|
|
|
 Re: قبل الزواج بشهر..وداعا! (Re: عصام دهب)
|
Quote: وداعا ً روضتي الغنا وداعا ً معبدي القدس
***
طويت الماضي في قلبي وعشت علي صدي الذكري
وهذا الدمع قد ينبئ بظلم المهجة الحيري
لماذا الهجر يا حبي
لماذا دهرنا ضنّ وشبع روحي باليأس
***
نسيت الماضي يا ليلي وماضي الحب والطهر
ليالي نقطعوي الليل بحلو النجوي والشعر
ليالي حبنا الاولي
نسيتي الليل اذ كنا نفدي النفس بالنفس
***
أظل اردد الشكوي لما لاقيت من وجدي
حبيب الروح لا أقوي علي حمل الهوي وحدي
ولما لم أجد سلوي
كسرت ابريقي والدنا
سكبت علي الثري كأسي
***
وداعا روضتي الغناء وداعا معبدي القدسي |
| |
 
|
|
|
|
|
|
|
|
Re: قبل الزواج بشهر..وداعا! (Re: Muna Khugali)
|
| Quote: هذه الأغنيه جميله في حنينها وحزنها..تبكيني كثيرا! |
طيب دي بتبكي منو يا منى ..
Quote: حان الزفاف وأنا حالي كيفن بوصفو
يا ريت هواك لي ما انقسم ولا قلبي ريدك نزفو
قالوا البعيش الدنيا ياما تشوفو
تشقيهو بي فرقة عزيز وبالحسره ريقو تنشفو
وإن شاء الله ما يحصل فراق لقلوب بعد إتولفو
بس قولي لي أنساك كيف وأنا قلبي ريدك محنو
أبحر سنين في كون هواك والليله فاقد مأمنو
وأنا من زمان عارف البيكون وقليبى كنت بيقنو
والليله يوم حان الز%D
| |
|
|
|
|
|
|
|
|
|
Re: قبل الزواج بشهر..وداعا! (Re: عصام دهب)
|
Quote: طيب دي بتبكي منو يا منى ..
حان الزفاف وأنا حالي كيفن بوصفو
يا ريت هواك لي ما انقسم ولا قلبي ريدك نزفو
قالوا البعيش الدنيا ياما تشوفو
تشقيهو بي فرقة عزيز وبالحسره ريقو تنشفو
وإن شاء الله ما يحصل فراق لقلوب بعد إتولفو
بس قولي لي أنساك كيف وأنا قلبي ريدك محنو
أبحر سنين في كون هواك والليله فاقد مأمنو
وأنا من زمان عارف البيكون وقليبى كنت بيقنو
والليله يوم حان الز%D |
دي بقي بتقطع نياط القلوب..
ومع النياط يأتي العياط..
دايما تجو تو ليت!
أنا غايته حالي مابقدر أوصفه..
ولكنه غياب واجب..
أحبكم كثرا!
| |
|
|
|
|
|
|
|
|
|
Re: قبل الزواج بشهر..وداعا! (Re: bayan)
|
نجاة آخر يوليو انتي وين؟
فرحانه جدا بتهنئتك..
عليك الله زغردي اصله طولنا مازغردنا جد جد..
شكرا حبيبتي وانا بس ياني الساكنه في بوستي ده..
واكيد بلقاك هنا وهناك..
وعلي الرغم يا نجاة من الفرح..الا اني حزينه..
الشماليه فيها نت؟
ماظنيت..
يعني شهور طويله الأتصالات الا بالتلفونات بس..
بس أنا ما متأكده..ربنا يسهل!
| |
|
|
|
|
|
|
|
|
|
Re: قبل الزواج بشهر..وداعا! (Re: انعام حيمورة)
|
منوية .. الف مبروك .. وحا يكون وين في السودان .. لندن ولا في القاهرة
مفأجاة الارشفة بالجد...
خلينا نكون شباين انا وانعام عبد الحفيظ
سخطه من الله..شباين شنو؟
والله ده الفضل..
ده عرس بلدي...يعني توب ودهب كتيييييييير في اليدين والرقبه والصدر لامن يخنق..
العريس من......
