|
اخى الصغير ابوبكر الصديق عادل بابكر صحبتك السلامة الى الصين فى حفظ الله
|
فى تمام الساعة الثانية بتوقيت الخرطوم غادر متوجها الى الصين ابعد اماكن ارض سابقا بالخطوط القطرية ومن الدوحة الى بكين ومن بكين الى كوانزو اخى وحبيبى وصديقى ايضا ابوبكر عادل متوجها الى ارض الصين للدراسة ابوبكر عادل من مواليد 1988 درس الابتدائى والثانوى بمدارس المجلس الافريقى للتعليم الخاص ترتيبة فى البيت يعد الرابع بعد الاخت فاطمة يصغرنى ويصغر اخى ابراهيم ابوبكر او بابكر كما يحل لنا نحن فى البيت ان ننادية به نسبة لجدى بابكر اخى بابكر يعتبر اكثر الشبه بوالدى ويقول اصدقاء الوالد بانو يشبه ابى فى تصرفاتة عندما كان صغيرا بابكر يعتبر من اصعب اخوانى واخواتى لايخاف فى الحق لومة لائم خرج معنا فى مظاهرات ضد حرب العراق وخرج معى فى مظاهرات ضد زيادة الاسعار فكانت امى دائما تصرخ فينى وتقول لى كفاية واحد ماعاوزة اتنين رغم صغر سنة كان كثير المشاكل ويحب الهظار بدرجة قف تامل فمرة من المرات ابان جلوسه لامتحان الشهادة السودانية كان هناك مدرس ياتى الية لتدريسه مادة الكيمياء فكانت الدنياء بداية شهر المدرس فكان المدرس غاب حوالى 5حصص فقام والدى باعطاء بابكر حق المدرس ليعطيهو ليهو فقام بابكر بحاسب فى المدرس حساب من نكر ونكير غبت 5حصص يعنى من المفترض ماتشيل 350 تشيل 200 بس عاجبك ولا ماعاجبك اخى ابوبكر اوصيك هذة الوصاية من اخيك الاكبر احفظ الله يحفظك اذكر الله يذكرك لاتنزل بمنزل رجس وفسوق لاتصحاب الصديق الذى لايقدم لك شى لاتصحاب صديق السوء ابدا اعتمد على نفسك وذى ماوصانى ابوى قبل كدة قال ليك ياولدى اكرب بطنك انا برضو اقول ليك كدة اكرب بطنك تذكر بان هذة المنطقة التى انت ذاهب اليها ليست عربية ولا اسلامية بل خليط من كل الاجناس احفظ نفسك واذكرك بقراءة راتب سيدى الامام مهدى الله بعد صلاتى الصبح والعصر كماوصابها جدى بابكر ابهاتنا ففى راتب المهدى سياحة روحانية وروحية تاكد بان ابوك وامك واخواتك جميعهم فى انتظارك ولن يبخلو لك بشى سوى ان يروك رجلا فياخى الغربة فى بدايتها ستكون اليك صعبة وستسيلف منك الدموع كما سالت منى من قبل وكما سالت من ابى وامى واخوانك واخواتك عندما اتى ان يودعوك سالت من ابى ومن امى وسالت من ابراهيم الذى ابكانى صوتة عندما قال لى البيت فضى يامحمد بالامس انت واليوم بابكر فضيتو علي البيت احكى لى منو واشاكل مع منو سالت من فاطمة عندما قالت لى يامحمد حليل بابكر الكان بودينى الجامعة حليلو سالت من امنة عندما قالت يالله بابكر الذى كان يجاوب لى جميع طلباتى سالت من مودة عندما قالت لى البهرشنى تانى منو والكان بسوى لى البحث منو سالت من احمد عندما قال لى يامحمد ماقادر اصدق انو بابكر سافر البصلح لى العجلة منو البودينى عفراء منو سالت من هاجر عندما قالت حليل بكورى حليل بكورى وسالت من محمد ويقول حليل بكور بكور يامادكتور ربنا يحفظك ياخى فى حفظ الله وفى امان الله وفى رعاية الله لايسوق الخير الا الله ولايصرف السؤء الى الله مامن نعمة الا من الله
|
|
|
|
|
|
|
|
|