الوعي برغبات وطبائع الطرف الآخر
وهذا الوعي هو مفتاح وسر نجاح العلاقات الإنسانية جميعها
والزواج الذي يكون بعيداً عن الإحترام والفهم المتبادل لا يكتب له النجاح الحقيقي
وشكراً لك لأن كل ما تكتبه هو اضافة لمعرفتنا الانسانية
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
الاخت ممكونة سلامات
ما اجمل قصة جين وإيريك وحبهم الطلع اقوى منهم
الحمدلله جين عرفت البحيرة دي كانت في صفها
ويمكن كان إيريك بعاين في خيال وجهها المعكوس في موية البحيرة
عشان كدة السمكة حنت عليهو ..ورجعتهم لي بعض
بمناسبة الحجاز ليهو عكاز
في مرة كنت وسيط خير بين زوجين وكانت الزوجة عزيزة علي شااديد
كنت واقفة في صفها جبتهم الاتنين عشان اصلح بينهم لكن طلعت ملكية اكتر من الملك
بعد ماآنا اتكلمت الزوج كان زعلان شااديد ما ردى علي قمت انا طوالي قلتهو ما دام سكت خلاص طلقها
وبسرعة شاااديدة ردت علي الزوجة هيي ما قدر ده ....ومن ردها ضحك الزوج
واتصالحو وكان العكاز فوقني اني تاني ما ادخل بين المحبين .... مهما حصل بينهم
اصلو المحبين الحنان لا بنسوا لا بتحولوا
وكمان الزوجة جات نصحتني قالت لي وصية مني ليك لما تزوجي لازم تطولي بالك ما تجيبي سيرة الطلاق
طوالي ...شفتي يا ممكونة عكازي كان كبير كيف
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
سبحان الله
تخيلي نفس الكيس ده حصل لي صاحبنا في جدة..
دينو وايامنو بحر المالح..ويموت لامن تمرق سمكة ملونة..
خطيبتو رمت الخاتم في البحر لانها زعلانة منو وماغيرانة من البحر..
بعد سبعة يوم بالضبط من رمية الخاتكم في لموية هي كبيرة فتخلد في صورة ولاهي صغيرة تعاد الى البحر ..
مشى البيت فتح بطنهاعشان ينضفها..
مالقى اي خاتم..
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
العزيز ابو بكر سلامات
التحايا لاسرتك الجميلة
يا ممكونة عن اذنك اطلع شوية من موضوعك
والله ياباشمهندس الايام الاولى باخد 3 ساعات ماشي
و3 جاي ..
دي مطرة ما حصلت غايتو من فترتي القصيرة الفي الامارات
ما شفتها سكرتيرتنا المكرهاك في اسالتها في التلفون قالت لي دبي
فاتت كيرا في المطرا
تقول شنو يا باشمهندس الزوجة حشرتني لكن ندمت على حشرتي
عشان كده قالت اطلعي منها قبل تخربيها...
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
| Quote: ما شفتها سكرتيرتنا المكرهاك في اسالتها في التلفون قالت لي دبي |
دي لسه في حتي مع المطرة برضو في ؟؟؟
انتي صاحبتك النوم الكاتلا شنو ؟؟معقولة تكون نايمة الاسبوع كلو ؟؟؟
معليش ممكونة دييل "ناسنا" ....
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
ممكونة ....
حمد الله على السلامة ... طولتي علينا الغيبة ... ووحشتينا ...
وبكري ما عاوز يرجع لينا الماسنجر عشان نسالك من اخبارك ...
ياخي تاني ما تقطعي قدر دة ...
| Quote: انتي صاحبتك النوم الكاتلا شنو ؟؟معقولة تكون نايمة الاسبوع كلو ؟؟؟ |
صااااااااااااااااااحية من الدغش  ...
عشان صاحبتي الحاقدة كركبت ما خلت باب دولاب ولا لمبة ما فتحتهم في راسي .. غايتو السبت دة محسوب علينا اجازة سااااااكت ...
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: رأفت ميلاد)
|
حمدالله على السلامة ياممكونة والله فقدتك ووحشتنا طلتك وكلامك الموزون
بعدين يازولة يا راقية مش فى شبه اتفاق بينا عشان تلك التمارين؟
ده من السنة الفاتت اتفقنا نفتح مدرسة التلاميذ فيها مدرسين ومدرسات والمدرسين والمدرسات تلاميذ وتلميذات..
اها انتى جيتى وانا بقيت بين فكىّّ الزمن!!
