الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
*** المبدع بدر الدين شنا هجر الغربة طوعا ...ودعناك الله والرسول يا يابا ***
|
الانسان الفنان الشفيف اللطيف صاحب القلب النضيف والطبع العفيف بدر الدين الحنين ود امى عشة .. يا حليلا راجياك بى فرحة هذا الانسان جميل الوجدان قرر بارادة قويه ترك هذه الغربه اللعينه شادى الرحال متوجها الى ارض الوطن حيث المحنة الموكرة حد النخاع هو اصلو حنين وغرقان محنة... ( انا زاتى لى هسه متحيره فى صبروالطول ده على الغربة )) ودعناك الله والرسول يا يابا وان شاء الله يعدلا عليك ويا بختهم ناس الفرقه بيك.. يلا ارتاح ليك كم يوم فى الحلة كمل السلام والنوم فى الحيشان وشراب المويه من الجيران وقعدة الكورة فى الميدان وتعال لينا عبراجهزة الاعلام نشوفك كده متألق زى زمان ربى يسعدك قدر الطيبه الساكناك وقدر المحنة الجواك وقدر حب الناس ليك وقدر البينى بينك من خوة ومحنة حنفتقدك بالكتير ما شوية ومن هسه فقدناك لكن بنتمنى ليك الخير وعقبال الجميع نرجع لى اهلنا سالمين طيبين بركة رب العالمين اخونا البدرى باذن الله متوجه يوم 26 من هذا الشهر يوليو2007
تخريمه النبى فيك كان تقول لى احجزى لى من هسه بينى وبين تلفوناتك حقات الحجز 3 بلدات وحواشتين وجرف البدرى لك المحنة مطامير والود شوالات
|
|
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: soma)
|
و من يجود عليتا بالدين بعده .. ياما سلفني آلاف الدراهم واجهت بها مصاعب الحياة ..
فقدي للبدر فقد (اقتصادي) مبين .. و طبعا أيضا فقد انساني (عشان ما تزعلوا) .. بس القروش تفعل فعل السحر وهي تتدفق عليك (مش كده)؟؟
لكنني لاحق بك و قابض على جيبك كالعهد بنا دائما ..
أتمنى لكم طيب الاقامة وسط أهلكم و محبيكم ..
و يا سوما ما بتخجلي .. خمسون عاما في الغربة .. أما لهذا الاغتراب من ساحل ؟؟؟!!!
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: محمد ابراهيم قرض)
|
صباحاتنابخيته بى ربها القرضابى حبابك والله ضحكتنى من الصباح تعرف البدرى ده عندو كمية من النكت ما تتخيلا بس مشكلتوبنساها والا كان ملا لينا بيها البورد ده. عارف يا القرضابى لما يكون عندنا برنامج وهو معانا بذكروا النكات انا .. يقول لى ياخ انتى ما بتنسى والاظرف من كده بضحك فى النكتة اكتر من القاعدين السمعوها اول مره وده من ابداع البدرى الفنان... احكى ليك نكتة برضو حكاها لى هو قال فى صراصير اتنين اتلاقوا فى غرفة الانعاش .. الاول رفع راسو بصعوبه عاين لى التانى قال ليه بف بف برضو ؟؟؟؟ ردالصرصورالتانى مخنوق قال لى لا.. شبشب .. قرضابى يعنى حالف يا خوى لازم تجيب لى معاك قرض الليله من الدغش شايفو سالى لسانو فينى كيف يلا شد حيلك واقيف معاى البدرى فعلا مريخابى وصاحب عمر العلمين كمان والاتنين عزاز علينا لكن غالبناهم اتنين شكرا اخوى القرضابى شكرا ونسة مع البدرى ***** قرض ود البلد سلامات ياخ وين الغيبه ولا مشيت القضارف وجيت انت زاتك لابد فى بلدكم العجيبه ديك الزول ما بجيب خبرك جدعتك دى اخير منها صحراء البدرى قلت ليى كيف كان جونو معاكم نحن غايتو قفل شركتنا السمحة ديك ومكاتبنا الاجمل من مكاتبكم قلت لى غربتى 50 سنة اها وانت كم يا ود العم قرض والله ياخ الشوق شدر الهشااااااب عديل شكرا قرض شكرا نكتة من البدرى
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: ابوحراز)
|
