|
Re: أغنية حفلات الزواج المفضلة عند السودانيين هذه الايام !! (Re: ناذر محمد الخليفة)
|
الله يجــازيـك ياناذر انت يا ولدنا قاعد ورا الساوند سيستم و لاشنو!!!! في واحدة قالت وآآآي في غنية بالعصر مروروا ... ياربي مالا .. قول ليها ما قدر دة ... عشان فرق الحبيب عارفنو حــــار
عاجباني الصداقة بين ناذر و .... DEEWANA و ان شاءالله طوالي نفسياتك فوووووق زي كورة النوبــة ... كورة واتــة مــافـــي
كل الود ... هيثــم
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: ناذر محمد الخليفة)
|
نأذر بنقلور
Quote: إنت زول جديد أعمل حسابك كلامك الفوق دا بيوديك التوج |
أولاً انا ما عنصري عشان كلامي دة يوديني التوج و لا من شيمتي التنابز بالألقاب ... لأنوا فقط انا قصدت تشبيه للعب الكورة طوااالي فوق و ليس إلا ... لكن انت خلي الرشاقة دي شويه يا ولدنا..
عادل دة منـو يا ناذر؟؟؟
Quote: أفضحك مع البورداب ولا ما في داعي |
الفي بطنك قولو و بعدين تفضحني بشنو؟؟ و التعبير التحت دة لزوموا شنو و القال ليك ذوق منو!!
Quote: بلا ذوق بلا بطيخ معاك |
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: ناذر محمد الخليفة)
|
Quote: هيثم إنت جنيت ولا شنو |
تعرف ياابو النيز المشكلة انا مرات بكون مساهر و بجي بقعد في النيت و يتشابه على البقر... و دة كلو من وائــل
بالمناسبة يا ولدنا.. من المؤسف إنوا عندي واحد جاهل ساكن معاي قال داير يعدل في البوست بتاع النفسيات في موضوعي فإذا به لسؤ الحظ يشطب كل مداخلاتي معاك.. هو في الحقيقة قال بتعجبوا تعليقاتك و انا سمحت ليهو يعدل لكن.... دة طلع جحش الله يسامحوا و معذرة إذا لقيت تعليقاتي ما موجودة و لك العتبى حتى ترضى يا ناذر خان
هيثم
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: Haytham Abdulaziz)
|
Quote: إنت زول جديد أعمل حسابك كلامك الفوق دا بيوديك التوج |
هيثم سلامات ...
أنا بقرأ في كلام ناذر الشقي وبقيت أضحك..!! وقلت في نفسي..ويوديهوا التوج ليه ..وما يمشي التوج مالو....!! ما قلنا حرية تعبير مع بعض الضمانات دون لتعرض للشخصيات والقوميات واللإثنيات.. أنت يا ناذر موش مشيت التوج وجيت حصل ليك حاجة ..أقل حاجة الجماعة اياهم ختوك في البلاك لست بتاعهم بقوا يراجعوا كتاباتك للحصول على أي فرقة عشان يدوك كرت احمر والحؤول دون وصولك للبوست لإمتاعناوإمتاع نفسك بالشخطبة على هذه الجدران....
بس أوعك تنطح براسك يا ناذر بعد الكرت ولا قبلو....
صنفرة خشنة.. شكرا على أغنية الزول الكان بمر في العصر ....
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: bob)
|
غايتو يا ناذر بالغته فيها !!!!
على العموم مبروك كنتا عايز اجيب البتاعات واحضر الطربانه !!
الدعوه متاخره لكن السماية ما بتفوتنى + البتاعات !
اتاريك اغانى حفلات + نفسياتك داقه السمه = سايــق الريــده
كعــب العدم
شنــكل ــــــــــ
تروتســكى ابعلصه ده ماعندك ليهو دامــه انشاء الله بتاعات شيريه
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: ناذر محمد الخليفة)
|
كيفك يا بوب ..
Quote: على العموم مبروك كنتا عايز اجيب البتاعات واحضر الطربانه !!
