Post: #186 Title: Re: أغنية حفلات الزواج المفضلة عند السودانيين هذه الايام !! Author: عباس حسن احمد Date: 07-03-2006, 11:40 AM Parent: #3
الاغنية الرائجه هى راجل المره ده حلو حلا
Post: #4 Title: Re: أغنية حفلات الزواج المفضلة عند السودانيين هذه الايام !! Author: Tabaldina Date: 05-31-2006, 09:49 AM Parent: #1
.. . يا اخوانى كن رقتو بوصى بالشفتو دا دندش بريدو فيهو ملامح من اختو
جنس وجاهة
الصفقة الصفقة
وما البصفق أن شاء الله جب جب جب ورررررررررررا
Post: #6 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 09:52 AM Parent: #1
روميو !!!!!
Quote: معزومة جبنة بي شيشة
دي (.......) جديدة ولا شنو !! (عدل بواسطة فيصل نوبي on 31-05-2006, 09:48
يا ها زااتا ..
بس بطل الحركات بتاعتك دي وخت الكلمة قبل التعديل !!
Post: #8 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 05-31-2006, 09:56 AM Parent: #6
Quote: وخت الكلمة قبل التعديل !!
الليلة يوم التعديلات العالمي
الله يكفينا شر الدقسات
Post: #7 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 09:54 AM Parent: #1
نبلدينا !!!
Quote: يا اخوانى كن رقتو بوصى بالشفتو دا دندش بريدو فيهو ملامح من اختو
جنس وجاهة
الصفقة الصفقة
شفت المهزلة دي بالله !!
دا هبوط ما حصل مع انو الغنية (رابة) لكن بتجيب للزول إشقدي في المصران
Post: #9 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 09:59 AM Parent: #1
!!!!!!!!!!!!!!!
Quote: دا دندش بريدو فيهو ملامح من اختو
دا كلام دا !!!!!!!!!!!!!!
الغريبة السيرفر عندي بطئ وما بقدر أسمع اي غنية (ون قو) !! بس دي بالذات شغالة عندي زي السكين في الزبدة !!
صنفرة :
البيغنيها التقول كابي فيها جلسرين !!
Post: #10 Title: Re: أغنية حفلات الزواج المفضلة عند السودانيين هذه الايام !! Author: WadAker Date: 05-31-2006, 10:05 AM Parent: #1
Quote: البيغنيها التقول كابي فيها جلسرين
كابيهو وين؟ متعــــــــــــــــــة
Post: #15 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 05-31-2006, 10:22 AM Parent: #10
والله يا ود عكر الاغنية دي لافقة مع صورتك كيف
تخيل بالله
تكون حاتيو كده بالكوباية دي
أظهر ياخ ..
Post: #11 Title: Re: أغنية حفلات الزواج المفضلة عند السودانيين هذه الايام !! Author: حمد فتح الرحمن Date: 05-31-2006, 10:09 AM Parent: #1
دا شنو يا ناذر
هسه انا من الشمالية او في السعودية طلّعونا عربجية و عواطلية يا ناس الله يجازيك يا حمادة بت
طلعنا اي كلام والله يا عالم
Post: #12 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 10:11 AM Parent: #1
الكلام الاخلاق .. ملازم حاجة معقولة !!
الما بتصفق انشالله ما يعرسوها !!
دا شنو دا !!
Post: #14 Title: Re: أغنية حفلات الزواج المفضلة عند السودانيين هذه الايام !! Author: tmbis Date: 05-31-2006, 10:20 AM Parent: #12
Quote: المحيرني انو الفنان البيغني دا جاب اسم تمبس في الغنية !! (عند ناس تمبس مدسوسة) !!! الحاصل شنو يا تمبس !!
.. دهـ شنو الليلة الخميتو جبتو دهـ يا نــاذر ؟؟ والله حقو الواحد يفتح فيك بلاغ ازعاج ( اضنين ) مستمعين بلاي الحاجات بقت عامله كدا
Post: #13 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 05-31-2006, 10:15 AM Parent: #1
تخيل منظر و ردود افعال القراء والمنبريين
هم بيسمعو في الاغنية دي
Post: #16 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 10:22 AM Parent: #1
ود عكر جابك البوست التعليمة دا ولا شنو
Quote: كابيهو وين؟ متعــــــــــــــــــة
قصدي كابيهو في الغنية عشان تنزلق سريع وتتسمع صاح !! أنت فهمت شنو يا زول
Post: #20 Title: Re: أغنية حفلات الزواج المفضلة عند السودانيين هذه الايام !! Author: ali elhassan Date: 05-31-2006, 10:31 AM Parent: #16
يا ناذر انت عارف انا قاعد فى السودان كان فتحت ليك 178-179- والمادة 154وماتسالنى من المواد دى شنو وكان خلاص مرقت براءة حتاخد ليك 80 جلدة
Post: #29 Title: Re: أغنية حفلات الزواج المفضلة عند السودانيين هذه الايام !! Author: Yassir Tayfour Date: 05-31-2006, 11:01 AM Parent: #16
ود الخليفة
شهر 11 كنت فى السودان لمدة شهر حضرت لى كم حفلة كدة... اها لما يغنو ليك حنانا وسنتر الخرطوم يا مان بدون ما اشعر تلقانى اطنطن و افكفك وخاصة لمااشوف الناس كلها قامت من الكراسى...المهم بعد حفلتين تلاتة كده اخوك اتعود بقى ما بيفرز نوع الغنا زاتو...فقبل ما ارجع بى يوم انا راقد ليك فى الحوش اسمع ليك سيف الجامعة يا نديدى ... وسيف الجامعة من الفنانين البيطربونى بالجد... يا زول طوالى اخوك دخل فى اقرب بنطلون و in no time اخوك وصل الصيوان...اول مرة يتضهب ... لكن سيف بستحق الضهب
لكن للآن يا ناذر ما بقدر اسمع غنية سنتر الخرطوم و لا حنانا دى، لكن فى حفلة ممكن، الموت مع الجماعة عرس
___________ الكلام الاخلاق انتو حمادة بت ده قاعد يجى البورد ده ولا شنو
Post: #17 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 10:27 AM Parent: #1
حمد كيفك ..
Quote: هسه انا من الشمالية او في السعودية طلّعونا عربجية و عواطلية يا ناس الله يجازيك يا حمادة بت
يا زول حمادة بت دا لو بتعرف بيطلع بي كم في الحفلة تتمنى تجي تغني بدالو لا اغتراب لا بطيخ
Post: #18 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 10:28 AM Parent: #1
روميو !!!!!!!!!
Quote: تخيل منظر و ردود افعال القراء والمنبريين
هم بيسمعو في الاغنية دي
اتخيلتهم ..
نسال الله السلامة ساااكت
Post: #19 Title: Re: أغنية حفلات الزواج المفضلة عند السودانيين هذه الايام !! Author: عمر الفاروق Date: 05-31-2006, 10:31 AM Parent: #1
أغنية أقل ما يمكن ان نقوله عنها انها رائعة .. شكراً اخونا ناذر على هذا الإبداع .. وللكن للأسف هذا الفنان شوّه هذه الأغنية ولم يغنيها كاملة !!! فهاهو يشوه المقطع بتاع :
الخاينة الجاسوسة .. في بيتنا مدسوسة .. في بيتنا مدسوسة بجيب مجروس وادوسا .. (هو قال ماشين نقيسا لقيتا الجمرة الخبيثة )
واين المقطع بتاع :
دق الباب بي شدة .. جريت ليو مستعدة .. انا قايلاهو راجل لقيتو سيد العدة ..
واين المقطع الأجمل في هذه الأغنية :
القصيرة المربوعة .. جات تبكي بي دموعة .. جات تسعى لي رجوعة .. وانا كشفت موضوعة ..
ثم كيف نسى الفنان هذا الكوبلي:
تلاتة سنين بهواهو .. ما عشقت لي سواهو .. ده نزل مستواهو .. واجب علي انساهو ..
وتكتمل الروعة بي :
قالوا امو حنكوشا .. تريد كده بي رموشا .. وما حبيت جمالا حبيتا عشان قروشا ..
هذا الفنان شوه الأغنية وشوه هذا التراث الأصيل وهذه الملحمة الغنائية تخريمة : بعدين الحفلة دي عند ناس تمبش وليس تمبس
Post: #21 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 10:33 AM Parent: #1
تمبس ...
Quote: دهـ شنو الليلة الخميتو جبتو دهـ يا نــاذر ؟؟ والله حقو الواحد يفتح فيك بلاغ ازعاج ( اضنين ) مستمعين بلاي الحاجات بقت عامله كدا
برازي فيك لي قريب التسعة شهور عشان اتعلم رفع الاغاني .. أها اتخيل الحصل شنو .. يعني الواحد لو كان عارف في أغاني زي دي بيرفعا ما كان اتعلم الشغلة دي كلو كلو !!
الحاجات دي بقت عاملة اكتر من كدة .. انت عمر الفاروق ما حكى ليك في عرسو الغنا كان كيف
Post: #22 Title: Re: أغنية حفلات الزواج المفضلة عند السودانيين هذه الايام !! Author: حمد فتح الرحمن Date: 05-31-2006, 10:36 AM Parent: #1
Quote: يا زول حمادة بت دا لو بتعرف بيطلع بي كم في الحفلة تتمنى تجي تغني بدالو
و يبقي عندكم حمد حمير و حمادة بت موش ؟ ياخي انا لو قتا ابشر للفنان و طرف البشيرة جا في الساوند العالم بتسد اضنيها . اخوك عندو صوت في التيست ون ما بغتي ما عندو علاقة بالموسيقي نهائي .
Post: #25 Title: Re: أغنية حفلات الزواج المفضلة عند السودانيين هذه الايام !! Author: tmbis Date: 05-31-2006, 10:47 AM Parent: #22
Quote: الحاجات دي بقت عاملة اكتر من كدة .. انت عمر الفاروق ما حكى ليك في عرسو الغنا كان كيف
لا عمر ما عندو قشة مرهـ .. انا ذاتي القدامك دهـ ما عندي قشة مرهـ لكن انا حدي فستانو البمبي وزرايرو الخمسة
لكن كمان ما قدر دهـ
يحول الفنان لفحص الكروموسومات والبطيخ ويصادر الأورغن في الحال ــــ مبالـــغة
Post: #23 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 10:41 AM Parent: #1
علي الحسن ...
Quote: يا ناذر انت عارف انا قاعد فى السودان كان فتحت ليك 178-179- والمادة 154وماتسالنى من المواد دى شنو وكان خلاص مرقت براءة حتاخد ليك 80 جلدة
يا خي الفنان البيغنيها ما انجلد قدر دا.. انجلدا انا
المواد دي ما بعرفا كم لكن أجمعم كلهم مع بعض والمجموع خت قدامو كلمة (ألف جنيه) .. أها دا مجموع القروش البيكسيها الفنان د في حفلة واحدة بس
صنفرة :
مع ملاحظة أنو شغال تسعة يوم في الاسبوع !!
Post: #24 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 10:44 AM Parent: #1
عمر (الشرامي)!!
Quote: هذا الفنان شوه الأغنية وشوه هذا التراث الأصيل وهذه الملحمة الغنائية تخريمة : بعدين الحفلة دي عند ناس تمبش وليس تمبس
عارفك بتاع حفلات وربات من النوعية دي
صنفرة :
يس الكنت ما عارفو انك باحث وناقد لي أغاني ما يعرف بالـ (أسطبلات)
Post: #27 Title: Re: أغنية حفلات الزواج المفضلة عند السودانيين هذه الايام !! Author: tmbis Date: 05-31-2006, 10:58 AM Parent: #24
Quote: بعدين الحفلة دي عند ناس تمبش وليس تمبس
عمـــر .. ( ياايهــا ) الفاروق نشكركم لي الإضاءات السلطتها على النص .. وبرررضو انتظر خدر لما يجيك
والله يا عمر الشريط دهـ يسمعو أبوي في البيت إلا يكسر لينا البيت في راسنا
برضو مصر انها مبالغة
Post: #26 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 10:55 AM Parent: #1
!!!!!!!!!!!!!
يا حمد انت الظاهر عليك طولت من السودان ..
Quote: و يبقي عندكم حمد حمير و حمادة بت موش ؟
الزمن دا الشغلة ما محتاجة لا لي صوت لا لي بطيخ !! بس يكون عندك بتاع أورغن حريف وهو البيقوم بالشغلة كلها لأنو الفنان زاتو بقى ما مهم ولا في زول شغال بيهو !!
يعني الناس بقت لو ماشة حفلة ما بيقولوا الفنان منو !! البيقول كدة دا زول (دقوسة) ساكت .. الناس بتسأل تقول بتاع الاورغن منو !! يعني انت لو بقيت فنان بس تجيب ليك بتاع اورغن جضيم وما ضروري تحفظ اغاني زاتو بس ترص ليك اي كلام زي أخونا البيغني دا !! والباقي بتاع الاورغن بيتمها ليك موية ساكت !!
صنفرة :
بس لا زم تكون متمسح ومتجلبط بي كم كريم وكم دهان كدة !!!
Post: #28 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 10:59 AM Parent: #1
الغريبة مافي أي جندرية جات داخلة البوست دا !! لكن هسي بيكونو بيسمعوا من برة و يجبجبو
صنفرة :
الما بتصفق أنشالله ما يعرسوها
Post: #32 Title: Re: أغنية حفلات الزواج المفضلة عند السودانيين هذه الايام !! Author: Yassir Tayfour Date: 05-31-2006, 11:10 AM Parent: #28
Quote: والله يا عمر الشريط دهـ يسمعو أبوي في البيت إلا يكسر لينا البيت في راسنا
ههههههههه يا تمبس ولو عمر اخوك سمعك جبت الشريط ده بجيك من كندا يكتفك بى اوتار الكمنجة لما تفهم حاجة
Post: #35 Title: Re: أغنية حفلات الزواج المفضلة عند السودانيين هذه الايام !! Author: tmbis Date: 05-31-2006, 12:56 PM Parent: #32
Quote: ولو عمر اخوك سمعك جبت الشريط ده بجيك من كندا يكتفك بى اوتار الكمنجة لما تفهم حاجة
والله يا ياسر أنا خايفو .. بعدما يرجع يخش في بنطلون جينز زي بتاعك الفوق دهـ واقوم انــا اربطو بي اوتار كمنجتو دي
هوي يا شرامــة البرقص ما بغطي دقنــو .. ودو الصبحية دي الخــور خلو الناس تجي تاخد راحته بي هناك
Post: #30 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 05-31-2006, 11:03 AM Parent: #1
Quote: عمـــر .. ( ياايهــا ) الفاروق نشكركم لي الإضاءات السلطتها على النص .. وبرررضو انتظر خدر لما يجيك
Post: #31 Title: Re: أغنية حفلات الزواج المفضلة عند السودانيين هذه الايام !! Author: عمر الفاروق Date: 05-31-2006, 11:10 AM Parent: #1
يا ابو النيييييييز : تعرف حمادة بت ده عمل فيني عملية والله نجار في خشبة ما عملها .. يا قريبك انا طيلة قعادي في السعودية ده حدّي الرياض + العمرة والحج يعني جدة دي ما مشيتا خاااالص .. المهم يا مان عندنا زول معانا في الحلة هناك ومغترب هنا في جدة وشغال مصوراتي .. قام في واحدة من الحفلات الكان مصورها في جدة كانت حفلة بي حمادة بت وبعيد عن الحضور كلللللو من طباخ ولي فوق والحفلة كانت شي بطااااااااااال ما بتفرز فيها عماد من إعتماد اها يقوووووووووم حمادة بت يغني ليهو أغنية ويقول : لقييييييييتو في التمرين ... لاااااااااااابس هدوم التيم .. لااااااااااااااقييييييييييييتو في التمرين .. سألتو من إسمو قال لي عمر شيخ الدين
اها يا قريبك طبعاً اخوك معروووووووف في الحلة بي إسم عمر شيخ الدين .. وبراك شايف الإسم الزي ده ناااااادر جداً يا زول ابوي قال ليهم معقولة عمر ولدي بيعرف الناس ديل ؟؟؟ اخوي ضرب لي قال لي يا زول انت البيحومك مع حمادة بت ده شنو ؟؟؟ يا زول والله انا لمن إتخلعت !!!!!!!!!!!!!!! قلت ليهو بت منو وحمادة شنو !!!؟؟؟ قال لي ياخ انت كنت في جدة قريب؟؟؟ قلت ليهو ابددددددددددددداً .. قال لي يا زول في شريط حايم في الحلة هنا كلللللو عمر شيخ الدين
غايتو الحمد لله زولنا الفي الحلة ده لاقا اخوي وقال ليهو ايوة دي حفلة كانت معمولة لي قرقوري كده إسمو عمر الشيخ من بحري وبركة الانا طلعت ساكن امدرمان .. ومنذ ذلك الحين وانا معجب بهذا الفنان الأسطورة المعروف بي حمادة بت
Post: #33 Title: Re: أغنية حفلات الزواج المفضلة عند السودانيين هذه الايام !! Author: عمر الفاروق Date: 05-31-2006, 11:51 AM Parent: #1
يا تمبس:
Quote: برضو مصر انها مبالغة
في واحدة من إجازاتي يا قريبك مشيت عرس بتاع جيرانا .. والحفلة كانت جوة البيت اها اخوك واقف ورا مع الشرامة البيكونوا واقفين في باب البيت وملمومين لمن ما يدوك طريقة تخش زاتو اها اول مرة أسمع ليك أغنية حنّانة دي وانا ما فارز اي شي قام الفنان بعد خلّص من الأغنية واحد من الشمش ديل قال لي الجمبو : يا مان الفنان ده ما جضّم الأغنية دي !!! داك قال ليهو لييي ياخ والله غناها تمام .. ده قال ليهو ياخ الأغنية دي فيها 26 وصفة الزول ده قال منها 8 بس !!! ومنذ ذلك الحين وفي مخيلتي ان هذه الأغنية مبااااااااااااااالغة
المشهد التاني البيأكد لي مبالغة هذه الملحمة الغنائية إنو انا كنت ماشي من الثورة الحارة 14 لحدددددي الموردة (وانت سيد العارفين كم هي المسافة)فقمت وقفت لي بتاع ركشة من الشارع .. اها يا تمبس من ركبت من محطة حميدان الثورة لحدي ما وصلت محطة عابدين شارع الأربعين كانت الأغنية هي أغنية حنّانة والغريب في الموضوع إنو الفنان ما كرر ولااااااا بيت واحد مش قلت ليك دي ملحمة غنائية
Post: #34 Title: Re: أغنية حفلات الزواج المفضلة عند السودانيين هذه الايام !! Author: WadAker Date: 05-31-2006, 11:54 AM Parent: #1
نوبى... الجميل ناذر المبدع...
Quote: تكون حاتيو كده بالكوباية دي
الفى الكباية دى بقى ماااااسخ ماعندكم واحد كاااااااااااارب
Post: #36 Title: Re: أغنية حفلات الزواج المفضلة عند السودانيين هذه الايام !! Author: Adil Isaac Date: 05-31-2006, 01:24 PM Parent: #34
Nazir
can you give us the link please??