ومع ذلك لابد من الموضوع {تمارين يوقا لاجل الحياة}-التسجيل عند ممكونة
غايتو انكربى معاى عشان نفتش احشاء السمك الجوانا دى ونشوف المصائب الفيها
| Quote: الله يسامحا السمكة دى .. بعد ما الراجل إرتاح .. |
غايتو جنس حساده عليك يارأفت - الراحة بتكون متبادلة ولحين وبعدين كل واحد فيهم يمشى يفتش بطن السمك كلو لحدى مايلقى شىء بيلمع ويمسك فيهو
-------------
ياسناء حقو تشكرى منى انها كركبت فى رأسك من الصباح عشان تصحى- حاولى استمتعى بالحياة وانتى صاحية
النوم ملحوق يابت امى
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
| Quote: يا ابوبكر يا ارتاحوا الاتنين او ما ارتاحوا الاتنين- راحة فرادية مافى |
اكييد يا صديقتي فالعلاقات الانسانية عموما يجب ان تكون win-winوان فشلت لسبب او اخر فهي خسارة للطرفيين ولذا كثير من التفاهم والتنازلات والاحترام والمودة امور جد ضرورية لاستمراريتها...
| |
|
|
|
|
|
|
|
|
 Re: الطلاق...قِسمة و نَصيب..!!! (Re: mamkouna)
|
الأحباب...
* أبو جهينة....
* نعوم آل كابوني....
* أبو بكر...سؤالك عني..بيرفع روحي المعنوية...كيفك مع فينسيا الخليج؟
* إنعام عبد الحفيظ...
* منى علي الحسن...
* دكين...
* العوض الطيب..
* طلحة عبد الله..
* ملكة سبأ...
* سناء جعفر..
* رأفت ميلاد..
* إشراقة مصطفى..
مشتاقة ليكم/ن...عدييييييييييييييييييييل كدا...
أكمل القصة و أرجع ليكم/ن بالتفصيل.
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
أسرٌت إليٌ إحدى صديقاتي بأن زوجها قد قام بطردها من منزل الزوجية في جنح الليل بعد أن قام بضربها و ركلها و سبٌها و شتمها بأقذع و أبشع الشتائم...و أنه عادةً ما يلجًأ لإسلوب الضرب و الإهانة كلما فشل في التحاور و النقاش...
نصحتها - بكل صدق - أن تسارع بالإنفصال عنه...و شجعتها - صادقة - على بدء حياة جديدة دونه و دون إمتهانه لإنسانيتها...
أرٌقتني قضية صديقتي عدة ليالي...
حتى أمس...
حينما صادفتها هي و زوجها في مكان عام..و كل علامات السعادة و الإستقرار حولهما...
تحاشت صديقتي النظر إليٌ...
بينما كانت نظرات زوجها تؤكد أنه يتمنى رؤيتي - مشوية - على طبقٍ من صفيح...!
-------------
عليكم الله مُش الطلاق..قسمة و نصيب...
و...
الحجٌاز..ليهو مليون عكاز....؟؟؟!!!
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
| Quote: خصوصاً الحجز بين إتنين بيحبوا بعض و بيتناقروا كدة كنوع من كسْر جمود العلاقة. |
عزيزي أبو جهينة...
على ضوء قصة صديقتي..
هل يمكن إعتبار الضرب و الركل و الطرد و السب و الشتم.....
نقار..أو..حب...أو...كسر لجمود العلاقة...؟!!!!!
-----------
* كل سنة و إنت طيب..
ربنا يخلي ليك ياسمين و هند...و تعيشو و تفتكرو.
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
| Quote: أسرٌت إليٌ إحدى صديقاتي بأن زوجها قد قام بطردها من منزل الزوجية في جنح الليل بعد أن قام بضربها و ركلها و سبٌها و شتمها بأقذع و أبشع الشتائم...و أنه عادةً ما يلجًأ لإسلوب الضرب و الإهانة كلما فشل في التحاور و النقاش... |
انا بصراحة بفشل في تصور امر كهذا ؟؟ كيف يعني يضربها ويركلها ويسبها ويطردها من منزلها في جنح الليل ؟؟ انا لا افهم اي علاقة انسانية بين اي اتنين دعكم عن اهم العلاقات الانسانية-الزواج- تكون بهذا الشكل ؟؟ اسمع عن مثل هذه الحالات في القصص والسينما وللان لا اتخيلها ؟؟ حتي مجرد التلاسن بين الزوجيين لا اتصوره .. لست استثناء في هذه الدنيا فالمجتمع الذي عشت فيه وانا منه لم اري فيه مثل هذه العلاقة المشوهة ؟؟ هذه بالتاكيد علاقة مشوهة والطرفيين بهما تشوه ما يجعل احدهما يرتكب كل هذه الجرائم والاخر يقبل ...الطلاق ليس اسوء من هذه العلاقة والمولي عز وجل اباحه بحكمة لمثل هذه الحالة ..بالله يا ممكونة ما تقولي لهذه "صديقتي" ؟؟
