|
Re: ضد القُبح (Re: خدر)
|
والله يا طارق ماكنت ناقصك تكالبوا علي كلهم بوستك هذا بكل مكوناته: - صوتك المغموس في الأسى - الأغنية وذكرى غرام أول مازال ضرسو بيتاور - الباب الصديء القديم - القبور ، والشواهد التي تذكرنا بالمصير المحتوم وسكة السفر الوشيك -وراعي الفيسبا الذي يتأمل ويأخذ العبر والعبرات قبل الرحيل بمسافة تغمرك موجة
ثم حالتي بعد ان هاتفت أزهري محمد علي زلزلني أساه الشاهق ، أتاني صوته مزيج من النحيب والصبر ، لم أكتشف أي كلمة مناسبة تصلح عزاء ناولت الهاتف لرشيدة حولته بعد ثواني لماهيتاب ثم لي ثم إغلاق حزن مبرح ...... .......... ....
| |
|
|
|
|
|
|
Re: ضد القُبح (Re: أبو ساندرا)
|
ابا ساندرا
اطرد الاحزان يا جميل و اصحي عاين للجمال الفي الصورة دي ذكر .. رجال غارقون في رحم الحضرة بساطة و فقر جميل الا تشتهي ان تكون بينهم الان معفر بالغبار حاسر الراس سعيدا تغني
لا تتبع احزانكـ فهي مهلكة وكن
ضد القبح كما نعرفكـ
| |
|
|
|
|
|
|
Re: ضد القُبح (Re: alin)
|
فلنجعل الجمال عاليا ياعشاق الجمال !!
ياغرامى الاول يااااااااااااااااااا ياغرامى الاول تررررررررررررررررررررررررلم !!غنية حلوة جد !
| |
|
|
|
|
|
|
Re: ضد القُبح (Re: نادية عثمان)
|
خدر
هتافك "الشعار" ليتنا نحمله زاداً. تخيل ماذا يحدث لو تمسكنا باستاره لو شلناه غنا
التحية لك وللمدام وللقاء حتى لقاءٍ قادم.
| |
|
|
|
|
|
|
Re: ضد القُبح (Re: nadus2000)
|
نادوس الهادئ المُرتب الجميل
صدقني هناكـ الكثيرين مع الحب و ضد القبح لكن القبح دائما صوتة اعلي
تحياتي و الاسرة (لكم) شنو مافي اخبار !!
| |
|
|
|
|
|
|
Re: ضد القُبح (Re: خدر)
|
خـدر الفنان... ومعا للجمـال وبالجمـال..قصـدت أن أعـمل (خلطة)، رغـم أغنيتك البديعة...ولو طلعت (ما جميلة) الخلطة أو ال (مكس) دي ح اسـحبها، وأبدلها ب(صـور من حلتنا)..
Now that she's back in the atmosphere With drops of jupiter in her hair, hey She acts like Summer and walks like rain
Reminds me that there's time to change,hey Since the return from her stay on the Moon She listens like Spring and she talks like June, hey
But tell me, did you sail across the Sun Did you make it to the Milky Way to see the lights all faded And that heaven is overrated
And tell me, did you fall for a shooting star One without a permanent scar And did you miss me while you were looking for yourself out there
Now that she’s back from that soul vacation, Tracing her way through the constellation, hey She checks out Mozart while she does Tae-bo Reminds me that there’s room to grow, hey
Now that she’s back in the atmosphere I’m afraid that she might think of me as plain ol’ jane Told a story about a man who is too afraid to fly So he never did land
But tell me, did the wind sweep you off your feet Did you finally get the chance to dance along the light of day And head back to the Milky Way
And tell me, did Venus blow your mind Was it everything you wanted to find And did you miss me while you were looking for yourself out there
Can you imagine no love, pride, deep-fried chicken Your best friend always sticking up for you Even when I know you’re wrong
Can you imagine no first dance Freeze dried romance five-hour phone conversation The best soy latte that you ever had and me
But tell me, did the wind sweep you off your feet Did you finally get the chance to dance along the light of day And head back toward the Milky Way
And tell me did you sail across the Sun Did you make it to the Milky Way to see the lights all faded And that heaven is overrated
Tell me, did you fall for a shooting star One without a permanent scar And did you miss me while you were looking for yourself
