Post: #74
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 08-19-2005, 05:15 AM
Parent: #73
Quote: طلبك هين مازي طلب الإضينة بي غادي
زاد الشجون بطراهاوكمان حمام الوادي
بهديلك من غناي الفي الحضر وبوادي
بس النجهز حالي وأجيك زولا جادي [/QUOTE
غلبنى الشوق خلاص الهمنا يافنان
هات الفرحة جد والنغمة والالحان
جيب العود معاك والبنقز الرنان
صفقوا يلا جمعا واسمعوا السودان !!
|
Post: #75
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 08-19-2005, 01:40 PM
Parent: #1
نرحب بك حيدر عثمان أخا كريما لنا في هذا البورد وهذا البوست ...
وأبق بيننا ...
|
Post: #76
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: إسماعيل حميم
Date: 08-20-2005, 01:37 AM
Parent: #75
ناذر ونادية
الخوة بيكم بجميل الطرب تزدان
بالفرح والطيبة والغنا الرنان
وبيهم ياالكريم يعم سلام وامان
في ربوعو الوطن الحبيب سودان
إسماعيل حميم
|
Post: #78
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: قاسم المهداوى
Date: 08-20-2005, 07:42 AM
Parent: #75
ناديه يو بتكتلى ليك زول من بورداب القاهره ...
.............نازر ارجع وراء ...
قا....
|
Post: #86
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: nashaat elemam
Date: 08-25-2005, 11:57 AM
Parent: #75
يا ناذر سلام مني ليك سلام
مشتاقين كتير عد الشجر وأنام
قاعدين في رجاك.. تم حولنا تمام
دحين طل علينا حتى لو بكلام
|
Post: #77
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Nour Kamil
Date: 08-20-2005, 02:33 AM
Parent: #1
الاخ حيدر
Quote: شد حيلك يا ناذر......
وادينى الدوبيت فى ( الخصلة العربيدة فوق الجبين) |
الخصلة العربيدة فوق الجبين
دي ما بيقدر عليها ناذر ود الزين
دي دايرالها زول مفتون بالجد في العين
دايرالها متامل بالحيل في خمريه الجبين
و قلم يكتب برااااااااو مناضل و امين
ناديه
Quote: بالجد نفسى اسمع غنية ليك ياناذر
بالصوت الطروب هنا بى فنونك جاهر
قول زاد الشجون وقلنا ماممكن تسافر
عايزين ننطرب ونرقص معاك لى باكر !! |
ناذر عامل مشغول و ماهو هامل
قدر ما فتشنالو قعد يماطل
اها كلنا بالحيل قايلنو باسل
الا باين لي كلام و ماهو ساهل
ناذر
ليك 3 يوم ما داير ترفع لينا صوتك
داير مساعده قول واحكي تلقانا جنبك
يله اسرع عشان وليد 399 ما يقدك
نصر الدين
| Quote: ناذر و نور و ناديه |
انت ما النون الرابعه
ولا داير تعملها ظاهره
شايفك ترمي الشبكه و تردها راجعه
نور
|
Post: #81
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: waleedi399
Date: 08-21-2005, 04:11 AM
Parent: #77
نـور كامــل
| Quote: يله اسرع عشان وليد 399 ما يقدك |
نور كامل هوي وليد 399 شن جابو
قالولك قداد أي زول يشوفوا حبابو
زول كريم ودغري بقدر كيف يكرم انسابو
وفي الحياة والكلام منظم لكل شئ عامل حسابو
واهداف الحديث خطيرة ماأظن يجيبها كابتن كابو
|
Post: #79
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 08-20-2005, 08:09 AM
Parent: #1
Quote: ناديه يو بتكتلى ليك زول من بورداب القاهره ...
.............نازر ارجع وراء ...
قا.... |
سلام الشوق كتير فوق لي أخونا القاسم
سيد الفهم والراي سيد القلم والراسم
ماني راجع أصلي وأنا للطريدة بقاسم
وشايل معاي قصيدي وكفاهو رادع وحاسم
|
Post: #80
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 08-20-2005, 05:30 PM
Parent: #79
مهداوووووووووووووووى
تسلم على الزيارة الغالية يازول يارائع
|
Post: #82
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Nour Kamil
Date: 08-21-2005, 06:09 AM
Parent: #1
الوليد
Quote: نور كامل هوي وليد 399 شن جابو
قالولك قداد أي زول يشوفوا حبابو |
كنت كايس لي سبب نتعارف بيو
الا لكن قداد دي ما مقصودابو
بس الليله لقيت الوليد حاري احبابو
ناذر و ناديه انتو وين ؟
|
Post: #83
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 08-21-2005, 11:51 AM
Parent: #82
يا نور أنا مشغول شوية بي عيد ميلادي اللي هو الليلة ..
ولو دايرني تعال لي في البوست داك .. لكن ما تجي يدك فاضية 
|
Post: #84
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Nour Kamil
Date: 08-25-2005, 05:16 AM
Parent: #1
البوست ده عاجبني
خليتو و مشيتو وين راجع ورا
واحشني كلام القاهره و ناذر الجرا
ناصر انت البطل وين رحلت خليتا خلا
|
Post: #85
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 08-25-2005, 11:05 AM
Parent: #84
ياناس ياحلوة
ازيييييييييييييييييييييييييكم
انا بجيكم صادة
عندنا عرس وكده يعنى ..
|
Post: #87
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Nour Kamil
Date: 08-26-2005, 03:55 AM
Parent: #1
ناديه
ليكي وحشه
ناذر راجيييييييييييييييك
يابطل تعال صادي
فوق
|
Post: #88
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: waleedi399
Date: 08-27-2005, 00:57 AM
Parent: #87
يا نور
أنـا...
جيت ...
اقول كـلام
ليك ..
وحشة...
وشوق ...
يا ذوق...
ومليووون سـلام
|
Post: #89
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: محمد عبدالرحمن
Date: 08-27-2005, 01:37 PM
Parent: #88
عزيزى ناذر
تحياتى ...
ياخى معقول بس ..زول ينوم الساعة عشرة .......
ياخى والله اسف جدا جدا انو قطعت ليك نومة جميلة . ..بس كان لازم اعمل كده ، انت
عارف ياناذر الزول ده صاحبى وعايز احسم قصة (مبروك ) دى ، لانو لسانو
طويييل ، واخشى انو يوم افتح الماسنجر والقاهو رجع من السودان ، وصراحة مابقدر على
طولة اللسان دى ..عشان كده لازم بأى الصورة احسم القصة دى قبل مايجى ...
اها عليك الله ماتقصر واجتهد لى فى الموضوع ...
وسعيد جدا بانو سمعت صوتك ...
خالص مودتى لك ..
|
Post: #90
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 08-27-2005, 02:10 PM
Parent: #89
الاخ محمد عبد الرحمن ...
تحية طيبة وبعد ...
ذهلت والله عند قراءتي لتعليقك هذا !!!! إذ لم يكن بذهني إطلاقا انك عضو بهذا المنبر ... واي عضو ؟؟؟ بل عضو قديم جدا يسبقني بمراحلا على زمن التسجيل رغم انك اشرت لي في الماضي وعلى إحدى رسائلك (الموبايلية) أنك لست عضو في المنبر او لعلني أخطات فهمك حينها !!!!!!
على كل حال مرحبا بك في هذا البوست الجميل وانا عند وعدي لك بإرسال الرقم المطلوب لحظة تمكنى منه أو توافر عندي يوم الإثنين بإذن الله ...
|
Post: #91
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: محمد عبدالرحمن
Date: 08-27-2005, 02:24 PM
Parent: #90
ياناذر
شكلك انت (ملخبط ) لسه ..يازول انا اول مرة اتصل بيك امبارح بس
وبعدين انا متصل من قطر ما من السعودية .. ..
المهم فرصة سعيدة جدا ...محبتى لك
|
Post: #92
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 08-27-2005, 02:29 PM
Parent: #91
كامل محبتي لك اخ محمد !!!!!
وأتمنى ألا ننقطع عن المواصلة في هذا المنبر ...
إنتا براك عارف إزعاج المعجبين المتواصل
وإحتمال أكون فعلا لخبتا شوبة ...
.
لك تحياتي وشكري ...
|
Post: #93
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Nour Kamil
Date: 08-28-2005, 00:33 AM
Parent: #1
ناذر خلي الونسه و الهلوسه دي
و اديها اتموسفيريه
بعين محمد ده شكلو ما عارف اتموسفيري !!!