الدعوه متاخره لكن السماية ما بتفوتنى + البتاعات !
اتاريك اغانى حفلات + نفسياتك داقه السمه = سايــق الريــده
|
البتاعات والطربانة جيبا معاك شهر لإتناشر وانا راجيك إنشاء الله
شنكل :
تروتسكي صحبي هسي بعد كم إسبوع كدة حا تلقى بوست بتاع خطوبتو معلق فوق
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: ناذر محمد الخليفة)
|
محمد الطاهر ..
شنو ياخي كاتب مداخلتك في الصفحة الاولى
Quote: واااااااااااااااااااااااااااااي، ده شنو الختيتوهو في البوست دا...
حمادة بت قبل 4 شهور جا غنة في حنة خالتي، والبيشوفو يقول الود ده خشبة (عارفين يعني شنو ولا لأ؟)!!!
تشويه للثقافة والغناء السوداني، والزي ناس (حمادة بت) ديل كترو في البلد وبقوا يكسروا أكتر من (بنات حمادة) زاتو...
لكن بصراحــــــــــــــــــــة.......: "شب شب شب، ورا ورا ورا، فوق فوق فوق، أها أها أها، ويـــــــــــــــــــــن، أرح أرح أرح"!!!
|
طبعا هو زول بيربها تمام ولا أسفا على الغنا السوداني طالما ما في ضوابط او قوانين تمنع الزي ديل من عمايلم دي
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: ناذر محمد الخليفة)
|
ملهم ..
وينك ياخ !! والله مشتاقين ..
Quote: ياخى البوست ده رفعته فى وكته تماما.. اولا اخوك انشاء الله عريس فى القريب ..
|
يا زول ألف مبروك وربنا يتمم على خير ..
Quote: وعايز يعرف الرايج شنو فى الحفلات يعنى الفنان الشديد الطالع هسا فى الكفر..وبما انك ضليع حسب رواية البوست اعلاة فقلت استشيرك فى الحتة دى وكده..
|
شوف يا سيدي ..
الكفر دا مدور زي ما إنت عارف وكل إسبوعين تلاتة بيطلع فيهو فنان ، فلو إنت جد داير تعرف الفنان الطالع في الكفر إلى تحدد لي مواعيد زواجك وبعد داك انا ممكن إتنبأ ليك (الكرتلة) حا ترسي على منو الوكت داك ..
Quote: الشى التانى ... ياخ انت زول ظريف
|
إنت الاظرف والله !!
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: ناذر محمد الخليفة)
|
دكتور محمد الطاهر ..
Quote: لكن في الزمن ده.. احتكر الكيزان، بكل أنانية وحقد، دون سواهم على القرش.. (طبعا من غير الوجاهة والحكمة والأبهة والهيبة)..
وأي هيبة نتوقعها من أناس.. كبيرهم يرقص في الاسبوع أكتر من (نانسي عجرم) و(روبي).. لأ، وبالكنداكة كمان..
ورجلهم القوي ياكل شارع زلط كامل.. و"خلوها مستورة"!!
وتجيب (نانسي شكارتها دلاكتها): "الأكل الزلط ده شكيناهو لـالله."!!
|
زي ما قالو ليك دا زمن (الكوندومينيون بيريود) يعني خم وصر
Quote: هذا زمانك يا مهازل فامرحي.. هذا زمانكم قارب على النهاية يا كيزان الـ......، فتأهبوا!!!
|
يا زول قول بسم الله !! إنت إتشنجت ولا شنو ؟!! البوست فيهو غنية (راجل المرة) وبي صوت راجل كمان !! كيزان شنو الدايرم يتاهبو ليك!! إنت موديهم صبحية للفنان دا ولا شنو !! لا والله بالغت يا دكتور .. ما بسعلك لكن
Quote: ناذر.. وين يا أبو النيذ؟؟ ما تمرقنا من جو الإحباط ده بربَـة تانية يا ولدنا!! |
ربة تانية !!!!! كان ليك !!!
