طيب، موضوعنا في الخيط ده، كيف ارثنا الحضاري، النوبي الكوشي منتشر جدا في اركان السودان الاربعة، نعم شمال/جنوب، شرق/غرب وهذا مفصلي لانو الانطباع العام وفق المقرر الحالي الصاغو الاحتلال، للاسف بحصر ارثنا الحضاري في الشمال والشماليين، وهذا مؤلم، وتحديدا من يسمون "نوبيين" حصريا في اقصي الشمال وهذا ملعوب بخبث، اكلنا طعمو كالعهد بنا!!
03-23-2025, 04:58 AM
Bashasha Bashasha
تاريخ التسجيل: 10-08-2003
مجموع المشاركات: 27200
فلنبدا بتناول تاريخ نموذج انسان شرق السودان البمثل نموذج انسان شرق افريقيا بعامة، نعم اهلنا البجا!!
يا الهي!!
وقسما مظلومين اهلنا البجا، الكان دورم عظيم وخرافي في تاريخنا، في كمت الاضحت مصر، واضيف في ايران اليوم، نعم يابان اليوم لو ممكن وعينا الحالي يستوعب، يصدق كلام كهذا!!
متي ما شفتا البجاوي شايل سيف، او برقص بيهو، فانتبه جيدا ياسوداني، لعظمة، جلال، اسطورية، شخصية البجاوي تاريخيا، كفارس، نعم كابرذ نماذج فرسان البشرية كلها!!
03-23-2025, 05:01 AM
Bashasha Bashasha
تاريخ التسجيل: 10-08-2003
مجموع المشاركات: 27200
نعم انتبه جيدا، للرقيص بالسيف لدي اهلنا البجا او ده ماعابر، ولاصدفة.
نعم شخصية الاسطورة دقنا الجسور كمثال، الكسر المربع الانجليزي فعلا بتمثل ذبدة وعصارة نموذج شخصية اهلنا البجا، التاريخية البطولية، الكانو مهابين في العالم القديم، بطول وعرض اكثر من 3.000 سنة من تاريخ اليوم!!
تقديري الانجليز لو انتبهو لي تاريخ اهلنا البجا، الهزمو اجداد ذات محمد علي باشا، اي الهكسوس، لتحرير ارض اجدادم كمت، لما هوو الانجليز ناحية السودان، واعجابم بي نموذج شخصية اهلنا البجا بعامة، النظم فيهم شاعر الامبراطورية البريطانية Rudyard Kipling اشعار، واسماهم "Fuzzy-Wuzzy" هو في الواقع، صدي القرون الحاكي، المخزون في ذاكرة العالم القديم!!
03-23-2025, 05:45 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9236
سلااااااااام الاخ Bashasha سؤال ؟ في دار جعل هناك مدينة كبيرة اسمها كبوشية اكيد بتعرفها حضارة البجراوية كلمة كبوشية وكوشية اكيد ما جات سهواً ولا عبطاً اذن ايش الرابط بين كبوشية والحضارة الكوشية ؟؟؟؟؟؟؟ تحياتي
عزالدين عباس الفحل ابوظبي
03-23-2025, 05:55 AM
Bashasha Bashasha
تاريخ التسجيل: 10-08-2003
مجموع المشاركات: 27200
اعلاه نموذج لاهلنا البجا، يعود تاريخو للاسرة 12 (BC (1991–1802 في كمت، نعم قبل قرابة ال4,000 سنة، العصر الذهبي الثاني!! في هذا العصر، اجدادنا انشاؤو اثينا، عاصمة، مهد، الحضارة الاوربية.
03-23-2025, 07:33 AM
صديق مهدى على صديق مهدى على
تاريخ التسجيل: 10-09-2009
مجموع المشاركات: 11018
مرحب صديق، نعم اتفق معاك، اخوك من قام اوجا، حتي او هو يافع، بقضي يومو بحثا وتقصي عن تاريخنا، بالذات هنا في امريكا، وتاريخنا من اسرار هذا الكون، ونحنو سيد الشئ، ياسبحانه، نظل اجهل خلق امون بي تاريخنا!!
المرعب الاخرين بيعرفو الكثير جدا عن تاريخنا، وباكثر منا، والخطورة هنا!!
المدخل للوصول لي باب الخروج، من الجحيم العايشنو ده، بطول وعرض قرون، نكتل بعض، هو تاريخنا، تحديدا وحصريا!!
لهذا ماصدفة، الغربة العايشا بشاشا، في هذا الفضاء بي سبب كلام الطير بتاعو ده، عن تاريخنا وكنتيجة طريقة تفكيرو، بشاشا هذا، امون يكسّبو!!
نعم كجلابي، تفكيري اتغير تغيير جذري في نظرتي لي بقية اهلي، تاج راسي، في المركز الاضحي هامش، كنتيجة.
وهذا يمثل اصدق مثال، كيف دراسة تاريخنا طبقا لمقرر المدرسة السودانية، اي الافريقية فعلا حيغير تغيير جذري، طريقة تفكيرنا الحالي، وبالتالي مجري التاريخ كلو حيتغير، بي صورة لايمكن يتخيلا وعينا المسترق، المحتل، المستعمر، الحالي، اطلاقا، اطلاقا!!
