|
|
 لوثة صدق !
|
. . [qb]
هل حدث أن أصبتم بلوثة صدق مطلق؟؟
هل سبق أن منيت إحداكن بلحظات غاية في الصدق و الشفافية و قالت ما تريد لمن تريد كما تفكر فيه بالضبط بدون مرور على "مقص الرقابة الدبلوماسية" أو عمل مونتاج؟؟؟
هل حدث أن قلت لأحدهم "أنت لا تحتمل و لست من النوع الذي يمكن أن أجاري""؟؟
هل حصل أن واجهت مديرك برأيك فيه بدون رتوش و كان الرأي غاية في القسوة و المباشرة؟؟
هل قلتم يوماً لإنسان ما (يا ذا الدواخل الخربة) بعد أن اعتقدتموه فارس الحوبة و المدرج العاطلة فإذا به المعطل الدارجة؟!
هل واجهتم منافق بأنه منافق؟
هل قابلكم جميل الثياب والوجه قبيح النفس و عرف رأيكم فيه؟
لو حدث بعض أو كل ما سبق، فكم مرة في حياتك أصبت ب(لوثة الصدق) هذه؟
فى هذا البوست دعوة لحكي تجاربكم الخاصة و تلك التي سمعتموها عن "لوثات" الصدق والصراحة، عفواً تسمى في (عالم اليوم) بعدم الدبلوماسية وهي التي تصيب الإنسان كثيراً و أحياناً تكون عواقبها وخيمة.
دعوة للكل لتوثيق هذه التجارب الجيدة دائماً-مهما كانت عواقبها-والتي لا تخلو أحياناً من مفارقات وربما طرافة!! ف(من يدري)؟!
محبتي
[/qb]
|
|
 
|
|
|
|
|
|
|
 Re: لوثة صدق ! (Re: Ahmed musa)
|
Quote: أختي لنا
لماذا وضعت الصدق بمرتبة الـ (لوثة) ؟!!!
ودمتي |
أخي الحبيب أحمد
لأن كثر في مجتمعنا يعتبرون ال(صادق)(ملتاثاً)!!!
| |
|
|
|
|
|
|
|
|
|
Re: لوثة صدق ! (Re: lana mahdi)
|
الحبيبه لنا
انت ما شايفه انه الصدق جر علينا شنو؟؟؟
قايله كل الهجوم ده لي؟؟ما لانه قلنا للاعور اعور في عينه؟؟؟
Quote: هل حدث أن أصبتم بلوثة صدق مطلق؟؟
هل سبق أن منيت إحداكن بلحظات غاية في الصدق و الشفافية و قالت ما تريد لمن تريد كما تفكر فيه بالضبط بدون مرور على "مقص الرقابة الدبلوماسية" أو عمل مونتاج؟؟؟ |
انت ما شايفاني بخت الكلام لب..لب....لب
اما انت يا لنا اراك تجاملي كثير
ولذا مقدره انفاق مرارتك
واكيد بتكوني مقتنعه بحصادك....والا لما استمريتي.
لكن انا وحياتك لو كتلوني ما بقدر على البتعملي فيه ده.
اما على مستوى المدراء....فانسي اختك صايته الدنيا.
الجماعه الشغاله معاهم وهم على فكره منظمه نسويه
وعاملين ضد التمييز العنصري بتاع الرجل وضد..الجن االحمر...و...والخ.
وطبعا عامل ضد التمييز العنصري العرقي!!
اها سوا لينا المغائس ونحن ساكتين...
وفجأ قالوا اوكلوا مهمة التخطيط القادمه لمستشاره في التخطيط وحتقعد مع كل الموظفات
للاستماع لارائهم...لاضافتها في التخطيط الاستراتيجي!!
وعينك ما تشوف الا النور...وحاتك القالته اختك...خلى لك البيض دي دخلوا في نص هدومهم
ومديرتنا رقدت عيانه اسبوع!!لما حكيت عن العنصريه الاصليه البيمارسها بدبلوماسيه وأدب
ووضحت اننا صاحين ليها وما بتمشي علينا و اليشوفوا ليهم لعبه غيرها.
وبنفس المستوى وضحت اهمية برامجنا وما اضفناه لهم,يعني كنت بشرك وبحاحي.
من ناحيه وضحت بالاسانيد عدم امكانية الاستغناء عننا..وفي نفس الوقت ضرورة الحفاظ علينا بالطريقه
النحن عايزنها!!
