|
اشتركت دلوقتىىىىىىىى المتواجدون الان لازم يصفقوا لى
|
الباب خشبى من النوع الرخيص اتاه الدهر كما اتى على صاحبه فى الخارج رزه حديديه والشباك خشبى لا لون له ولا رائحه له مثل صاحبه تتوكل وتتدخل الى الداخل تسبقك لا اله الا الله اللهم احفظنا صوت موسيقى للباب لا هو صرصره ولا موسيقى الوهله الاولى القيت نظره سريعه وفاحصه على اول ما واجهنى صوره من الحجم الكبير فيها عباره لوك الصبر تحتها سرير على حافتيه ظهرت حافه السرير واسفله قطن المرتبه وسفنجه تمت لها معالجات فنيه وهندسيه للاعطاب الاتى اصابتها من ضغط صاحبها عليها وضغط الزمن مخده تجمع كل الالوان وخاصه اللون الترابى اسفل السرير ابريق به لون اخضر زرعى من الداخل. مصلايه مكتوب عليها مصنع سكر كنانه كرسى مسنود على تلاثه ارجل والرابعه مسترخيه فى الشباك تصده من الرياح .شمالا سبعه مسامير فى الحائط الاول به فانله من النوع الطوبى مكتبوب عليها يو اس ارمى المسمار الثانى مشحوط فى الحائط دون عمل الثالث به طاقيه خضراء اللون ترمز الى احد الطرق الصوفيه المسمار الذى يليه بنطلون يخص احد القوات النظاميه والذى بعده سبحه وبنطلون جينز محكوم عليه بالقطع اسفل الركبتين تحت الشباك تسريحه عليها فازلين وجلسرين ومشط ومكنه حلاقه من النوع الرخيص الحوائط عليها ثلاثه انواع من الطلائات متداخله شكلت لونا جديدا لم يكتشف بعد تموجات وخربشات فى الحائط اشبه بالجدار العازل تلفون مكتبوب بالفحم 090908877 عوضيه باغات مروحه فى السقف غردونيه لها صوت منتظم يساعد على الاسترخاء. عمود اشبه بشجره دوم يحمل اوزار هذه الغرفه ويشتكى ويئن لكنه صامد صمود صاحبه صحن من الطلس به كيس نايلون ورغيف بلدى وملح وشطه متعانقان وممزوجان بعضا مع بعض صحيفه الدار بها بقع زيت ونصف عنوان الدار بالصوره والقلم تنتقل الى موقع الحدث تداعبك رائحه الغرفه اشبه بالبنبان وامزجه مركبه من العطور الصوفيه التى تباع جوار المساجد صبر سابح فى فى اجواء الغرفه يشبه صاحبه اللهم لا شماته عينى بارده
|
|
|
|
|
|
|
|
Re: اشتركت دلوقتىىىىىىىى المتواجدون الان لازم يصفقوا لى (Re: صديق الموج)
|
صديق اشكرك على الصفقه الحاره وليك الود فى الحقيقه انا كنت طابع على الآله الكاتبه واستعنت بى صديق وناس الحلاوى وسجيمان كانو معاى فى نفس القسم _________________________ سجومى المرمد رميدان جيت بى جاى وجبت معاى اخر صرفيه كمان __________________________________________ هلااااااااااااا ياحلاوى ومشتاقين ليك ولى مجانينك وبعيدن فرح ال........ الناس ديل ما عارفينا كدى ادينا تلفون والتلفون عندك لكم الود
| |
|
|
|
|
|
|
Re: اشتركت دلوقتىىىىىىىى المتواجدون الان لازم يصفقوا لى (Re: طيفور)
|
فروحي تويم روحي...
فرح الحرا... هنا...؟؟؟
الله يجيبك يا بارووووود
حبابك عشرة بلا كشرة
ؤبث ________________________________________________________________طيفور طبعا اسم فرح ال... دى قطع شك بجى زول حوام زيكم كدا ولا زى سجيمان ولا زى على الحلاوى المجنون بكشفها للجماعه ديل والمصيبه الكبيره اجى بارود الل.... اشترك مخصوص عشان اكشفها وبث لك المانى العذبه
| |
|
|
|
|
|
|
Re: اشتركت دلوقتىىىىىىىى المتواجدون الان لازم يصفقوا لى (Re: طارق اسماعيل)
|
مرحب بيك يافرح اوعك تكون بتاع سودان نت
ياسيجمان يلا اشتغلو لينا شوية ولا نسيت ___________________________ ياطرقوش ود اسماعيل اى انا بتاع سودان دوت نت لكن بكرى ابو بكر عمل تنقلات مع اول السنه الماليه جابونا انا وسجيمان بى مخصصاتنا بس داير اسعلك بدل اللبس كيف وسلفيه الزواج كيف عندكم مديركم يدوا ناشفه ولا زولا بتحنك
| |
|
|
|
|
|
|
Re: اشتركت دلوقتىىىىىىىى المتواجدون الان لازم يصفقوا لى (Re: بكرى ابوبكر)
|
تشكر الاخ بكرى ابوبكر رغم مشاغلك تستقطع وقتا ثمينا انا اقول للوطن لاننا الانتفرقت بنا السبل واصبح المنبر وطنا ومزيدا من الحريه والديمقراطيه فى هذا المنبر هاديا لعضويته للنضال من اجل استعاده كل الحقوق الوطنيه و حقوق الانسان واستعاده الديمقراطيه لك خالص شكرى لسرعه تسجيلى واتمنى ان اساهم بما هو مفيد وايجابى
| |
|
|
|
|
|
|
Re: اشتركت دلوقتىىىىىىىى المتواجدون الان لازم يصفقوا لى (Re: Ibrahim Algrefwi)
|
ابراهيم الجريفاوى انا حساى انى كان هبشت كدا كدا بنكون نعرف بعض لانو ناس النور الجريفاوى ديل منتشرين فى ود ارو لو انت من العائله العظيمه دى. لك الود والمعزه بعدين انا سعلت من عادل عبد العاطى وقلت للشباب سعال اختيارى لانو انا قبل ما اشترك قلت الزول دا شخشيه كبيره فى المنبر دا بعد داك عرفت انو فى اورنيك ---------- انا اشتركت امبارح فى شكل دلوقتى اشكر لك لطفك
| |
|
|
|
|
|
|
النور الجريفاوي (Re: فرح)
|
اسه يا فرح لو ما طلعت ولدهم ماعندي ود ولا معزه
كدي برضو يا ابو فرح ياخ
لكن انا طبعاً (ابراهيم عزالدين حسن ابراهيم النور الجريفاوي)
مولود في حوش النور امي بت عبدالحميد محمد ابراهيم وابوي ود حسن ابراهيم والاتنين جدهم النور الجريفاوي حبوبتي فاطمه بت سليمان ابوها ود النور حامد وامو زينب بت النور الجريفاوي وامها شكريه من امبلي بت شعيد عشه بت احمد ودشعيد ..ومولود في ودارو في الحوش ذاتو !!!!
