|
Re: البت الحديقة *** نهال الطيب *** غدا في الخرطوم (Re: معتصم ود الجمام)
|
نهول .. صديقة عمري .. ورفيقة دربي
لم احس بالغربة ألا وانا بعيدة عنها ..
شاءت اقداري الغير منصفة بعدنا .. وتركتني لأقتات على زوادة ذكرى جميلة جمعتنا..
ساقول لها ..
كوني على يقين أني ساجوع لرفقتك .. و ساشتاق نبعك
و سأحتاك كما حوجتي لاستنشاق دعاش بلدي ..
لأننا نحن متواعدين على لقيا وبياض خاطر وزي ما يكون
نهـــول .. أحبــك
معتصم ..
يا بخت بورداب الخرطوم بيها ..
وكما قال اخ عوض .. صنعاء تعيش اعتي حالات الحزن ..
مودتي
| |
|
|
|
|
|
|
Re: البت الحديقة *** نهال الطيب *** غدا في الخرطوم (Re: معتصم ود الجمام)
|
ونهال دي في ذمتكم أصدقائي وصديقاتي الخرطوميين والخرطوميات نهال هذه غير إنها إضافة جد جد ليكم فهي إنسانة وصديقة أعتز بها كثيراً .... والله سعادة ما بعدها سعادة وأنتي تعودين الي حيث مستقر الروح والاصدقاء الجميلين .... بالله أول ما تصلي تحياتي لعزة ولمن في البال
نادية الجدعة : وصيتك علي الشابة دي بالتحديد
| |
|
|
|
|
|
|
Re: البت الحديقة *** نهال الطيب *** غدا في الخرطوم (Re: معتصم ود الجمام)
|
أنا يابلد من روائع الشاعر : مختار دفع الله ...... انا يا بلد مرسوم على خاطر الزمان والاندهاش وانا شلت احزان الفراش لما الرشاش حرم الخدار ريحة الدعاش يا بلد ساعة الشمس بى نورا تفقع فى الجروف بتلاشى من عمقى الكلام تدينوهو فى داخلى الحروف *** شلت الضياع تيبان غتا احزانى كيفن اكتبا وانا يا بلد قلبى الولوف لو جرحه داك فى يوم صحا وعدّن سنينى المفرحه وصِبحت بعيدة مروحه *** ايامى فاتن روحن واقف على باب الحزن والشوق مسافر يا بلد *** وزاده فى سفره الطويل أنَّة وجع وانا خاطرى لو فى يوم رجع وحمامنا بى لحن السنين دندن سجع طرفى المساهر يا بلد فى النوم هجع بكتب على كل البيوت احرف غناى وارسم على كل الدروب لهفة خطاى واضحك براى انا زى ولد هام فوق ترابك يا بلد مليون حبابك يا بلد *** وانا يا بلد رغم الجراح رغم النَّواح لابس تياب العز وشاح *** فى قولى كم بسمت ورود طلاها بعد الليل صباح وانا بيه كم خليت قلوب عاشت على امل السماح *** وانا يا بلد رغم المشاوير والخطى الدايره فى فلك الرتابه شلت من عمرى الفرح قسمته للناس الغلابه غنيتو بى صوتى الحنين عطرت انفاس الربابه *** ولمحت صورتك فى الجداول يوم تبالغ فى انسيابه وهتفت فى كل الغيوم الراحله فوق ارضك حبابه *** وكتبت فيك يا السمحه لامن فيكى كملت الكتابه أنا يا بلد مرسوس على خاطر الزمان والاندهاش وانا شلت احزان الفراش لما الرشاش حرم الخدار ريحة الدعاش
كل المنى بالتوفيق للأخت نهـــال الطيب
| |
|
|
|
|
|
|
Re: البت الحديقة *** نهال الطيب *** غدا في الخرطوم (Re: معتصم ود الجمام)
|
المرور من هنا جميعا احبكم دون فرز في اتصال مع نهال اليوم قالت لسه ترتب في نفسها في وطنا ولكنها ربما غدا ترد عليكم واحد واحد العزيزه اشراقه يا ريت لو كنت في الخرطوم كنت فرحت بعودة نهال لكني اعاني ايضا من الغربه والاغتراب تحياتي لصديقي ايوب مصطفى ولاطفالك الحلوين وتحياتي عبرك الى الوالدة ونتمنى ليها الصحه والعافية وتحياتنا لنجوى مصطفى صديقه من زمن جميل معتصم ولكم جميعا محبتي
| |
|
|
|
|
|
|
Re: البت الحديقة *** نهال الطيب *** غدا في الخرطوم (Re: معتصم ود الجمام)
|
.
العزيز أدروب و كل الشباب
نهال تشكركم و تحييكم جداً
علي هذه الحفاوة و توعدكم
بأنها سوف تدخل المنبر في أقرب فرصة متاحة .
وهي كما أرصد ما ذالت دايشة من الناس الكتار
و البرامج اللا نهائية للعائد للبلد من مجاملات و غيره ،
و من البلد المتغيرة دائما
( البلد التي كتب عنها صديقنا خدر حتي ملّ الكتابة ) ..
الليلة كانت نهال من ضمن المحتفي بهم من قبل بورداب الخرتوم ،
كانت أمسية من أجمل ما حضرت من أماسي بورداب الخرطوم ،
و كنت أرصد إندهاشتها و فرحتها - نهال - بحميمية و تلقائية هؤلاء الشباب ،
وقد عبرت لي هي عن قمة سعادتها بهذا البرنامج .
كرفس
| |
|
|
|
|
|
|
|