And did you finally get the chance to dance along the light of day And did you fall for a shooting star Fall for a shooting star
And now you're lonely looking for yourself out there
drops of jupiter (Train)
(عدل بواسطة Isa on 02-09-2006, 03:15 AM) (عدل بواسطة Isa on 02-09-2006, 04:01 AM) (عدل بواسطة Isa on 02-09-2006, 04:09 AM) (عدل بواسطة Isa on 02-12-2006, 08:58 AM)
| |
|
|
|
|
|
|
Re: ضد القُبح (Re: gamal elsadig)
|
يا خــــــــــــــدر ســــــــــــــــلام
بكرة الصباح ناس الملكية الفكرية جايينك فى البيت انا وصفت ليهم البيت حيتكلموا فى الفيسبا
شيل شيلتك انا بره
| |
|
|
|
|
|
|
Re: ضد القُبح (Re: عصام عبد الحفيظ)
|
OOOOOOOOOOOOOPS عصام كويس انكـ نبهتني
اغنية غرامي الاول هي اغنيه الاستاذ المرحوم رمضان حسن جعل الله قبره روضة من رياض الجنة بقدر ما عطر وجداننا بالاغنيات
فات علي ان انوة الي ذلكـ اعتمادا مني علي فطنة المستمع الكريم ويين الحاني انا و غناي يا اخوانا من الحان و اداء الاستاذ رمضان حسن انا يادوب بحاول ارمي حجر في بركة سكنت بعد رحيل هذه القمم
سـلام و شكرا عصام
| |
|
|
|
|
|
|
Re: ضد القُبح (Re: Isa)
|
Dear isa I think you did good contrast thanx BUT ياريت تشيل المزيكة الـ LOOP الانت نزلتها فوق قبل كلامكـ دي
(*embed src=http://www.upload2.com/files/mp3/ ca52a5b13c7d20105bf68566adf1864d/ 5aed210fa4d107b13cb406f69f403c7a.mp3 autostart="true" loop="false" "*)
لانها معطلة الـ AUTOPLAY بتاع الاغنيه وتشكر كتير علي المرور البهي و الجمال الذي نثرته كلماتكـ هنا
| |
|
|
|
|
|
|
Re: ضد القُبح (Re: خدر)
|
خدر ..
أيوه ضد القبح لكن ... هذه ( جرعة زايدة ) من الجمال .
يعني عشان ضد القبح تقوم تكتلنا ؟؟؟؟؟؟
خدر هوووووي براحه.
| |
|
|
|
|
|
|
Re: ضد القُبح (Re: Emad Abdulla)
|
يالاسمرانى عليك الله قوم غنى تانى
مقدمة لرجل شفاف عرف كيف يقنع اسمهان ان تهبه طفلة احلى من القمر والله احلى
نوع من الفوضى لازعاج مولانا وكفى ودقى يامزيكا
سلام
| |
|
|
|
|
|
|
Re: ضد القُبح (Re: Emad Abdulla)
|
اخونا عماد سلامات ياخي كلمني عنكـ عصام كتير و اشتقت الاقيكـ اها برااااااااااكـ جيتني
اما فيما يتعلق بكل الجمال اعلاة فيا سيدي والله انا املكـ منه نصيب الارنب في القسمة الشهيره فرمضان حسن من اميز من مروا بسراط الاغنيه السودانية ولد رمضان حسن في مدينة ود مدني عام 1929م وتوفى بالخرطوم في 23/8/1978م ... في وقفة عيد الأضحى المبارك . والده من قبيلة الزاندى .. درس الخلوة بقرية أم بلال ثم أدخل المدرسة الأولية ولكنه لم يستمر في المدرسة النظامية بسبب ولعه وحبه الشديد للفن والغناء والموسيقى .. كان يغني ويردد أغاني الحقيبة مستخدما آلة الرق ورغم معارضة والده الشديدة ألا أنه استطاع أن يستمر في هذا الاتجاه ونصحه أصدقاؤه أن يسافر إلى الخرطوم ... رمضان حسن متعدد المواهب .. كان يجيد لعب كرة القدم ولعب بفريق الأهلي مدني وأيضا كان يهوى رياضة رفع الأثقال . .. وتعلم العزف على آلة العود بود مدني .. انظر الي هذا القلق الذي كان لزاما ان يُخرج لنا مثل هذه الانغام ويجب ان لا ننسي ان الموسيقار المصري محمد عبدالوهاب في لقاء اذاعي صرح أن من اجمل أصوت في السودان هو صوت الفنان الذي يغني الأمان والامان هي رائعة عتيق الشهيره الامان الامان من فاتكات عيونكـ ارحم مهجتي فيكـ صور المحساسن ظهرت للعيان موسيقي حديثكـ مع سحر البيان واذا مال قوامكـ يا زين الحسان روحي تسيل عواطف و قلبي يذوب حنان
ويكفي رمضان حسن ان ردد اغانيه كبار مطربي السودان الباشكاتب غني له (انا سلمتو قلبي ) و غني له المغفور لة مصطفي سيد احمد (الامان ) فأين طارق من هؤلاء الكنوز
شكرا عماد ( و نتلاقا في البوستات و الحب يغنينا )
| |
|
|
|
|
|
|
Re: ضد القُبح (Re: Ibrahim Adlan)
|
خدر أخوى
كيفنك
داير اقول ليك إنى ما مع القبح لكنى أعتقد أن وجوده ضرورة
حتمية لإجلاء الجمال ويمكن لو ما القبح ماكان عرفنا الجمال.
