|
|
 جو فول حااااار
|
يا بورداب الدوحة
ودول الجوار
وأي مكان في العالم غائم الجو ونسماتو باردة ومنعشة
ورشة مطرة خفيفة
تفتح الشهية
والمسامات
نسمات
صنفرت المزاج
وقطرات
أنزلنا الرتاج
وحاننعم
بالفول
والمطايب
وبهيمة الأنعام
المرصعة بالحلي والحلل
المطهمة بالديباج
يا عماد عبدالله
يا معتصم الطاهر
يا معاوية الطيب
القائد بهاء
المدير نادوس
عبدالكريم
ضحية
الأنصاري محمد عبدالرحمن
القرعي البدر
فيصل عباس ود الناس القصاص
ودالعباسية موردة
وأخرين
أفتحوا الشبابيك
{وخلوا الهوى يدخل
زي الهوا ينساب }
ألهطوا
وتعالوا أزيلوا الزهج هنا
و
ولو كنتو جنب
|
|
 
|
|
|
|
|
|
|
|
Re: جو فول حااااار (Re: أبو ساندرا)
|
يا ودقاسم
إن شاء الله ينفعك
وبقران ماني حاسد
إكتشفت للتو
بعد ماجهزت الزيت
والبهار
وخلطة التوم
وواحد الكسندر واين بيرغر
إكتشفت ان الفول عندنا
ببح
الأمل الجو يستمر للمغربية
ونمشي السوق
نجيب الفول الجاهز
توقيت سييء
ينفعك يا صاحبي
| |
|
|
|
|
|
|
|
|
|
Re: جو فول حااااار (Re: أبو ساندرا)
|
يا أخو ..
ده جو لمن غلط زاتو ..
و .. الفول فولي ..
زرعته و حدي ..
و حصدته وحدي ..
و( صلحته ) وحدي ..
و كترت فيهو الشطوط و الحاااااادات .. برضو وحدي ..
و .. أكلته و حدي .
و قشيت خشمي ..
يا أصلي ..
الطرزانات الجملتهم فوق ديل و الله الا يشوفوا ليهم بوووووووش
( وش مادي لسانو ومدلدل كرعيهو )
......
هوووي .. ( ناس حامد ) .. دايرين ليكم موية زيت ؟؟؟؟
| |
|
|
|
|
|
|
|
|
|
Re: جو فول حااااار (Re: أبو ساندرا)
|
يا عمدة
ببح
وحاة خوتك
الليلة خر { كلب عب عطللي }
وماعارف التعطيل ده لمتين
غايتو يا نمشي نشوف شحدة فول { حسن شحاتة }
ولو ما لقينا { أحمد راضي }
فالعشم تعمل لينا { ودسلفاب } واللا [ سلفادور دالي }
قالوا أمس شوهدت شايل { فول مصلح } في الريتز كارلتون
كلموني { فارات الرزق } الكانوا معاك
ومن لهاثهم في التلفون أدركت ان الفول كان مدعوم زي بتاع أبوالعباس في الزمن الجميل
البيلهط براهو بيخنق يا طارة
خاصة لو كان الطارة اخو
| |
|
|
|
|
|
|
|
|
|
Re: جو فول حااااار (Re: معتصم الطاهر)
|
ابوساندرا تحياتى ........
والله فعلا هذه الايام الدوحه جوها ممتع ويدعو لل........
عارف نحنا لسه مستلمين شمار سودانى وناعم ومدقوق
وكان المسأله فيها (ام فتفت ) برضو الدكوه وصلت
لكن رايكم شنو فى مشروع شيه على البحر
| |
|
|
|
|
|
|
|
|
|
Re: جو فول حااااار (Re: محمد عبدالرحمن)
|
محمد عبد الرحمن تحياتى ........
انت عارف الركوب غلط واحد من اتنين يا تقع يال تصلح (ركبتك)
بعدين مراقبتى دى لانى ساكت لى فوق راى ....احيان الصمت ابلغ ياود عبد الرحمن
محبتى وودى..
| |
|
|
|
|
|
|
|
|
|
Re: جو فول حااااار (Re: أبو ساندرا)
|
عادل عثمان
يا دولة
أحسن حل
طالما الفولة ببح
أجسن البديل يكون عسل أمي دي
ولا { نقرمش جلاوة } على زعمات المشوطن سجم الرماد
بس يا أخو
أنت بتجيب { الحاااادات } دي من وين؟
الغرافة ألتنا الهنا دي !
| |
|
|
|
|
|
|
|
|
|
Re: جو فول حااااار (Re: أبو ساندرا)
|
أبوساندرا
الشوق بحر
دخلت علي فولك الحار .... وصحن الفول لساهو راقد ملهلب قدامي في حوش الله والرسول وتفاصيل أخري بالضرورة لن تغيب عنك (الفول بتوابله أعني) لاتمشوا بعيد . سلامات يازول ياحنين سلامات .
