|
|
|
 Re: إبراهيم الأمين- اتفاقية سلام جوبا تآمر من (Re: محمد عبد الله الحسين)
|
ظن قادة حركات الكفاح المسلح أنهم سيحوزون علي السلطة في المركز
بتآمرهم مع العسكر
خليك من الخيانة للشعب السوداني ولشعب دارفور خصيصا
الكامنة في هذا السلوك
الحكاية كلها ضيق أفق وصناجة
والخوف أن تؤدي إلي فصل دارفور إن لم يك إنفصالها
كثيرين ممن أحسوا بخنجر خيانة قادة حركات الكفاح المسلح في ظهورهم
ما فارقة معاهم كثير --- فصل إو إنفصال دارفور
ولكن وبعيدا عن غربان الشوم قادة الحركات هؤلاء
ورغم كل ما صنعوا، نحن مع شعب دارفور وخياراته
فكثير من شعب دارفور سودانيين وطنيين ووحدويين
| |
 
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: Nasr)
|
ابراهيم الامين أحد مظاهر الازمة التي يعيشها حزب الامة
احد اكثر اصحاب الصوت العالي في الفرقعات و المواقف المتناقضة, قادة الحركات المتآمرين ديل مش انت مشيت تحضر بداية التآمر في اجتماع القاعة يوم 16 اكتوبر ومرقت بتلفون مريم؟
ابراهيم الامين قال في الجزيرة ان هناك ثلاثة (اتنين عسكريين وواحد مدني) زوروا الوثيقة الدستورية وهو من الشاهدين, قدر ما المذيعة زرزرتوا ابى يذكر الاسماء, دا مش كتمان شهادة بسالوا منها التاريخ!
خليك من دا كله, هو نائب رئيس لحزب رئيسه المكلف شغال لشرعنة الانقلاب بايديه و رجليه! عمل شنو وياتو موقف حقيقي صلب أخده !
بس ياها التصريحات و الفرقعات و تخوين الجميع دا الفالح فيه
| |
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: Salah Zubeir)
|
التامر الاساسى حصل بين المدنيين و العسكر عندما ظن بعض المدنيين استخدام حميدتى كما كان يستخدمه البشير. لا اعتقد ان حميدتى استلم ملف السلام مكاوشة منو ساكت بل جزء من تامر متكامل مع بعض مكونات قحت و يمكنكم مراجعة تسجيل وجدى صالح و مقارنة احداث اخرى.
قلنا من البداية اصلا لا ضرورة لاتفاقية سلام بل الاهم هو الجلوس لتأسيس دولة السودان بين كل المكونات السياسية (احزاب مدنية و حركات عسكرية تتحول الي احزاب مدنية) و بعدها يأتى التجهيز للانتخابات و لكن الكل او الغالبية كانو ماخدهم نشوة السلطة و الانفراد بها.
مفاوضات السلام في الاساس و مخرجاتها, الهدف منها تكتيك استحواذى الي حين اكتمال استلام تركة البشير و اعادة السودان القديم و من ثم دوامة الحروب.
و لانو اصلا اتفاقية لا معنى لها, تم حصر التفاوض في قسمة السلطة بين الاحزاب بعد ان كانت تحت التربيزة, بقت فوق التربيزة و اى حزب رشح ناسو و جن جنون البعض ان ناس دارفور اخدو اكثر من حقهم. الموضوع ليس قسمة بين دارفور في كفة و بقية السودان في كفة بل بين مكونات سياسية لا علاقة لها بالشارع في دارفور او بقية السودان. هم مجموعة احزاب لا تمثل الا رموزها لانه لم تكن هناك انتخابات لتحديد جماهيرية اى منهم.