أبوحراز يا الذ لذيذ ياخ ما عطرتنا ياخ حروف قفشات روح جمال طرفة الله يديك العافية
Quote: اذهب يابدر الدين للسودان هناك ستجد نفسك وتجد معجبيك وتجد اشياء جميلة لم تخطر لك على بال في السوق العربي |
ود السند العايزو أنا ومحتاج ليهو أشكرك على الدفعة القوية التي دفعتني إياها
Quote: اتمنى أن التقيك فانا معجب بمواقفك وشخصيتك المرحة |
أبوحراز المُنْيَة دي حقتي أنا لقيتها وين؟؟؟ إن شاء الله يارب تتحقق وقريييييييب جداً بس إنت أبقى راجل وتعال السودان وما تسويها لي أكل حِلل
حبي وتقديري
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: soma)
|
أخي الكريم بدر الدين هي ذاتها كان ما الدنيا ساكت زول جميل زيك كده يهاجر ليه إنت مكانك السودان عشان تسعد الناس الغلابة وتضع الإبتسامة في شفاههم التي غاب عنها الفرح وتنزع الفرحة من قلوبهم التي غلفتها الهموم. ربنا عز وجل خلقك فنان يعني خبير في فن الإبتسامة مش خبير مزارع ولا خطوط إنتاج وزي ما قالوا الزاد كان ما كفي ناس البيت حرم على الجيران وناس البيت أحوج ما يكونون لفنك يا جميل تقوم تمشي لينا سلقط مسقط ، شكيتك على بسط الأمن الشامل.
بدر الدين بي كلام عطانا بت تابتات عليها رحمة الله إن شاء الله يوم شكرك ما يجي ، ويا بدر الدين بي كلامي وفهمي أنت الشكر عندك ويقيف. بدر الدين أسأل الله أن يوفقك وتصل أهلك سالم غانم - ما تغير إسمك - دي زمان قالتها أم النصر لي سعيد ود عشا عربو لمن كان ناوي الحج ويبدو تحت تحت إنها كانت مجكساهو عذرياً - المهم يا البدري يا أخوي ويديك الصحة والعافية يا جميل ، وأنا ليك علي أجيك في الحلاوين بس أعمل لي مسكول ، يعني إنت مسكل لي وأنا أمسكل ليك بالحاصل بي والحاصل بيك ، وإن شاء الله الظروف تساعدك وتقدر تتواصل مع الناس في المنتدي على أقل تقدير وأخونا ودقاسم لمن رجع نهائي من الغربة واصل لفترة لكين يبدو أن هناك مانع منعه نسأل الله أن نقرأ له وأن يتواصل عطاؤه وعطاؤك ونسمع عنك دائماً كل خير. == فصل خارج الخشبة الملا مخاطباً بدر الدين: يا البدري يا أخوي إني أحبك في الله واحد مشاي في الشارع ساكت بتاع شمارات: يا أخي تحب ليهو شنو وتحب فيهو شنو ده بدر الدين والإبتسامة لا تفارق محياه: يا أخوي إنت الدخلك شنو يا تحب يا تشتت
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: almulaomar)
|
صديقي القريييييييييب المتعة عمر سلام بحجم المحبة وبحجم خيالك الواسع والطرفة التي بطرفك
Quote: هي ذاتها كان ما الدنيا ساكت زول جميل زيك كده يهاجر ليه إنت مكانك السودان عشان تسعد الناس الغلابة وتضع الإبتسامة في شفاههم التي غاب عنها الفرح وتنزع الفرحة من قلوبهم التي غلفتها الهموم. ربنا عز وجل خلقك فنان يعني خبير في فن الإبتسامة مش خبير مزارع ولا خطوط إنتاج وزي ما قالوا الزاد كان ما كفي ناس البيت حرم على الجيران وناس البيت أحوج ما يكونون لفنك يا جميل تقوم تمشي لينا سلقط مسقط ، شكيتك على بسط الأمن الشامل. |
والله يا ملا الواحد ما بنكر إنو إستفاد كتير جداً من هذه الغربة وما بندم على كل لحظة قضاها ولكن جاء الوقت الواحد يرجع وأنا حسبتها كالآتي الأفضل الواحد يبحث عن عمل في السودانوعمره خمسين سنة من أن يبحث وعمره ستين سنة وبعدين الشغلانة دي ما عندها حد صدقني عشان كل زول اقول ليهو أنا قدمت إستقالتي وماشي نهائي يقول لي يا زول مالك؟؟؟ أقول ليهو لو بعد 10 سنين تاني قلت ماشي برضو بتقول لي يازول مالك؟؟؟
