|
Re: عقد قران لؤي شمت على شقيقة د.شهاب الفاتح عثمان...توجد صور.. (Re: عصام دهب)
|
Quote: بارك الله لكما و بارك عليكما و جمع بينكما في خير دائم ..
مليار مبروك للعروسين مع أجمل الأمنيات بحياة زوجية هانئة و بالرفاء و الذرية الصالحة إن شاء الله تعالى ..
ـ
و أكيد حننتظر حفلتنا مع أهل العريس في جدة يا لؤي .. |
يا أبو الأدهاب سلامات ياخي
الله يبارك فيك يا عزيزي مرّة جاتني منّك مكاملة والخط فاتح مسافة من غير رد منّك باين كان إتّصال إتضغطت فيهو الأزرار بالغلط ومن ديك نسيت أرجع ليك ما إتذكّرت إلاّ هسّع مع المداخلة دي دا حالتو قبل العرس
ولنا لقاء في عروس البحر
| |
|
|
|
|
|
|
Re: عقد قران لؤي شمت على شقيقة د.شهاب الفاتح عثمان...توجد صور.. (Re: أم سهى)
|
Quote: يا سلالالالالالالالالام ما اجمل الاخبار الف الف مبروك لؤي الرائع الاصيل ربنا يتم ليك على الخير ويسعدك ويهنيك ونجي عاد كلنا نقيف ونغني " أم العريس نحن جينا والبيت ما بشيلنا ودقيلنا خيمة " ايوي يووي يووي ربنا يهنيكم يا رب |
الغالية أُم سُهى سلامات وأشواق
وربّي يبارك فيك وعُقبى لسُهى الحلوة وسارّة الحلوة ربّي يجعل السّعادة دارك ويلاّ شيلي دلّوكتك وراجيينّك
تسلمي
| |
|
|
|
|
|
|
Re: عقد قران لؤي شمت على شقيقة د.شهاب الفاتح عثمان...توجد صور.. (Re: Nader Abu Kadouk)
|
الف مبروك لؤى بيت مال وعيال تهنئة بالحكومة الجديدة لؤى الشراكة فى الحكومة دى مختلفة شوية اولا القسمة ما 48% و28% زى ناس المؤتمر يا مدام القسمه ففتى ففتى ما نوصيك الففتى حقتك اكتر شوية للعريس الخارجية والعمل للعروس الداخلية والمالية باقى الوزارات حسب مقتضيات الامر اضربى بيد من حديد على كل من تسول له نفسه بمثنى وثلاث الموت والدمار لانصار التعددية لوووووووووول خالك صديق الموج حزب المدام الاحرار،،،
| |
|
|
|
|
|
|
Re: عقد قران لؤي شمت على شقيقة د.شهاب الفاتح عثمان...توجد صور.. (Re: صديق الموج)
|
Quote: الف مبروك لؤى بيت مال وعيال تهنئة بالحكومة الجديدة لؤى الشراكة فى الحكومة دى مختلفة شوية اولا القسمة ما 48% و28% زى ناس المؤتمر يا مدام القسمه ففتى ففتى ما نوصيك الففتى حقتك اكتر شوية للعريس الخارجية والعمل للعروس الداخلية والمالية باقى الوزارات حسب مقتضيات الامر اضربى بيد من حديد على كل من تسول له نفسه بمثنى وثلاث الموت والدمار لانصار التعددية لوووووووووول خالك صديق الموج حزب المدام الاحرار،،، |
ود الموج جدّي سلامات
الله يبارك فيك وفيفتي فيفتي شنو يا جدّي ؟ القسمة عندنا نحن 100% إلى 0% الـ 100% دي بتاعة المدام أنا متبرّع طائعاً مختاراً بالـ 50% بتاعتي ويا دار ما دخلك شر
محبّتي
| |
|
|
|
|
|
|
Re: عقد قران لؤي شمت على شقيقة د.شهاب الفاتح عثمان...توجد صور.. (Re: Yousif A Abusinina)
|
Quote: الف مليــون مبروك للعروسين و(بيت مال ) وعيال
مبروك لؤى وشكرا رشا للاخبار الحلووووووووة
لؤى وصية خالك صديق بتضيعك اسمعها وطنشها
قال فيفتى فيفتى كدى اسالة مطبقها فى نفسة
انشاء الله ايامكم كلها ساكوبيس يارب |
أخي يوسف ابو سنينة مساء الخير
الله يبارك فيك يا عزيزي جدّي الموج ردّيت عليهو وقلت ليهو ما في فيفتي فيفتي في ميّة للعروس نحن ما قدر المشاكل والتلاتل دي
تحاياي
| |
|
|
|
|
|
|
Re: عقد قران لؤي شمت على شقيقة د.شهاب الفاتح عثمان...توجد صور.. (Re: الرفاعي عبدالعاطي حجر)
|
يا سلاااااااااااااام يا الضى زينة شباب الحى الف الف الف مبروووووووووك ده زواج الموسم وفرحة اكبر من كل الفرح يعلم الله دى دايره ليها زغروته كاااااااااربة كده يا الضى تشق المحيطات والصحارى وتصلك فى محلك كداااارى وتزفك بى فرحة لحدى باب البيت والباقى نتمو بالحنة والضريرة والسيرة الكبيرة ربنا يسعدكم يا رب ويبارك فى زواجكم الميمون تهنئة حاارة عبرك للاسرة الكريمه.. وخاصة جداا للعروسة يا ضى شبابيكناكلنا وتحية ليك يا الحبيبة رشا سالم على بشارة الموسم وان شاء الله بالعديل والزين والفال السمح
| |
|
|
|
|
|
|
Re: عقد قران لؤي شمت على شقيقة د.شهاب الفاتح عثمان...توجد صور.. (Re: سيف بخيت موسي)
|
الف الف مبروك لاخى وصديقى الغالى لؤى وعروسته لينا والتهنئة موصولة لاسرة الوالد محمد عثمان شمت والوالدة العزيزة زينب على والاخت لميا والاخ مصطفى حسين وللاخ د/ شهاب الفاتح والاسرة
،،،،،،،،،،
كده يا رشا نحن مشغولين بتجهيزات العقد تجى انتى تختفى الخبر الحلو ده ، ربنا يديم الافراح واصيلة يا غالية نتقابل فى الفرح لو ربنا هون .
| |
|
|
|
|
|
|
|