كتر خير الموت الورانا جمال الحياة وبيوت الأشباح العلمتنا
جمال الحرية.
قلت شنو ياغرامى الأول ؟
بعدين ياخى صوتك خلانى أبكى واتمخت ! الحصل ليك شنو؟
| |
|
|
|
|
|
|
Re: ضد القُبح (Re: خدر)
|
لا فض فوك يا خدر
طلعت (ود لزينا) (بمناسبة الألقاب) الطائرة لى فى راسى
تسلم يا الز خدر فى الدنيا ، كلنا معك ضد القبح وضد السغالة وضد العواره وضد الهبالة وضد المزعجين والمنفرين حقين المشاكل والحاجات الشينة
تسلم يا خدر
متعتنا والله
الله يزيدك جمال ومحنة
| |
|
|
|
|
|
|
Re: ضد القُبح (Re: يازولyazoalيازول)
|
هشام وداللذين احبهم عارفنكـ ضد القبح كلنا والله وقلبنا معاكـ والله في معارككـ مع (النقناقين ) و(الالقاب )
Quote: الله يزيدك جمال ومحنة |
يا هشام عليكـ الله شكل لي (محنة) دي جهجهتني لا تمحنا ولا تبلينا
| |
|
|
|
|
|
|
Re: ضد القُبح (Re: خدر)
|
اسف جدا لغلاظة مداخلتى يا اللخدر حبيت اشوشر شوية لكن والله غلبنى النوم
حقيقة حسيت حبة حزن فى صوتك
اسف تانى
اخوك
| |
|
|
|
|
|
|
Re: ضد القُبح (Re: عاصم الطيب قرشى)
|
عاصم اخوي يبدو انو استراليا بتذيد حساسية الفنانيين ليس ثمة مايستدعي الاعتذر علي العكس .. شدتني كلماتكـ
Quote: بعدين ياخى صوتك خلانى أبكى واتمخت ! الحصل ليك شنو؟ حقيقة حسيت حبة حزن فى صوتك |
هاتفني قبل مده الصديق المشتركـ عاطف خيري وكان سعيدا جدا بعد سماعة لاحدي اغنياتي في النت و سألني نفس سؤالكـ انت الحصل ليكـ شنو !! معقولة الغربة بتذيد الصوت جمال !!
وصدقني كم سعدت بأسئلتكم وهذا جزء من عظمة الفن و الفنانيين السودانيين نتابع بعضنا و نشد علي ايادي بعضنا ونحتفي بهم دمتم اصدقاء و دامت الفنون التي انجبتكم
| |
|
|
|
|
|
|
Re: ضد القُبح (Re: عاصم الطيب قرشى)
|
عصام ع . حفيظ اعتذار واجب لم استطع الغناء بكل ما فيني حين كنت بين ظهرانيكم كانت هناكـ خُلعة لما آلـ الية حال البلد فكنت احس صوتي مشروخا و حانقا بعض الشئ يغني فقط حبا في الاصدقاء الحقيقين انت - يحي - شمت - عبدالوهاب - محمد - خالد طلال - محمد - حاتم - هؤلاء الجميلين واخرين لن احصرهم فحبي لهم اكبر مني كنت كمن يصر علي نفي ما شاهده بأم عينيه وانا (طارق ) وسط هذا الصراع احس بنفسي نشازا
اعذرني يا صديقي كان لابد ان اعتذر لكم واظنكـ احسستم بة بشكل او بأخر
| |
|
|
|
|
|
|
Re: ضد القُبح (Re: عاصم الطيب قرشى)
|
عاصم الفنان انا اعلم من انت و ما الجمال ولو خشيتي من الناس لقلت انكـ الجمال يمشي ربما كان قولكم حكيما .. لكن دعنا نأمل ان يكون القبح بجرعات اقل من ما نراه الان فما يحدث هنا و هناكـ مذهل بحق اصبحت المعايير والدساتير تُوضع تحسبا للقبح الذي زين الهامات اين الجمال من كل هذا الا نستطيع ان نختلف دون قبح !!
صدقني شهادتكـ افرحتني كثيرا فنحن لم نلتق منذ امد طويل
| |
|
|
|
|
|
|
Re: ضد القُبح (Re: خدر)
|
سلامات استاذ خدر
لتمييز لوني القبح والجمال كان لابد للبشرية جمعاء ان تتفقه في عمق التفاصيل ... تفاصيل توحي برائحة الموت ، او العشق ، او الزكريات ، او الخوف ، او الحرائق الجسدية .... الخ
لذلك مرتبة الالوهية في الجمال او الحب او القبح هي كل العمق في خبايا التفاصيل .. نتوه كثيرا فى معاني احساسنا بالاشياء ذلك لخربشة التفصيلات وأسرها لذواتنا وحينما نستنطقها يخوننا الوجع بها فتخرج بشعة كبشاعة المخاض او مدماه او رائعة حد الاندهاش ... وهنا يأتي السؤال هل خرجت بذات طعم تذوقنا لها فى دواخلنا ؟
اتعلم حينما كتبت احلام مستغانمي (اذا صادف الانسان شي جميل مفرط في الجمال .. رغب في البكاء) علمت وقتها ان البكاء ليس قمةالتماس التفاصيل انما الاعياء بها .. فامنت بعبارتها حينما قالت ( الفن هو كل ما يهزنا .. وليس بالضرورة كل ما نفهمه ) ...