شايفك شغال بداله سوداتل ارقام سااااااااي
ردموك هناك في الخمسه مليون ما عرفت تقبل وين
يكون محمد اتصل بيك الوقت داك
اها نرجع للاتموسفيريه ولا لسه دايخ من الخبطه ديك
عجبني اسلوب تراجعك  قال البوست ماشي في طريق تاني
بس ما يكن طريق الجيلي
الوليد 500-101 اشكرك يا راقي
انا داير ناذر ده يروق شويه من الخبطه السياسيه و يرجع هنا للمغنواتيه
ولا انت رايك شنو
بعدين ناصر البطل وين ليو زمن
يا ناصر سايطه الواطه كلها تعال هنا شويه
ناديه عثمان تاني نقولها
ليكي وحشه....
|
Post: #94
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 08-28-2005, 07:47 AM
Parent: #93
والله يا نور كلامك صاح !!
الناس دي ما داير الواحد يدلي معاهم أي جردل في مواضيعم البيقولوها دي !! والشي البيحيرني إنو في بوست قبليهو في نفس الجرادل الشايلنها ومر قدام عيونم زي الزبادي لكن ما في زول إشتغل بيهو الشغلة !!
لكن مما جاء الفحل القدامك دا وفلع جردلو معاهم طوالي جو ناطين (كييييييف أخوك ما ديجانقو وعاملين ليهو ألف حساب) !! أها في النهاية خليت ليهم البوست كلو إنشالله يطربق فوق روسانم الناشفة دي !!
أنا زاتي كان ما شقي .. الأوتومسفيريات دي عيبا شنو ؟!!!
مالي ومال قرنق ولا موسفيني ولا كمال ترباس ولا حجة بتول زاتا !!!!
غايتو كدي النكب لي مناحة أوتومسفيرية على سريع ....
ووووووووب ووووووة وااااييي وايييي الللييييييللل !!!!!!
مالي بهاتي ومالي بساسق في الساسة التقول مجنون !!
ومالي بلف وأدور في شيتا زي السكران وكمان موزون !!
ومالي ومال قرنق كان قروشو بقن بالدولار وكم مليون
ومالي ومال طيورا ما بتفهم الغرض ولو بخروها بالكمون !!
|
Post: #95
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 08-28-2005, 09:03 AM
Parent: #94
Quote: مالي بهاتي ومالي بساسق في الساسة التقول مجنون !!
ومالي بلف وأدور في شيتا زي السكران وكمان موزون !!
ومالي ومال قرنق كان قروشو بقن بالدولار وكم مليون
ومالي ومال طيورا ما بتفهم الغرض ولو بخروها بالكمون !! |
ماقلت سياسى وعندك تلاتة قرون
وعايز كمان تنتقد ناس جون
وحارقاك القريشات وانو كم مليون
ياناذر اخوى فنك جميل وحنوووووووووون
خليك فى الفن الحلووووووووو
وايه اخبار توزيع الديوان ولالسة فى الدولاب؟!!!
|
Post: #96
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Nour Kamil
Date: 08-28-2005, 10:03 AM
Parent: #95
ناذر
انت ما علقت لي علي جينيفر لوبيز ولا ما قريتها
هي كانت مؤمنه علي مؤخرتها بي 5 مليون
انت مؤمن علي شنو و بي كم ؟
|
Post: #97
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 08-29-2005, 05:13 AM
Parent: #96
نور كيفك ..
Quote: انت ما علقت لي علي جينيفر لوبيز ولا ما قريتها
هي كانت مؤمنه علي مؤخرتها بي 5 مليون
انت مؤمن علي شنو و بي كم ؟ |
والله قريتا بس الغبينة خلتني ما أرد ابمرة الفاتت
وتصحيح للمعلومة .. جينيفر مؤمنة مؤخرتا بي مليون بس ما خمسة ..
إنت بقيتم خمسة لييه ؟؟؟!!!
عاوز تقول لي إنو مؤخرة لوبيز بتساوي قرنق (كلو) ولا شنو ؟؟!!!
ياراجل أعمل حسابك والله في ناس هنا لو حللوها كدة إلا تشوف ليك شغلة غير المنبر دا
صنفرة :
قدر الواد ما يخلي السياسة يجي الزيك دا يجرجرني في الكلام !!!!
|
Post: #98
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Nour Kamil
Date: 08-29-2005, 06:46 AM
Parent: #1
ناذر
انت داير تجيب لينا الهواء و لا شنو
شن جاب لي جاب جينيفر لي قرنق
اسمع انسي السياسه دي و ورينا انت مؤمن علي شنو ؟
ولا نسال ناصر ؟
معجون للصنفره
السياسه دي ما بتقدر تزح منها الا بي دوكو
|
Post: #99
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 08-29-2005, 02:36 PM
Parent: #98
ماني مختار مؤتمن لي حياتي غير خالقي
ولو جيت للمخاطر ود الأحد أنا الشاقي !!
أنا الرايق أنا العكر أناالطيب كمان راقي
النية خالصة وثابتة لابس التوب معاو عراقي
|
Post: #100
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 08-29-2005, 02:50 PM
Parent: #99
ديوانى وراميهو فى الدولاب وقريتو ملح ومابعت ولانسخة وعرفنا !!!
لكن كمان تجلينى وتفطنى وتعمل فيها ماشايف مداخلتى اهو ده المابرضاه ابدا
والوداع من هذا البوست ياناذر
ومتشكرين يازميل
|
Post: #101
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: معتصم دفع الله
Date: 08-29-2005, 03:00 PM
Parent: #100
يا ناذر الحكاية شنو ؟
ياخي لاميها كفر ووتر ..
وكمان بقيت تدوبي أوتوسفيرياً ..
بختك والله ..
تحياتي ومحبتي ..
|
Post: #102
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 08-29-2005, 03:05 PM
Parent: #100
يسم الله الرحمن الرحيم !!!!!
Quote: لكن كمان تجلينى وتفطنى وتعمل فيها ماشايف مداخلتى اهو ده المابرضاه ابدا
والوداع من هذا البوست ياناذر
ومتشكرين يازميل |
ندوية قولي بسم الله وألعني الشيطان !!
إنتي لو صبرتي شوية كان مالو !!!!
جوبكت لي رباعية فوق ولحدي ما أجوبك البعدا علا إنتظر شوية عشان قريحتي دي تشحن شوية .. هو انا لو بقدر أجوبك ورا بعض (كتل .. كتل) كان دا حالي ؟؟؟
كان على الأقل يكون عندي ديوانين تلاتة في السوق
أنا رديت على نور الاول لإنو كلامو مستفز شديد وقايلني مؤمن على الحاجة حقتي المؤمنة عليها جنفير لوبيز ديك .. !!! أها في ذمتك ماكان لازم أفحموا الأول ؟؟!!!
صنفرة :
واحد رباطابي مفلس وزهجان .. جاتو مرتو قالت ليهو إشتري لي فستان نوم ... عاين ليها بي زعل وقال ليها ... نان اللابساهو دا بساهربك !!
أها إنتي المصحيك لحدي هسي شنو ؟؟؟!
|
Post: #103
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Nour Kamil
Date: 08-30-2005, 03:49 AM
Parent: #1
يا ناذر
هاك دي
واحد معرس رباطابيه مارق ماشي السوق قالت ليو جيب لي معاك توب
قال ليها تغطي بي شنو ؟
قالت لي السنه كلها تشتري في البنطلونات في زول سالك
اها ما رديت لي مؤمن علي شنو و بي كم ؟
|
Post: #104
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Nour Kamil
Date: 08-30-2005, 03:51 AM
Parent: #1
ندويه
وحات وليدي تجي راجعه
و ناذر ده خليو لي بادبو ليكي بس اروق ليو
راجع ليك يا ناذر
|
Post: #105
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Nour Kamil
Date: 08-30-2005, 08:57 AM
Parent: #1
ندويه
كده اهون عليكي
حلفتك بي وليدي تجي راجعه
يا ود الخليفه وين الحفله كاربه امبارح ؟
|
Post: #106
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: على احمد على
Date: 11-02-2005, 06:40 PM
Parent: #1
بوست فى منتهى الابداع
نتمنى .. انه يواصل
|
Post: #107
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: على احمد على
Date: 11-02-2005, 06:40 PM
Parent: #1
بوست فى منتهى الابداع
نتمنى .. انه يواصل
|
Post: #108
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: على احمد على
Date: 11-02-2005, 06:40 PM
Parent: #1
بوست فى منتهى الابداع
نتمنى .. انه يواصل
|
Post: #109
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 11-04-2005, 07:00 AM
Parent: #108
الاخ علي محمد علي
شكرا لإعجابك بهذا البوست ...
وسأواصل فيه قريبا بإذن الله
|
Post: #110
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 12-29-2005, 09:17 AM
Parent: #1
الجو العليل يوماتي بقى مجافينا ..
والصقط الشديد تلب بقى مرازينا
من راس السنة يا المولى يوت نجينا ..
دفينا بسماحتك وأكلنا بوش وسخينة ..
صنفرة :
قلنا نجوبك مع السنة الجديدة
|
Post: #111
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 12-29-2005, 09:48 AM
Parent: #110
ياود الخليفة الغالى وين ايامك
ياشبه الاغانى وحانى كلو كلامك
اكرمك الكريم وود اللئيم الهانك
اصلك انت شيخ ونحنا الجنود حيرانك !!
وعجبى
ندو فى لحظة رضاء تام
|
Post: #112
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 12-29-2005, 02:29 PM
Parent: #1
ندوية والله الخرتوم فاقدة جد أيامك
أيام كنتي ملكة والوصيفات عموم حيرانك
إنتي الحنينة وإنتي الزمان زمانك !
وإنتى العمدة جد وباقي البنوت أزيالك !!
|
Post: #113
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 12-29-2005, 02:52 PM
Parent: #112
ناذر ياوجيه ياراقى يافنان
راجل ود رجال اهلك ملوك سودان
صوتك جد حنين صافى وملان اشجان
تعال ياغالى غنى واطرب الحبان !!
|
Post: #114
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: القلب النابض
Date: 12-29-2005, 03:53 PM
Parent: #113
كبيت الشعر نذوري وين الفوتا
رسالتك هناك والعالمين في الجوطة
دايرين نقول دكتور كيتن على المابرضة
والناس الفقر خليهم ديوك العدة
ندوية العسل كملتي الحلاة
جهجهتي ناس خرتوم زعلن بنات كسلا
ست الشاي بكت , قالت متين طلة
نورتي البلد تلفزونا بيك احلى
هوي انا ما بعرف لكن قلت احمس الدايرة
|
Post: #115
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 12-29-2005, 04:43 PM
Parent: #114
ندوية Quote: العسل كملتي الحلاة
جهجهتي ناس خرتوم زعلن بنات كسلا
ست الشاي بكت , قالت متين طلة
نورتي البلد تلفزونا بيك احلى |
يانبض القلوب والله حلاة النم
بيك الفرحة تكمل بت ملوك حرم
تعالى وقولى تانى كلام بزيل الهم
نبضك دافئ فعلا يلا قولى نعم !!
|
Post: #116
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: القلب النابض
Date: 12-29-2005, 05:04 PM
Parent: #115
ندوية العسل جايين نقولا نعم
ياست البنات نرفع تمام ونغم
شن نقدر نقول للسمحة خفيفة الدم
نورت البلد والكون بلاك ضلم
|
Post: #117
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 12-29-2005, 05:08 PM
Parent: #116
Quote: ندوية العسل جايين نقولا نعم
ياست البنات نفع تمام ونغم
شن نقدر نقول للسمحة خفيفة الدم
نورت البلد والكون بلاك ضلم |
الكون ياجميلة الليلة نوّر بيك
من رقة كلامك ومن حنان عينيك
يانبض القلوب القمرة بتحاكيك
فى النور البلالئ الضاوى من خديك !!
|
Post: #118
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 12-30-2005, 10:13 AM
Parent: #1
قبل أن أواصل في هذا الدوبيت أود أن أحكي قصة طريفة تتعلق بهذا البوست وقد حكيتها لنادية عثمان عندما جاءت إلى الخرطوم ..
ذهبت إلى جبل أولياء في نهار إحدى الأيامات من اجل قضاء شأن تجاري مع إحدى الشركات العاملة هناك في تربية وتصنيع الدواجن وعندما دخلت مكتب المدير العام للشركة وجدته يقرأ بإهتمام شديد وإبتسامة واسعة على شاشة الكمبيوتر الموجودة امامه ، وقد أشار لي بالجلوس قبل أن يتبين ملامحي جيدا فجلست وتركته يكمل ما يفعله بمهل ، وبعد قليل ضحك ضحكة خفيفة وإلتفت إلي وما ان رأى وجهي حتى عاد ببصره بسرعة للشاشة التي أمامه وصار ينقل بصره بينها وبيني بسرعة حتى خفت وسقط قلبي بين ضلوعي !! فقد تركت النضال منذ زمن طويل ولم تعد تجمعني بالأحزاب المعارضة أدنى صلة ، فهل هذا المدير يتبع لجهاز الأمن ووجد إسمي في قائمة المطلوبين أم ماذا !!..
ثم سألني الرجل بجدية (إنتا ناذر خليفة؟) وهنا تيقنت تماما أنني لن اخرج من الشركة سليما أو على الأقل سأخرج منها مجندلا بالسلاسل إلى حيث قبو أو معتقل بارد .. وعن لي أن أنكر أنني هو .. ولكن شيئا ما جعلني أقول له بتردد : أيوه أنا ناذر إنشالله خير ؟؟ فما كان من الرجل إلا أن ضحك ضحكة شديدة مجلجلة وقام من مكتبه وصافحني بقوة وهو يسألني عن حالي وأحوالي وقبل أن أفرغ من دهشتي سألني : تطلب شنو بارد ولا ساخن ؟؟ أجبته : كباية موية بس كفاية ؟ فأصر الرجل على أن أطلب شيئا فلما وجدته مصرا طلبت زجاجة مياه غازية وأنا لا زلت متردد ومرتاب ... بعدها تحدث معي الرجل حديثا وديا وطيبا وسألني السؤال الذي يسألني عنه أغلبية البورداب عندما أقابلهم: (ما لقيت العروس لسة؟) هنا إرتحت للرجل تماما عندما أعطاني هذه الشفرة .. فضحكت طويلا وقلت له أكيد أنت واحد من بورداب سودانيز أون لاين ؟ فأجاب بالنفي ولكنه ذكر لي أنه متابع للمنبر بكل دقة وعالما بكل الخلافات وتفاصيلها التي تحدث ولكنه لم يفكر ولا مرة في تقديم طلب للإنضمام ..
ثم طلب مني أن أتي معه خلف مكتبه ليريني فيما كان يقرأ .. وما أن جئت خلف الشاشة حتى وجدته يقرأ في هذا البوست .. فضحكنا طويلا ومنها ذكر لي الرجل انه عاشق للدوبيت (ليس الأوتومسفيري طبعا) ولكنه لم يكن يعتقد أن هنالك نوعا يتم جوبكته هكذا مثلما أفعل أنا ورغم أنه كما يقول مستمتع بالدوبيت الذي تكتبه نادية لأنه فعلا (دوبيت) إلا انه أكثر إستمتاعا بما أجوبكه انا رغم انه لا يمكن أن يسميه (دوبيت) و رغم محاولتي إقناعه بأن الدوبيت الأوتومسفيري يختلف عن الدوبيت العادي في صياغته وتركيبته إلا أنه لم يقتنع .. وأضاف أنه لم يقتنع أيضا بقصيدتي الأوتومسفيرية التي أهديتها للأستاذ عثمان محمد صالح وأيضا للنقاش العالمي دافنشي ولكن ذلك لم يمنع من إعجابه بهما ..
المهم ان الرجل بالغ في إكرامي وطاف معي بنفسه مكاتب الشركة من أجل تسهيل مهمتي التي جئت لأجلها ولم يكتف بذلك بل ودعني حتى بوابة الشركة وهو يدعوني لزيارته مرة اخرى ..
صنفرة :
التحية للأستاذ (.........) الذي يتابعنا الأن والتحية لكل قراء هذا البوست من غير أعضاء المنبر ..
|
Post: #119
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 12-31-2005, 07:54 AM
Parent: #1
القلب النابض
Quote: كبيت الشعر نذوري وين الفوتا
رسالتك هناك والعالمين في الجوطة
دايرين نقول دكتور كيتن على المابرضة
والناس الفقر خليهم ديوك العدة
|
مرحب كتير بي جيتك ست القليب النابض .
