Post: #1
Title: تعلم العزف على العود... عبر الانترنت اليوم ...
Author: ناذر محمد الخليفة
Date: 02-18-2007, 03:43 PM
للراغبين عليهم الإشتراك في الموقع دا مع الزول الرائع علي حسن :
شنكل :
طبعا الإشتراك بقروش وكدة !! الزول الماعندو قروش يستمتع بي العزف المجاني الـ في الواجهة 
|
Post: #2
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-18-2007, 03:45 PM
Parent: #1
Quote: يمكنك الاشتراك في الموقع والاستفادة من كل ما يقدمه الموقع للمشترك، ومشاهدة والاستماع إلى جميع الدروس، وإعادتها كيفما يحلو لك، والانتقال من مرحلة إلى أخرى برسم اشتراك لا يتعدى 29 دولاراً في الشهر.. إن هذا المبلغ لا يتجاوز كلفة درس واحد عند أستاذ موسيقى، إن لم يكن أقل
!اشترك الآن واستمتع بالعزف على العود
|
|
Post: #3
Title: Re: تعلم العزف على العود... عبر الانترنت اليوم ...
Author: حيدر حسن ميرغني
Date: 02-18-2007, 03:53 PM
Parent: #2
ناذر
يعني بطلع مثل العازف العراقي نصير شمَة أو ناذر خليفة؟
انا محب لعزف ميشيل خليفة
|
Post: #4
Title: Re: تعلم العزف على العود... عبر الانترنت اليوم ...
Author: الطاهر ساتي
Date: 02-18-2007, 03:55 PM
Parent: #1
ناذر ........
ياخى ماعندك لينا برنامج ولا موقع نتعلم الضرب على البنقس ..؟
.
فتش لينا www.deloka.com
او ماشابه ذلك ...........!!
داايرين نبقى سفراء ......... مالنا ومال الهم .................
|
Post: #5
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-18-2007, 04:01 PM
Parent: #1
حيدر ....
Quote: يعني بطلع مثل العازف العراقي نصير شمَة أو ناذر خليفة؟
|
بتطلع زي العازف خضر بشير
|
Post: #6
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-18-2007, 04:03 PM
Parent: #1
الطاهر ساتي :
معقول ياخ وإنت صاحب عوض أحمودي ما إستفدت منو كلو كلو في شغلة العود دي !!
Quote: ناذر ........
ياخى ماعندك لينا برنامج ولا موقع نتعلم الضرب على البنقس ..؟ |
في موقع جديد لتعلم العزف على الإيقاعات السودلنية عاملو عبد الله هندي ..
خش هنا :
WWW.BUNGOZ.ORG[/B]
|
Post: #7
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-18-2007, 04:07 PM
Parent: #1
للزول المفلس برضو والجلدة والما داير يدفع قروش ..
ممكن برضو تسجل إيميلك عشان الدروس وحا تجيك إيميلات زي دي :
Quote: عزيزي ناذر محمد الخليفة
تحية طيبة وبعد،
يمكنك الان تعلم العزف على العود بأسلوب علمي وأكاديمي لتصبح عازفاً ماهراً،
ويسرني أن أبعث لك في رسائل قادمة بعض المعلومات الهامة عن العزف على العود
مأخوذة من الدرس الاول والثاني من المرحلة الاولى.
نماذج الدروس التي سوف ارسلها لك هي:
1.طريقة مسكة العود العلمية
2.خطوات مسكة زند العود
3.اصابع اليد اليسرى (اسمائها وارقامها)
4.طريقة مسكة الريشة العلمية
5الريشة المقلوبة
6.حركة الريشة النازله
7.حركة الريشة الصاعدة
8.اسماء اوتار الة العود
9.دوزان العود – كامل
10.المدرج الوسيقي
11.السلم الموسيقي
12.المفاتيح الموسيقية
13.اسماء العلامات الموسيقية
14.تقسيم العلامات الموسيقية
15الميزان الموسيقي
16.عزف العلامات الموسيقية
17.السلم الموسيقي على أوتار العود
وفي حال رغبت بالحصول على جميع الدروس في المرحلة الاولى والثانية والثالثة ما عليك سوى الاشتراك في http://www.learnoud.com
ولك أجمل تحية
الفنان علي حسن
|
|
Post: #8
Title: Re: تعلم العزف على العود... عبر الانترنت اليوم ...
