|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
Quote: يمكنك الاشتراك في الموقع والاستفادة من كل ما يقدمه الموقع للمشترك، ومشاهدة والاستماع إلى جميع الدروس، وإعادتها كيفما يحلو لك، والانتقال من مرحلة إلى أخرى برسم اشتراك لا يتعدى 29 دولاراً في الشهر.. إن هذا المبلغ لا يتجاوز كلفة درس واحد عند أستاذ موسيقى، إن لم يكن أقل
!اشترك الآن واستمتع بالعزف على العود
|
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
للزول المفلس برضو والجلدة والما داير يدفع قروش ..
ممكن برضو تسجل إيميلك عشان الدروس وحا تجيك إيميلات زي دي :
Quote: عزيزي ناذر محمد الخليفة تحية طيبة وبعد،
يمكنك الان تعلم العزف على العود بأسلوب علمي وأكاديمي لتصبح عازفاً ماهراً، ويسرني أن أبعث لك في رسائل قادمة بعض المعلومات الهامة عن العزف على العود مأخوذة من الدرس الاول والثاني من المرحلة الاولى.
نماذج الدروس التي سوف ارسلها لك هي:
1.طريقة مسكة العود العلمية 2.خطوات مسكة زند العود 3.اصابع اليد اليسرى (اسمائها وارقامها) 4.طريقة مسكة الريشة العلمية 5الريشة المقلوبة 6.حركة الريشة النازله 7.حركة الريشة الصاعدة 8.اسماء اوتار الة العود 9.دوزان العود – كامل 10.المدرج الوسيقي 11.السلم الموسيقي 12.المفاتيح الموسيقية 13.اسماء العلامات الموسيقية 14.تقسيم العلامات الموسيقية 15الميزان الموسيقي 16.عزف العلامات الموسيقية 17.السلم الموسيقي على أوتار العود
وفي حال رغبت بالحصول على جميع الدروس في المرحلة الاولى والثانية والثالثة ما عليك سوى الاشتراك في http://www.learnoud.com
ولك أجمل تحية الفنان علي حسن
|
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
عبدو ..
Quote: يعني حكاية القروش ما منها مفر ،يعني الإيميل يرجعك للموقع حركات حلزونية
|
كدي إنت سجل الإيميل بتاعك أمكن تجيك دروس طايرة كدة ولا كدة مجاني ..
Quote: والله يا ناذر اعشق العود خالص ،لكن قدر ما حاولت اتعلمه ما ظبط معاي مع العلم ما بعرف بعزف اي حاجة كيف ممكن تكون البداية"انت كمان ما تقول لي اشتراك" |
الشغلة داير صبر با عبد الحميد . حاول كتير وما تيأس وحا تصل بإذن الله ..
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
الحبيب ... ناذر ... و الله انا من الناس البحبو العود لدرجة ال ... هذه الالة العجيبة ... فكل يوم تكتشف بها المزيد ... فهى اكثر الالات الموسيقية تعقيدا و صعوبة !!! وحنية !!! خاصة فى ( السولو ) ... فمثل هؤلاء المتخصصين يضيفون لمعرفتك بها اى تلك الآلة المحببة ... الكثير ... و ما تنسى اخوك كمان متعلم الحكاية ( جربنديه !!! ) ساكت !!! لكن !!! و الله ما بنسى اخونا كاظم الكويتى الكان بحضر فى علوم الموسيقى هنا فى جامعة ميامى و الذى اعطانى الكثير عن تلك اللآلة و فنونها ... المهم سوف نشترك فى هذا البرنامج ... و انا متاكد من انه سوف يضيف لنا الكثير ... تحياتى لكل ( عوادى !! ) العالم ... و اخص بهم ... الاسطورة ... عوض احمودى ... حبى و احترامى لك مرة اخرى ناذر ... عبدالماجد
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
عيد الماجد ...
Quote: فمثل هؤلاء المتخصصين يضيفون لمعرفتك بها اى تلك الآلة المحببة ... الكثير ...
|
بالضبط ... العود بحر كبير .. مهما قلت وصلت أخرو بتلقى روحك لسع في البداية ..
Quote: و ما تنسى اخوك كمان متعلم الحكاية ( جربنديه !!! ) ساكت !!!
|
بالمناسبة ...
معظم العازفين تبع العود متعلمين العزف بدون دراسة مسبقة في الموسيقى .. لكن بعد داك طورو إمكانياتم أكتر لمن عضدو (جربندنتم) بالدراسة العلمية ..
Quote: و الله ما بنسى اخونا كاظم الكويتى الكان بحضر فى علوم الموسيقى هنا فى جامعة ميامى و الذى اعطانى الكثير عن تلك اللآلة و فنونها ... |
تحياتي للأستاذ كاظم الكويتي ولمن ترجع السودان يا عبد الماجد ما تنسى تعطينا مما اعطاك كاظم ..
Quote: الاسطورة ... عوض احمودى ... |
خير وصف والله ..