Thanks
Adil
Post: #37 Title: Re: أغنية حفلات الزواج المفضلة عند السودانيين هذه الايام !! Author: محمد الامين احمد Date: 05-31-2006, 01:46 PM Parent: #1
تحية طيبة للجميع
عارف يا ناذر،
انا كان داير انزل الملف بتاعى ده فى اى بوست، صراحة مستخسر افتح ليهو
بوست براهو! كدى اسمع الجماعة ديل بيعملو فى شنو، اسه زى ده نعتبرو شنو؟؟
Post: #38 Title: Re: أغنية حفلات الزواج المفضلة عند السودانيين هذه الايام !! Author: ajaj Date: 05-31-2006, 03:02 PM Parent: #37
بالغتو عديل قولو والله دا ولد
لمن سمعت اسم حمادة بت السنة الفاتت افتكرتو اشاعة طلع جد ....يا شماته ابله.... بس مايكون في سامي نقاش برسم حنة كمان
وتقوم بينا العربية تودينا ناس تمبس
Post: #39 Title: Re: أغنية حفلات الزواج المفضلة عند السودانيين هذه الايام !! Author: Dr.Elsadig Abdalla Date: 05-31-2006, 05:57 PM Parent: #38
What a shame!!!!
Post: #40 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 02:37 AM Parent: #1
ياسر طيفور ..
انت مداخلتك دي مالك شانقا فوق كدا زي الخجلان منها !!
Quote: ود الخليفة
شهر 11 كنت فى السودان لمدة شهر حضرت لى كم حفلة كدة... اها لما يغنو ليك حنانا وسنتر الخرطوم يا مان بدون ما اشعر تلقانى اطنطن و افكفك وخاصة لمااشوف الناس كلها قامت من الكراسى...المهم بعد حفلتين تلاتة كده اخوك اتعود بقى ما بيفرز نوع الغنا زاتو...فقبل ما ارجع بى يوم انا راقد ليك فى الحوش اسمع ليك سيف الجامعة يا نديدى ... وسيف الجامعة من الفنانين البيطربونى بالجد... يا زول طوالى اخوك دخل فى اقرب بنطلون و in no time اخوك وصل الصيوان...اول مرة يتضهب ... لكن سيف بستحق الضهب
لكن للآن يا ناذر ما بقدر اسمع غنية سنتر الخرطوم و لا حنانا دى، لكن فى حفلة ممكن، الموت مع الجماعة عرس
___________ الكلام الاخلاق
انتو حمادة بت ده قاعد يجى البورد ده ولا شنو
شفت يا ياسر السنوات الفاتت دي كان في تلاتة اغاني كدة تعتبر (قريتست هيت) في الساحة اللي هم زي ما قلتا حنانا وسنتر الخرطوم ومعاهم وحدة كدة اسمها (تجي ولا نجي لي مطار أبو ظبي) !! أها في الحفلات الفنان لمن يغني الاغاني دي الجماهير بتجيها حالة كدة بتاعت تشنج زي الشافو قدامم مايكل جاكسون وهاك يا رقيص وحركات كدة ما بتتوصف !!
Quote: يا نديدى ... وسيف الجامعة من الفنانين البيطربونى بالجد... يا زول طوالى اخوك دخل فى اقرب بنطلون و in no time اخوك وصل الصيوان...اول مرة يتضهب ... لكن سيف بستحق الضهب
لكن للآن يا ناذر ما بقدر اسمع غنية سنتر الخرطوم و لا حنانا دى، لكن فى حفلة ممكن، الموت مع الجماعة عرس
يا راجل انت برضو من معجبي سيف الجامعة !! طيب انت ما زولي عدييل كدة !!
الغريبة انو الاغاني دي فعلا ما بتستمع كشريط في البيت او العربية .. لكن في الحفلات الواحد بيندمج معاها بدون ما يشعر وهاك يا قرض محتوت !!
صنفرة :
الغريبة انا لمن أركب ركشة في الخرطوم بطلب من السواق يركب لي شريط من نوعية الاغاني دي وما عارف السبب شنو وليه في الركشة بالذات !!
Post: #41 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 02:40 AM Parent: #1
الفاروق عمر ..
Quote: تعرف حمادة بت ده عمل فيني عملية والله نجار في خشبة ما عملها .. يا قريبك انا طيلة قعادي في السعودية ده حدّي الرياض + العمرة والحج يعني جدة دي ما مشيتا خاااالص .. المهم يا مان عندنا زول معانا في الحلة هناك ومغترب هنا في جدة وشغال مصوراتي .. قام في واحدة من الحفلات الكان مصورها في جدة كانت حفلة بي حمادة بت وبعيد عن الحضور كلللللو من طباخ ولي فوق والحفلة كانت شي بطااااااااااال ما بتفرز فيها عماد من إعتماد اها يقوووووووووم حمادة بت يغني ليهو أغنية ويقول : لقييييييييتو في التمرين ... لاااااااااااابس هدوم التيم .. لااااااااااااااقييييييييييييتو في التمرين .. سألتو من إسمو قال لي عمر شيخ الدين
وزي ما بيقولو الشهرة متاعب ..!!!
صنفرة :
الزول دا بيكون شافك في حتة وقام اعجب بيك وضماك لي لستتو وبالتالي دخلك في غنيتو دي !! أنت بس اعمل حسابك ما يكون شفرك ولا حاجة
Post: #42 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 02:43 AM Parent: #1
كيفك يا عادل !!
Quote: Nazir
can you give us the link please??
Thanks
Adil
عايز تعمل بيهو شنو يا زول !! الغنية دي للأستماع وليس للحفظ غايتو في مداخلة ذكية لي نوبي فوق لو فتشتها بتلقى فيها لنك الحفظ بس اوعك بعدين لمن يزنقوك تجي تقول كلو من ناذر
صنفرة :
كان في داعي للفضائح هسي ما كنت يا عادل تراسلني في الماسنجر احسن عشان اديك اللنك
Post: #43 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 02:46 AM Parent: #1
محمد الامين دا شنو الجبتو دا
Quote: تحية طيبة للجميع
عارف يا ناذر،
انا كان داير انزل الملف بتاعى ده فى اى بوست، صراحة مستخسر افتح ليهو
بوست براهو! كدى اسمع الجماعة ديل بيعملو فى شنو، اسه زى ده نعتبرو شنو؟؟
بعدين بنجى لزولك بتاع ركبتنى عربيتا ده
تعر يا حبيب أنا لي فترة داير انزل زولنا بتاع (كدة كيف) دا في يوست بس ما لقيت البوست المناسب في النهاية وتقديرا لعظمة الاغنية بأعتبارا المفضلة في الاعراس قلت أقوم انزلا براها
صنفرة :
غايتو بس نسأل الله السلامة وستر الحال والكرامة !!
Post: #48 Title: Re: أغنية حفلات الزواج المفضلة عند السودانيين هذه الايام !! Author: مهيرة Date: 06-01-2006, 03:21 AM Parent: #43
Quote: الغريبة مافي أي جندرية جات داخلة البوست دا !! لكن هسي بيكونو بيسمعوا من برة و يجبجبو
غايتو يا ناذر ولدى الأغانى الهابطة دى أحسن ترموميتر للحالة فى السودان: اقتصاد، أخلاق، تعليم
صحة، وهلم جرا، على قول سيدى الصادق
تحياتى
Post: #44 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 02:49 AM Parent: #1
عجاج كيفك ...
Quote: بالغتو عديل قولو والله دا ولد
لمن سمعت اسم حمادة بت السنة الفاتت افتكرتو اشاعة طلع جد ....يا شماته ابله.... بس مايكون في سامي نقاش برسم حنة كمان
وتقوم بينا العربية تودينا ناس تمبس
سامي نقاش دا ما قابلني ..
لكن أقسم ليك والله العظيم تلاتة في واحد اسمو سامي عجرم عديييييييل كدة حايم في الساحة الايامات دي وبيقلد في نانسي عجرم (ما تتخلعي) وما بيغني الا في الحتات الراقية وعندو معجبين كتار !!
صنفرة :
بيقلد نانسي عجرم في اي حاجة مش الغنا بس !!
Post: #45 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 02:52 AM Parent: #1
كيفك يا دكتور الصادق ..
Quote: What a shame!!!!
للأسف يا دكتور دا حال الساحة كدة اليومين ديل !!
صنفرة :
انت سمعت الصوت قلت (شيم) أمال لو نزلت ليك الشغلة فيديو وتشوف النظرية قدامك عيانا بيانا تقول شنو !! (نسأل الله الثبات )!!
Post: #46 Title: Re: أغنية حفلات الزواج المفضلة عند السودانيين هذه الايام !! Author: Ishraga Haimoura Date: 06-01-2006, 03:03 AM Parent: #1
يا ناذر ما تنسى (تجو ولا نجي في مطار أبو ظبي) وبعدين أهم منها: (راجل المره حلو حلا)
ديل الإتنين قالو لو الفنان ... آسفة أقصد الغناي - ما غناهم الحفلة ما بتكون رابة ويمكن ينقصوا ليه العداد
بالإضافة لي حمادة بت دا قالو بيعلم العرايس الرقيص وفي واحد تاني إسمه ميسر .. دا لزوم هندسة العروس وتفتيح اللون وكدا... صنفرة: إنتو النسوان كملو في السودان؟؟؟؟؟؟؟؟؟؟؟
Post: #47 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 03:06 AM Parent: #1
الحاجة الماقادر افهما أنو البوست دا مما نزل لحدي هسي ما تما ليهو 18 ساعة وبالرغم من كدة عدد الزوار قريب الالف نفر !!
صنفرة :
اختصارا للزمن اقترح تكليف أخونا عمر الفاروق للشروع في حصر العضوية تمهيدا لتاسيس (رابطة معجبي حمادة بت في المنبر)
Post: #49 Title: Re: أغنية حفلات الزواج المفضلة عند السودانيين هذه الايام !! Author: bashir adam abdalla Date: 06-01-2006, 03:37 AM Parent: #1
غيتو متالغه.....عديل كدا يا بت
Post: #50 Title: Re: أغنية حفلات الزواج المفضلة عند السودانيين هذه الايام !! Author: ajaj Date: 06-01-2006, 05:44 AM Parent: #49
ابي الله يجازيك بالخير لولاك لكانت عدادتي تطاقش...تقول لي اذنك ما موسيقية حسع حمادة دا كرعينو موسيقية خلي اذنو.... خلتني اقدد عيوني بالفيزياء والكيمياء بدل الحفلات و الجبجبة..... هاجر كباشي علمتها اهو بتطلع حفلات اكتر منك.....
يا ود عكر سلام في التبادي وبعدين افتح بوست نفش غبينتنا من عجاج....هو طردك من حصةالموسيقي ليييه
Quote: بيقلد نانسي عجرم في اي حاجة مش الغنا بس !!
يعني عندو بستان دكين
Post: #51 Title: Re: أغنية حفلات الزواج المفضلة عند السودانيين هذه الايام !! Author: luai Date: 06-01-2006, 06:26 AM Parent: #50
Post: #57 Title: Re: أغنية حفلات الزواج المفضلة عند السودانيين هذه الايام !! Author: محمد الأمين موسى Date: 06-01-2006, 07:29 AM Parent: #51
يا ناذر الحمد لله أخوك طلع لا من الشمالية أو السعودية! ويا ريت تكمل أجرك وتسمعنا أغنية تجي ولا نجي.. أتارينا ضايعين في بلاد برا؟
Post: #52 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 07:03 AM Parent: #1
كيفك يا مهيرة
Quote: غايتو يا ناذر ولدى الأغانى الهابطة دى أحسن ترموميتر للحالة فى السودان: اقتصاد، أخلاق، تعليم
صحة، وهلم جرا،
صدقتي والله
ودي الحسنة الوحيدة في الاغاني الهابطة لو لاحظتي لي غنية سنتر الخرطوم بتلقى الشاعر الناجر القصيدة دي وصف الحالة كلها من الكورة والبورة بتاعت البنات والسياسة وكل حاجة !!!
صنفرة :
يعني هسي لو في أجنبي سمع غنية (خمسة سنين) طوالي بيقول السودان دولة غنية وعندو قنبلة ذرية ..
ولو سمع حنانا دي طوالي بيغير رايو وبيقول السودان ما عندو (التكتح) !!
Post: #53 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 07:07 AM Parent: #1
كيفك يا اشراقة !!
وين أنتي من ديك وعيك !!
Quote: وبعدين أهم منها: (راجل المره حلو حلا)
ديل الإتنين قالو لو الفنان ... آسفة أقصد الغناي - ما غناهم الحفلة ما بتكون رابة ويمكن ينقصوا ليه العداد
غنية راجل المرا دي غايتو كوم براهو !! أول مرة اسمعا كان في عرس واحد بوردابي معانا هنا !! دي بالجد بتوري الحالة الاجتماعية العايش فيها السودان !!
صنفرة :
بس في غنية اسمها الدكاترة الستة دي كمان خلوني أنزلا ليكم المرة الجاية !!
Post: #54 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 07:09 AM Parent: #1
كيفك يا بشير ..
Quote: غيتو متالغه.....عديل كدا يا بت
في بوردابي جاي السودان بعد اسبوع عشان يتزوج ّ!! طلب مني احجز ليهو الفنان دا !!
صنفرة :
مع انو زمان كان دايرني أغني ليهو انا.. هسي غير رايو
Post: #55 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 07:17 AM Parent: #1
عجاج يا مبالغة !!
Quote: ابي الله يجازيك بالخير لولاك لكانت عدادتي تطاقش...تقول لي اذنك ما موسيقية حسع حمادة دا كرعينو موسيقية خلي اذنو.... خلتني اقدد عيوني بالفيزياء والكيمياء بدل الحفلات و الجبجبة..... هاجر كباشي علمتها اهو بتطلع حفلات اكتر منك.....
والدك الله يديهو العافية بيدرس فيني كم سنة في الصولفيج والصوت والعود .. لمن اتخرجت منو كنت مطمن اني مؤهل جدا أكون فنان بفضل والدك لكن أول ما نزلت السوق لقيت الناس البيغنو في الساحة ما دارسين اي حاجة وبعد دا مشهورين اكتر مني وعدادم اكتر مني بي كتير .. يعني أنا بشتغل حفلة تلاتة مرات في الاسبوع بالكتير .. وهم بيشتغلوا 12 يوم في الاسبوع مع انو لا دارسين صولفيج لا بطيخ
الميزة التانية الفيهم أنهم بيشتغلوا في أي مناسبة عرس ..خطوبة.. وداع.. طهور... رقيص عروس ....دخلة... زار أها وجذء من ديل ما درسونا نغنيهو كيف في المعهد
صنفرة :
Quote: يعني عندو بستان دكين
ودفرنش تكسي هباني الطكاسي ظااااطو !!
Post: #56 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 07:20 AM Parent: #1
المواكبة اهم حاجة عشان تكونوا مرتبطين وجدانيا بالوطن الام
صنفرة :
لو اديتوني الامان بكري ما يفصلني حرم المرة الجاية انزل ليكم فيديو جاهز لي فنان تاني ما تعرفو من يا تو جنس الا تعاينو ليهو بالقلبة
Post: #58 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 07:35 AM Parent: #1
عمر الفاروق ذكرتني حاجة مهمة !!
Quote: اها اول مرة أسمع ليك أغنية حنّانة دي وانا ما فارز اي شي قام الفنان بعد خلّص من الأغنية واحد من الشمش ديل قال لي الجمبو : يا مان الفنان ده ما جضّم الأغنية دي !!! داك قال ليهو لييي ياخ والله غناها تمام .. ده قال ليهو ياخ الأغنية دي فيها 26 وصفة الزول ده قال منها 8 بس !!!
كنت كتبت فيهو أشهر قصيدة اوتومسفيرية انا كتبتها واهديتا لي دافنشي ومنها انا اشتهرت شديد ودافنشي كمان اشتهر أكتر مني في البورد دا والابراد المجاورة !!
أها هو في نهاية البوست طلب مني أسمعو غنية (عشان يآمن) !! أها انا ما كضبت وطوالي غنيت ليهو (لايف) والغنية كانت (سيلكشن) وفيها جذء من حنانا نجرتو مخصوص لي دافنشي بغني بقول فيهو :
Quote: وعيونو ما بترمش اللابس قميصو البيرقش .. أنا حبيتو كوري وحبيت معاو ناس تمبس
يعني صاحبنا تمبس عندو علاقة بالغنية دي على طول العصور والازمنة
صنفرة :
تضيف ديل على الستة وعشرين تبقى النتيجة 31 كوبليه !!
التقول شهر يونيو !!
Post: #59 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 07:45 AM Parent: #1
محمد الامين موسى ..
Quote: يا ناذر الحمد لله أخوك طلع لا من الشمالية أو السعودية! ويا ريت تكمل أجرك وتسمعنا أغنية تجي ولا نجي.. أتارينا ضايعين في بلاد برا؟
كل ما اسمع السعودبة اللاما العواطلية الضحك يشرطني
طوالي بتذكر بورداب السعودية ناس فلان وعلان وفرتكان وبطيخ
صنفرة:
عندي قاعدة الغنية بتاعت مطار أبو ظبي بس خليني انتهي من العربجية والعواطلية ديل :
Post: #60 Title: Re: أغنية حفلات الزواج المفضلة عند السودانيين هذه الايام !! Author: luai Date: 06-01-2006, 09:03 AM Parent: #59
Quote: لو اديتوني الامان بكري ما يفصلني حرم المرة الجاية انزل ليكم فيديو جاهز لي فنان تاني ما تعرفو من يا تو جنس الا تعاينو ليهو بالقلبة
المشكلة ما بكري يفصلك ...دي ساهلة .. المشكلة اعداء الفن الظلامييين السكاكين قالوا رخيصة ...
Post: #61 Title: Re: أغنية حفلات الزواج المفضلة عند السودانيين هذه الايام !! Author: محمد الأمين موسى Date: 06-01-2006, 10:21 AM Parent: #60
Quote: في بوردابي جاي السودان بعد اسبوع عشان يتزوج ّ!! طلب مني احجز ليهو الفنان دا !!
صنفرة :
مع انو زمان كان دايرني أغني ليهو انا.. هسي غير رايو
يا ناذر الزول ده حفلتو بكم؟؟!!؟؟
Post: #62 Title: Re: أغنية حفلات الزواج المفضلة عند السودانيين هذه الايام !! Author: Muhib Date: 06-01-2006, 11:11 AM Parent: #61
هابطه بكل المقاييس ,ولكن بتقضي الغرض في حفله هيصه عرس ..رغم هبوط الاغنيه ,لكن فيها فرفشه وانترتينت في جو عرسي مليئ بالعزابه .
Post: #63 Title: Re: أغنية حفلات الزواج المفضلة عند السودانيين هذه الايام !! Author: يحى الشريف Date: 06-01-2006, 12:11 PM Parent: #1
غايتو يا جماعة اخر حفلة حضرتها في السودان كانت بالود حمادة بت ده .. لكن الصراحة انا قبل امشي ما كنت عارف الفنان منو ,, غايتو حمدت الله اني ما عرفت من بدري , عشان كنت حا اتحرم من الحفلة الرابة دي سااااكت
..