Author: Mahjob Abdalla
Date: 02-18-2007, 07:00 PM
Parent: #1
| Quote: انا محب لعزف ميشيل خليفة |
و انا مهب لعزف ناذر خليفه
سنفره:
شاو دورشيد سابقا
|
Post: #9
Title: Re: تعلم العزف على العود... عبر الانترنت اليوم ...
Author: عبده عبدا لحميد جاد الله
Date: 02-18-2007, 08:01 PM
Parent: #8
عزيز ناذر
تحية طيبة
Quote: وفي حال رغبت بالحصول على جميع الدروس في المرحلة الاولى والثانية والثالثة ما عليك سوى الاشتراك في http://www.learnoud.com
|
يعني حكاية القروش ما منها مفر ،يعني الإيميل يرجعك للموقع حركات حلزونية
كسرة:
والله يا ناذر اعشق العود خالص ،لكن قدر ما حاولت اتعلمه ما ظبط معاي
مع العلم ما بعرف بعزف اي حاجة كيف ممكن تكون البداية"انت كمان ما تقول لي اشتراك"
|
Post: #10
Title: Re: تعلم العزف على العود... عبر الانترنت اليوم ...
Author: altahir_2
Date: 02-18-2007, 08:21 PM
Parent: #1
والله دا شغل جميل
لكن للناس الزينا ديل فى اوربا
كان ما عندهم فيرا كارت او اى نوع من البطاقات الإئتمانية دى
اعملوا شنو؟
مفتقدك هنا
انتي الخطاوي - جديد المبدع ضياء ميرغني
|
Post: #11
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 06:29 AM
Parent: #1
محجوب أو شاو دورشيد ..
وينك يا رائع ؟! طولنا منك عديل والله !!
Quote: و انا مهب لعزف ناذر خليفه
|
تسلم كتير .. يا معجب
|
Post: #12
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 06:31 AM
Parent: #1
عبدو ..
Quote: يعني حكاية القروش ما منها مفر ،يعني الإيميل يرجعك للموقع حركات حلزونية
|
كدي إنت سجل الإيميل بتاعك أمكن تجيك دروس طايرة كدة ولا كدة مجاني ..
Quote: والله يا ناذر اعشق العود خالص ،لكن قدر ما حاولت اتعلمه ما ظبط معاي
مع العلم ما بعرف بعزف اي حاجة كيف ممكن تكون البداية"انت كمان ما تقول لي اشتراك" |
الشغلة داير صبر با عبد الحميد .
حاول كتير وما تيأس وحا تصل بإذن الله ..
|
Post: #13
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 06:33 AM
Parent: #1
الطاهر ...
Quote: والله دا شغل جميل
لكن للناس الزينا ديل فى اوربا
كان ما عندهم فيرا كارت او اى نوع من البطاقات الإئتمانية دى
اعملوا شنو؟
|
معقولة قاعد في أوروبا وما عندك البتاعات دي !! طيب ناس السودان يقولو شنو!
|
Post: #14
Title: Re: تعلم العزف على العود... عبر الانترنت اليوم ...
Author: Yassir Tayfour
Date: 02-19-2007, 06:50 AM
Parent: #13
يا ناذر ده صوت عود ولا مندلين يا كافي البلا
أنا لما أجي السودان بليس، جهز عودين
________
ما تفهني غلط
|
Post: #15
Title: Re: تعلم العزف على العود... عبر الانترنت اليوم ...
Author: ABDELMAGID ABDELMAGID
Date: 02-19-2007, 07:12 AM
Parent: #13
الحبيب ...
ناذر ...
و الله انا من الناس البحبو العود لدرجة ال ...
هذه الالة العجيبة ...
فكل يوم تكتشف بها المزيد ...
فهى اكثر الالات الموسيقية تعقيدا و صعوبة !!! وحنية !!!
خاصة فى ( السولو ) ...
فمثل هؤلاء المتخصصين يضيفون لمعرفتك بها اى تلك الآلة المحببة ... الكثير ...
و ما تنسى اخوك كمان متعلم الحكاية ( جربنديه !!! ) ساكت !!!
لكن !!!