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
الغالية ممكونة
مشتاقين كتير
كيف أخبارك
Quote:
___
الحجٌاز..ليهو مليون عكاز
____
|
أنا معاك مليون في المية
لكن الموضوع كلو بتوقف علي القدر ...إذا أمر إنو الناس دي تتلاقي تاني
والامور تهدأ بيناتهم ...وأمر إنو الناس دي تبدأ من جديد
مافي قوة في الأرض ممكن تمنع البداية
مودتي
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
| Quote: لا اظن ان الغيرة في كل احوالها ضارة فهناك غيرة تجعلنا نجتهد وغيرة تجعلنا نحب شركاؤنا في الحياة اكثر ودون "اختناق" وغيرة تجعلنا نعمل خيرا اكثر وهكذا |
| Quote: تنازلات متوازنة هي النتيجة المطلوبة لاستمرار اي شراكة بنجاح |
| Quote: فالعلاقات الانسانية عموما يجب ان تكون win-winوان فشلت لسبب او اخر فهي خسارة للطرفيين ولذا كثير من التفاهم والتنازلات والاحترام والمودة امور جد ضرورية لاستمراريتها... |
| Quote: هذه بالتاكيد علاقة مشوهة والطرفيين بهما تشوه ما يجعل احدهما يرتكب كل هذه الجرائم والاخر يقبل ...الطلاق ليس اسوأ من هذه العلاقة والمولي عز وجل اباحه بحكمة لمثل هذه الحالة |
شكراً يا باشمهندس على الحِكَم العميقة.
كل حِكمة تستاهل تتعلق في لوحة.
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
العزيزة ممكونة (إسمك قاسي بجد )
سلامات ومحبة..
قصتك الأولى فيها أمل عشان المياه تجري تاني بين الزوجين.. وياريت ما يتخرب بيت
أما قصتك التانية فهي (الزبدة) في عدم الحجز بين الحبايب..
قريت قصة من زمن لجدة إيطالية بتوصي في بت بتها إنها تاني ما تجي تشتكي ليها من زوجها.
لأن البت بعد يومين حتصالح الزوج وهي يبقى شكلها وحش.
وإتخيل لي الحكمة دي ممكن تفيد في المنبر هنا برضو ..
..
حسب خبرتي المتواضعة في الإفتاء في هكذا أمور (حلوة دي ). افتكر إن الطلاق ليس كله بغيضا.
فمن الأفضل ان ينفصل الزوجان بدلا من الحياة في جحيم
عندي صديقات مطلقات. أحترمت قرارهن لأنه لم تكن هناك حياة بينهن وشركائهن.
الحلو عندي صديقتي الأنتيم والبحبها بمووت إتطلقت 3 مرات. ولسة نفسها تتزوج تاني عشان عندها أمل في حياة سعيدة
* غايتو انا لو عرًستا ما بتمنى أطلًق. ولو الحياة بقت مستحيلة أتمنى إنه يختفي في ظروف غامضة
لا.. لا.. ما حأقتله ولا يموت
بس يخطفوه جماعة في العراق ..
ودي
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: Raja)
|
Quote: أسرٌت إليٌ إحدى صديقاتي بأن زوجها قد قام بطردها من منزل الزوجية في جنح الليل بعد أن قام بضربها و ركلها و سبٌها و شتمها بأقذع و أبشع الشتائم...و أنه عادةً ما يلجًأ لإسلوب الضرب و الإهانة كلما فشل في التحاور و النقاش...
نصحتها - بكل صدق - أن تسارع بالإنفصال عنه...و شجعتها - صادقة - على بدء حياة جديدة دونه و دون إمتهانه لإنسانيتها...
أرٌقتني قضية صديقتي عدة ليالي... |
صاحبتك يا كضابة يا مازوكية!
اخطر شئ ان تسمع الرواية من طرف واحد وتصدقه!
جنى
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: Ahmed al Qurashi)
|
الفاضل أحمد القرشي..
سلام وتحية..
يعني الغتاتة والضرب الفي القصص الفوق دي كلها ما إرهاب ..؟
ههههههههههه
عنيت إنو زولنا يختفي في ظروف غامضة. إنه الجماعة لما يخطفوه يفقد الذاكرة وكده..
ويقوموا يفرجوا عنه، لكن ما يعرف يرجع وين.
شكله حنعمل فيلم هندي عندك يا ممكونة..
تحاياي
| |
|
|
|
|
|
|
|
|
 Re: الطلاق...قِسمة و نَصيب..!!! (Re: mamkouna)
|
رسالة مستعجلة إلى ( جني ) :-
أرجو - إذا سمحت - تعديل السطر الأول من مداخلتك...من..
Quote: صاحبتك يا كضابة يا مازوكية!