اذن تأرقنا بالتفاصيل هو من يخلق حالة فن بمسمياتهم انما ليس بالضرورة ان يكونوا ادركوا تماما سر تحسس تلك الدواخل بعشق التفاصيل ... فنبتعد جدا عن مسمياتهم لخلق جمالنا وقبحنا على شاكلتنا نحن ..
اذن ... الاشياء الاجمل تولد احتمالاً ... سيدي
الف شكر
| |
|
|
|
|
|
|
Re: ضد القُبح (Re: ملاذ حسين خوجلي)
|
أيهاالمتدفق ابداعا، و خيرا، و ودا، و شفافية؛ خدر! ما هذا الحزن يا أخي؟ ما هذا الوجع الذي رجعه صدى أوتار عودك ؟ ما هذا الألم، إن لم تخطئ أذناى، الذي ينثال من صوتك؟
القبح و الجمال في سجالهما الأبدي لا يتعبان و في خضم ذلك يتنزعاننا موضوعا لهكذا صراع. بيد أن الجمال منتصر، حتما، آخر السجال أحس أنك مجروح بقسوة بالله ، لا تدع ذلك يهزمك! أعلم أنه لا محيص لك من الألم فذلك ديدن المرهفين. و "إن النصر البعيد كحلم سندركه حتى نظفر به" فلنعش لينتصر الجمال
و لينثل إبداعك صوتا جميل الحزن كما الأفراح
بوعسل أبوعسل
| |
|
|
|
|
|
|
Re: ضد القُبح (Re: ابوعسل السيد احمد)
|
Quote: أحس أنك مجروح بقسوة بالله ، لا تدع ذلك يهزمك! |
ابوعسل.. شكري الشديد علي كلماتكـ المشجعة و علي احساسكـ الجميل الحزن يا صديقي يعيش معنا في السودان بسبب (الحنان ) الذي يسكننا و نسكنه ماقادني لهذا البوست هو دهشتي العظيمه حين دهسني احد الزملاء دون ان يدري هنا Re: سودانيزأونلاين ... كعبة لها أكثر من إله وهذه عادتي حين يدهسني القبح .. فقط اغني و كثيرا يا عزيزي مساحة الاخطاء وارده و كبيره لكن ان تسئ لاحدهم لمجرد ان اختلف معكـ في الرائ فهذه غلظة و قبح لا قبل لي بهم و دائما دواء القبح هو المذيد من الجمال
| |
|
|
|
|
|
|
Re: ضد القُبح (Re: ملاذ حسين خوجلي)
|
ملاذ سلامات التفاصيل التي انا مولع بها فسرتهابشكل راقي و جميل متفق معكـ فيه لكن اخشي ما اخشاه عاده ان تستغرقني التفاصيل فتذهب بي عن جوهر الفعل صدقيني .. احساسنا (اتخربش) الف مره و لهذا فقط نحن ندعوا للجمال فكلنا يُخطئ و قد يذهب الخطاء بعيدا و قد لا .. و في كل هذه هي اقل الخسائر التي ننشدها .. مساحة الخطاء يجب ان تتوفر لكن ما اخافه و نخافه جميعا هو القبح الذي (يخلع) افكارنا و يجعلنا نتوقف و نتسأل .. من اين اتي !! فالقبح يا عزيزتي رهيب و مخيف
لن اودعكـ قبل ان اقول ان اسلوبكـ و تحليلكـ اكثر من مدهش .. مذهل شكرا كتير
| |
|
|
|
|
|
|
Re: ضد القُبح (Re: خدر)
|
مولانا خظر رووح يا شيخ الله يعمر بيتك
ويميط الأذى عن طريقك
وعفوك يسبق غضبك وطيبك يغلب سوءك
وعدوك يبقى حبيبك ...
واصل في كشف القبح!
| |
|
|
|
|
|
|
Re: ضد القُبح (Re: عزاز شامي)
|
محنّة
من الحنان يا خدر
غناك حنين بالحيل ، عشان كده بسأل الله يزيدك فى المحنّة والحب الحلال
كمان قول لى شكّل لى الحب دى
دجاجى يلقط الحب
| |
|
|
|
|
|
|
Re: ضد القُبح (Re: خدر)
|
خدر يا حلو
ياخي كتر خيرك كتير . صوتك ولا أحلى ..
