|
|
|
 Re: الي الشياطين .... عفواا الي حواء في البورد مع التحية (Re: sudania2000)
|
سودانية الشيطانة ازيك
وشكرا على التحية الرقيقة , سوري قصدي الشيطانية لووول
يا حبيبة الشياطين ما بيحردوا
وما بيزعلوا
ولو زعلوا يزعلوا من منو وعن شنو؟
بس ما يجيك الزول العجيب بيجاي عشان ما اطلع من البوست تاني حاكم شايفاه حايم في بوستات البنات اليومين ديل ما عارفة ماله
تصدقي المواضيع دي بتجيب ليكي قراء كمية, زمان لمن تكتبي موضوع زول واااحد بهبب ليكي في بوستك مافي,
اها قمتي قبلتي على البنات؟
كلامي وصلك يا سودانية
انا باكلم سودانية عشان ما زول تاني يتحسس
نرجع ليكي اختي في الشيطنة
انا لو منك ارجع واوريه النجوم في عز البورد, قصدي في عز الظهر
جيبي البنات الذكرتيهم ديل اجتماع وباوريكي الخطة شنو في المسنجر
وعلى الملائكة الابتعاد عشان ما تطير فيهم حاجة
شياطين شياطين وماله
تحياتي
زولة الشيطانة
123
| |
 
|
|
|
|
|
|
|
 Re: الي الشياطين .... عفواا الي حواء في البورد مع التحية (Re: bayan)
|
حفودة
بيان
زولة
ندي
لكم كل الياسمين ودعواتي الصادقات بدوام الحب والنقاء
ليس انهزاما ولا جبنا
ليس سفرا ولا اختفاء
بس علي قول عسولتي
ستاكي
امبايا سانا
بالعربي
قرف
وبالسوداني
بطني طمت
وقدر الوقت البلقاهو من المعمل والمكتبة
اشوف بيهو عوالم اكثر علما وفائدة
وبيني وبينكم كدة الرجل السوداني انا رامية طوبتو من زمان
ناس المرة ماعون
والمرة شيطان
والمرة فتنة
والمرة
المرة
مهاجر اخ كريم اكن له احترام كبير
واختلف معه في تناوله للدين
من ارسل اعلم انه يريد الخير بطريقته
ومن عاتب له الشكر
وكل قطة لها مخالبها
وكلوا مع الشياطين حلوا
بصراحة كدة سيكولوجية السوداني معقدة
ولا املك وقتا للخوض في هذا الموضوع
مسالة الحريات
لا حرية بعيدة عن الاسلام
وبالاسلام اجد كل احتياجاتي العصرية وغير العصرية
وانا ما الا كيشة في دنيا الذئاب
سوري
اقصد الشياطين
سلمتم
وفي امان الله
| |
|
|
|
|
|
|
|
|
|
Re: الي الشياطين .... عفواا الي حواء في البورد مع التحية (Re: sudania2000)
|
عزيزتي سودانية
انا واثقة ان الكثيرين يقدرونك و يقدرون قبلك المرأة السودانية
وكوننا قابلنا نموذج متطرف لا يدفعنا هذا لاطلاق الاحكام على كل الرجال السودانيين
الراجل ده هو الحباكي او حيحبك
هو الرباني ورباكي, وارسلك لاخر بلاد المسلمين بكل حب وثقة في تربيتك وفي سودانيتك
هو اجمل واحن بكثير من ان نتجنى عليه بجريرة شخص معقد غريب
عشان توفري على نفسك القرف اتعلمي تشيحي بوجهك عن المشاهد الضارة في البورد
اقلبي الصفحة واكتبي موضوع جديد حاترك لك حرية اختياره
عن الحب يمكن عن الرفق او عن الجمال
اي حاجة لونها مشرق حتغطي على حزنك وعلى الكلام القيبح اللي قريتيه
واتمنى فعلا ان لا ارى ذالك الاسم يكتب في احد من بوستاتك
فهي اجمل بكثير بدونه , اكثر فضيلة واكثر ملائكية,
تحياتي
زولة123
| |
|
|
|
|
|
|
|
|
|
Re: الي الشياطين .... عفواا الي حواء في البورد مع التحية (Re: sudania2000)
|
Sudania 2000, and the others..
First, sorry to write in English, but I can only write in Arabic using Bakri's keyboard, and those who used it before would know how painful using it could be (especially for long posts).
Although I am also considered a devil according to this guy's theory, it didn't move anything inside me, the posts that start with condemning and insulting our Femininity, those posts are fake and their writers are the same, they just want to get a recaction from you for whatever sick reasons they have, don't give them what they want, ignore them, as Zola123 stated, just write a beautiful topic about life and all the wonderful things that God has given us, and that's the only way to "kill" those guys, our bold expression of ourselves, our articulation, and our mere presence is a threat to them, so let's fight them with what we have got ,and what we are good at doing, with WRITING, PARTICIPATING, and getting involved in every details of this wonderful life.
