|
يا عصام جبر الله (أعرب الآتي)
|
أنا: عاطف مكاوى ابن المزارع (مكاوى ود (الشيخ) موسي) والشيوعي الذى كنت بمنطقة ((الجززيرة)
فيا عصام جبرالله نحن نتحداك في الآتي::------- _ الخزب الشيوعي السوداني لايزال يحترم هذه الأسرة التي أنت (منها) - ولأنني من الجزيرة أعرف الأتي أن الحزب الشيوعيي واحتراما لآسرتكم وما قدمته لا يمكن أن ينزل (شيوعيا) قياديا في أي بيت غير في بيت أسرتتكم
- مائة في المائة أننا نحتترم الدكتورة (أمال جبر الله واسستاذه ناهد جبرالله)
|
|
|
|
|
|
|
|
Re: يا عصام جبر الله (أعرب الآتي) (Re: Atif Makkawi)
|
عاطف .. من يوم وصولك هنا ، لهذا المنبر المنكوب ، لم أقرأ لك ، ولم ألمح منك إلا ما يصعب علي فهمه ..
مشاركاتك كلها غير مفهومة وتسيء لك قبل غيرك وتبني معاركها في غير معترك ..
الشيوعية ، يا عاطف يا هداك الله ، زيها وزي كل المباديء ، بتتجلى في موقف متبنيها وأسلوب إدارته لأمره ..
أرجو أن تراجع نفسك قليلاً وتراجع كلماتك كثيراً حتى تتوفق في الدعوة لحزبك المحبوب ..
| |
|
|
|
|
|
|
Re: يا عصام جبر الله (أعرب الآتي) (Re: طلال عفيفي)
|
الأخ عاطف ..
تحياتي
أولاً أؤكد إحترامي التام لك شخصياً (بحكم معرفتي السابقة بك) ولكل ما تكتبه بغض النظر عن اختلافي أو اتفاقي معك ، وذلك لايماني بحرية التعبير .
ثانياً : أرجو أن تتقبل كلامي على علاته .. لا أرى سبباً واحداً يدعوك لفتح هذا البوست ( اللهم إلا إذا كنت عايز مشاكل ).. الأخ عصام جبر الله ليست لي معرفة شخصية به ، ولكن عرفته من خلال مشاركاته في هذا الموقع ، ومن خلال من يعرفونه هنا في الدوحة التي كنت أنت يوماً مقيماً فيها ، وأظنك تعرفهم تماماً.. ( وقد ازدادت معرفتي بك من خلال مشاركاتك هنا !!!!!).. لذلك أرجو أن تعرب لي أنت الآتي: 1-ما الفائدة من فتح هذا البوست في هذا التوقيت بالذات ؟ وأقصد بالتوقيت انشغال الناس بلم الصفوف والتنسيق لمواجهة ما هو قادم (وهو الأهم).. 2-هل تعتقد أنك ببوستاتك ومداخلاتك هنا وفي بوستات أخرى تخدم الحزب الشيوعي ؟؟ 3-عصام جبر الله عضو في الحزب الشيوعي (أعتقد) بينما أنت أنكرت عضويتك بل ونفيت ذلك ، فأيهما الأولى بالحديث عن الحزب ورموزه ؟؟ أنت أم عصام ؟؟ جدادة البيت أم جدادة الخلا ؟؟؟ 4-لماذا تخلط الخاص بالعام، ولماذا تثير موضوعات في أغلبها (شخصية) وليس هذا المكان (بأي حال) هو المناسب لإثارتها ؟؟ 5-هل تعتقد الحزب الشيوعي لا يملك من العضوية من هو قادر على الحديث عنه ؟؟ وبالتالي (أناب) من يتحدث باسمه ويدافع عنه ضد (عضويته) الحقيقية ؟؟؟ قلت :
وهذا يعني أن لا علاقة لك بالحزب الآن .. ثم وفي نفس المكان عدت وقلت :
Quote: _ الخزب الشيوعي السوداني لايزال يحترم هذه الأسرة التي أنت (منها) |
ما دام أنك لست عضواً في الحزب ، فمن أين لك أن تعرف أن الحزب (لا يزال) يحترم أسرته .. مع ملاحظة أن لا يزال هذه تفيد (الاستمرار ) .. ثم قلت :
Quote: نحن نتحداك في الآتي::------- |
من أنتم ؟؟؟؟؟؟؟؟؟؟؟؟
Quote: أنا: عاطف مكاوى ابن المزارع (مكاوى ود (الشيخ) موسي) والشيوعي الذى كنت بمنطقة ((الجززيرة)
فيا عصام جبرالله نحن نتحداك في الآتي::------- _ الخزب الشيوعي السوداني لايزال يحترم هذه الأسرة التي أنت (منها) - ولأنني من الجزيرة أعرف الأتي أن الحزب الشيوعيي واحتراما لآسرتكم وما قدمته لا يمكن أن ينزل (شيوعيا) قياديا في أي بيت غير في بيت أسرتتكم