اخطر شئ ان تسمع الرواية من طرف واحد وتصدقه!
جنى |
إلى:
| Quote: صاحبتك يا إما كضابة... يا إما مازوكية... |
فقد كان لمداخلتك أصداء غريبة..
فقد ظن الكثيرون/ات أنك تتهمني أنا بالكذب و المازوكية.
ودي و تقديري
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
| Quote: والزواج الذي يكون بعيداً عن الإحترام والفهم المتبادل لا يكتب له النجاح الحقيقي |
شكراً يا إنعام عبد الحفيظ على مشاركتك..
زواج..نَسَب..صداقة..أبوة...بنوة..أمومة..زمالة..جيرة....إلخ
الإحترام..
الإحترام..
الإحترام..
ثم..الإحترام..
هو أساس أي علاقة إنسانية ناجحة.
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
Quote: واتصالحو وكان العكاز فوقني اني تاني ما ادخل بين المحبين .... مهما حصل بينهم
اصلو المحبين الحنان لا بنسوا لا بتحولوا
وكمان الزوجة جات نصحتني قالت لي وصية مني ليك لما تزوجي لازم تطولي بالك ما تجيبي سيرة الطلاق
طوالي . |
كمان بقيتي في محاضرات و لكاشر يا منى...
يبدو أن مشكلة أصحابك ديل كانت بسيطة و تحتاج لدفرة بسيطة من الجانبين..
لكن ما زلت أؤمن بأن مشكلة صديقتي لا حل لها سوى الإنفصال....
لكن ما قاله جني قد يكون حقيقياً..
قد تكون مُبالغة في وصف ما تعانيه..
قد تكون للقصة أبعاد أخرى لا توجد إلا عند الطرف الآخر..
قد يكون كلاهما مريض..لذلك إنسجما سوياً..
قد يكون لرجوعهما أسباب يعلمانها هما فقط..
في كل الأحوال...ما زالت في قلبي غصة!
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
_______
أسرٌت إلى صديقة أخرى (( غير الفاتت )) بأنها تتضايق و تغير أشد الغيرة من علاقة زوجها بالكومبيوتر و النت!!
و أنه يقضي ساعات و ساعات صامتاً أمام شاشة الكومبيوتر دون أن يتفوه معها بكلمة..
نصحتها بأن تشاركه هوايته...
و قد كان..
عرفت صديقتي دروب و دهاليز النت و المنتديات و التنابر و التزحلق على الصفحات الإسفيرية...
صار كلما حمل لاب توبه..هرعت هي إلى لاب توبها...
كلما إنغمس في عالمه الإسفيري...سارعت هي إلى عالمها...
و بالأمس فقط..
جاءني زوجها شاكياً باكياً....من إهمالها له....و إنغماسها في أسافير بعيدة عن أضابيره !!!
-------
* التسوي كريت في القرض...تلقا في جلدها!!!
_______
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: طلحة عبدالله)
|
Quote: الأحباب...
* أبو جهينة....
* نعوم آل كابوني....
* أبو بكر...سؤالك عني..بيرفع روحي المعنوية...كيفك مع فينسيا الخليج؟
* إنعام عبد الحفيظ...
* منى علي الحسن...
* دكين...
* العوض الطيب..
* طلحة عبد الله..
* ملكة سبأ...
* سناء جعفر..
* رأفت ميلاد..
* إشراقة مصطفى..
مشتاقة ليكم/ن...عدييييييييييييييييييييل كدا...
أكمل القصة و أرجع ليكم/ن بالتفصيل.
|
ونحن كمان مشتاقين بالأكتر.
تعرفي نصيحتي لكل المتزوجين يتشاركوا أفراحهم مع كل الناس لكن يتقاسموا مشاكلهم بينهم الإثنين بس.
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: Elawad Eltayeb)
|
Quote:
فقد كان لمداخلتك أصداء غريبة..
فقد ظن الكثيرون/ات أنك تتهمني أنا بالكذب و المازوكية.
ودي و تقديري |
يا ممكونة يا اختى
انتى قلتى اسرت الى صديقتى!
وانا خاطبتك قائلا صاحبتك دى يا...
كيف اكون قاصدك انتى!
مفروض تفهمى الناس الفاهمة غلط وليس جنى!
هى اما كاذبة فى روايتها او مازوكية تستمع باهانة زوجها لها!
ولو قصدتك لقلت انك سادية تستمعين بتعذيب الاخرين!
وممكونة الرقيقة لم ولن تكون من هذا الصنف!
وانا راجيك بكوم من رسومات بنتى ستى ذات الثلاث سنوات!
افتح بوست ولا اخليهو!