Post: #64 Title: Re: أغنية حفلات الزواج المفضلة عند السودانيين هذه الايام !! Author: يحى الشريف Date: 06-01-2006, 12:14 PM Parent: #1
(حذف للتكرار الغير مقصود)
Post: #65 Title: Re: أغنية حفلات الزواج المفضلة عند السودانيين هذه الايام !! Author: يحى الشريف Date: 06-01-2006, 12:16 PM Parent: #1
Post: #66 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 01:49 PM Parent: #1
لؤي !!!!
Quote: المشكلة ما بكري يفصلك ...دي ساهلة .. المشكلة اعداء الفن الظلامييين السكاكين قالوا رخيصة ...
أنحنا بتوع الاوتوبيس
Post: #67 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 01:53 PM Parent: #1
محمد الأمين موسى !!!!
Quote: يا ناذر الزول ده حفلتو بكم؟؟!!؟؟
أهاااااااااااااااااااااااااااااااا !!!!!! دا الما بينفع زااتو !!! انت قررت تجيبو في مناسبتك برضو ولا شنو أنا غايتو ما عارف بي كم تحديدا لكن هو ما عندو مشكلة أنت بس تحدد ليهو نوعية المناسبة وهو بعد داك بيوريك السعر !!
صنفرة :
السعر يفرق من صبحية لي رحلة لي حنة عروس لي (حاجات تانية حامياني) !!
Post: #68 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 01:54 PM Parent: #1
مهيب سلامات ..
Quote: هابطه بكل المقاييس ,ولكن بتقضي الغرض في حفله هيصه عرس ..رغم هبوط الاغنيه ,لكن فيها فرفشه وانترتينت في جو عرسي مليئ بالعزابه .
مش كدة بللاي
Post: #69 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 01:57 PM Parent: #1
يحي الشريف ..
Quote: غايتو يا جماعة اخر حفلة حضرتها في السودان كانت بالود حمادة بت ده .. لكن الصراحة انا قبل امشي ما كنت عارف الفنان منو ,, غايتو حمدت الله اني ما عرفت من بدري , عشان كنت حا اتحرم من الحفلة الرابة دي سااااكت
والظاهر انت لحدي هسي مخلوع من شوفتو والدليل مداخلتك الطلعت 3 نسخ وعاملة زي (حبةالانتوبيوتكس ) تلاتة مرات في اليوم
صنفرة :
يا راجل خليك طبيعي
Post: #70 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-01-2006, 01:59 PM Parent: #1
يعني بتعالج المشكلة بين الغربواة والجلابة بحنيه وطرب
التعليق الفوق دا أنا متحفظ عليو غايتو
صنفرة :
تعرف يا سيدي عندنا أذاعة هنا اسمها اذاعة الكوثر دي متخصصة في نجر المدائح و(لصيقا) في ألحان الاغاني الهابطة.. الناس ديل جابو ليك ألحان (كدة كدة يا الترلة) و (يا بهية وشباب الزمن جنية وعرس مافي) و (حمادة بابو جم بابنا حمادة بوظ أعصابنا) .. دا طبعا غير ألحان اغاني الحقيبة البهدلوها برضو !!.. ودخلو في الالحان دي كلمات مدائح ركيكة تحلف تقول الكتبا هو زاتو الكتب الملحمة بتاعت (حنانا) الفوق دي !!
المهم انت والله تفتح الاذاعة دي وتسمع المدائح الركبوها في الألحان الهابطة براك وبدون ما تشعر تحس بي نفسك بترقص القرد وتتكلم تقول (أرح أرح ارح) !! ورا ورا.. (النبق النبق النبق) من هبوط اللحن البتسمعوا قدامك !! مع انو الشغلة مديح المصطفى (ص) وما تعليمة في بيت ام عروس !!
Post: #73 Title: Re: أغنية حفلات الزواج المفضلة عند السودانيين هذه الايام !! Author: هاشم نوريت Date: 06-02-2006, 05:22 AM Parent: #72
ناذر الخليفة دبايوا انت من يوم مانزلناك من الحصان ياكا بقيت تجيب الحاجات المدسوسة دى ربنا يغطيك انت فى اسم تمبس الجابو الفنان دا ولا انا محيرنى الداماعة يرقصوا على الاغنية دا كيف؟ اوع يكون انسحاب خلفى ياربو هباهونا. الكرتوم دا الظاهر فيهو حاجات كتير ظهر ورانا.
Post: #74 Title: Re: أغنية حفلات الزواج المفضلة عند السودانيين هذه الايام !! Author: WadAker Date: 06-02-2006, 05:23 AM Parent: #1
ناذر المبدع كيفك........ اقتراح .... لزيادة العداد طالما الشغلانة ما"شفت الما ما مات دى كتاار كيف" اى يزول يعمل مداخلة يدفع ليك دولار.... بت عجاج ....كيفك ... ابوك الموسوعى كتر الله الف خيرو ...يعنى هو من كلمة عكر لقى الكلمة لا تحمل اى جرس موسيقى ولا يمكن اقترانها باى صفة "ميوعية" يعنى مامكن اكون الفنان "عكربت"او حتى "عقربت "... وانا لسع ماسك فى نصحيتو!!
Quote: يا ود عكر سلام في التبادي وبعدين افتح بوست نفش غبينتنا من عجاج....هو طردك من حصةالموسيقي ليييه
Post: #75 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-02-2006, 06:11 AM Parent: #1
هاشم نوريت صاحب الحصان الاعرج
Quote: ناذر الخليفة دبايوا انت من يوم مانزلناك من الحصان ياكا بقيت تجيب الحاجات المدسوسة دى ربنا يغطيك انت فى اسم تمبس الجابو الفنان دا ولا انا محيرنى الداماعة يرقصوا على الاغنية دا كيف؟ اوع يكون انسحاب خلفى ياربو هباهونا. الكرتوم دا الظاهر فيهو حاجات كتير ظهر ورانا.
حصانك ما لحقت ركبتو لانو الجماعة الجو البوست بدل ما يساعدوتي في شد اللجام قلبوها كلها دواس لمن الحصان (جفل) !!
صمفرة :
الغنية دي رقيصا ما محدد .. يعني بس فنجط شديد وقول النبق النبق النبق .. وبي كدة تكون أنطربت وبقيت قمة في (حت القرض) !!
Post: #76 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-02-2006, 06:14 AM Parent: #1
ود عكر !!!
Quote: ابوك الموسوعى كتر الله الف خيرو ...يعنى هو من كلمة عكر لقى الكلمة لا تحمل اى جرس موسيقى ولا يمكن اقترانها باى صفة "ميوعية" يعنى مامكن اكون الفنان "عكربت"او حتى "عقربت "... وانا لسع ماسك فى نصحيتو!!
وطبعا أذا دلعوك بي الفنان (عكوري) أو (عكراني) يكونوا جابو ليك الشبهة
صنفرة :
غايتو دي ورطة بالجد !! بعيدا عن الميوعية أقترح أسم الدلع يكون (عكرابي)
Post: #77 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-02-2006, 06:25 AM Parent: #1
لو (أرهفتو) السمع كويس بتلقوا في واحد أشتر جا داخل وجدع ليهو كوبليه برة الزمن وقال (حنانا بريدو جنا الرطانة) بعد داك قال (وووووووووب) واظنو بعد ما انتهى رجع الساحة تاني عشان يتم حت باقي القرض العندو !!!
صنفرة :
غايتو البوست دا حقو نبدا بيهو حصص (تربية الاذن الموسيقية)
كدة كيييف !!!! مبالغة
Post: #78 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-02-2006, 06:57 AM Parent: #77
يا ابو النييز انت قايل نوريت قال شنو غير كده
Quote: الغنية دي رقيصا ما محدد .. يعني بس فنجط شديد وقول النبق النبق النبق .. وبي كدة تكون أنطربت وبقيت قمة في (حت القرض) !!
نوريت
الغنية دي بتكون شرط مع اي زول لانها ما دايرة اي مؤهلات غير المياعة القالها ود عكر
بت عجاج
كل ما اجي اقراء تعليقك ده اموت من الضحك و كأني بقراو اول مرة ..
خارج النص :
الغنية دي ما فيها مقطع كده بيرقص برتكان ناس دكين ؟؟
Post: #79 Title: Re: أغنية حفلات الزواج المفضلة عند السودانيين هذه الايام !! Author: هاشم نوريت Date: 06-02-2006, 07:23 AM Parent: #78
نوبى دبايوا
Quote: الغنية دي بتكون شرط مع اي زول لانها ما دايرة اي مؤهلات غير المياعة القالها ود عكر
اسمع كان ديل مؤهلات واغانى زواج العلن طيب زواج المتعة حفلتو تكون كيف؟ اكتب بالحبر الابيض عشان معانا طلبة.
Post: #80 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-02-2006, 07:33 AM Parent: #79
نوريت
دبايو
Quote: اسمع كان ديل مؤهلات واغانى زواج العلن طيب زواج المتعة حفلتو تكون كيف؟ اكتب بالحبر الابيض عشان معانا طلبة.
ما دايره حبر ابيض ..
بس شوف مداخلة ناذر فوق في الاسعار
اخر واحده قال ليك حاجات تانية حامياني
و كان غلبك تعال لي هناك
Post: #81 Title: Re: أغنية حفلات الزواج المفضلة عند السودانيين هذه الايام !! Author: هاشم نوريت Date: 06-02-2006, 07:39 AM Parent: #80
نوبى دبايوا جنس الفنان واغنيتو تذكرنى ايام الديمقراطية كان فى واحد يغنى. حم حم ياحمام شتت ليك سكر .. وزى زولنا دا كان فرحان بيها والغريبة ان التلفزيون كان يبث له تلك الاغنية. فكان واحد رد عليهو قال ار ار ياحمار اعتقد ان الساحة الغناء تحتاج الى وقفة وفلترة قبل ما نلحق شمال الوادى.
Post: #82 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-02-2006, 07:47 AM Parent: #81
من وين يا هاشم و الوادي مليان ؟؟
شايفك زايغ من الشرح
Post: #83 Title: Re: أغنية حفلات الزواج المفضلة عند السودانيين هذه الايام !! Author: WadAker Date: 06-02-2006, 08:27 AM Parent: #1
ناذر المبدع ........ يا حبيب انا متمسك جدا اكون كورس ومع خلف الله حمد كمان نوريت
Quote: اكتب بالحبر الابيض عشان معانا طلبة.
انا كتبت كلمة واحد بالحبر الما اسود
Post: #84 Title: Re: أغنية حفلات الزواج المفضلة عند السودانيين هذه الايام !! Author: amira abdelrahman Date: 06-02-2006, 09:49 AM Parent: #1
أغنية ... دمها خفيف !!!
Post: #85 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-02-2006, 09:56 AM Parent: #1
Post: #88 Title: Re: أغنية حفلات الزواج المفضلة عند السودانيين هذه الايام !! Author: معتز تروتسكى Date: 06-02-2006, 10:10 AM Parent: #85
يا اخوانى كان رقتو كلو بهون. . اولا ياناذر انا برضو بتفق مع عمر بانو خلاف الكلمة الموجوده فى الاغنية والتى هى وتعبير عن واقع حال.. اغلب الناس بترفضها عشان بحاولوا الالتصاق او ان ( يعملوا) ملتزمين بالفن الجاد.. لكن عندما نتحدث عن التطريب فالاغنية تحرك الاغلبية .. وذاك بفرضية ان علم الموسيقى لايحتاج الى عنا فى تفسيره فالتفسير يتم تقائيا عبر الحواس وان كان العقل الباطنى يكون رافضا له.. يبقى بعيدين عن الاداء الموسيقى الذى يمكن ان يكون للفنان ملكات غنائية وخلافو.. بجى بعد داك وزى ماذكرت ليك واقع الحال الموجود فى الاغنية.. زى مثلا (مغص يامغص يالعذابه وو هلمجرا).. الاغنية ما وجدت رفض يمكن بى نفس الصورة رغم انه و فى اعتبارى كانت قرايه للواقع بشكل صحيح يبقى اذا قرينا الواقع بشكل صحيح بنقدر ننسجم مع المتغيرات الفيهو.. الحالات الموسيقيه مثل التى فى الاغنية الموجوده هذه ليس مقتصره على السودان فقط.. مثلا: خد امريكا لو جينا الى اغانى (الراب) هي بتعبر عن فئة وقومية معينه نشاءة تحت ظروف معينه ويمكن تلقى فيها اقبح من الكلام الفى الاغنية دي.. يعنى لو نظرنا للاغنية بى نظره تانية (مثلا) لو قامت بغنائها بت!!؟؟ اكيد التعليق بختلف وشكل الرفض حينتهى تقريبا.. لانو اغانى البنات البتم (نجرها) فى بيوت الاعراس او حين قعدة بيناتهين هى كلمات بتعبر عن وصف اى كان (واقع حال- حبيب- مشاكل وو الخ).. لانو فى كتير من الفنانات الملتزمات غنن فى وصف الحبيب فقط المفارقه تمت من خلال نوعية الشعر (المسبوك جيدا) اذا نجد بان الاستنكار كان اغلبو من خلال ان هذه الاغاني تم غنائها بواسط عنصر رجالى وبالصورة المايعه دي!!! (اعتقد ده مبرر قوى لكن ارجو ان يكون شكل ذارئعي).. ده برضو برجعنا لي نقطه تانية.. مثلا: لو قام احد الفنانين المشهور لهم بالاتزامهم الفنى نصا ووو الخ ماذا سيكون الحكم والتعليق ..؟؟ لانو مرات بتكون فى قعدات الخاصه بتطلب حتى من الفنانين الكبار يكون فيها من نوعية الغنا ده.. يعنى حتى لو ما(تبكال برضو ماهو نفس خط الفنان المتعارف عليه ودى اغلبها بتكون فى قعدات خاصه..
ملحوظه.. قايتو يانذورى بتعمل ليك جنس حاجات؛ لكن كويس يعنى صراحه شوف كمية المتداخلين مقارنه بالمعلقين فرق لانو زى ماقلت ليك فوق عن نوعية الاغانى دي وانو الناس بتحاول تتلصق بالغنا الجاده فى محاولة رفضها للاغانى دى لكن ده مايمنع بانو هناك تطريب وربما , كذلك نلاحظ بان النوعية هذه من الاغانى كثير منا لايستثيقها بصفة ملازمه او بإدمان.. لكن زى ماذكرت انت وغيرك بنلقاها بتجد مساحة فينا فى اوقات معينه واماكن محدده (فى رقشة- فى قعده خاصه- فى الحفلات) مع الملاحظ لان اغلب الرفض بتم فيها من خلال شرائط الكاسيت وده لعدم صراحتنا فى شكك تقبلها وهى مننا وفينا..(الواحد بكون خجلان لو شال ليهو ليهو شريط كاست بتاع حماده بت فى حين انو يتباهى بى شريط لى الخالدى).. ماسالنا نفسنا السؤال ده ليه.. هل عشان نوعية الاغانى دي؟؟ وزى ماقلت بكون فى الحاله دى الرفض لى سبيبن اما عملية الالتصاق فى الفن الجاد+ عدم القراءه الصحيحه للواقع وهى اغانى تعبر عن واقعنا النحن رافضنو!! هل عشان الشخصية؟؟ فى حين انو فى ناس مثلا من حبهم لى وردى لو غنا اسؤ من ذلك هو برضو فى نظرهم وردي!! هل وهل؟؟!!! يعنى تعليق عمر وبعض الشباب بالرغم من بساطتو لكن كان فيهو كل التجرد.. لانى بعرف عمر سميع جدا لمن اشتر فى السمع. . بعدين الاغنية دى ولا الملحمه دى على قولة (عمر شيخ الدين) من مقطعين اعتقد وينو المقطع التانى. . الشى التانى انت حماده بيت ده زى زيك وزى ناس عمر وتمبس كده . . والمحيرنى رضاين بالاسم ده كيف ماعارف قايتو بشريه الله لاورانا ليها بعدين انت ده حماده بت ولا حماده جبره.. انا نفس البسعمو ده رسلو لى زول وزى ماقلت ليك من مقطعين قال لى ده حماده جبرة.. بحاول انزل ليك بقية الاغنية.. يعنى هم واحد ولا كل زول براهو وعلاقتهم شنو بى حامد كترينا؟ قايتو الواحد عايز ليهو تنوير موسيقى من جديد.. بعدين باتمبس الود ده ماخلى ليك شى ولا صفحه تقبل عليها.. شكلو مغرم بناس السعوديه من عمر لى تمبس مامعروف الجاي منو.. عشان كده قول لى حميده ولؤى الزيارة ذاتها خليتها..
قايتو لمن تتعبو من الجبجبه تعالو للباش كاتب ده بهناك . الشـبــــاكـ.
وهاك دى للذكرى.. صحى مبالغه. .
Post: #86 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-02-2006, 09:59 AM Parent: #1
Quote: لو اديتوني الامان بكري ما يفصلني حرم المرة الجاية انزل ليكم فيديو جاهز لي فنان تاني ما تعرفو من يا تو جنس الا تعاينو ليهو بالقلبة
نسال الله الســــلامـــة ..
الله يرحمك يا حبوبة تروتسكي
بالمناسبة ما شايفو ساق عجلتو جا بي جاي
يكون لسه مهجج مع العجلة
Post: #89 Title: Re: أغنية حفلات الزواج المفضلة عند السودانيين هذه الايام !! Author: معتز تروتسكى Date: 06-02-2006, 11:09 AM Parent: #86
نوبى عجلة تطلع عينك.. بعد ماتمسع مصيبة ناذر الشغاله دى اضفط هنا تمامة المصيبة...
Post: #87 Title: Re: أغنية حفلات الزواج المفضلة عند السودانيين هذه الايام !! Author: amira abdelrahman Date: 06-02-2006, 10:00 AM Parent: #1
و ناذر ... دمه أخف ...
Post: #90 Title: Re: أغنية حفلات الزواج المفضلة عند السودانيين هذه الايام !! Author: WadAker Date: 06-02-2006, 11:54 AM Parent: #1
........يعنى الناس دى زى فى الحته دى .. ماعارف لكن ايضا ,, ويعنى المهم التطريب العالى الانسيابية والرزم القوى الجبجبة ذات الشفافية والصوت الانثوى مع ديكور مكوناته الخلفية حلوين كده من الجنس المختلط او التالت او الذين ينامون النهار كلو ويقضون ما تبقى منه فىالمسيح والمليس استعدادا لربة محسوبة ومحسومة على ناس " وايد مهضومين" بشرط ان تكون الحتة مقفولة لينتج طرب عاااااااااالى .... ضفرة: دى مش المعادلة يامبدع
Post: #91 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-03-2006, 07:35 AM Parent: #1
كيفك يا أميرة !!
Quote: أغنية ... دمها خفيف !!! و ناذر ... دمه أخف ...
تسلمي على الحضور يا ستي !! بالمناسبة سمعتي غنية (وينو لي تاني سواق القندراني) ولا ما سمعتيها ؟ غايتو حا انزلا ليك مخصوص لأنو فيها أسمك ..الغنية بتقول :
وينو لي تاني سواق القندراني .. يا اختو يا أميرة .. دي أميرة الصغيرة ..