وبمناسبة احمودي نخت الرابط المهم دا :
عوض أحمودي !! عَلِمَنَا كيف نجعل اعوادنا تغني وتبكي وتجادل !!
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
Quote: معقول ياخ وإنت صاحب عوض أحمودي ما إستفدت منو كلو كلو في شغلة العود دي !! |
مرة في الهلالية قلت ليه ياعوض انت ليه ماعايز تعلمنى العود .؟؟ بخبث كدة قال لي عشان مايرفدوك ..!! طبعا عمايلنا في الثانوية ماكانت بتعجب اي زول فنان ..!!
ماعايز اقول ليك ياريت لو علمنى ورفدونى في وكتا ......... عشان ماتشمت ...
بالمناسبة .. عوض ده الوحيد لمن يقلد ليك ود الامين - بالصوت والعود - والله تخت يدك في راسك .. عندى ليه تسجيل قعدة ...... تدفع كم .....
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
كيفك ..
Quote: الشيي العارفو إنو العود عزفو تقريبي ما بحتاج لتعليم سلم صول أو فاصل مازورة لأنو في ناس كتار اتعلموهو بل أجادوا العزف على العود بدون ما يدرسو موسيقى ..
|
من محاسن الصدف إنو أمبارح كنا في جلسة مع عدد من بورداب الخرطوم منهم واحد بيعزف عود بي صورة ممتازة ودار حوار حول ألة العود وأفضلية تعلمها بالدراسة أم بغير الدراسة ..
أنا رايي الشخصي كـ زول تعلمت العود (باللبطنة) إنو الواحد لو إتعلم العزف قبل الدراسة بيكون افضل ومتمكن أكتر مما لو إتعلمو بواسطة النوتة الموسيقية .. لأني لاحظت أثناء دراستي في معهد الموسيقى إنو طلبة شعبة العود بيمتصو أحاسيس الأستاذ بتاع الألة بالكربون بدون ما يدو نفسهم فرصة بتاعت جنوح خارج إطار المازورة والنوتة .. عشان كدة بيكون عزفهم كلو متشابه ومكرر بدون طعم زي (الأكل المعلب المحفوظ) !! بعكس الحضرو لدراسة الألة وهم بيعرفو يعزفو عود وقدرو بالطريقة دي يضيفو للمعلومات الكانت موجودة عندهم وينموها ويطوروها ..
بس في حاجة تانية كمان ..
الميزة الفي عازف العود الإتعلم بواسطة النوتة الموسيقية إنو بيكون شغلو أكاديمي بحت ومجضم النوتة كويس وما بيلقى صعوبة في التنفيذ الموسيقي لو كان بصحبة مجموعة أو فرقة كاملة يعزف معاها لاول مرة وطلب منه العزف بواسطة نوتة ادوها ليهو في إيدو !!
صنفرة :
وتاكيدا على كلامي دا أعترف أني خدعت الأستاذ بتاع الألة لمن جا يمتحني ..
أداني نوتة قبل الإمتحان بي يوم وطلب مني تفكيكا عشان إمتحان بكرة .. وكل الحصل إني رجعت البيت بالليل وفكيت النوتة لمرة واحدة وحفظتها صم وجيت الإمتحان واللجنة قدامي وختو لي المقطوعة وأنا بعاين للنوتة وعامل روحي مستغرق ومركز ولا بتهوفن ، وبعزف زي البقرا من النوتة في حين إنو دي كانت جلكسة مني ساي لاني كنت بعزف المقطوعة من ذاكرتي بس !!
وأنا متأكد لو كان محلي طالب إتعلم العزف من الاول بواسطة النوتة كان حا ينفذ المقطوعة من النوتة حرفيا ودا الفرق ..
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
ود الطالب مرحب بيك ..
يا خي ما تجيني نعلمك تعزف العود عشان تبقى زرياب زمانك زي صحبي دينق البقى هسي يغني أغاني الدينكاالرطانية بواسطة العود بي كل سهولة ..
بس أوعا صوابعينك يكونو غلاد زيو عشان ما تتعبني معاك وتقطع لي الأوتار
Quote: ناذر يا زرياب.. تحياتي..
بالمبو لو أمكن..
أو.. شيء تاني من تراثنا الثقافي.. في تلك الفسحة الواسعة ديكـ..
|
أما إنك زول مبروك خلاص زي صحبي دافنشي .. الإسبوع الفات بس معهد دراسات الفلكلور السوداني عمل ليهو موقع تعليمي لآلاتنا الشعبية الموسيقية ومن ضمنها البالمبو والوازا والربابة وحاجات تانية ..
خوش هنا وإستفيد :
www.balimbo.org
قووود لك
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
الطاهرQuote:
مرة في الهلالية قلت ليه ياعوض انت ليه ماعايز تعلمنى العود .؟؟ بخبث كدة قال لي عشان مايرفدوك ..!! طبعا عمايلنا في الثانوية ماكانت بتعجب اي زول فنان ..!!