الناس واقعة في فخ النية المبيته.
| |
|
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: Mahjob Abdalla)
|
سلام أخونا محجوب
إعتقد إنو أخ نصر يقصد إن الحركات ولوردات الحرب لايمثلون أهلنا بدارفور
فقد خذلو أهلهم وباعو القضية التي كانو يتجارون بها ـ وهو ما أكده مناوي بأن لهم إتفاقا تحت التربيزة مع العسكر
ـ أهلنا في دارفور جزء من نسيج الأمة السودانية وجزء من الحراك والثورة
وقد ظلت تخرج مع بقية البلد ضد الإنقلاب بنفس الشعارات والأهداف و في ذات التوقيت خرجت وتخرج قبل جوبا وبعد إعتصام القصر ومشاركة بعض الحركات في سلطة العسكر
ـ إن كان هناك من يزايد بالإنفصال من أجل التكسب السياسي والمحاصصات
فإن أهلنا في دارفور مع وحدة الوطن في ظل سلام عادل وتوزيع عادل للسلطة والثروة وإزالة المظالم والحرية ـ والديموقراطية
وإن إضطر شبر ما من الوطن لممارسة حق تقرير فسيكون ذلك خيار أخير خيار مضطرلامبتز أومزائد
| |
|
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: كمال عباس)
|
أشرح ليك يا محجوب عشان ما تفهمني غلط
Quote: سلام استاذ نصر
كلامك ده من العقل الباطنى و غريب شديد. |
ما كل أهل دارفور مع السودان الوطن الواحد الفيه الناس متساوين في الحقوق والواجبات
في دارفور ناس كما وضح من الحوارات هنا عندهم مشكلة مع ناس وسط السودان وشماله
مرات بدعوي إنه التهميش الحاصل ليهم سببه سكان الوسط (الجلابة في روايات كثيرة)
وفيهم ناس إنفصال عديل كدا
وديل -- خاصة قادة الكفاح المسلح والذين وقعوا علي سلام جوبا-- ما داسين عداءهم مع الوسط والشمال
ورغم قناعني التي تكونت بمتابعة مآلات إنقلاب أكتوبر وما أشيع أثناءها عن إتفاق تحت التربيزة
أنهم تجار حروب ليس إلا ولا يمثلون غالب أهل دارفور
ملاحظتي (غير المدعومة بإحصائيات حتي الآن) أن الغالب الاعم من الدارفوريين مع السودان الوطن الواحد
والذي ينعم فيه الجميع بالعدل والحرية والسلام والحقوق المتساوية غض النظر عن الإقليم
أو الجهة أو العنصر أو اللون أو اللغة أو المعتقد
ديل ناسنا ما بنتخلي عنهم وهم ما بتخلوا عنا
ومن أجلهم ومعا سنبني سودان الحرية والعدالة والديمقراطية
بعد إنتصار ثورة العدالة
سيكون هناك مكان خاص لكل المظلومين
بفعل الجغرافيا أو مآلات الإقتصاد السياس أو بفعل جور الحكام وفسادهم
أو حتي الذين أذتهم كثيرا تطورات ثقافة العنصرية والتحيز ضد الناس السودانيين
| |
|
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: Nasr)
|
Quote: ما كل أهل دارفور مع السودان الوطن الواحد الفيه الناس متساوين في الحقوق والواجبات
في دارفور ناس كما وضح من الحوارات هنا عندهم مشكلة مع ناس وسط السودان وشماله
مرات بدعوي إنه التهميش الحاصل ليهم سببه سكان الوسط (الجلابة في روايات كثيرة)
وفيهم ناس إنفصال عديل كدا
وديل -- خاصة قادة الكفاح المسلح والذين وقعوا علي سلام جوبا-- ما داسين عداءهم مع الوسط والشمال
ورغم قناعني التي تكونت بمتابعة مآلات إنقلاب أكتوبر وما أشيع أثناءها عن إتفاق تحت التربيزة
أنهم تجار حروب ليس إلا ولا يمثلون غالب أهل دارفور |
سلام نصر
و شكرا
في اعتقادى فهمتك صاح و ردك هنا بؤكد علي ذلك.
| Quote: ما كل أهل دارفور مع السودان الوطن الواحد الفيه الناس متساوين في الحقوق والواجبات |
هل ده بس بنطبق علي ناس دارفور و لا علي معظم اهل السودان؟
المشكلة هنا في العقل الباطنى الذى يرى الاشياء بزاوية معينة و لا يفكر خارج ذلك الصندوق. حقيقة نحتاج الي "تفكير خارج الصندوق".