أنا حبيت أخوكي سواق القندراني ومافي داعي للغيرة ..
صنفرة :
بتغنيها فنانة أسمها (مريم عضلات) ماسكة الجو الايامات دي !!
Post: #92 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-03-2006, 07:41 AM Parent: #1
تروتسكي ..
Quote: يا اخوانى كان رقتو كلو بهون. . اولا ياناذر انا برضو بتفق مع عمر بانو خلاف الكلمة الموجوده فى الاغنية الا هى وتعبير عن واقع حال.. الناس بترفضها عشان يحاولو يتلتصقوا او يعملو مللتزمين بالفن الجداد.. لكن عندما نتحدث عن التطريب فالاغنية تحرك الاغلبيه .. وذاك بفرضية ان علم الموسيقى لايحتاج الى عنا فى تفسيره فالتفسير يتم تقائيا عبر الحواس وان كان العقل الباطنى رافضا له.. يبقى بعيدن عن الاداء الموسيقى الذى يمكن ان يكون للفنان ملكات غنائية وخلافو.. بجى بعد داك وزى ماذكرت ليك واقع الحال الموجود فى الاغنية.. زى مثلا (مغص يامغص يالعذابه وو هلمجرا).. الاغنية ما وجدت رفض يمكن بىنفس الصورة لانو فى اعتبارى كانت قرايه للواقع بشكل صحيح واذا قرينا الواقع بشكل صحيح بنقدر ننسجم مع المتغيرات الفيهو.. الحالات الموسيقه دى ما الا فى السودان.. مثلا خد امريكا اغانى (الراب) هي بتعبر عن فئة وقومية معينه نشاءة تحت ظروف معينه ويمكن تلقى فيها اقبح من الكلام الفى الاغنية دي.. يعنى لو نظرنا لللاغنية بى نظره تانية لو قامت بغنائها بت .. التعليق بختلف وشكل الرفض حينتهى تقريبا.. لانو اغانى البنات البتم (نجرها) فى بيوت الاعراس او حين قعدة بيناتهن هى كلمات بتعير عن وصف اى كان (واقع حال- حبيب- مشاكل وو الخ).. لانو فى كتير من الفنانات الملتزمات غنن فى وصف الحبيب فقط المفارقه تمت من خلال نوعية الشعر (المسبوك جيدا) فقط الاستنكار كان اغلبو من خلال انو الاغاني تم غنائها بواسط عنصر رجالى وبالصورة المايعه دي!!! دى برضو برجعنا لي نقطه تانية.. لو قام احد الفنانين المشهور لهم بالاتزامهم الفنى نصا ووو الخ ماذا سيكون الحكم والتعليق ..؟؟ لانو مرات بتكون فى قعدات الخاصه بتطلب حتى من الفنانين الكبار يكون فيها من نوعية الغنا ده.. يعنى حتى لو (تبكال ) زيو برضو ماهو نفس خط الفنان المتعارف عليه ودى اغلبها بتكون فى قعدات خاصه..
ملحوظه.. قايتو يانذورى بتعمل ليك جنس حاجات؛ لكن كويس يعنى صراحه شوف كمية المتداخلين مقارنه بالمعلقين فرق لانو زى ماقلت ليك فوق عن نوعية الاغانى دي وانو الناس بتحاول تتلصق بالغنا الجاده فى محاولة رفضها للغانى دى لكن ده مايمنع بانو هناك تطريب وربما ,ما كل وrت بنستثيق الاغانى دي لكن زى ماذكرت انت وغيرك تجد مساحه فينا (فى رقشة- فى قعده خاصه- فى الحفلات) مع الملاحظ لان اغلب الرفض بتم فيها من خلال شرائط الكاسيت وده لعدم صراحتنا فى شكك تقبلها وهى مننا وفينا.. يعنى تعليق عمر وبعض الشباب بالرغم من بساطتو لكن كان فيهو كل التجرد.. لانى بعرف عمر سميع جدا لمن اشتر فى السمع. . بعدين الاغنية دى ولا الملحمه دى على قولة (عمر شيخ الدين) من مقطعين اعتقد وينو المقطع التانى. . الشى التانى انت حماده بيت ده زى زيك وزى ناس عمر وتمبس كده . . والمحيرنى رضاين بالاسم ده كيف ماعارف قايتو بشريه الله لاورانا ليها بعدين انت ده حماده بت ولا حماده جبره.. انا نفس البسعمو ده رسلو لى زول وزى ماقلت ليك من مقطعين قال لى ده حماده جبرة.. بحاول انزل ليك بقية الاغنية.. يعنى هم واحد ولا كل زول براهو وعلاقتهم شنو بى حامد كترينا؟ قايتو الواحد عايز ليهو تنوير موسيقى من جديد.. يعدين باتمبس الود ده ماخلى ليك شى ولا صفحه تقبل عليها.. شكلو مغرم بناس السعوديه من عمر لى تمبس مامعروف الجاي منو.. عشان كده قول لى حميده ولؤى الزيارة ذاتها خليتها..
قايتو لمن تتعبو من الجبجبه تعالو للباش كاتب ده بهناك .الشـبــــاكـ. والمابجى انا ماعافي ليهو..
طبعا دي أهم مداخلة في البوست دا .. أنا طبعا كنت ناوي أحلل الظروف والأجواء البتفرخ زي الاغاني دي ونوعية الناس البيغنوها زاتم وعلاقتا بالحالة الاجتماعية والاقتصادية البيمر بيها السودان ..
لكن وحاتك ما لقيت فرصة لأنو كل ما أجي أكتب بلقى واحد من المتداخلين (الله يديهم العافية ويسكنم الصافية) جاي متلب وداير (يجبجب ويحت القرض العندو) أها انا بقوم بضطر أرد ليهو الشبال أو البشير بتاعو
صنفرة :
وانت ما قصرت .. مش زمان عجبين قال أنحنا توأم سيامي
Post: #93 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-03-2006, 07:45 AM Parent: #1
تروتسكي يا ذكريات ..
عليك الله بما انك كنت منطرب شديد زي ما ظاهر في الصورة .. وري الشباب ديل نوعية الغنا الانا غنيتو اليوم داك ، شايفنك مبسوط في الصورة يقوموا يقولو ناذر كان بغني غنية (مشيت الداخلية اشوف سبب الأذية) ولا حاجة من الخموم داك
صنفرة :
ودي فرصة الواحد يسلم على الرجل الرائع الخلوق لقمان حسن همام !!
Post: #94 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-03-2006, 07:49 AM Parent: #1
ود عكر ..
طلعت راجل ما ساهل والله !!
Quote: من الجنس المختلط او التالت او الذين ينامون النهار كلو ويقضون ما تبقى منه فىالمسيح والمليس استعدادا لربة محسوبة ومحسومة على ناس " وايد مهضومين" بشرط ان تكون الحتة مقفولة لينتج طرب عاااااااااالى .... ضفرة: دى مش المعادلة يامبدع
والله يا ها زاااااااتا بس في قالب اوتومسفيري زيادة عن اللزوم
صنفرة :
وبعد دا أمكن يكون في ناس عايزين شرح بتفصيل أكتر !! غايتو شيل شيلتك (بقيت للنص) !!
Post: #95 Title: Re: أغنية حفلات الزواج المفضلة عند السودانيين هذه الايام !! Author: عصام أحمد Date: 06-03-2006, 08:38 AM Parent: #94
مبالغة!!!
Post: #96 Title: Re: أغنية حفلات الزواج المفضلة عند السودانيين هذه الايام !! Author: معتز تروتسكى Date: 06-03-2006, 09:43 AM Parent: #95
ناذر محمد الخليفة اولا ناذر انا مداخلتى انقلتها دى عدلتها لانو اغلبها اخطاء املائيه ؛وده بحصل لى كتير انا بلقى الموضوع جرى فى دمى وببدا اكتب تانى مابرفع راسى الا اخلص بعاين فوق بلقى النقه كتيره بكسل اصلحها فبشتوها زى ماهى عموما يمكن ان تعدلها من جديد..
Quote: وانت ما قصرت .. مش زمان عجبين قال أنحنا توأم سيامي
تعرف صحى ياخ الزول ده وين بالجد فاقدنو بالرغم انو مرات بخش خشات تعوق لكن بالجد اشتقنا ليهو. . شكلنا بقينا زى (علقم وبلوط) بتاعين مدينة النخيل ديلك. . ياجازى محنك ياعثمان. .
Quote: عليك الله بما انك كنت منطرب شديد زي ما ظاهر في الصورة .. وري الشباب ديل نوعية الغنا الانا غنيتو اليوم داك ، شايفنك مبسوط في الصورة يقوموا يقولو ناذر كان بغني غنية (مشيت الداخلية اشوف سبب الأذية) ولا حاجة من الخموم داك
قايتو ماعارف لكن كان يووووووم. . الناس الجو زاتهم لو كنت غنيت ليهم زى بتاع حماده ده ماكان حيفهو شى ويقول الزول ده برطن ولا شنو. . المره الجاية نسوق معانا بقال. .
بعدين ماجاوبت على سؤالى ده..
Quote: والمحيرنى رضاين بالاسم ده كيف ماعارف قايتو بشريه الله لاورانا ليها بعدين انت ده حماده بت ولا حماده جبره.. انا نفس البسعمو ده رسلو لى زول وزى ماقلت ليك من مقطعين قال لى ده حماده جبرة..
Quote: ودي فرصة الواحد يسلم على الرجل الرائع الخلوق لقمان حسن همام !!
اى ياخ وحاتك مشتاق ليهو شوق الزول ده والله الكلام فيهو بسيط تختو فى الجرح يبرى .. يديهو العافية بس.. وشوق الشوك ياهمام ارجو ان تكون بخير..
Post: #97 Title: Re: أغنية حفلات الزواج المفضلة عند السودانيين هذه الايام !! Author: هاشم نوريت Date: 06-03-2006, 09:49 AM Parent: #96
التلاجة دى كوولر ولا توشيبا الاتنين سوا فى صورة مبااااااااااااالغة
Post: #98 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-03-2006, 09:51 AM Parent: #1
عصام !!!!!!!!!!!!!
Quote: مبالغة!!!
الصفقة وين !!
صنفرة :
غايتو لو البوست قلب الصفحة التانية حا انزل ليكم غنية (حنانا) دي بالنسبة ليها المناظر بس !!
Post: #99 Title: Re: أغنية حفلات الزواج المفضلة عند السودانيين هذه الايام !! Author: WadAker Date: 06-03-2006, 10:11 AM Parent: #1
كيفك ياجميل
Quote: وبعد دا أمكن يكون في ناس عايزين شرح بتفصيل أكتر !! غايتو شيل شيلتك (بقيت للنص)
!! لوووووووووووووول بس التفاصيل فى مثل هذه المسايل بتعمل وجع مفاصل وانا ترزى تقليدى يعنى زى ما مواكب فى الحته ..ومش حتنازل عنك مهما .... بالمناسبة كيف حفل الجلاد امس
Post: #196 Title: Re: أغنية حفلات الزواج المفضلة عند السودانيين هذه الايام !! Author: الزنجي Date: 07-05-2006, 07:55 AM Parent: #99
Post: #100 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-03-2006, 10:35 AM Parent: #1
تعرف يا تروتو !!
Quote: والمحيرنى رضاين بالاسم ده كيف ماعارف قايتو بشريه الله لاورانا ليها بعدين انت ده حماده بت ولا حماده جبره.. انا نفس البسعمو ده رسلو لى زول وزى ماقلت ليك من مقطعين قال لى ده حماده جبرة..
والله يا خي أنا ما برزم لأنو كلهم (ستايلم واحد) في نوع اللبس ونوعية الشي البيتمسحوبيهو وبيخليهم يرقشو داك !!
صمفرة :
لكن أنا أتخايلي دا حمادة بت لأنو لقيت لي غنية تانية مكتوب فيها حمادة جبرة وصوتو ما زي دا حا انزلا ليك بعد شوية لمن الصفحة تقلب !!
Post: #101 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-03-2006, 10:40 AM Parent: #1
قل هو الله احد يا هاشم نوريت !!!
Quote: التلاجة دى كوولر ولا توشيبا الاتنين سوا فى صورة مبااااااااااااالغة
هرشششششششششك !!! أنت داير تنجهني ولا شنو !! قول ما شاء الله ولا حاجة عينك الحارة دي !!
التلاجة دي لا كولر لا توشيبا لا بطيخ وانا زااتي ما عارف نوعيتا شنو !! بس بيقولو أنها صااااقطة في اثناء الشغل
صنفرة :
أنت أول مرة تشوفنا انا وتروتو في صورة واحدة ولا شنو !! خلاص حا انزل ليك هسي صورة تانية من عندي بس أصبر شوية عشان (جاري الرفع) !!
Post: #102 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-03-2006, 10:49 AM Parent: #1
ود عكر ...
Quote: بالمناسبة كيف حفل الجلاد امس
تتصور امبارح قفلت معاي قفلة شديدة خلاص .. مشيت المهرجان ولقيت الشغلة زحمة شديييد أول حاجة لمن لقيت لي باركنق بركنت قريب تحت كوبري شمبات من الزحمة وجيت جاري جري ، لمن وصلت لقيت الزحمة مبالغة والزمن زااتو كان راح ، غايتو قفلت معاي وجيت راجع بدون ما أدخل !!
صنفرة :
لكن الليلة ماشي بدري بس أكمل مداخلاتي ديل !!
Post: #103 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-03-2006, 11:00 AM Parent: #102
سيداتي أنساتي سادتي ..اليكم أغنية :
(شبه البرتكانة) ونرجو منكم ربط الاحزمة والاكثار من التدخين
صنفرة :
ويما ان الشي بالشي يذكر : فالاغنية اهداء خاص لملك البرتكان غير المتوج الاستاذ دكين
Post: #104 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-03-2006, 03:21 PM Parent: #103
الما بتصفق ان شاءالله ما يعرسوها ... و العرسوها يطلقوها ...
ده كلام ده !!!
_____ في كم واحده صفقن هسي
جنابو باع القضية الليلة وين ...
الصفقة الصفقة ..
النوم النوم ما جانا ..
فوق آآه..
Post: #105 Title: Re: أغنية حفلات الزواج المفضلة عند السودانيين هذه الايام !! Author: amira abdelrahman Date: 06-04-2006, 08:56 AM Parent: #1
الميزة التانية الفيهم أنهم بيشتغلوا في أي مناسبة عرس ..خطوبة.. وداع.. طهور... رقيص عروس ....دخلة... زار أها وجذء من ديل ما درسونا نغنيهو كيف في المعهد
هاها ...أستمتع داثما‘ بقراءة ...ردودك .. ما زلت فى انتظار أغنية أميرة
Post: #106 Title: Re: أغنية حفلات الزواج المفضلة عند السودانيين هذه الايام !! Author: akram saeed Date: 06-04-2006, 09:02 AM Parent: #1
اغنية جميلة ومزعجة نوعاُ ما
على العموم هي اغنية قديمة و ليست جديدة كما سيادتك معتقد
الناس الان بتغني في عوض دكام و بجي في مطار ابوظبي و ....
Post: #107 Title: Re: أغنية حفلات الزواج المفضلة عند السودانيين هذه الايام !! Author: ajaj Date: 06-04-2006, 09:30 AM Parent: #106
ياحليل اغاني زمان زمن جننتني يا انت بزرايرك الستة.... دا الطرب الاصيل
بعدين يا نذور في جكس واقف بره ما قادر يخش من الزحمة...دا شنو الضهب ديل ... ما يسمعو حفلة بحمادة يجو يجبجبو من بعيد
والاخير دا ولد ولا بت عشان ما يتشابه علينا نقط نقط نقط
Post: #108 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-04-2006, 10:41 AM Parent: #1
روميو ..
Quote: ابو النيز... وين لنكالحفظ يا غتيت
الما بتصفق ان شاءالله ما يعرسوها ... و العرسوها يطلقوها ...
ده كلام ده !!!
دا ما كلام دي ..... جديدة زي ما انت قلت !!!
صنفرة :
ما تسألني من لنك حفظ تاني شايفك حريف و غتيييييييت
Post: #109 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-04-2006, 10:43 AM Parent: #1
كيفك يا أميرة ..
Quote: هاها ...أستمتع داثما‘ بقراءة ...ردودك .. ما زلت فى انتظار أغنية أميرة
غنية اميرة غايتو ألا تنتظري الصفحة دي تقلب للتالتة
صنفرة :
حكمة اليوم :
(ردود صاحب البوست نصف البوست)
Post: #110 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-04-2006, 10:45 AM Parent: #1
أكرم سعيد ..
Quote: اغنية جميلة ومزعجة نوعاُ ما
على العموم هي اغنية قديمة و ليست جديدة كما سيادتك معتقد
الناس الان بتغني في عوض دكام و بجي في مطار ابوظبي و ....
هي فعلا أغنية قديمة لكن نكتوها لينا ناس حمادة ديل الله يديهم العافية !!
صنفرة :
انت من زمن عوض دكام ومطار أبو ظبي !!! الناس هسي بتغني في (راجل المرة حلة حلا)
Post: #111 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-04-2006, 10:48 AM Parent: #1
كيفك يا عجاج ..
Quote: بعدين يا نذور في جكس واقف بره ما قادر يخش من الزحمة...دا شنو الضهب ديل ... ما يسمعو حفلة بحمادة يجو يجبجبو من بعيد
والاخير دا ولد ولا بت عشان ما يتشابه علينا نقط نقط نقط
الجكس ديل خليهم يجو بعد الـ (OVER NIGHT)
صنفرة :
انتي لسع ما اتشابه عليك الاختصاص !!!!
مــــبـــالـــغــة
Post: #112 Title: Re: أغنية حفلات الزواج المفضلة عند السودانيين هذه الايام !! Author: akram saeed Date: 06-04-2006, 10:55 AM Parent: #1
الاسم : أكرم
كدة كيف ؟
Post: #113 Title: Re: أغنية حفلات الزواج المفضلة عند السودانيين هذه الايام !! Author: akram saeed Date: 06-04-2006, 10:58 AM Parent: #1
الاسم : أكرم
كدة كيف ؟
Post: #114 Title: Re: أغنية حفلات الزواج المفضلة عند السودانيين هذه الايام !! Author: Elmosley Date: 06-04-2006, 11:02 AM Parent: #1
Da -alshoghle
Al- Elmosley- Al
Post: #115 Title: Re: أغنية حفلات الزواج المفضلة عند السودانيين هذه الايام !! Author: Yassir Tayfour Date: 06-04-2006, 12:22 PM Parent: #114
اهلا يا ود الخليفة
البغنى ده ضكر ولا انتاية؟؟؟
لكن يظهر عليهو/ا عدادو/ا رامى...
لبدة ____ انا قااااعد راجى الصفحة التالتة.. شكلو البوست ده فوريو مليون! لكن برضو قااااعد
Post: #116 Title: Re: أغنية حفلات الزواج المفضلة عند السودانيين هذه الايام !! Author: معتز تروتسكى Date: 06-04-2006, 01:16 PM Parent: #115
ناذر محمد الخليفة ماعرفت ليك الوهمه.. الفى الصفحه الاولى داك حماده بيت الكبيره من الحلفايا على ما اعتقد.. والفى الصفحه التانية ده حماده بيت الصغير من الحاج يوسف.. الاول شين وقبيبح لكن صوتو اجمل الصغيرونى قالو حلاتو لكن صوتو اقل من داك.. والعهد على الراوي..
