|
|
|
 Re: إلغاء تأشيرة الخروج (Re: امتثال عبدالله)
|
سلام الماجدة امتثال
اثني
و يجب ان يتم الغاء هذه التأشيرة
السبب الأول هو معرفة تحركات المعارضين كما تفضلتي
و السبب الثاني هو التحصيل للرسوم الغير مبررة
و كذلك يجب الغاء ادارة شئون المغتربين
و أن تؤول صلاحياتها للسفارات لحلحلة مشاكل السودانيين في دول الاغتراب
عن طريق المسارات الديبلوماسية
| |
 
|
|
|
|
|
|
|
|
Re: إلغاء تأشيرة الخروج (Re: خضر الطيب)
|
اما عن الذين بتهربون من الضرائب فلا أحد سوف يتهرب من الضرائب الآن في زمن الحرية والديمقراطية والعدالة ونحن نرى الآن الكل يتسابق للتبرع عن طيب خاطر من أجل عزة ومجد السودان ومن أجل رخاء الشعب السوداني ،، ومشكلة التهرب من الضرائب يمكن حلها عن طريق وضع قوانين مشددة والسجن لمدة ١٠ سنوات على الأقل لمن يتهرب من دفع الضرائب...
وفي أمريكا إذا وقعت في يد العدالة بتهمة التهرب من الضرائب فإن العقوبة قد تصل السجن لمدة ٢٠ سنة....
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
تحياتي امتثال ..
في السعودية برضو عندنا تأشيرة الخروج مرتبطة بكل معاملات المواطن والمقيم
وتبلغ رسومها 200 ريال للشهر الواحد ، يعني اذا عندك زيارة للبلد 6 شهور تدفع 1200 ريال
(مايزيد عن 20 مليون جنيه سوداني) مقابل التاشيرة فقط للجواز الواحد ..
المصريين في عهد السيسي يدفعون ضرائب ورسوم عند الخروج تعادل ثلث قيمة الراتب عند ذوي الدخل المرتفع
السودان حتى الان الأقل رسوما وان كانت الإجراءات الأكثر تعقيدا ..
| |
|
|
|
|
|
|
|
|
|
Re: إلغاء تأشيرة الخروج (Re: عمر التاج)
|
خضر
شكرا للتثنية ....
ونحن نطالب وزير الداخلية بإلغاء تأشيرة الخروج فورا ....
...
عمر التاج...
السعودية ومصر ..ديل دول دكتاتورية وهدف السعودية من أجل جباية الأموال من الأجانب المقيمين ...مع أن الحكومة السعودية ما محتاجة لأموال...ودخلها من النفط ممكن يخلي أي سعودي يعيش وكأنه ملك ، ولكن للأسف أموال النفط تذهب لقتل اليمنيين والى جيوب الأمراء يشترون بها القصور في أنحاء العالم ...
ولا أظن السعودية تفرض تأشيرة خروج للمواطنين السعوديين....
| |
|
|
|
|
|
|
|
|
 Re: إلغاء تأشيرة الخروج (Re: امتثال عبدالله)
|
تاشيره الخروج لو كانت ن دون تعقيدات وخاصه فى عصر قواعد البيانات الرقميه وربطكل شىء بالرقم الوطنىتصبح اسهل.وهى شىء معمول بيهو حتى قبل الانقاذ( اذكر اول مره اسافر خارج السودان تاشيره الخروج بتاعتى كانت فى نوفمبر 1987 فى العهد الديمقراطى)
اهميتها فى ان المسافر ممكن يكون مطلوب فى جريمه جنائيه او عليهو شيكات او متهرب من ضرائب ...الخ (فى قوائم الممنوعين من السفر)او حتى يستخدم جواز مزور.والتاشيره سهله طالما كانت اجراء روتينى.
لو تركت قضيه الفحص فى المطار قد يحدث تعقيدات تؤخر المشافر عن رحلته.مثلا لو الدوله مالباهو تسديد ضرائب او مخالفات وهو متهرب منها.ويصبح عمليه التاشيره لصالح المسافر حتى يوفق اوضاعو قبل السفر
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
امتثال
مازلنا دوله عالم ثالث وكثير من التفاصيل تحتاج تطور للوصول الى الدول الاوربيه وتقدمها بالتالى سهوله الامور مش فى تاشيره خروج من عدمها وانما فى تفاصيل اخرى كثيره.