ماعايز اقول ليك ياريت لو علمنى ورفدونى في وكتا ......... عشان ماتشمت |
كان تخليو يعلمك ويرفدوك تطلع عازف اد الدنيا بدل مهنة النكد الجايبة ليك الشبهة دي
Quote: عوض ده الوحيد لمن يقلد ليك ود الامين - بالصوت والعود - والله تخت يدك في راسك .. عندى ليه تسجيل قعدة ...... تدفع كم |
أهااااااااااااااااا !!!!
دا الإستكراد الما بينفع معاي زاااتو !!!
اجيك متين إستلم التسجيل ؟
| |
|
|
|
|
|
|
Re: تعلم العزف على العود... عبر الانترنت اليوم ... (Re: Sobajo)
|
أمشي المانيا يا سوباجو في واحد هناك ألماني خطر جدا هو البيصنع الأعواد لي معظم أو جميع الفنانين والملحنين العرب بس خلي بالك لأنو تكلفة العود الواحد ما اقل من تلاتة ألف يورو ..
أصبر لي شوية أجيك ومعاي إسمو والويب صايد بتاعو عشان تآمن !!
صمفرة :
ما تتشنج يا تبلدينا ..
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
Quote: أمشي المانيا يا سوباجو في واحد هناك ألماني خطر جدا هو البيصنع الأعواد لي معظم أو جميع الفنانين والملحنين العرب بس خلي بالك لأنو تكلفة العود الواحد ما اقل من تلاتة ألف يورو ..
|
اسمعني ...
معاه سيدي CD-ROM؟؟؟ و بخزن الحان ...؟؟؟ و فيه ميزة التعليم الذاتي ولة شنو العود ده ...؟؟؟؟!!
و اهم حاجة ... الشاحن معاه ولة بشتري الشاحن براي ..؟؟؟
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
يا ناذر
تعرف انا كان عندي صاحبي -رحمه الله- العود دة عندو حاجة تانية (رحمة الله عليك حبيبي حمزة علاء الدين ) بسببو حبيت العود ولكن حكمة الله زمانك لما كانت حصة الموسيقي اجبارية في المدارس الثانوية ( دة تاريخ بعيد ما اظنك ولا الفار بتاعك سمعو بيه ) حاول صول الموسيقي ان يعلمني عزف العود فما كنت بقدر امسكو الا زي الكونترباص يعني upstand فلذا سقطت بجدارة وحاول معاي الكمنجة فايدوبك دو ري مافاصوليا وبس والسنة انتهت ونقلونا لسنة ثالثة ما كان فيها حصة موسيقي ...وحسه اها بشوف عوض حمودي واحمد الملك (مش اسمو كدة الباسم ديمة داك) العن حظي يعني العود ما كان احسن لي من الهندسة والكمبيوترات والمباني واية حاجة .. الواحد هسع كان مسلطن بيلحن ليك ..
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
كيفك يا رأفت ..
Quote: العزف إتعلمناه زمااااان وإعتزلنا بعد ما غلبنا
|
كيف يعني إتعلمتو وبعد داك غلبك .. تكون بس ما صبرت عليهو ..
Quote: الزول ده شفتو مرة فى يو تيوب مع تومات بغنو الراجل بيعزف بمشاعرو كلها راجل فعلآ فنان
|
أكيد بتكون شفتهم مع إيمان وأماني ..
راجل فنان فعلا وبالجد ما ساهل ..
| |
|
|
|
|
|
|
Re: تعلم العزف على العود... عبر الانترنت اليوم ... (Re: ناذر محمد الخليفة)
|
أبو بكر ...
Quote: ولكن حكمة الله زمانك لما كانت حصة الموسيقي اجبارية في المدارس الثانوية ( دة تاريخ بعيد ما اظنك ولا الفار بتاعك سمعو بيه ) |
بختكم وبخت زمانكم بيكم .. بالله البلد دي كان فيها حصص موسيقى في المدراس بغض النظر عن إلزامية ولا إختيارية !!
Quote: فما كنت بقدر امسكو الا زي الكونترباص يعني upstand فلذا سقطت بجدارة |
يرضو أحسن تكون ماسكو زي الكونتر باص لانو عندي واحد صحبي عريبي كنت بعلم فيهو العود وهو مصر يمسكو زي الطنبور ورايو إنو كدة بيتمكن فيهو أكتر .. طبعا بعد شهرين من التعليم بي طريقتو دي كانت النتيجة كسر العود في يدو وما إتعلم ولا صولة ..
Quote: واحمد الملك (مش اسمو كدة الباسم ديمة داك) العن حظي يعني العود ما كان احسن لي من الهندسة والكمبيوترات والمباني واية حاجة .. الواحد هسع كان مسلطن بيلحن ليك .. |
ما فات حاجة أجمع بينم كلهم ورسل لي الألحان الما خمج ..
| |
|
|
|
|
|
|
|