علويه النوم ما جانا.. وصحى مبالغه.. استغفرتك يامالك روحى..
Post: #117 Title: Re: أغنية حفلات الزواج المفضلة عند السودانيين هذه الايام !! Author: faisal44 Date: 06-04-2006, 01:26 PM Parent: #1
العزيز ناذر
احوالك واخبارك ياود
ابشر فووق فوق يدك فوووووووووووق
معتز شنو واقف براااااك كدا
خش الدارة دى الجماعه هناك وافقين شايفهم
ناذر شايف ولا ................
Post: #118 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-05-2006, 04:59 AM Parent: #1
الموصلي شخصيا معانا بي هنا !!!!
Quote: Da -alshoghle
Al- Elmosley- Al
صنفرة :
مــــبــالـــغـــة
Post: #119 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-05-2006, 05:01 AM Parent: #1
ياسر طيفور !!!
Quote: اهلا يا ود الخليفة
البغنى ده ضكر ولا انتاية؟؟؟
سؤالك دا غايتو خلي تروتسكي يجاوبو ليك !!
صنفرة :
دا حالتك سمعت الصوت بس !!
ولو شفت الفيديو (حا تسألني دبل) !!
Post: #120 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-05-2006, 05:04 AM Parent: #1
تروتسكي !!!!!!!!!
Quote: ناذر محمد الخليفة ماعرفت ليك الوهمه.. الفى الصفحه الاولى داك حماده بيت الكبيره من الحلفايا على ما اعتقد.. والفى الصفحه التانية ده حماده بيت الصغير من الحاج يوسف.. الاول شين وقبيبح لكن صوتو اجمل الصغيرونى قالو حلاتو لكن صوتو اقل من داك..
انت بتعمل للجوز ديل اعلان مجاني ولا شنو !! كدة الناس ديل عدادم بيزيز زيادة
صنفرة :
أنا غايتو ما بعرف ساكنين وين لاني ما باريتم !! ممكن تسأل فيصل نوبي السؤال دا !!
Post: #121 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-05-2006, 05:06 AM Parent: #1
فيصل ..
Quote: معتز شنو واقف براااااك كدا
خش الدارة دى الجماعه هناك وافقين شايفهم
ناذر شايف ولا ................
شنو جايينا بعد ما قربنا نقفل ياخ !!
صنفرة :
لا لا ما شايف لانو :
(يا اخوانا كان رقتو بوصف الشفتو دندش يريدو وفيو ملامح من أختو)
Post: #122 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-06-2006, 05:17 AM Parent: #1
Quote:
Quote: ناذر محمد الخليفة ماعرفت ليك الوهمه.. الفى الصفحه الاولى داك حماده بيت الكبيره من الحلفايا على ما اعتقد.. والفى الصفحه التانية ده حماده بيت الصغير من الحاج يوسف.. الاول شين وقبيبح لكن صوتو اجمل الصغيرونى قالو حلاتو لكن صوتو اقل من داك..
Quote: أنا غايتو ما بعرف ساكنين وين لاني ما باريتم !! ممكن تسأل فيصل نوبي السؤال دا !!
تروتسكي انت ما داير تنزل من العجلة دي نهائي شكلك كده
ناذر بيت شنو يا مان ديل ما عندهم برتكان
Post: #123 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-06-2006, 08:53 AM Parent: #122
روميو !!!!
Quote: تروتسكي انت ما داير تنزل من العجلة دي نهائي شكلك كده
ناذر بيت شنو يا مان ديل ما عندهم برتكان
تروتسكي نزل من العجلة التحتو زي ما انت شايف !! لكن بقى تحت هو بدالا وختى ودكتور والي الدين محلو فوق !
صنفرة :
بالمناسبة انا هسي قاعد معاي دكتور والي الدين ظااااااطو
Post: #125 Title: Re: أغنية حفلات الزواج المفضلة عند السودانيين هذه الايام !! Author: معتز تروتسكى Date: 06-06-2006, 10:25 AM Parent: #123
Quote: تروتسكي انت ما داير تنزل من العجلة دي نهائي شكلك كده
Quote: تروتسكي نزل من العجلة التحتو زي ما انت شايف !! لكن بقى تحت هو بدالا وختى ودكتور والي الدين محلو فوق !
صنفرة :
بالمناسبة انا هسي قاعد معاي دكتور والي الدين ظااااااطو
نوبى وناذر.. اجش... ده شنو يعنى لولا انى دخلت بالصدفه شغالين تقطعو فينى ساى.. بعدين انا قلت ليك الكلام ده على عهدة الراوي ..
قاعد معاهو مش يمكن بشرح لى .. زول سنيرى واخوي.. الهى منك ده شنو ده.. اسى اقول ليكم شنو انتو... مبالغه بس . . عليكم الله طلعونى من الحته دي بس مابراى معاى الوالى كمان زى ماخشينا سوا نطلع سوا. .
صنفرة.. ملازم حاجه معقوله..
Post: #124 Title: Re: أغنية حفلات الزواج المفضلة عند السودانيين هذه الايام !! Author: amira abdelrahman Date: 06-06-2006, 09:49 AM Parent: #1
تخيل منظر و ردود افعال القراء والمنبريين
هم بيسمعو في الاغنية دي
أنا غايتو بلقي نفسي ...برقص.!!
Post: #126 Title: Re: أغنية حفلات الزواج المفضلة عند السودانيين هذه الايام !! Author: noon Date: 06-06-2006, 11:22 AM Parent: #124
الآسر هنا في الفربة بفكروا جادين يرجعوا السودان نهائي عشان يربوا اولادم علي القيم و الاخلاق و الاهم يربوهم تربية دنية صحيحة....لكن لو سمعوا حماده بت ده مااا اظن في ذول برجع... ويا وجعي علي جنابو الباع القضية
Noon
Post: #127 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-06-2006, 05:23 PM Parent: #1
تروتو !!!!
Quote: ده شنو يعنى لولا انى دخلت بالصدفه
إيه اللي دخلت بالصدفة وبطيخ !!!
ما كلنا دخلنا بالصدفة بس (الربة جبدتنا) ؟!!!
قول دخلت تجبجب عادي وما تخجل
صنفرة :
كلنا في (الجبجبة) سوا يا مان
Post: #128 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-06-2006, 05:27 PM Parent: #1
اميرة أخت (سواق القندراني)
Quote: أنا غايتو بلقي نفسي ...برقص.!!
!!!!!!!!!!!!!!!!
صنفرة :
وقالولك نحنا بـ (نبتهل) !!!
Post: #129 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-06-2006, 05:33 PM Parent: #1
نوون !!!!!!!!!!!
Quote: لكن لو سمعوا حماده بت ده مااا اظن في ذول برجع...
العكس يا ستي !!!
كتيرين ما رجعوا لما سمعوا الموصلي وسيف الجامعة ومصطفى سيد أحمد وعوض احمودي !!
ولو ما مصدقيني (أسألي العنبة الرامية فوق بيتنا)!!!
Post: #130 Title: Re: أغنية حفلات الزواج المفضلة عند السودانيين هذه الايام !! Author: معتز تروتسكى Date: 06-07-2006, 06:22 AM Parent: #129
Post: #131 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-07-2006, 06:47 AM Parent: #130
تروتو يا عجيب ....
عليك الله نزل لي هاشم نوريت السحار دا الصورة المتصورين فيها انا وأنت وناجي الملك وتبلدينا وعادل ابراهيم يوم حفلة دكتور معز !!
أبت تنزل معاي كلو كلو من هنا !!
صنفرة :
هاشم قايلني بعرفك أوتومسفيريا بس ولا شنو
Post: #132 Title: Re: أغنية حفلات الزواج المفضلة عند السودانيين هذه الايام !! Author: معتز تروتسكى Date: 06-07-2006, 07:28 AM Parent: #131
يانوريت ياسحار.. ناذر ده سنيرى من الثانوي (الخرطوم الجديده الثانوية..) ورئيس جمعية الموسيقى ..وحاجات تانيه حاميانى.. وشنو كده ماعارف.. بس مبالغه..وخمسه وخميسه. .
بالمناسبه ناذر انا مشتاق لعادل شديد خلاص ياخ
Post: #133 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-07-2006, 08:43 AM Parent: #1
نسأل لله السلامة ....
تروتا ....... العجلة أخير ليك
و حنـــــــــــــانة
Post: #134 Title: Re: أغنية حفلات الزواج المفضلة عند السودانيين هذه الايام !! Author: ajaj Date: 06-07-2006, 09:14 AM Parent: #133
لما تعاين للصورة الجمايعية ولوهلة تفتكر ناذر لابس قميص وسخان تروتو سلامات: انا برضو خريجة الخرطوم الجديدة (بنات) لكن الدفعة البعديكم بخمسطاشر سنة علي اقل تقدير...
Post: #135 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-07-2006, 09:24 AM Parent: #134
Quote: انا برضو خريجة الخرطوم الجديدة (بنات)
لووووووووووووووووووووووول
بت عجاج دي مبالغة
يعني تروتو كان ...............
لووووووووووووووووووووووووول
تروتو موضوعك باظ شديد
Post: #136 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-08-2006, 04:33 AM Parent: #1
غايتو الضحك شرطني من اخر تلاتة مداخلات انكتبت هنا
الله يكسبكم يا تروتسكي وفيصل وعجاج
صنفرة :
القميص يا عجاج أنا زااتي لمن أشتريتو قايلو وسخان ومكشوح فيهو ملاح نعيمية بس في النهاية عرفت الوهمة
Post: #137 Title: Re: أغنية حفلات الزواج المفضلة عند السودانيين هذه الايام !! Author: معتز تروتسكى Date: 06-08-2006, 05:15 AM Parent: #136
ajaj ازيك يافرده.. انتى تعالى وتمي الباقى .. نكون قرينا مع بعض ما انا ماعارف. . بتذكر ساعة يجونا منكم وفد فى المدرسه لى لى استاذنا الفطاحله (صلاح جاكسون- محمد عطيه- فتحى - شمس الدين - وصلاح وو الخ). تبقى علينا حكاية علوية النوم ماجانا. .
بت الاحفاد كان جاتكم الا تعلن الجهاد عديل كدة وفي كلام إلا اترجموا ليها بالانجليزي
تحياتي
Post: #141 Title: Re: أغنية حفلات الزواج المفضلة عند السودانيين هذه الايام !! Author: معتز تروتسكى Date: 06-09-2006, 07:46 AM Parent: #140
البى ريدهم بلونى ماقايلى بنسونى.. ناذر – عجاج – نوبى طبعا فى ناس متابعه معاك الخمج ده من بره فوصلنى حديثا بعض اغانى الجبجبه والمدهش كمان من دكاتره يشكرون هذا المطرب ويشدون من ارزه ليكون مستقبل الفن فى بلادنا يبلغوك التحايا السيد ناذر متعهد حفلات المطرب (حماده خمج)..
*احد الاغنيات تعبر عن واقع الحال هنا وتصلح كمداخله لكل منكم (ناذر – عجاج – نوبى)..
ناذر:- بمناسبة قميصو الوسخان ده ومامعروف لونو شنو. . وبقميصو الرمادي جميل فى طبعو هادي سالت عزيز عليهو قال لى الزول ده مافي.. والبى ريدهم.. اها ولبسته لهو البنى وتذكارو جنننى اعود انا الى حبايبى معزه تعالى هني.. والبى ريدهم.. اها
عجاج :- وايام الدراسه والدفعه البعدنا يعنى برلومتنا.؛ده اذا ما قرينا سوا وووووووووووووووب اها. . والريده بى ناسه من زمن الدراسه من زمن الداسه والعاشقه تعرف خلاصها والبى ريدهم.. اها ارح مبالغه.. عيونك ديل ازونى وهم صدفه لاقونى انا الذادت جنونى كفاك ياعينى نومى ديل تانى مابجونى..
قايتو قلبتوها صاله ديسكو عديل المشكله انا هين فى الناس البره لدايرين يخشو ومالاقين طريقه من الزحمه كرهونى فى الايميل. ده خلاف العندهم بطاقات دعوه هنا وبسمعوا من بره ..
Post: #142 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-09-2006, 03:34 PM Parent: #1
والله يا اخوانا حيرتوني عدييييل كدة
Quote: ياخي بالله طلب بسيط كده يا ناذر لو نزلت أغنية ( بالعصر مرورو)..
أميرة أول .. بعدين العصر مرور ..
حاتم واميرة .................
عليكم الله ما تتشاكلو أنا كل الاغاني دي عندي .. بس زي ما بقولوا المصريين الـ (جني) بيكرهم (كل شي بأوان)
صنفرة :
يا اخوانا كان رقتو ..... أنا بوصف الشفتو
Post: #143 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-09-2006, 03:39 PM Parent: #1
تروتو .............
Quote: بتذكر ساعة يجونا منكم وفد فى المدرسه لى لى استاذنا الفطاحله (صلاح جاكسون- محمد عطيه- فتحى - شمس الدين - وصلاح وو الخ).
شكلك نسيت عبد الهادي (جنى فيل) وبتاع الفيزياء (المسيخ الدجال) و (أستاذ البلك)
شنكل :
وعبد الماجد بتاع المكتبة وعبد الوهاب بتاع الفول
Post: #144 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-09-2006, 03:44 PM Parent: #1
قلبنا النابض !!
Quote: بت الاحفاد كان جاتكم الا تعلن الجهاد عديل كدة وفي كلام إلا اترجموا ليها بالانجليزي
برضو مافي مشكلة لأنو عندي ليها أغنيات جهادية هابطة (هبوط الطريفي من جملو)
شنكل :
بس ما تسألني من قصة (الطريفي هبط من جملو كيفن)!!
Post: #146 Title: Re: أغنية حفلات الزواج المفضلة عند السودانيين هذه الايام !! Author: ajaj Date: 06-09-2006, 04:05 PM Parent: #144
سلامات يا شباب نوبي الجاب سيرة البستان منو تروتو ايه رأيك يا فردة نتشغل سوا....انت تنجر الكلمات وانا اجبجبها ليك ....ونضرب ناذر اقصد حمادة ....لانو ناذر اصلا مضروب ....متعهدنا نوبي وعازف الجيتار ود عكر ....ناذر يشخط شخيطة كبيرة ويقيف بعيد ما دايرين ناس قارين يهبطو من مستوانا
عمر ابقي الناقد سمح
القلب النابض سلامات .....ليقيت الشباب مسيخين قلت نطعموم
هيه يا ناس السجانة والمايقوما....بتعرفو ايهاب ابو راس....
Post: #145 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-09-2006, 04:00 PM Parent: #1
Post: #150 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-09-2006, 04:45 PM Parent: #1
عجاج !!!!!!!!!!!!!!
Quote: يا ناذر يا اخوي كلامي دا كعب وشين ولا شنو لاني لقيت بوست باسمي بسببو....لو كعب غايتو اعفو لي انا قصد امزح معاكم وربنا يغفر لي ويلحقني بالصحب الكريم
والله كلامك دا لا كعب لا شين وعادي زي الزبادي !! بس الظاهر أبو السيوف كان قانص ليك بسبب بوستك الـ (هنوك) داك !! ولقى فيك فرصة الله يديهو العافية !!
صنفرة :
Quote: لو كعب غايتو اعفو لي
عليك الله أنحنا ما مهمين يس انتي اعفي لي أبو السيوف بي هناك
Post: #151 Title: Re: أغنية حفلات الزواج المفضلة عند السودانيين هذه الايام !! Author: ajaj Date: 06-09-2006, 05:01 PM Parent: #150
Quote: بوستك الـ (هنوك) داك
اول بوست وطوالي جاب لي الهواء...الناس ما تقول رائها ولا ما يبقي منبر عام
Quote: انتي اعفي لي أبو السيوف بي هناك
عافية ليهو كان غلط في حقي وبرضو هو يعفي لي كان غلطت في حقو
Post: #153 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-10-2006, 09:07 AM Parent: #151
بت عجاج ياخ ما تختي في بالك و بوست ناذر ده زي بيتكم اتفسحي و اتجدعي و كان سألك بس كلميني بسكتو ليكي و سيف ده خليو هو عندو حمي بتطلع ليو كل فترة كده اها اليومين ديل طالعه عليكي ... ( و يكون المدام بتتوحم و طارداوما لاقي ليو موضوع )
تروتو شنو يا فردة انت اوع يكون اتعقدت خلي بالك طويل .. بس جاوبني .. الواك سرير ده في بيت ناس ناذر شنو .. مشيت تقيس الملايات الجديدة
ابو النيز اجدع ليك رابط و امشي اتجدع... شايفك شغال مدير اعمال سااااااااااااااااااااااي اليومين ديل
Post: #152 Title: Re: أغنية حفلات الزواج المفضلة عند السودانيين هذه الايام !! Author: Haytham Abdulaziz Date: 06-09-2006, 05:56 PM Parent: #1
الأخ ناذر في أغنية يا حبيبي نحن اتلاقينا مرة بصوت الفنانة منال بدرالدين في موقع المشاهير. http://www.almshaheer.com/ هل من الممكن تنزلا في البورد للحفظ.
ولك الشكر،،،
هيثم بونا
Post: #154 Title: Re: أغنية حفلات الزواج المفضلة عند السودانيين هذه الايام !! Author: معتز تروتسكى Date: 06-10-2006, 02:10 PM Parent: #152
Quote: شكلك نسيت عبد الهادي (جنى فيل) وبتاع الفيزياء (المسيخ الدجال) و (أستاذ البلك)
شنكل :
وعبد الماجد بتاع المكتبة وعبد الوهاب بتاع الفول
اسمعنى نذورى..كدى خلينى من سريرك وماسريرك... انت تعال ايام الاعتصام بتاع الاتحاد داك كنت وين ؟؟!! والمظاهرات بتاعت بتاعت منتصف التسيعنات ديك اظنو 95-96.. تكون اتخرجت!!!؟؟
بعدين المكتبه بتاعت عبد الماجد اخر مشيت معاك شكلها شالوها.. تتذكر فى استاذ بتاع تربيه اسلاميه اسمو (ابودكينه) ولا حاجه كده كان زول خطر خلاث..بتتذكرو. . والله جنى فيل يسمعك الا يفطسك ولا جاكسون يديك كف تعرف حاجه.. قايتو فصولى البتذكرهم اظنو ابوبكر- لطيف-ابن رشد.. انا دفعتك مابتذكر فيخهم زول لكن داير اسالك من ناسى ناس طلال ووليد السجانه وناجى وليد ومحمد ود الريفى وو الخ طبعا غسان ساكن جنبكم ... تعرف مابراك داير العرس كلنا خلاص بقينا نسمح. .