يعنى فى امور عندنا تكون معقده زى الغربال بسبب الفساد واختلافات فى اليات تنفيذالوانون والنظام والتكنولوجيا.نحنا لغايه الان احيانا تتعطل اجراءات الكترونيه بسبب (الشبكه طاشه او انقطاع الكهرباء وبالمناسبه امس قطعت الكهربا من مطار الخرطوم لفتره)
لغايه الان اى زول مابقدر يكون عندو عنوان سكن بمستوى اامريكا او اوروبا ولاسباب عديده (دا كمثال) والامثله كثيره
مابنقدر اى حاجه فى اوربا او امريكا ننقلها كربون فى لكن نشوف نحنا وين فى المجال المعين وواقهنا والمطلوب شنو عشان نصل لمستوى مثالى (زى اوروبا او امريكا ) ولازم ننتطور خطوه خطوه مش قفزه واحده.
| |
|
|
|
|
|
|
|
|
|
Re: إلغاء تأشيرة الخروج (Re: Asim Ali)
|
انا عارفة يا عاصم مستوى أوروبا ما ممكن نصله إلا بعد جهد جهيد والا بعد تكون لدينا حكومة مدنية ١٠٠ في الميه وديمقراطية حقيقية وتنمية حقيقية...لكن بس أتساءل ضرورة تأشيرة الخروج شنو غير الصفوف الطويلة وتعب المسافر وبدون أي ذنب...وقلنا المجرمين يكون في المطار في قائمة بأسمائهم في الكمبيوتر ، وما حيكون في أي تأخير للمسافرين وما على ضابط الهجرة إلا أن يدخل اسم المسافر في جهاز الكمبيوتر..ولذا في تطابق في الاسم مع اسم أي لص أو مجرم ، يجرى التحقيق معه ويمنع من السفر ...
وما في داعي لتاشيرو الخروج..وكمان زي ما قال خضر الطيب لازم نلغي حاجة اسمها جهاز مغتربين ....وإزالة عذاب المغتربين....
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
طيب يا امتثال انتى فهمتى شنو من تعبير (الشبكه طاشه) ؟؟ فى سوداننا القائم الان
خاصه مع مشاكل تشابه الاسماء.
نحنا مازلنا فى العصر الحجرى ونحنا بتاشيره الخروج المجرمين فى حق الشعب مرقو عدييل
دى مامعركه مهمه بل ضروره وفلتر ضمان لعدم هروب اى مطلوب او مزور مع تردى الشبكات خليك من شبكات شركات الاتصال مرات الصرافات الاليه تكون شبكتها واقعه وماتقدرى تسحبى قرش منها (واتصورى لو محتاجه للقروش فى ظرف طارىء ليلا ) دا مثال
لو قعدتى فى السودان سنتين تلاته بتقتنعى انو محتاج سنوات ضوئيه عشان نتقدم تقدم حقيقى تقدر طبق فيهو رومانسيات الحياه فى العالم الاول
| |
|
|
|
|
|
|
|
|
|
Re: إلغاء تأشيرة الخروج (Re: Asim Ali)
|
سلام يا عاصم
وثيقة الحقوق والحريات المضنتة في دستور 2005 وفي الوثيقة الدستورية نصت في المادة 59 (حرية التنقل والإقامة) في الفقرة 2 على
حق المواطن في مغادرة البلاد والعودة إليها
ورغم أنها قيدت هذا الحق بموافقة القانون
إلا أنه يجب أن لا يكبل القانون ولا ينتقص من هذا الحق الأصيل إلا إستثناءً
فالقانون لا يجب أن يلزم المواطن بأخذ إذن الدولة في ممارسة الحق الأصيل الذي كفلته له الوثيقة
وليس من حق الدولة الإشتباه في مواطن وتقييد حقوقه إلا بناءً على بينة
والبتالي ليس من حق الدولة تقييد حركة المواطن بأي إجراء (تأشيرة خروج او غيرها) ما لم تقدم بينة للإشتباه فيه.
ببساطة ما نكتب لينا دستور وحقوق سمحة ولمن نجي في التطبيق نقعد نقيدها بقوانين مكبلة بحجة إننا ما قدر المستوى ولسه بدري علينا لتطبيق هذه الحقوق
حاجة نحن ما قدرها ما نكتبها في الدستور
وإقتراحي إما إلغاء تأشيرة الخروج
او
تعديل المادة 59 (حرية التنقل والإقامة) الفقرة 2 من وثيقة الحقوق والحريات لتقرأ كالآتي:
لكل مواطن الحق في مغادرة البلاد بعد حصوله على الإذن من الدولة وفقاً للقانون وله حق العودة كذلك
| |
|
|
|
|
|
|
|
|
|
Re: إلغاء تأشيرة الخروج (Re: Hafiz Bashir)
|
اهلا حافظ بشير
ما اختلفنا والسودانى من ناحيه حقوق الانسان فى حقوق اهم حتى لو الغينا تاشيره الخروج فهو لسه قدامو مشوار عشان يتحصل عليها (وهو زول يمكن ماشاف خارج ولايتو ناهيك عن خارج السودان) مواطن فى بلدو من درجه ادنى والبلد اصبحت ماوى لعناصر فيها شبهه الارهاب وبلد ممر وسوق للمخدرات وتهريب البشر.