بس دعواتكم معانا ربنا يعدل الخطوة
تحياتي للمدام والعيال
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: soma)
|
بدر الدين الحبيب الرقيق صديق البيت والجيران والحله
فرحانه بك مناقزا وحلتش وود البصير ولا تخفي حنينها الحصاحيصا ومنتداها العتيق
ورفاعة تشتاق لمشيتك وقدلتك وان تزور قبر الراحلة ست الجيل التي لم يفتر لسانها عن السؤال عنك وكذلك بتها فاطمة هي بمقام الوالدة بل هي من ربت صداح وكانت تشاكل والدنا عندما يهم بضرب احد ابنائه تقف له عارض
مدني الجميلة اديها شبال في الخاطر واصدقاء فرقة الاصدقاء لا زالوا قابضين علي جمر القضية مصطفي احمد الخليفة ومحمد نعيم ومنعم وامير وجعفر عباس
سلامي لصاحب اللوري الذي جعلك تستعجل الزواج وقتها وشكرا له للبنيات والاولاد الجو الان
زمان جميل سلام ل محمد الامين خلف الله ( المدير ) وهو انسان بقامة الوطن الجميل لا انسي له فضائله وهو اقتسم معي الفراش اوان المرض
لا انسي هاشم وعجيب وحسان الحلاوين ولم نعرف الحظ بان نتوقف هناك؟ظ؟
ومن محلي بانانس وناس زي البدري يا شوقي لادم احمد سليمان ذلك الممرض الذي يفتح لك قلبه وداره وست الجيل بت الاحمر واقف هناك ترحب بضيف ليس من الحلة ؟؟؟؟؟؟
سلام لمنزول وحمد عبد الله والي عفيف والمطاحن والمحس الجوه وبره
اشتاق لصوتك والغناء الجميل اكيد ستعود البهجة لاي مكان انت تمشي فيهو
سلام لبت الجنيد الشاعره الاصيلة ولاسرة الجنيد
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: بدرالدين شنا)
|
البدري ود كنبتي
والله السودان كسب.. تعرف في مهرجان الروائع لما صورتك جات هبت القاعة بالتصفيق ... جمهورك بيحبك وباقي على العهد...
بالله كان لاقيت الشماشي قوليه التغى اليجيب خبرك.. بعدين بالله تمشي الاذاعة ناس النصوص (اللصوص) تسلم على امينة النور وسعاد الدوش وماجوري الينانا... وتكسر على التلفزيون تسلم على كل الحبان ما بقدر اعدهم وشهر اطناشر انا طرفكم.. باذن الله احد ويا ناس عمان آمانة ما فقدتو زولا سمح بالحيل.. وسوما عاملة كيف وكيف الاهل؟
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: بدرالدين شنا)
|
سلاااااااااااام يا حبان ان شاء الله طيبين شايفة اخوى البدرى مو مقصر تب ان شاء الله ما تقصر ايامو حارس الحوش يستقبل ويودع شكرا لجميع المشاركين شكرا على الطلة والمشاركة يا غاليين *** الطيب شيقوق حبابك يا ود الاهل تسلم يا الدخرى على الطله ويا حليلو البدرى بمسخ علينا الحلة علا بندور ليه السعاده والاستقرار يعلم الله شكرا ود شيقوق شكرا جرف اخدر ندياااااااان *** حبابك طارق الامين الشوق جبنه وفنجانين نحن زاتنا خاضعين للدستور والثروة يلا نادونا بنجيكم كدارى شكرا سفر لوارى ولمة قمره فى الضهارى *** ابو حرااااااااااز والله الشوق ليك يكابس وينك وين ست نفرك عارف يا ابو حراز البدرى ده اظنوا لابد فى الصحراء هناك وعامل ليه حفرة قروش ( مطمورة يعنى ) وبسلف قرض اب لسانا سليط لكن انا غايتو يخربنى ما شفت ليه شىء غير ليمون وجوافة بجيبن لينا من جنائنهم لما يجى شايلن فى مخلاية بتذكر ((البقر)) بى ضم الباء وطبعا شايل معاهن المحنة قبالن ابو حراز عليك الله كان تغيب ابو حراز شكرا نبق ودوم (( عرفه ما عندك سنون بس دى حساده منى ساااااااااى)) *** مشاققه هسه عليك الله يا البدرى من سماحتك يعنى لامن راصى لينا خرتومية صورة كده ؟؟ جهرتنا بى شناتك دى ياخ
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: طارق جبريل)