و الله ما بنسى اخونا كاظم الكويتى الكان بحضر فى علوم الموسيقى هنا فى جامعة ميامى و الذى اعطانى الكثير عن تلك اللآلة و فنونها ...
المهم سوف نشترك فى هذا البرنامج ...
و انا متاكد من انه سوف يضيف لنا الكثير ...
تحياتى لكل ( عوادى !! ) العالم ...
و اخص بهم ...
الاسطورة ...
عوض احمودى ...
حبى و احترامى لك مرة اخرى ناذر ...
عبدالماجد
|
Post: #16
Title: Re: تعلم العزف على العود... عبر الانترنت اليوم ...
Author: بكري اسماعيل
Date: 02-19-2007, 01:05 PM
Parent: #15
ناذر سلامات
الشيي العارفو إنو العود عزفو تقريبي ما بحتاج لتعليم سلم صول أو فاصل مازورة لأنو في ناس كتار اتعلموهو بل أجادوا العزف على العود بدون ما يدرسو موسيقى ..
أنا بعزف عود يعني بطرب نفسي وبس لكين عندي مشكلة في العزف والترديد في نفس الوقت تقدر تحل لي المشكلة دي ..
|
Post: #17
Title: Re: تعلم العزف على العود... عبر الانترنت اليوم ...
Author: A.Razek Althalib
Date: 02-19-2007, 01:43 PM
Parent: #16
ناذر يا زرياب..
تحياتي..
بالمبو لو أمكن..
أو.. شيء تاني من تراثنا الثقافي..
في تلك الفسحة الواسعة ديكـ..
اللووول..
|
Post: #18
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 03:26 PM
Parent: #1
يا سر طيفور ..
Quote: يا ناذر ده صوت عود ولا مندلين يا كافي البلا
|
يا زول قول ما شاء الله !!
صنفرة :
طبعا العراقيين ديل عبيد كبار في شغلة العود دي !!
|
Post: #19
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 03:33 PM
Parent: #1
عيد الماجد ...
Quote: فمثل هؤلاء المتخصصين يضيفون لمعرفتك بها اى تلك الآلة المحببة ... الكثير ...
|
بالضبط ... العود بحر كبير .. مهما قلت وصلت أخرو بتلقى روحك لسع في البداية ..
Quote: و ما تنسى اخوك كمان متعلم الحكاية ( جربنديه !!! ) ساكت !!!
|
بالمناسبة ...
معظم العازفين تبع العود متعلمين العزف بدون دراسة مسبقة في الموسيقى .. لكن بعد داك طورو إمكانياتم أكتر لمن عضدو (جربندنتم) بالدراسة العلمية ..
| Quote: و الله ما بنسى اخونا كاظم الكويتى الكان بحضر فى علوم الموسيقى هنا فى جامعة ميامى و الذى اعطانى الكثير عن تلك اللآلة و فنونها ... |
تحياتي للأستاذ كاظم الكويتي ولمن ترجع السودان يا عبد الماجد ما تنسى تعطينا مما اعطاك كاظم ..
Quote: الاسطورة ...
عوض احمودى ... |
خير وصف والله ..
وبمناسبة احمودي نخت الرابط المهم دا :
عوض أحمودي !! عَلِمَنَا كيف نجعل اعوادنا تغني وتبكي وتجادل !!
|
Post: #20
Title: Re: تعلم العزف على العود... عبر الانترنت اليوم ...
Author: الطاهر ساتي
Date: 02-19-2007, 03:42 PM
Parent: #1
| Quote: معقول ياخ وإنت صاحب عوض أحمودي ما إستفدت منو كلو كلو في شغلة العود دي !! |
مرة في الهلالية قلت ليه ياعوض انت ليه ماعايز تعلمنى العود .؟؟
بخبث كدة قال لي عشان مايرفدوك ..!!
طبعا عمايلنا في الثانوية ماكانت بتعجب اي زول فنان ..!!
ماعايز اقول ليك ياريت لو علمنى ورفدونى في وكتا ......... عشان ماتشمت ...
بالمناسبة ..
عوض ده الوحيد لمن يقلد ليك ود الامين - بالصوت والعود - والله تخت يدك في راسك ..
عندى ليه تسجيل قعدة ...... تدفع كم .....
|
Post: #21
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 03:51 PM
Parent: #1
كيفك ..