ناس دارفور بتكلمو عن ضرورة تأسيس دولة فيها يتساوى الجميع و يتم ترجمة الكلام هكذا
| Quote: عندهم مشكلة مع ناس وسط السودان وشماله |
و ده ضمنيا بفترض انو ما في مشكلة في الدولة السودانية و تحوير الموضوع علي انه فقط مجرد كره من اتجاه واحد.
لو ما قدرنا نقول حقيقة الاشياء و المشاكل المتعلقة بكينونة الدولة السودانية, ما ممكن نقدم حلول و نظل ندور في محور بعيد عن اس المشكلة.
الحقيقة هنا, انو ناس دارفور لا يكرهون احد و لا يكرهون السودان بل الذى يقول بتقسيم السودان و اقامة دولة البحر و النهر دون دارفور هم الذين لا يحبون السودان.
ضربت مثال بهذا النوع من الحديث عن القصة المشهورة لنزاع امرأتين حول امومة الطفل و اقترح القاضى شطر الطفل الى نصفين فرفضت الام الحقيقة و صفقت الكذوبة و منها عرف القاضى من هى الام.
هكذا عندما نتحدث عن فصل هؤلاء او انفصالهم بأنفسهم (و قشة ما تعتر ليهم) نكون مثل تلك الام الكذوبة.
ثانيا, دائما الحديث و كان الدولة السودانية ملك لمجموعة (الاصل) و البعض الاخر مجرد اضافات يمكنهم القبول بواقع الامر او الخيار الاخر. و هذا جل الازمة لانو سايكلوجيا (العقل الباطنى) اتبرمج علي كدا و لا يمكنه سماع الطرف الاخر.
بـأختصار, كل الذى يقوله اهل دارفور, يتم ترجمته في اثنين:
- كره الشمال
- انفصاليون
| |
|
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: Mahjob Abdalla)
|
Quote: عتقد إنو أخ نصر يقصد إن الحركات ولوردات الحرب لايمثلون أهلنا بدارفور
فقد خذلو أهلهم وباعو القضية التي كانو يتجارون بها |
سلام كمال
اعتقد هذه اجسام سياسية مثل و الاحزاب المدنية و لا يمكن ان يدعو تمثيل جهة اى اثنية حتى مواعيد صناديق الاختراع.
الذى حدث ان مكونات قحت (singled them out) بأنهم فقط يمثلون دارفور و اخرجتهم من التحالف الاساسى ثم فاوضتهم علي انهم يمثلون دارفور فقط وهم عارفين ذلك و لكن الغرض كان واضح و هو محاولة حرق كروتهم بذات اسلوب السودان القديم المتبع (توقيع اتفاقات سلام مقابل وظائف الي حين ثم تدور دورات) و جمل السودان ماشى, رغم انو في الواقع, ماشى الي الخلف.