|
تحية وسلام للاخوان المشاركين الاخ الملا عمر شكرا على المرور وتسلم كتير *** الاخ ايمن السر شكرا لمة اهل بعد غياب طال واسعدنى مرورك يا جميل *** حباب حمزاوى حبابك عشرة بلا كشرة وان شاء الله ترجع بالسلامه وتلقى كل الاهل طيبين وسالمين بركة رب العلمين *** الاخ الفاضل sumah حبابك والف شكر على المرور وجودك معانا اسعدنا شكرا لمة اهل *** الاخ الشفيف صبرى الشريف تسلم يا العشا من كل بلا سلامك وصلنى تب وخدر واطاتنا باكريه ولم الحبان فى ضل الضحى وجبنه متكيه ربى يسعدك ويهنيك ويغنيك ويشيل من خيروا ويديك يا حليلك بى محنتك الباينه فى نضميك السمح ربى يجمعنا كلنا بى اهلنا وحبانا ونسعد معاهم ويسعدوا معانا شكرا ود الشريف شكرا بحر وقيف *** الاخ جنى وات يا الحنين تنعدل عليك شقشق ما تقبل وشكرا لمة اخوان وسط الحيشان
*** الحبيبه بيان ست المحنه فى كل زمان تسلمى يا غالية من وسط الاهل كلنا طيبين يا حبيبه وتسلمى ان شاء الله تحياتى عبرك للعقاب يا السمحه ام حجاب شكرا صوت المطر وسط السحاب *** الفنان حمزه سليمان واحسن طلة جات منك شكرا معتقه بالحروف شكرا مارق من الجوف
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: soma)
|
بدرالدين الاجمل زول فى الدنيا حاسداك لو تعرف حتمشى تلاقى ناس جعفر سعيد ومحمد عوض ومصطفى احمد الخليفة والهام بابكر وحتضحك لمن تقع تقع لا ياخ ما تقع لاننا مشتاقين نقع فى الضحك ومنه سوا يا بدر ساءلك جاوب ليش اخوك نافر؟ مشتاقة للضل الكنا بنقعد فيهو فى قصر الشباب والايام الجميلة البتمناها ترجع لكن خلى بالك من زهورك ومن وطن باقيهو عندى درسى لسه الجرح فاتح عندما ضيعت وردى او هكذا قال عميرى ودعتك لامين الوداعة فى كل بلد ساعة وداعة بيضا تغطيك وتضاريك
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: سلمى الشيخ سلامة)
|
Quote: بدرالدين الاجمل زول فى الدنيا حاسداك لو تعرف حتمشى تلاقى ناس جعفر سعيد ومحمد عوض ومصطفى احمد الخليفة والهام بابكر وحتضحك لمن تقع تقع لا ياخ ما تقع لاننا مشتاقين نقع فى الضحك ومنه سوا |
والله أكلمهم اقول ليهم سلمى قالت لي (كلام السعادة)
Quote: يا بدر ساءلك جاوب ليش اخوك نافر؟ مشتاقة للضل الكنا بنقعد فيهو فى قصر الشباب والايام الجميلة البتمناها ترجع لكن خلى بالك من زهورك ومن وطن باقيهو عندى درسى لسه الجرح فاتح عندما ضيعت وردى او هكذا قال عميرى ودعتك لامين الوداعة فى كل بلد ساعة وداعة بيضا تغطيك وتضاريك |
سلمى تعالي ولا ما تكتبي لي كلام زي دا ساعديني عشان أتماسك شوية أنا ضعيف ضعيف ضعيف وبكاااااااااااااااااي و(شين) كمان
وسأجتهد كثيراً في أن التقي بصغيرتنا عزة
سلمى ربي يحفظك في غربتك ويرجعك لينا السلامة
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: أبوذر بابكر)
|
سوما
Quote: *** الطيب شيقوق حبابك يا ود الاهل تسلم يا الدخرى على الطله ويا حليلو البدرى بمسخ علينا الحلة علا بندور ليه السعاده والاستقرار يعلم الله شكرا ود شيقوق شكرا جرف اخدر ندياااااااان |
ايش رايك يا سوما نلملم ملابس كتيييييييييييييييرة من اهلنا الطيبين هنا في مسقط ونديها لاخينا بدر الدين يشيلها يبر بيها اهلنا المتاثرين بالسيول والامطار . اديني رايك عشان نشرع في الموضوع لا سيما وانك عضو فاعل في لجنة الشئون الاجتماعية بالنادى . ويا ريت لو عملنا دعوة لاجتماع عاجل لهذا الغرض .
