|
نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
|
أول حاجة غلطتي وقلتي لي نزار ما ناذر ... وانا قلت ليك ...
Quote: شن جاب إسم ناذر الظريف لنزار ؟ نسيتي العشرة عقلك للإسم ودار !! زعلت والله شديد وفوق عيوني النار أناديك أقول كلتوم في شان اجيب التار |
وإنتي بدل تعتذري قعدتي تتفلسفي وقلتي ..
Quote: من شر الشبك بس قلنا ياستار
ياناذر بينادوك الهنود يانزار
اسم كلتوم جميل بس ندو اسما حار
ناذر احترس ماتبقى زول حقار
|
وفلسفتك ما خارجت معاي وقلت ليك ..
Quote: ندوية هوي كلمك حار مابفوت ولو دا زولا غيرك ينضرب شلوت حجتك مقبولة وزعلي قبلو يموت ولو دا زولا تاني مكانو في التابوت |
قمتي إنتي إتشنجتي وقلتي ..
Quote: التابوت مكانك انت يارعديد
انا لسع صغيرة وسمحة شبه العيد
الشلوت هدية مناسبة ليك اكيد
ولاقايل قصيدتك جعلتك صنديد؟!!!! |
أها دحن أنا ماشي أخد لفة وجاييك صاد ... والمرة دي هشام مدني زاتو ما يحلك مني
|
|
|
|
|
|
|
|
Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! (Re: ناذر محمد الخليفة)
|
دا شنو دا !!!
Quote: تجربة الغناء والحب وبيع الفول
قلبك قالوا مزرعة خاتى فيها شتول
|
الفول دا الدخلو هنا شنوهسي ؟؟؟!!
يابت شايفة قدامي تسالي ولا رابط لي شافع في ضهري !!!!
بعدين تعالي دا منو الوراك بي موضوع مزرعة قلبي دي !!
أعملي حسابك وأوزني القافية دا دوبيت أو تومسفيري ..
تخريمة :..
الكلام الفوق دا ما تقولي ما دوبيت .. دا دوبيت و3 بيت كمان
أمكن طلع غريب شوية لكن انا لمن إتشنج بجوبكو كدي
أديهو قرية تانية وشوفي القافية كيف
| |
|
|
|
|
|
|
ماجاياهو كيف مريومة حاردة العرسة ؟!!
نادر ماشى طرد والله يادى الجرسة
ناذر كون مجامل امشى ماتتدسا
تلقاهو العريس بيكون مجقلب هسة !!!
| |
|
|
|
|
|
|
Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! (Re: ناذر محمد الخليفة)
|
ناذر نزل المكرفون و لبس الجدله باقي لي العرس قرب ولا ده رقيص عروس
Quote: عشان برلوم جديد في الشباك ترميهو أبعد يانور أحسنلك عن الشر وغنيهو |
البرالمه تحت جناح الاستاذه سناير
العزيزه ناديه
Quote: بجيبلك اخرو تب يانور وحاة الخوة |
عارفك قدرها وستها و للحاره جاهزه اخرها واولها و ان ما وقف ناذر اصابعو نخضبها
Quote: والبهرش ولدنا بندى بالشلوت بنضبح ليهو بقرة عديل وماها عتوت |
تستاهلي الضبيحه وفداك ولدك يا ست البنات
Quote: إنتو هشام مدني ما ظهر لحدي هسي مالو |
الحقو يا هشام مدني غلبو خلاص
| |
|
|
|
|
|
|
Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! (Re: نادية عثمان)
|
يا ناذر تعال أسمع نضمنا الليله كل الناس هناك بيقولوا غالى علينا ناذر زول عزيز و كمان بيفرق لينا لما نبكى كمان دايما بيطبطب فينا ما كسير تلج و الله يا ها الفينا و كل القلنا فوق بنشاغلوا شان يشدينا يلا يا ندويه زغروده شان عينينا كل البورد يقيف يسأل و ناذر فينا يلا فنان اطربنا جد الليله لما كودى زااااتو يقيف و يعرض لينا
تحياتي لناديه و نور و حميم و كودى و مدنى و كل المتداخلين و بالطبع ناذر
ناصر البطل
| |
|
|
|
|
|
|
Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! (Re: الملك)
|
Quote: نادية وناصر أسياد الكرم والفكرة غناي موجود هناك أمشوا وأخدوا العبرة ماني المطرطش ماني الأضينا النكرة .. والصقر اللي في الجو حرم أصيدو ببكرة |
بالجد نفسى اسمع غنية ليك ياناذر
بالصوت الطروب هنا بى فنونك جاهر
قول زاد الشجون وقلنا ماممكن تسافر
عايزين ننطرب ونرقص معاك لى باكر !!