Quote: الشيي العارفو إنو العود عزفو تقريبي ما بحتاج لتعليم سلم صول أو فاصل مازورة لأنو في ناس كتار اتعلموهو بل أجادوا العزف على العود بدون ما يدرسو موسيقى ..
|
من محاسن الصدف إنو أمبارح كنا في جلسة مع عدد من بورداب الخرطوم منهم واحد بيعزف عود بي صورة ممتازة ودار حوار حول ألة العود وأفضلية تعلمها بالدراسة أم بغير الدراسة ..
أنا رايي الشخصي كـ زول تعلمت العود (باللبطنة) إنو الواحد لو إتعلم العزف قبل الدراسة بيكون افضل ومتمكن أكتر مما لو إتعلمو بواسطة النوتة الموسيقية .. لأني لاحظت أثناء دراستي في معهد الموسيقى إنو طلبة شعبة العود بيمتصو أحاسيس الأستاذ بتاع الألة بالكربون بدون ما يدو نفسهم فرصة بتاعت جنوح خارج إطار المازورة والنوتة .. عشان كدة بيكون عزفهم كلو متشابه ومكرر بدون طعم زي (الأكل المعلب المحفوظ) !! بعكس الحضرو لدراسة الألة وهم بيعرفو يعزفو عود وقدرو بالطريقة دي يضيفو للمعلومات الكانت موجودة عندهم وينموها ويطوروها ..
بس في حاجة تانية كمان ..
الميزة الفي عازف العود الإتعلم بواسطة النوتة الموسيقية إنو بيكون شغلو أكاديمي بحت ومجضم النوتة كويس وما بيلقى صعوبة في التنفيذ الموسيقي لو كان بصحبة مجموعة أو فرقة كاملة يعزف معاها لاول مرة وطلب منه العزف بواسطة نوتة ادوها ليهو في إيدو !!
صنفرة :
وتاكيدا على كلامي دا أعترف أني خدعت الأستاذ بتاع الألة لمن جا يمتحني ..
أداني نوتة قبل الإمتحان بي يوم وطلب مني تفكيكا عشان إمتحان بكرة .. وكل الحصل إني رجعت البيت بالليل وفكيت النوتة لمرة واحدة وحفظتها صم وجيت الإمتحان واللجنة قدامي وختو لي المقطوعة وأنا بعاين للنوتة وعامل روحي مستغرق ومركز ولا بتهوفن ، وبعزف زي البقرا من النوتة في حين إنو دي كانت جلكسة مني ساي لاني كنت بعزف المقطوعة من ذاكرتي بس !!
وأنا متأكد لو كان محلي طالب إتعلم العزف من الاول بواسطة النوتة كان حا ينفذ المقطوعة من النوتة حرفيا ودا الفرق ..
|
Post: #22
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 03:57 PM
Parent: #1
ود الطالب مرحب بيك ..
يا خي ما تجيني نعلمك تعزف العود عشان تبقى زرياب زمانك زي صحبي دينق البقى هسي يغني أغاني الدينكاالرطانية بواسطة العود بي كل سهولة ..
بس أوعا صوابعينك يكونو غلاد زيو عشان ما تتعبني معاك وتقطع لي الأوتار
Quote: ناذر يا زرياب..
تحياتي..
بالمبو لو أمكن..
أو.. شيء تاني من تراثنا الثقافي..
في تلك الفسحة الواسعة ديكـ..
|
أما إنك زول مبروك خلاص زي صحبي دافنشي ..
الإسبوع الفات بس معهد دراسات الفلكلور السوداني عمل ليهو موقع تعليمي لآلاتنا الشعبية الموسيقية ومن ضمنها البالمبو والوازا والربابة وحاجات تانية ..
خوش هنا وإستفيد :
www.balimbo.org
قووود لك
|
Post: #23
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 04:11 PM
Parent: #1
الطاهرQuote:
مرة في الهلالية قلت ليه ياعوض انت ليه ماعايز تعلمنى العود .؟؟
بخبث كدة قال لي عشان مايرفدوك ..!!
طبعا عمايلنا في الثانوية ماكانت بتعجب اي زول فنان ..!!