ال
| |
|
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: Mahjob Abdalla)
|
يا محجوب القائل
| Quote: هل ده بس بنطبق علي ناس دارفور و لا علي معظم اهل السودان؟ |
لو أننا ركزنا علي حكاية الإنفصال والوحدة في هذا اتبوست
بنكون قدمنا لأنفسنا ولبلدنا خدمة مفيدة
طبعا هناك إنفصاليون في كل أقاليم وولايات وقري ووديان السودان
شمال شرق غرب جنوب وجنوب جديد
لكن زي ما ظهرت حركات (إقليمية ) في دارفور وفي الشرق وجنوب كردفان والنيل الأزرق إبان الصراع ضد الطاعية
لم تتبلور معارضة سكان الوسط والشمال لنفس الطاغية في حركات إقليمية
ورغم إنه هناك إنفصاليون في الوسط والشمال
لكنهم سكان الوسط والشمال رضو مقاومة الطاغية أولا سلميا
تانيا من خلال الأحزاب والتنظيمات المهنية الحديثة
والأخيرة هذه هي في غالبها الأعم ذات صفة قومية (وطنية)
أها دا واحدة من مصايب ديكتاتورية الكيزان
أنهم زادوا إوار نيران التعصب الجهوي والإقليمي والقبلي
(بسبب أنهم علوا من شأن الثقافة العربية الإسلامية وحاملوها علي حساب باقي الثقافات)
بل أستطيع أن أزعم أن من بين أسباب إنفصال الجنوب ليس فقط رغبة الجنوبيين في الإنفصال
ولكن رغبة بعض أهل الشمال في ذات الإنفصال
والمسبحة تكر في حال دارفور والنيل الأزرق وربما قريبا شرق السودان
ليس هناك غرابة في الأمر
الإنفصال والوحدة صراع داير في معظم الدول \القومية )Nation/state في العالم
زي كويبك في كندا وإيرلندا في بريطانيا والباسك في إسبانيا
وكثيرون غيرهم
لكنني شخصيا من بين قوم أرتضوا السودان الوطن الواحد
ودولة المواطية والمساواة
وكان في طريقة نوحد كل أفريقيا في وطن واحد يكون أحسن
وقال محجوب
Quote: و ده ضمنيا بفترض انو ما في مشكلة في الدولة السودانية
و تحوير الموضوع علي انه فقط مجرد كره من اتجاه واحد. |
كيف ما في مشكلة في السودان ؟؟؟؟
نقر ونعترف بمشاكل كثيرة في هذا السودان
ومن بينها وربما أهمها العلافة المختلة بين المركز والهامش
إختلالا إقتصاديا وثقافيا وإجتماعيا وسياسيا
التهميش الحاصل لكل الأقاليم خارج مثلت حمدي في صلب مشاكل السودان
وبدون معالجة ذلك فلا صحة لجسد الوطن
Quote: الحقيقة هنا, انو ناس دارفور لا يكرهون احد و لا يكرهون السودان بل الذى ي
قول بتقسيم السودان و اقامة دولة البحر و النهر دون دارفور هم الذين لا يحبون السودان. |
ما زلت عند رأي أن عالب ناس دارفور مع السودان الواجد وهم لا يكرهون أحدا من باقي السودان
لكن ماذا تقول لأصوات كثيرة شفناها وسمعناها في الوسائط
تكيل السباب لأهل الوسط (الجلابة)
وأنهم سبب بلاويهم
شخصنة مقيتة لإختلالات بنيوية
وتطور لا متكافئ
كثير منها موروث من المستعمر
وكثير منها في طبيعة التطور الرأسمالي نفسه
إذ أنه من طبيعة التطور الرأسمالي إنه إقليمي
regional
بمعني إنه بعض الأقاليم تنال حظا من النماء والأزدهار
وأقاليم أخري تتأخر عن الركب
ودا حاصل بوضوح في أمريكا وفي الصين وفي الهند وفي بريطانيا بل ومعظم دول العالم الرأسمالي الحديث
وما عارف الحكاية الحصلت بعد داك هي مجرد رد فعل أم أنها رغبة كانت كامنة والظروف ساعدت في ظهورها
تزايدت وبوتائر أسرع في وسط اهل الشمال والوسط النيلي دعوات إنفصالية
برضو تكيل التهم لناس الغرب وتزعم أنهم (غير)
هذه إتجاهات خطيرة علي النسيج القومي السوداني
وعلينا نحن جميع أهل السودان أن نخوض جربا (فكرية) ضدها
مشكلة الإنفصاليين أنهم يظنون أن بمحرد الإنفصال فإن كل المشاكل بتتحل
وكأنهم لا يتعلمون
شوفوا كمية المشاكل الحاقت بالسودان بعد إنفصال الجنوب ؟؟؟؟؟؟
وبواصل في سلام جوبا ومسألة الوظائف
| |
|
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: Nasr)
|
تحياتي اخونا محجوب عبدالله
كتبت :-
(((الذى حدث ان مكونات قحت (singled them out) بأنهم فقط يمثلون دارفور و اخرجتهم من التحالف الاساسى ثم فاوضتهم علي انهم يمثلون دارفور فقط وهم عارفين ذلك و لكن الغرض كان واضح و هو محاولة حرق كروتهم بذات اسلوب السودان القديم المتبع (توقيع اتفاقات سلام مقابل وظائف الي حين ثم تدور دورات) و جمل السودان ماشى, رغم انو في الواقع, ماشى الي الخلف.))
