|
Re: العمدة ود هباني .. مبروك .. البغل رحل (Re: Salah Abdulla)
|
العزيز صلاح عبد الله
مبروك علينا انو (سعادتو) البغل رااااح فيها! و عقبال عند عبد الرحيم الحرامي (ابو ريالة)!
Quote: غايتو أنا لو في محل الضيف التاني (الزول المسيكين) داك ، (سعادتو) ده إلا يمرقنو كرعيه..
|
انت كان كدي ما دام بتعضي ولا بتفكم عديل اخير منك هباني!
مودتي واحتراماتي ولي قدام.
| |
|
|
|
|
|
|
Re: العمدة ود هباني .. مبروك .. البغل رحل (Re: هشام هباني)
|
Quote: ســـؤال لناس العينة الأولى: هسي أمانة في زمتكم دي ، أسلوب هشام ، والا أسلوب البغل ده ؟؟؟ |
الاخ صلاح عبداللة ســــــلامات
اها سؤالك دا زول دخل علية مافى
اتقول انت كاتبو بى الاوندى
وكمان اسمة صــــــــــــــــــــــــــــــــــــــــــلاح
| |
|
|
|
|
|
|
Re: العمدة ود هباني .. مبروك .. البغل رحل (Re: Adam Omer)
|
الاخ ( صلاح عبدالله ) .. اختلف معاك في ما ذهبت إليه .. واري في حديثك الكثير من ( خلط الاوراق ) .. لا يختلف اثنان في مسألة ( مناهضة الحكومة الحالية ) .. او ( محاربة الفساد ) .. او اي شكل من اشكال ( النضال ) يستفاد منها في هذه المرحلة .. والنقطة الجوهرية في ( مناهضة ) اي نظام .. هي ( طرح البديل ) .. عندما يكون هذا ( البديل ) المقترح .. يحارب في ( قيم المجتمع واخلاقه ) .. بكل بساطة ( جناً تعرفو ولا جناً يجي يخنقك اكتر ) ..
.. ..
نحن نتعامل مع ( ازمة وطن ) .. وللاسف الشديد نتعاطى مع هذا الامر بكل ( سطحية ) .. واقرب مثال لذلك ( هشام هباني ) .. لو كان في الامكان تخليص السودان من ( الانقاذ ) بطريقة ( هشام هباني ) .. فيعني ان السودان دا حاجة ( وضيعة ) وما بستاهل .. يكفي انه كل واحد ( يفك تكة سرواله ) .. وانشاء الله ( الديمقراطية ) بترجع .. ما يفعله ( هشام هباني ) .. هو هدم ( للقيمة الاخلاقية ) لدى الشعب السوداني .. ليساهم مع هذه ( الحكومة ) في هدم الانسان السوداني .. عشان كدا دايما بنقول انه مشكلة السودان في ( ناسه ) قبل ما ربنا يسلط عليه ( العسكر ) .. ( هشام هباني ) يستند علي ( تاريخ نضالي ) .. وهو ( الراوي ) لهذا التاريخ .. وعلينا نحن ان ( نصدق ) ذلك .. ونعتبر ان هذا الشخص وصل الي مرحلة ( السمو النضالي ) البتيح ليهو يجي يقول لينا ( اركبوا هنا ) ..!! والما بركب .. يعني ما ( وطني ) ..
.. ..
الرسول الكريم علمه الله كيفية مخاطبة ( الكفار ) .. ( اُدْعُ إِلَى سَبِيلِ رَبِّـكَ بِالحِكْمَةِ والمَوْعِظَةِ الْحَسَنَةِ وَ جَادِلْهُمْ بِالتِيْ هِــيَ اَحْسَنُ ) .. وذلك لاثبات ( اخلاق المسلم ) .. هشام هباني ما ( الرسول ) .. وحكومة الانقاذ ما ( الكفار ) .. ليه ما نحترم قيمة ( الاخلاق ) .. حتي لو الطرف التاني ما عنده ( اخلاق ) .. عشان ( البديل ) يكون طرح مقبول .. لازم يقدم ( الاحسن ) .. وألا الاتنين ما بلزمونا ..