ودمتى بالف خير
جنى
| |
|
|
|
|
|
|
|
|
 Re: الطلاق...قِسمة و نَصيب..!!! (Re: mamkouna)
|
أستاذة ممكونه
تحية واحترما
_______________________________________________
تسجيل حضور ومتابعة
لقصة الطــــــــلاق ... قسمة ونصيب
وفي بالى أنو أنجع ( حل ) لتعدّيل مسار الحياة ما بين شخصين أستحالة الحياة بينهم
أستغربت بحق للقصة ( الثانية ) فلا يمكن أن يكون الضرب والعنف تدخل ضمن مكونات علاقه تؤسس على السكينه والمودة والرحمة ....
***
المكرم / العوض الطيب
| Quote: تعرفي نصيحتي لكل المتزوجين يتشاركوا أفراحهم مع كل الناس لكن يتقاسموا مشاكلهم بينهم الإثنين بس. |
الكلام ده نصيحة ذهبية ومن أ , ب , ت , ث لاى زواج ناجح ....
أو في نيتوا ( ينجح ) لانوا بسد باب ( الريح ) اللازم يتسده عشان الناس تستريح
___________________________
ولك خالص تقديري ,,,,,,
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
الأحباب..
قريبي تاج السر الملك...
الحبيبة القريبة نجوان...
الرقيقة نها محسن أبو راس..
العزيز الغالي...سجم جم...
عروسة المنبر رجوية...
صديقنا و طبيبنا...أحمد القرشي...
الأعزاء طلحة و العوض...تاني..
عبد الناصر الخطيب...
و..
الزول الفاهم...جني..
و كل سياد و زوار البوست..
شرفتونا و آنستونا...
سنة سعيدة عليكم/ن جميعاً..
بالهجري و الميلادي و القبطي و الصيني...
أكمل مِحَن صاحباتي و أرجع ليكم/ن بالتفصيل...
خليكم/ن قُراب.
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
صديقتي ( س ) ..غير الإتنين الفاتو...أستاذة جامعية...مثقفة..متحدثة..لبقة..
زوجها ( م ) سياسي سابق و رجل أعمال حالياً...
تزوجا عن حب و عاشا سوياً حياة زوجية مستقرة...
حتى تناهى إلى سمعها أن زوجها على علاقة بإحدى موظفاته..
لم تترك نفسها للشائعات...واجهت زوجها بما سمعت...
لدهشتها قذف في وجهها حمم بركانية..
(( أيوه أنا بحب ( س )..و عارفة ليه؟ لأنها أنثى مكتملة الأنوثة..بحس معاها بكامل رجولتي..
أنا و إنتي بقينا زي الساكنين في ميز...بتلبسي بنطلوناتي ... بجد صعوبة في معرفة قمصاني من قمصانك..
سجارتك قصبة..و شيشتك مدعلبة..ما فضل ليك إلا حُقة الصعوط...
ياخي أنا عاوز زوجة...مُش عتٌالي )) !!!!
لم تحتمل ( س ) ما سمعته..
إنفصلت بهدوء عن زوجها..
بالأمس فقط ...
شاهدتها هي و زوجها الجديد....
كانت ترتدي أحدث موضات التياب و قد تلٌون جسدها بكافة ألوان ( الكَبَريت ))..!!!
--------------------
* أسمع كلام ( الببكيك )...ما تسمع كلام ( البضحكك )..!!
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
الفضلى ممكونة
الزواج ارفع واسمى علاقة بين طرفين
وعندما يحدث فيه الضرب والركل يصبح شيء اخر
غير زواج, نفرين ساكنين مع بعض فقط
تخيلي زواج مثل هذا ماذا نتاجه
ليس هناك زواج دون خلاف ايضا ليس هناك زواج مع
الاهانة والاذلال
لذا الطلاق احيانا نعمة كبرى للطرفين ولاسرتهما
اخر سطر
المشكلة في الاساس اذا صح صح المبنى
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: محمود بكر)
|
Quote: لدهشتها قذف في وجهها حمم بركانية..
(( أيوه أنا بحب ( س )..و عارفة ليه؟ لأنها أنثى مكتملة الأنوثة..بحس معاها بكامل رجولتي..
أنا و إنتي بقينا زي الساكنين في ميز...بتلبسي بنطلوناتي ... بجد صعوبة في معرفة قمصاني من قمصانك..
سجارتك قصبة..و شيشتك مدعلبة..ما فضل ليك إلا حُقة الصعوط...