يا للعار، كيف اليوم، اللغة المروية لم يتم مشروع تفكيك تشفيرا، وهذا مذهل، مخجل، مرعب، حد الرجفي لونعلم!!
تاريخ بدايات عالم اليوم كلو مخزن في اللغة نعم في المخطوطات المروية!!
نعم بنية عالم اليوم كانت في رحم الحضارة المروية، ك"مضغة" اتدرون هذا؟
نعم جينات، جنين الحضارة الاوربية تبلورت في عصر الاسرة 25 العصر الذهبي الرابع، ومسك الختام!!
نعم في الزمن داك، اجداد "ايلان ماسك" كمثال يادااااب فكو الحرف، وللمرة الاولي وكتبو بعض سطور للمرة الاولي في تاريخم، وفي ذاك العصر، "فلاسفة" اوربا ياداب بدو مشوار القراية في خلاوينا، كحيران، جو قاطعين المحيط، والما قدر يجي، كان بالكضب يدعي انو خريج خلاوينا، تخيلو كلام زي ده يتقال ل"الطرمبة"!!!
نعم في ذاك العصر، تبلورت اليهودية، مش اتصاغت!
لا، الصياغة جات متاخرة جدا! ماتنسو كيف رسول اليهود سيدنا موسي، كان سوداني، واضيف، ربما كان من اهلنا البجا تحديدا بي تعابير عصرنا!!
سنتناول علاقة سيدنا موسي باهلنا البجا باذنه تعالي في الخيط ده.
03-24-2025, 02:38 AM
Bashasha Bashasha
تاريخ التسجيل: 10-08-2003
مجموع المشاركات: 27200
عشان ما انسي، جبتا الشريط ده عشان اتناول زي البجاوية، او رقيص الرقبة المنتشر في كل السودان، وهذا في تقديري الشخصي يعود الي عصر الاهرامات، والدلوكة بالمناسبة ايقاع يجمع بينا كلنا، من اقصي الجنوب، والي اقصي الشمال، من اقصي الغرب والي اقصي الشرق. ماعايز انسي تناول النقطة دي!!
03-24-2025, 01:42 PM
Bashasha Bashasha
تاريخ التسجيل: 10-08-2003
مجموع المشاركات: 27200
قبل المواصلة، انتبهتا انو هناك "غلاط" بين المؤرخين حول بدوية اهلنا البجا.
هناك من يصفم بانهم كانو بدو، وهناك من يقول كان بعضهم بدو.
ولكن المذهل، ورغم انف هكذا خلفية اسلوب حياة بدوية، كما يردد غالبية المؤرخين، فثقافة اهلنا البجا كما باقي اهلهم، ظلت كوشية، اموية وهذا فريد بحق، لانو لو اسلوب الحياة، نعم نمط الانتاج بدوي، رعوي، فالثقافة تلقائيا بتكون ابوية ذكورية، مادية.
اهلنا البجا ككوشيين الالهة Maat و Auset اي الست، كانن الاوسع انتشار في مجتمع اجدادنا البجا، والتوريث ماكان للابن، وانما الابنة او الاخت، وهذا مفصلي!
خلونا ننتقل لاصل وتاريخ الاسم "بجا":
03-24-2025, 05:57 PM
Bashasha Bashasha
تاريخ التسجيل: 10-08-2003
مجموع المشاركات: 27200
سلام يا باشا الحديث عن كوش والكوشية يحتاج الي مزاج رايق وهدوء وخلوة فالاثر الكوشي تجاوز الاتجاهات الاربعة بالسودان ووصل الي العمق اليوناني ، قبل سنوات خلون كنت في جزيرة ميكنوس اليونانية وهناك وجدت منازل علي الطراز الكوشي القديم او دعني اقول وجدت منازل مشيدة بنفس الطريقة التي شيدت بها المنازل او البيوت في جزر مقاصر وارتي-قاشا وجزيرة بدين، القديمة الان دخل المعمار الحديث الي هذه الجرز بالشمالية، ولقد تحدث المخلصين من كتبة التاريخ المعاصر وحتي كتبة التاريخ العتبق مثل هردوت عن الاثر الكوشي القديم في بلاد الاغريق مثل البروفسير مايكل راسل المحاضر بجامعة ادنبرة وصاحب كتاب Nubia and Abyssinia حيث تناول العطاء الكوشي في ملحمتي الالياذة والاوديسا، بل ذهب البرفسور الي ابعد من ذلك عندما تحدث عن الاسهام الكوشي في بلاد الاغريق وايض الباحث الامريكي مارتن بارنال في كتابه اثينا السوداء 1991 تحدث عن الدور الكوشي في فن العمارة والفنون واسهامه في اثينا القديمة.. المهم نعتذر لو فتلنا ليك البوست ..ومتابع
03-24-2025, 10:15 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 28857
نبدا بتعريف الاسم "بجا": اقدم اسم لاهلنا البجا هو Medjay نعم مدجي، والوثيقة الوجد فيها الاسم ده، تاريخا يعود لاكثر من 4,250 سنة من تاريخ اليوم، وهذا كان في عصر جدنا Pepi 1 ببي الاول، (2332-2287 ق.م) الملك الثاني للاسرة السادسة، نعم المملكة القديمة.