خضر
| |
|
|
|
|
|
|
|
|
|
Re: جو فول حااااار (Re: أبو ساندرا)
|
يا عمدة
الترسانة والسكة حديد
الترسانة بتكسرها الأمواج العاتية
والقطر لو فارق القضيب بيقع
لازم يمشي في السكة عدل
معتصم الطاهر
إتصلت فيك في أوج لطافة الجو والمزاج
رنين طويل ولم ترد
لعل المانع خير
بتعمى يا داقس من نوم النهار ده ، بيسوي الضغط
مشوار في الكورنيش أو في البدع بتجيك النسائم حلوة من الخليج ، احسن من نومة العصر البتلحق عيونك أمات طه ،، بتعرفن ؟
| |
|
|
|
|
|
|
|
|
|
Re: جو فول حااااار (Re: أبو ساندرا)
|
الفول بالزيت
و الحب البان بلمسة يد
و طعمية (حاجة زهره ) مع الدقة الملهلبة
و رشة عصرية مع ريحة دعاش
حاسدك عدييييييل كده
و نحنا يابا ادينا التلج
استراحة:-
واحد جاك ليمون دي مليان
| |
|
|
|
|
|
|
|
|
|
Re: جو فول حااااار (Re: AMNA MUKHTAR)
|
هطل المطر اليوم على الدوحه من الصبح وما زال حتى الآن بغزاره , غسل الشوارع والبيوت والعربات , العربات تمشى ببطء شديد خوف الانزلاق والبعض يشغل انوار الخطر .
ابوساندرا يلبس بدلته السوداء الانيقه وكرافتته المخططه ويضع على اذنه اليسرى البلوتوث ينبض كل ثانيه , وجدته فى مكان عمله المقابل الكورنيش , المنظر جميل والمطر ينهمر بغزاره منع الناس من الخروج الى الشارع للوصول الى سياراتهم ففضلوا ان يراقبوا الموقف من الزجاج , قلت له جو فول مصلح فأكد لى ذلك وبعض دقائق اكتشفت ان له بوست مفتوح بهذا الاسم منذ اسم لم اره عندما قال لى هو ذلك ولما عرفت اشار لى اشاره لها معنى محدد لا ستطيع ان اذكرها هنا ويبدو انه مثل ذلك العسكرى الذى فقد وظيفته فوضع له سبيل امام منزله به كوزين وجلس فى كرسيه امام السبيل وكلما حضر شخص واخذ كوزا محددا يأمره بأن يترك هذا ويأخذ الاخر او مثل الشخص الذى منعه لدكتور من اكل اللحم فصار ككلما جلس على مائده يأخذ قطعة لحم ويهديها لجاره ويقول له خذ هذه من المطايب , فهمت ذلك من مداخلة الباشمهندس معتصم وتعريضه لابوساندرا , المهم تركته وتجولت فى شوارع الدوحه المطر يهبط وماسحات الزجاج فى السيارات تعمل بهمه ونشاط بعض السيارات تعطلت فى الشارع من الطر والشرطه تقدم المساعده و توقف العمل فى الابراج الشاهقه الجديده المقابله الكورنيش بالخليج الغربى بسبب المطر , ذهبت الى منطقة السفارات , الناس توقف سياراتها وتخرج منها وتركض مسرعه للدخول الى مبانى السفاره ومن يحمل شنطه فى يده بها الاوراق يرغم على وضعها فى جهاز الفحص , مررت بالسيتى سنتر زجاجه الانيق مغسول وسيارات كروه تقف بجانب الطريق لتلتقط الناس , ذهبت ناحية حديقة البدع , دوار البدع زحمه , انعطفت يمينا بين البدع والمسرح الوطنى ثم الى منطقة وادى السيل حيث دوار الاطفائيه و مررت على مبانى القريه الاولمبيه الجديده توقف العمل فيها بسبب الامطار الا بعض العمال يقفون على حافة الشارع بعضهم يضع بلاستيك على رأسه اتقاء المطر ثم دخلت فى نفق المناعى السيارات تمشى ببطء شديد و عربتان توقفتا فى الناحيه اليمنى من الشارع وتعطلت حركة المرور البعض شغل اشارات التنبيه بصوره مزعجه تحرك الصف , دخلنا اللى جسر الجيده من كثرة المطر زجاج السياره الايمن اصبحت الرؤيه من خلاله معدومه و تقف الشرطه تحت لجسر لتنظم حركة المرور .
الدوحه اليوم مغسوله والجو غائم ويا ابو ساندرا ضيع قميصك ولا تضيع خميسك
| |
|
|
|
|
|
|
|
|
|
Re: جو فول حااااار (Re: أبو ساندرا)
|
ابو ساندرا
على الهاف موون بيتش وانوار البحرين تومض ..