Quote: الدعوة موجهة لكم خريجي مدرسة الخرطوم القديمة الثانوية لاسترسال بذكرياتهم عبر الزمن الجميل وتواصل الاجيال... درست بهذه المدرسه سنه واحده (الصف الثالث) جئت من الخرطوم الجديده نسبة لبعض المشاكل التى واجهتنى هناك حيث لم يطلع لى رقم جلوس وانا على مشارف الامتحان فجئت امتحنت السنه الثالثه فى (القديمه) ومنها دخلت الجامعه.. وبالرغم من نشاتى فى (الخرطوم الجديده) وقبلها بدات منتصف الصف الاول فى (جبل اولياء الثانوية)لكن لن انكر فضل هذه المدرسه على وان كانت سنه واحده .. بالاضافه الى ماتتمتع به (القديمه) و(الجديده) من سمعه وتنافس وتفوق على كل مدارس السودان... عذرا ان كنت مبادرا بالدعوه رغم احقية البعض لهذه المدرسه .. كما انوه باننى ربما اتغيب لذا فالبوست بوستكم وحينما وجدت فرصه ساتيكم مهرولا.. خريجي مدرسة الخرطوم القديمة الثانوية ....
يعنى مفروض امتحن 96 من الجديده للظروف اعلاها امتحنت 97 من القديمه وقع ليك..
يبقى انا معاكى فى رحم الغيب خليها اختى الصغير ؛ربما تكون لقيتها فى ج السودان وهى لسه ما اتخرجت....
----------------------------------
Quote: هيه يا ناس السجانة والمايقوما....بتعرفو ايهاب ابو راس.... كويس طلعتو ما بتعرفوهو نحنا من الجديدة اولاد غير ناس الكديت ما بنشتغل بزول تاني كنتو في الكديت ولا عاملين حناكيش
انا بعرف لؤى عابدين بتاع كديت بتعرفيهو ؟ الكديت كنت فيهو فى اولى لكن بعد داك خليتو مشيت جميعية العلوم..
القطر قام خلونى برجى قدام ...حبيبى..
Post: #158 Title: Re: أغنية حفلات الزواج المفضلة عند السودانيين هذه الايام !! Author: Sakotaweya Date: 06-10-2006, 04:19 PM Parent: #1
ناذر ازيك
البوست ده ربه شديده
الأيام دي قالوا في التوب غنيه " راجل المرا "
بالله نزلها لينا عشان انا متحيره في الناس البيألفوا الكلام ده
مالهم علينا ياخ !!
تحياتي ليكم جميعا
Post: #159 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-10-2006, 05:38 PM Parent: #1
شباب عن اذنكم انا هسي في (عجلة من امري) وحا ارد على المداخلة دي بس
Quote: ناذر ازيك
البوست ده ربه شديده
الأيام دي قالوا في التوب غنيه " راجل المرا "
بالله نزلها لينا عشان انا متحيره في الناس البيألفوا الكلام ده
مالهم علينا ياخ !!
تحياتي ليكم جميعا
والله العظيم الغنية دي اول مرة أسمعا في عرس بوردابي معانا هنا !! ومشيت كم مرة (سوق الجمعة) عشان اشتريها من تجار (الشرائط البيضاء) لكن قدر ما اشتري شريط ألقاهو وسخان !! خاصة انو البيغنيها ما فنان محدد .. أمكن ما اقل من تلاتين (فنان) و سبعين (فنانة) وأربعمية (بين بين) !!
لكن اوعدكم مجرد ما الم فيها نضيفة انشالله (باللاوندي) بجيبا وانزلا ليكم !!!
صنفرة :
ودي بالمناسبة فرصة عشان احكي ليكم في المداخلة الجاية معنى كلمنة (شرائط بيضاء) والموقف القانوني والاخلاقي من تجارتا !
قصرتا معاكم !!!!!!!!
Post: #160 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-11-2006, 05:07 AM Parent: #159
Quote: شباب عن اذنكم انا هسي في (عجلة من امري)
ابو النيز انت قايل روحك تروتو ..
بت عجاج موضوع البوست انتها.. و تقبلي احترامي و احترام سيف مساعد.. و لكي ودي
Post: #161 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-11-2006, 06:44 AM Parent: #1
كيفك يا هيثم ولدنا ..
Quote: الأخ ناذر في أغنية يا حبيبي نحن اتلاقينا مرة بصوت الفنانة منال بدرالدين في موقع المشاهير. http://www.almshaheer.com/ هل من الممكن تنزلا في البورد للحفظ.
Post: #163 Title: Re: أغنية حفلات الزواج المفضلة عند السودانيين هذه الايام !! Author: الملك Date: 06-11-2006, 08:43 AM Parent: #161
... ...
ناذر محمد الخليفة!!!
Post: #165 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-11-2006, 08:57 AM Parent: #163
لوووووووووووووووووووووول
مداخلتك دي
كرين ما يحلها
امشي فتش بكري وين خليو يجيب مفتاح 48 و يرفعك بيو
لوووووووووووووووووووووووووووووول
( خم وصر )
Post: #169 Title: Re: أغنية حفلات الزواج المفضلة عند السودانيين هذه الايام !! Author: Yassir Tayfour Date: 06-11-2006, 09:44 AM Parent: #165
بى الخليجية قمنا بى مطار ابوظبى
اها يا ود الخليفة الصفحة التالتة قربت "تنقلب" وقلبو.. قلبو وين؟ قلبو هنا _____________ وبعد نكمل الchubchaba دايرك تعمل لينا بوست لى سيف الجامعة...عندى كم اغنية كدى ما بتلقو الا عندك ولا عند تمبس...
Post: #164 Title: Re: أغنية حفلات الزواج المفضلة عند السودانيين هذه الايام !! Author: الملك Date: 06-11-2006, 08:46 AM Parent: #1
الصفحة قفلت
Post: #166 Title: Re: أغنية حفلات الزواج المفضلة عند السودانيين هذه الايام !! Author: انعام عبد الحفيظ Date: 06-11-2006, 09:04 AM Parent: #164
ناذر
سلام وود
على قول نوبي
على سبيل التحية
مودتي واحترامي
Post: #167 Title: Re: أغنية حفلات الزواج المفضلة عند السودانيين هذه الايام !! Author: Rasha Hatim Date: 06-11-2006, 09:25 AM Parent: #164
بالخطاء
Post: #168 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-11-2006, 09:31 AM Parent: #167
لوووووووووووووووووووووووووووووووووووووول
بكري لحقك يا المسنوح
تاني تعال نظر
و اعمل فيهاحريف
لوووووووووووووووووووووووووووووووووووووووووووول
Post: #170 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 06-11-2006, 03:53 PM Parent: #1
نوبي ... الملك ... تروتسكي . أنعام عبد الحفيظ .. ورشا (الماعارف الجابا هنا شنو) !! ياسر طيفور ..
غايتو اتحرجت معاكم في البوست دا العدد الزوار بتاعينو لحدي هسي أكتر من الخمسة ألف !! (مبالغة) !!
يا اخوانا ختو في بالكم أنكم حا تحرجوني كدة لأني خريج معهد الموسيقى والمسرح !!! يعني يفترض أكون زول (ديسنت) وزول ما (انهباطي) وكدة هسي حا تحرجوني والله بالطريقة دي
ود طيفور ..
عندي بوست لي سيف الجامعة عما قريب وقول داير أي غنية وانا بنزلا ليك في ... (حنانك)
نوبي ..
الكرين ولميت فيهو !! يلا امشي شوف ليك شغلة تقضاها
الملك شرفت كتير وطالب منك عوض دكام تروتو .. غايتو أنت شكلك بقيت ضحية للبوست دا
انعام (وعدي ليك في محلو) .. شنكل :
تحياتي ليكم كلكم !!
Post: #171 Title: Re: أغنية حفلات الزواج المفضلة عند السودانيين هذه الايام !! Author: ajaj Date: 06-11-2006, 04:13 PM Parent: #170
تسلم نوبي والاخوة الساهمو في البوست المعني رب اخ لك لم تلده امك...وانا من هنا من موقعي هذا اطلب من الاخ سيف ان يسامحني اذا غلطت في حقو واعتذر منه
Post: #172 Title: Re: أغنية حفلات الزواج المفضلة عند السودانيين هذه الايام !! Author: ajaj Date: 06-11-2006, 04:26 PM Parent: #171
ما عارفة ليه يا ابو النيز كدة كيف البيعملها فنان السودان الاول بتذكرني بالطبخاين بتاعين الاعراس وقرقرة بعض النسوان معاهم
Post: #173 Title: Re: أغنية حفلات الزواج المفضلة عند السودانيين هذه الايام !! Author: Rasha Hatim Date: 06-11-2006, 04:26 PM Parent: #170
Quote: ورشا (الماعارف الجابا هنا شنو) !!
جابتني الدلوكة دي يا ناذر, نظام نحل وكدة!!!!!
بوست لذيذ و"اناء جيد", اتمنى انو المداخلة دي ما تعوقني!!!
تحياتي.
Post: #174 Title: Re: أغنية حفلات الزواج المفضلة عند السودانيين هذه الايام !! Author: ناصر محمد خليل Date: 06-11-2006, 04:28 PM Parent: #1
Quote: يعني يفترض أكون زول (ديسنت) وزول ما (انهباطي) وكدة
وانا أشهد لك بذلك أستاذ نازر رغم ان من يقرأ هذا البوست ويرى صورتك المرفقة انك لست سوى فنان من ذات شلة هؤلاء المغنواتية ولكني انا الذي سمعتك ورأيتك وسمعك الكثيرين غيري من بورداب الخرطوم وطربوا بعزفك على العود انك انبل من ذلك بكثير .
ولكن الجميع هنا يقدرون حس الفكاهة والمرح لديك والغرض من هذا البوست .
تحياتي للجميع .
ناصر
Post: #175 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-12-2006, 01:55 AM Parent: #1
Quote: نوبي ..
الكرين ولميت فيهو !! يلا امشي شوف ليك شغلة تقضاها
الملك شرفت كتير وطالب منك عوض دكام
لووووووووووووووووووووووووووووول
قلت لي ( خلف خلاف ) ناذر ْX ناجي = بوست مغلق + ميل ضارب
مداخلة ولا فايرس
لووووووووووووووووووووووووووووول
أها سجلت لي روميو ولا لسه
جيب باقي الاغاني ياخ سليت روحنا يسل شنو كده ما عارف ( وين الزول ده يا تروتو )
Post: #176 Title: Re: أغنية حفلات الزواج المفضلة عند السودانيين هذه الايام !! Author: فيصل نوبي Date: 06-12-2006, 07:16 AM Parent: #1
ياابو النيز
فتش في الهارد ديسك داااااااااااااك و جيب الاغنية دي سريع و الا بيحصل ضرب ...
هاك الكلمات ... كان ما لقيتها غايتو شوف ليك طريقة غنيها و سجلها و جيبها
Post: #179 Title: Re: أغنية حفلات الزواج المفضلة عند السودانيين هذه الايام !! Author: Hozy Date: 06-13-2006, 00:03 AM Parent: #1
ثااااااااااابت
النظام العام
Post: #181 Title: Re: أغنية حفلات الزواج المفضلة عند السودانيين هذه الايام !! Author: ajaj Date: 06-13-2006, 04:12 PM Parent: #179
Quote: انا بعرف لؤى عابدين بتاع كديت بتعرفيهو
سمعت بيهو فقط من مهند الحلة...
بعدين يا اخوي ما تشبكني دفعة انا صغيرة وجاهلة والتحقت لحدي اسع بتلاتة جامعات مش زي اخونا كدة....بتعرفو
Post: #182 Title: Re: أغنية حفلات الزواج المفضلة عند السودانيين هذه الايام !! Author: Yassir Tayfour Date: 06-14-2006, 09:48 PM Parent: #181
ود الخليفة يا قلب
Quote: ود طيفور ..
عندي بوست لي سيف الجامعة عما قريب وقول داير أي غنية وانا بنزلا ليك في ... (حنانك)
اى عليك الله..i can't wait
لكن الهبوط الحاصل هنا ريحنى ليك فى "مطارى" اقصد حنانى زاتو.. عشان كدة جاييك بى طلب خاص ومستعجل، وما تفتكرنى هابط لكن حصلت مستجدات كالاتى : اكان عندى family doctor اسمها "هند اوباجى" دكتورة مستنكحة خلاص اى زول فى كندا بيعرفها ممكن تختم ليك اى ورقة، يهودية عراقية بتحب القروش زى حب صدام للسلطة.. عارفة الناس بجوها عشان الورق ، لو عاوز تطلع باسبورت تمشى توقيع ليك فى الطلب as a grantor ولا عاوز ليك اورنيك طبى انك عيان ..الذ حاجة فى عز الشتاء تكون لابس ليك عشرين قطعة "لو وقعت من السما ما تجيك عوجة" تخش عليها ما بتقول ليك قلع ولا at least طلع الجاكيت، لا لا تكشف ليك طوالى وتخت السماعة، فوق الملابس دى كلها وتقول "انت كويس خالص" المهم يا زول هى خبيرة فى امور اللف والدوران عجوزة وشينة الله يقبحها "زباينها" كلهم عرب و"صواميل" و سودانيين وهم زاتهم مستنكحين... اها يافردة اسع بعد ما جيت من السودان قلت اغير الدكتورة دى و اشوف لى دكتور/ة يكون شوية كدة جادى و خصوصا انا جاى من السودان على الاقل ما داير يكون فى مرض "اتعنكل" فينى من السودان...يا زول حظى السعيد يرمينى ليك فى دكتورة شديدة شدة ياقول سجيمان لو عاينت ليها ساكت "تنصح" اسمها "تام" Tam و الله يسألنى تامة تمامة من كلو...اول حاجة قالت لى "ملص" شفت الفرق بينها وبين اوباجى كيف!! ملص والدنيا صيف وانا جايى من البيت "مملص" اقصد مصيف... اخوك ما يكضب ويقعد ليها بى الفنيلة الداخلية واللباس فى نص الطربيزة يعنى لو كان زول "ضلامى" وقالت ليهو ملص وهو اصلا مملص، اكان قال دكتورة تام دى قليلة ادب ..يا ناذر الزولة دى فتشتنى فتاشة وقدر ما تخت يدها فى جسمى، شعر جلدى "يكلب" -يكلب- دى على وزن"يهوهو"...يا زول قالت لى ما عنك حبة عوجة وانا شابكها ليك u know wut وباقى الكلام يروح منى... يازول اشتكيت ليها من اى حاجة وهى تفتش وتقول مافى حاجة...ما فضل لى الا اشتكي ليها من بكرى ابو بكرى اقول ليها ما مدينى طريقة اتجدع فى سودانيزاون لاين...اصلو ما كنت داير امرق من العيادة...قالت لى خلاص البس هدومك، لبستهن على مهلتى واصلا انا مستعجل محصل شنو!! اها انا بردد فى كلاما "مافى حاجة" مافى حاجة، "طق" اتزكرت ليك غنية هابطة لكن والله شدة ما سمحة هابطة فى قلبى...ااااااخ مافى حاجة دكتورى الخواااااااااجة خواجة ُيوما كشف قال مافى حااااااجة حاجة يُوما
جيت البيت فتشت النت حتة حتة وما لقيتها...المهم تنزل لى now قبل ما انوم...ولا خوة فرتك وكلو زول يهبط براهو
Post: #183 Title: Re: أغنية حفلات الزواج المفضلة عند السودانيين هذه الايام !! Author: عبدالرحمن عزّاز Date: 06-15-2006, 00:24 AM Parent: #182
سلام يا شباب.... و الله لا جابنى سامى عجرم لا حمادة بت جابنى ناذر(نت) طلب جادى و الله:
أغنيتك الأتومسفيرية دى لو لحنتها و الله إلا تجى تغنيها لى فى العرس... إن شاء الله أسمعها براى المهم أصورها بفيديو بس عندى تحفظ على بعض المقاطع.... و طلب مشاركة لشعراء آخرين من الصين و السعودية (الما عواطلية) و يميناً بالله يا ناذر لو أخسر ربع تكلفة العرس جادى معاك... آها قلت شنو... فتش ليك ملحن و كدا... و تحياتى للجميع،،
Post: #184 Title: Re: أغنية حفلات الزواج المفضلة عند السودانيين هذه الايام !! Author: tmbis Date: 07-03-2006, 08:30 AM Parent: #183
ناذر بلاي طلب خاص من زول عزيز جدا .. عيد تحميل الاغنية في أول البوست .. لانو شايفه اتمعطت من السيرفر يا رسله في الايميل ضروري جدا . .
Post: #185 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-03-2006, 11:14 AM Parent: #1
كيفك يا تمبس ..
جاري رفع الاغاني ، وصدقني البوست دا انا كنت زايغ منو لاني أتخلعت من كمية المداخلات والردود الفيهو ، لأنو البوست دا اساسا لمن كتبتو كان القصد أشاغلك بيهو .. مداخلة ومداخلتين وينتهي الموضوع لكن الشغلة جرت حر شديد
صنفرة :
خلاص نرفع الاغاني تاني ونرد على المداخلات ونشوف الشغلة دي حدها وين
Post: #187 Title: Re: أغنية حفلات الزواج المفضلة عند السودانيين هذه الايام !! Author: tmbis Date: 07-03-2006, 12:17 PM Parent: #185
يا نـــــاذر ..
Quote: لمن كتبتو كان القصد أشاغلك بيهو .. مداخلة ومداخلتين وينتهي الموضوع لكن الشغلة جرت حر شديد
يازول هو جر ساكت .. تتخيل حفظت الملف في الجهاز من ايامو ديك ونقلت كل الداتا لي حتة تانية .. الملف ده الوحيد الما لقيتو.. تعرف ؟؟ مرات كدا الواحد بيكون فاتح ( ضهرية العربية ) فبيقوم يحتاج لي حاجات زي دي .. بعدين عندي صاحب كدا والله قرب يموت لي في الايميــل .. اسعفنا ياخ وكان عايز نماذج أخـــرى بنجدع ليك
Post: #188 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-04-2006, 01:31 PM Parent: #1
لي قدام
Post: #189 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 06:21 AM Parent: #1
اها يا شباب جيناكم تاني ..
نسبة لإلحاح الكثير من المعجبين والمعجبات على مواصلة هذا البوست فقد قررت بمحض إرادتي المواصلة ، كما انوه إلى انني قد عكفت في الاونة الاخيرة على جمع الكثير من الاغاني التي على هذه الشاكلة فكان ان حرضت عددا من اصدقائي أصحاب الساونات والبعامين والبعامات على تسجيل الجديد المفيد في حفلات الاعراس ..
ومن دهشتي وجدت انني كنت جاهل بهذا الضرب من ضروب الفن إذ انني أكتشفت وجود الكثير من الفنانين والفنانات و (الفنانينات) لم أكن اعرفهم قبلا رقم اشتهارهم في هذا الوسط بكثافة وسأعود لذكر أسماءهم لا حقا واغانيهم الذين اشتهروا بها ..
شنكل :
أما مفلجأة هذا البوست فستكون في الصفحة الثالثة بإذن الله إذا مد الله في الاجال وهي عبارة عن فيديو كليب على احدث طريقة وبأعلى تقنية لأشهر أغنية هابطة في تاريخ السودان وتاريخ الدول المجاورة منذ التركية السابقة وحتى (التركية النحنا فيها دي) !!
Post: #190 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 06:25 AM Parent: #1
سكوتاوية ..