قبل المواصلة مهم جدا كسوداني ياعزيز بشاشا تفهم كيف لاعلاقة من قريب او بعيد ل"المصريين" الحاليين، بارض اجدادنا نحنو، وحصريا كمت الاضحت "مصر". هذا مفصلي عشان تفهم تاريخك ياسوداني.
العصر الظلامي الاول في تاريخ ارض اجدادنا كمت، بدأ بنهاية هذه الاسرة، اي الاسرة السادسة، وهكذا عصر ظلامي كان علي ايدي اجداد مصري اليوم لما بداو الهجوم علي ارض اجدادنا، وظهور اهلنا البجا في ذلك العصر ماصدفة، وهذا بحق عجيب!! نعم في عصر جدنا الملك Pepi الاول، للمرة الاولي ظهر مايسمي اليوم ب"الجيش النظامي" واهلنا البجا من قولة تيت كانو ابرذ جنود، قادة الجيش النظامي الاول في تاريخنا، تخيلو هذا!!
اليس هذا عجيب؟
معلومة كهذه لانعلم عنها شئ، لانو التراش المتداول كتاريخ لنا، صاغو الاحتلال، وانا كخريج مدرسة الاحتلال هذه في مجال تاريخنا، يادااب عرفتا كلام كهذا، بعد ما جيت امريكا!!
نعم زي قتا، كواحد من منظمي اسبوع التراث "النوبي" في الثمانينات فشفتا بي عيوني كيف تاريخنا كلو، كان مقدم، كتاريخ خاص، وحصريا ب"النوبة" بالفهم القبلي، ولذا ماكان هناك ولافرد واحد احد، من اهلنا البجا، بشارك في اسبوع تاريخ الحضارة السودانية "افتراضا"!!
نرجع للموضوع: الوثيقة دي الورد فيها اسم Medjay كانت تتبع لي جدنا Weni نعم وني، احد ابرذ قادة جدنا Pepi الاول.
جدنا Pepi الاول الظهرو في عصرو اهلنا البجا:
الوثيقة الظهر فيها اسم اهلنا البجا للمرة الاولي، وهذه الوثيقة اكتشفت في سنة 1999م:
الاسم Medjay بالمدونتر، اي الهيروغلوفية:
03-26-2025, 05:17 AM
Bashasha Bashasha
تاريخ التسجيل: 10-08-2003
مجموع المشاركات: 27200
علي ذكر جيش وجيوش، القنا كيف اهلنا البجا، كانو ابرذ رموز، مؤسسي هذه المنظومة، علي نطاق اليابسة، تعالو شوفو نموذج عقيدة العسكري في تاريخ حضارتنا، قبل اكثر من 3,000 سنة، وقارنو هذا بي نموذج عساكر سودان اليوم، والبسوو في اهلهم:
الصورة ادناه، لي واحدة من اشهر معركة في تاريخ البشرية، في سنة 1,475 ق.م اي قبل اكثر من 3,000 سنة، البتدرس في معظم الكليات الحربية حول العالم الي اليوم، لانو الخطة كانت عبقرية بمعني المفردة في المعركة دي، اللي قادا بي نفسو جدنا، الاسطورة "تود مسي الثالث" اي تحتمس الثالث بالعربي، ملك العالم حينها، والمعركة دي كانت في غزة الواحدة دي، في فلسطين اليوم:
Battle of Megiddohttps
تاملو ازياء اهلنا البجا في عصرنا، كزي رسمي لي جنود جيشنا النظامي قبل اكثر من 3,000 سنة.حنجي للكلام القالو جدنا الملك "تود مسي الثالث" قائد المعركة اعلاه: لي جنودو في المعركة دي، عشان تقارنو نمط شخصية اجدادكم ياسودانيين، بي نمط شخصية متاسلمي اليوم:
نعم جدنا الاسطورة، الملك تود مسي الثالث اي "تحتمس الثالث" الحكمت بي اسمو امنا الملكة حتشبسوت لما كان يافع، اعاد تذكير جنودو في المعركة اعلاه، اللي قنا من اشهر المعارك في تاريخ البشرية، طبقا للخطة العسكرية، العبقرية الاخترعا، الاتبعا، جدنا هذا قائلا لهم:
1)لاقتل للاسري او اساءة معاملتم، 2) لاقتل للنساء، 3) لاقتل للاطفال، 4) لا قتل لكبار السن.
لاحظو معظم حروبنا بطول وعرض الاف السنيين كانت معا اجداد سكان سوريا اليوم، فلسطين اليوم، عراق اليوم، وهكذا اصبح مهد البشرية، اي السودان، اول قبلة، دولة "عربية" نعم مصرية الي اليوم، و"جيشا" الاخترع الجنجويد، اهو قدامكم، بالاسلحة الكيماوية بفجرو في افراد مدنيين من اهلهم، باستخدام طيران ذات اعداءنا احفاد ذات الهكسوس عبر الاف السنين، بالوكالة، الي حد اكل مرارة الفضل منهم حي، وكل هذا "وفغن" للكتاب والسنة لاحظو!!
طبقا لوعي الاسترقاق الحالي المولع بلدنا الي الثانية، مش؟!
نعم قارنو نموذج شخصية اجدادكم، جداتكم ياسودانيين الكانو معبودين، معبودات، كالهة، الاهات، في قارات عالم اليوم بنموذج السلوك، مش بالغزو، بالاحتلال، بالاستعمار، بالاستعباد، للابرياء، في اوطانم، بنموذج الجنجويد واقنان البراء!!