ياخي أنا عاوز زوجة...مُش عتٌالي )) !!!! |
ممكونة سلامات
شايفاك مثلتي لكل ما من شأنه ان يكون (سببا محتملا) للطلاق او الخلاف بقصة (سهلة الهضم)
اسلوبك جميل واتراكتيف
ألذّ ما مر بيّ عن الطلاق
* عنوان لبوست (في منتدى وهم كدة): الطلاق وطرق الوقاية منه
* تعليق لزوجي وانا بحكي ليه عن ما يسمونه الان (الطلاق الالكتروني) ، قلتا ليه دي واحدة قالت اتعرفت عليه بالنت وطلقها بي ايميل، فرد عليّ (مازحا): (يذهب الزواج من حيث اتى)
* زولة في الحلة جات تحكي: فلانة طلقوها، كلنا: هااااا لييه؟ والله الزواج ما اتوفق معاها
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: Shayma)
|
ممكونة الحنونة !!!
محبتي ,,,
بوست رائع جدا وهذا ما تعودناه منك دائما فيم يتعلق بصديقتي العجيبة طبعا هي ما براها كل أغلب
النساء كدة يعني لو جات واحدة اشتكت ليك خليك محايدة لأنها بكرة بتنسى موضوع راجلها واللوم بقع
فيك إنت عشان كدة ما تدخلي بين البصلة وقشرتها !!!
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: عواطف ادريس اسماعيل)
|
قالت لها صديقتها : أراك جزلة حبورة ورشيقة.
أجابت : قمت بأعظم رجيم في التاريخ وأنقصت 80 كجم من وزني.
صديقتها في اندهاش: كيف؟
أجابت : طلقت زوجي.
( دي ياممكونه من حكايات محمدالمرتضى)
Quote: عنيت إنو زولنا يختفي في ظروف غامضة. إنه الجماعة لما يخطفوه يفقد الذاكرة وكده..
ويقوموا يفرجوا عنه، لكن ما يعرف يرجع وين. |
الأخت رجاء،
تعرفي يا رجاء من البنسمعوا عن عمايل بعض الزوجات لولم يفقد المخطوف ذاكرته حايعمل فقدها،
يعني زي ما بيقولوا شباب الزمن ده يعمل (خارج الشبكه) او يعمل (رايح) لكن برضومن حدوتة محمدالمرتضى اللي فوق دي يتضح انو (الشعور متبادل) والرجال ما براهم الممكونين*.
----
* المصطلح لا ينتسب لممكونه.
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
الأحباب....
* الأخ الكريم محمود بكر...شكراً على نصائحك و كلامك الحكيم.
* العزيزة اللذيذة شيماء...يبدو إنو صديقاتي كلهن الزواج إتلوٌم معاهن.. ((((-:
* عطوفة الولوفة...كان ما دخلتَ بين البصلة و قشرتها..بقدر كيفن أتم البوست..!!!
* طبيب القلوب...صاحبك مالو شغال من منازلهم..
خايف من الريجيم؟؟!!!
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
______
تزوج ( م ) - زوج صديقتي السابق - من موظفته التي أحبها....أنجب طفلين..و..إنقطعت أخباره عنا...
حتى قابلته أمس..!
كان كمن شاخ أو هَرِم قبل الأوان..يسوق خطاه ببطء و على وجهه ملامح حزينة.
دون الدخول في تفاصيل..صارحني ( م ) بأنه يفتقد صديقتي ( س ) للغاية..
(( مشتاق لونساتنا..مشتاق لنقاشاتنا..مشتاق لمشاكساتها..
مشتاق لذكاءها المتقد و ردودها سريعة البديهة..
مشتاق لتقاربنا الفكري و حياتنا الثقافية الثرة...
زوجتي الحالية..متعلمة لكنها غير مثقفة...جامعية لكنها سطحية للغاية..
تفتكري ( س ) بترضى ترجع لي ؟؟؟!!! )) !
أخبرته أنها تجاوزت أحزانها و تعيش فترة ذهبية من حياتها..مع رجل يحترم عقلها و يشاركها همومها و أحلامها...
لم أخبره عن كبرتتها الجسدية التي فاقت كبرتتها الفكرية...
ضربتين على الدماغ..توجع!!!
-------------
* الطمع..ودٌر ما جمع..!!
_____
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
| Quote: ضربتين على الدماغ..توجع!!! |
لو كان لقي ضربات كتيرة توجع دماغو الاناني ربما كان حالو اتصلح ...هو بنات الناس لعبة عايز دي لجمالها ودي لعقلها.. شنو اصلو ؟ "مجي ماركت " ؟؟زي ما بقولو الهنود (سوق سمك؟ يعني )..
| |
|
|
|
|
|
|
|
|
 Re: الطلاق...قِسمة و نَصيب..!!! (Re: mamkouna)
|
ممكونة
ازيك
غايتو حيرة صاحباتك ورجالن وتأرجحن بين المتناقضات دا ما غريب ، على ناس تشبعو بثقافة اهلنا ناس وسط وشمال السودان (حمالة الأوجه )
بي جيهة العيال قيد الهوان
وبي جيهة الطلاق عز بنات الرجال
غايتو ربك يهدي الاسرار
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: عبد الناصر الخطيب)
|
| Quote: كانت خاتم زواجه من جين ملتفاً حول فم السمكة....قام إيريك بالاتصال بأصدقائه و روى لهم ما حدث...قاموا هم بدورهم بالاتصال ب جين و أخبروها ما حدث... |
ممكونة اذيك....
بالله شوفي اللفة دي ....السمكة....الخاتم....قام إيريك بالاتصال.....و روى لهم....قاموا هم بدورهم بالاتصال.....جين....
في داعي الناس دي كلها تعرف...هسي من الأول ما كان جين تدس الخاتم في محل بتعرفو هي بس...
في مثل بيقول ليك الواحد ما بيعرف قيمة الشي العندو الا يفقدو...وده الحصل للزوج تماماً..
كمان في أشياء في الحياة الزوجية لا يفهمها الا الزوجين فقط...ولا تقاس بيوم أو ليلة وانما هي (عشرة عمر) وحيكون كل زول فهم فيها التاني كويس...وحيقررر بعدها الإستمرار أو لا !!!!
وكذا نقول...
هي الأقدار يا ممكونة...هي الأقدار أن يلتقوا ثانية..
وفعلاً كل شي قسمة ونصيب..
ودي...
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: Tragie Mustafa)
|
ممكونة كيييييييييفك
والله قصة بحيرتك دى بتذكرني ازاعة البي بي سي كنت طوااااااااااااالي بسمع ليك فيها لحدى السمحة زعلت منى وقالت لى شوف ولا انا ولا ماجد سرحان .
طبعا في ناس كتيرييييييييييييييين هنا عاملين ليك الرموت كنترول سبب وزمان البي بي سي سبب .
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
رد إستثنائي...لإمرأة إستثنائية :-
العزيزة جداً..الجندرية..
سعيدة أنا للغاية بمداخلتك و مشاركتك..
لو لاحظتي أنا أغفلت تماماً ذكر أطفال صديقاتي في قصصي..لعلمي التام أن ما ذكرتيه عن أمثالنا الشعبية صحيح 100 %..
العيال قيد الهوان...أو كما تقول حبوبتي...الجنا قوٌاد الهوان..
أمثال تُرسخ فكرة أن تتحمل الأم ما تتحمله..و تضوق المُرٌة عشان أطفالها...رغم عِلمنا التام أن للأطفال رادار خاص يكشفوا من خلاله درجة التوتر أو الإنسجام بين آباءهم و أمهاتهم..و عِلمنا أيضاً أن إنفصال الزوجين قد يكون لمصلحة الأطفال..كما في حالات الضرب و الشتم و غيرها من أشكال العنف اللفظي و الجسدي...
أطفالنا و الطلاق...مادة قد تصلح لبوستات منفصلة يطول فيها الشرح و التفصيل..
أردت هنا فقط أن ألقي الضوء على مختلف أشكال الحياة الزوجية ...
أؤكد على ضرورة فتح قنوات حوار و مصارحة تامة بين الزوجين...
أتساءل عن جدوى الطلاق..
و أحكي أيضاً عن مساويء و بعض مزايا الطلاق!
شكراً ليك مرة تانية و خليكِ قريبة.
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
الأحباب..
أبو بكر..
عبد الناصر الخطيب..
سلمى صبحي..
تراجي مصطفى..
الطيب شيقوق..
أهلاً و سهلاً بيكم/ن..
شكراً جزيلاً على مُداخلاتكم/ن و مُساهماتكم/ن الثرة..
كدا بقيتو سياد البوست....
خليكم/ن قُراب.
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
العزيزة ممكونة
يطيب مساك وكل ايامك
| Quote: أطفالنا و الطلاق...مادة قد تصلح لبوستات منفصلة يطول فيها الشرح و التفصيل.. |
موضوع مهم جدا وبيحتاج فعلا لمواجهة سوى فى حالة الطلاق او الانفصال
امس التقيت فى البريك بتاع وجبة الغداء صديق كردى- فنان تشكيلى وواعى جدا، لم نلتقى اكثر من ستة سنوات، بدأت الاسئلة تتقاطر عن الحال والاحوال...
فلان، صديقنا التركى انفصل
صاحبتنا العراقية فرتكت زمان وعرست تانى
صديقنا المغربى شرد بجلدة بعد ماتعب من التنزه مع كلب زوجته النمساوية {توزيع واجبات وكدى}
صديقتنا التونسية برضو انفصلت بعد عشرة سنوات زواج كانت مضرب مثل
صديقنا من بيرو والمن رواندا والمن,,,,,,
الهجرة والطلاق!! هل هى الشماعة التى يعلق عليها الكثير منا ازماتهم وانهيار علاقاتهم؟
ازمة الاطفال المولودين فى المهجر وبيعايشوا التجربة دى؟
كان من ضمن الحضور صديق لصديقنا الكردى- مخرج مسرحى، حكى ان 50 اسرة عراقية تعيش تجربة الطلاق بعد اقل من عامين من الهجرة...