هذه النقطة ليست دقيقة
الواقع ان ملفات الامن والسلام هيمن عليها المكون العسكري وتحديدا ملف مفاوضات جوبا - المعلنة واللي تحت الطربيزة كما اسماها مناوئ
والتي تمخضت عنها اتفاقات معلنة و اخري تحت الطاولة. مع العسكر
الواقع ان الحركات المسلحة. احتضنت المكون العسكري وعانقت جلادها وتواثقت معه ليس خلف قحت وانما خلف الثورة. والثوار
غدرت بالثورة التي جاءات بها للسلطة - لم تدخل الخرطوم فاتحة وانما دخلتها علي اكتاف الثوار وبفضل الثورةً
وهي من تخلي عن اهل الهامش وادعت تمثيل دارفو متجاهلة حركة عبد الواحد وشعوب دارفور
وهو امر لم يعني لاهلنا في دارفور شيئا
فقد واصلوا فعاليتهم الثورية تناغما مع بقية الوطن - في ذات التوقيت وبذات الشعارات
اما ناس الحركات فقد ارتضو بدور الsupporting cast
بل والكومبارس-اجتماعات قاعة الصداقة واعتصام القصر
وارتضو بذات الدول الذي كان يلعبه موسي هلال وحميدتي من بعده - ادوات بيد نخب المركز
وبطبيعة الحال
فان لدارفور قضية ومظالم لن تنقص منها مواقف الحركات شيئا
| |
|
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: كمال عباس)
|
Quote: كيف ما في مشكلة في السودان ؟؟؟؟
نقر ونعترف بمشاكل كثيرة في هذا السودان
ومن بينها وربما أهمها العلافة المختلة بين المركز والهامش
إختلالا إقتصاديا وثقافيا وإجتماعيا وسياسيا
التهميش الحاصل لكل الأقاليم خارج مثلت حمدي في صلب مشاكل السودان
وبدون معالجة ذلك فلا صحة لجسد الوطن |
سلام نصر
ما اظن نطلع من محيط العاصمة المثلثة و نلقى اى مشروع تنموى او خدمى (مدرسة, مستشفى, محطة كهرباء) اتبنت بواسطة الدولة و في هذا يتساوى مثلث حمدى و كل ولايات السودان. هناك اشخاص من مثلث حمدى اغنو انفسهم و بنو اعمال في محيط العاصمة و هربو اموالهم خارج السودان لمنافعهم الشخصية و لاسرهم و لم يستفيد منه قراهم (ضهارى)
و لذلك ناس الشمال يكونو حذرين في استخدام هذه الجزئية
| Quote: لتهميش الحاصل لكل الأقاليم خارج مثلت حمدي |
فمثلا مشروع الجزيرة واقع في مثلث حمدى و تم تدميره. هنا نتحدث عن الكان موجود و قد دمر, فكيف نتحدث عن تنمية بأريحية!
ده ببقى زى البوبار, سايكلوجيا بخلي الواحد يحس انو هو مختلف الي الافضل و لكن في الواقع ليس كذلك, بكدا ببقى مضر.
ليس هناك مركز و هامش, بل في مدينة اسسمها الخرطوم و اليها يهاجر كل السودانيين و بجيهم حالة انفصام تجاه الريف و كأنها ليست واطة ممكن تتبنى طوب. هذه ايضا حالة سايكلوجية لما الواحد ضمنيا يخت نفسه انو هو مركز (يد عليا) و المشكلة الاكبر في الناس الواحد يرتضى علي نفسه انه (هامش) = يد سفلي.
المفاهيم دى لو اتغيرت, زول الريف ح يفتخر انو من الريف و بهذا ممكن يمشى يبنى مشاريع يستثمر قروش الاغتراب في قريته و يبنى مشروع بدلا ما يصبو قروشو في صندوق اسمنت و قدام الباب كوشة.