نعم هكذا ردد الدهرو حسن سيرتهم، الما كان بها حطة، او درنو، وسيعود ذاك الزمنو بلاشك!
موعدنا في 2060م!!
جدنا تود مسي مرقا لي ديار الشام، دفاعا عن اهلو، عن ارضو لانو هؤلاء، اعداءنا عبر القرون، بداو هجومم علينا من جوا ارض اجدادنا كمت، فقط لاننا استقبلناهم بي حفاوة، بي كرم، من دون تاشيرة، جواز، اقامة، كفيل، ولذا ماصدقو هكذا كرم ضيافة!!
السبب الاساسي الدفع اجدادنا لتكوين جيش نظامي في عصر المملكة القديمة كان هجوم هؤلاء علينا في جوا ارض اجدادنا، حد احتلال كمت السفلي، وكنتيجة برزت الاسرة 17 ثم الاسرة 18 اسرة جدنا تود مسي الثالث، الاكملت مشروع تحرير ارض اجدادنا من اجداد مصريي اليوم، وهنا اهلنا البجا لعبو الدور الاكبر في المعركة دي، وكنتيجة لكل هذا جدنا "مسن تود" مرقا لي فلسطين اليوم، يطارد في هؤلاء دفاعا عن النفس، وهذا فرض علينا، مش بغرض استعمارم، استعبادم من اجل الفكة!!
قالها احد ملوكنا في مروري لي جاسوس ايراني، جا شايل هدايا، عامل مقددا، نعم قال ليهو، فحط، بلا لمة معاك، واحمد ربك كيف ربنا ماوضع في قلب السودانيين، نزعة احتلال، استعمار، واستعباد الاخرين في ديارم!!! كان ممكن الجاسوس ده يعتقلو، او ياكلو مرارتو من بعد القتل، لو كان جدنا ده، مستعرب!!
03-27-2025, 01:58 AM
Bashasha Bashasha
تاريخ التسجيل: 10-08-2003
مجموع المشاركات: 27200
Quote: الحديث عن كوش والكوشية يحتاج الي مزاج رايق وهدوء وخلوة فالاثر الكوشي تجاوز الاتجاهات الاربعة بالسودان ووصل الي العمق اليوناني
مرحب محمود، نعم الحضارة الكوشية، اصل الحضارت، كانت في كل قارات عالم اليوم، وهذا هو المنطقي، باعتبار الكوشيين هم اول من خلق رب العزة، كبشر، مشي علي قدمين وهذا هو كلام اجدادنا، وهكذا امن اباء "الطرمبة" لاحظ، تلاميذنا، بل الان مثبت كيف كل جينات البشرية اصلها سوداني.
موضوع هذا البوست، مدخلو هو تصورات امثالي، من "الجلابة" المسبقة، الخاطئة عن تاريخ الحضارة السودانية، اللي للاسف الشديد مرتبطة في وعينا الحالي بالشماليين حصريا، وحتي في الشماليين حصرو هذا في من يسمون "نوبيين" حصريا، وهذا مؤلم بحق لانو ملعوب، وبخبث، تاني من اول او جديد بواسطة ذات مستعمرينا، نعم محتلي، مستعبدي وعينا الكارثي الحالي!!
هكذا كرور عفن وعي استرقاق متفشي في الاسافير، نعم علنا العنقالة ديل، "العمسيباب" حايميين بهكذا تصورات مسبقة مضحكة، دون ادني المام، بطالبو بفصل دارفور، يسوو "احنا كوشيين" يا للعار!!
للاسف هكذا فهم استلابي استعماري، لي تاريخنا متفشي ومنتشر في اركان السودان، حتي فيما بين حملة الدال في المجال ده، وهذا مرعب حد الرجفي، يوضح، يشرح، سر النار المولعة دي في بلدنا، وعبر القرون الي الثانية!
الموضوع المطروح في الخيط مهم للغاية!!
زي كلام الطير البنقول فيهو ده، لو كان هو اساس المقرر الحالي لتاريخنا، لما كان ده حالنا اليوم، نسوي ده "زرقة" او داك "عربة"، نعم ده "جلابي" ايوا "ود بلد" اوداك "غرابي" جانا من تشاد، او "عرب شتات"، وهكذا!
هذا البوست نموذج صارخ يعري التهميش البشع من امثالي، في الشمال لبقية اهلهم، كما في نموذج دور اهلنا في شرق السودان الاسطوري بمعني المفردة، في تاريخ البشرية كلها، مش فقط السودان او قارة افريقيا!!
اعترف كمتخصص في تاريخ السودان، وهذا "افتراض" لانو الدوعلوني ليهو/بيهو كتاريخ لي شعبي، لاعلاقة له اطلاقا بتاريخنا، الصاغو الاحتلال كما كل جوانب تفكيرنا في سودان الاحتلال!
نعم كطالب، دارس تاريخ، ما حصل مرا علي زي البقول فيهو في الخيط ده عن اهلنا البجا الكانو بحق عبر تاريخنا كلو "نخبة" متميزة و "كاست" اعلي، بطول وعرض اكثر من 4,000 سنة!! كده قول كلام زي ده، لي جلابي زيي، عن اهلنا البجا، المنمطين ك"خاسا" شغل احتقار، او شوفو بقول شنو كرد فعل!! اذن هذا البوست، مفصلي، مفتاحي بالذات في وكت زي ده!!
