،،،،،،، قال لي الشريف زين العابدين الهندي ان امسينا بالله الكريم من شعر الاخوانيات و لم اوثق من ابوي الشريف تفاصيل ذلك و اي كانت الحقيقة فان الثابت و الذي سيبقي في تاريخ الخلود انها ل 'شكسبيرنا' خليل فرح ومنشورة في ديوان الخليل الحاوي الفسيح ديوان خليل المجد الفنان الشاعر الوطني "الفرعون" ،،،،،،، منقول حاولت ما استطعت تصحيحه من الذاكرة الكليلة
خمريات الخليل ....
امسينا بالله الكريم .. و تحصّنا من جور كُل ريم
كدا كُبّي يا جدي الصريم .. واسقينا قُبّال الغريم جيش الظلام هَبْهَبْ منيم.. حافل كانه قطيع ظليم قدّام بشوف (موسي الكليم).. ماد اييده(يده) من غُرَف "اورشليم" ،،،،،،، انا في بساتين الزهور.. بين الترايب والنحور اشرب معتقة الدهور ..وندماي عصافيرالسحور اطربني بالصوت الجهور.. ياشادي من كل البحور قول للغريب يكفيك شهور.. وطنك جنان والفيه حور
انا بين نديم والعود يغن وقلوبنا خالية من الضغن وكؤوس صببناها ورغن .. بِرْ ايها الرشا الاغن حين غني دورو الليل هدن .. وين انت من جنة عدن وين انت ياخالد حسن .. هاجرنا هجران الوسن مجلسنا ما فاقد حسن .. غيرك نحول ليه الرسن
غنينا ياباهي الدلال .. واسمعنا ياحاوي الجمال اسمعنا يا حاوي الجمال .. دللنا في سوقك حلال
يامقرن النيلين سلام .. باشرنا قبال الملام مابشيقنا من غيرك كلام .. قول لينا وين بحرك ده لام حييناحياك الغمام .. الليلة نور بدرك تمام اسمعنا من هدل الحمام .. خلينا نتمايل ثمام
قول نحنا في حوض الجنان .. المولي يرخي لنا العنان رعيا لمخضوب البنان .. خلاني دن بين الدنان
ناولتو كاس قال لي عجب .. مازحتو مال عني احتجب دابروني يا ناس ايش عجب .. ود الدروع صايم رجب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة