|
|
|
 Re: أسباب الانفصام في مخيال/سايكولوجية الزول (Re: محمد جمال الدين)
|
اعترف: كم مرة في الإسبوع تزور محل المخدرات والقمار؟. تحدث بأمانة!
الفيسبوك شارع طويل فيه أربعة محلات:
في الشارع دا، عندنا أربع محلات مختلفة، لكن أرباحها واحدة تقريبًا:
1- محل الفول والفلافل:
يخدم حوالي 600 زبون في اليوم،
بيربح 6 مليون جنيه يوميًا.
وجبات سريعة… رخيصة… ومحبوبة من الكل.
2- المطعم الفاخر:
بيزوره حوالي 100 زبون في اليوم،
وبرضو بيكسب 6 مليون جنيه.
وجبات دسمة… مغذية… بتناسب الناس الراقية.
3- محل المجوهرات:
بيدخلوه 6 زبائن بس في اليوم،
لكن الدخل هو ذاته: 6 مليون جنيه.
ناس رايقة وغنيانة… ما كتار، لكن الصرف تقيل.
4- أما المحل الرابع... السرّي:
متخصص في المخدرات والقمار وأشياء تانية.
ما معروف كم زبون بيجيه، ولا كم بيكسب،
لكن حسب كلام الخبراء، ال 600 الزبون
الما مشوا المطعم الفاخر، ولا اشترو مجوهرات،
طلع بيصرفوا قروشهم هنا!
نفس المشهد بالضبط في الفيسبوك:
محل الفلافل = المحتوى الخفيف، النكات، القفشات، والأسطر القصيرة.
المطعم الفاخر = المقالات الجيدة، القصص الأدبية، والتحليلات العميقة.
محل المجوهرات = الأفكار الفلسفية الرصينة، ونتائج البحوث العلمية الموثقة.
أما المتجر السري = الهيافات والإنصرافيات ووردحي القونات والكوكات ونص أفلام التيكتوك وهلماكاكو!
وفي النهاية.. كل زول عندو "شارعو" المفضل،
لكن الفرق في الذوق، والقيمة، والمحتوى.. وفي الزول نفسه.
فكم مرة تزور انت محل المخدرات والأشياء الأخرى؟. أنا مرتين في اليوم
😅🔥
| |
 
|
|
|
|
|
|
|
|
Re: أسباب الانفصام في مخيال/سايكولوجية الزول (Re: محمد جمال الدين)
|
الأخ العزيز محمد جمال الدين
بوست جميل فيه أفكار جميلة ومبتكرة وساخرة والأجمل إنها بتخليك تفكر وتتأمل.
عجبني البوست كله خاصة التصوير المبدع بتاع ناس المطعم الشعبي والفاخر ومحلات القمار.
البداية بتاعة المقارنات بين عصر النهضة و مملكة الفونج وكتابات الطيب صالح و قصة شوق الدراويش فيها مقابلات جميلة.
دائما الكتابات البتمزج بين الحقول المختلفة بتكون أخاذة وملهمة للأفكار والتأملات.
بتابع من حين لاخر للأسف.
بالتوفيق أخي العزيز
| |
|
|
|
|
|
|
|
|
Re: أسباب الانفصام في مخيال/سايكولوجية الزول (Re: محمد عبد الله الحسين)
|
اهلا بيك محمد عبد الله الحسين اخونا المثقف الهميم
Quote: دائما الكتابات البتمزج بين الحقول المختلفة بتكون أخاذة وملهمة للأفكار والتأملات.
بتابع من حين لاخر للأسف.
بالتوفيق أخي العزيز |
شكرا.. واخوك كذلك.. الزمن صعب.. وكمان اخوك زيك تقريبا.. بكتب يوميا هنا وفي منابر مختلفة.. الزمن ممحوق جدا.. مع انني غير راضي عن ذلك واتمنى كنت اشارك كل الناس
ردود الافعال البناءة✌️🌹
| |
|
|
|
|
|
|
احدث المقالات بسودانيزاونلاين اليوم
| |
محمد جمال الدين
محمد عبد الله الحسين
فيس بوك
تويتر
انستقرام
يوتيوب
بنتيريست