يومها لي زميلتين ما صدقوا..انه ممكن اقول القلته.....قلت ليهم انتو مجانين يعني نموت بمغستنا؟؟ اظرف حاجه لما شرحت للخواجات معنى المثل بتاع الله ما شقة حنكنا ضيعه!!
قلت لهم نحن آخر من نفكر في القروش,لانها لو بتهمنا ما جدعنا امكانيه اوضاع افضل لنحضر لهنا
ولو نحن بنطاطي كان طاطينا للكيزان اولى...مش شقينا بحور وبلاد عشان نطاطي هنا!!
وما تتخيلي الامتيازات الحصلنا عليها بعد السلخ داك!!
برجع لك آخر اليوم...بباقي القصص.
| |
|
|
|
|
|
|
|
|
|
Re: لوثة صدق ! (Re: Tragie Mustafa)
|
Quote: الحبيبه لنا
انت ما شايفه انه الصدق جر علينا شنو؟؟؟
قايله كل الهجوم ده لي؟؟ما لانه قلنا للاعور اعور في عينه؟؟؟ |
أها يا تراجي الحبيبة طالما حددتي حالة فأعتقد مشاكلك هنا بسبب إنك بتصري إنك إنتي الصح و كل الناس غلط..وما بترضي زول يراجعك في مواقفك..ولو حبيبك إختلف معاكي في تفصيلة صغيرة ممكن بكرة يبقى عدوكي...ممكن تخسري زول بسبب موقفه من آخرين...يعني صداقاتك بتتحكم في خلافاتك هنا أو فلنقل تعمقها أو تبددها....كثيرون هنا يقولون رؤاهم بمنتهى الوضوح و الشفافية دون أن يجر عليهم ذلك مشاكل...
(لوثة وللا ما لوثة؟) Quote: انت ما شايفاني بخت الكلام لب..لب....لب
اما انت يا لنا اراك تجاملي كثير
ولذا مقدره انفاق مرارتك
واكيد بتكوني مقتنعه بحصادك....والا لما استمريتي.
|
غايتو لو يوم لقيتيني ما واقفة معاك فدة معناتا رأيي في موقفك هباب و إنك غلطانة فما تعتبريها مجاملة لناس آخرين لأن المجاملة معناتها اقتناع بحاجة لكن تمرير أخرى..ومعنى كلامي+ كلامك عزيزتي إنك بتهبّبي كتير
وطبعاً يا حبيبة إنتي من النوع الأصلو ما بتقبلي النصيحة لذلك أتوقع تجي زعلانة هنا نتيجة لوثة الصدق بتاعتي دي ولو ما زعلتي حأستغرب
| Quote: لكن انا وحياتك لو كتلوني ما بقدر على البتعملي فيه ده |
شي طبيعي يا أمي لأنو لو كنتي بتقدري كنتي عملتيهو
وللا دايراني بدون قناعة أقيف في مواقف ما مقنعة بالنسبة لي؟أها دة موضوع بوستيني ذاااااااااتو
أها نرجع لمرجوع البوست بعد التخريمات أعلاه
Quote: اما على مستوى المدراء....فانسي اختك صايته الدنيا.
الجماعه الشغاله معاهم وهم على فكره منظمه نسويه
وعاملين ضد التمييز العنصري بتاع الرجل وضد..الجن االحمر...و...والخ.
وطبعا عامل ضد التمييز العنصري العرقي!!
اها سوا لينا المغائس ونحن ساكتين...
وفجأ قالوا اوكلوا مهمة التخطيط القادمه لمستشاره في التخطيط وحتقعد مع كل الموظفات
للاستماع لارائهم...لاضافتها في التخطيط الاستراتيجي!!
وعينك ما تشوف الا النور...وحاتك القالته اختك...خلى لك البيض دي دخلوا في نص هدومهم
ومديرتنا رقدت عيانه اسبوع!!لما حكيت عن العنصريه الاصليه البيمارسها بدبلوماسيه وأدب
ووضحت اننا صاحين ليها وما بتمشي علينا و اليشوفوا ليهم لعبه غيرها.
وبنفس المستوى وضحت اهمية برامجنا وما اضفناه لهم,يعني كنت بشرك وبحاحي.
من ناحيه وضحت بالاسانيد عدم امكانية الاستغناء عننا..وفي نفس الوقت ضرورة الحفاظ علينا بالطريقه
النحن عايزنها!!
يومها لي زميلتين ما صدقوا..انه ممكن اقول القلته.....قلت ليهم انتو مجانين يعني نموت بمغستنا؟؟ اظرف حاجه لما شرحت للخواجات معنى المثل بتاع الله ما شقة حنكنا ضيعه!!