تعرف منو في الناس ديل ...
***علي فكرهاحنا موش منتشرين في ودارو بس اسا مفكرين نطالب بي حق تقرير المصير لال النور الجريفاوي ونعمل دوله جديده...
وعادل راجل اخو الله يفك كربتو
وانته كمان زول اصلي جداً
واحترامي اليك دون ما اشعر
| |
|
|
|
|
|
|
Re: النور الجريفاوي (Re: Ibrahim Algrefwi)
|
اييييييييييييييييك يا الجريفاوى ما قلت ليك كان هبشت كدا ولا كدا بنعرف بعض بعرف تلاته ارباع العائله دى من زمان بنسمع بى مولانا عبد الرحمن النور وفى امدرمان تصاهرنا مع هذه الاسره الكريمه ولى شرف مزامله الواثق عبد الحميد واعتز بصداقه محمد عبد الحميد وعوض عبد الحميد والمغيره ومحمد الباقر وناس عزاز ومشهورين بى كرمهم واعتادهم بى روحهم ناس اسامه وناس مهلب وناس سليمان محمد ابراهيم النور وناس دكتور اسامه عبد الرحمن النور وناس كديس وناس مهلب الطفش امريكا وناس قسم الخالق وناس ابوروف ناس عاطف حسن وناس الملازمين وناس القراصه وناس مناقزا الحلاوين وناس توتى اييييييييييييييييييييييييييييك الناس ديل قبيله لك الشكر والود باقى لى كدا لازم نتلاقى
| |
|
|
|
|
|
|
Re: اشتركت دلوقتىىىىىىىى المتواجدون الان لازم يصفقوا لى (Re: تاج السر حسن)
|
الأخت فرح ، لك الود الناس لما يتلاقو فى الحج بسمو نفسهم ( أولاد حجه ) ، - أى زملاء حجه - ونحنا هسه - أولاد بورد واحد - تقريبا دخلنا فى وقت واحد والبصفق براهو بخنق،،،،،،،،،
فالنصفق معا، وليكن السودان أولا
أخو البنات ------------- ابو السره يادفعه مع انو انا ولد مابت لكن اخو بنات برضوا زيك بعدين ياابو السره نحنا دايرين نعرف المخصصات بتاعتنا شنو عشان انا داير لى سلفيه زواج تشكر ياحاج
| |
|
|
|
|
|
|
Re: اشتركت دلوقتىىىىىىىى المتواجدون الان لازم يصفقوا لى (Re: طرقوش)
|
اههههههههههههههههههااااااااااااااااااا ياطرقوش برضوا قمنا الناس ديل عندى الستره والفضيحه متباريات مازى ناسنا البهناك ناس سيد اللبن ديك عندهم الستره والفضيحه متلاقيات انت من متين اتنقلت فى الكشف الاخير ولا شنو مدير اداره طبعا بس تعرف يا طرقوش انا خايف من منو من بارود االحرامى اجى لاحقنى طوالى بقدم استقالتى ههههههههههههه دايرين لينا طيب مطالعه شايقيه
| |
|
|
|
|
|
|
Re: اشتركت دلوقتىىىىىىىى المتواجدون الان لازم يصفقوا لى (Re: فرح)
|
تسلم يا فرح
الهدية في السلك عديل كدا وانا اسع ميت من الضحك لانو الهدية دي زكرتني صديق ووالد وعم واخ وكل
لمن كنت في ارتريا كنت بعض مرات بنسي نفسي لمن اشوف اطفال وبقوم بلعب معاهم وبعض مرات لمن
بلقي امراة شايلة طفل ايضا بقوم بشاغل الطفل
لكن صديقي دي لمن يسكر وانا عادة لو شربت بشرب حبة وفي كثير من الاحيان بدل ما اطلب بيرة
بطلب كولا او ماشابه وهنا صديقي بتغاظ مني شديد لمن يسكر بلفت اتجاه وبقول لي انا عارفك
انت لمن بتشاغل الاطفال بكون قصدك النسوان الشايلين الاطفال انا فاهمك كويس طبعا انا بتحرق
منو لكن بضحك شكرا ليك
| |
|
|
|
|
|
|
|