ناذر بالجد والله نفسى نحول البوست ده لابداع حقيقى وطرب ..الرسول فيك كان ترفع لى اغنية بصوتك عشان خاطرى انا ممكن ؟!!
| |
|
|
|
|
|
|
Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! (Re: ناذر محمد الخليفة)
|
ناذر ونادية
الاتومسفيرية موضة جديدة ضاربة الحوش جابه مشوطن اسمو الناذر دا زول مغشوش دوبيت مقطوعاً قطعاً أخضر لا زي ابوعاقلة .. و لا ود الدوش .. و نادية الشاعرة شاعرة حقيقي كاتبة كلاماً كلاماً سممممح ما ملطوش والمطبعة تطبع شغاله حريقة أي بي ام .. وماكنتوش عشان ديوانها يحصل سوقو يجيب العائد الادبي المادي "لا طاقية* ولا طربوش*"
حاشـية:
الطاقية والطربوش عند المفلسين والمغترين خاصة "تمامة الهلل الناقص"
يلا خلاص قديتونا.. قال دوبيت قال
| |
|
|
|
|
|
|
Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! (Re: waleedi399)
|
عزيزى ناذر
تحياتى ...
ياخى معقول بس ..زول ينوم الساعة عشرة .......
ياخى والله اسف جدا جدا انو قطعت ليك نومة جميلة . ..بس كان لازم اعمل كده ، انت
عارف ياناذر الزول ده صاحبى وعايز احسم قصة (مبروك ) دى ، لانو لسانو
طويييل ، واخشى انو يوم افتح الماسنجر والقاهو رجع من السودان ، وصراحة مابقدر على
طولة اللسان دى ..عشان كده لازم بأى الصورة احسم القصة دى قبل مايجى ...
اها عليك الله ماتقصر واجتهد لى فى الموضوع ...
وسعيد جدا بانو سمعت صوتك ...
خالص مودتى لك ..
| |
|
|
|
|
|
|
Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! (Re: محمد عبدالرحمن)
|
الاخ محمد عبد الرحمن ...
تحية طيبة وبعد ...
ذهلت والله عند قراءتي لتعليقك هذا !!!! إذ لم يكن بذهني إطلاقا انك عضو بهذا المنبر ... واي عضو ؟؟؟ بل عضو قديم جدا يسبقني بمراحلا على زمن التسجيل رغم انك اشرت لي في الماضي وعلى إحدى رسائلك (الموبايلية) أنك لست عضو في المنبر او لعلني أخطات فهمك حينها !!!!!!