تلقي وجوهناحبابك ومزاجنا دايمازابط .
دوبيتنا ميهو طبيعي وبين الأسافير خالط
علا بالنا مرتب ورويسنا تب ما جايط
|
Post: #123
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: القلب النابض
Date: 01-02-2006, 11:55 AM
Parent: #119
الاخ ناذر والله انا ولا بعرف ولا حاجة بجوبك معاكم ساي
Quote: مرحب كتير بي جيتك ست القليب النابض .
تلقي وجوهناحبابك ومزاجنا دايمازابط .
دوبيتنا ميهو طبيعي وبين الأسافير خالط
علا بالنا مرتب ورويسنا تب ما جايط |
يالبالكم مرتب ادونا مهلة شوية
نقول الشعر متل ناس ود ضحوية
نطبق عصاتنا بالمهلة في العصرية
نشرب في القهاوي مع السيدة وناس علوية
|
Post: #120
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-02-2006, 10:56 AM
Parent: #1
!
|
Post: #121
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 01-02-2006, 11:18 AM
Parent: #120
عملونى العميلة الخاينة بت فرعون
قالوا انحزت للجلاد حفيد شيطون
مانى محايدة قالوا وقلمى جد ملعون
سامحهم الاله وشان وطنى كلو يهون !!!
|
Post: #122
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: القلب النابض
Date: 01-02-2006, 11:43 AM
Parent: #121
Quote: عملونى العميلة الخاينة بت فرعون
قالوا انحزت للجلاد حفيد شيطون
مانى محايدة قالوا وقلمى جد ملعون
سامحهم الاله وشان وطنى كلو يهون !!! |
حاشاك العمالة يا نادية ست الكون
شريفة وبت رجال بتهدي الوطن عيون
قلمك ما بنكسر ما بهابا منون
الناس بالكتير بتشيها ساهي ظنون
عارفنك بت اصول والاصلي ما بيخون
|
Post: #124
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 01-02-2006, 12:34 PM
Parent: #122
Quote: حاشاك العمالة يا نادية ست الكون
شريفة وبت رجال بتهدي الوطن عيون
قلمك ما بنكسر ما بهابا منون
الناس بالكتير بتشيها ساهي ظنون
عارفنك بت اصول والاصلي ما بيخون |
تسلمى يااصيلة قليبها صافى حنون
ديل كارهين أكيد يانبضى حرف النون
لافى يوم اذيتهم لا ابتديت بظنون
ديل كتلونى حزنا وزادوا قلبى شجون !!
ربنا يسامحهم !!
|
Post: #125
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-02-2006, 04:19 PM
Parent: #1
يا ندوية ..
Quote: عملونى العميلة الخاينة بت فرعون
قالوا انحزت للجلاد حفيد شيطون
مانى محايدة قالوا وقلمى جد ملعون
سامحهم الاله وشان وطنى كلو يهون !!! |
دي ما شلاقتك !! إنتي ما قالولك لو الفتة حارة ما تدخلي يدك فيها !! 
ما صدقتي لقيتي ليك بوست بيسأل منك وبيقول ليك جيبي لينا أخبار الإعتصام !! طوالي لفحتي ليك كراس وقلم (بك) وقمتي طايرة
أها الليلة خمي وصري وإستحملي نتائج رواشتك
وووووووب علييييي الللييييلل لييييل يا لييييييييلل !!!
أخخخخخخخخخ مخطك !!! نييييففففف (دا مخيط الندم بعد البكاء)
أنا المندفعة وأنا المغشوشة وانا الشليقة
وانا القايلة روحي موية النار في الحريقة
غشوني الناس وأكلو بعقلي رز وفتة وسليقة
ندمانة سافة التراب لا بطيخ لا قولة حقيقة
صنفرة :
في ناس معتصمين الايامات دي في أسمرا .. غايتو لو ما إستفدتي من تجربة القاهرة دي جهزي كمرتك ودربك أخخخخخخخخدر
|
Post: #126
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 01-02-2006, 04:59 PM
Parent: #125
اكل عيشى الصحافة ومانى زولة شليقة
لاخشيت بيوتهم لاسعيت فى طريقها
جونى لحدى عندى وقادوا فينى حريقة
ناذر جيتنى شامت مانى سارقة سريقة !!!
انت يافالح قايلنى شغالة حنانة فى كوافير بت السرور ولاشنو ؟!!
مااياها دى شغلتى الكاميرا والقلم اما عجائب والله !!
|
Post: #127
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: mohammed elsaim
Date: 01-02-2006, 05:24 PM
Parent: #125
ناذر
سلام
هذه المرة الأولى التى أدخل داركم. ومن دخل دار ناذر فهو آمن!!
كنت مستعدا بمداخلة احترت فى تصنيفها هل تتبع لود مفتاح فى مساديره الرائعة وقد غرزت غرزتى هنالك ام هى أقرب لدوبيتكم الأوتومسفيرى.
مما زاد من زوال حرجى فى الدخول عليكم أننى وجدت العزيزة ندوية قد نصبت خيمتها هنا مكررة احتجاجها الصاخب والذى بدأته مع بوست الرائع ود مفتاح.
وهاأنذا أكرر نفسى فى محلين حتى يفتى النقاد فى ايهم أحق بهذا الكلام....
غسلتنى وشرشرتنى
وطرحتنى ونشفتنى
وطوطوتنى وفرفرتنى
وكوكوتنى وتشتشتنى
وطبقتنى ودسدستنى
شمرتنى وكسبرتنى
وكشنتنى وشططتنى
وطعمتنى وبهرتنى
وطوطوتنى وحمرتنى
وشوشوتنى وجمرتنى
حممتنى وبلبلتنى
عممتنى وحزمتنى
ولزمتنى وعكزتنى
وهمزتنى ولمزتنى
طنشتنى وبشتنتنى
نعنشتنى وفرفشتنى
كنكشتنى وطشطشتنى
وفلقتنى وخوزقتنى
وشولقتنى وعولقتنى
سكسكتنى وكشكشتنى
بهدلتنى وتلشتنى
كمشتنى وعفشتنى
كممتنى وسممتنى
ربطتنى وفكفكتنى
كسرتنى ودشدشتنى
وحتحتتنى وفتفتتنى
جدعتنى وفننتنى
|
Post: #128
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 01-02-2006, 05:38 PM
Parent: #127
محمد
تسلم وفرحانة انك هنا
لكن غلبنى من الضحك اجاريك هسة والله ..
|
Post: #129
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-02-2006, 05:44 PM
Parent: #1
محمد شرفت والله ..
Quote: غسلتنى وشرشرتنى
وطرحتنى ونشفتنى
وطوطوتنى وفرفرتنى
وكوكوتنى وتشتشتنى
وطبقتنى ودسدستنى
شمرتنى وكسبرتنى
وكشنتنى وشططتنى
وطعمتنى وبهرتنى
وطوطوتنى وحمرتنى
وشوشوتنى وجمرتنى
حممتنى وبلبلتنى
عممتنى وحزمتنى
ولزمتنى وعكزتنى
وهمزتنى ولمزتنى
طنشتنى وبشتنتنى
نعنشتنى وفرفشتنى
كنكشتنى وطشطشتنى
وفلقتنى وخوزقتنى
وشولقتنى وعولقتنى
سكسكتنى وكشكشتنى
بهدلتنى وتلشتنى
كمشتنى وعفشتنى
كممتنى وسممتنى
ربطتنى وفكفكتنى
كسرتنى ودشدشتنى
وحتحتتنى وفتفتتنى
جدعتنى وفننتنى |
الله يجازيك تعرف جوبكتك دي ما بتنتمي لينا وكمان لو وديتا بي هناك بتكون ظلمتهم لكن هنا مقبولة بس عشان الجوباك الفيها
صنفرة :
أعمل ليك بوست وسميو (نادية ومنصور وناذر أجمعو هنا عشان أوريكم الدوبيت البلشفستيري بجوبكنو كيفن)
|
Post: #130
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: mohammed elsaim
Date: 01-03-2006, 02:07 AM
Parent: #129
الله يجازيك ياناذر ويجازى معاك ندوية....