Quote: الأيام دي قالوا في التوب غنيه " راجل المرا "
بالله نزلها لينا عشان انا متحيره في الناس البيألفوا الكلام ده
مالهم علينا ياخ !!
تحياتي ليكم جميعا
فعلا غنية (راجل المرة حلو حلاة ) في التوب الأيامات دي والمشكلة أنو لحدي هسي ما لا قي لي تسجيل نضيف ليها !!
شنكل :
لكن لو ما لقيتو حا إضطر اغنيها بي صوتي وانزلا ليك هنا قصرت معاك ؟ ودا كلو عشان نعرف مغتربينا في الخارج بما يجري من (فن) في وطنهم بالداخل
Post: #191 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 06:27 AM Parent: #1
يا سر طيفور .
Quote: اها يا ود الخليفة الصفحة التالتة قربت "تنقلب" وقلبو.. قلبو وين؟ قلبو هنا
الصفحة التالتة مخصصة للفيديو كليب الحا انزلو
Post: #192 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 06:28 AM Parent: #1
الحميم ناصر خليل ..
Quote: وانا أشهد لك بذلك أستاذ نازر رغم ان من يقرأ هذا البوست ويرى صورتك المرفقة انك لست سوى فنان من ذات شلة هؤلاء المغنواتية ولكني انا الذي سمعتك ورأيتك وسمعك الكثيرين غيري من بورداب الخرطوم وطربوا بعزفك على العود انك انبل من ذلك بكثير
أخجلتني والله بثنائك المتواصل هذا .
واتمنى اكون عند حسن ظنك ..
شنكل :
الحفرة إنشالله إتردمت
Post: #193 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 06:31 AM Parent: #1
نور تاور ...
Quote: قاااعدة مكدرة وقرفانه..
والمخ يودى ويجيب..
قلت كدى النسمع الاغانى بتاعة ناذر دى...
رغم أنى ما بسمع الاغانى السودانية عشان ما أسرح وأوجع قلبى زيادة..
رآحت الزهجة والله..
عارفة يا نور دي فعلا فائدة اللونية دي من الاغاني ..
إنها بتطير الزهجة بس لكن ما بتعمل اكتر من كدة !!
Post: #194 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 06:35 AM Parent: #1
ود طيفور ...
Quote: جاييك بى طلب خاص ومستعجل، وما تفتكرنى هابط لكن حصلت مستجدات كالاتى : اكان عندى family doctor اسمها "هند اوباجى" دكتورة مستنكحة خلاص اى زول فى كندا بيعرفها ممكن تختم ليك اى ورقة، يهودية عراقية بتحب القروش زى حب صدام للسلطة.. عارفة الناس بجوها عشان الورق ، لو عاوز تطلع باسبورت تمشى توقيع ليك فى الطلب as a grantor ولا عاوز ليك اورنيك طبى انك عيان ..الذ حاجة فى عز الشتاء تكون لابس ليك عشرين قطعة "لو وقعت من السما ما تجيك عوجة" تخش عليها ما بتقول ليك قلع ولا at least طلع الجاكيت، لا لا تكشف ليك طوالى وتخت السماعة، فوق الملابس دى كلها وتقول "انت كويس خالص" المهم يا زول هى خبيرة فى امور اللف والدوران عجوزة وشينة الله يقبحها "زباينها" كلهم عرب و"صواميل" و سودانيين وهم زاتهم مستنكحين... اها يافردة اسع بعد ما جيت من السودان قلت اغير الدكتورة دى و اشوف لى دكتور/ة يكون شوية كدة جادى و خصوصا انا جاى من السودان على الاقل ما داير يكون فى مرض "اتعنكل" فينى من السودان...يا زول حظى السعيد يرمينى ليك فى دكتورة شديدة شدة ياقول سجيمان لو عاينت ليها ساكت "تنصح" اسمها "تام" Tam و الله يسألنى تامة تمامة من كلو...اول حاجة قالت لى "ملص" شفت الفرق بينها وبين اوباجى كيف!! ملص والدنيا صيف وانا جايى من البيت "مملص" اقصد مصيف... اخوك ما يكضب ويقعد ليها بى الفنيلة الداخلية واللباس فى نص الطربيزة يعنى لو كان زول "ضلامى" وقالت ليهو ملص وهو اصلا مملص، اكان قال دكتورة تام دى قليلة ادب ..يا ناذر الزولة دى فتشتنى فتاشة وقدر ما تخت يدها فى جسمى، شعر جلدى "يكلب" -يكلب- دى على وزن"يهوهو"...يا زول قالت لى ما عنك حبة عوجة وانا شابكها ليك u know wut وباقى الكلام يروح منى... يازول اشتكيت ليها من اى حاجة وهى تفتش وتقول مافى حاجة...ما فضل لى الا اشتكي ليها من بكرى ابو بكرى اقول ليها ما مدينى طريقة اتجدع فى سودانيزاون لاين...اصلو ما كنت داير امرق من العيادة...قالت لى خلاص البس هدومك، لبستهن على مهلتى واصلا انا مستعجل محصل شنو!! اها انا بردد فى كلاما "مافى حاجة" مافى حاجة، "طق" اتزكرت ليك غنية هابطة لكن والله شدة ما سمحة هابطة فى قلبى...ااااااخ مافى حاجة دكتورى الخواااااااااجة خواجة ُيوما كشف قال مافى حااااااجة حاجة يُوما
غايتو بالغت مع دكتورتك دي
لكن والله غنيتك دي ما ادوها لينا واول مرة اسمعا !!
شنكل :
حاول اديني إمارة .. البغنيها منو ؟ الحقبة الإتقالت فيها ؟ أي حاجة كدة يعني ؟
Post: #195 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 06:38 AM Parent: #1
عبد الرحمن عزاز
Quote: أغنيتك الأتومسفيرية دى لو لحنتها و الله إلا تجى تغنيها لى فى العرس... إن شاء الله أسمعها براى المهم أصورها بفيديو بس عندى تحفظ على بعض المقاطع.... و طلب مشاركة لشعراء آخرين من الصين و السعودية (الما عواطلية) و يميناً بالله يا ناذر لو أخسر ربع تكلفة العرس جادى معاك... آها قلت شنو... فتش ليك ملحن و كدا... و تحياتى للجميع،،
يا اخوي الاغاني الهابطة دي تلحينا صعب خلاص !! ما تشوفا سهلة كدا لانو ما دام الكلمات هابطة لا زم يكون اللحن (نفس الشي) يعني ملحن بتاع اغاني محترمة لو جاتو نازلة من السمة ما يقدر يلحن ليهو أغنية هابطة ..
صنفرة :
قالولك أنا ما جربتها حرم متنا عديييل كدة خليهو شق المقابر الساهل دا
Post: #197 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 08:30 AM Parent: #1
الزنجي ...
Quote: قطعت مصاريتني بالضحك
الكلام الاخلاق
ضحك شنو يا راجل مع الغنية دي
شنكل :
تبكي بس
Post: #198 Title: Re: أغنية حفلات الزواج المفضلة عند السودانيين هذه الايام !! Author: Yassir Tayfour Date: 07-05-2006, 08:56 AM Parent: #197
ود الخليفة
الاغنية بغنيها طه سليمان ياخ بقول
دكتورى الخواجة كشف قال مافى حاجة بس حمة سهراجة وهكذا
Quote: الحفرة إنشالله إتردمت
ههه ههه ههه انت عارف يا ناذر الحفرة دى لو الخريف جاء، الدخان بقيف بنفس فهم ال -لوارى- لكن المشكلة ح تكون عويصة وبرضو ما فايتة ناصر شبر كلما تصب مطرة يكوركو لى ناصر يجى -يقطفها- ياخ داك كان الذ بوست بعد الارشفة ____ جيب قرمة
Post: #199 Title: Re: أغنية حفلات الزواج المفضلة عند السودانيين هذه الايام !! Author: tmbis Date: 07-05-2006, 09:24 AM Parent: #198
والله يا نــاذر.. قلبــه قلبه شديدة جــدا .. عنها ما تستعدل أنت قايلني خسران حاجة
Post: #201 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 10:24 AM Parent: #199
لا لا والله ما في زول خسران حاجة
شنكل :
بس خليها التستعدل
Post: #200 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 10:19 AM Parent: #1
ود طيفور ..
Quote: الاغنية بغنيها طه سليمان ياخ بقول
دكتورى الخواجة كشف قال مافى حاجة بس حمة سهراجة وهكذا
عندي ملف في الجهاز فيهو معظم الاغاني البيغنيها طه سليمان .. أصبر لي النكوسا ليك .
صنفرة :
حفرة ناصر دي غايتو ما بيحلها إلا تفعيل قانون القطع الجائر بتاع الغابات
Post: #202 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 11:35 AM Parent: #1
أها يا شباب ..
نقلب الصفحة بي هناك ولا (جنابو باع القضية)
Post: #203 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 11:55 AM Parent: #202
سيداتي أنساتي سادتي :
أغنية راجل المرة التي من المؤكد أنكم إستمعتم إليها كثيرا .. ولكن من المؤكد أنكم لم تستمعوا إليها بصوت رجالي !! أتمنى ان تنال إعجابكم (نسأل الله السلامة) !!
Post: #204 Title: Re: أغنية حفلات الزواج المفضلة عند السودانيين هذه الايام !! Author: hatim Date: 07-05-2006, 12:39 PM Parent: #203
Quote: إليكم أحدث فيديو كليب لأشهر الأغاني الهابطة على مر التاريخ
لكن مبالغة (sherk)
وين أغنية بالعصر مرورو أنا لي كم يوم منتظر ..
Post: #205 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-05-2006, 01:51 PM Parent: #204
Post: #209 Title: Re: أغنية حفلات الزواج المفضلة عند السودانيين هذه الايام !! Author: Haytham Abdulaziz Date: 07-10-2006, 06:47 AM Parent: #208
الله يجــازيـك ياناذر انت يا ولدنا قاعد ورا الساوند سيستم و لاشنو!!!! في واحدة قالت وآآآي في غنية بالعصر مروروا ... ياربي مالا .. قول ليها ما قدر دة ... عشان فرق الحبيب عارفنو حــــار
عاجباني الصداقة بين ناذر و .... DEEWANA و ان شاءالله طوالي نفسياتك فوووووق زي كورة النوبــة ... كورة واتــة مــافـــي
كل الود ... هيثــم
Post: #210 Title: Re: أغنية حفلات الزواج المفضلة عند السودانيين هذه الايام !! Author: عادل فضل المولى Date: 07-10-2006, 09:51 AM Parent: #209
فوق من أجل تنظيف الذوق العام
Post: #211 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-11-2006, 12:16 PM Parent: #1
ولدنا هيثم ..
Quote: كورة النوبــة ... كورة واتــة مــافـــي
إنت زول جديد أعمل حسابك كلامك الفوق دا بيوديك التوج
عادل كيفك :
أفضحك مع البورداب ولا ما في داعي بلا ذوق بلا بطيخ معاك
Post: #212 Title: Re: أغنية حفلات الزواج المفضلة عند السودانيين هذه الايام !! Author: Haytham Abdulaziz Date: 07-11-2006, 02:43 PM Parent: #211
نأذر بنقلور
Quote: إنت زول جديد أعمل حسابك كلامك الفوق دا بيوديك التوج
أولاً انا ما عنصري عشان كلامي دة يوديني التوج و لا من شيمتي التنابز بالألقاب ... لأنوا فقط انا قصدت تشبيه للعب الكورة طوااالي فوق و ليس إلا ... لكن انت خلي الرشاقة دي شويه يا ولدنا..
Quote: عادل كيفك :
عادل دة منـو يا ناذر؟؟؟
Quote: أفضحك مع البورداب ولا ما في داعي
الفي بطنك قولو و بعدين تفضحني بشنو؟؟ و التعبير التحت دة لزوموا شنو و القال ليك ذوق منو!!
Quote: بلا ذوق بلا بطيخ معاك
Post: #213 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-12-2006, 08:59 AM Parent: #1
هيثم إنت جنيت ولا شنو
عاين تحت مداخلتك بتلقى واحد لسمو عادل فضل المولى دا ياهو المقصود !!
شنكل :
إنت جاي من الجبل ولا شنو الليلة
Post: #214 Title: Re: أغنية حفلات الزواج المفضلة عند السودانيين هذه الايام !! Author: Haytham Abdulaziz Date: 07-12-2006, 09:18 AM Parent: #213
Quote: هيثم إنت جنيت ولا شنو
تعرف ياابو النيز المشكلة انا مرات بكون مساهر و بجي بقعد في النيت و يتشابه على البقر... و دة كلو من وائــل
بالمناسبة يا ولدنا.. من المؤسف إنوا عندي واحد جاهل ساكن معاي قال داير يعدل في البوست بتاع النفسيات في موضوعي فإذا به لسؤ الحظ يشطب كل مداخلاتي معاك.. هو في الحقيقة قال بتعجبوا تعليقاتك و انا سمحت ليهو يعدل لكن.... دة طلع جحش الله يسامحوا و معذرة إذا لقيت تعليقاتي ما موجودة و لك العتبى حتى ترضى يا ناذر خان
هيثم
Post: #216 Title: Re: أغنية حفلات الزواج المفضلة عند السودانيين هذه الايام !! Author: hatim Date: 07-12-2006, 10:59 AM Parent: #214
Quote: إنت زول جديد أعمل حسابك كلامك الفوق دا بيوديك التوج
هيثم سلامات ...
أنا بقرأ في كلام ناذر الشقي وبقيت أضحك..!! وقلت في نفسي..ويوديهوا التوج ليه ..وما يمشي التوج مالو....!! ما قلنا حرية تعبير مع بعض الضمانات دون لتعرض للشخصيات والقوميات واللإثنيات.. أنت يا ناذر موش مشيت التوج وجيت حصل ليك حاجة ..أقل حاجة الجماعة اياهم ختوك في البلاك لست بتاعهم بقوا يراجعوا كتاباتك للحصول على أي فرقة عشان يدوك كرت احمر والحؤول دون وصولك للبوست لإمتاعناوإمتاع نفسك بالشخطبة على هذه الجدران....
بس أوعك تنطح براسك يا ناذر بعد الكرت ولا قبلو....
صنفرة خشنة.. شكرا على أغنية الزول الكان بمر في العصر ....
Post: #215 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-12-2006, 10:59 AM Parent: #1
هيثم الله يكسبك ويكسب صحبك
راجع الماسنجر
Post: #217 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-14-2006, 08:46 AM Parent: #215
فووووووووووووووووووووووووووووووق
Post: #221 Title: Re: أغنية حفلات الزواج المفضلة عند السودانيين هذه الايام !! Author: Haytham Abdulaziz Date: 07-14-2006, 05:22 PM Parent: #215
Quote: هيثم الله يكسبك ويكسب صحبك
راجع الماسنجر
شفته كيف يا ولدنا قلت ليك مسح تعليقاتي الخاصة بالبوست بتاع النفسيات... دة ما بعرف الفرق بين نسخ و لصق... اها الماسنجر بتاعي فاضي ما في حتى رسالة واحدة,,
بالمناسبة 1000 الف مبروووك و معنى كدة كلامي طلع صاح يا شفت و ربنا يتمم على خير و بالرفاة و البنين. و دة حاجة خفيفة هدية ليك:
Post: #218 Title: Re: أغنية حفلات الزواج المفضلة عند السودانيين هذه الايام !! Author: Alfarwq Date: 07-14-2006, 11:58 AM Parent: #1
ناذر بوست مبالغة لكن
الله يجزيك حرقت السمك و انا فاتح خشمى و اضاني. الله يجزيك على قدر عمايلك.
السمك الحرق ده بدفعك لي اجي السودان.
انت عارف ان بسمع الاغنية و برجف زي بعمل شئ غلط و خايف زول يزرني ... ما نتهت الاغنية و سمكي اتحرق الا قعدت اتضحك براي
Post: #219 Title: Re: أغنية حفلات الزواج المفضلة عند السودانيين هذه الايام !! Author: bob Date: 07-14-2006, 12:03 PM Parent: #218
البتاعات والطربانة جيبا معاك شهر لإتناشر وانا راجيك إنشاء الله
شنكل :
تروتسكي صحبي هسي بعد كم إسبوع كدة حا تلقى بوست بتاع خطوبتو معلق فوق
Post: #224 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 07-28-2006, 06:53 AM Parent: #1
كنا وين نحنا !!!!!!!!
Post: #225 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 09-04-2006, 04:42 AM Parent: #1
فوق
Post: #226 Title: Re: أغنية حفلات الزواج المفضلة عند السودانيين هذه الايام !! Author: محمد جمعه جوده Date: 09-04-2006, 05:28 AM Parent: #1
ياخوانه دى اغانى حفلات ونطيط ساى لكن لو شفتو اغانى 50سنت والجماعه ديل
حتقولو شنو؟
Post: #227 Title: Re: أغنية حفلات الزواج المفضلة عند السودانيين هذه الايام !! Author: محمد جمعه جوده Date: 09-04-2006, 05:29 AM Parent: #1
ياخوانه دى اغانى حفلات ونطيط ساى لكن لو شفتو اغانى 50سنت والجماعه ديل
حتقولو شنو؟
Post: #229 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 09-04-2006, 10:23 AM Parent: #1
محمد الطاهر ..
شنو ياخي كاتب مداخلتك في الصفحة الاولى
Quote: واااااااااااااااااااااااااااااي، ده شنو الختيتوهو في البوست دا...
حمادة بت قبل 4 شهور جا غنة في حنة خالتي، والبيشوفو يقول الود ده خشبة (عارفين يعني شنو ولا لأ؟)!!!
تشويه للثقافة والغناء السوداني، والزي ناس (حمادة بت) ديل كترو في البلد وبقوا يكسروا أكتر من (بنات حمادة) زاتو...
لكن بصراحــــــــــــــــــــة.......: "شب شب شب، ورا ورا ورا، فوق فوق فوق، أها أها أها، ويـــــــــــــــــــــن، أرح أرح أرح"!!!
طبعا هو زول بيربها تمام ولا أسفا على الغنا السوداني طالما ما في ضوابط او قوانين تمنع الزي ديل من عمايلم دي
Post: #230 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 09-04-2006, 10:23 AM Parent: #1
محمد جودة سلامات ..
Quote: ياخوانه دى اغانى حفلات ونطيط ساى لكن لو شفتو اغانى 50سنت والجماعه ديل
ما هي المشكلة إنو دي اغاني نطيط وحفلات ساي
Post: #231 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-15-2006, 10:06 AM Parent: #230
رُفع هذا البوست بناء على رغبة الكثيرين ...
نواصل ..
Post: #232 Title: Re: أغنية حفلات الزواج المفضلة عند السودانيين هذه الايام !! Author: mulhim Date: 11-15-2006, 11:17 AM Parent: #231
صديقى ابو النيذ .... اسعد الله ايامك بالخير ... ياخى البوست ده رفعته فى وكته تماما.. اولا اخوك انشاء الله عريس فى القريب .. وعايز يعرف الرايج شنو فى الحفلات يعنى الفنان الشديد الطالع هسا فى الكفر..وبما انك ضليع حسب رواية البوست اعلاة فقلت استشيرك فى الحتة دى وكده.. الشى التانى ... ياخ انت زول ظريف وبس
Post: #233 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-15-2006, 11:32 AM Parent: #1
ملهم ..