ماعايز اقول ليك ياريت لو علمنى ورفدونى في وكتا ......... عشان ماتشمت |
كان تخليو يعلمك ويرفدوك تطلع عازف اد الدنيا بدل مهنة النكد الجايبة ليك الشبهة دي
Quote: عوض ده الوحيد لمن يقلد ليك ود الامين - بالصوت والعود - والله تخت يدك في راسك ..
عندى ليه تسجيل قعدة ...... تدفع كم |
أهااااااااااااااااا !!!!
دا الإستكراد الما بينفع معاي زاااتو !!!
اجيك متين إستلم التسجيل ؟
|
Post: #24
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 04:43 PM
Parent: #1
شوفو مارسيل خليفة
|
Post: #25
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 04:44 PM
Parent: #1
والنشوة والإنتشاء عند عوض أحمودي :
|
Post: #26
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 04:45 PM
Parent: #1
والشاب الرائع دا
|
Post: #33
Title: Re: تعلم العزف على العود... عبر الانترنت اليوم ...
Author: Moawia Mohammed
Date: 02-19-2007, 06:51 PM
Parent: #26
علي الحرام يا ناذر زولك الفي الصوره دا أول مره يمسك لي كمنجه في حياتو
شغال يضبح سااااكت
غايتو بخاتمو وطاقيتو السمحات ديل ممكن يبقي فردة كورس في دار فلاح
|
Post: #27
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 04:46 PM
Parent: #1
ملوك الاوتار أحمودي ومحمدية :
|
Post: #28
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 04:46 PM
Parent: #1
.jpg)
قعدة ..
|
Post: #29
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 05:02 PM
Parent: #1
عضو المنبر عجب ..
الزول دا وين يا أخوانا !!
|
Post: #30
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 05:02 PM
Parent: #1
النجم الصاعد حسن محمود ..
|
Post: #31
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 05:03 PM
Parent: #1
الأسطورة الشامخ عوض أحمودي
|
Post: #32
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 05:05 PM
Parent: #1
واخيرا ..الباقي دوما في قلوبنا .. مصطفى ..
|
Post: #34
Title: Re: تعلم العزف على العود... عبر الانترنت اليوم ...
Author: Moawia Mohammed
Date: 02-19-2007, 06:57 PM
Parent: #1
أسمع يا ناذر أنا عندي رغبه شديده أتعلم العزف علي العود
وبعدين عندي خلفيه كويسه لأنو زمان كنت بجيد العزف علي آلة الزمبارة
| Quote: جنوح خارج إطار المازورة والنوتة .. |
أسمع يا ناذر ما فهمتك والله انت قاصد الماسورة ولا أنا غلطان
|
Post: #35
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-19-2007, 08:28 PM
Parent: #1
معاوية ...
Quote: علي الحرام يا ناذر زولك الفي الصوره دا أول مره يمسك لي كمنجه في حياتو
شغال يضبح سااااكت |
علي بالطلاق ما أرجعك ساكت ..
كلامك صح والله ..
لو لا حظت البوست بيتكلم عن ألة العود لكن أنا جبت صورة صحبي الشايل الكمنجة دي لاني متأكد هو ما عارف الفرق بينا وبين العود فقلت ألتكا ليو هنا
| Quote: أسمع يا ناذر أنا عندي رغبه شديده أتعلم العزف علي العود |
صدق يا معاوية .. أنا قررت أفتح لي موقع لتعليم العود في النيت وشعارو (تعلم العود في أربعون يوما) طبعا حا يكون بي سعر تنافسي مع أستاذنا العراقي دا .. بس المشكلة السودان ما فيهو نظام الفيزا كارد لتحويل الضحاكات وما عارف لي طريقة تاني مضمونة !!
| Quote: وبعدين عندي خلفيه كويسه لأنو زمان كنت بجيد العزف علي آلة الزمبارة |
طيب ما تراهو عندك خلفية كويسة وقاطع نص المشوار
|
Post: #36
Title: Re: تعلم العزف على العود... عبر الانترنت اليوم ...
Author: الطاهر ساتي
Date: 02-19-2007, 08:34 PM
Parent: #1
تبلدينا شادى عروقو كدة بيعزف كمنجة ولا بيبنى في حيطة جالوص ..؟؟
|
Post: #37
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-20-2007, 00:12 AM
Parent: #1
!!!!!!!
| Quote: تبلدينا شادى عروقو كدة بيعزف كمنجة ولا بيبنى في حيطة جالوص ..؟؟ |
|
Post: #38
Title: Re: تعلم العزف على العود... عبر الانترنت اليوم ...