جوزانا السودانى دا رتبتو كم من حيث الموثوقيه فى العالم وسط جوازات الدول الاخرى
ناهيك عن الفساد
تاشيره الخروج فى بلد زى السودان مهمه كاجراء روتينى لغايه ما تكون يد القانون طويله
حقوق الانسان فى بلد زى السودان ليها اولويات - حق الحياه , العليم , الصحه , الامن . المساواه .........- ولواتطبقت كلها ممكن تاخد شكل الفوضى فى بلد تتعثر خطاه سياسيا ومامر بتجربه ديمقراطيه مستقره حسب رايى الخاص .
تحياتى
| |
|
|
|
|
|
|
|
|
|
Re: إلغاء تأشيرة الخروج (Re: Asim Ali)
|
يا بنتنا أجلي المطالبة شوية ..
إذا الغيت التأشيرة شويتين الكيزان الحاجرنهم بمرقو ..
هسه مع وجودها المرقوا باموالهم ما شوية. بسبب التراخي في اتخاذ الاجراءات القانونية ضدهم .
| |
|
|
|
|
|
|
|
|
|
Re: إلغاء تأشيرة الخروج (Re: علاء سيداحمد)
|
| Quote: المطلوب إلغاء تأشير الدخول - للسودانيين - وأن يختم علي الخروج بالمطار والمعابر الرسمية |
هذا هو الكلام الصحيح .. ومن عليه قضية او اسمه في القوائم السوداء يتم ايقافه من موظف الجوازات في المعابر .. وبس
أما موضوع ضرائب المغتربين فممكن يكون ليها حل اسهل ..
ياخ مثلا انا قررت امشي السودان وارجع من الخميس للجمعة .. اها اسوي شنو وكل الحكومة في اجازة نهاية الاسبوع ؟
| |
|
|
|
|
|
|
|
|
|
Re: إلغاء تأشيرة الخروج (Re: Dr. Ahmed Amin)
|
| Quote: البلد اصبحت ماوى لعناصر فيها شبهه الارهاب وبلد ممر وسوق للمخدرات وتهريب البشر |
يا عاصم المخدرات وتهريب البشر بيتم عادة عبر بوابات غير بوابات الدخول والخروج المعتادة
وإذا تمت عبر البوبات المعتادة فإجراءات التفتيش والتدقيق التي تتم في المطارات والمواني كافية لمنع او الحد من هذه الجرائم
كما أن هذه الإجراءات قابلة للتطوير بمجهود قليل.
أغلب الخروج من السودان يتم عبر مطار الخرطوم مع قليل لا يذكر من مطار دنقلا وميناء بورتسودان وسواكن ومعبر ارقين.
توجد أعداد ضخمة جداً من الشرطيين يعملون في مكاتب إستخراج تأشيرة الخروج
لو سخرت الشرطة إمكانياتها في مراقبة بوابات الخروج والتدقيق في المسافرين عند خروجهم فإن ذلك سيكون أكثر جدوى وفاعلية في منع المجرمين من الهروب عبر هذه البوابات الرسمية.
الأجدى بالشرطة الإستفادة من بعض طاقتها لمراقبة المداخل والمعابر غير الرسمية لمحاربة التهريب وضبط الإرهابيين.
موثوقية جوازنا السوداني ليست لها أي إرتباط بتأشيرة الخروج ولكنها مرتبطة بإستخراج الجواز وسهولة تجاوز القوانين المنظمة لإستخراجه وأيضاً مرتبطة بعدم الثقة في المعلومات المدونة بالجواز.