و جربت تدندن دي ؟؟؟ ما عارف ليه حاسي انك ح توجعني لو سمعتها منك .. يا ربي بتشبهك تكون؟؟ - ولا أنا - :
( ليه بتسأل عني تاني بعد ما شلت الأماني رحت خليتني لزماني وانت عرفو علي جاني
لو بتفتكر الليالي تداوي غلبي ولا تاني ترجع الأفراح لقلبي انت واهم يا حبيبي دي الليالي أمر ليا من دموعي الفي عينيا كل لحظة بتمر عليا بتنقص الأيام شويه تطفي شمعاتي القليلة وافضل أبكي و أقول حليلا في الدموع أنا كل ليلة برسل أشواقي و حناني
من حياتك كان حياتي و كنت أجمل أغنياتي أنا عهدي راح ما أظنو آتي و ما فضل غير أغنياتي فيها أسكب ذكرياتي مره أضحك و مره أبكي و مره أتحمل أسايا و مره أهرب منو و اشكي و اعتبر حبك حكاية عشت فيها بكل روحي و ارتضيت سهدي و جروحي كنت داري و كنت دوحي و انطفيت يا نور زماني )
أأأأأأأأأخ أنا..
يديك العافية يا مولانا مودتي
| |
|
|
|
|
|
|
Re: ضد القُبح (Re: Emad Abdulla)
|
*
عماد الفنان تعرف .. تعرف غنانا ده غنا مليان شجن او دعنا نقول بوضوح اكتر مليان حُزن فنحن تاريخ ملئ بالهزائم و (كسره النفس ) منذ ان راودت محمد علي الكبير الاحلام بالدفع بالـ باشبوزكـ يعيثون فينا فسادا و اصبحنا نُباع و نُشتري .. حتي و ان رفعنا الرأس قليلا بعد سقوط الخرطوم .. عدنا و نكسنا اعلام مشاعرنا ثانيه .. شفت الهزيمة عاملة كيف يا صديقي ّّ!! وحظنا العاثر لم يتوان في قذف ثقافتنا بين براثن الشعر العربي و المتصوفة فورثونا ليال طوال من الحرمان والحنين و التسامح ربما كان لمكوننا الثقافي هذا ابعاد ايجابيه وصمتنا بالتسامح و السموء عن الاضغان لكن لاذالت نفسنا مكسورة في الدموع أنا كل ليلة برسل أشواقي و حناني
هيت لكـ المي و حبي و قلبي و افعلي بي ماطاب لكـ فأنا مواظب علي صلاتي عليكـ هل هناكـ من يعشق و هو مجروح يستعذب الامه غيرنا !! لو كان محمد علي يعلم ان نهاية حلمه مانحن فية الان اظنه كان سيتعطف بنا قليلا واظن لفعل التعايشي ايضا ليه يا قاسي جفيتني و سبتني اتجول بين ربوع الوادي و في الجمال اتأمل اذكر اول جلسه الكانت اخر و اول واذكر اول نظرة و تعال نعيد الاول
________________ *الربابة الاثيوبيه
| |
|
|
|
|
|
|
Re: ضد القُبح (Re: خدر)
|
سلامات استاذ خدر
اخاف كثيرا ان يفعلوا بالجمال كما فعلوا بالحلم ذات مساء.. فسرقوه من بين حدقات العين .. وفي ذات ليلة اذا عادوا من غيبوبة القبح تلك سيشوهون كل الجمال الذي نخبئه فى دواخلنا .. ونترك لهم معداتنا قسرا الواح الخشب ، الريشة ، القلم ، لون الامنيات ...
عزائنا سيبقى عشق الفنان للوحة مخزون ذاكرته ، ولهفتنا للجمال فى كل صوت يشدو وكل لحن مدوزن اذن دعهم فى طغيانهم يعمهون ... واشرع ابوابك لمساحات الابداع اينما خلقت .. بدون مسميات فقد يفضحنا التاريخ على غير ميعاد ... ليجدوا اثار روعتنا فيتحسسوا مسدساتهم...
اذن سنمضي ... ضد القبح .. وضد العاصفة
تحياتي
| |
|
|
|
|
|
|
Re: ضد القُبح (Re: ملاذ حسين خوجلي)
|
خدر
تعلم مدى اعزازى واعتزازى بك ابو لقاء المدللة اليس كذلك ؟!!
Quote: ماقادني لهذا البوست هو دهشتي العظيمه حين دهسني احد الزملاء دون ان يدري هنا Re: سودانيزأونلاين ... كعبة لها أكثر من إله وهذه عادتي حين يدهسني القبح .. فقط اغني و كثيرا يا عزيزي مساحة الاخطاء وارده و كبيره لكن ان تسئ لاحدهم لمجرد ان اختلف معكـ في الرائ فهذه غلظة و قبح لا قبل لي بهم و دائما دواء القبح هو المذيد من الجمال |
بحق رب هذا الجمال
بحق الرب الذى منحك هذه الحنجرة الحنينة التى تعمل على تضميد جرح النفوس بملائكية رائعة !!
