الزبالة وما ادراك ما الزبالة في بلد تغرق في الزبالة!!

مكتبة هشام هباني(هشام هباني)

06-19-2006, 10:31 AM هشام هباني هشام هباني تاريخ التسجيل: 10-31-2003 مجموع المشاركات: 51288 للتواصل معنا FaceBook تويتر Twitter YouTube 20 عاما من العطاء و الصمود مكتبة سودانيزاونلاين الزبالة وما ادراك ما الزبالة في بلد تغرق في الزبالة!! بالامس بعد ان ( صبت مطرة حدها النخرة) وسلمت بيوتنا الامريكية كعادتها من شر (الخرخرة والصببان) وكان لدي بعض وقت خارج ( الانترنت والتاكسي) وانا جالس قبالة ابني احمد في البيت وكلانا نتامل هذه المطرة الرهيبة..فبادرته بحوار هو الاول من نوعه حول المطر في السودان وكيفية احتفائنا بمقدمه نحن الاطفال انذاك في الزمن السعيد في اريافنا الجميلة ونحن نحتفي به منذ المطرة وهي غمامة ونحن نتابع ظل الغمامة ونسمي ظلها(ابو الضليل) ونصيح ونحن نستظل بظل الغمامة ونحن نتابعها وهي تظللنا من حرارة شمس السودان الرهيبة ونحن نصيح( ابو الضليل ضلل لي بديك قرشين) وبالطبع اطفال هذا الزمن يقولون ( بديك الفين!!) مراعاة لفارق اسعار العملات بين الامس واليوم!! وواصلت الحوار والصغير احمد مندهش لهذا الحوار بيننا وبين السحابة.. وواصلت الحوار معه الي ان رشت الغمامة ماءها وصارت مطرة وحيينا بعضنا بالمطرة ونحن نقول ( المطرة صبت وانقاذكم انقدت!!) وهذا التعديل مراعاة للذوق والحياء العام!! وواصلت معه الي المطرة وموسم الامطار وكيف نحن نستعد له منذ فترة ونحن نصون بيوتنا المبنية من اللبن اي الجالوص اوالطين وذلك بطلائها ببعر الحمير اي ( الزبالة) واحيانا بعر البقر ولكنه ليس بجودة بعر الحمير....!! وسالني متعجبا ومتقززا في نفس الوقت عن هذه العملية المقززة والتي لم يرها ابدا..سالني عن كيفية عملها وهل الناس اي العمال الزبالين يقومون بهذه العملية القذرة بايديهم بلا قفازات!! فقلت له ضاحكا شفت يا احمد يا ولدي والله اعمامك الزبالين ديل تلقي الواحد غاتس في الزبالة لركبيهو..وتلقاهو شايل كوز الموية اشرب فيهو تمام التمام واترع عااااع وبعد داك اجيبوا ليهم الفطور جنب حوض الزبالة.. والله اعضوا ليك اللحم زي الترتيب ونحن ظاااطنا كان ما اتكرفنا ريحة الزبالة دي بنخرم عديل!!) وصاح احمد متقززا:عييييييييييييييييييييييييييييييييع ولكنه فاجاني بسؤال اوقفني كحمار الشيخ في العقبة وهو يقول: لكن لايه بتزبلوا وتستعملوا الخرا بتاع الحمير ده...معقولة لحدي الان الناس ما اكتشفوا علاج لحماية بيوتكم من المطر غير الحاجة العفنة دي..!! فاجبته في نفسي قائلا : هو يا ولدي بقت العفنة بس في زبالة الحمير دي ما ها البلد كلها مزبلة بزبالة المزبلين والفاسدين وبقينا كلنا شعب في مذبلة التاريخ بسبب الحكم الزبالة ده والحمير القاعدين في السلطة ديل.... ولله في خلقه شئون!! ظااااااطو (عدل بواسطة هشام هباني on 06-19-2006, 10:35 AM) (عدل بواسطة هشام هباني on 06-19-2006, 10:43 AM)

العنوان الكاتب Date الزبالة وما ادراك ما الزبالة في بلد تغرق في الزبالة!! هشام هباني 06-19-06, 10:31 AM   Re: الزبالة وما ادراك ما الزبالة في بلد تغرق في الزبالة!! هشام هباني 06-19-06, 10:46 AM     Re: الزبالة وما ادراك ما الزبالة في بلد تغرق في الزبالة!! هشام هباني 06-19-06, 11:03 PM       Re: الزبالة وما ادراك ما الزبالة في بلد تغرق في الزبالة!! هشام هباني 06-20-06, 11:39 AM         Re: الزبالة وما ادراك ما الزبالة في بلد تغرق في الزبالة!! هشام هباني 06-24-06, 06:49 AM   Re: الزبالة وما ادراك ما الزبالة في بلد تغرق في الزبالة!! abubakr 06-24-06, 11:12 AM   Re: الزبالة وما ادراك ما الزبالة في بلد تغرق في الزبالة!! almulaomar 06-24-06, 11:14 AM     Re: الزبالة وما ادراك ما الزبالة في بلد تغرق في الزبالة!! هشام هباني 06-25-06, 01:19 PM   Re: الزبالة وما ادراك ما الزبالة في بلد تغرق في الزبالة!! Mannan 06-25-06, 01:41 PM     Re: الزبالة وما ادراك ما الزبالة في بلد تغرق في الزبالة!! هشام هباني 06-28-06, 06:40 AM       Re: الزبالة وما ادراك ما الزبالة في بلد تغرق في الزبالة!! Mohamed E. Seliaman 08-05-06, 08:39 AM         Re: الزبالة وما ادراك ما الزبالة في بلد تغرق في الزبالة!! هشام هباني 08-06-06, 09:04 AM           Re: الزبالة وما ادراك ما الزبالة في بلد تغرق في الزبالة!! هشام هباني 10-20-06, 10:58 PM

[رد على الموضوع] صفحة 1 „‰ 1:   <<  1  >>