والله هايكون يكون يوم حلو خلاص!
علي كل حال ممكن اشوف ليك عروسه حلوه مقطقطه وصغيره تبقوا ليها شبينات..
نعومتي ونعومي..تلبسوا فساتين زي بعض..وتشيلوا شمع..شكلكم بيكون سمح شديد..
عقبالكم!
وبعدين وين دي علي حسب الفيزا..
يعني يا لندن يالقاهره يالخرطوم..بوريكم الأسبوع الجاي..
| |
|
|
|
|
|
|
|
|
|
Re: قبل الزواج بشهر..وداعا! (Re: فاروق حامد محمد)
|
Quote: ألف ألف مبروووووووووووووووووووك يا موني ..
متين سووا ومتين انقال ؟؟
قاللي الليلي سد المال !! |
شكرا يافاروق..
الكلام ليه شهور بين موافقين وبين أدونا فرصه نفكر..
وغايته..حصل "أمر الله" وتمت الموافقه..
ومن باب داري علي شمعتك تقيد.زكان الكتمان..
وتمت "قراءة الفاتحه" الحمدلله..
وانت عارف دي في عرف الناس زي العقد..
وسد المال وكده تم خلاص..
ومن يوم ماقال لي تتوزني بالدهب..
وانا كل يوم زايده كيلو!
يارب ما يغير رايه بعد الزواج..ويضيع علي الدهب..ومعاه هو!
المهم..
ربنا يسعدك بأولادك وشكرا علي المباركه الجميله!
| |
|
|
|
|
|
|
|
|
|
Re: قبل الزواج بشهر..وداعا! (Re: محمد مختار جعفر)
|
Quote: كم أسعدنى هذا الخبر ، ونقول مبروك .. مبروك ..
وألف مبروك .. ترى من يكون سعيد الحظ هذا ..
مرة أخرى تحية وتهنئة حارة ..
محمد مختار جعفر |
ربنا يبارك ليك في كل خطوه تمشيها..
يس انا ما متأكده من "سعيد الحظ" ده فعلا سعيد ولا تعيس!
يللا..يعني هو هاياخذ أكتر من نصيبه؟
بس التمني برضه كويس..
لك كل التحايا أخي العزيز محمد مختار ونفسنا نفرح معاك..
انت بتضحك بسيط ليه؟
انا نفسي من زمان أشوفك بتضحك كتير ورامي الهم بعيد شويه..ممكن؟
| |
|
|
|
|
|
|
|
|
|
Re: قبل الزواج بشهر..وداعا! (Re: Muna Khugali)
|
في الأول نفهم
بعدين
إما نبارك ونهني
أو ندبرس
فلو فيها ناس حاتعرس
معانا اليومين ديل فنان غناي
والحوش ماهل
والجو رائق
والمزاج منعدل
ولو ماشة عرس ناس تانين وفايتانا
حنرفع بكب تقيل يا فندم
منتظرينك قبالة الخليج
| |
|
|
|
|
|
|
|
|
|
Re: قبل الزواج بشهر..وداعا! (Re: Giwey)
|
Quote: ؟؟؟؟؟؟
بس برضو قبل الإستفهامات دى... نقول مبروك
مقدما... رغم إنى أخشى يكون واحدمن (مقالب)
منى وهى مشهورة بالمقالب (إن كنتم لا تعلمون)
عبد الرحمن قوى |
ازيك يا صديقي قوي..
والله كان نفسي محمد عبد الوهاب وصابر وأمين يكونوا معانا..تفتكر بقدروا يجوا؟
مازالت أمسياتنا الريعه علي النيل تنعش امسياتي بحلو الذكريات!
ربنا يتوب عليك من العزوبيه دي وتلقي بنت الحلال ولا حتي الفقريه التسعدك وتسعدها بالمثل..
اصله الزواج ده حاجه صعبه شديد لدرجة قربت تبقي استحاله..