على كل حال مرحبا بك في هذا البوست الجميل وانا عند وعدي لك بإرسال الرقم المطلوب لحظة تمكنى منه أو توافر عندي يوم الإثنين بإذن الله ...
| |
|
|
|
|
|
|
Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! (Re: ناذر محمد الخليفة)
|
ناذر خلي الونسه و الهلوسه دي و اديها اتموسفيريه بعين محمد ده شكلو ما عارف اتموسفيري !!! شايفك شغال بداله سوداتل ارقام سااااااااي ردموك هناك في الخمسه مليون ما عرفت تقبل وين يكون محمد اتصل بيك الوقت داك
اها نرجع للاتموسفيريه ولا لسه دايخ من الخبطه ديك عجبني اسلوب تراجعك قال البوست ماشي في طريق تاني بس ما يكن طريق الجيلي
الوليد 500-101 اشكرك يا راقي انا داير ناذر ده يروق شويه من الخبطه السياسيه و يرجع هنا للمغنواتيه
ولا انت رايك شنو
بعدين ناصر البطل وين ليو زمن
يا ناصر سايطه الواطه كلها تعال هنا شويه
ناديه عثمان تاني نقولها ليكي وحشه....
| |
|
|
|
|
|
|
Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! (Re: Nour Kamil)
|
والله يا نور كلامك صاح !!
الناس دي ما داير الواحد يدلي معاهم أي جردل في مواضيعم البيقولوها دي !! والشي البيحيرني إنو في بوست قبليهو في نفس الجرادل الشايلنها ومر قدام عيونم زي الزبادي لكن ما في زول إشتغل بيهو الشغلة !!
لكن مما جاء الفحل القدامك دا وفلع جردلو معاهم طوالي جو ناطين (كييييييف أخوك ما ديجانقو وعاملين ليهو ألف حساب) !! أها في النهاية خليت ليهم البوست كلو إنشالله يطربق فوق روسانم الناشفة دي !!
أنا زاتي كان ما شقي .. الأوتومسفيريات دي عيبا شنو ؟!!! مالي ومال قرنق ولا موسفيني ولا كمال ترباس ولا حجة بتول زاتا !!!!
غايتو كدي النكب لي مناحة أوتومسفيرية على سريع ....
ووووووووب ووووووة وااااييي وايييي الللييييييللل !!!!!!
مالي بهاتي ومالي بساسق في الساسة التقول مجنون !! ومالي بلف وأدور في شيتا زي السكران وكمان موزون !! ومالي ومال قرنق كان قروشو بقن بالدولار وكم مليون ومالي ومال طيورا ما بتفهم الغرض ولو بخروها بالكمون !!
| |
|
|
|
|
|
|
Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! (Re: ناذر محمد الخليفة)
|
Quote: مالي بهاتي ومالي بساسق في الساسة التقول مجنون !! ومالي بلف وأدور في شيتا زي السكران وكمان موزون !! ومالي ومال قرنق كان قروشو بقن بالدولار وكم مليون ومالي ومال طيورا ما بتفهم الغرض ولو بخروها بالكمون !! |
ماقلت سياسى وعندك تلاتة قرون
وعايز كمان تنتقد ناس جون
وحارقاك القريشات وانو كم مليون
ياناذر اخوى فنك جميل وحنوووووووووون
خليك فى الفن الحلووووووووو
وايه اخبار توزيع الديوان ولالسة فى الدولاب؟!!!
| |
|
|
|
|
|
|
Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! (Re: Nour Kamil)
|
نور كيفك ..
Quote: انت ما علقت لي علي جينيفر لوبيز ولا ما قريتها
هي كانت مؤمنه علي مؤخرتها بي 5 مليون
انت مؤمن علي شنو و بي كم ؟ |
والله قريتا بس الغبينة خلتني ما أرد ابمرة الفاتت
وتصحيح للمعلومة .. جينيفر مؤمنة مؤخرتا بي مليون بس ما خمسة ..
إنت بقيتم خمسة لييه ؟؟؟!!!
عاوز تقول لي إنو مؤخرة لوبيز بتساوي قرنق (كلو) ولا شنو ؟؟!!!
ياراجل أعمل حسابك والله في ناس هنا لو حللوها كدة إلا تشوف ليك شغلة غير المنبر دا
صنفرة :
قدر الواد ما يخلي السياسة يجي الزيك دا يجرجرني في الكلام !!!!
| |
|
|
|
|
|
|
|