وبالمناسبة من الله خلقك سمعت ليك بزول اسمه ناذر؟
سمعنا بنادر ونذير وبنازير ومنذر ونزار... لكن ناذر يطرشنا...
وهاك النكتة دى... كان هناك عريس جاءه اصحابه لمشاركته الفرح ومعهم صاحب لايعرفه. وكانوا من أصحاب الشراب لذلك توقعوا لحوما ومززا... لسبب خاص بقرية العريس ونظام الكورة فقد كان العشاء شعيرية ووضعت فى صحن واحد فى منتصف الصينية وغطيت بطبق.. ما إن كشف الغطاء الا وأصر ذلك الصاحب على حضور العريس قبل أن يبدأوا الأكل... وما أن جاء العريس الا وأمسكه ذلك الصاحب من رأسه وسأله اسم الكريم منو بالله؟ قال العريس: اليسع! فتلجلج صاحبنا ماذا يفعل. وفى الأخر قال ليهم: من الله خلقكم سمعتو ليكم بعريس اسمه اليسع؟؟؟
بعد كلامك المشجع عن مسدارى الجديد، ذهبت ومسحته من بوست ود مفتاح.. لكن قبل ما أنوم هسع دى والساعة الواحدة الا ثلثا صباحا... تذكرت ان المسدار يختلف عن الدوبيت.. فهو أصلا يجى طويلا وفى وصف رحلة وأماكنها وبهائمها ونباتاتها ثم يعرج من حين الى حين لوصف المحبوبة فتاة كانت او ناقة او حتى جملا. يعنى بعد حبة تثوير لغوى ممكن ماكتبته انا من دوبيت اتومسفيرى يصبح فتحا فى المسادير حقة الزمن ده.. ولابدن ارجع لود مفتاح اسعله...
أما توصيتك بأنى أفتح بوست جديد، فقد ذكرتنى صديقنا بيكو فى الجامعة. كان يختصر المتداخلين اذا أطالوا بأن هذا المنبر خاص بجماعته. ويوصى المتداخل بأن يحضر درجا آخر تحت شجرة أخرى ويكون منبر نقاشه الخاص ويتكلم حتى الصباح!
أها الكلام ده كله بنفس بارد! درجة الحرارة عندنا تحت الصفر!
|
Post: #131
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-03-2006, 10:25 AM
Parent: #1
الأخ محمد الصائم ..
بمناسبة إسمي الغريب أهديك هذه القصة والتي حكيتها في عدة مواقف متنوعة ..
أنا طبعا مثلك لم اقابل في السودان شخصا إسمه ناذر حتى ذهبت للهند وهناك وجدت ان عددا كبيرا من الهنود يسمون ناذر .. أحيانا ناذر (حاف) وأحيانا مقرونة بكلمة أخرى إذ أن لديهم (ناذر الدين) و (ناذر الرحمن) و (ناذر جهاد) والإثنين إسم واحد ..
مرة من المرارير ذهبت لقرية بعيدة جل أهلها من المسلمين ولسوء حظي أو لحسنه بنشر بي عجل الدراجة النارية فما كان مني إلا ان ذهبت لأقرب بنشر لإصلاح العجل .
صاحب البنشر نظر إلي مليا وسألني إن كنت مسلم أجبته بالإيجاب فحمد الله وأثنى عليه كثيرا وأثناء عمله في إصلاح الأنبوبة سألني عن إسمي ؟ فقلت له إسمي ناذر .. فإلتفت إلي مندهشا وترك ما يقوم به وسألني مرة أخرى فقلت له .. نعم إسمي ناذر !!!..
ففرح فرحا شديدا وصرخ في وجهي : أنا أيضا إسمي ناذر يا سيدي (بالإنقليزي طبعا) ومن ثم أخذني من يدي وطاف بي على عدد من أصدقائه في المكان .. ويقف معهم ويتحدث بالهندية بمرح ومن ثم يقومون هم بالسلام علي وإحترامي .. المهم أن ناذر ذاك طاف بي عدة شوارع لعدد ممن يسمون ناذر في الحي وإحترموني جدا وفي ذلك اليوم شربت عددا من العصائر وكبابي الشاي وأيضا بنشرت الموتر (ملح)
صنفرة :
(اللذيذة) أثناء مسكه من يدي وطوافه في الحلة قابله أحد أصدقائه وسأله عن سر الجلبة ولماذا يمسك بيدي ؟ فقال له ناذر بالهندية وكان يظن انني لا افهمها (تتصور العب دا إسمو ناذر زينا واحد !!!)
|
Post: #132
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 01-03-2006, 08:08 PM
Parent: #131
ناذر انت بقيت تتطنش دوبيتاتى ماملاحظ ؟؟
|
Post: #133
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: mohammed elsaim
Date: 01-04-2006, 00:44 AM
Parent: #131
حكاية اسمك حكاية يادكتور الناظر!
وهو كذلك.. الآن ثبت - شرعا - ان اسمك معربا هو الناظر او الناضر لكن تلاعب به بنو هند بعد ان تم تصديره اليهم وهم - كمالابد تعلم - يلعبون بالضاد والظاء.. ثم قام واحد حريف باستيراد اسم ناذر ثانية منهم. ومن أشهر الأسماء عندهم رزا والرازى!
على كل ماعلينا. فكما يقول الأصوليون العبرة بالمعانى وليس بالمبانى ولامشاحة فى الألفاظ!
نادية احتجت على تجاهلها دوبيتيا! وطرف السوط لابدن واصل الينامع العلم ان المقصود هو ناذر ثم جئنا نحن لتصيبنا النيران الصديقة.. على كل يانادية منتظرين مجاراتك لمسدار ديك العدة..
وبالمناسبة ياناذر، ويانادية، كنت محتارا فى صحة نسب مسدارى الاتومسفيرى وفى أى اسم أختار له.. وأخيرا استقر رأيى على انه يدخل - ومن باب أولى الكبير ذاته - فى جملة المسادير. وأظنك سمعت بمسدار السرة للحاردلو ومسدار اليانكى للقدال او هو السرة واليانكى؟
ومع اننى لا أريد أن أفسد متعة مسدارى بشرحه وانما هو أمر متروك للنقاد والقراء والمعجبين والمعجبات. لكننى وجدت انه يستحق ان يكون مسدارا فى ديك العدة، فهو يبدأ بمثل نوم الديك فى الحبل والمعنى واضح فى الغسيل والشرشرة، ثم يلى ذلك مباشرة موضوع التحمير والتجمير ولا ينتهى بالسكسكة والكشكشة... مع العلم انه اذا وجدت تخريمات او صنفرات جانبية لا علاقة لها بالديوك او بالعدة فهذا عائد الى أن المسدار أصلا لم يكن موجها لرحلة ديك العدة ولكن صرفته صروف الدهر الى تلك النهاية...
الخلاصة يأأحباب ان ذلك الشئ هو مسدار ديك العدة غصبا عن ناذر... وماعلينا الا ان ننتظر ندوية علها تأتى بما لم يأت به ودمفتاح ذاته...
|
Post: #134
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-04-2006, 08:14 AM
Parent: #1
!!!!!!!!!!!
| Quote: ناذر انت بقيت تتطنش دوبيتاتى ماملاحظ ؟؟ |
وأنا قصتي الحصلت لي في جبل أولياء الفوق ديك ماعندها ابو ولا إنكشحت هنا براها !!
بعدين يا بت الناس ما شايفاني قاعد إتفاهم مع محمد الصائم دا !! هو صاح أنحنا ما دخلناك في الموضوع عشان الكلام كلام رجال وكدي لكن بجيك تاني صاد ..
صنفرة :
يمراجعتي عدة مرات للمسدار البلشفستيري الذي وضعه محمد هناتأكدت بما لا يدع مجالا للشك ان ما تتحدث عنه القصيدة ليس ديك ولا بطيخ بل ..
قزازة مما يتنعنش به المتنعنشون !!! 
|
Post: #135
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: فيصل نوبي
Date: 01-04-2006, 08:42 AM
Parent: #1
ناذر
خت الطوبة دي هنا
تهريجة:
و دي برضو طوبة نور
|
Post: #136
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-04-2006, 08:52 AM
Parent: #1
!!!!!