وينك ياخ !! والله مشتاقين ..
Quote: ياخى البوست ده رفعته فى وكته تماما.. اولا اخوك انشاء الله عريس فى القريب ..
يا زول ألف مبروك وربنا يتمم على خير ..
Quote: وعايز يعرف الرايج شنو فى الحفلات يعنى الفنان الشديد الطالع هسا فى الكفر..وبما انك ضليع حسب رواية البوست اعلاة فقلت استشيرك فى الحتة دى وكده..
شوف يا سيدي ..
الكفر دا مدور زي ما إنت عارف وكل إسبوعين تلاتة بيطلع فيهو فنان ، فلو إنت جد داير تعرف الفنان الطالع في الكفر إلى تحدد لي مواعيد زواجك وبعد داك انا ممكن إتنبأ ليك (الكرتلة) حا ترسي على منو الوكت داك ..
Quote: الشى التانى ... ياخ انت زول ظريف
إنت الاظرف والله !!
Post: #234 Title: Re: أغنية حفلات الزواج المفضلة عند السودانيين هذه الايام !! Author: علاء الدين حيموره Date: 11-15-2006, 09:19 PM Parent: #233
قال احد الظرفاء في الخرطوم ان عريسا اختار الفنان شرحبيل احمد ليغني له في ليلة زفافه ..
بدأ الفنان شرحبيل الحفلة بأغنية ياما بكرة تندم ...
Post: #235 Title: Re: أغنية حفلات الزواج المفضلة عند السودانيين هذه الايام !! Author: د.محمد الطاهر Date: 11-16-2006, 03:04 AM Parent: #234
((الليلة وين يا البعصر مرورو))
كلمات أغنية رائعة تذكرنا بالزمن الجميل والرائع..
حينما كانت قبيلة الأطباء البيضاء تجمع الوجاهة والأبهة والقرش والحكمة والهيبة!!
لكن في الزمن ده.. احتكر الكيزان، بكل أنانية وحقد، دون سواهم على القرش.. (طبعا من غير الوجاهة والحكمة والأبهة والهيبة)..
وأي هيبة نتوقعها من أناس.. كبيرهم يرقص في الاسبوع أكتر من (نانسي عجرم) و(روبي).. لأ، وبالكنداكة كمان..
ورجلهم القوي ياكل شارع زلط كامل.. و"خلوها مستورة"!!
وتجيب (نانسي شكارتها دلاكتها): "الأكل الزلط ده شكيناهو لـالله."!!
هذا زمانك يا مهازل فامرحي.. هذا زمانكم قارب على النهاية يا كيزان الـ......، فتأهبوا!!!
ناذر.. وين يا أبو النيذ؟؟ ما تمرقنا من جو الإحباط ده بربَـة تانية يا ولدنا!!
Post: #236 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-16-2006, 06:00 AM Parent: #1
علاء حيمورة :
Quote: قال احد الظرفاء في الخرطوم ان عريسا اختار الفنان شرحبيل احمد ليغني له في ليلة زفافه ..
بدأ الفنان شرحبيل الحفلة بأغنية ياما بكرة تندم ...
والاغرب من كدة انو العريس بيبشر ليهو بدل ما يديهو طعنة في قلبو !!
Post: #237 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-16-2006, 06:19 AM Parent: #1
دكتور محمد الطاهر ..
Quote: لكن في الزمن ده.. احتكر الكيزان، بكل أنانية وحقد، دون سواهم على القرش.. (طبعا من غير الوجاهة والحكمة والأبهة والهيبة)..
وأي هيبة نتوقعها من أناس.. كبيرهم يرقص في الاسبوع أكتر من (نانسي عجرم) و(روبي).. لأ، وبالكنداكة كمان..
ورجلهم القوي ياكل شارع زلط كامل.. و"خلوها مستورة"!!
وتجيب (نانسي شكارتها دلاكتها): "الأكل الزلط ده شكيناهو لـالله."!!
زي ما قالو ليك دا زمن (الكوندومينيون بيريود) يعني خم وصر
Quote: هذا زمانك يا مهازل فامرحي.. هذا زمانكم قارب على النهاية يا كيزان الـ......، فتأهبوا!!!
يا زول قول بسم الله !! إنت إتشنجت ولا شنو ؟!! البوست فيهو غنية (راجل المرة) وبي صوت راجل كمان !! كيزان شنو الدايرم يتاهبو ليك!! إنت موديهم صبحية للفنان دا ولا شنو !! لا والله بالغت يا دكتور .. ما بسعلك لكن
Quote: ناذر.. وين يا أبو النيذ؟؟ ما تمرقنا من جو الإحباط ده بربَـة تانية يا ولدنا!!
ربة تانية !!!!! كان ليك !!!
سمعت راجل المرة قلت للكيزان يتاهبو .. هسي أسمعك (اللبن أبو لي بيه) تقوم تشيلك الهاشمية وتقعد تكورك (امريكيا روسيا قد دنا عزابها) وتودينا في ستين داهية وأنا زول قدامني عرس وما فاضي للمقابضات بتاعتك دي
صنفرة :
Quote: (عدل بواسطة د.محمد الطاهر on 16-11-2006, 02:07 ص)
الحمد لله عدلتا !! ما عارفك كتبت شنو .. لكن اكيد كنت داير تودرنا !!
Post: #239 Title: Re: أغنية حفلات الزواج المفضلة عند السودانيين هذه الايام !! Author: د.محمد الطاهر Date: 11-16-2006, 11:05 AM Parent: #237
Quote: وأنا زول قدامني عرس وما فاضي للمقابضات بتاعتك دي
ربنا يتمم على خير يا عريس.. أها ما قلت لينا الربَـة بمنو؟؟
شكلك والله غامضا بـ (حمادة بت).. بس أوعى تكتر من الخشبات الما ليها لزمة دي..
سمعت قالوا بيطرشقوا العرس..
أبقى عشرات يا فردة!!
Post: #238 Title: Re: أغنية حفلات الزواج المفضلة عند السودانيين هذه الايام !! Author: عبد الدائم سيد أحمد Date: 11-16-2006, 07:07 AM Parent: #1
عارف يا نازر زمان كنا بنخاف نمشى نقيف جنب المسرح علشان كان الفنانين محترمين وبنعتبر المنطقة دى محرمة الا على اقارب اهل الفرح وفى اهل الفرح الجرئ فيهم . وبعد فترة لما ظهرت حنان بلوبلو ونسمع ناس فلان جابوها فى عرس ولدهم او بتهم كنا بنستغرب كيف فى حفلة زفاف يجيبو بت بترقص باعتبار حفل الزفاف دا المفروض يكون فيهو شوية وقار وذكرى طويلة تبقى مع مرور الايام تحمل اسم الفنان وبعد فترة انتشرت عملية حنة العروس انتشار واسع وانتشرت معاها الغنايات والشباب البقلدو الغنايات ديل او بيلقو نفسهم فى الاطار دا ، وطبعا البداية بتكون سهلة جدا" ما على الغناية الا تتعرف ليها على بتاع حافلة ودا يعرفها على بتاع اورغن ، وسيد الساوند ساكن فى الشارع الوراهم ، ومن هنا تبدأ رحلة النجومية الى عربية اخر موديل وليه لا ما دام العداد شغال وهنا تتسأل فلانه هسه الزولة دى ما كان ماشة كدارى وتغنى بالدلوكة متين عملت دا ، طيب المانع شنو انا اخوى يبقى ذيها ، تعال يا حمادة بتعرف عبدو بتاع الحافلة الساكن ورانا دا عندو صاحبو بتاع اورغن وفى بيتهم محل تركيب عطور وكريمات ، اغشاهو ونحن وراك بنجب جب جب . وهاكذا وهاكذا والمصيبة انو الاعلام وتلفزيون النيل الازرق ساعد على انتشار هؤلاء الشباب بتقديهم للجمهور من غير ما ينتقد ذلك الشاب او الشابة علنا انك يا فلان بتغنى اغانى هابطة فى المناسبات وعندما تاتى الى الاستديو تعمل فيها انك ملتزم والفن التزام سوا داخل الاستديو او خارج الاستديو وعلى الفنان ان يقوم بدور الموجهه للشارع ، وطبعا" لضحالة مستواهم الثقافى يكون دور هؤلاء الشباب فى البرنامج دور المغنى فقط وجايبن ضيف اخر للحديث . وللحديث بقية . تشكر يا نازر على هذا البوست الجميل .
Post: #240 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-16-2006, 11:42 AM Parent: #1
دكتور محمد الطاهر ..
Quote: ربنا يتمم على خير يا عريس.. أها ما قلت لينا الربَـة بمنو؟؟شكلك والله غامضا بـ (حمادة بت)..
لا لا أنا ربتي حا تكون بي فاطمة ولد
Post: #241 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-16-2006, 11:48 AM Parent: #1
الزميل عبد الدائم ..
Quote: والمصيبة انو الاعلام وتلفزيون النيل الازرق ساعد على انتشار هؤلاء الشباب بتقديهم للجمهور من غير ما ينتقد ذلك الشاب او الشابة علنا
أضيف على ديل قنوات الإف إم الخاصة .. وديا سبب كل البلاوي في الساحة الفنية بترسيخا للثقافة دي !
Quote: وطبعا" لضحالة مستواهم الثقافى يكون دور هؤلاء الشباب فى البرنامج دور المغنى فقط وجايبن ضيف اخر للحديث .
طبعا دا بقى الشي الملاحظ .. يجيبو فنان درجة سابعة يكون ما بيعرف يفك الخط حتى وما بيعرف يتكلم كلمتين مع بعض لكن للتغطية يختوهو راس مع زول (كلام) وبيعرف يواجه الشاشة وأنا صراحة مستغرب.. زي الناس البيعرفوا يتكلموا ديل بيرضوا كيف يكونوا في الموقف دا !!!
تسلم على المداخلة وفي إنتظار عودتك ..
Post: #242 Title: Re: أغنية حفلات الزواج المفضلة عند السودانيين هذه الايام !! Author: Sayed Bekab Date: 11-16-2006, 08:58 PM Parent: #1
في يمينو دبوره و فى شمالو دبوره .............. قش.....
وقال الشمالية لما العربجية ههههه!!!!
في زول منكم حضر التقرير العملو ناس MBC قبل كم يوم عن غناء البنات فى السودان والله حاجه تخجل ?
لكن كده كيف
م
ب
ا
ل
غ
ه
الله يجازي شيطانك يا ناذر
ههههههههههههههههههه
Post: #243 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-17-2006, 03:24 AM Parent: #1
سيد بيكاب
Quote: في زول منكم حضر التقرير العملو ناس MBC قبل كم يوم عن غناء البنات فى السودان والله حاجه تخجل ?
Post: #244 Title: Re: أغنية حفلات الزواج المفضلة عند السودانيين هذه الايام !! Author: Haytham Abdulaziz Date: 11-19-2006, 06:18 AM Parent: #243
ولـدنــا ناذر كيف الحال.. بالمناسبة عندي غنيه مدبلجة سودانية أثيوبية فيها ربة و رقيص حاجة كدة ... أنزلا و لا أرسلا ليك تشوفها و بعدين على كيفك ...
Quote: صنفرة :
تجـــي بــدري بلاي،،، قـــوز،،،،،،
Post: #245 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-20-2006, 11:40 AM Parent: #1
هيثم ...
Quote: بالمناسبة عندي غنيه مدبلجة سودانية أثيوبية فيها ربة و رقيص حاجة كدة ... أنزلا و لا أرسلا ليك تشوفها و بعدين على كيفك ...
نزلا لكن خليك حريف واوعك من اللخبطة زي المرة الفاتت
Post: #246 Title: Re: أغنية حفلات الزواج المفضلة عند السودانيين هذه الايام !! Author: Haytham Abdulaziz Date: 11-22-2006, 07:19 AM Parent: #245
Quote: نزلا لكن خليك حريف واوعك من اللخبطة زي المرة الفاتت
أهــا يا ولـدنـا نزلتهـا بالتشغيـل اليــدوي ... و قووول يالطيييييف.. يلا هــاك...
Post: #247 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-26-2006, 10:09 AM Parent: #246
!!!!!!
Quote: غـايتــو أنـا بــررررة .. مالي و مال القراية أم دق ....
برة ويييييين يا معلم
غايتو الليلة خم وصر
Post: #248 Title: Re: أغنية حفلات الزواج المفضلة عند السودانيين هذه الايام !! Author: ahmed khidir Date: 11-26-2006, 06:44 PM Parent: #247
ناذر الخليفه ســــــــلامات كيفنك يازول شايف فى بوست تانى تبحث عن alpha blondy امشى youtube.com حاتلقى غناء مهوول لكن ياناذر اخر البوم ليهو اسمه elohim غنى فيهو اغنية take no prisoner لازم تسمعه عن السودان بيتكلم فيها عن الرق .......... مع تحياتى
احمــد خضــر
Post: #251 Title: Re: أغنية حفلات الزواج المفضلة عند السودانيين هذه الايام !! Author: Haytham Abdulaziz Date: 11-28-2006, 10:53 AM Parent: #247
بـلاي يا ناذر ســلًـم لي على البت البتعمل الكـــوارع في الحلــة الجديدة...
Post: #249 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-27-2006, 04:36 AM Parent: #1
أحمد خدر ... كيفك يا زول ..
Quote: شايف فى بوست تانى تبحث عن alpha blondy امشى youtube.com حاتلقى غناء مهوول لكن ياناذر اخر البوم ليهو اسمه elohim غنى فيهو
تتصور عملت بي نصيحتك ومشيت هناك عملت بحث لقيت في كميات مهولة من الكلبات لي ألفا بلوندي أنا زاتي ما كنت متصور يكون عندو كلبات قدر دا ..
أنا والله يو تيوب دا مستهون بيهو ساكت !!
شنكل :
تتصور أصلو ما عرفت أحفظ الكلبات دي من الموقع في جهازي !! عندك فكرة ؟!!
Post: #250 Title: Re: أغنية حفلات الزواج المفضلة عند السودانيين هذه الايام !! Author: ahmed khidir Date: 11-27-2006, 12:43 PM Parent: #249
ناذر الخليفه ســــلام مربع ومشتاقين امشى لى gooleوابحث عن youtube downloader حاتلقى كميه من الsoftware وتمنياتى بالتوفيق
صنفره ذى مابتقول, وقع بدلى......
احمــد خضــر
Post: #252 Title: Re: أغنية حفلات الزواج المفضلة عند السودانيين هذه الايام !! Author: Sayed Bekab Date: 11-28-2006, 08:39 PM Parent: #250
ناذر يا ولدنا
كلو واحد اغاني البنات البغنوها اشباه الرجال ديل ولا اغاني البنات البغنوها اشباه البنات مع اشباه الرجال
قبل يومين جابو ستونه مجروس من القاهرة تحكي عن تجربتها الفنية فى مصر و التمثيل مع عادل امام بالله القندراني دي ما شرطت عينا لا لامه فى اللهجة المصري ولا السودان و الوش براهووووووووو ماشاء الله اللهم لا حسد مالي الشاشة و مدفق شويتين و فى الختمة بعد هي و المذيع المصرية ذات الحجم العائلي قدوووووووونا و كرهونا الويكد اند قالت تقدم اغنية من اغاني البنات هههههه قالت من اشهر اغاني البنات الحب صعب يا علي بتقوم حرب يا علي هههههههه
تخريمه
عن طريق الوصلة دي ممكن تنزل اي شي من يوتيوب لجهازك
Post: #253 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-29-2006, 08:23 AM Parent: #1
أبو السيد بيكاب ..
Quote: قبل يومين جابو ستونه مجروس من القاهرة تحكي عن تجربتها الفنية فى مصر و التمثيل مع عادل امام بالله القندراني دي ما شرطت عينا لا لامه فى اللهجة المصري ولا السودان و الوش براهووووووووو ماشاء الله اللهم لا حسد مالي الشاشة و مدفق شويتين و فى الختمة بعد هي و المذيع المصرية ذات الحجم العائلي قدوووووووونا و كرهونا الويكد اند قالت تقدم اغنية من اغاني البنات هههههه قالت من اشهر اغاني البنات الحب صعب يا علي بتقوم حرب يا علي هههههههه
الله يجازي محنك .. إنت ما قريت بوست سجيمان عن ستونة ولا شنو
Quote: عن طريق الوصلة دي ممكن تنزل اي شي من يوتيوب لجهازك
مشكور على الوصلة وفعلا استخدمتها وقدرت أنزل تسجيلات في الجهاز لكن ...
ما قاعدة تفتح في الجهاز رغم إني إستخدمت كل البرامج المتاحة !!!!!
Post: #254 Title: Re: أغنية حفلات الزواج المفضلة عند السودانيين هذه الايام !! Author: حبيب نورة Date: 11-29-2006, 08:50 AM Parent: #253
أمرررقي يا خاينة
سلام يا حبيبنا
Post: #255 Title: Re: أغنية حفلات الزواج المفضلة عند السودانيين هذه الايام !! Author: mulhim Date: 11-29-2006, 10:25 AM Parent: #254
ابو النيذ صديقى ...تحياتى
Quote: شوف يا سيدي ..
الكفر دا مدور زي ما إنت عارف وكل إسبوعين تلاتة بيطلع فيهو فنان ، فلو إنت جد داير تعرف الفنان الطالع في الكفر إلى تحدد لي مواعيد زواجك وبعد داك انا ممكن إتنبأ ليك (الكرتلة) حا ترسي على منو الوكت داك ..
بما انه الكفر مدور .. وانت طلبت احدد ليك العرس متين ... عشان تشوف الكرتله حترسى على منو... فالعرس يوم 22 يناير ... يلا ورينا الكرتلة ... و.....
Quote: سلام يا حبيبنا
Post: #256 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-30-2006, 10:48 AM Parent: #1
حبيب نورة .. مشتاقين
Quote: سلام يا حبيبنا
تسلم ..
Post: #257 Title: Re: أغنية حفلات الزواج المفضلة عند السودانيين هذه الايام !! Author: ناذر محمد الخليفة Date: 11-30-2006, 10:56 AM Parent: #1
ملهم .. العريس المرتقب ..
Quote: وانت طلبت احدد ليك العرس متين ... عشان تشوف الكرتله حترسى على منو... فالعرس يوم 22 يناير ... يلا ورينا الكرتلة ... و.....
يوم 22 يناير إحتمال كبير أكون أنا (ظااااااااطي) الطالع في الكفر ؟!
Post: #258 Title: Re: أغنية حفلات الزواج المفضلة عند السودانيين هذه الايام !! Author: mulhim Date: 11-30-2006, 11:42 AM Parent: #257
Quote: يوم 22 يناير إحتمال كبير أكون أنا (ظااااااااطي) الطالع في الكفر ؟!
ابو النيذ ...صديق العريس ... طيب لو كده العريس ما اتجدع ... والكفر كفرنا ..
...حمادة بت كمان ...
أنا كل الاغاني دي عندي .. بس زي ما بقولوا المصريين الـ (جني) بيكرهم (كل شي بأوان) 
لينا ساكت !!
.