| |
|
|
|
|
|
|
|
|
|
Re: إلغاء تأشيرة الخروج (Re: Hafiz Bashir)
|
سلام يا علاء سيد أحمد
Quote: المطلوب فك الارتباط بين تأشيرة الخروج واية معاملات اخرى يعنى
تجى المطار او المعابر البرية او البحرية ويتم ختم الجواز بدون رسوم او اية اجراءات اخرى |
دا ياهو ذاتو إلغاء تأشيرة الخروج المطالبين بيهو
Quote: الغاء تأشيرة الخروج ستؤدى الى كوارث الدولة فى غنى عنها مثال بسيط :
- مرتكبى الجرائم الكبرى يمكنهم الهروب بجرائمهم
- منتسبى النظام البائد يمكنهم الهروب بأموالهم وجرائمهم |
ياخي قصة هروب منتسبي النظام البائد دا تبرير غريب جداً
بنديكم ثلاثة شهور من هسه، أي منتسب للنظام البائد تقوم النيابة توجه ليهو إتهام وتعتقلو وتحظر سفرو
إذا بعد تلاتة شهور ما قدرنا نوجه ليهم إتهامات ونعتقلهم تبقى المشكلة في مكان تاني ما عندو علاقة بتأشيرة الخروج.
| |
|
|
|
|
|
|
|
|
|
Re: إلغاء تأشيرة الخروج (Re: Hafiz Bashir)
|
| Quote: هل في الدول الاوربية في تأشيرة خروج للمواطنين الذين يحملون جوازات سفر الدولة..!!؟ |
مافي تأشيرة خروج في اوروبا .. كنت بسافر للعديد من الدول الغربية ببطاقة و ليس بالجواز
و لبقية دول العالم بالجواز و بدون اي تأشيرة
في اي وكت تشيل بطاقتك او جوازك و تبقى مارق
يجب الغاء تاشيرة الخروج و الغاء شئون المغتربين
| |
|
|
|
|
|
|
|
|
|
Re: إلغاء تأشيرة الخروج (Re: خضر الطيب)
|
جاياكم بمهلة والرد على كل المرور وشكرا ليكم كلكم ...
على الكنزي
نحن بنطالب بالغاء تاشيرة الخروج لاسباب كثيرة وسوف نفصلها في معرض الاجابة على المرور ..
وبعدين القصة الحصلت معاك برضه بتشجعنا نلغي تاشيرة الخروج ،،،وتاشيرة الخروج يعني تاخد اذن من الدولة عشان تسافر ، وهذا تقييد لحرية الحركة والسفر ...
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
دفع الله ود الاصيل
فعلا دخول السودان مش زي خروجه لان نظام اللصوص والحرامية جعل جخول السودان ساهل شديد ، بل انه كان قد الغى تاشيرة الجخول للعرب والمسلمين وامتلات البلاد بالارهابيين والنصابين ، وفي نفس الوقت جعل الخروج صعبا بالنسبة للمواطنين السودانيين ...
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
Quote: المطلوب إلغاء تأشير الدخول - للسودانيين - وأن يختم علي الخروج بالمطار والمعابر الرسمية
|
الأغرب
1. بعد ختم الدخول على الجواز وعلى بعد نص متر طاولة اخرى لفحص الجواز ؟؟؟؟؟ (لاحظ جواز الكتروني والتعامل الكتروني ) يعني شاشة كومبيوتر كان ممكن توفر الوقت والجهد والسمعة في الحتة دي
2. في الخروج بعد ختم الجواز والتنفتيش الشخصي والفحص والاسكانر للامتعة الشخصية وقبل الصعود للبص يجيك واحد بعبارة كل زول يفتح صفحة ختم الخروج للصعود للبص ( كيف وصل هذا الشخص الى هذه المنطقة دون تأشيرة الخروج ؟ لا اجابة نفذ التعليمات )
قديما قيل
ان رجل الامن يخلق الشغل عشان يقول انو شغال
وهذا بالظبط ما يجري في المطار عند الدخول والخروج
| |
|
|
|
|
|
|
|
|
|
Re: إلغاء تأشيرة الخروج (Re: محمد على طه الملك)
|
Quote: يا بنتنا أجلي المطالبة شوية ..
إذا الغيت التأشيرة شويتين الكيزان الحاجرنهم بمرقو ..
هسه مع وجودها المرقوا باموالهم ما شوية. بسبب التراخي في اتخاذ الاجراءات القانونية ضدهم . |
ياتوا كيزان الحاجزنهم ديل طلعوا حاجزين الوزراء زاتم
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
السلام عليك امتثال وضيوفك الكرام
نعم مطلبك مطلب سليم وقد حان الأن مع بناء الدولة الديمقراطية الجديدة أن تهدم كل القوانين والقواعد المقيدة للحريات والهادفة للجباية. كما حان الاوان لهدم هذا الجهاز الذي سيطرت عليه مجموعة من العصابات المنظمة التي كانت تتفنن في اهانة المغترب ابتداءا بالصفوف الغير منظمة وانتهاء بمعاملة الكثير من الموظفين الذين يعتبرون المغترب اتي ليستجديهم تلك الخدمة المسماة بالتأشيرة، هذا ناهيك عن الشركات غير القانونية التى تعمل في جهاز شئون المغتربين والتى تحصل رسوم الخدمة الوطنية وغيره.
