|
كتب الكاتب الفاتح جبرا المتوفرة بمعرض الدوحة
|
|
 Re: ضرورة ووجوب وأهمية تغيير علم السودان (Re: أبوذر بابكر)
|
السلام عليكم
قبل الحديث عن تغيير العلم
العلم (رمزالسيادة) اين يقع فى شعورنا الوطنى ؟العلم (رمزالسيادة) اين يقع فى شعورنا الوطنى ؟
حادثة تجعلنا نبحث ونعمل على ما هو اعمقوهو العلم كرمز سيادة ووحدة التراب والقلوب (لانستثنى النشيد الوطنى)
فالعلم والنشيد الوطنى اختزل بسبب الاعلامفى الرسم علوجوه والقمصان والترديد فى المباريات تقليدا لا تعبير كاحساس عميق
صراحه تالمت للحادثه وتساءلت هل انا فاهم الموضع غلط وعادى ارسم رمز السيادة تمشى الاقدام عليه لما يزيد عن 10 ايام ولا احد يتوقف عند الامر ردفعل لا قول
وحتى لم يجد رد فعل بعد الطرح فى المنبر (التوثيق موجود)حتى لايظن البعض الن الامراحاديث اسافير مرسله .
.
متابع
.
تحياتى
| |
 
|
|
|
|
|
|
|
 Re: ضرورة ووجوب وأهمية تغيير علم السودان (Re: Asim Ali)
|
تحياتي يا عاصم
كيف الحال
خلال الثلاثة عقود الفاتت تغيرت واضمحلت معاني كتيرة في كل مجالات حياتنا
وجزء من المعاني دي انتهى تماما واتلاشى
ومن ضمنها معاني الانتماء والاحساس بالهوية والولاء الخ الخ
وموضوع العلم اكبر واشمل من اقتصاره واختصاره في المراسم الحكومية الرسمية او مباريات كرة القدم
وحنناقش ونتكلم في المعاني دي كلها كان الله سهل وهون
شكرا ليك كتير
| |
|
|
|
|
|
|
|
|
Re: ضرورة ووجوب وأهمية تغيير علم السودان (Re: أبوذر بابكر)
|
علم السودان الحالي تم اعتماده في منتصف العام ١٩٧٠ من حكومة انقلاب مايو ١٩٦٩
بعد القرار غير المبرر بتغيير العلم الأول لدولة السودان الاستمر من سنة ١٩٥٦ لغاية ١٩٧٠
ما كان في اي سبب داعي او مبرر مقنع لتغيير العلم الاول، غير لوثة ووهم وجهل عساكر انقلاب مايو وتحديدا الجناح الكان بيتبنى فكرة القومية العربية وافكار جمال عبد الناصر
تم طرح مسابقة لتصميم علم جديد
وفاز تصميم العلم الحالي بشكله والوانه المشابهة، مع شوية تحوير وتنويع، مع علم مصر والعراق واليمن وسوريا والاردن والكويت والامارات، وقبل دا كله مع علم ما يسمى بالصورة العربية ضد الحكم التركي بقيادة وزعامة الشريف حسين حاكم الحجاز في الوقت داك
من المستحيل يكون التشابه وشبه التطابق دا حصل بالصدفة بين تصميم فائز في مسابقة مفتوحة وبين علم القومية العربية
حسب ما تم إعلانه في الوقت داك هو انه التصميم الفائز كان من تصميم واحد من التشكيليين من خريجي المعهد الفني
لكن وارد جدا طبعا يكون حصل ايعاز او ربما اتفاق بينه وبين الجهة الرسمية المشرفة علي الفكرة
لكن مع جمع أجزاء الصورة والمشهد وقتها يمكن بسهولة فهم الخطة
يعني غالبية ومعظم مجلس انقلاب مايو من العساكر كانو ممن يسمون نفسهم بالقوميين العرب مع اتنين فقط من المنظمين في الحزب الشيوعي وربما تكون الاغلبية في مجلس القيادة هي الفرضت رأيها في قرار التغيير
تم رفع العلم الحالي في أول عيد لانقلاب مايو في ٢٥ مايو ١٩٧٠
ويبقى السؤال الأهم
ليه اصلا تم تغيير العلم الأول؟
-يتبع-
| |
|
|
|
|
|
|
|
|
|
Re: ضرورة ووجوب وأهمية تغيير علم السودان (Re: أبوذر بابكر)
|
في حينها كان التفسير او التبرير الساذج لالوان العلم كما يلي:
اللون الأحمر رمز للحرية ودم الشهداء
اللون الأبيض رمز لنقاء داخل اهل السودان
اللون الاسود رمز للون السودانيين
اللون الأخضر رمز للزراعة والخضرة
وكلها رمزيات حق اريد بها باطل
وبالتأكيد ما كانت دي المعاني المقصودة في الأساس
| |
|
|
|
|
|
|
|
|
|
Re: ضرورة ووجوب وأهمية تغيير علم السودان (Re: أبوذر بابكر)
|
ضرورة تغيير العلم الحالي جاية من منطلق انه علم الدولة هو التجسيد والتعبير الحقيقي عن سيادة وكينونة وهوية ومعنى البلد
بالتالي لا بد يكون الشكل والمحتوى معبر ومجسد حقيقي للمعاني دي بالدرجة البحس وبشعر بيها كل فرد في البلد ويعرف فعلا انه علم بلده بمثله هو شخصيا وبحقق وجوده وانتماءه لبلده من كل النواحي والجوانب
وجوب التغيير بجي من واقع الراهن السوداني والحالة الفيها البلد حاليا
وتغيير العلم متوجب ولازم في لحظة مفصلية تستدعي التمترس حول هوية واحدة ورمز واحد يعبر عن كل إنسان في بلد متنوع الاعراق والثقافات والمفاهيم، وهو نفس التنوع الخلق وتسبب في كل مشاكل السودان القديمة والجديدة وربما الجاية
ودا بسبب عدم فهمنا للتنوع دا وعدم التعامل فيه ومعاه بالطريقة الايجابية الصحيحة الممكن تخلق منه قوة عظيمة في كل نواحي الحياة
وجوب علم جديد يرفعه السوداني وهو بحس ومقتنع انه دا رمز هويته ورمز الانتماء لبلده واهله وارضه
علم يرفعه الإنسان السوداني في زالنجي وفي دنقلا وفي طوكر وفي كوستي وفي الدلنج وفي الدمازين وفي نيالا وفي الرصيرض وفي كروشية وفي مدني
وفي كل قرية في الجهات الاربع
وأهمية تغيير العلم جايه من أهمية تكريس وتدعيم وتقوية الانتماء والهوية السودانية الحقيقية والوالدة
في وقت نحن أحوج ما نكون فيه لتحقيق كل الضرورات دي
| |
|
|
|
|
|
|
| |
أبوذر بابكر
Asim Ali
فيس بوك
تويتر
انستقرام
يوتيوب
بنتيريست