التحية لي اهلي، تاج راسي "المدجي" لهم المجد!
03-27-2025, 02:19 AM
Bashasha Bashasha
تاريخ التسجيل: 10-08-2003
مجموع المشاركات: 27200
نعم الحضارة الكوشية اصل الحضارات، كانت منتشرة في اركان العالم الخمسة!
اما في السودان، فهي خاصة وحصريا بالجلابة من امثالي!!
هذا هو ذبدة وعصارة المقرر الحالي لتاريخنا "افتراضا" الوضعو النازي، الالماني، الامريكي جورج رايزنر!!
تخيلو هذا!!
معقولة؟
اجنبي، الماني الاصل، يجي قاطع المحيط، ليضع مقرر التاريخ، لي شعب اخر، دولة اخري؟
اليس هذا جنون؟
هل الالمان بقبلو يجيهم "ذنجي" قاطع البحر، عشان يضع مقرر تاريخ الشعب الالماني للالمان؟
رايزنر ده اصلا جا، للبحث والتنقيب في السودان عن تاريخ اجدادو هو، اصل الحضارة، مش احنا، اللي في وعيو امثالنا من "الذنوج" ومنذ بداية البشرية، كانو حتة "فروخ" بالميلاد، والسلام!!
الي الثانية، كرور كهذا احنا الي اليوم، بندعول بيهو صغارنا، دون ادني المام، حتي من حملة الدال في المجال ده، يا للعار!!!
03-27-2025, 02:37 AM
Bashasha Bashasha
تاريخ التسجيل: 10-08-2003
مجموع المشاركات: 27200
نرجع لي موضوعنا: اعلاه وضحنا مصدر اسم "بجا" القنا من Medjay مدجي، واوضحنا تاريخ ظهور هذا الاسم "مدجي" والمرجع.
اسم "مدجي" هذا هو الاوسع تناول، لانو ذات الاسم تم تقديمو بصياغات مختلفة زي Medjai, Mazoi, Madjai, Mejay، لانو المراجع الاتناولت تاريخ اهلنا البجا، في عالم اليوم، متعددة بي صورة تلفت النظر، نعم كتيرة جدا!!
بالنسبة لي اصل/مصدر مفردة "بجا" تحديدا، كلفظ ف"بجا" ماخوذ من اسم البلدية الاسسا جدنا الملك امنمحات الاول Amenemhat I مؤسس الاسرة 12 نعم العصر الذهبي الثاني:
اسم البلدية او المدينة دي كان Amenemhat-It-jawy نعم or Itjawy or Bedjawi or Bejawi
اليس هذا مدهش؟
حنفصل النقطة دي، ونعطي نبذة عن جدنا ده، اللي ابنو هو مؤسس اثينا، تخيلو!!!
(عدل بواسطة Bashasha on 03-27-2025, 06:09 AM) (عدل بواسطة Bashasha on 03-27-2025, 01:44 PM) (عدل بواسطة Bashasha on 03-27-2025, 01:47 PM)
03-27-2025, 02:38 PM
Bashasha Bashasha
تاريخ التسجيل: 10-08-2003
مجموع المشاركات: 27200
طيب مامعني Itjawy or Bedjawi or Bejawi قنا جدنا امنمحات الاول مؤسس الاسرة 12، العصر الذهبي الثاني انشا Itjawy او Bejawi "بجاوي" لاحظو، كعاصمة لي كمت وهذا كان في 1985 ق.م. بناءا عليه Itjtawy او Ity Tawy نعم "بجاوي" كان معناه:
ملك الارضين!!
هذا هو اصل، مصدر، منبع اسم "بجا" المتداول اليوم اسم اهلنا في شرق كوش!
شخصيا بميل للنطق المتداول لدينا بي لسانا، لي اسماء اجدادنا ومناطقم، وبناءا عليه عاصمة الاسرة 12 في كمت العليا، اي جنوب كمت، كان اسمها "بجا" او "بجاوي"!
اهما مافي النقطة دي انو اسم اهلنا البجا، كان اسم رقعة جغرافية، او مش "اثنية" بعينها، حاشا، معاذ امون، او اسم لي قبيلة بي مفاهيم وعي الاسترقاق الحضاري، العروبي، الحالي، وهذا مفصلي!
نعم مثبت انو اهلنا البجا موطنم الاول، الاصلي كان في كمت، ومركزم كان نواحي الشلال الثاني، وبعد داك الشرق الحالي، وواضح انو عددم كان ضخم، ويكفي تاريخ وجودم في الجزيرة الكوشية الاضحت عربية، وهذا موضوع منفصل ضخم يشير الي كيف عرب اليوم هم شفع اهلنا البجا! المدهش، مرا علي كلام كيف لغة اهلنا البجا الكوشية استخدمت في دراسة تاريخ اهلنا السومريين، مؤسسي عراق اليوم، بل اكثر من هذا هناك مايشير الي انتشار اللغة البجاوية في نواحي قارة اسيا.