- مائة في المائة أننا نحتترم الدكتورة (أمال جبر الله واسستاذه ناهد جبرالله) |
وافقنا على (نتحداك) دي !! طيب تتحداهو في شنو ؟؟؟؟ يا هي دي مداخلتك كاملة ، وريني (كلمة) واحدة تفيد ( التحدي) ؟؟؟ ما ذكرته أعلاه يا عاطف ليس فيه أي (تحدي) !! فهلا تفضلتم (مشكورين) بتوضيح (التحدي) هنا ده وينو ؟؟؟ ثم ما دخل اخوات الأخ عصام الكريمات في هذا الموضوع . ياخي أبسط احترام لهن هو عدم ذكرك لأسمائهن هنا !! يعني يا عاطف ما لقيت الا عصام جبر الله ؟؟؟؟ ياخي عليك الله (قل خيراً أو أصمت) .. 6-أما سادساً هذه فهي ليست للاعراب ، وهي ( صّح النووووووووووووووووووووووووووووووم يا أسياد البيت).. والله أنا ما زلت مستغرب مما يحدث هذه الأيام هنا !!! أرجو أن تأخذ إجازة قصيرة ، تراجع فيها ما تكتبه هنا ، ثم عد بعدها .. وأعرف أنت (شايت على وين) !!!!!! كما أرجو ان لا أرى مداخلة لعصام جبر الله في هذا البوست ..
صلاح عبدالله..
| |
|
|
|
|
|
|
Re: يا عصام جبر الله (أعرب الآتي) (Re: طلال عفيفي)
|
الحمد الله ياعاطف الامور هدت لانو مثل هذا البوست من البوستات التي تجعل الزول (يتوتر) ويراقبه بحرص عالي لان الحديث ليس عن زول عادي ...بل انه عصام جبرالله مفخرة لكل اصدقائه وعلم فوق راسه نار..ورجل جدير بالاحترام لشجاعته ونبله وتميزه في طرح افكاره..نعم اننا جيل واحد لكن عصام جبرالله هو معلمنا والحق يقال.. فهو زينة جيل... .. عاطف ياخي تعال شاكلني لكن تهبش عصام جبرالله ده (حرم الدم ركب) ومن بكرة ح اشتكيك لهاشم كرار ابوساندرا وياسر حامد ولك كل التحية والتقدير يا عاطف وقضاينا كبري وانت وعصام وكل الاخوة المومنين بحق الفقراء والديمقراطية وعودة الوطن تحتاجكم قضايا كبري وعميقة وشاقة.. وسلام..
| |
|
|
|
|
|
|
Re: يا عصام جبر الله (أعرب الآتي) (Re: Atif Makkawi)
|
عاطف والجميع سلام
جكسا الاسبتالية احد شخصيات مدنى الشهيرة ، يعمل في المستشفي وهو انسان بسيط الحال والتفكير، عندما يسير في الشارع يناديه الناس رجال و نساء "يا جكسا.. يا جكسا" ، في مرة من المرات رد بجدية و ضيق "دين الشهرة زاتا"... و ذهبت مثل في مدنى ..
اسة انا جانى احساس زى بتاع جكسا ده!!!!
او بيت مصطفي سند:
و اعد كم اكذوبة عنى يقول الواهمون ...
ما دام انت دخلت في الدرب المقفول ده ... واصل فيهو، قول كل العندك .... فتو كلو، انت و هنادى وغيركم، لان الامر لا يتعلق بعصام او زيد او عبيد او اسرة فلان و بعد شوية ممكن تجيب القبائل كمان، هى فارقة؟
قولو العندكم .... عن الاراء والمواقف و الافكار .... و نتفاهم ....
اى جنوح للشخصي والعاطفي و التجييش ... واصلو فيهو براكم
إذا كان ماضيكَ تجربةً
فاجعل الغَدَ معنى ورؤيا!
لنذهبْ,
لنذهبْ الى غدنا واثقين
بِصدْق الخيال, ومُعْجزةِ العُشْبِ/
سلام تانى
| |
|
|
|
|
|
|
Re: يا عصام جبر الله (أعرب الآتي) (Re: esam gabralla)
|
يا جماعة الناس دي مالها
بعد شوية حا نكون عاوزين لينا مفسر شفرات
والله يا هنادي وعاطف حيرتو سحليتنا زاتها
خليتوا الكيزان واشباه الكيزان وكبابي الطبخ والشاي
وقبلتوا على الشيوعين زاتهم
بكرة دي بنشوفكم هنا عجاجتكم قايمة مع بعض انتو الاتنين
والله انتو كراكتير بس
| |
|
|
|
|
|
|
|