باسم من جمعنا جميعنا هنا فى هذا الفضاء الاسفيرى عندما وضع فى خيال بكرى ابو بكر انشاء هذه الكعبة التى نحج اليها يوميا بحب وتسامح واخاء .. رغم الاختلاف والحدة والتلاسن احيانا !!
بحق من اخرج لقاء من صلب الجمال والروعة والطيبة ياخدر العزيز ..اجعل من هذا البوست وهذه المساحة وطنا للتسامح والتصالح بينك والاخ الاكرم هشام أدم ..
لاتجعل كلمة غضب قالها اخ لك فى هذا الوطن تجعل التعايش بينكما مستحيلا ..!!
خضر .. ان نكون ضد القبح حقيقة هو ان نستطيع التسامى فوق احزاننا وغضبنا من زملاء واشقاء يربطنا بهم رباط الدين والتاريخ والجغرافيا .. والمكان والزمان احيانا !!
خدر ..لم يقصد هشام الاساءة اليك لانه ببساطة ليس بينه وبينك عداوة مسبقة (على حد علمى)
هو غضب من وصفك له (بالاعمى) فوصفك (بالاحمق الغبى ) !!
عليكم الله هسة انتو اى واحد فيكم موش ممكن يقول لاخوه فى البيت وهو بيتشاكل معاهو اكتر من كده ويرجعوا يتسامحوا عااااااااااااادى زى الطحنية مع الزبادى ؟!!
حقكم على انتو الاتنين ولو عندى معزة عندكم تتصالحوا هنا فى بوست ياغرامى الاول ضد القبح ده !!
بتسمعوا كلامى ياخدر وهشام ولابتكسفوا يدى الممدودة تصالحكم يااحباب؟!!!
| |
|
|
|
|
|
|
Re: ضد القُبح (Re: نادية عثمان)
|
فوق
كان تنفع؟
لانى ..لست كالكبريت
اضئ لمرة ..واموت
...........................
حبى للقاء ..
واعلم انها:
ملاذك...
لذا :
اسميت ..صغيرتى ..ملاذ
| |
|
|
|
|
|
|
Re: ضد القُبح (Re: نادية عثمان)
|
الصديقة ناديه
لست مختلف مع احد صدقيني .. هذا البوست ضد القبح فقط وهذا ليس صدا لكـ يا صديقة فأنا لا امكـ ان اصدكـ انا و بأختصار طويت هذه الصفحة بهذا الغناء و لم ولن اعودالي البوست المعني ثانية فأنا سعيد ان صوتي لم يخرج نشازا ساعة (دهشتي حين تم دهسي ) فخرج مني رمضان حسن كامل الدسم و معافي و هذا بجانب تضامن الزملاء قد خلق لي سعاده لا تتصوريها انا املكـ ردا علي كل ذلكـ القول الفطير .. لكن من الصعب التحاور مع الطوطم كما تعلمين هذا واجب مرهق لا قبل لي به .. المنبر يسع الجميع .. مرحبا بالجميع و ضد القبح
توضيح راجعي البوست المعني انا لم انعت الزميل بالاعمي .. انا قلت في سياق حديثي هل ابصر اعمي المعرة !!
| |
|
|
|
|
|
|
Re: ضد القُبح (Re: ملاذ حسين خوجلي)
|
ملاذ يا صديقة الحرف هم لن يعودا من غيبوبتهم .. فهم مشتبكون فعلا مع ذواتهم المريضة التي زينت لهم ان ( لون امنياتنا) جريمة وان عيون حبيباتنا التي تسطع في جباهنا عوره سأل صحابي الرسول (صلعم) فيما معناه أن ماذا نفعل ان تفرق القوم وانفرط عقدهم!! قال الرسول الكريم .. عليكـ بالجماعه فقال حسان واجما وان لم تكن !! فأجاب الرسول الكريم.. تعض علي لحاء شجرة حتي يدرككـ الموت
وهذا شأننا مع الجمال سيدتي .. سنعض علية ان عادوا او سدروا فكما قلت ريما يفضحنا التاريخ بذات معاد
لوني احساسنا .. سيدتي بكلماتكـ الفارهه
| |
|
|
|
|
|
|
Re: ضد القُبح (Re: خدر)
|
عجبتنى يا خدر
عجبنى فيك انه "دهستك" بتطلع فى شكل رمضان حسن...
تعرف شفت موهبتك دى زى الانت عامل ليها جدران من محار.يعنى خاتيها فى جسم بيضه،
.وكلما تقترب منك الشاحنات..وتدهسك تحسس البيضا ..وتفرش الغنا والابداع فى غرفة الانعاش..
ولما تتأكد منها سالمة وما اتهبشت..."تمشى تهابش" هههههههه يا لجمالك.
نحن معك ومع الجمال...
