|
احترم مشاعرنا يا غازي يا عتباني!!
|
المدعو غازي صلاح الدين الناطق باسم كتلة المؤتمر الوطني في المجلس الوطني في كلمته امام المجلس حول قرار العقوبات الامريكية لشركات سودانية يقول ان((القرار لم يتوخي رفاهية مواطني السودان!!)) عجبي! وهل حقق المواطن السوداني اشباع كل ضروريات حياته واساسياتها وبقي علي الرفاهية التي يستهدفها الاميريكان الاان بقراراتهم...ام ان الشعب السوداني الذي يعنيه غازي هم اعضاء ملته من الفاسدين والمجرمين اي شعب الجبهة المرفه المنعم باموال الحرام والفساد وهم الذين اكملوا الضروريات و تطاولوا في الرفاهيات ولذلك يستهدف الامريكان بالفعل رفاهيتهم..وهو اعتراف صريح بانهم اهل رفاهية ودعة وليس شعب السودان الجائع والمريض والمتعب والمشرد والتائه في كل الاصقاع!! احترم مشاعرنا يا غازي يا عتباني!!
|
|
|
|
|
|
|
|
Re: احترم مشاعرنا يا غازي يا عتباني!! (Re: هشام هباني)
|
يا هشام دى ما ليقاها منو شيخو الدجال الكبير الترابى تلقاها نت وبعدين العضبانى دى مين اداهة الحق ويتكلم عن رفاهييتنة نحن الغلابة وبعدين الشعب البتكلم عنو دا لايعرف شئ عن رفاهية العصبانى فيكم وتحياامريكا
| |
|
|
|
|
|
|
Re: احترم مشاعرنا يا غازي يا عتباني!! (Re: هشام هباني)
|
سلام يا عمدة أزعجني التهليل والتكبير بعد الفوز المزعوم الملفق باسم الشعب السوداني المفترى عليه برفض العقوبات وكأنهم وضعوا رأس بوش على منصة رئيس الجلسة- وأكره أن أرى واسمع غازي وأحمد ابراهيم الطاهر وعلى عثمان ونافع والمتعافي غيرهم - ورب العباد الكلام الصرفوه دجالو الموتمر الوطني في ال 18 عام يساوي أضعافا مضاعفة ما صرفه معلقي مباريات كرة القدم منذ مائة عام - كذب وخداع وتضليل ووعود اصبحت مألوفة ومكشوفة لآي سوداني- فاليذهبوا للجحيم - ضاقت علينا الدنيا وأظلمت بسببهم إلي متى ؟؟ الشفيع
| |
|
|
|
|
|
|
Re: احترم مشاعرنا يا غازي يا عتباني!! (Re: Alshafea Ibrahim)
|
الشفيع اخووووي
سلامات
هذا البرلمان المخصي اصلا مصمم علي الفوز باية قرار لصالح الحكومة بناء علي مهزلة نيفاشا التي حفظت الاغلبية الميكانيكية للمؤتمر الوطني الحاكم ومضاف اليه المتوالون من ربائب السلطة من داجنات الاحزاب! فلا تتعجب...فنحن في بلاد العجائب! ودي واحتراماتي
| |
|
|
|
|
|
|
Re: احترم مشاعرنا يا غازي يا عتباني!! (Re: Omer54)
|
يا عمر24
((النسيب البكون عين الشمس....داك لمن اكون عندو مصداقية))..ومجانبا اهل الظلم والفساد ورافضا مثل هذا الواقع العطيب... ولذلك يفقد غازي العتباني اية مصداقية طالماظل مدافعا عن هذا النظام الفاشي المجرم الظالم الفاسد وهو ركن اصيل من اركان هذا الباطل الكبير ولله في خلقه منافقون!!
| |
|
|
|
|
|
|
Re: احترم مشاعرنا يا غازي يا عتباني!! (Re: هشام هباني)
|
ومتي يثوب العتباني الي رشده وصوابه بعد ثمانية عشر عاما من القتل والتعذيب والترويع والتشريد لمواطنيه وهو واحد من مدعي التطهرية ومن مداميك هذا النظام المجرم الحقير وهو مسئول بالتضامن مع القتلة واللصوص من رفاق السوء عن كل نقطة دم اريقت وعن كل فلس سرق وعن كل شريفة سقطت وعن كل ابن انحرف وضاع في الضياع بسبب الافقار والترهيب والظلم والتشريد الذي اصاب شعبنا بواسطة هذا النظام والذي فيه العتباني ظل مسئولا وامينا ومنظرا عند اللزوم!!؟
| |
|
|
|
|
|
|
Re: احترم مشاعرنا يا غازي يا عتباني!! (Re: هشام هباني)
|
لو ان بالجبهة الاسلامية عقلاء ووطنيون قلبهم على البلد لما توانوا لحظة عن افساح المجال لشركائهم الجدد بشفافية لانهم قدموا لهم على طبق من ذهب فرصة اعتقت رقابهم من المقاصل .خاصة وان شعار المعارضة في مرحلة من المراحل سلم تسلم واخرون كانوا يقولون سلم ومابتسلم .قال شاعر الاكتوبريات المجيد محمد المكي ابراهيم :
عليك الزحف متقدم
وليك الشعب متحزم ومتلزم
بقول سلم ومابتسلم
رحمت متين عشان ترحم
فليسال كل انقاذي نفسه متي رحم حتى ينتظر رحمة الاخرين له
ويقول ود المكي لله دره
حتهربوا وين
من الالم الكبير والجوع
من تعليمك المدفوع
من شعبا سقاك لبنو
وسقيتو من الهوان والجوع
ومن كاسات سمك المنقوع copied from sudanile
| |
|
|
|
|
|
|
Re: احترم مشاعرنا يا غازي يا عتباني!! (Re: هشام هباني)
|
Quote: ((القرار لم يتوخي رفاهية مواطني السودان!!)) |
عليك الله يا هشام قال رفاهية ؟
ياخ و الله دي مبالغة مبالغة
و كمان مبالغة رأسية ((ذي ما درسونا زمان ناس الجغرافيا))
ياخ ما تعتبرها زلة لسان من نسيبك ، جورج بوش ظااااتو سيد الحوش الاكبر من بتاع بكري ده عندو جنس زلات اللسان دي و صاحبك جيفارة ((قصدي)) كاسترو كم مرة قبضو بيها و قال معزور و مستواه التعليمي و الثقافي متدني بس جنس الدكتور ده نقول شنو ؟
تحياتي
عمار يس النور
| |
|
|
|
|
|
|
Re: احترم مشاعرنا يا غازي يا عتباني!! (Re: عمار يس النور)
|
قريبي عمار
سلامات
Quote: ياخ ما تعتبرها زلة لسان من نسيبك ، جورج بوش ظااااتو سيد الحوش الاكبر من بتاع بكري ده عندو جنس زلات اللسان دي و صاحبك جيفارة ((قصدي)) كاسترو كم مرة قبضو بيها و قال معزور و مستواه التعليمي و الثقافي متدني بس جنس الدكتور ده نقول شنو ؟
|
نسيبي عامل فيلسوف الانقاذ والثورة ومنظرها...معقولة يصاب بذلة اللسان كويس عرفناها ذلة اللسان..طيب من وين حكاية ذلة البنيان!؟
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|