لكن أهه قسم..والله يسعدنا كلنا في القسمه والضرب...و"هو' غاية الزواج"
بنتقابل قريب لو الزواج في الخرطوم..
| |
|
|
|
|
|
|
|
|
|
Re: قبل الزواج بشهر..وداعا! (Re: أبو ساندرا)
|
في الأول نفهم
بعدين
إما نبارك ونهني
أو ندبرس
فلو فيها ناس حاتعرس
معانا اليومين ديل فنان غناي
والحوش ماهل
والجو رائق
والمزاج منعدل
ولو ماشة عرس ناس تانين وفايتانا
حنرفع بكب تقيل يا فندم
منتظرينك قبالة الخليج
ازيك يا ود بركات المبارك..
جيتك دي براها فرحه..
أنا غيرت من الدوحه للبحرين..
عاين اصحابي ناس الدوحه كتار منهم ماجو يباركوا!
شوف نور الهادي..
فيصل الزبير
هميم
السني...
اعد منو ولامنو؟
يخونكم تلفوناتي يوم الجمعه,,
وسؤالي المستمر عليكم..
خوة التابا واليابا يا ود أمي..
ونحنا بس تاني
مابنمشي لناس ما بيجونا
حتي لو بقوا معتصم الطاهر ولا فيصل عباس الحلوين..
وبس خلاص خوه فرتقناها..
هو الزول لو مالقوه في المصايب الزي دي تاني يسوا بي معرفته وصحوبيته شنو؟
ويارب..
نفرح ببناتك وتوفيقهن معاك ومع رشيده..
| |
|
|
|
|
|
|
|
|
|
Re: قبل الزواج بشهر..وداعا! (Re: ماجدة عوض خوجلى)
|
ده أنا ولا ....يا ماجده؟
تصدقي قال لي أختك قاصداني..قلت ليه أبدا هي تقصد المعني البعيد..وهو التنطيط
والقفز من فرط السعاده!
غايته مسكين هايتعب معانا..لكن بعد شويه بيتعود..
اشوفك بعدين..
| |
|
|
|
|
|
|
|
|
|
Re: قبل الزواج بشهر..وداعا! (Re: Muna Khugali)
|
قبل الزواج بشهر..وداعا! مني ده عنوان قصة جديدة بتكتبي فيها؟
وإلا العبارة دى لقيتيها في فلم مصري عجبتك ؟
وإلا ده زواج بالجد ؟
طيب لو زواج بالجد ده زواج منو ؟ أنت وإلا زول تاني ؟
أسئلة كثيرة تحتاج الى اجابة مش كده.
على العموم الف مبروك لاي زول داير يعرس.
| |
|
|
|
|
|
|
|
|
|
Re: قبل الزواج بشهر..وداعا! (Re: عادل جبارة)
|
Quote: منى خوجلي
لك مني ومن كافة أفراد الأسرة خالص الأمنيات
والدعوات بالتوفيق والسعادة والهناء
ولك تهاني ودعوات خاصة وخالصة من الوالدة
التي وصلتنا صباح اليوم ... |
اولا حمدلله علي سلامة الحاجه سلم عليها شديد لغاية ما اتصل بيها قريب..
بس مشي السوق المجنون ده يقل!
يا زول اي وقت الزول يلقاه فاضي تلقانا جرينا السوق..ده شنو ده؟
اتاريه العرس ده صعب خلاص اسهل منه الزول يقول لا داير شيله لا داير دهب ولا جوطات..
اسه أمس أكياس ذاتها يختوها وين ما عارفه..
الله بنعل الدلقن!
الدلقن ده تعبير حاجه عاشه حبوبة آيه الله يرحمها..
حاجتين كانت ما بتدورهن..
الدلقن ويعني الملابس الكتيره
والتانيه النيران..يعني الأنوار المولعه طوالي..
عرس ده اصله ولا خراب ديار؟
سلم علي ناس البيت كلهم والله يبارك فيك وفي اسرتك وايامك
| |
|
|
|
|
|
|
|
|
|
Re: قبل الزواج بشهر..وداعا! (Re: omer osman)
|
| Quote: على العموم الف مبروك لاي زول داير يعرس. |
شكرا عمر.. مبسوطه بشكل بوجودك هنا..ما تتخيل قدر ايه..
عرف الأختيار ده عمليه صعبه..واعتقد انني لم أوفق فيه سابقا كثيرا..
