|
Re: توضيح وإعتذار وكشف حال أمام أعضاء المنبر � (Re: محمد جمال الدين)
|
تحيات وسلام الأخ محمد جمال الدين~ رغما عن إنى جديدة بالموقع، لكن متابعة من زمن بعيد كنت معجبة بكتاباتك وافتكر إنها "Paradox" وإنك مبدع وعندك خيال قاطعه من رأسك دا، ودى شهادة من زولة بتقرأ أو بتحاول تقرأ أكبر كمية من الكتب وخلافها. لكن فى الزمن دا أصبح عندى الهم الأول والثانى والأخير زاته، الحاصل فى السودان (أقصد الإحتلال) ولا عاينت لكتاباتك الأخيرة، فلك الإحترام. [/B
| |
|
|
|
|
|
|
Re: توضيح وإعتذار وكشف حال أمام أعضاء المنبر � (Re: هدى ميرغنى)
|
Quote: تحيات وسلام الأخ محمد جمال الدين~ رغما عن إنى جديدة بالموقع، لكن متابعة من زمن بعيد كنت معجبة بكتاباتك وافتكر إنها "Paradox" وإنك مبدع وعندك خيال قاطعه من رأسك دا، ودى شهادة من زولة بتقرأ أو بتحاول تقرأ أكبر كمية من الكتب وخلافها. لكن فى الزمن دا أصبح عندى الهم الأول والثانى والأخير زاته، الحاصل فى السودان (أقصد الإحتلال) ولا عاينت لكتاباتك الأخيرة، فلك الإحترام. |
ولا يهمك هدانا والف مرحب بيك.. نديك قلب باثر رجعي😅 وشكرا للتشجيع الفخيم
| |
|
|
|
|
|
|
Re: توضيح وإعتذار وكشف حال أمام أعضاء المنبر � (Re: محمد جمال الدين)
|
الجميل قلبا وعقلا العزيز محمد جمال الدين
انت مثقف وطني كامل الدسم وصاحب رؤية علمية ثاقبة ستسهم حتما في بناء سودان المستقبل لطالما تمتلك هذا الضمير الوطني الحي وهذا الصدق المهول....فانت مكسب لهذا الفضاء بكتاباتك الفكرية العميقة ولا محتاج لهذا الاعتذار النبيل مع فائق الاحترام والتقدير
| |
|
|
|
|
|
|
Re: توضيح وإعتذار وكشف حال أمام أعضاء المنبر � (Re: هشام هباني)
|
العمدة المناضل الجسور الذي لم تلن له قناة
Quote: الجميل قلبا وعقلا العزيز محمد جمال الدين
انت مثقف وطني كامل الدسم وصاحب رؤية علمية ثاقبة ستسهم حتما في بناء سودان المستقبل لطالما تمتلك هذا الضمير الوطني الحي وهذا الصدق المهول....فانت مكسب لهذا الفضاء بكتاباتك الفكرية العميقة ولا محتاج لهذا الاعتذار النبيل مع فائق الاحترام والتقدير |
احتفى بتشجيعك الذي يسعدني طبعا ومؤكد ان اخوك ما مصدق الا مشاعرك السمحة.. مية المية مصدق.. لكن اعرف الواقع ازعم.. المهم سعادة بيك واتمنى تكون بخير واهلك وتظل كما انت لنا جذوة نار ملتهبة وتدفعنا كلنا لعمل الواجب تجاه البلد الحزين وتذكرنا ان غفلنا
| |
|
|
|
|
|
|
Re: توضيح وإعتذار وكشف حال أمام أعضاء المنبر � (Re: محمد جمال الدين)
|
أنا قاعد وبل مقيم هنا.. وزمني بقى أحسن.. حمداً .. البوست دا قديم بس جزء منه لسا ساري.. وبقرا البورد كل يوم من الألف إلى الياء زي السلام عليكم ومستفيد ومبسوط.. وقريت آخر شيء الليلة البوست التحليلي التعريفي المفيد للقطب الذي نحب: محمد عبد الله الحسين https://sudaneseonline.com/board/510/msg/1654243377.html
أما بعد: أعرف وعارف وعالم علم اليقين أنو بوستاتي "رمة" ومشاترة إلا الزول يكون زول صبور صبر أيوب أو صديق مجبور أو زميل أيام الجامعة (زي ناس الذكريات كيكي وخليل) أو طلاب دراسات ما، وبعد دا لازم الشقي دا يعمل لياقة ويتريض كم إسبوع لأن بوستاتي طويلة ومسيخة وبتعمل وجع عيون وعضلات وحيرقان.. وكمان أنا ذاتي عاملة لي مشاكل مع المركز والهامش وما بينهما ومع الحقبنجية (الما قرو) القرو بعد تعب بقينا أصحاب.. يعني مافيش فايدة إلا الفضفضة وراحة الضمير😅