.. .. الشئ المؤسف .. في الثقافة السودانية .. عندنا مبدأ ( التشجيع علي ارتكاب الحماقات ) .. الشافع من صغير دايرين نعلمه ( سب الدين ) .. عشان يعمل فيها ( راجل ) .. والبعمل زيطة ويفرتك حفلة جيرانه بنقول عليهو ( صنديد ) .. والزول الاحمق ( جعلي ) .. وهشام هباني ( عمدة ) ..
.. .. اخيرا .. انا ضد ما ينشره ( هشام هباني ) من عفن ..
| |
|
|
|
|
|
|
Re: العمدة ود هباني .. مبروك .. البغل رحل (Re: humida)
|
الأخ حميده سلام
شكراً على مداخلتك الشحمانة ما تطرقت له يحتاج لأكثر من بوست لمناقشته قصدت (تحديداً) تبيان أهمية مثل هذه المواقع ، باعتبارها نوافذ اعلامية في كشف كثير من السلبيات ، ومحاربتها بأي (أسلوب/وسيلة) متاحة وتغييرها ، وأتصور أن تطرق هشام لظاهرة (سعادتو) قد آتت أكلها (على الأقل في نظري) بغض النظر عن اتفاقنا أو اختلافنا حول أسلوبه..
شكراً تاني ..
_____________________ الزارعنا غير الله ، يجي يقلعنا ..
| |
|
|
|
|
|
|
Re: العمدة ود هباني .. مبروك .. البغل رحل (Re: humida)
|
ابننا الضايع في صحاري الغم حميدة
وانت مثلنا لا زلت ضائعا في المهاجر ولا اعتقد انك ستكون مدافعا عن الانقاذ لان مجرد وجودك كشاب خارج وطنك فهو واقع سيدحض اية محاولة لتجيير الوضع في داخل الوطن الذي لفظك الي خارجه والا ستكون منافقا او في افضل الاحوال احد العاملين تحت امرة النظام عساس بالخارج في مهمة ولا اعتقد انك ستفعلها لانك رجل شريف وبن اصول! اتفق معك جملة وتفصيلا فيما قلته في حقي وهذ راي يحترم ولا يدعي عمك هباني انه يحمل الحلول ولا الوسائل الافضل! فكلما جادت به عزيمة عمك هباني فقد فعلها وهي محاولة لا اعتقد في نجاعتها! واراك قد تقدمت كثيرا افضل من ذي قبل وقدبدات تساوي عمك والانقاذ! اذن الانقاذ في رايك سيئة واذن هنا نحن متفقون حول المباديء الاساسية ان الانقاذ شر وهباني اشر منها ولكن فقط اختلافنا في الوسائل فانت ترى وسائل هباني غير شريفة! اليس كذلك...اذا كانت اجابتك ببلي ( الله لا يخمك)! ارجو ان ترفدنا لو تكرمت بوسائلك الشريفةفي المقاومة والحلول التي تقترحها لنا كي نقاوم بها وربما هي الحل وبالتاكيد الحكمة ضالة المؤمن اني وجدها فهو اولي الناس بها! شكرا ابننا حميدة!
| |
|
|
|
|
|
|
Re: العمدة ود هباني .. مبروك .. البغل رحل (Re: هشام هباني)
|
شوف يا ( هشام ) .. أديك قاعدة جوهرية تختها قدامك قبل ما تجي تتكلم عن ( الانقاذ ) .. الزول الما عاش في السودان ما بين 92 الي 98 لا يعرف شيئا عن ( حكومة الجبهة ) .. البحصل هسع دا الاساس بتاعه اتعمل في الفترة دي .. هسع الناس شايلة ( موبايلات ) .. و ( الجكس ) ما يديك درب .. وكل يوم ( قناة ) جديدة .. الما ضاق ( الوجعة ) في الوكت داك .. ما ليهو ( الحق ) يجي يفتح خشمه ..
.. ..