(عدل بواسطة Outcast on 09-24-2003, 04:34 AM)
| |
|
|
|
|
|
|
|
|
|
Re: الي الشياطين .... عفواا الي حواء في البورد مع التحية (Re: Outcast)
|
سودانية
يعني البوست دا راسماله بسم الله بس يطير
هههاهاهههها
انت بتقولي رامية طوبة الرجل السوداني من زمان؟
يعني كيف؟
قلعطيها من حيطة المجتمع وفنيتيها ؟
ولا كنت شايلاها في يدك ولقيتيها تقيلة ولا يدك وجعتك وقمتي رميتيها؟
ولا كيف؟ ما فهمتها؟
يعني اسع كان جاكي عريس سوداني و ترضين دينه ؟ ردك حيكون انت سوداني وانا رامية طوبتكم من زمان ؟
ولا كان جاكي عريس ما سوداني وبرضو ترضين دينه حتوافقي مباشرة لانه طوبة الاجانب لسع ماسكاها ؟
بعدين كلامك شكله ما انت الرامية الطوبة
انا غايتو طوبة المراة السودانية ماسكها لسع بس انصاص ودراب
| |
|
|
|
|
|
|
|
|
|
Re: الي الشياطين .... عفواا الي حواء في البورد مع التحية (Re: اساسي)
|
سودانية،الزولة،ندى وبقية الجندريات الائى اتين والائي لم تسعفهن الظروف بالحضور.
سلام
.
بما اننى تمكنت من قراءة جذور الموضوع فى بوستات الاخوة انصار طالبان فبكل اختصار انى اري الاتى
.
نحن حيال ازمة مجتمعية عميقة تتجلى في اختلاط ثقافة الجزيرة العربية القحة والمفاهيم المطلقة للاسلام، وسبق ان كتبت فى هذا البورد فى عدة بوستات انه لا يتاتى للاسلام كدين من لعب دور حيوي في عالم اليوم ما يتخلص الاسلام من جنسيته الثقافية العربية ليتمكن من مخاطبة كل الشعوب ومن ثم تتم عملية التبيئة للاسلام كل حسب ثقافته حتي لا يعتبر زى العرب ( ذو البرقع) هو الزي الاسلامى كما يحاول اصحاب الكتب والعقول الصفراء الجامنا اينما سنحت السانحة وما ذكرت لا يتاتى الا عبر القراءة التاريخية لكل النصوص الدينية بمعني انها تعبر عن فترة تاريخية محددة تخص مجتمع الجزيرة العربية وعليه يصبح موضوع الزى المسماة بالاسلامى هذا مسالة تتفاوت من شعب الي اخر وما هو عورة عند العر ب هو ليس بعورة فى جزر الكنارى ويصبح هنالك قران وليس ترجمة بلالتينية والفينيقية.
ربمايتسال الكثيرون ما علاقة ما اوردته هنا بموضوع الشكلة ، اقول وبكل بساطة ان ما اورده مهاجر عن علاقة المراة بالشيطان هو ماسبق ان اشرت اليه في بوست لاخت ندى كتب بالانجليزية
I believe this has many things to do with the Arabian mentality if we know that the Arab used to kill their daughters because they think that the woman is approach of sort of social scandal. The only thing that the Arab change after Islam is that they accept the survival of the woman, but they consider her as the door from which the devil will get in; how shame is that.
The way I see things is still the woman is killed, even worst than the Arab killing, it is the social oppressions that has many faces, what is said in this board by some members, and what is being in discussions in other places, mosques through the wrong interpretation to the theology represented by the story of Aziz wife and the prophet Youif and through many stories about a man who can go to heaven if he manages to control him self while a woman (the devil) is seducing him, this what thy are trying to tell us as the final truth, She is also oppressed by other fundamental constitution.
My surprise is that many people pass across such things as if it is normal, even though some women are already became brainwashed.
للاسف ما يحمله مهاجر من افكار مسممة ومسممة (بفتح الميم فى الاولى وكسرها فى الثانية) هو راى يعبر عن قطاع كبير فى السودان وغيره من الدول المصابة بجرسومة الثقافة الاسلاموعربية وهو ربما يكون الموقف السلفى والرسمى لما يسمى علماء المسلمين(قال علماء قال) والتعامل مع هذا المنهج اذا تم استخدام نفس ادوات المنهج السلفى من مغلطات حول صحة الاحاديث وسبب نزول الايات فهو لا محالة سينتهى بمواقف سجالية لا تثمن ولا تمكن لا المراءة ولا المجتمع من النهوض كحال كهوف تورا بورا.