Quote: ناذر
خت الطوبة دي هنا
|
وييييين 
أفصح أبن حدد في أي إتجاه وبأي درجة
صنفرة :
ود عكر بلا راسو ولا لسة !!
|
Post: #137
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: فيصل نوبي
Date: 01-04-2006, 09:17 AM
Parent: #1
ناذر و نادية الاتبلبل يستحما و يعوم
الطوبة جبتها و جهزت النقة بالكــوم
المساخة و الكلام السمح هـنـا مردوم
لكـل واحد جهزنا سيف و درع معـصوم
|
Post: #138
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-04-2006, 09:33 AM
Parent: #1
!!!!!!
Quote: ناذر و نادية الاتبلبل يستحما و يعوم
الطوبة جبتها و جهزت النقة بالكــوم
المساخة و الكلام السمح هـنـا مردوم
لكـل واحد جهزنا سيف و درع معـصوم |
وينك يا روميو فاقدينك معانا عموم
فاقدين ونستك حاشاهاالكعب واللوم
راجين جيتك تشرفنا في الخرطوم
خليك سمين ومنور من هسي ربي جضوم !
صنفرة :
الجوباك دا زي الفيهو حاجة كدة ما ياها 
|
Post: #139
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: فيصل نوبي
Date: 01-04-2006, 09:52 AM
Parent: #1
| Quote: الجوباك دا زي الفيهو حاجة كدة ما ياها |
شايف الجوباك ماشي اتجاهات حضسفيرية
يمكن من طولة المده حصل ليو صداسفيرية
وجاتو نفسيات مجوبغفيرية و كدارسفية
وجاب ليهو حلاقات و حمامات بللوسفيرية
تهريجة:
بت خالتي وين زاغت تاني ولا كراعنا حارة !!
|
Post: #141
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Abulbasha
Date: 01-04-2006, 02:46 PM
Parent: #139
ياناذر حبيبنا.... الليلة قمرك أطلّ
من رمضان تواصل... هجمه لي ناس بره
لا خفت المطر ... عز الخريف تدلي
حروفك ساطعات ... لي ناديه بنتا حـُره
لي عدة شهور .. لا كل قلمك ملّ
شددت الضغوط لي ناديه كره وفره
ماهي الحرابة الجات... والبورد ميادين غره
*****
لكن ناديه ردت ... وصدت هجومك صيف
مرات في الخريف .. ومرات في الصيام بتقيف
أصلو هجومها قاسي .. ومرات بعدل الكيف
لكن في المهندسين ... مسكت عصايا وسيف
لا سلت سهامها .. ولا شافت هجوم في الطيف
وفي الميدان نجيل ... وبالأحمر تلون كيف
والأمن إنفرط ... لكن في ساعة بقيف
ومصر المؤمنة ... مدت حبالها خريف
وكالة الغوث تفاوض..ومرات نراها تقيف
لا حلت مشاكل .... بل عقدت خطريف
وكوفي عنان تداري... وعامل كأنه حريف
*****
يا أخوانا الحصل .. عايز حرافة شديدة
لا نمدد هجوم .. لا نخسر البنريدا
مصر الحب ترحب.. لاجئا صنديدا
لا طردت شقيق ... لا أطلقت تنهيدة
لا ضغطت شديد ... لا غيرت ترديدا
نحن أخوات عديل....من نيلها لي خورشيدا
لكن الحروب طالت ... وهزمت سـيدا
ونيفاشا العجيبة ... لخبطت تغريدا
لاهاجرنا بره ... ولا كتبنا قصيدة
والميدان بينزف ...ويندب حظو في يوم عيدا
*****
|
Post: #140
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-04-2006, 02:26 PM
Parent: #1
!!!!!!!!
| Quote: بت خالتي وين زاغت تاني ولا كراعنا حارة !! |
مولاي روميو خليك زول تفتيحة بالله
الجوباك البينا انا وإنت دا بت خالتك دي مااااااظنها تقدر عليو .. هسي هي بتكون متابعة الشغلة من برة وبتاكل ليها في (سندوتشي) بتاع طحنية ومتمنية متييييييين أنا وإنت ننتهي عشان تقدر تخش تاني
هاك ألقفي الردوم دا ...
البتجوبك معانا أمانا بالحيل بيتورط
والبيدخل يدينو عقلو وقلبو بيتشرط
قلتو نوبة وأنحناالحوبة لكن مابنتسلبط
قليبنا لونو طبيعي وبالبدرة مابنتجلبط
صنفرة :
هسي يا روميو يا صحبي زي بت خالتك تقدر تجاري نضما متل دا
|
Post: #142
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 01-04-2006, 05:07 PM
Parent: #140
Quote: والأمن إنفرط ... لكن في ساعة بقيف
ومصر المؤمنة ... مدت حبالها خريف
وكالة الغوث تفاوض..ومرات نراها تقيف
لا حلت مشاكل .... بل عقدت خطريف
وكوفي عنان تداري... وعامل كأنه حريف |
هسة بجوك يقولوا الباشا اصلو عميل
قال على مصر آمنة وليها قلبو بميل
وقلمك يقولوا خائن وانت سادى عويل
كأنو حرقت أهلك ومحترف تكتيل !!!
وعجبى من زمان يرمى فيه أهل الوطن الواحد بعضهم بالعمالة والخيانة العظمى نهارا جهارا والدليل ..الولو !!!!!
|
Post: #144
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: mohammed elsaim
Date: 01-04-2006, 10:11 PM
Parent: #142
Quote:
محمد
تسلم وفرحانة انك هنا
لكن غلبنى من الضحك اجاريك هسة والله ..
|
نادية...
مازلنا، انا وشياطين دوبيتى الأتومسفيرى وكبيرهم، فى انتظار المجادعة...
وبالمناسبة لا أدرى هل هى الصدفة التى تجعلنى كلما توجهت وجهة وجدتك أسبق اليها؟ ام ان اوقات الفراغ تجمع كى بورداتنا؟
تخريمة: اذا غلبك ناذر فيمكنك الاستعانة بقدراتى!! انا عارف انك واثقة من الانتصار عليه بالقاضية والضربة الفنية.. لكن أهو اهلنا قالوا الحارى أخير من المتعشى! والعشاء هنا قصدت به الانتصار على ناذر!
|
Post: #143
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: mohammed elsaim
Date: 01-04-2006, 09:53 PM
Parent: #140
ناذر!
Quote:
قزازة مما يتنعنش به المتنعنشون !!!
|
هذا اغتيال شخصية ياحضرة الناضر! وأنا من كنت أطمع فى أن يصير مسدارى بشهرة مسدار اليانكى والذى غنت منه عقد الجلاد "جهادية الأورطية.. جهادية الحلبونا.. شدو جمالهم جونا.. جلبنالهم سمسم.. السمسم ماكفاهم... جلبنالهم سعية..."
الآن كل الآباء سيمنعون بناتهم وأبناءهم من الاطلاع على مسدارى..
المصيبة انا ذااتى صدقتك بعد قراءة مسدار ديك العدة عدة مراير، ولما كان غرضى هنا أن أعارضك حتى آخر لحظة، والمعارضة هنا تشبه معارضة شوقى لشعراء العصور الأسبق، فقد رأيت ان نفس الانتعاش أو النعنشة يمكن ان يكون وليد سجارة خضضضضضرا!!!
رمية:
لولا أننى أعرف نفسى لصدقتك ولصدقت حديث نفسى الأمارة
قاتل الله اللجاج والمحاججة و(المناظرة) اذا كانت توصلنا للاتهام بالقزازة والسجارة...
هاأنت تهرف بمالاتعرف وأخشى ان تكون تعزف بمالاتعرف أيضا وتغرف من القزاز الذى تعرف وقريبا ستخرف.. وهذه ليست من الخريف أوان ينمو البطيخ! ولولا بقية من عشرة لقلت فيك مسدار هجاء يجعلك بالحجارة تحدف...