سمعت راجل المرة قلت للكيزان يتاهبو .. هسي أسمعك (اللبن أبو لي بيه) تقوم تشيلك الهاشمية وتقعد تكورك (امريكيا روسيا قد دنا عزابها) وتودينا في ستين داهية وأنا زول قدامني عرس وما فاضي للمقابضات بتاعتك دي
صنفرة :
Quote: (عدل بواسطة د.محمد الطاهر on 16-11-2006, 02:07 ص)
|
الحمد لله عدلتا !! ما عارفك كتبت شنو .. لكن اكيد كنت داير تودرنا !!
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: ناذر محمد الخليفة)
|
عارف يا نازر زمان كنا بنخاف نمشى نقيف جنب المسرح علشان كان الفنانين محترمين وبنعتبر المنطقة دى محرمة الا على اقارب اهل الفرح وفى اهل الفرح الجرئ فيهم . وبعد فترة لما ظهرت حنان بلوبلو ونسمع ناس فلان جابوها فى عرس ولدهم او بتهم كنا بنستغرب كيف فى حفلة زفاف يجيبو بت بترقص باعتبار حفل الزفاف دا المفروض يكون فيهو شوية وقار وذكرى طويلة تبقى مع مرور الايام تحمل اسم الفنان وبعد فترة انتشرت عملية حنة العروس انتشار واسع وانتشرت معاها الغنايات والشباب البقلدو الغنايات ديل او بيلقو نفسهم فى الاطار دا ، وطبعا البداية بتكون سهلة جدا" ما على الغناية الا تتعرف ليها على بتاع حافلة ودا يعرفها على بتاع اورغن ، وسيد الساوند ساكن فى الشارع الوراهم ، ومن هنا تبدأ رحلة النجومية الى عربية اخر موديل وليه لا ما دام العداد شغال وهنا تتسأل فلانه هسه الزولة دى ما كان ماشة كدارى وتغنى بالدلوكة متين عملت دا ، طيب المانع شنو انا اخوى يبقى ذيها ، تعال يا حمادة بتعرف عبدو بتاع الحافلة الساكن ورانا دا عندو صاحبو بتاع اورغن وفى بيتهم محل تركيب عطور وكريمات ، اغشاهو ونحن وراك بنجب جب جب . وهاكذا وهاكذا والمصيبة انو الاعلام وتلفزيون النيل الازرق ساعد على انتشار هؤلاء الشباب بتقديهم للجمهور من غير ما ينتقد ذلك الشاب او الشابة علنا انك يا فلان بتغنى اغانى هابطة فى المناسبات وعندما تاتى الى الاستديو تعمل فيها انك ملتزم والفن التزام سوا داخل الاستديو او خارج الاستديو وعلى الفنان ان يقوم بدور الموجهه للشارع ، وطبعا" لضحالة مستواهم الثقافى يكون دور هؤلاء الشباب فى البرنامج دور المغنى فقط وجايبن ضيف اخر للحديث . وللحديث بقية . تشكر يا نازر على هذا البوست الجميل .
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: ناذر محمد الخليفة)
|
الزميل عبد الدائم ..
Quote: والمصيبة انو الاعلام وتلفزيون النيل الازرق ساعد على انتشار هؤلاء الشباب بتقديهم للجمهور من غير ما ينتقد ذلك الشاب او الشابة علنا |
أضيف على ديل قنوات الإف إم الخاصة .. وديا سبب كل البلاوي في الساحة الفنية بترسيخا للثقافة دي !
Quote: وطبعا" لضحالة مستواهم الثقافى يكون دور هؤلاء الشباب فى البرنامج دور المغنى فقط وجايبن ضيف اخر للحديث .
|
طبعا دا بقى الشي الملاحظ .. يجيبو فنان درجة سابعة يكون ما بيعرف يفك الخط حتى وما بيعرف يتكلم كلمتين مع بعض لكن للتغطية يختوهو راس مع زول (كلام) وبيعرف يواجه الشاشة وأنا صراحة مستغرب.. زي الناس البيعرفوا يتكلموا ديل بيرضوا كيف يكونوا في الموقف دا !!!