ليس ضد أحد.
| |
|
|
|
|
|
|
Re: ضد القُبح (Re: Tumadir)
|
تمادر تعرفي زمان بعد ما شبينا عن الطوق علمونا نقول كلامنا النحن متأكدين منو كويس وقارينو كويس بالانتقاد الحاااااار البزعل الزول داكـ . كارثة كبيره كانت لو صرحت اي تصريح وانت ماقاري كويس ( خاص/ عام ) بتتزر زرة كديسة في الريسيبشن زي ماقال ابوالليف والنقد بجيكـ قاسي و ده طبعا بكون في صالحكـ دائما اذا كنت كائن قابل للتطور لكن شكلو الزمن ده اتغير شديد والمهابشة بقت حقد اظنها (وجه ضاحكـ و فم يدخن بأستمتاع وغنمايه نايمة في الضل )
اقول ليكـ سر مشتاقين .. اظهري عندنا ونسة عن رمضان حسن
| |
|
|
|
|
|
|
Re: ضد القُبح (Re: عصام عبد الحفيظ)
|
والله ياخدر وماطالبنى حليفة
بقيت كل ماتضيق بى الواسعة واحس بكبسة الزهجة تزحف على روحى رويدا رويدا فى سلحفائية لئيمة !!!
اجرى على بوستينك ده زاتو واغنى معاك ياغرامى الاول تلاقينى (فجعة ) نسيت انا كنت مالى وزهجانة من شنو زاتو !!
موش قلت ليك انت خدر حلو ؟!!(وجه خجلان شوية ماكتير لانه قال ليك حلو ياخ)!!
عصاااااااااااااااااااااااااام عبد الحفيظ
انت جبت خالتى فائزة دى وهى نائمة كده المنبر كيف ياخ؟!!
انت زاتك زول رائع يافنان والله
| |
|
|
|
|
|
|
Re: ضد القُبح (Re: خدر)
|
خدر يا جميل الحزن يا ينبوعا للفرح الوسيم
يقيني أنك حزنت مندهشا تألمت مفجوءا حينها
بيد أنني، بعد سماع غنائك كرة و مرات، أيقنت أنك سعيد جد سعيد لأنك لم تدهس أحدا
لو فعلت، دون عمد قطعا، لما انقطع نحيبك
مع ذلك ما أحر الظلم و ما أعذب غناك
بوعسل أبوعسل
| |
|
|
|
|
|
|
Re: ضد القُبح (Re: خدر)
|
معك ضد القبح يا خدر
جمال هبوفول كتب الكلام دا رايك فيهو شنو؟
Quote: فرصة جيده أتاحها الأخ خدر للجميع حين نبذ القبح وأدانه وهذا مسلك حميد وشجاع لو اكتمل وحالفه الصدق ومن هنا احب ان ارسل هذه الرسالة للاخ خدر
هلا تخلصت من كاهل ذنب يغض مضجعك
"جــــوطة"
الشخصية التي اثارت جدلا واسعاً وبموجبها قامت المشاحنات والمطاعنات بين الأخوات راوية ورجاء من جهة وبين دكتورة بيان من جهة
هلا تقدمت وكشفت لنا بقوة تزيل كل القبح الذي صاحب شخصية جوطه عن شخصية "جـوطه" التي تسببت في شرخ واسع وجروح غائرة وظلم طال الكثيرين وانت تشاهد كل هذا مع علمك التام بحقيقة الشخصية وتمد لسانك غير عابئ
القبح هو أن نظهر بغير حقيقتنا القبح هو أن نتسبب في مثل هذه الاوجاع ولا يرتجف لنا جفن ثم نأتي ونتدثر بثوب الجمال ونظهر في صورة المحاربين للقبح
هلا بدأت حملتك من نفسك وتجردت من ذنب "جوطتك" السابقة والتي لازالت ترمي بظلالها في علاقات الاخوات مع بعضهن البعض ومن ثم الكثير من التداعيات التي صاحبت هذه الشخصية وشخصية اخرى سنتطرق اليها في حينها؟؟!.