يعني عايز تختار زول تعيش معاه عمرك كله..ده تختاره كيف؟
تعرفه كيف؟
ما كتير الناس بتكضب وتتجمل وتغير ملامحها؟
هو ولا هي..
الناس ليه ماتقول الحقيقه وتتحدث افكارها زي ما هي بدل ما يدخلوا في تجربه خسرانه؟
يعني البخيل ممكن يقول ايدي تقيله ..
والمنظم في الأخوان المسلمين يوري قدر شنو التزامه..
والعامل فيها بروقريسيف يوري انه حلمان يكون كده لكن ما بيقدر يكون كده؟
والماعارف نفسه عايز شنو برضه يقول ماعارف..
الزواج بالمعني العميق عايز قدر كبير جدا من الثقه في النفس والوضوح..
وزواج الهامش ده ما بيخارج..
يعني كل زول عايش بعالم جواهه هو ومتفقين قدام الناس علي الحد الأدني..
اسه دي ما خيانه للعهد المقدس..
وللأطمئنان في علاقه يفترض أنها أزليه..
موش؟
المهم الله يبارك فيك ويسعدك باطفالك يا حلو..
| |
|
|
|
|
|
|
|
|
|
Re: قبل الزواج بشهر..وداعا! (Re: Ehab Eltayeb)
|
Quote: يا مني قبل ما نبارك ورونا الحاصل شنو??
لكن للضمان نحجز لينا بي طوبه ما معروف..
جعل الله ايامك كلها افراح,,, |
وجعل ايامك كلها فرح وسعاده يا ايهاب
طوبتك دي خليها قاعده لغاية يوم الحفله الكبير..ان شاء الله..
ربنا مايحرمني منك ولا منهم..
| |
|
|
|
|
|
|
|
|
|
Re: قبل الزواج بشهر..وداعا! (Re: القلب النابض)
|
Quote: مبروك شديد
ربنا يتم على خير |
ازيك يا قلب يانابض..
الله يبارك فيك..شوفتيني فرحانه كيف؟
حاجه عجيبه خلاص!
عرافه هايكون عننا حفله رهيبه خلاص..
لو بقيتي في لندن ولا السودان بتحضريها..سمح؟
ربنا يسعدك في كل خطواتك..
| |
|
|
|
|
|
|
|
|
|
Re: قبل الزواج بشهر..وداعا! (Re: حواء سليمان ابراهيم)
|
الغالية / منوية
Quote: الآف التبريكات وربنا يتم على
خير ،،
تلفونى فى البروفايل |
آمين يا حواء ويسعدك حبيبتي..
بضرب ليك باكر بأذن الله..
والله كنت عايزه لي لمه مع نساء البورد لكن مافي طريقه..
امكن يوم في السودان..
ايه رايك نتجمع كلنا في اجازه معينه ونسافر؟
نغني غني البنات ونرقص ونصفق ونضحك..موش فكره حلوه؟
خلاص فكري فيها معاي ومعاهن..
| |
|
|
|
|
|
|
|
|
|
Re: قبل الزواج بشهر..وداعا! (Re: إسماعيل وراق)
|
| Quote: نقول مبروك .. ونقول كمان وداعاً إلى أجل مسمى |
اسماعيل وراق اخوي اجل مسمي ده كيف مع الطبيخ.. والغسيل.. والمكوه وبعدين حركات مجلة حواْْء
بتاعة أمشي سريع اتلبس واتقيف وانتظره الساعه 2.30 الظهر جنب الباب واستقبله باهلا حبيبي اهلا يا روحي؟
في وقت للكلام ده؟
ما ظنيت..يا اعمل الحاجات دي وأكون زوجه ما حصلتش..يا اقعد اتونس معاكم هنا ويحصل اللي بالي
بالك..
علي كل حال خطوه اولي نقبل المباركه وبعدين نشوف هايحصل ايه..
ربنا يسعدك يا ود وراق دنيا وآخره!
| |
|
|
|
|
|
|
|
|
|
Re: قبل الزواج بشهر..وداعا! (Re: انعام عبد الحفيظ)
|
أولاً بالتبادي دي شنو ؟
الداير يعرس منو ؟؟
وداعا وين ؟
أحسن ليك تبطلي الحركات دي يا منى !!