مثال: مقدمة في قواعد العامية الوسطسودانية.. محاولة اولية! https://sudaneseonline.com/board/510/msg/1654113733.html
حلقات هنات/أخطاء مبدعي الحقيبة كاملة هنا: https://sudaneseonline.com/board/510/msg/1657221625.html
المهم السايقة واصلة.. والسايقة تُراجع ولا تَتًراجع أبداً "كعبة" على قول ناس حزب كدا نسيت إِسمُمْ.. بس شخصياً لكل الأحزاب أحترام أو هو الزعم.. شكرأً وطابت أيامكم وعيد سعيد
| |
|
|
|
|
|
|
Re: توضيح وإعتذار وكشف حال أمام أعضاء المنبر � (Re: محمد جمال الدين)
|
ودي مداخلة هسا عملتها في بوست تاني بس أظنها ظن مني بتشبه رسالة البوست دا وإلا معليش.. وهي طبعاً عامة.. كالتالي:
تشرفنا محمد عبد الله الحسين ودوما مشجعنا ظالمين أو مظلومين
Quote: تحياتي وكل عام و أنتم بخيرمجهودات كبيرة ورائعة...واجتهادات ........وربط بين التاريخ واللغة ....مجهودات تستحق الإشادة...كنت أتمنى المشاركة لو أستطيع... أكتفي بالمتابعة. |
شكرا.. ولا يهمك.. أنا عارف كلامي كتير ومتابعته صعبة.. أنا في الحقيقة زي ما أهلنا بقولو رامي لقدام لسا المشوار طويل.. ودي أظنها كتابة ذاتية أو شبه توثيق ما بوست للتداول والحوار لأنه في شكل سلسلة حلقات خطتها محددة سلفاً.
لكن طبعاً أطلب عبر نشرها الدعم بالمراجع وأطلب الرأي الآخر المفصل والمبرر إن وجد وأطلب العزاء في وجع الرقبة والكتف والراس.. وجاتني كورونا قبل كم يوم ومشت براها ولا إشتغلت بيها ولا دلعتها.. ما فاضي من القواعد 😅.. بس أديتها قرض وطلبت الغوث من الأقطاب العظام فرحلت غير مأسوفاً عليها.
وأديك في الختام هدية رمزية: شوف الزول دا عارف القواعد العامية كيف من زمان.. قبل خراب سوبا.. توفي1351م.. ونحن يا داب بنتغالط عندنا زجل ولا لا (الحقيبة)، وهل الشعر العامي عنده قواعد وهل العامية ذاتها عندها قواعد.. نحن ورا شديد 😅
العاطِل الحالي كتاب في الأدب. ألفه صفي الدين عبد العزيز بن سرايا الحلِّي (1278-1351م) وهو شاعر وكاتب وأديب، وله ديوان شعر مشهور. اسم الكتاب كاملاً العاطل الحالي والمُرخَص الغالي ولكنه اشتهر بالعاطل الحالي.يعالج هذا المؤلَّف الفنون الأربعة التي كتبت في اللغة العامية وهي الزجل والمواليا والقواما والكان كان. وقد نص الحلي في مقدمة الكتاب على هذه الفنون فقال: "فهي الفنون التي إعرابها لحن، وفصاحتها لَكْنٌ، وقوة لفظها وهن. حلال الإعراب بها حرام، وصحة اللفظ بها سقام. يتجدد حسنها إذا زادت خلاعة، وتضعف صنعتها إذا أودعت من النحو صناعة، فهي السهل الممتنع والأدنى المرتفع، لا سيما في الزجل الذي تختلف أوزانه ويضطرب ميزانه، ويتغاير لزومه ويشتبه منظومه. وهذه الفنون تختلف بحسب اختلاف بلاد مخترعيها وتفاوت اصطلاح مبتدعيها ؛ فمنها ما يكون له وزن واحد وقافية واحدة وهو الكان كان ومنها ما يكون له وزن واحد وأربع قواف وهو المواليا، ومنها ما يكون له وزنان وثلاث قواف وهي القواما ومنها ما يكون له عدة قواف وعدة أوزان وهو الزجل".ذلك مقطع مهم من كتاب العاطل الحالي والمرخص الغالي.. والحقيبة من نمطقية الزجل وفق خلاصة البحث.. اقرأ لطفاً مرة ثانية ماذا قال عن نمطيتها في هذا المقطع للتو سيدي: صفي الدين الحلي.. في حوالي العام 1330م.
مقدمة في قواعد العامية الوسطسودانية.. محاولة اولية!
https://sudaneseonline.com/board/510/msg/1654113733.html
حلقات هنات/أخطاء مبدعي الحقيبة كاملة هنا: https://sudaneseonline.com/board/510/msg/1657221625.html
| |
|
|
|
|
|
|
|