|
|
|
 Re: رسالة محبة إلى سلمى (Re: قيقراوي)
|
احبك يا عمر أرباب وين ما اصبحت او أمسيت .. ر
يحتني بكتابتك الطاعمة.. اوفيت وكفيت..
كان ما يجيش في صدورنا عن الحب أو في شأن الثورة ومساراتها اللولبية العجيبة..
سبحانها .. تقوم بينا وتقعد..
آمال.. وآحلام.. اماني.. ومخاوف..
دمع.. ودماء..
ترقب وحذر..
خليط عجيب من المشاعر لا قبل لقلوبنا الضعيفة بها..
لكن بالاجمال عن نفسي مستمتع جداً..
وشاكر للدنيا ان اتاحت لي أن أكون شاهد عصر .. فاعل ومنفعل
الثورة مستمرة.. وستنتصر
| |
 
|
|
|
|
|
|
|
|
Re: رسالة محبة إلى سلمى (Re: قيقراوي)
|
تحياتي قيقراوي
عمر ارباب زول مبدع وكتاب
عمر ارباب زولنا من كوستي ولا غيرو
اما عن النصر
لقد انتصرنا فعلا وبشكل عملي
هذه ثورة غير مسبوقة عالميا
بثت الوعي والجرأة وحققت معني المثقف العضوي
| |
|
|
|
|
|
|
|
|
|
Re: رسالة محبة إلى سلمى (Re: قيقراوي)
|
لطلما حيرني الرفيق (تشي) جيفارا رحيمو الله في راسي المكدوس دا!!
كان يبدو لي انو مثبت الsetup بتاعو على وضع (ثائر) بما يعادل (بتريد اللطام) او (متلقي حجج) راسو عديل في رواية اخرى..
يعني الرفيق دا بعد أنتصرت ثورة بلدو.. بقى بس ما يسمع لي بي (كتمة) في أي بلد في العالم.. بس يبل منديلو بالخل ويلفح ليو كمامتين ويقول ليهم وروني العدو (تقرأ الكيزان) واقعدوا فراجة.. ويشبكهم ليك: تسقط بس .. تسقط بس!
اتاريهو اكتشف سر الثورة الباااتع باكراً😍
بالجد الثورة طلعت متعة غير متوفرة في اي نوع من المتع التقليدية (مافي زول يسألي ياتا.. كلكم عارفينها) 
إشتو يا رفيق.. إشتو✌
| |
|
|
|
|
|
|
|
|
|
Re: رسالة محبة إلى سلمى (Re: قيقراوي)
|
| Quote: وهنا خوف ممتزج بإنتظار وسؤال، كيف سيجدد النهر مجراه، هل يفيض فيغمر يابسة الإنتظار، أم يكرر دورته بعد مخاضه العسير. |
هنا الزيت والزيتون ....
شكرا ياقيقا -راوي
| |
|
|
|
|
|
|
|
|
|
Re: رسالة محبة إلى سلمى (Re: Yousuf Taha)
|
وبدأ يعود للمنبر طعمه القديم
ليتهم يعودون معك والعود أحمد
شكراً قيقا لهذا الألق
شكراً لسلمى الملهمة .. وشكراً للأرباب
كسرة:
أثبتت الثورة أن هنالك الآلاف من جيفارات القرن
والعالم يراقب الأن بعيون ملؤها الشوق
أمال قمح الجيران المعتت دا قايلو حباً فينا ؟؟
دا كلو عشان ما ينط ليهم جيفارا عبر الحدود
مودتي يا صاحب
| |
|
|
|
|
|
|
|
|
|
Re: رسالة محبة إلى سلمى (Re: عمر أبوعاقلة)
|
Quote:
كسرة:
أثبتت الثورة أن هنالك الآلاف من جيفارات القرن
والعالم يراقب الأن بعيون ملؤها الشوق
|
ابو عاقلة يا عمك ..
شوف ليك جنس غزل في ثورتنا النبيلة:
الصبر على نظام البشير ٣٠ عاماً يُدخل الجنة! وإسقاطه الان جهاد وهو أعلى مراتب التضحية بل وسنام الاسلام،ومحاكمته وعقابه انتصارٌ للعدالة، ونيل الشعب السوداني لحريته انتصار للانسانيه ،ودعمنا ومساندتنا لثورة السودان واجب ديني وثوري وانساني..تحيا الثورة ويسقط الظلم والنظام. #تسقط_بس
https://twitter.com/Genodeh65/status/1097757162498154497؟s=17https://twitter.com/Genodeh65/status/1097757162498154497؟s=17
------------
رااجعين لغزل الفرنسيين .. والامريكان والاروبين
Stay Tuned👀
| |
|
|
|
|
|
|
|
|
|
Re: رسالة محبة إلى سلمى (Re: Yousuf Taha)
|
Quote:
هنا الزيت والزيتون ....
|
كسروا عظامنا وفتتوا لحمنا بين المشارح ...
ولكننا بالسلمية وتماسكنا وصبرنا على الأذى والجروح، حتماً سنهزمهم
وعداً وفعلاً لا أماني وقعود
✌✌✌
| |
|
|
|
|
|
|
|
|
|
Re: رسالة محبة إلى سلمى (Re: Kamal Alalla)
|
[شكراَ يا سلمى يا ظالمة لأنك كنت سبباَ لهذه الرشفة المطعمة بملح الثورة]
سلمى كابلي رحيمة.. لكن سلمى الخالدي ظالمة.. وظلم لي ظلم يفرق.. ظلم رحيم لا كظلم الكيزان.. ظلم اسيادو (مرقوا) ليه (لا ضده) مواكب هادرة براهم.. وتهتف ان نحنا مرقنا مرقنا!
