فلتقم صاحبة الحاجة إلى حاجتها: طه حسين قال الشعر العربي الجاهلي دا كلو منجور في العصر العباسي، قالوا ليهو أبداً الناس ديل كانوا يكتبوا الشعر دا وبجيبوهوا شايلنو في الحمير مكتوب في الجلود وبعلقوهو في سوق عكاظ بين "مزادات الحروف"، بُهت الذي كفر
عمرو بن هند ملك الحيرة يوم قاعد في مجلسويضري عيشو قال للجماعة؛ هل تعلمون أحد من العرب تأنف أمه من خدمة أمي؟ واحد قال ليهو ما في لكن يمكن ليلى أم عمرو بن كلثوم تأنف؛ فهي بنت المهلهل الزير سالم وعمها كليب كان ملك وابنها عمرو بن كلثوم فارس العرب وزوجها كلثوم بن مالك سيد من سادة العرب. المهم عمرو بن هند دردق عمرو بن كلثوم وعزمو الحيرة وقال ليهو جيب معاك أمك، وبقية القصّة معروفة؛ هند قال ل ليلى عليك الله ناوليني الحاجة دي، ليلى قالت ليها فلتقم صاحبة الحاجة إلى حاجتها، تاني قالت ليها عليك الله ناوليني ليها، قالت ليها قومي شيلي حاجتك براك، تالت مرة ليلى صرخت وا ذلاه يا لتغلب بهناك ولدها قطع راس الملك وأنشد: ألا هبي بصحنك فاصبحينا ولا تبقي خمور الاندرينا مشعشعة كأن الحص فيها إذا ما الماء خالطها سخينا أبا هند فلا تعجل علينا وانظرنا نخبرك اليقينا بأنا نورد الرايات بيضاً ونصدرهن حمراً قد روينا
وتماها بعد داك مائة بيت وقال للجماعة أحفظوها واشتروا ليكم جلود معيز أكتبوها فيها، ويوم سوق عكاظ الجاي جيبوها نعلقها هناك ونشوف ناس عنترة ولبيد ديل بقدروا يقولوا كلام زي دا؟! خلونا من زندقة طه حسين دي، الغريبة اسم كلثوم كان زمان اسم راجل لكن السودانيين ديل قلبوهو اسم امرأة !
01-05-2026, 10:31 AM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5903
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوبكر عباس
عبداللطيف حسن علي
طلحة عبدالله
فيس بوك
تويتر
انستقرام
يوتيوب
بنتيريست