المهم الخطو الاهم هو الجلوس لتأسيس دولة بعيدا عن السباق نحو الوظائف كما حدث في المرة السابقة. ما في زول يخطف الكرسى الكبير لما يفضى (next time) و يقول بوزع للناس حقوقهم. اول شئ يرفعو الكرسى الكبير الي المخزن الي حين الاتفاق علي مائدة مستديرة
| |
|
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: Mahjob Abdalla)
|
| Quote: الواقع ان ملفات الامن والسلام هيمن عليها المكون العسكري وتحديدا ملف مفاوضات جوبا |
سلام كمال,
كيف و لماذا حدث هذا؟
ده بجيبنا لبداية المفاوضات التى انتجت الحكومة الانتقالية حيث انشغل الناس بتقسيم الوظائف اكثر منه وضع اسس سليمة لبناء دولة.
في البداية كان التفاوض كلو علي عدد المناصب في مجلس السيادة, بدأو ب 15 و نزلو ل 11.
اول الاخطاء انهم لم يحددو في الاتفاق مثلا ان الرئيس عسكرى و النائب مدنى و لكن ركزو على تبادل الرئاسة.
ثانيا, حميدتى لم يذهب الي جوبا بمزاجو او مزاج العسكر لوحدهم بل ده كان اصل الصفقة ان يحتفظ حميدى بجيشة بعيدا عن الجيش و تم اختياره لمفاوضة الحركات و في حال رفضو التوقيع علي السلام, حميدتى هو الذى سيحاربهم.
الذى حدث انو حميدتى (اذكى من كثيرين) استخدمهم لصعود عتبة السلم الاول (تقنين وجوده كدولة داخل دولة) و لما مشى بهناك لناس الحركات قاليهم بالحرف الواحد (ديلك عايزننا نمشى نتحارب في وادى هور و هم يحكمو).
الذى اود قوله. انو الخطأ الاول هو اساس الاخطاء التى اتت بعده. يعنى لو عايز تبنى بيت و وضعت الاساس خطأ, مما تتوقع انو البيت يعيش طويل.
| |
|
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: Mahjob Abdalla)
|
يا محجوب
أنا لاقي منطق سليم في نقطتك دي
Quote: ليس هناك مركز و هامش, بل في مدينة اسسمها الخرطوم و اليها يهاجر كل السودانيين
و بجيهم حالة انفصام تجاه الريف و كأنها ليست واطة ممكن تتبنى طوب. هذه ايضا حالة سايكلوجية
لما الواحد ضمنيا يخت نفسه انو هو مركز (يد عليا) و المشكلة الاكبر في الناس الواحد يرتضى علي نفسه انه (هامش) = يد سفلي.
المفاهيم دى لو اتغيرت, زول الريف ح يفتخر انو من الريف و بهذا ممكن يمشى يبنى مشاريع يستثمر
قروش الاغتراب في قريته و يبنى مشروع بدلا ما يصبو قروشو في صندوق اسمنت و قدام الباب كوشة. |
يكون كويس شديد ومفيد لو زول الريف (المغترب أو مريش حبتين) يمشي يسمتثمر في الريف
لكن الإستثمار كشأن إقتصادي ليه شروطه
أهمها العائد من الإستثمار
فمتي رأي المستثمر (لاحظ مع أنه ينتمي لنفس المنطقة ) أن قروشه حتروح ساكت
لأحجم عن الإستثمار وأستبدل ذلك بشوية إعانات لأهله وأقاربه وربما منطقته
ثم أن الإستثمار الأساسي الذي هو في الإنسان تخصيصا (يبدأ بالتعليم وبالصحة ولا يتنهي بالساهل)
ما بقدروا عليه الأفراد
رغم إنه في حالات ناجحة لمجهودات في مجال التعليم والصحة في الريف السوداني
قام بها أبناء المنطقة
إلا أنها لا تفي بالقليل المطلوب
ويصعب تكرارها في مناطق أخري
(في ناس يفضلوا يرسلو لأهلهم ذخيرة يحموا بيها أنفسهم وما عندهم وقت للتفكير في المدارس٩