للاسف الشديد .. جميع ( المناضلين ) شردوا قبل هذا ( التاريخ ) .. كما قال المثل المصري ( الجري نص الجدعنة ) .. وبعد دا كلو .. دايرين يجوا يعلمونا نتعامل مع ( الانقاذ ) كيف .. ويدونا دروس في ( الوطنية ) .. وين كنتوا ايام البيت بيكون فيهو مليون ( راجل ) عاطل .. وبت بتصرف علي البيت ( من وين ما معروف ) .. ووين كنتوا لمن دفارات ( الإلزامية ) .. بتجي تسك الناس في ( الدافوري ) .. ووين لمن تصحى الصباح .. وتحس انك داير ( تطرش ) دم .. من الواقع ( المهين ) العايش فيهو .. وبعد دا تجي يا ( هشام ) تقول لي اتحسنت .. يا سبحان الله .. وين كنت مدسي الايام دي .. كنت سايق التكاسي بتاعك في ( امريكا ) .. وجميع وكالات حقوق الانسان بتحمي ليك حقوقك لو ( راكب ) اتكلم معاك بصورة ما عجبتك .. جاي تنظر .. وتنطط لينا هنا .. ونحن علينا نتحمل ( قرفكم ) .. وقرف ( الحكومة ) ..
.. ..
اسوأ ما مرا علي السودان يا ( هشام ) .. جيلكم .. الطلعت منه ( حكومة الانقاذ ) ..
| |
|
|
|
|
|
|
Re: العمدة ود هباني .. مبروك .. البغل رحل (Re: Adam Omer)
|
أخونا آدم .. سلام
Quote: الاخ صلاح عبداللة ســــــلامات
اها سؤالك دا زول دخل علية مافى
اتقول انت كاتبو بى الاوندى
وكمان اسمة صــــــــــــــــــــــــــــــــــــــــــلاح |
وما في زول ح يجاوب عليه ، لأنو أسلوب هشام أفضل من أسلوب (سعادتو) بي مليار مرة هشام نافذته الوحيدة والمتاحة هي (النيت) وده حدو . لكن سعادتو مفتوحة ليهو أجهزة الأعلام ، وبحسب منصبو ، كلامو مسموع داخل وخارج السودان وأي كلام بيقولو محسوب علي الحكومة قبلما يتحسب عليهو العالم ده كلو بيسمع فيهو يشتم وينبذ في خلايق الله زي ما عايز ، وما في زول قال ليهو عينك في راسك ، لمن جاتو (الكشة) ..
يمهل ولا يهمل...
| |
|
|
|
|
|
|
Re: العمدة ود هباني .. مبروك .. البغل رحل (Re: Salah Abdulla)
|
Quote: Quote: و عقبال عند عبد الرحيم الحرامي (ابو ريالة)!
ود هباني ، سلام صاحبك ده واقف في الصف ، والدور ح يصلو ..
تغير اللقب الخاص بسعادته الى (أب دميعة) . |
صلاح عبد الله اخو صاحبى الوغد عماد كيف حالك ابو دميعة شنو ابو مخاته .. بعدين ما لاحظت فى الصورة اياها جايبنو بتمخت بيدو اليمين.. قرف،،،
| |
|
|
|
|
|
|
Re: العمدة ود هباني .. مبروك .. البغل رحل (Re: Salah Abdulla)
|
صلاح عبدالله ,, والله زى ماصاحبى الجميل عماد عبدالله استـاذ فـى الادب طلعت أنت خطير فى السياسه ( يعنى سياسه وأدب ) على وزن سمع وشوف . تناولك لطرد الخروف من الجمارك أعجبنى , وكان بطريقة عصفورين بحجر , أديت هبانى حقو والخروف حفو . وطبعـا أخونا هبانى أختلف الناس فى اسلوبه أو أتفقوا , فهــو دأئما مهموم بقضايا الوطن ومتابع ليها بصـوره دقيقــه وكثيرا مالفت انتباهنا لمواضـيع غايه فى الاهميـه كـان مـن الممكن أن تمـر علينا كأى أغنيه من أغنيات فنانين اليومين ديل . وياحميده ,, كلنا فى خندق واحد ووالله زى مابتعجبنى كتاباتك برضــو بحب كتابات هبانى لانكم الاثنين مهمـومين بوطنا السـودان وطالما الهدف والمصب واحد أرجو أن نحاول فى ايجاد أسلوب بيننا يزرع المحبه والتفاهم ويكون همنا الحوار من أجـل أن يكون مانسعى له واقع فى يوم من الايام . صديق الموج : كلمةالوغد دى ناقصه أرجو أن تتمها هكذا ( الوغد الجميل ) .
كل المحبه ,,
| |
|
|
|
|
|
|
|