ويظل السؤال: كيف امكن قبر، دفن، تاريخ كهذا وجدعو من المقرر الحالي لتاريخ السودان القديم؟ اليس هذا هو ابلغ دليل، كيف نار الفتنة المولعنها دي، احفاد ذات اعداءنا القاتلوهم اجدادنا البجا، عبر الاف السنين، دفاعا عن ارض اجدادم كمت، نعم مخابرات ذات جيش محمد علي باشا، سببا الاساسي هو اننا لاندري من نحنو، نعم ازمة الهوية؟
كنتيجة، ورغم انف الدور العظيم لاجدادنا البجا، فلا ذكر لهم في كتب تاريخنا، المملوك حصريا لامثال بشاشا!!
03-27-2025, 05:44 PM
Bashasha Bashasha
تاريخ التسجيل: 10-08-2003
مجموع المشاركات: 27200
اهو، الان مثبت امام الجميع، دور اهلنا البجا، بطول وعرض اكثر من 4,000 "حماة كوش" ، في الدفاع عن ارضنا، شعبنا، حضاراتنا، ضد ذات اجداد محمد علي باشا، نعم احفاد الغزاة نعم مصري اليوم البمثلو ذبدة وعصارة ملاقيط اسيا واروبا، من بني قوقاذ، اعداءنا عبر آلاف السنين، والي الثانية!!
03-29-2025, 03:03 AM
Bashasha Bashasha
تاريخ التسجيل: 10-08-2003
مجموع المشاركات: 27200
ننتقل الان من تعريف لي اصل وتاريخ اسم "بجا"، "بجاوي" الي دور اهلنا البجا الاسطوري، في تاريخ حضارتنا، في كمت الاضحت مصر، من الاسرة السادسة، نعم المملكة القديمة، وحتي العصر الروماني!!!
طبعا موضوع طويل جدا، معذرة مافي وكت، ولذا حنكتفي بي تقديم مختصر شديد لي تاريخ ممتد بطول وعرض اكثر من 4,000 سنة في كمت فقط، دعكا من تاريخم في القارات الاخري!!
مهم جدا، عزيز بشاشا تنتبه لي خطاب المعسكر الاخر، نعم اعداءنا، رواد مدرسة المركزية الاوربية، المتعجرف، في تناولم لي تاريخ اهلنا البجا، انطلاقا من "نكتة" نعم اضحوكة، الاصل الاري للحضارة!
نعم لو مشيت للمراجع، حتلقا الخواجات بنمطو اهلنا البجا ك"مرتزقة" ك"اجانب"، "وافدين" وهكذا لما يتناولو علاقة اهلنا البجا بي كمت، ارض اجدادم، واهلهم الكمتيين!!
هذا اسقاط لي معاييرم هم، قيمم هم، نعم فهمم هم لاشياءنا نحنو، شغل اسقاط كالعهد بهم، انطلاقا من اننا "اجانب" او هم "سيد الشئ" مؤسسي "الحضارة المصرية" كما يهطرقون!
اعتذر ك"جلابي" وبشدة لي اهلي في شرق السودان، اللي همشو كما بقية اهلنا في اركان سودان مملوك لامثالي، بالوكالة، للاسف!
03-29-2025, 05:24 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
ليس هناك شعب كوشي عايش، الشعب الكوشي شعب بائد مثل قوم نوح وعاد وثمود وقوم تبع. كل ما هنالك شعوب ورثت الأرض الكوشية لكن بحضارة وإرث إنسانى بديل.
وسنة الله ماضية في خلقه،
كان عليك أن تتحدث عن الشعب النوبي الجديد (الحديث) New Nubians .. لماذا لم يبن هذا الشعب الجديد ولا هرم واحد مثل الإهرامات القديمة .. ما تجئ تقول لى قبة شيخ العير هى نوع من المعابد والأهرامات الجديدة!
ومع هذا .. عيد مبارك وسعيد ليك وللبنات والأحفاد ..
بريمة
03-29-2025, 06:17 AM
Bashasha Bashasha
تاريخ التسجيل: 10-08-2003
مجموع المشاركات: 27200
اذا كل جينات بشرية اليوم، اصلها، مصدرا، كوش - فكيف تقول الكوشيين شعب بائد؟
ماهذا؟ معقولا؟
اها، العرب مستعبديك، كيف؟
شعب بائد؟
هو عشان كده، بالله انتا قاشر بي عقال مستعبديك، العرب بلاخجل يا للعار؟
خليك من العرب: في السودان، هل امثالك عرب، في عيون احقر جلابي؟
الانتا مافاهمو، ماعارفو، كيف الجلابية الانتا قاشر بيها دي كمثال،انتا فاكر هي هولة مستعبديك، العرب؟
اعلم هي جلابية سودانية 100x100!!
اتدري هذا؟
الجلابيىة الحايمين بيها العرب ديل، شفع شفعنا، هي زي اب البشرية، نعم اب الانبياء، اول انسان كامل في تاريخ البشرية، Ausar اي اوزريس بالاغريقية، نعم النبي ادريس بالعربي!
اتدري هذا؟
نعم وعينا الحالي، كما في نموذج امثالك، المحتل، المستعمر، المستعبد، هو ماوعي كوشي! هو وعي استرقاق عروبي وكنتيجة مولعنها بالوكلة نكتل بعض!!