لقد صدقت كثيرا أمتثال فإن الضرائب محلها مصلحة الضرائب والقانون العادل الصارم كفيل بأن يجعل كل مواطن يحمل ملفه الضريبي طواعية ويذهب لسداد التزاماته السنوية لعلمه في حالة الاخلال بذلك سوف يتعرض لعقوبة السجن الرادعة. كلنا نقيم في دول ليس لديها ما يعرف بتأشيرة الخروج والمواطن او المقيم يستطيع السفر متى ما اراد مادام هو انسان مستقيم وليس له سجل اجرامي ، أما المجرمون فمعروف في كل الدول توضع اسماؤهم في قوائم الحظر السوداء في المطارات والموانىء.
ختاماً نؤيد اقتراحك ونأمل أن يري من زوي الأختصاص ويعمل به لأنه بدون شك يعبر عن مطلب معظم ان لم اقل كل المغتربين.
| |
|
|
|
|
|
|
|
|
|
Re: إلغاء تأشيرة الخروج (Re: Shueib Medani)
|
السلام عليكم يا إمتثال والجمع الكريم
ظللت منذ فترة أطالب بإلغاء هذه التاشيرة وقد شاركت في عدة بوستات في زمن (الحزب الواحد) وحالياً .
حيث نحن الدولة التي تمنح الجواز لمواطنه ويطالبه بأخذ تأشيرة مسبقة من سلطات البلاد .
| |
|
|
|
|
|
|
|
|
|
Re: إلغاء تأشيرة الخروج (Re: ولياب)
|
تأشيرة الخروج التي تتم في مجمعات المغتربين لا علاقة لها بمجرمين او مطلوبين فقط لتأكيد الجباية
وبالمناسبة ادوها اسم جديد اظنو استيفاءاو ما شابه ذلك.
قوائم المنع من السفر تاوجد في المطار وليس إدارات المغتربين.
اذن الغاء ما يسمى اخلاء الطرف او الأستيفاء واجب وطني وضروري
البحث عن طريقة أخرى لجباية الضرائب وبالغانون
| |
|
|
|
|
|
|
|
|
Re: إلغاء تأشيرة الخروج (Re: MOHAMMED ELSHEIKH)
|
اوسكار يا امتثال
نعم لإلغاء تأشيرة الخروج مثلما ألغوا رسوم المغادرة.
المجرمين (الكيزان بالذات) ممكن يتحايلوا على التأشيرة، مثلا الناس
واقفة في الصف يجي احد الضباط شايل عدد من الجوازات و يقوم
زميله بتأشيرها قبل جوازات الناس الواقفين صف.
اهم من تأشيرة الخروج، تأهيل المطار و الموانئ بأجهزة حديثة و تدريب
و تحفيز العاملين.
الشهر الفات في مدخل صالة المغادرة في المطار، طلع شاب تلاتيني جاري
و وراهو بوليس، المواطنين ساعدوا البوليس في القبض على الشاب الخلى
شنطتو و حاول يهرب، الشنطة بداخلها جهاز تشويش على جهاز الفحص.
الضابط لم يفتي هل الشنطة مليانة دولارات أم مخدرات.
اما قصة الشبكة الواقعة دي ح تنتهي بمجرد تنظيف قطاع الإتصالات من الكيزان.
| |
|
|
|
|
|
|
|
|
|
Re: إلغاء تأشيرة الخروج (Re: نعمات عماد)
|
فعلا يا امتثال موضوع تأشيرة الخروج موضوع مهم ...
لأنه موضوع ما ليه داعي اساسا..
طبعا بالنسبة للحكم البائد كان فرصة كما تفضل المتداخلون للجباية..و كذلك لمنع المعارضين..و ليس المجرمين..
بمناسبة المنع من الخروج حدثت لي فيها مواقف عديدة و مزعجة ساحاول أن احكيها تفصيلا في بوست منفصل..
تحياتي لامتثال و الضيوف الكرام
| |
|
|
|
|
|
|
|
|
|
Re: إلغاء تأشيرة الخروج (Re: MOHAMMED ELSHEIKH)
|
كان اسمي الثلاثي(محمد عبدالله محمد) و لا زال يشكل لي هاجس في الأسفار...
ليس في السودان فقط..و لكن في مصر و سوريا و الهند حتى قبل شهر...
