|
|
|
 Re: السودانيون بالخارج احوالهم وصفاتهم وسؤال (Re: محمد جمال الدين)
|
محمد جمال الدين
تحيه طيبه
اخى انا اتحدث ليك عن نقطه اللجوء السياسي فقط
هل تعلم كم عدد السودانين من كذبوا فى حق الوطن بقصص وهميه وضعت السودان فى القائمه السوداء
ياريت كل زول عندو ضمير وبعد وضع اسم السودان فى القائمه السوداء
يجى ويكون شجاع ويقول والله انا ارتكبت غلطه فى حق السودان وكذبت فى الموضوع بتاع وانا اتاسف انو استلمت الجنسيه الامريكيه او الكنديه او الانجليزيه
وكنت اكذب فى الموضوع لاننى فعلا كنت عايز اطلع واعيش بره السودان
مع ان هناك قصص حقيقيه وقعت وكانت حقيقيه ولكن فى امريكا وكندا كان فى ناس متخصصون محامين ومكاتب فى تفصيل القصص لكل شخص
وشى موسف حتى وصل الموضوع الى انو الناس العندها شلوخ ولا فصاده بتاع مرض اليرقان كذبوا وقالوا ده حصل ليهم فى بيوت الاشباح
شى موسف طلب اللجوء بالكذب ووياريت كل زول يحمل الان جواز سفر اجنبى يكون عندو لحظه تانيب ضمير ويتذكر القصه التى رؤيت للحصول على الجنسيه او الاقامه فى امريكا كندا استرليا لندن السويد النرويج
والوطن برى من هولاء الكذابين وهل يعقل كل الملاين الطلبوا اللجوء عندهم مشاكل وقصص فى السودان
ممكن لا الوم اهل درفوار وجبال النوبه وجنوب السودان ديل كلهم عندهم حروب ومشاكل مع حكم الكيزان الغاشم ولكن اولاد الخرتوم وما اكثرهم هل كان عندهم اى مشاكل عشان يدنسوا سمعه الوطن بقصص كذابه
وممكن الزول الشجاع يقدم لجوء عديل انو ماعايز يعيش فى السودان ووما ووجد وظيفه وغيرها من الاعذار المقبوله
لكن الكذابين ماعارف اقول ليهم شنو
| |
 
|
|
|
|
|
|
|
|
Re: السودانيون بالخارج احوالهم وصفاتهم وسؤال (Re: مصطفى نور)
|
اهلاً أستاذ محمد نور
لا أتفق معاك بل أختلف معاك مية المية في نقطتك الأساسية في نقدك للاجئين بل ذلك خطأ جسيم من وجهة نظري المبررة:
Quote: اخى انا اتحدث ليك عن نقطه اللجوء السياسي فقط
هل تعلم كم عدد السودانين من كذبوا فى حق الوطن بقصص وهميه وضعت السودان فى القائمه السوداء
ياريت كل زول عندو ضمير وبعد وضع اسم السودان فى القائمه السوداء
يجى ويكون شجاع ويقول والله انا ارتكبت غلطه فى حق السودان وكذبت فى الموضوع بتاع وانا اتاسف انو استلمت الجنسيه الامريكيه او الكنديه او الانجليزيه
وكنت اكذب فى الموضوع لاننى فعلا كنت عايز اطلع واعيش بره السودان |
وضع السودان في القوائم السوداء لا علاقة له بقصص اللاجئين صادقة أم كاذبة. وضعت واشنطن السودان ضمن تلك القائمة السوداء في العام 1993 حينما اتهمت نظام الرئيس المعزول، عمر البشير، بإيواء ودعم جماعات إرهابية وتعني تنظيم القاعدة وزعيمه أسامة بن لادن. وفي الأعوام اللاحقة شددت العقوبات على نظام الإنقاذ لذات السبب ولاتهامه في المشاركة في عملية إرهابية في البحر الأحمر وفي تدمير سفاراتها في نيروبي ودار السلام.
وقبلها أشعل النظام حرب أهلية جديدة في جنوب السودان فجبال النوبة ثم شرق السودان واخيراً دارفور 2003 وعلى أثر حرب دارفور (وُصفت من الأمم المتحده بأنها تطهير عرقي) وتم إحالة عدد من قيادات النظمام والمليشيات إلى محاكمات دولية.
كما أن فايل النظام في إنتهاكات حقوق الإنسان واسعة وموثقة. وأشتهر النظام بالفساد على نطاق العالم وفي تقارير منظمة الشفافية العالمية.
كل تلك الاسباب وأخرى أدت إلى تشويه صورة السودان والإنسان السوداني لا قصص اللاجئين المساكين.. معلومة مهمة: أن قصص اللجوء ذات خصوصية ولا يمكن الإطلاع عليها أبداً أو نشرها بأي وسيلة من الوسائل فهي تنتهي في فايل سري إلى الأبد.
السودان كان طارداً للكل وعمل النظام على إرهاب الجميع وبدأ بأعدام 28 ضابطاً في رمضان 1990 ثم أعدم رجال عظام لمجرد أنهم يملكون عملة صعبه ملكم الحر.. وهناك المزيد طبعاً فقط أذكرك إن نسيت.
فجميع السودانيين الصادق منهم صادق والذي ظننه كذب لم يكذب فالعيش في ظل نظام الإنقاذ كان جحيماً للجميع الغني والفقير. وإن كان سعر الحضروات أرخص من الآن فإن روح الإنسان كانت أرخص من الطماطم.
| |
|
|
|
|
|
|
| |
محمد جمال الدين
مصطفى نور
فيس بوك
تويتر
انستقرام
يوتيوب
بنتيريست