ح تكتلي ليك زول بالطريقة دي .
المهم ..
مبروك لإنعام عبدالحفيظ .. بيت مال و عيال 
توصليها عش الزوجية و ترجعي سريع .. مفهوم ؟؟
قال شهر قال .
| |
|
|
|
|
|
|
|
|
|
Re: قبل الزواج بشهر..وداعا! (Re: Emad Abdulla)
|
Quote:
أولاً بالتبادي دي شنو ؟
الداير يعرس منو ؟؟
وداعا وين ؟
أحسن ليك تبطلي الحركات دي يا منى !!
ح تكتلي ليك زول بالطريقة دي .
المهم ..
مبروك لإنعام عبدالحفيظ .. بيت مال و عيال
توصليها عش الزوجية و ترجعي سريع .. مفهوم ؟؟
قال شهر قال |
.
الواحد يسكت تقولوا ما كلمكم..يكلمكم تقولوا حركات!
الزول ماعارف يتصرف معاكم كيف ياعماد؟!
كويس نبارك معاك لأنعام عبدالحفيظ انا ماعارفاها داسه الموضوع ليه؟
عيب يعني الزواج ولا حرام يا انعام؟
ناس عليها حركات!!
خلاص يا عماد انا بسافر مع انعام وبغيب منكم معاها علشان العرس..
بس حتي ذلك الحين ..
اذكروني فمكانتكم عندي عظيمه ولو ماعارفينها يكون خساره..والف خساره..
سمعت الأغنيه دي قبل كده؟
هاتوحشني جدا يا عماد..
ربنا يخليك ويسعدك باسرتك..قول آمين
| |
|
|
|
|
|
|
|
|
|
Re: قبل الزواج بشهر..وداعا! (Re: Mohamed Abdelgaleel)
|
Quote: مبروك كبيرة
لكين غياب يومين (بس) |
محمد عبد الجليل أنا كده ما بقبل..
انت عارف الموضوع كله...بس اسه الكلام من العريس مافي ليه داعي..
عايزاها مفاجاه كبيره كده..
زي المفاجأه بمعرفة القاتل في أفلام آجاثا كريستي في نهاية الفيلم..
ممكن يا محمد تجيب لي قصيده مؤثره من قصايد صديقنا ميرغني هنا؟
بكون فرحانه شديد لو عملت كده..
وبعدين نشوف كيف نتحايل علي الغياب ونقصره..
منتظراك..
| |
|
|
|
|
|
|
|
|
|
Re: قبل الزواج بشهر..وداعا! (Re: محمد عادل)
|
Quote: الاخت منى
الف مبرووووووووووووووووووووووووووووووك
ومنتظرنك بجاى فى القاهرة |
أهلا محمد عادل..
خلاص أنا بشوفك في مصر وعليك تعزمني ساندوتشات فول وطعميه بالعيش الشامي..سمعتني؟
ماتقول لي غالي والطلب رخيص..ولا لقيتو بالعيش الأسمر أو الطري أو المفقع..والكلام الذي منه..
اهم طريق الي قلبي هو معدتي..ومعدتي واخده علي الفقر!
ابعت لي تلفونك في المسنجر
| |
|
|
|
|
|
|
|
|
|
Re: قبل الزواج بشهر..وداعا! (Re: بكري الصايغ)
|
Quote: الاخـت الـحـبيـبة الـحـبوبة،
مـنـي،
لـم تـوضـح رؤئـة كـلامـك بعـد.
علـي وزن " لـم تـوضـح رؤيـة هـلال شـهـر رمـضان بعـد!!". |
ياسلام يابكري علي الدنيا لما تكون ملونه بالفرح..
عارف اي حاجه كده عندها معني براه..وكل معني عنده عمق..
اتاريه الفرح ده حاجه ماهينه!
انت هاتكون وين في شهر 7؟
| |
|
|
|
|
|
|
|
|
|
Re: قبل الزواج بشهر..وداعا! (Re: نيازي مصطفى)
|
Quote: ربنا يتممه على خير ويجعله بيتا سعيدا .