Author: Sobajo
Date: 02-20-2007, 01:49 AM
Parent: #37
الطاهر ساتي الله يجازي محنك كتلتنا بالضحك ....
تبلدينا بقى يبني بالفلين خلاص ...
ناذر يا عسل ...
انا هبدى الدروس لكن عليك الله رسلي العود ....
|
Post: #40
Title: Re: تعلم العزف على العود... عبر الانترنت اليوم ...
Author: Tabaldina
Date: 02-20-2007, 10:24 AM
Parent: #37
..
.
اها جابت ليها شمارات
انت بتتكلم عن العود الجاب الكمنجات شنو !!؟؟؟
يا معاوية الزول دا شغال قال بعلم فينا اها
لمن دقسنا عمل لينا توثيق ( الغريبة هو استعجل قبال ما الواحد يعمل تسيت )
| Quote: لو لا حظت البوست بيتكلم عن ألة العود لكن أنا جبت صورة صحبي الشايل الكمنجة دي لاني متأكد هو ما عارف الفرق بينا وبين العود فقلت ألتكا ليو هنا |
انت مشكلتك بتتكل من طرف يا ناذر ..
لمن يوم يلقاك اسد .. 
اقعد عضعض فى جلابيتك وقوم صوووووف
| Quote: تبلدينا شادى عروقو كدة بيعزف كمنجة ولا بيبنى في حيطة جالوص ..؟؟ |
loooooooooooool@ U
اليومين دى الثري دى بانل والطين الاخضر قام بيكم
قول يا لطيف ..
_____________________
انت يا نوبي صورة حمد دى حتحوم بيها كدا لمتين !!؟
التعديل
شايف يا الطاهر الواحد بقي من شبهكم ما فارز دا الطاهر ولا نوبي
حرررم ما اغيرها بس اضيف التعليق دا ..
|
Post: #39
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-20-2007, 06:40 AM
Parent: #1
سوياجو ...
| Quote: انا هبدى الدروس لكن عليك الله رسلي العود .... |
بلدكم ديك ما فيها ولا شنو ؟!!
|
Post: #41
Title: Re: تعلم العزف على العود... عبر الانترنت اليوم ...
Author: Sobajo
Date: 02-20-2007, 12:58 PM
Parent: #39
| Quote: بلدكم ديك ما فيها ولا شنو ؟!! |
بلدنا دي الحاجتين الوحيدات البعرفوها عن العرب ...
1- الشيشة ...
2- الفلافل .. (الطعمية)...
2- و الفلوجة (المدينة العراقية)...
|
Post: #42
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-20-2007, 04:07 PM
Parent: #41
أمشي المانيا يا سوباجو في واحد هناك ألماني خطر جدا هو البيصنع الأعواد لي معظم أو جميع الفنانين والملحنين العرب بس خلي بالك لأنو تكلفة العود الواحد ما اقل من تلاتة ألف يورو ..
أصبر لي شوية أجيك ومعاي إسمو والويب صايد بتاعو عشان تآمن !!
صمفرة :
ما تتشنج يا تبلدينا ..
|
Post: #43
Title: Re: تعلم العزف على العود... عبر الانترنت اليوم ...
Author: Sobajo
Date: 02-20-2007, 04:20 PM
Parent: #42
Quote: أمشي المانيا يا سوباجو في واحد هناك ألماني خطر جدا هو البيصنع الأعواد لي معظم أو جميع الفنانين والملحنين العرب بس خلي بالك لأنو تكلفة العود الواحد ما اقل من تلاتة ألف يورو ..
|
اسمعني ...
معاه سيدي CD-ROM؟؟؟
و بخزن الحان ...؟؟؟
و فيه ميزة التعليم الذاتي ولة شنو العود ده ...؟؟؟؟!!
و اهم حاجة ... الشاحن معاه ولة بشتري الشاحن براي ..؟؟؟
|
Post: #44
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-21-2007, 06:43 AM
Parent: #1
Quote: معاه سيدي CD-ROM؟؟؟
و بخزن الحان ...؟؟؟
و فيه ميزة التعليم الذاتي ولة شنو العود ده ...؟؟؟؟!!