اما اللاوعي بتاعك وكما اي افريقي، فهو لاوعي كوشي!!
ماتنسي كيف بينما الوعي بمثل 10% فقط من مكوناتك كفرد، فاللاوعي بمثل ال90% الباقين من مكوناتك كفرد!!
فما فاهم، كيف تراكم جواك، ممتد بطول وعرض ملايين السنين، انتا عايز تشيل او تجدعو في التراش، لتستبدلو، بي تراش ارث مستعبديك، بدو الاعراب، اخر مجموعة بشرية، ظهرت في التاريخ، العمرو بضع مئات، رغم انف السوو، او بسوو فيهو، في امثالك عبر القرون؟
اليس هذا تنزيل، تجسيد، لي واقع ارث استعباد العرب ليك، وكنتيجة، الجلابة، وظفو هكذا مركب نقص جواك، بتعييينك كمقاول ابادة ل"الزرقة" العمر ده كلو، دفاعا عن مملكة الجلابة؟
يالسخرية الاقدار بحق!
المجولب بريمة، وبمثل هكذا عقلية، شايل سلاح او او مقدم رحو كبديل لذات مخدميه، الجلابة!!
اذن يابريمة، ارثنا الكوشي، مركوز في جيناتنا!
نعم ورغم انف كل الحاصل، ممكن امسك، واثبت كيف اسلوب حياتنا اليومية الي اليوم، كافراد هو ذات اسلوب حياة اجدادنا، دعكا من الجينات، في اللاوعي، في اللاشعور!!
03-29-2025, 01:31 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
عووووك يابريمة: سيدنا "ابراهيم" والاسم ده كوشي معناه عبد رع، نعم " ابرا" نعم ذات "ابرهة" بالعربي، هو اب "الانبياء الساميين" معا انو ده زاتو موضوع عك، نعم حكاية "انبياء ساميين" هذه، وجل الانبياء كانو سودانيين، وده هو المنطقي الطبيعي!!
والاهما، الاخرين لوساميين او اسيويين، او اوربيين، لاعلاقة لهم اطلاقا، بي مفاهيم/صيغة "نبي" ، "رسول"، "اله"، "جنة"، "جحيم"، "اخرة"، "دنيا"... الخ خالص خالص خالص!!
هذه اشياؤونا نحنو، والمتداول في عالم اليوم، ك"دين" و "اديان" هو بضاعتنا نحنو وحصريا، بعد ما صاغوهو الاخرين وفغن لي مرجعية ثقافتم هم، فهمم هم، المادي خريجي خلاوينا!!
يكفي انو سيدنا موسي كان سوداني، وهذا نوقش واثبت قبل 2,000 سنة، وانتا كمسلم الي اليوم، 5 مرات في اليوم بتصلي لي "مون" كما في سورة الفاتحة نعم "امين" ولاجديد هنا، ومن دون ماتدري او تقصد!!
نعم في كل "اديان" عالم اليوم الاخرين يرددون الي اليوم اسم "امون" الكان مركزو كريمة الواحدة دي، نعم جبل البركل في الشمال، الكانو بحجو ليهو الهـــــــــــــــــــــة، اكرر الهـــــــــــــــــــــة اجداد "الطرمبة" سنويا، دعك من امثال الطرمبة كبشر، وحينها الهـــــــــــــــــــــة اوربا، كانو بحبو اكل "الكرامة" لما يجونا قاطعين المحيط، شديد خلاس!!
نعم الهات، قبل الهة، اوربا كانن/كانو سودانيات، نعم سودانيين او ده كلامم هم، فهمم هم، صياغتم هم، مش احنا!!
اذن الانتا حايم بيهو ده اعلاه، عن تاريخ الانبياء والرسل، هو فهم/صياغة شفع شفعنا اي العرب، لاشياؤنا نحنو، وحصريا!
اذا هذا مثبت، ارجع للاصل، لي "سيد الشئ" نعم المصدر، اجدادك انت او بطل الحوامة بي فهم حيرانك لي كلامك، وانتا شيخ الخلوة!
كمثال خدك: اعلاه مركب "سفينة" نوح بي فهم الثقافة السامية، والي اليوم المركب ده قاعد في كمت ضمن اثار اجدادنا:
اذن يابريمة انتا كماغيرك حايم بي كلام/فهم العرب لي اشياءنا، وابلغ دليل كيف حتي الاسلام العرب رفضو، ونزلو الميدان وقاتلو دعاتو، من اهلهم، باعتبارو اي الاسلام، شئ وافد، اجنبي، دخيل وهذه حقيقة!
كنتيجة من تبنو هكذا "عقيدة" كوشية، من العرب لجأؤ الي ارض كوش بغرض النجاة من اهلهم الرفضو "العقيدة" الوافدة دي، حد القتال، وهناك الان من الاسلاميين من يقول كيف رواد اسلام الثقافة العربية، كانو كوشيين وتحديدا ال سيدنا محمد عليه السلام!!
نعم اجداد بلال، في سعودية اليوم كان بصلو 7 اوكات في اليوم، بصومو 30 يوم بحجو والمفردة دي كوشية اي "حج" الي الKA,BA وهذه ايضا اي KA,BA مش كعبة، مفردة كوشية، في BA,KA وهذا ايضا اسم كوشي مش "مكة" منطوق "بكة" لامعني له بلغة العرب اطلاقا، وهذا قبل ما العربي في سعودية اليوم، ارض اجداد جدنا بلال، يكون "نطفة" في رحم امو هاجر "النوباوية"!!