نزل تلج ليلة امس ولا يزال ..تلج عدييييييييل..
الجو غائما حتى نهاري هذا..
مارايت الشمس جمعتان..الايام دي شواطي الخليج تهددني بالزواج..
امس وكت شدت المطرة احتميت بي سوق خضار في الخُـبر ..
وانا بتذكر ياربي الجو ده جو شنو.. جات فلبينية زي الدبستك ماشة قدامي وابستمت واشترت بشكير فيهو دببة سغار سغار.
عرفتا انو الجو ده جو فلبينية ..
فلبينية في شاليه..
على بعد 30 كيلو من اقرب بني ادم ..
شفتا ليك مكوة فلبينية قبل كده؟؟
Phlipino
تقول لي فول ؟؟
فول انتاده.
| |
|
|
|
|
|
|
|
|
|
Re: جو فول حااااار (Re: أبو ساندرا)
|
ضحية إبراهيم
من أمس مولع نيران المجوس منتظرك تجي داخل متابط { بهيمة انعام } من قرونه
وهاك يا شواء
تفوح دخاخينو وتغمر خياشيم الحي
وولع صبري جمر الحي
ومابتطفيهو وأي واحي
أو كما قال الشاعر المحتقب بحنجرة الراحل أحمد الطيب
في
ضاع صبري
أين يا وصلي
يا أصلي
كن قريبآ
| |
|
|
|
|
|
|
|
|
|
Re: جو فول حااااار (Re: أبو ساندرا)
|
محمد عبدالرحمن:
يا الحبيب
أي زول دخل هنا داقس خليهو في دقستو
ونحن حنواصل حتى
تنقشع السحب عن سمواتنا
أراها مازالت مرابطة
تسير كأبل الرحيل
| |
|
|
|
|
|
|
|
|
|
Re: جو فول حااااار (Re: أبو ساندرا)
|
العزيز ابو ساندرا
صباحاتك بالف خير
عنوانك السمح ده ما الشروع في الفول ظااااطو؟
مع تمنياتي لكم بفول مظبط بزيت سمسم وجبنة دويم ومااحلي الدويم واكل الفول فيها في ليالي الخميس...
محبتي واحترامي
| |
|
|
|
|
|
|
|
|
|
Re: جو فول حااااار (Re: أبو ساندرا)
|
العماد عون
أعينونا
لو إستمر :
الجو غائمآ
والوضع { عائمآ}
والفول غائبآ
في الركائب
فلا مناص
إزاء ها الحالة
سوى اللجوء
لي بيت عصام عبدالحفيظ
أنقر وأدخل
و
{ أبقى قليلآ }
حتى الصباح
| |
|
|
|
|
|
|
|
|
|
Re: جو فول حااااار (Re: أبو ساندرا)
|
كبيرنا..ابوساندرا..
الذي علمنا السحر...
ويحرضنا علي اكل..الفول.. في هذا الجو الجميل...
سلامات...
...
الفول جميل...لكن نسوي شنو مع.. (الدوام).. الفيلم الهندي ده...وانت سيد الفواليين..
يعني عارف..عموما..اتمني لك فولة...طاعمة
وكتر..الفلافل عليك الله....
تخريمة...
الشمار وصلني...ياخال....و(ابوعفان) لذيذ..وخشموا خفيف
| |
|
|
|
|
|
|
|
|
|
Re: جو فول حااااار (Re: عبدالكريم الامين احمد)
|
اسمع يا بلد
ما تعمل لينا فيها قندف
نحنا بنسلل ونجك في راس نعام
وبنقلب الهوبة في راس دبوس
و بن..... العقرب في شوكتا
محل ال.....دي املاها بطريقتك-متروكة للفنتاذيا بتعتك
وما تنسي فولك دة تخوط ليهو بهارات ابو العباس والعشرة الكرام
الاقيك في زمن لسع
فيصل محمد خليل
| |
|
|
|
|
|
|
|
|
|
Re: جو فول حااااار (Re: عبدالكريم الامين احمد)
|
لكن الليلة الدوحة غييييييييييييييير ،،
الجو مااااااااااااا شرط للارض لكن ،،
اها الفول احسن ولا اختارو ليكم صحن من الاتنين ديل ،،
البوش دا معاكم كيف ،،،
ولا دا كيف معاكم ،،،
| |
|
|
|
|
|
|
| |
أبو ساندرا
ودقاسم
Emad Abdulla
Adil Osman
معتصم الطاهر
ضحيه ابراهيم
محمد عبدالرحمن
خضر حسين خليل
AMNA MUKHTAR
wadalzain
هشام هباني
عبدالكريم الامين احمد
فيصل محمد خليل
ودالعباسية
فيس بوك
تويتر
انستقرام
يوتيوب
بنتيريست