لا ينقذني من سطوة هذا الثلاثي إلا الاسم الرابع(الحسين) فلولاه لكنت في سجون سوريا لربما حتى الآن...و لن يتم دخولي إلى مصر.. و لم ااغادر مطار الخرطوم..
هذا الشهر و في مطار بومباي تعدودت أن يستغرق فحص جوازي بواسطة ضابط الجوازات حوالي عشرة دقائق...
انتظر أمام الضابط و هو ينظر متخفيا في قوائم الأسماء الممنوعة أو المحظورة أو المشبوهة..و أنا أعرف السبب
و باقي المسافرين ينتظرون في ملل لهذا الراكب الثقيل أو المشبوه..
بعد لأي سالني الضابط الهندي: هل كنت في العراق من قبل؟
- لا..مطلقا
ثم أخيرا ختم الجواز و كأنه غير مقتنع ..و كما يحدث لي في كل مرة..
أما قصة الاسم المتطابق في سوريا..فتلك حادثة أخرى جعلت مليشيات حزب الباحث المدنية المسلحة بالرشاشات تتلقفني من شارع لشارع و من ضابط لضابط حتى أثبت براءاتي..
| |
|
|
|
|
|
|
|
|
|
Re: إلغاء تأشيرة الخروج (Re: MOHAMMED ELSHEIKH)
|
| Quote: هل في الدول الاوربية في تأشيرة خروج للمواطنين الذين يحملون جوازات سفر الدولة..!!؟ |
مافى تأشيرة خروج ولا دخول ..
- مابين الدول الاوربية ممكن تسافر بأى بطاقة فيها صورتك الشخصية مثال البطاقة البنكية - بطاقة الصراف الآلى
- فى حال السفر الى خارج اوربا ابراز جواز سفرك لموظفى المطار * للتأكد بأن جواز السفر خاص بك "
| |
|
|
|
|
|
|
|
|
|
Re: إلغاء تأشيرة الخروج (Re: محمد عبد الله الحسين)
|
الاستاذة امتثال
وجميع المتداخلين
لكم مني السلام من ارض السلام والكرامة والعزة ان شاء الله
مداخلتي الاولى احببت ان اشير فيها لتجربة شخصية تعزز ان استخدام الفيزا يعني التخلف والبدائل لملاحقة المجرمين او المطلوبين قانونيا متوفرة في عصرنا الرقمي
وواضح أن تاشيرة الخروج والدخول ملتصقة بالانظمة الاستبدادية واحكي لكم قصة اخرى.
في احدى رحلاتي للسودان على اللفتهانزا مما يحتم علينا السفر باول طائرة من جنيف واظنها على السادسة والنصف صباحاً التقيت بداخل المطار باخ كريم سوداني اعرفه من جنيف
ودخلت معه في الحديث وتوقعت انه ذاهب في اجازة
واجابني ويكاد الدمع يزرف من عينه انه اتاه خبر قبل صلاة الفجر بوفاة ابيه وهو الأن في طريقه للعزاء
يعني لاحظو الزول دا جاهو خبر وفاء وطوالي على المطار لانه لا يحتاج لأي اجراء طالما يحمل اقامة شرعية بسويسرا
وفي هذا المنبر كتبت مقالين سنة ٢٠٠٧ عن الشهيد محمد كبارة ابن التسعة عشر عاما الذي توفى محترقا داخل سيارة سقطت به مع رفاقة الثلاث من اعلى الشارع الهواي الذي يعبر من اعلى الهاي وي
واستنجد بي الاخ هشام وهو عضو بهذا المنبر ولكن توقف نشاطه
استنجد بي لان اقوم بتقديم دعوة لوالد الشهيد محمد (م كبارة) المقيم في السعودية حتى يتمكن من حضور مراسم التشيع خاصة وان النظم السويسرية لا تسمح بدفن الميت إلا بعد مرور ثلاث ايام على الوفاة
وفعلاً قمت بارسال دعوة عبر الفاكس للقنصلية السويسرية بجدة وعززتها بما نشرته الصحف عن الحادث وعن قصة محمد التي تصلح قصة حياته القصيرة ان تكون فيلما تراجيدياً
ونفس الفاكس قمتُ بارساله لوالد الشهيد رحمة الله عليه
واتصل م كبارة من مكان اقامته بالرياض بالسفارة السويسرية بجدة واوضح لهم ان جوازه عند الكفيل والكفيل خارج المملكة
وكان اجابة الموظف المسئول انهم على استعداد لاعطائه الفيزا في اي وقت اي على مدار الاربعة وعشرين ساعة وعلى مدار الاسبوع تقديرا للظرف الذي يمر به
ولكن حضر الينا م كبارة بعد اكثر من اسبوعين لانه كان في انتظار عودة الكفيل وكان عليه ان يحصل على تاشيرة عودة او شئ من هذا القبيل قبل سفره من المملكة
وعلى من يريد ان يطلع على مسأة محمد كبارة فليقرأ المقالين التي كتبتها عنه بهذا الموقع ومواقع اخرى.