الف مبروك مقدما |
شكرا يا نيازي دعوه حلوه..لأنه بصراحه بدون تدخل مباشر من ربنا في موضوع الزواج ده..
القضيه بتكون بايظه!
ولا رأيك شنو؟
تسلم نيازي أخوي
يسعد ايامك..
| |
|
|
|
|
|
|
|
|
|
Re: قبل الزواج بشهر..وداعا! (Re: Hisham Ibrahim)
|
الى الأستاذة منى
امنياتى القلبية الصادقة لشخصك السامى بالسعادة والهناء
وربنا يوفقك ويجمعك بمن يقدر اصالة معدنك ويشبل عليك
اشبال الأم العطوف ويحيل ايامك الى شهد لا تنقضى لذتة
الف مبروك ايتها النبيلة
| |
|
|
|
|
|
|
|
|
|
Re: قبل الزواج بشهر..وداعا! (Re: الطيب عبدالرازق النقر)
|
Quote: الى الأستاذة منى
امنياتى القلبية الصادقة لشخصك السامى بالسعادة والهناء
وربنا يوفقك ويجمعك بمن يقدر اصالة معدنك ويشبل عليك
اشبال الأم العطوف ويحيل ايامك الى شهد لا تنقضى لذتة
الف مبروك ايتها النبيلة |
الله الله علي دعواتك الطيبه..
سعيده حقا بكل المعاني المنعشه للروح في دعواتك..
وربنا يستجيب ويدك قدرها أضعاف كتيره..
ويبارك ليك في أيامك..
لكن لو حنستني شويه وقلت لي ما تغيبي كتير.. أنا بسمع كلامك..كويس؟
تسلم الطيب أخوي..سعيده بخوتك
| |
|
|
|
|
|
|
|
|
|
Re: قبل الزواج بشهر..وداعا! (Re: Hisham Ibrahim)
|
الاخت منى خوجلي
Quote: مبروك ومبروك ومبروك الى أن تستغيثي....
لو فرحك ولو فرح قريب ليك برضو مبروك وانشاء الله بالرفاء والبنين للعروسين ....
أختنا منى يبدو عليها الخجل نرجو ممن يعرف حاجة التدخل لتوضيح الموقف ....
عموما مرة تانية مبروك ومبروك ومبروك ......
هشام |
عارف لما تجي كده الصباح ولا بالليل وتلقي زول لطيف زيك كده يقول مبروك طويله وطالعه
من القلب..تفرح بشكل ما عادي!
اسه لو ما مناسبة الزواج دي كان انا بفرح قدر كده وين!
ربنا يخليك لي أخوي ويخليكم كلم ويسعد ايامكم..
شكرا يا هشام علي اهداء الفرح..
| |
|
|
|
|
|
|
|
|
|
Re: قبل الزواج بشهر..وداعا! (Re: انعام عبد الحفيظ)
|
Quote: بس يا منوية انتي بتاعت مقالب
وإحترازاً الكلام الفوق دا كلام انعام حيمورة ما كلامي انا |
نعومتي حبيبتي..
يا سلام علي ايام الخرطوم ومقالب الخرطوم!
والله نفسي اعيدها..وخاصه في
الملك..جريفاوي..وديدي وعلي خفيف كده طلال..بس مالاقيه طريقه!
فكرة المقلب يا تجي بتخطيط يا تجي صدفه..
والأخيره دي لذيذه جدا لما ينجح فيها عنصر مباغته ومفاجأه وحاجات كتيره عجيبه..
مقالب التخطيط لو عاملها براك ممكن تنجح.. لكن لو معاك زول احتمال تفشل..او ماتكون لذيذه شديد..
لنك بتخسري واحد في المقلبه!!
ولو انها بتحميك من العقاب الفردي..لأنهم بيتدقوا معاك بعد المقلب من الممقلبين..خليك شاطره
وأحمي ضهرك تكوني كده
شكرا حبيبتي علي المباركه الجميله..انتي برضه عايزه تتسخطي زي انعام وتعملي شبينه؟
عايزين جنازه تشبعوا فيها لطم لكن بالموسيقي صح؟
لأ..مافي..