تسلم على المداخلة وفي إنتظار عودتك ..
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: ناذر محمد الخليفة)
|
أحمد خدر ... كيفك يا زول ..
Quote: شايف فى بوست تانى تبحث عن alpha blondy امشى youtube.com حاتلقى غناء مهوول لكن ياناذر اخر البوم ليهو اسمه elohim غنى فيهو |
تتصور عملت بي نصيحتك ومشيت هناك عملت بحث لقيت في كميات مهولة من الكلبات لي ألفا بلوندي أنا زاتي ما كنت متصور يكون عندو كلبات قدر دا ..
أنا والله يو تيوب دا مستهون بيهو ساكت !!
شنكل :
تتصور أصلو ما عرفت أحفظ الكلبات دي من الموقع في جهازي !! عندك فكرة ؟!!
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: ahmed khidir)
|
ناذر يا ولدنا
كلو واحد اغاني البنات البغنوها اشباه الرجال ديل ولا اغاني البنات البغنوها اشباه البنات مع اشباه الرجال
قبل يومين جابو ستونه مجروس من القاهرة تحكي عن تجربتها الفنية فى مصر و التمثيل مع عادل امام بالله القندراني دي ما شرطت عينا لا لامه فى اللهجة المصري ولا السودان و الوش براهووووووووو ماشاء الله اللهم لا حسد مالي الشاشة و مدفق شويتين و فى الختمة بعد هي و المذيع المصرية ذات الحجم العائلي قدوووووووونا و كرهونا الويكد اند قالت تقدم اغنية من اغاني البنات هههههه قالت من اشهر اغاني البنات الحب صعب يا علي بتقوم حرب يا علي هههههههه
تخريمه
عن طريق الوصلة دي ممكن تنزل اي شي من يوتيوب لجهازك
http://video.qooqle.jp/dl
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: ناذر محمد الخليفة)
|
أبو السيد بيكاب ..
Quote: قبل يومين جابو ستونه مجروس من القاهرة تحكي عن تجربتها الفنية فى مصر و التمثيل مع عادل امام بالله القندراني دي ما شرطت عينا لا لامه فى اللهجة المصري ولا السودان و الوش براهووووووووو ماشاء الله اللهم لا حسد مالي الشاشة و مدفق شويتين و فى الختمة بعد هي و المذيع المصرية ذات الحجم العائلي قدوووووووونا و كرهونا الويكد اند قالت تقدم اغنية من اغاني البنات هههههه قالت من اشهر اغاني البنات الحب صعب يا علي بتقوم حرب يا علي هههههههه
|
الله يجازي محنك .. إنت ما قريت بوست سجيمان عن ستونة ولا شنو
Quote: عن طريق الوصلة دي ممكن تنزل اي شي من يوتيوب لجهازك
|
مشكور على الوصلة وفعلا استخدمتها وقدرت أنزل تسجيلات في الجهاز لكن ...
ما قاعدة تفتح في الجهاز رغم إني إستخدمت كل البرامج المتاحة !!!!!
| |
|
|
|
|
|
|
Re: أغنية حفلات الزواج المفضلة عند السودانيين هذه الايام !! (Re: حبيب نورة)
|
ابو النيذ صديقى ...تحياتى
Quote: شوف يا سيدي ..
الكفر دا مدور زي ما إنت عارف وكل إسبوعين تلاتة بيطلع فيهو فنان ، فلو إنت جد داير تعرف الفنان الطالع في الكفر إلى تحدد لي مواعيد زواجك وبعد داك انا ممكن إتنبأ ليك (الكرتلة) حا ترسي على منو الوكت داك ..
|
بما انه الكفر مدور .. وانت طلبت احدد ليك العرس متين ... عشان تشوف الكرتله حترسى على منو... فالعرس يوم 22 يناير ... يلا ورينا الكرتلة ... و.....
| |
|
|
|
|
|
|
|