وهذا رابطها
https://sudaneseonline.com/ar/article_15266.shtml
https://sudaneseonline.com/ar/article_15559.shtml
| |
|
|
|
|
|
|
|
|
|
Re: إلغاء تأشيرة الخروج (Re: Ali Alkanzi)
|
Quote:
دا ياهو ذاتو إلغاء تأشيرة الخروج المطالبين بيهو |
نعم يا مولانا حافظ بشير دا الانا قاصدو ياخ الناس بتضيع زمن ومال كتير فى مكتب المغتربين لتأشيرة الخروج
دا مفروض يلغوهو دا فى العالم كوووولو مافى .
| |
|
|
|
|
|
|
|
|
|
Re: إلغاء تأشيرة الخروج (Re: علاء سيداحمد)
|
Quote: ياخي قصة هروب منتسبي النظام البائد دا تبرير غريب جداً
بنديكم ثلاثة شهور من هسه، أي منتسب للنظام البائد تقوم النيابة توجه ليهو إتهام وتعتقلو وتحظر سفرو |
يا مولانا حافظ بشير ببساطة ممكن يعملوا Black list
لمنتسبى النظام البائد وكبار المجرمين فى السجون السودانية
| |
|
|
|
|
|
|
|
|
|
Re: إلغاء تأشيرة الخروج (Re: علاء سيداحمد)
|
سلام يا امتثال
في بريطانيا وانت داخل في مطار هيثرو كمواطن بريطاني
بتمرر الجواز على جهاز قارئ و بتبقى مارق
ضباط الجوازات قاعدين على مسافة عشرة امتار من بوابة الدخول
الجهاز دا بقرا الجواز و في كاميرا بتقرا الوجه و بصمة العين
المرحلة دي في مطارنا في الخرطوم او قصدي الخرابة دي لانو دا ما مطار
المرحلة دي حيصلوها يوم القيامة
دمرونا الكيزان المتخلفين و جانا حميرتي الاكتر تخلف من الكيزان
هي بلاد كل ما ابتسمت حط على شفتيها الذباب
كما قال شاعرنا عاطف خيري
| |
|
|
|
|
|
|
|
|
|
Re: إلغاء تأشيرة الخروج (Re: خضر الطيب)
|
عندما تسمع صوت الميكرفون الداخلي يقول: على فلان الفلاني القادم بطائرة... مقابلة ضابط الصالة ..تأكد إنه ديل بتاعين الأمن....
.ضابط الصالة اساسا ضابط أمن و هو الذي يتحكم في كل شيء في المطار..و له الحق في منع مغادرة الطائرة للمطارو يمكنه أن يؤخرها كيف يشاء...
هذه المعلومة لمستها شخصيا عن قرب..
| |
|
|
|
|
|
|
|
|
|
Re: إلغاء تأشيرة الخروج (Re: محمد عبد الله الحسين)
|
سلام عليكم
يا اخ حافظ
ما ذكرتو اقصدان البلد مليئه بالثقوب فى مساله الدخول والخروج وسهوله دخول عبر منفذغير قانونى والخروج من المطار بجواز مزور او ربما جواز (مشترى)كما يحدث فى ايام الانقاذ الاخيره .ولاتنسى انو الجواز السودانى كان يمنح لكل ارهابى منفى من بلدو .
------------
تعليق عام الناس شايفها بتتكلم على اساس تاشيره الخروج للمغترب ومايفرض عليهم من اموال ضرائب وزكتاه وانا اتحدث عن تاشيره الخروج للمواطن مهما القاعد فى البلد اصلا بشكل اساسى قبل المغترب الجا اجازه وراجع.
الناس يتتكلم عن سهوله الاجراءات فى العصر الرقمىفى الدول المتقدمه وحتى بعض الدول العربيه البيتروليه مثلا ونحنا هنا الشبكات المهمه (غير شبكات الاتصال ) فيها مشكله وكتير يتعطل شغل فى اى مؤسسه حكوميه واحيانا تمتد ساعات الى اكتر من ويقول ليك(الشبكه طاشه) والا ورونى قاعده بيانات (محدثه) عشان تضمن بيها سلامه الاجراءات وعدم خروج مجرم او مزور او ...