بعدها ستجد دعوتك احترام الجميع
ضد القبح |
| |
|
|
|
|
|
|
Re: ضد القُبح (Re: خدر)
|
وعنّي .. يا ( أمان ) الخائفين .. آآآآآآمين
نحاسيات عصام هناك .. والضجيج .. نقاط عصام الواشيات .. و غلو السأم .. بهنس تلعق ألوانه سقف رغبتي ( محندكة ) .. الجريفاوي و شهواته الشبقة .. أنت و رمضانك ( البكايييييي ) ( ملعون أ................. ) ............. لي أن أعتمر أرقي مدخلٌ لنشاز الهواء خارج طقس رفقة جنكم الأزرق هذا .. صفقت لي الطاولات - حين فعلت - و أعقاب اللفافات المبتلة .. و المرآة ذات الصور القديمة المنعكسة .. ( حليل زمن المرايات كانن مرايات ) حين رأيت فم حبيبتي ( الما بغباني ) مطبوع الحقوين على ياقة عازف البيانو العجوز .. قلت ( البركة الجات منك يا بيت الله ) ...... ضد القبح ؟؟؟ أبقى هنا ( إذا بتريد ) إذن .. حرب القبح ( هناك ) بسوس .. ( قبح الله وجه ذاك الساقي إنه بالحريق حل ........ ) كن هنا .. من شروط الذبح : حدة النصل كن هنا إذن .. ذبحا للقبح ( جزار كيشه ) .. ...... و .. حين تمر باللبخة الأم قبالة توتي - مدلاة الأثداء كغولة - ( يقينا أن هناك لبخة و نيل في كل مكان في الدنيا .. وإلا كيف يكون - مكاناً - إذاً ؟؟؟ ) ..إبحث عن ذاك في بلاد الفرنجة يا مولانا .. بحثت عنه أنا ههنا ، قيل لي : معتقلان - النيل و عشيقته العجوز تلك - بتهمة الدجل و الشعوذة ( المادة الأخيرة في قانون العقوقات ) المهم .. قل لها - اللبخة -: يغمز النيل - الصعلوك هذا - سؤتك ثلاثة أقمار حسوما كل عام .. وتظلين تؤدين دور الباليرينا .. ترسمين بخفيك خارطة لزجة تنهك فحولة الطمي .. ( بحيرة البجع ؟؟ ) ( و .. ينكرها - النيل الصعلوك - ثلاثا قبل صياح الـ .. الجدب ) .. اللبخة العجوز الطيبة العذراء .. أمي ثم .. قبلها عني طويلا .. و عانق ........ يا نيل .. يا تويل .. ياااااااااا ........ ( الشوفتو بتزيل الكلاح ساهر بي لامن فجري لاح )
أيكون فجر العصيان ؟ .. مالنا و ذاك دويتو العشق .. ثنائيات زجاجاتي و اللفافات ( التخميسة ) حذاءان بكعب عال يواريهما جفناي .. فألوذ بكثافة لون خياشيمي في حضور زيت التربنتاين .. آهٍ يا شبق الروح لغلالة ليلية ما .. أوعطر لخُمرة .. أو .. لإرتواءات العتامير البعيدة من صندل المطر .
مَن أفقر مِن مَن ؟ كتلة دمي ( ذو الإحتيجات الخاصة ) أم .. إنتصاب الخواء ؟؟؟ ....... ( تسحرني يا ناير الخدود ساحر الوجود مالك على أنا دمعي فاض من الصدود على الخدود من مقلتي ما نابني من حبك سوى دلال و صد و ... تيه )
يا أبو داووود .. نم في حواسي الخمس .. ........ رمضان .. يا حسن زهجٌ مجنح .. ( ولو كنتم في قصور مشيدة ) يأتي من أمامكم و من خلفكم .. ليتنا يا ( طارق ) بن زياد ما حرقنا سفن العودة للدم الأول .. و ما تسولت غرناطة لذتها - سمراء الفخذين - بطول الأطلسي .. و ( عرض ) الخليج ..
زهج كالساطور الثليم .. أستقبله بنشيد العلم .. و نقاط عصام .. و الصرير تحت أضراسي فيشيح عني - هذا الحقّار - متسولاً عتمة الأعين السابلة ورائحة عطن النعناع القديم .. و حبال الخرطوم الصوتية فـ .. ( هل أتاك حديث الغاشية ؟ ) ........ ( قل لي بربك كيف تنسى الموعدا و الليل أحلام و شوق غردا و الجدول الهيمان حولنا عربدا كانت ذراعاك لرأسيَ مرقدا عجبٌ .. أتنساها وتنسى المشهدا ؟) أبو داووووووود ....... ملاذ حسين خوجلي : أهبشي مسدسك
| |
|
|
|
|
|
|
Re: ضد القُبح (Re: عصام عبد الحفيظ)
|
عصوم دولتنا تعطينا بيد ماتحرمنا منة بالاخري براح صوري لا يطلق اليد لابداع كبير الم تر كيف تسرب من بين اصابع الحياة رمضان حسن و الجابري
يا الله يا الله يا الله اشملهم برحمتكـ جميعا
| |
|
|
|
|
|
|
Re: ضد القُبح (Re: Emad Abdulla)
|
المذيد المذيد من الجمال يا عماد
Quote: ضد القبح ؟؟؟ أبقى هنا ( إذا بتريد ) إذن .. حرب القبح ( هناك ) بسوس .. ( قبح الله وجه ذاك الساقي إنه بالحريق حل ........ ) كن هنا .. من شروط الذبح : حدة النصل كن هنا إذن .. ذبحا للقبح ( جزار كيشه ) .. |
اعدكـ ان احاول وان اخفقت فجد لي العذر .. انا فنان و دمي معجون بالكثير من الفوضي و القليل من الدماء اطلب لنا جميعاالرحمة من ذاكـ العجوز ذو الياقة المضرجة بالدماء فدعوتة مستجابة .. اليس هو اله الحمقي والجميلين !!
| |
|
|
|
|
|
|
|