ونحنا بنحكى اتزكرت تفاصيل انتى حكيتيها هنا وهى مختلفة عما نعيشه فى مهاجرنا، الطلاق وانهيار العلاقات والرهان الممكن يكون الزول راهن عليهو عمره كلو ينهار قدامك- دى حااااااااااارة والله
حا ادرس فى السمستر الصيفى ماده ضمن مادة سياسات الهجرة واوضاع المهاجرين مادة بعنوان {الطلاق فى المهجر} - {الكبر والموت فى المهجر}- قضايا لابد من مواجهتها ودراستها يتروى
--------------------
ملاحظة: هل الطلاق فعل ذكورى فقط؟ هل المرأة ضحية فى هذا الشأن؟ اقول لا - ولى رؤيتى التى اعتقد انها موضوعية
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
رد إستثنائي آخر..لإمرأة إستثنائية :-
الصديقة العزيزة..إشراقة...
الهجرة و الطلاق...الطلاق في المهجر..أزمة أطفال المهجر بعد الطلاق...و غيرها..
مواضيع دسمة تحتاج لبوستات مخصصة...و نقاش مدعم بأمثلة و نماذج حية بالإضافة لدراسات و إحصائيات..
يا ريت كمان نتكلم عن الطلاق بعد الرجوع إلى أرض الوطن...دي مجرد ملاحظة شخصية..لاحظت إنو كثير من الأزواج بتحصل بينهم مشاكل بعد قرار العودة للوطن...لمشاكل مادية ربما..لمشاكل إجتماعية ربما..لعدم قدرتهم على مسايرة الظروف و إسقاط كل إحباطاتهم في بعض ربما..
أعتقد أنه برضو موضوع جدير بالنقاش.
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: mamkouna)
|
ممكونة لو سمحت ارفعي يدك من البوست ده لحظات اديني سحبه في الرطاني ده انا من قبييييييييل بفتش عنه اتاري بهنا.
هيييييييييييييع الليلة بسوّد ختوتك يا الرطاني ( بسوّد ختوتك) تعني باللغة العربية - يا الرطاني - مشيناها خطا كتبت علينا ومن كتبت عليه خطا مشاها .
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: abubakr)
|
| Quote: اها يا خلق الله منو الرطاني ؟؟؟ لغة شنو دي الكلها مشاويير ؟؟؟ |
الحمد لله هنالك تطور ملحوظ في استيعاب اللغة العربية الفصحى
لكن اكان الواحد شلع بيك - زى داكي الليلة صوب الدارجية- بتمرق املس الا يتلافوك بسماعات ترجمة سريعة .
هيييييييييييييييع النجم الساحلي
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: الطيب شيقوق)
|
| Quote: الحمد لله هنالك تطور ملحوظ في استيعاب اللغة العربية الفصحى |
لغة ما استوعبت جيوبنا مين قالك عايز اطورها .. البعرفو دة من الدرسونا ليهو غصب عشان ما نرطن ( اها اي كلام ما بعرفو العرريب بس يشبهوه بصوت الجمال يعني حتي شوية خيال ما في )...
| |
|
|
|
|
|
|
|
|
|
Re: الطلاق...قِسمة و نَصيب..!!! (Re: abubakr)
|
طلاق شمسن تناور
من مخاض فجرية
بعد الليل
سقا العينين
بساط
ضلمة..
تنهزر نورة
في طل الصباح
لثغة..
وشجرة حيرة
في عصفور
ركّت في خيالو
الخصب
طلق جنحينو في
الغربة..
ومرّن روحو
في التوهان..
لا وين عاد
شواهينك تطارد
الريح..
تزوق في طاقة
الشريان..
ويتسرسر نغيم
حفيان..
يوحوح جوف
بطانة الصي
| |
|
|
|
|
|
|
| |
mamkouna
ابو جهينة
Gazaloat
abubakr
انعام عبد الحفيظ
Elawad Eltayeb
طلحة عبدالله
ملكة سبأ
رأفت ميلاد
Ishraga Mustafa
Tagelsir Elmelik
نجوان
نها محسن أبورأس
سجيمان
Raja
jini
Ahmed al Qurashi
Shayma
عواطف ادريس اسماعيل
الجندرية
salma subhi
Tragie Mustafa
الطيب شيقوق
kamal ali
فيس بوك
تويتر
انستقرام
يوتيوب
بنتيريست