و اهم حاجة ... الشاحن معاه ولة بشتري الشاحن براي ..؟؟؟ |
ديل ما فيبهم لكن العود بتاعو فور ويل درايف
|
Post: #45
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-21-2007, 04:52 PM
Parent: #1
1
|
Post: #46
Title: Re: تعلم العزف على العود... عبر الانترنت اليوم ...
Author: رأفت ميلاد
Date: 02-21-2007, 05:31 PM
Parent: #45
كيفك يا ناذر
العزف إتعلمناه زمااااان وإعتزلنا بعد ما غلبنا
الزول ده شفتو مرة فى يو تيوب مع تومات بغنو
الراجل بيعزف بمشاعرو كلها
راجل فعلآ فنان
تحياتى
|
Post: #47
Title: Re: تعلم العزف على العود... عبر الانترنت اليوم ...
Author: abubakr
Date: 02-21-2007, 05:41 PM
Parent: #1
يا ناذر
تعرف انا كان عندي صاحبي -رحمه الله- العود دة عندو حاجة تانية (رحمة الله عليك حبيبي حمزة علاء الدين ) بسببو حبيت العود ولكن حكمة الله زمانك لما كانت حصة الموسيقي اجبارية في المدارس الثانوية ( دة تاريخ بعيد ما اظنك ولا الفار بتاعك سمعو بيه ) حاول صول الموسيقي ان يعلمني عزف العود فما كنت بقدر امسكو الا زي الكونترباص يعني upstand فلذا سقطت بجدارة وحاول معاي الكمنجة فايدوبك دو ري مافاصوليا وبس والسنة انتهت ونقلونا لسنة ثالثة ما كان فيها حصة موسيقي ...وحسه اها بشوف عوض حمودي واحمد الملك (مش اسمو كدة الباسم ديمة داك) العن حظي يعني العود ما كان احسن لي من الهندسة والكمبيوترات والمباني واية حاجة .. الواحد هسع كان مسلطن بيلحن ليك ..
|
Post: #48
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-22-2007, 06:51 AM
Parent: #1
جاييكم ...
|
Post: #49
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-22-2007, 12:24 PM
Parent: #1
كيفك يا رأفت ..
Quote: العزف إتعلمناه زمااااان وإعتزلنا بعد ما غلبنا
|
كيف يعني إتعلمتو وبعد داك غلبك ..
تكون بس ما صبرت عليهو ..
Quote: الزول ده شفتو مرة فى يو تيوب مع تومات بغنو
الراجل بيعزف بمشاعرو كلها
راجل فعلآ فنان
|
أكيد بتكون شفتهم مع إيمان وأماني ..
راجل فنان فعلا وبالجد ما ساهل ..
|
Post: #50
Title: Re: تعلم العزف على العود... عبر الانترنت اليوم ...
Author: ناذر محمد الخليفة
Date: 02-22-2007, 12:29 PM
Parent: #1
أبو بكر ...
| Quote: ولكن حكمة الله زمانك لما كانت حصة الموسيقي اجبارية في المدارس الثانوية ( دة تاريخ بعيد ما اظنك ولا الفار بتاعك سمعو بيه ) |
بختكم وبخت زمانكم بيكم .. بالله البلد دي كان فيها حصص موسيقى في المدراس بغض النظر عن إلزامية ولا إختيارية !!
| Quote: فما كنت بقدر امسكو الا زي الكونترباص يعني upstand فلذا سقطت بجدارة |
يرضو أحسن تكون ماسكو زي الكونتر باص لانو عندي واحد صحبي عريبي كنت بعلم فيهو العود وهو مصر يمسكو زي الطنبور ورايو إنو كدة بيتمكن فيهو أكتر .. طبعا بعد شهرين من التعليم بي طريقتو دي كانت النتيجة كسر العود في يدو وما إتعلم ولا صولة ..
Quote: واحمد الملك (مش اسمو كدة الباسم ديمة داك) العن حظي يعني العود ما كان احسن لي من الهندسة والكمبيوترات والمباني واية حاجة .. الواحد هسع كان مسلطن بيلحن ليك ..
|
ما فات حاجة أجمع بينم كلهم ورسل لي الألحان الما خمج ..
|
|