بريمة عزيزي القارئي، هو اكثر سوداني يمثل طريقة تفكيرنا الحالي، كاصدق دليل يجسد كلامنا القناهو، كيف كارثة وعينا الحالي، مابقبل اطلاقا كقاعدة، زي كلام الطير البقول فيهو انا ده في الاسافير، في المنبر ده، في الخيط ده، رغم انف انو جديد من الورقة، او ماصدفة كيف ماحصل واحد سوداني بي حروف عربية، كتب زي كلامنا ده، عن اهلنا البجا، او كيف كمثال "بجا" او "بجاي" معناه "ملك الارضين" كمثال، وهذا يثبت كيف هكذا طرح غريب جدا، كنتيجة ل"الكوما" العايشين فيها، نعم حالة فقدان الوعي العايشنها، نعم الغيبوبة الاحنا فيها في قاع بير عميقة، لاندري:
من نحنو؟ اين نحنو؟ جينا من وين؟ ماشين وين؟ بي ياطريق؟
ولهذا بريمة، او هو قاشر بال"عقال" اسيادنا، بدو الاعراب، اداة دمارنا الي الثانية، يا للماساة، يسوي الكوشيين انقرضو ضمة، نعم كبشر لاوجود لهم، في "فهم" بريمة، اما العرب، في وعيو المحتل، فسياد الدنيا!!
نعم مش فقط موجودين او بث!!
مقارنة ب"الذنوج" اي امثالو، البكرهم بريمة عما، كحال كل افريقي كقاعدة، لاحظو، حد اشعال محارق الابادة لهم في السودان بالوكالة!!!
وقع ليكم كلامنا؟
رجاءا، ارجع وتعال يابريمة او ورينا، كيف العرب احياء، موجودين، اما انتا، ككوشي فانقرضتا كيف، رغم انف انك ككوشي "حين ترزق"، نعم موجود مسجل في المنبر ده، مشارك في الخيط ده!!!
رجاء وضح النقطة دي لانها مفصلية!!
اذا قاصد الوعي الكوشي علي مستوي الوعي الواعي "انقرض" اقصد "اندفن" فهذه حقيقة اعترف، ويكفي العقال الحايم بيهو ده، في وكت زي ده، مقدم هكذا عقلية كبديل يا للهول!!
ولكن علي مستوي اللاوعي، اللاشعور، البمثل 90% من مكونات الفرد، اعلم ده، هو اساس شخصية السوداني، نعم الافريقي!
هذا محفور حفر، في جيناتك، تقول لي انقرضو وانتا "حين ترزق"؟
04-28-2025, 00:11 AM
Bashasha Bashasha
تاريخ التسجيل: 10-08-2003
مجموع المشاركات: 27200
الي روح الراحل، المبدع الفز ابو امنة حامد، (1941-2006م): جاري في حاج يوسف حي المايقوما، في السبعينات سودان ماقبل الكيزان. كنتا بشوفو يومي في البص، شارع واحد، ماشين "الخرتوم"!
04-28-2025, 09:30 PM
Bashasha Bashasha
تاريخ التسجيل: 10-08-2003
مجموع المشاركات: 27200
امسكو الخشب!! هناك مايشير، كيف ملوكنا، مؤسسي الاسرة 12 في كمت كانو من اهلنا البجا!! لاحظ الاسرة 12 نعم العصر الذهبي الثاني في تاريخ حضارتنا، هي الاسست "اثينا" عاصمة الحضارة الاوربية!!!
مافي وكت، للاسف، لما نلقا وكت حنخوض في التفاصيل دي!!
اتمني من كل قلبي هذا يكون مدخل، لي اهلنا الجعل، "البجا" يرمو في التراش، نكتة "ال العباس" هذه، لانو بدو الاعراب بعامة، حينها، ما كانو حتي مجرد "مضغة" في رحم امهم السودانية مقارنة بكم يا اهلنا الجعل، الشوايقة، نعم "البجا"!!
هل صدفة زي كلام الطير بتاعنا ده، ماحصل كتب بي حروف عربية، خالص، خالص؟
كنتيجة، اهو ده حالنا اليوم، نكتل في بعض شغل كراهية ذات، لاننا لانعلم مثقال ذرة عن "من نحنو"!
ليه؟
لاننا للاسف يا للعار بنشوف روحنا، والذينا، بعيون محتلي، مستعمري، مستعبدي وعينا لو بدو اعراب او خواجات!
تاريخ اهلنا البجا، حقيقة ضخم، ضخم، بي صورة لايمكن نتصورا خالص، خالص، طبقا لمعايير وعينا الحالي!
التحية، التجلة، لاهلنا البجا!!
05-03-2025, 05:23 AM
Bashasha Bashasha
تاريخ التسجيل: 10-08-2003
مجموع المشاركات: 27200
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Bashasha
عزالدين عباس الفحل
صديق مهدى على
محمود الدقم
حيدر حسن ميرغني
Biraima M Adam
فيس بوك
تويتر
انستقرام
يوتيوب
بنتيريست