حكاية ما في مركز وهامش في خرطوم وباقي السودان دايرة أخذ ورد
بيحصل في الدول الريعية مثل التي تتحصل علي دخلها من أتاوة علي ثروة زي البترول
أن السلطة (المتحصل الأوحد لعويد هذه الثروة) لا تهتم بباقي البلد
وينصب إهتمامها براحتها الشخصية خالص
حتي في الخرطوم بتهتم بالمطار والقصر والمستشفي السياحي وشوية أحياء لسكني المهمين
في الخرطوم نفسها وليس بعيدا عن القصر يعيش ناس في ظروف أسوأ من ناس الريف
والمسألة ليست نفسية
التفاوت الإحتماعي (في جعرافيا البلدان) ليس متخيلا
أنه واقع
لكن واقع معقد تتشابك فيه عوامل كثيرة سياسية وإقتصادية وإجتماعية
لو شفت إحصائيات توزيع المدارس والمستشفيات بين المدن والأقاليم المختلفة
لوجدت فوارق عجيبة
حتلفي في الآخر الناس بتجي الخرطوم مش عقد منها
لكن لأنه المستشفيات والأطباء والمدارس وخدمات الجوازات والعمل التجاري وحاجات تانية كثيرة كلها مركزة في الخرطوم
| |
|
|
|
|
|
|
|
|
|
Re: إبراهيم الأمين- اتفاقية سلام جوبا تآمر من (Re: Nasr)
|
سلام نصر,
و شكرا للنقاش الهادى
Quote: لكن واقع معقد تتشابك فيه عوامل كثيرة سياسية وإقتصادية وإجتماعية
لو شفت إحصائيات توزيع المدارس والمستشفيات بين المدن والأقاليم المختلفة
لوجدت فوارق عجيبة
حتلفي في الآخر الناس بتجي الخرطوم مش عقد منها
لكن لأنه المستشفيات والأطباء والمدارس وخدمات الجوازات والعمل التجاري وحاجات تانية كثيرة كلها مركزة في الخرطوم |
لو استكنا علي التسمية ببقى امر واقع و الناس حتفكر تحلها بل يظل كذلك و تقنين لواقع طبقى. و الاسوأ انو ما حتكون هناك اى محاولات لتغييرها. يظل الواقع كذلك حتى يبقى طرف مهزوم نفسيا يتلقى حقوقه بدلا من نزعها و الطرف الاخر يمنح الاخرون فتات حقوقهم حتى يبقى الفارق كذلك.
حميدتى مثلا بعد ما تم تسليمه دارفور عسكريا بقى عندو حفارة كبيرة و بقى يتبرع لاى منطقة بحفر بئر ماء و لو لقى عندهم مدرسة دايرة تكملة برضو بكملها.
يعنى تحول من غول الي (مركز) يمنح الناس حقوقهم.
لو الدولة اتاسست و الناس قدرو يتجاوزو محطة مركز و غير مركز, اول شئ ممكن يتبنى ست مستشفيات بطراز واحد و كل التخصصات المهمة في اقاليم السودان الخمس بهدف ان ايقاف السياحة العلاجية الي الخارج او الي الخرطوم.
مثلها كل بنية اساسية تتبنى بخطط معينة بحيث اى اقليم يكون عندو اكتفاء ذاتى, حينها سوف يبقى الناس في اقاليمهم و يكون استثماراتهم داخل اقاليهم لانو كل الخدمات الاساسية موجودة.
في الاول بتبدا ببرنامج علي خطوات, مثلا توفير مثل هذه الخدمات في نطاق اقصى 300 كيلومتر من ابعد نقطة لاى مواطن في الدولة و من ثم مرحلة اخرى تقصيرها الي 200 او 100 كيلو.
و ده ما بحصل لو الناس ركنت علي مركز مركز و هامش هامش بدون تقاطعات و بدون تغييرات.
| |
|
|
|
|
|
|
| |
زهير ابو الزهراء
محمد عبد الله الحسين
Nasr
محمد البشرى الخضر
Salah Zubeir
Mahjob Abdalla
كمال عباس
فيس بوك
تويتر
انستقرام
يوتيوب
بنتيريست