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: انعام عبد الحفيظ)
|
الانسان الفنان الشفيف اللطيف صاحب القلب النضيف والطبع العفيف بدر الدين الحنين ود امى عشة .. يا حليلا راجياك بى فرحة هذا الانسان جميل الوجدان قرر بارادة قويه ترك هذه الغربه اللعينه شادى الرحال متوجها الى ارض الوطن حيث المحنة الموكرة حد النخاع هو اصلو حنين وغرقان محنة... ( انا زاتى لى هسه متحيره فى صبروالطول ده على الغربة )) ودعناك الله والرسول يا يابا وان شاء الله يعدلا عليك ويا بختهم ناس الفرقه بيك.. يلا ارتاح ليك كم يوم فى الحلة كمل السلام والنوم فى الحيشان وشراب المويه من الجيران وقعدة الكورة فى الميدان وتعال لينا عبراجهزة الاعلام نشوفك كده متألق زى زمان ربى يسعدك قدر الطيبه الساكناك وقدر المحنة الجواك وقدر حب الناس ليك وقدر البينى بينك من خوة ومحنة حنفتقدك بالكتير ما شوية ومن هسه فقدناك لكن بنتمنى ليك الخير
شاعرتنا الرقيقة سوما بهذه الاحرف الشاعرية تزفين صديقا وزميلا جميلا الى ارض الوطن بعودته يعود الفن الاصيل والجمال الحق ((حليل زمن الحنان يابا تسيل دمعة وتجف دمعة الزول كان يرضى كان يابى)) اهديت تحياتك للجنيد عند مرورى بها الى مدينتى الحصاحيصا تذكرت شعرك الانيق وحرفك المموسق تسلمى
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: بدرالدين شنا)
|
سوما لك كل الشكر
Quote: آميييييييييييييييين يا معتصم وربي يقبل دعاك يا شفيف |
شفيف ياراجل وفي الليلة الظلماء يفتقد البدر اتمني لك اقامة طيبة مافي داعي لي اقامة دي بتزكرك الخليج اتمني لك حياة مستقرة في ربوع الوطن الحبيب بين اهلك واحبابك وحتما ستكون بالف خير وحتما سوف تواصل لانو تم تعينك مراسل سودانيز اون لاين من الحلاوين ونسمعك وانت تقول بدرالدين حلا سودانيز اونلاين من مدينة الحلاوين يحيكم
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: soma)
|
البدرى ( عجيب البدرى 00 رمز اللورى ) فاكر
اهنئك على هذا القرار الشجاع واتمنى لك عودا حميدا سالما وارجو ان تخرج من هذه الغربة دون خسائر فى الارواح او العتاد كما يقول صديقنا الرائع المقيم عمر الدوش 0
واول حاجة لما نتلاقى انشاء الله عايز اسمع منك ( خمرة هواك يامى صافية وجلية ) هذا ان لم تكن الغربة قد نالت من صوتك العذاب 0
مع عميق الود وصادق الامنيات 0
عادل السعيد
| |
|
|
|
|
|
|
Re: *** المبدع بدر الدين شنا هجر الغربة طوعا ...ودعناك الله والرسول يا يابا *** (Re: adel alsaed)
|
الصديق الجميل عادل السعيد أو عادل (سماحة) سلامي وإشتااااااااااااااااقي
إنت وين يازول؟؟؟
Quote: واول حاجة لما نتلاقى انشاء الله عايز اسمع منك ( خمرة هواك يامى صافية وجلية ) هذا ان لم تكن الغربة قد نالت من صوتك العذاب 0 |
كدي أول نتلاقى وسيدر ثدي صوتي في حضرتك بس أهم حاجة تلك النظرات إياها (تذكرها) ربي يرحم صديقنا وحبيبنا ومعلمنا الراحل المقيم عمر الطيب الدوش
والله والله والله مشتاقيييييييييييييييييين
| |
|
|
|
|
|
|
|