مضي عهد الشباين خلاص..
مشتاقين شدييييييد
| |
|
|
|
|
|
|
|
|
|
Re: قبل الزواج بشهر..وداعا! (Re: Osman Musa)
|
Quote: اها.
فى عطبره ؟
ربنا يتم على خير. |
عطبره دي في القلب!
ياريت والله الول يقدر يصلها اصله في واجب هنا للوصول...يعني فرض!
فاهمني ياعثمان موسي؟
لكن بس المشكله متعلقه ببعض الأجراءات..
بس أدعي ربنا يسهل لينا المشيه هناك وتقديم فروض الولاء والطاعه!
أيوه دعوه حلوه عثمان اخوي..دعوة ربنا يتم علي خير..
آمين!
| |
|
|
|
|
|
|
|
|
|
Re: قبل الزواج بشهر..وداعا! (Re: انعام حيمورة)
|
Quote: سؤال يفرض نفسه ... وما في زول ساله ...
العريس منو ؟
شغال وين ؟
وضعه شنو ؟
جنسو شنو ؟
سمح ولا شين ؟
صغير ولا كبير ؟
كلها اسئلة دائرة في الرس ولا شنو يا جماعة
ممكن نجد اجابة ؟ |
خلاص نعومي حبيبتي..
عندي فكره بتاعة سبورت لمبدأ سؤالك..
ايه رأيك نخليه يرد علي نفسه ومافي زول يرد ليه؟
عأرفه ليه؟
لأنه سؤال شخصيته مستقله وبيحب يعمل حاجاته بنفسه!
خليك معانا..وباسبورتك الأنتها ده جدديه سريع..
علشان احتمال السفر وارد..
شاطره بس تقولي عايزه تكوني شبينه؟
| |
|
|
|
|
|
|
|
|
|
Re: قبل الزواج بشهر..وداعا! (Re: nazar hussien)
|
Quote: قطع شك بكونوا عرسو هسي: التهاني كتيرة ...ومافي زول بجاوب معناها شنو؟
نقول مليون مبروك...وربنا يتم علي الف خير |
شكرا يا نذار..
الناس في الدنيا بتتعب شديد من أجل أن تشتقر..
يعني اي زول في الدنيا بيهدف بشكل أو آخر لآنه يستقر..
وانا من ضمن الناس دي نزار أخوي..
بعشق الستقرار وست بيت ممتازه..
أدعي لي بمزيد من الأستقرار..
قلت ليك..
انت مستقر ولا لأ؟
وريني حتي لو بقيت مستقر علي رأي بس..
تتبارك ايامك كلها يارب..
| |
|
|
|
|
|
|
|
|
|
Re: قبل الزواج بشهر..وداعا! (Re: د.محمد حسن)
|
Quote: انا جيت متاخر
اوع تكونو عقدتوا
لو عقدتو الف مبروك
وربنا يتمم على خير |
وانت زمان يا محمد الحسن ماقلت لي انا أختك البتحبها..
ليه طيب تجي متأخر؟
ربنا يسامحك وانا زعلانه منك..بس!
| |
|
|
|
|
|
|
|
|
|
Re: قبل الزواج بشهر..وداعا! (Re: ناذر محمد الخليفة)
|
Quote: ألف مبروك يا منى ..
بالتأكيد حا أكون حاضر أخر شهر سبعة |
ايوه كده دي الأخبار التمام..يكون في عرسين بعروسين وعريسين!
والناس تشوف الدنيا بمبي مسخسخ..تغني وترقص فرحانه..
كلامك فرحني كيف؟
قاااااااادور كده..
ومتين يوليو ده يجي!
جنس شفقه غايتو!
بس خساره كان نفسي احضر عرسك في الخرطوم..
معليش ماعندي حظ البركه في القاهره..
ميروك مقدم يا ناذر فرحانه ليك شديد..
بضرب ليك ان شاء الله..وسلم لي علي الحبايب كلهم وأولهم خطيبتك..
| |
|
|
|
|
|
|
|
|
|
Re: قبل الزواج بشهر..وداعا! (Re: خضر حسين خليل)
|
Quote: تهانينا يامني
وبيت مال وعيال
وإتمنيت لو كنت معاكم |
والله انا نفسي يا خضر كنت تكون موجود..