قالها ابو اللمين : (اقيف وسط البلد .. واهتف .. بريييييدك يا صباح عمري)
وقالها خالد فالكاو: اريد أمرأة تقول هذا حبيبي .. فانصروني يا نساء الارض)
وتستمر الرواية السرمدية وتتمدد في المدى ..
ودائماً سلمى حضور (ما البطلة كمان😍) .. ويحتشد المشهد بالناس .. والجري .. والبمبان!
اما انا.. فبين (سلمى) وعيوني بندقية .. وبحر.. وكفييييل!
و(سلمى) كما البمبان.. تظل مدرة للدموع ... وتتعدد الاسباب😍
| |
|
|
|
|
|
|
|
|
|
Re: رسالة محبة إلى سلمى (Re: قيقراوي)
|
جيفارا يسكن العباسية يا قيقا ..
كما شوهد في بري قبل اعتقاله في موكب صينية القندول مباشرة.
محبتي لسلمى ..
قليلا من الصبر وياتي الصباح.
| |
|
|
|
|
|
|
|
|
Re: رسالة محبة إلى سلمى (Re: محمد حيدر المشرف)
|
حَريـر العُشَـر......... رحـل الضباب المتراخي الّا من جيوبٍ تَصنع بوارها وكسادها المُدبّج بحرمة التظاهر والسؤال في زمن النهوض ودعواته تتلقفها أزهار الليمون و البرتقال و الورود البريـّة تباعد ما بين حاجبيها ميدانا للفراشات وطعم الشهد ورائحة طلوع المهنيين وعمال اليومية لقّـح الأحزاب ، وبـلا دعوة يتوافـد للمكان قصّابون متطفلون تدلّتْ أكتافهم من ثقل السلاح وعِدّة قمعٍ يختلط فيها الصرف الصحي بالخرطوش و العصي بالحديد والرصاص، حملها ووسّع بـاب السقوط كُـلّ من رغِب في ان يصير ظـلاً يُمـدّ الي بقية عُمْره فلا يصل الاقربين حتي أُمّه وأبيه، ويُقصَّر ليستوي مع مراَة نفسٍ مهشمة يخرج منها منعكِسا رمّمته البلاهة وطاعة الاوامر كشقف الأواني لزّقها الصابون والطين بينما تُسِيّل بقاياها المشتتة
في الشوارع دموعٍ وعذاباتٍ و دماء ، بَراقِع لباسه ترِفّ طربا امام شباك المهايا والحوافز عندما يستخدم لرَدم هوّةٍ أسعار، وعطراً لجوفٍ تفوح منه روائح نعالٍ خُلِع في مكانٍ اضيّق مما بين اسنان ،ومكواة لرؤي كرمشها فساد القادة و الأسياد اَمروا تنفيذ اعدامات الشوارع و سلب الروح من بين خيشٍ بلّله الدم ليقِي كيمان الطماطم الجفاف ، أمروهم بالاعتقال والانتشار الحذِر حول الابواب كبذور العُشَر التي غشّ شعرها عندما حاكي الحرير لترحل قريبا من فمٍ ينفخ اوامر المدير ، وبعيدا الي مرقدها الاَسن امام رياح وعواصف الثورة والتغيير.......
عمر ارباب / كوستي
| |
|
|
|
|
|
|
|
|
|
Re: رسالة محبة إلى سلمى (Re: محمد حيدر المشرف)
|
Quote:
جيفارا يسكن العباسية يا قيقا ..
كما شوهد في بري قبل اعتقاله في موكب صينية القندول مباشرة.
محبتي لسلمى ..
قليلا من الصبر وياتي الصباح. |
مرحباً ديسمبر الأخضر مرحى.. قد ترقبناك أعواماً عجافاً..
حارينك نحنا ودايرنك.. بل شايفنك في ضمير الشعب تحيا صامداً.. منتظراً
ياريتو كان داهمنا بدري شوية يوم أن كان لنا ذاك الهواى، الذي طالما تفانينا في طاعته ..
ونحن على بعد ميعاد فقط من الخمسين .. تبدو سلمى أكتر يفاعة .. وقيل ما دون العشرين ذاتو
على كلٍ مازلنا متمسكين بالحديث ذو الافانين ذاته .. رغم وعد الخمسين .. المافي شنو!؟
شكرأ لسلمى .. شكراً شعبي الجميل.. وشكراً للخمسين الانتظرت لنشهد انفجارك في الأرض يا سمراء .. يا واااضحة
ممتن انا ✌💖✌
| |
|
|
|
|
|
|
|
|
|
Re: رسالة محبة إلى سلمى (Re: قيقراوي)
|
انظري بعينيك الجميلتين لعل المستقبل يفتح لهما كوة من نظر فتأتينا بالبشارة ليهدأ القلب قليلا ويرتاح الوجدان.
فالخطوة الجسورة كما تتتجاوز الخوف، تحمل معها من أطياف التوقع والانتظار الكثير، رغم أن الخطوة المشدودة على أديم الحق مهما حصل لها، فستصل في نهاية المطاف.
| |
|
|
|
|
|
|
|
|
|
Re: رسالة محبة إلى سلمى (Re: قيقراوي)
|
لكن رغم ذلك وذلك وهكذا ولأجل الحب وفي سبيله ورغم كل شيء، سنعمل على غرس فسيلته في نفوسنا، فإنه سراج السماء الذي يسير بين الناس، ومعنى المعنى التي لن تحمله قاطرات الحروف، لذا سنكافح بحب، ونحيا بحب، ونصابر بحب، حتى يزهر وطن الحب في سوسنات العيون.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
قيقراوي
عبدالحفيظ ابوسن
Yousuf Taha
عمر أبوعاقلة
Kamal Alalla
محمد حيدر المشرف
فيس بوك
تويتر
انستقرام
يوتيوب
بنتيريست