قلت لهم نحن آخر من نفكر في القروش,لانها لو بتهمنا ما جدعنا امكانيه اوضاع افضل لنحضر لهنا
ولو نحن بنطاطي كان طاطينا للكيزان اولى...مش شقينا بحور وبلاد عشان نطاطي هنا!!
وما تتخيلي الامتيازات الحصلنا عليها بعد السلخ داك!! |
تعرفي يا تراجي أنا كنت قايلة أنو المدراء الما بتقبلو النصيحة ديل إلا في العالم العربي أو دول العالم الثالث بالأصح، تراها بلوة عالمية! مشكلة كبيرة في بلد تحارب العنصرية تجدي مدير عنصري و بالواضح كدة!
| Quote: برجع لك آخر اليوم...بباقي القصص. |
في انتظارك..تسلمي
| |
|
|
|
|
|
|
|
|
|
Re: لوثة صدق ! (Re: lana mahdi)
|
لا يا لنا
وما تفتكري انك برضو صاح
وتكوني زعلته عشان قلتلك بتجاملي.
اولا المجامله ما سيئه,نحن شعبا مجامل بطبعنا.
لكن بالمناسبه ما اوردتيه هنا يدخل في باب الغتيال الشخصيه.
اطلاقا ما كان اختلفي مع القلت عليهم لانهم اختلفوا معاي
ولاني ما بهظر فطوالي حاديك امثله.
خالد كودي..ليس لانه اختلف معاي في موضع الصداقه مع اسرائيل
لكن لانه حاول يتعرض للشخصيه الطارحع الموضع نفسها,وهذه مشكلته
زل زي ده ماعندي نقاش معاه.
اديك مثال آخر الاخ امد الامين اخو( كيكي) يختلف معي في موضع الصداقه مع اسرائيل
وسجل رايه بتفنيد وحجج كثيره,ولكنه لم يشخصن الامور..اقرأ لك بكل احترام واتداخل معه دائما
واعتز بكل ما يكتب على فكره هو من الاقلام القليله التي احترمها بهذا البورد للمصداقيه
العاليه عنده,اختلف معه واحترمه جدا,وهو نفسه قد لا يعرف مكانة قلمه عندي ولكني اقرأ له بكل احترام.
ثانيا يا لنا انت الضرب التحت الحزام قد تكوني ما عارفها,لكن كثير منه يتم هنا بهذا البورد.
اديك مثال آخر مهم جدا لكنكم لا تهتموا له لانه لم ترافقه كثير ضوضواء وبوستات من النوع اياها
بتاع الردحي...وقف زميلي الزي احترمه حدا واثمن مواقفه الاصيله محمد سليمان ايام توقيع
اتفاقية ابوجا مع الاتفاقيه ودافع عنها.وقفت ضدها..ولكننا لم نغلط ولا لحظه في بعضنا...لان احترامنا راسخ لبعضنا وتثميننا لمواقفنا لا لا جدال حوله.
وتراجع محمد سليمان عن ابوجا ودعمها,ولم نختلف وكنا نعلم ان مكانه الطبيعي بيننا
مع الرافضين لابوجا.
اذن محاولة ترويج ان تراجي تمسح بالارض من يختلف معها غير صحيحه,وانما تراجي تقرأ ما بين السطور جيدا لذلك يصعب خداعها.زان تراجي لا تقبل الراي الآخر ايضا غير صحيح,ولكن تراجي
يفكر احدهم ان يدعس على طرفها وتسكت طبعا يا ويله.
عشان كده على فكره انا لا اشغل نفسي بتفاصيل ناس البورد ده كثير....
Quote: تعرفي يا تراجي أنا كنت قايلة أنو المدراء الما بتقبلو النصيحة ديل إلا في
العالم العربي أو دول العالم الثالث بالأصح، تراها بلوة عالمية! مشكلة كبيرة في بلد
تحارب العنصرية تجدي مدير عنصري و بالواضح كدة! |
الفرق يا لنا ان القانون مؤدب الناس هنا عشان كده المديره عيت لمجرد خوفها ان يروج عنها ان بعض موظفيها يشكون من العنصريه؟؟وبالمناسبه الحاله هي نفسها ما عنصريه ولكن بعض موظفاتها,لذا مرضت من مجرد الخوف انه هذا تمت تحت اعينها وهي غير منتبه.
الاكثر آلما لما يكون لينا حق التعبير ونخاف من استخدامه وهذا ما كان مدهش لزميلاتي فهن
معي من نساء العالم الثالث وقاعدين في العالم الاول بعقيلة العالم الثالث الخوف من المدراء!!
وتأكدي كلماتك لن تغضبني فانت حره في تقيمك...ولكن الفهم الجلابي لم يجانبك كثيرا فيك شوية
جلبنه في هذا الحكم
| |
|
|
|
|
|
|
|
|
 يجلّب راسك (Re: Tragie Mustafa)
|
Quote: وتأكدي كلماتك لن تغضبني فانت حره في تقيمك...ولكن الفهم الجلابي لم يجانبك كثيرا فيك شوية
جلبنه في هذا الحكم |
شفتي؟
أها بقيت جلابية
نسيت أضيف قصة جلابة و ما جلابة
حسة أنتي ما جلابية؟جلابية ولا نص جلابية ؟
حسة في ذمتك إنتي في زول بيغتال شخصيتك؟
ما بي إيدك و شديدك بتاخدي حقك
أها كلامي كلو ممكن أصيغو ليكي بعبارة تانية ودة الدايرة أثبتوا من البوست دة و هو اللغة قوالب المعاني و فيها خيارات:
لو زول داس لزول صديق ليكي على طرف أي حاجة من طرف الزول دة بتكون غلط و ما مقبولة بالنسبة ليكي.
أها ممكن نسميه طيبة أو انطباعية أو وفاء غير عادي للصداقة
ممكن كل زول هنا ياخدها بفهم حسب فهمو ليكي
Quote: خالد كودي..ليس لانه اختلف معاي في موضع الصداقه مع اسرائيل
لكن لانه حاول يتعرض للشخصيه الطارحع الموضع نفسها,وهذه مشكلته
زل زي ده ماعندي نقاش معاه. |
وبالنسبة لقصة كودي
موقفك كان معه مية و تمنين درجة و أصبحتي ضده مية و تمنين درجة..
هل تعرض لك أم لمواقفك و رؤاك؟ بعدين من يتابع البورد ويرى المواقف يظن أن الكل يعرف الكل بعمق..وهو ما يمكن ألا يكون صحيحاً..لكن المداخلات بتدي إحساس زي دة..
| |
|
|
|
|
|
|
|
|
|
Re: لوثة صدق ! (Re: lana mahdi)
|
الحبيبة لنا، سلامات..
الكاتب المسرحي الساخر، موليير، كتب مسرحية "عدو البشر" ذلك الشخص الصادق الذي لا يجامل لاحبيب ولا عدو، فقد قرأ أحد الأثرياء الوجهاء قصيدة على بطل "عدو البشر" الذي لم يخف رأيه بأن القصيدة رديئة جداً وأن على صاحبها الذهاب بها ورميها في أقرب مرحاض.
على الجانب الآخر، هناك المثل البيقول: كمّا بلعتَ ريق، فوق ريق، ما بتكسب حبيب!
والمثل البيمجد؛ البيقول للأعور أعور في عينو!
وهناك الآية الكريمة: "لو كنت فظا غليظ القلب لانفضوا من حولك"
هناك طبعاً خيوط دقيقة تفصل بين موجبات الصراحة، والوقاحة.. بين الصدق والمجاملة، وهناك قصة إحسان عبدالقدوس "أنا لا أكذب ولكني أتجمل"!
تبقى الحصافة في تمييز ما هو مبدئي، وما هو ثانوي.. فلا مجاملة فيما هو مبدئي ورئيسي، لكن هناك أشياء هامشية نغض الطرف عنها أو نشير إليها بلطف..
نحن جننا تشنيف، من نشوف لينا شافع جديد لواحد من أصحابنا، نقعد نطلع ليك في إضنينو الطوال، وراسو المدوقس، وشنو داك ما عارف.. نفس الشافع المشنفنو ده في أمريكا يلاقوك الناس في المصعد، ولا عند الباب، يقعدو يشكرو ليك فيهو.. "هي إيز كيوت!" ويقعدوا يشاغلو ليك في الشافع ويضاحكو لامن تستغربي، وتشكي ياربي ديل بي صُحهم؟
وفي النهاية هناك مثل يماني -والحكمة يمانية- يقول المثل: ما يضُر غير الكلام المُر.
خُلاصتو، لا مجاملة في المبدئي. فيما عدا ذلك يجوز.. طبعاً حايجي زول يقول ليك المبديء ذاتو خشم بيوت!
تحياتي..
| |
|
|
|
|
|
|
|
|
|
Re: لوثة صدق ! (Re: عدلان أحمد عبدالعزيز)
|
Quote: الحبيبة لنا، سلامات..