.. ولو اتصلحت معانا يمكنك ان تحصل على حقوق التلحين والأداء لمسدارى المسمى ديك العدة غصبا عنك.. فبمقدار مقاربته لمسدار القدال ستكون مقاربتك لعقد الجلاد...
|
Post: #145
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: mohammed elsaim
Date: 01-04-2006, 10:26 PM
Parent: #143
أنا فى الحفلة بتفلع
وانا الفى القعدة بتجدع
انا الهع انا البشلع
انا الفنان انا القلع
انا البعزف انا البخلع
مهداة لواحد صنفرجى!! مع الملاحظة ان بتفلع بالفاء ...
|
Post: #146
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 01-05-2006, 08:12 PM
Parent: #145
محمد ياخ حديثك جد صعيب بالحيل
غلبنى اجارى قولك بالعوج وعديل
مسدارك زهور والقافية احلى خميل
انت اخو البنات وفى الحارة جمل الشيل ..
|
Post: #147
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: mohammed elsaim
Date: 01-06-2006, 02:21 AM
Parent: #146
حبابك الف نادية ست القلم الرزينة وهادية
نفرح بوجودك ويفرحو معاناالحضر والبادية
كلامك موزون اشعارك بلابل فى الجناين شادية
مابنلومك للمجادعة ولو جيتى زايغة او متفادية
شوفى يازوله، انا والله مابرتاح بكلام المجاملات والشكر كتير... سعيد ولكن فى نفسى شئ من حتى! لذلك فى المرة القادمة لاتزعلى ان هبشك طرف السوط.. كلامك السابق وكلامى هنافيه نوع من التحييد! ولاحياد تجاه الفكر، منحازون للصراع! تتخيلى هكذا أوقريبا منه كانت تقول لافتة معلقة فى قلب جامعتنا.
أما بخصوص عدم مقدرتك (الفنية) على مجاراة "مسدار ديك العدة غصبا عن ناذر"، فهذا شئ متوقع بل مقصود لذاته... انا أصلا لما شيطان دوبيتى كان يحاحى لاخراجه كنت أريده دوبيتا عشان تيامنوا.. ناذر وشلته، او الأصح انت وشلتك والشعراء يتبعهم الغاوون... وثانية حاولت ان أكمل كل الكلمات العويصة ولا أترك ولا واحدة لأحرف حريف أو حريفة.. وحتى أصبح من الذين قال فيهم عنترة هل غادر الشعراء بدل أن أكون واحدا مثل ناذر لايكتب الا معادا مكرورا!
أها ردى على كلامك السمح القلتى فينى ده كلو؟ جملة واحدة: ماأنا عارف!
|
Post: #148
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: فيصل نوبي
Date: 01-06-2006, 03:08 AM
Parent: #1
ذكرني نور الزول ده !!!
ولا ما كدي
ندوية
شنو ياااااخ فاتحة لينا كده !!!
ناذر
دوبي ساي بس ...............
|
Post: #150
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 01-06-2006, 11:17 AM
Parent: #148
Quote: ذكرني نور الزول ده !!!
ولا ما كدي |
زكرك ياتو نور يانوبى ؟!!
الزمان دااااااااااااااااااااااك ولاديك ؟!!!
|
Post: #152
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: فيصل نوبي
Date: 01-08-2006, 02:54 PM
Parent: #150
ندوية
| Quote: الزمان دااااااااااااااااااااااك ولاديك ؟!!! |
لا ديك لا جدادة
داااااااااااااك بس
|
Post: #149
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-06-2006, 03:39 AM
Parent: #1
روميو ..
Quote: ذكرني نور الزول ده !!!
ولا ما كدي |
والله العظيم قبل ما أقرا كلامك دا ختيت في راسي نفس الشي والغريبة نفس البوست ونفس نادية ونفسي أنا ذااتي
صنفرة :
أرحب بالأستاذ الكبير صلاح الباشا في هذا الجوباك ..
|
Post: #151
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-08-2006, 11:07 AM
Parent: #1
BLUE]أستاذي صلاح الباشا ..
Quote: ياناذر حبيبنا.... الليلة قمرك أطلّ
من رمضان تواصل... هجمه لي ناس بره
لا خفت المطر ... عز الخريف تدلي
حروفك ساطعات ... لي ناديه بنتا حـُره
لي عدة شهور .. لا كل قلمك ملّ
شددت الضغوط لي ناديه كره وفره
ماهي الحرابة الجات... والبورد ميادين غره
*****
لكن ناديه ردت ... وصدت هجومك صيف
مرات في الخريف .. ومرات في الصيام بتقيف
أصلو هجومها قاسي .. ومرات بعدل الكيف
لكن في المهندسين ... مسكت عصايا وسيف
لا سلت سهامها .. ولا شافت هجوم في الطيف
وفي الميدان نجيل ... وبالأحمر تلون كيف
والأمن إنفرط ... لكن في ساعة بقيف
ومصر المؤمنة ... مدت حبالها خريف
وكالة الغوث تفاوض..ومرات نراها تقيف
لا حلت مشاكل .... بل عقدت خطريف
وكوفي عنان تداري... وعامل كأنه حريف
*****
يا أخوانا الحصل .. عايز حرافة شديدة
لا نمدد هجوم .. لا نخسر البنريدا
مصر الحب ترحب.. لاجئا صنديدا
لا طردت شقيق ... لا أطلقت تنهيدة
لا ضغطت شديد ... لا غيرت ترديدا
نحن أخوات عديل....من نيلها لي خورشيدا
لكن الحروب طالت ... وهزمت سـيدا
ونيفاشا العجيبة ... لخبطت تغريدا
لاهاجرنا بره ... ولا كتبنا قصيدة
والميدان بينزف ...ويندب حظو في يوم عيدا
|
والله حيرتني عديل كدة وما عارف اقول ليك شنو
أنا نضما متل نضمك دا ما بقدر عليو تراني زول متلقي حجج ومتسلبط في الشغلة دي ساكت لكن بباصي الكورة لي نادية أو محمد أكان يقدرو على مجاراتك ..
صنفرة :
ممكن أحاول لكن لو وعدتني إنو تتحمل المسئولية إنت 
|
Post: #153
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: نادية عثمان
Date: 01-08-2006, 03:04 PM
Parent: #151
هسة بجوك يقولوا الباشا اصلو عميل
قال على مصر آمنة وليها قلبو بميل
وقلمك يقولوا خائن وانت سادى عويل
كأنو حرقت أهلك ومحترف تكتيل !!!
ناذر كان حريف جارى ده 
|
Post: #154
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: فيصل نوبي
Date: 01-08-2006, 03:19 PM
Parent: #153
Quote: هسة بجوك يقولوا الباشا اصلو عميل
قال على مصر آمنة وليها قلبو بميل
وقلمك يقولوا خائن وانت سادى عويل
كأنو حرقت أهلك ومحترف تكتيل !!! |
شايفك شايل عكازك و مارقة من الخور
وراكي عشرة ما عارفين و عشرة بي قنبور
و قدامك تدفري في ناس ماشية بي ضمير
نجيب عكازنا ولا يقول ديل ناس تكفير !!
تهريجة:
اها انتي ابقي حريفة و امرقي من دي لمن يجيكي ناذر
نور قاعد لسه هنا
و شايفك اتعلمتي الوشوش بس ما علينا
|
Post: #155
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-09-2006, 08:53 AM
Parent: #1
!!!!!!!!!!!!!!!!!!!
Quote: شايفك شايل عكازك و مارقة من الخور
وراكي عشرة ما عارفين و عشرة بي قنبور
و قدامك تدفري في ناس ماشية بي ضمير
نجيب عكازنا ولا يقول ديل ناس تكفير !!
|
الله يكسبك يا روميو !! دا شنو البتعمل فيهو دا
خوفت لينا بت الناس ساي .. وانا زاتي خفت معاها
هاك ألقف الشوال دا ..
الخور يبقى هيلا مش لو سموها النادية
الخور راجي ناسو لو في الحضر أو بادية
الخور فيو دواها وتصبح من الشلاقة مشافية
الخور شوقو ليها .. شوق المريض للعافية
صنفرة :
الله يكسبكم مسكتني قحة من الضحك الكتير
|
Post: #156
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: saif massad ali
Date: 01-09-2006, 10:58 AM
Parent: #155
انتو ناديه دي منو
ناديه بت عثمان مختار ولا منو يا ناس انا عايز افهم
انت يا ناذر جيت عندي بي هناك عشان تلخبط
اها انا جيتك هنا
|
Post: #162
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: فيصل نوبي
Date: 01-15-2006, 09:47 AM
Parent: #155
Quote: الخور يبقى هيلا مش لو سموها النادية
الخور راجي ناسو لو في الحضر أو بادية
الخور فيو دواها وتصبح من الشلاقة مشافية
الخور شوقو ليها .. شوق المريض للعافية |
نادية بقت لابدة جوه الخور
تتاوق لي ناس المنبر الحر
عاد ده كلام يا ام قلب حار
ترمي القلم و تشيلي النار
تهريجة:
دي عشان ترجعي يا بت خالتي يا بت عثمان
|
Post: #157
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: فيصل نوبي
Date: 01-09-2006, 11:06 AM
Parent: #1
Quote: انتو ناديه دي منو
ناديه بت عثمان مختار ولا منو يا ناس انا عايز افهم |
Quote: انتو ناديه دي منو
ناديه بت عثمان مختار ولا منو يا ناس انا عايز افهم |
انت يا سيف
ما جيت الخور مالك
اسمك ده ما مكتوب هناك
اها جبنا ليك الخور هنا
بكري بوسطيني دا من هسي ماصالح للنشر ..عليك الله وديهو لي بي هناك !!
|
Post: #158
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-10-2006, 06:34 AM
Parent: #1
سيف مساعد شرفت البوست والله ..
أيامك يا راجل الأيامات دي بقيت تحوم في البوستات الفنية مرة غنائية مع وردي وهسي دوبيتية معاي
بس أوعك تتشالق وتفكر تكبر اللوحة وتحوم في البوستات الرسامية التجريدية .. وإلا لو طلعت منها (دا إذا طلعت) ، بتطلع لابس من غير هدوم 
هاك القف صفيحة الخرصانة دي ..
ماني مشيت شان ألخبت هناك ياسيف
مشيت أوري الحق وأمرقك لي بر القيف
إحباطك في وردي مفهوم وخربلك الكيف
لكن بكرة تنسى وتزح منك سحابة الصيف
صنفرة :
إنشالله الصفيحة ما رمتك على وشك
|
Post: #159
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناصر محمد خليل
Date: 01-15-2006, 07:37 AM
Parent: #1
| Quote: الله يكسبك يا روميو !! دا شنو البتعمل فيهو دا |
هنا روميو وبي هناك شيخ فيصل ؟!
كيف يكون النفاق إذا لم يكن كذلك ؟
|
Post: #160
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: القلب النابض
Date: 01-15-2006, 07:44 AM
Parent: #159
ناصر محمد خليل
عيد مبارك
انت عارف النفاق دا ما بيعرفوا الا رب العباد
الرسول صلى الله عليه وسلم لم يكن يعرفه لولا أن الله سبحانه وتعالى كشف له اسماء المنافقين.
ياترى كشفت لك الحجب أم نزل عليك الوحي لتقول هذا منافق أو غير منافق.
أرجو أن تراعي حدود اللياقة في التعامل مع الزملاء.
|
Post: #163
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: فيصل نوبي
Date: 01-15-2006, 09:52 AM
Parent: #159
Quote: هنا روميو وبي هناك شيخ فيصل ؟!
كيف يكون النفاق إذا لم يكن كذلك ؟ |
تعرف يا ناصر
اكون روميو
اكون شيخ الحلة
اكون صقر قريش
ما شغلتك اكتب كتابتك و خلي شمارات النسوان دي
و كان عندك شيء داير تكتبو اكتبو هنا في السهلة دي قدام خلق الله
تقعد تدسدس لي و تتجاري ماشي مدنيو ماشي الكاملين
و تجي بعد شهر و ما ترد ...
ابقي قدر الكلام البتكتبو ده ..
و تعال رد ما تقد سلك يا ( سلك )
تهريجة:
اسفين للخروج عن الدوبيت
|
Post: #161
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: Ahmed Mohammed Osman
Date: 01-15-2006, 09:11 AM
Parent: #1
البوست الجميل فةق للمنابر فايت
النم الخفيف والضحك الجميل في جوه عامر وسايد
والزول الجديد اروش جاكم شايت
قال كون الفكي يبقالنا ولدا جايط
ياهو الكضب اللي حدو دايما فايت
|
Post: #164
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: saadeldin abdelrahman
Date: 01-15-2006, 09:56 AM
Parent: #1
Quote: هنا روميو وبي هناك شيخ فيصل ؟!
كيف يكون النفاق إذا لم يكن كذلك ؟ |
ناصر
فعلا!
كيف نعرف النفاق ان لم نقرأ تعليقك اعلاه..
بعدين انت مش قلت سيبوني يا ناس ?
بتهبش مالك ?
...ولا دي قلة الشغلة
|
Post: #165
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-16-2006, 07:39 AM
Parent: #1
في غياب ندوية منبرنا اضحى مسيخ
حردنو الجماعة بعد ما ضبحولو ضبيح
أرجعي لينا تبنا صرخنا ليك صريخ
إشتقنا لي شاشايك الكلو عنب وبطيخ
صنفرة :
غايتو القافية دي تعبتني جنس تعب !! 
|
Post: #166
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: mohammed elsaim
Date: 01-16-2006, 11:30 AM
Parent: #165
ناذر وباقي الجماعة كل عام وانتم بخير
شامم ريحة دردقة لكن لا بأس. واضح انك تطلب عون الجهابيذ في القافية الخائية...
سجل سجل ياتاريخ
ناذر دوبيته خيخ
نحن فوق منه بالصواريخ
نصل السما لزحل والمريخ
كل يوم شربوتنا من فسيخ
أزيدك ولا كفاك ياشيخ
نحن الدوبيت اسياده يام شليخ
وناس هناى كتكوت ولا فريخ
يجوبكوه ويلطخوه لطيخ
|
Post: #167
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: فيصل نوبي
Date: 01-16-2006, 12:51 PM
Parent: #1
ود الصايم اصبح عايم في البطيخ
شايل سبحة بدل لالوب بقت فسيخ
شربوت و ابيض ضميره و جنس لتيخ
السوسيو عامل ليو كمين ما مسيخ
الماسورة راجيو يدخل ورا البطيخ
تهريجة:
نادية بت خالتي الجوباك بلاكي مسيخ
خلصي امتحانات و جيبي معاكي الفسيخ
ود الصايم و ناذر فطورهم بقا بطيخ
جوباك من المريخ في حالة استنجاض حريقي ..
|
Post: #168
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: القلب النابض
Date: 01-16-2006, 01:10 PM
Parent: #167
يا نادية الحزن غطي الفريق والحلة
والزول العزول في بيتو داك يتقلا
يانادية السلام اينا بس يوم طلة
راجين طلتك ما زهجنا حاشا وكلا
تعالي تعالي تعالي
تعالي تعالي
تعالي
|
Post: #169
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: mohammed elsaim
Date: 01-16-2006, 01:31 PM
Parent: #168
يافيصل يانوبي ياشيال السيخ
بت خالتك شن بتعرف غير الطبيخ
وشيها ستاشر لون وزايدا تلتيخ
تسكتو ولا ننفخكم نفيخ
دوبيتك بالحيل مملخ جنس تمليخ
مكسورة ضلوعه زى جنى التفريخ
مسختها عشرة مرات كلمة بطيخ
عايز تدخل غينيس ولا داير تخش التاريخ?
|
Post: #170
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: فيصل نوبي
Date: 01-16-2006, 02:27 PM
Parent: #1
ود الصايم المنفوخ ما بينفخ قشه
اها لم العده و الحق سوق الرقشه
تجيب الحلة و توصل ناس بت السره
شيل البيض و اقلي بي زيت في طوه
تهريجة:
اها كفاكم ولا نرجع للعيشة المره
|
Post: #171
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-16-2006, 02:28 PM
Parent: #1
!!!!!!!!!
| Quote: جوباك من المريخ في حالة استنجاض حريقي .. |
إس شنو !!
إنت يا ولد مشيت بوست أسامة الخواض متين أخر مرة
صنفرة:
القلب النابض ومحمد الصايم ..
أصبروا لي النلف ونجي
|
Post: #172
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-16-2006, 03:09 PM
Parent: #1
!!!!!!!
| Quote: اها كفاكم ولا نرجع للعيشة المره |
شبهك روميو ما شبه المعيشة المرة
حاشاك منها ومن قزايز محمد المرة
ندوية جاية معاها قلب كلتوم والسرة
نرجع للجمال ننسى شبه بوبي وبرة
صنفرة :
قلنا نغير القافية بدل البطيخ الكتير دا
|
Post: #173
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-25-2006, 09:12 AM
Parent: #1
+
|
Post: #174
Title: Re: نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!
Author: ناذر محمد الخليفة
Date: 01-25-2006, 09:12 AM
Parent: #1
+
|
|