لذا ادعو الجندريات لتبنى مناهج حفرية للخروج بهذه النصوص الدينية من الزمانى الى التاريخى
المنطقى ان هنالك عقبات تتمثل فى اصحاب المصالح الاجتماعبة الذين يجنون من تكبيل المراءة تعويضا نفسيا عن هزائمهم فى غزواتهم الفاشلة واكثر ما يذرعون به ما يتجلى من تساؤلات ذات دلات جنسية كالبنات اصبحن منحلات والمراءة السودانية فى الخارج
ومثل هكذا اكليشيهات وهذا نتاج بنية الوعى التناسلى التى هى المحرك الاساسى لعقول السلفوين وكل مااتمناه ان يواصل الجميع الحوار لهزيمة هذه العقليات الزابلة حتما.
ولنا عودة ان عدتن جميعكن.
بكرى الجاك
| |
|
|
|
|
|
|
|
|
|
Re: الي الشياطين .... عفواا الي حواء في البورد مع التحية (Re: عشة بت فاطنة)
|
الابنه سودانيه
لك ولحواء السودانيه التحيه و الاجلال
عزيزتى سيرى سبرى سيرى لا تقفى ولا تنحنى اصمدى وتحدى
هكذا تكون حواء السودانيه
قولى مالديك دافعى عن قضاياك وقضايا بنات جنسك على الرغم من قناعاتى بان فى هذا الزمن تجاوزت القضاياالجنس
والنوع
وتاكدى جيدا بان هناك الكثيرون الذين يقفون حوليك امانا بدوركم وانا اتقدمهم لاتى اعتقد رغم كل المصاعب بان الزمان زمانكم
ابنتى العزيزه
لاتدعى مثل هذه الاشياء توقف اوتضعف عزيمتك وتنسحبى وتعلنىهزيمتك
التى يسعى لها هؤلاء النوع من البشر الذين ابتلى بهم الزمن الردئ السودان وارادوا بافكارهم المسمومه هذه تشويه كل افراد المجتمع السودانى لم يسلم منهم حتى الاطفال
ابنتى العزيزه
انا اراهن عليك وعلى بنات جنسك جميعابانكن الائى سوف تبدعن سودان الغد
ولك احترامى ومعذتى
الكاب تنبح والقافله تسير
النصير الوفى
ح
| |
|
|
|
|
|
|
|
|
|
Re: الي الشياطين .... عفواا الي حواء في البورد مع التحية (Re: mohamed elshiekh)
|
الأخت سودانية والأخوات العزيزات
لكن التحية وانتن تتمرتسن في قلب هذا البورد للدفاع عن حقكن في الحياة الكريمة وفي التفكير .
سبق لي المشاركة في بوست الأخ مهاجر الذي حاول فيه التأصيل
لأفكاره الطالبانية وإظهار عداء للمرأة لا مبرر له وباسم الدين وبالمواجهة عجز الأخ مهاجر عن أن يأتي بأي آية قرآنية أو حديث شريف يدعم أفكاره القائلة بملازمة الشيطان للمرأة الشيء الذي يؤكد أن ذاك كان رأيه الشخصي والذي ربما جاء نتيجة إعتناقه للمذهب الوهابي لأنه الوهابية عندهم نفس الراي حول المراة والمرجع الذي يأخذ منه مقولاته هو من مؤلفات أو مراجع الوهابية بالذات في تعاملهم مع المرأة ، وربما يكون الأمر ناتج عن مرض نفسي كما ذكرت إحدى الأخوات وربما يكون نتيجة تربية مغلوطة متعصبة . المهم هو دحض مثل هذه الأفكار المريضة والهدامة .
الأخت / سودانية
إذا كان انت وصلتي حد طمام البطن أنا والله وصلت حد الغثيان ولكن هذا لا يعني أن تنسحبي أمام هؤلاء ، وطمام البطن أيضا لا يمكن أن يجعلك ترمي طوبة الرجل السوداني كدا على الاطلاق ، لأن الرجل السوداني دا هو الأب وهو الأخ وهو الزميل البقيف معاك عند الشدائد هو الزوج الذي يبادلك المودة والرحمة أنا أتفق معك في جدع طوبة ناس طالبان وجماعات الإسلام السياسي التي جعلت من الإسلام مطية لتحقيق أهدافهم المريضة ، ولكن يا أختي لا تجدعي طوبة الرجل السوداني على اطلاقه . والرجل البتقنعي من خيره أرمي حجره في كير ولا ترمي حجارة الرجال كلهم . ولا تنسحبي من هذا البورد .
ودمتي
| |
|
|
|
|
|
|
| |
HOPEFUL
bint_alahfad
zola123
bayan
Outcast
اساسي
Bakry Eljack
Rawia
عشة بت فاطنة
mohamed elshiekh
ABU QUSAI
مهيرة
HAMZA SULIMAN
ملكة سبأ
فيس بوك
تويتر
انستقرام
يوتيوب
بنتيريست