الكاتب المسرحي الساخر، موليير، كتب مسرحية "عدو البشر" ذلك الشخص الصادق الذي لا يجامل لاحبيب ولا عدو، فقد قرأ أحد الأثرياء الوجهاء قصيدة على بطل "عدو البشر" الذي لم يخف رأيه بأن القصيدة رديئة جداً وأن على صاحبها الذهاب بها ورميها في أقرب مرحاض. |
أخي الحبيب عدلان
هل من الممكن أن يكون الموقف المذكور أعلاه سبباً في تجويد كاتب القصيدة لقصيدته؟هي صراحة محمودة إذن..
Quote: على الجانب الآخر، هناك المثل البيقول: كمّا بلعتَ ريق، فوق ريق، ما بتكسب حبيب!
والمثل البيمجد؛ البيقول للأعور أعور في عينو!
وهناك الآية الكريمة: "لو كنت فظا غليظ القلب لانفضوا من حولك" |
وهو ما تجده جلياً في الكيانات أو المجتمعات القائمة على التربية الروحية، إغلاظ القول أو الصراحة الزائدة يزعجان أفراد هذه المجتمعات المستصحبة لهدي الدين في التعامل بين الناس.
Quote: هناك طبعاً خيوط دقيقة تفصل بين موجبات الصراحة، والوقاحة.. بين الصدق والمجاملة، وهناك قصة إحسان عبدالقدوس "أنا لا أكذب ولكني أتجمل"!
تبقى الحصافة في تمييز ما هو مبدئي، وما هو ثانوي.. فلا مجاملة فيما هو مبدئي ورئيسي، لكن هناك أشياء هامشية نغض الطرف عنها أو نشير إليها بلطف.. |
بالضبط و هنا مربط الفرس...المبدئي لا يمكن المجاملة فيه وما عدا ذلك ممكن، تذكرت أنني قرأت هذا الصباح لأخ جد أحترمه- لأنه حقيقة شخص أمجد- قرأت جملة هنا قالها لمخالف له في الرأي حين خاطبه ب(كلامك مجانب للحقيقة) في وقت كان يمكن أن يصرخ في وجهه بكلمة (كاذب)..ولكنه أوصل نفس المعنى بلغة طيبة.
| Quote: نحن جننا تشنيف، من نشوف لينا شافع جديد لواحد من أصحابنا، نقعد نطلع ليك في إضنينو الطوال، وراسو المدوقس، وشنو داك ما عارف.. نفس الشافع المشنفنو ده في أمريكا يلاقوك الناس في المصعد، ولا عند الباب، يقعدو يشكرو ليك فيهو.. "هي إيز كيوت!" ويقعدوا يشاغلو ليك في الشافع ويضاحكو لامن تستغربي، وتشكي ياربي ديل بي صُحهم؟ |
نحنا بالجد شعب شناف، و لكن التعليق على صفات جسمانية -خاصة بالنسبة للأطفال- قد تكون سبباً رئيسياً لإصابتهم بألم نفسي يستمر حتى مستقبل أيامهم..
Quote: وفي النهاية هناك مثل يماني -والحكمة يمانية- يقول المثل: ما يضُر غير الكلام المُر.
خُلاصتو، لا مجاملة في المبدئي. فيما عدا ذلك يجوز.. طبعاً حايجي زول يقول ليك المبديء ذاتو خشم بيوت!
تحياتي.. |
بالجد سبقتني للتعليق، سيأتيك من يقول لك إن المبدئي خشم بيوت ..محبة و تقدير لك
| |
|
|
|
|
|
|
|
|
 Re: لوثة صدق ! (Re: lana mahdi)
|
لأن كثر في مجتمعنا يعتبرون ال(صادق)(ملتاثاً)!!!
that is why your the princess of this board
not every one can say a meaningful sentence
thank you
| |
|
|
|
|
|
|
|
|
|
Re: لوثة صدق ! (Re: Mustafa Mahmoud)
|
Quote: لأن كثر في مجتمعنا يعتبرون ال(صادق)(ملتاثاً)!!!
that is why your the princess of this board
not every one can say a meaningful sentence
thank you |
أخي الحبيب دكتور مصطفى
لكن (الصادق) لا يهمه أن يقولوا عليه (ملتاثاً)؛
هم يقولون..ماذا يقولون..دعهم يقولون!
لك التقدير
لنا
| |
|
|
|
|
|
|
| |
lana mahdi
Ahmed musa
Tragie Mustafa
Ishraga Mustafa
Mustafa Mahmoud
فيس بوك
تويتر
انستقرام
يوتيوب
بنتيريست