غايته الأشارات لغاية دلوقتي بتقول القاهره بس..
لكن ان شاء الله شهر 12 بكون معاكم..
نفسي افرح بيك يا حسين..لسه شويه؟
ربنا يسعد خطولتك ويسهل طريقك..
| |
|
|
|
|
|
|
|
|
|
Re: قبل الزواج بشهر..وداعا! (Re: Muna Khugali)
|
العروس اتقلي شوية ما نزلنا ليك اغنية شنو ما عجبتك ...
والله حا نبكي على فراقك بالجد ...
لكن ذي ما قلت ليك انا الوزيرة لو العرس في اي مكان ...
خلي انعام عبد الحفيظ براها تكون شبينة انا رقيت نفسي ...
اي طلبات ؟؟
| |
|
|
|
|
|
|
|
|
 Re: قبل الزواج بشهر..وداعا! (Re: معتصم دفع الله)
|
الأخت منى
ألف مبروك..تمنياتي لك بالتوفيق والسعادة الدائمة..ولاشك أن الطرف الآخر محظوظ و(أمه داعيالو)..تستاهلي كل خير وتستاهلي أن تفرحي وأن نفرح بيك ..التهاني موصولة للأسرة الكريمه.
الزاكي
| |
|
|
|
|
|
|
|
|
|
Re: قبل الزواج بشهر..وداعا! (Re: nile1)
|
Quote: ألف مبروك..تمنياتي لك بالتوفيق والسعادة الدائمة..ولاشك أن الطرف الآخر محظوظ و(أمه داعيالو)..تستاهلي كل خير وتستاهلي أن تفرحي وأن نفرح بيك ..التهاني موصولة للأسرة الكريمه.
الزاكي |
ربنا يطمنك ويسر بالك الزاكي أخوي..
عارف اخواتي قالوا لي ..عكس كلامك!
قالوا لي أكيد أمه داعيه عليه!
أخواتي ديل عندهم كلام قاسي خلاص..
لكن ماما جاره قالت ليهم لأ..
مني بتي دي يا بختوا البيتزوجها...
هايخلص من هم الدنيا!
ماما جاه دي تكون قاصده انه هايعيش سعيد موش؟؟
شكرا الزاكي..قطعا من حق كل انسان أن يفرح ...وأن يبحث عن الفرح في زمن يتمدد الحزن في
دقائقه وثوانيه..
سلامي لك وللأسره..
| |
|
|
|
|
|
|
|
|
|
Re: قبل الزواج بشهر..وداعا! (Re: معتصم دفع الله)
|
Quote: آلاف التهاني والتبريكات يا منى ..
ربنا يتمم على خير .. |
شكرا يا عصوم تبريكات جميله ومتأكده انها مباركه..
وربنا يتمم علي خير دي انا فعلا محتاجه ليها..
كتر منها عليك الله يا معتصم..كويس؟
نفرح معاك بكل جميل..آمين
| |
|
|
|
|
|
|
|
| |
Muna Khugali
عصام دهب
هاشم أحمد خلف الله
ابو جهينة
د.محمد حسن
bayan
Gaafar Ismail
محمد مكى محمد
محمد خليل إسماعيل
انعام حيمورة
AbuAla
محمد على طه الملك
فاروق حامد محمد
محمد مختار جعفر
أبو ساندرا
Giwey
سامي عبد الوهاب إدريس
ماجدة عوض خوجلى
omer osman
القلب النابض
Ehab Eltayeb
حواء سليمان ابراهيم
Ishraga Haimoura
إسماعيل وراق
انعام عبد الحفيظ
Emad Abdulla
نيازي مصطفى
Mohamed Abdelgaleel
محمد عادل
Hisham Ibrahim
الطيب عبدالرازق النقر
Osman Musa
nazar hussien
ناذر محمد الخليفة
خضر حسين خليل
معتصم دفع الله
nile1
abubakr
فيس بوك
تويتر
انستقرام
يوتيوب
بنتيريست