ياناس انتو مطار الخرطوم لسه انتو المغتربين بتشكو من سرقات اشياء من الشنط فى المطار دا تسليكامور ب(الساهله) !!
لسه مشواركم طويل
بلد لا استقرار فى امدادها الكهرباءى او شبكات مؤسساتها ودايرين الامور تكون مره واحده زى الدول المتقدمه!!!
----
محمدالشيخ اى نعم عجايز الناس زماان كنا نستخرج تاشيره الخروج -اول مره كانت بعشره جنيه - من وزاره الداخليه من جهه وزاره الماليه (ماعارف لسه ياهو والا اتحول مكانو). واتذكر مدتها شهر واولمره اسافر بره اتاجلت - ومشيت مددتها - رحلتنا واتغير الموعد سافرنا فى راس السنه
المهم قناعتى لو استخرجت تاشيره خروج بدرى معناها مافى مكله تشاه اسماء مع مطلوب فى شيك او جنائى
خلو البلد يكون فيهو سياده قانون جد جد وتحسن فى الحاجات الاهم تاشيره الخروج وحاجات كتيره زيها بسيطه (زى ماعند الخواجات) دى بالتدريج ومن غير مطالبه حتحصل
| |
|
|
|
|
|
|
|
|
|
Re: إلغاء تأشيرة الخروج (Re: عماد الدين الطيب عمر)
|
سلام أخ حافظ
| Quote: دا ياهو ذاتو إلغاء تأشيرة الخروج المطالبين بيهو |
تأشيرة الخروج يجب أن تصدر بالمطار والمعابر وألاتربط بإي إجراءت إدارية وجبايات الخ
إذا كان المسافر - محكوم عليه في قضية جنائية أو مطلوب - في قضائية جنائية خطيرة من جهة إختصاص عدلية )هنا
يجب إعادته لمواجهة محاكمة عادلة - جهاز الأمن وحتي حسم مسألة جدوي وجوده -مهمته
تقتصر علي جمع وتحليل المعلومات و الشغل الإداري والإستخباري ولاعلاقة بالإعتقال والسجن
والعقوبات الخ
| |
|
|
|
|
|
|
|
|
|
Re: إلغاء تأشيرة الخروج (Re: عماد الدين الطيب عمر)
|
الابنة امتثال .. تحياتي ..
لو موجودة في السودان
يمكن تنظيم وقفة أمام شئون الرئاسة أو المغتربين
مع لافتات بطلب إلغاء التأشيرة
وتخفيف التكدس الهائل داخل جهاز المغتربين
كل هذه المبادرات متروكة للثوار والكنداكات ( بناتنا وأولادنا )
أنتم رأس الرمح ..
تحياتي الاميرة امتثال والتحية لباقي الاميرات
| |
|
|
|
|
|
|
|
|
|
Re: إلغاء تأشيرة الخروج (Re: علي عبدالوهاب عثمان)
|
مولانا محمد علي طه الملك
ما في تأجيل يا مولانا، ،،والكيزان اللصوص والحرامية السرقوا أموال الشعب اصبحوا معروفين وما ممكن يهربوا من المطار ...
اما اذا كان الغرض بس من تأشيرة الخروج هو جباية الأموال، فهناك طريقة ثانية لجمع الأموال من المغتربين والمهاجرين العندهم جوازات سفر أجنبية وهي مد فترة بطاقة الإقامة التي مدتها ٥ سنوات فقط والتي تعفي من تأشيرة الدخول إلى ١٠ سنوات ورفع قيمة البطاقة، واستغلال تلك الموارد المالية الإضافية لرجال المباحث الجنائية الذين يكتشفون جرائم القتل والسرقة وتحفيزهم لبذل المزيد من الجهد لحفظ امن المواطن وممتلكاته،،
والله كنا عاوزينك وزيرا العدل أو رئيسا للقضاء أو عضو في مجلس السيادة، كان ممكن تساعدنا في إلغاء تأشيرة الخروج التي تسبب الكثير من التعب والجهد للمسافرين ..
الحمد لله نحن اتخلصنا من وجع الرأس ده بالجواز الأجنبي، وحتى تخلصنا من تأشيرة الدخول عن طريق بطاقة الإقامة التي تعفينا من التأشيرة لمدة ٥ سنوات ....ولكن نرى أن المسافرين من السودانيين الذين يودون السفر للخارج يعانون أشد المعاناة من تأشيرة الخروج...واظن ما في داعي لهذه التأشيرة التي تنتهك حقوق المواطنة، ،،،وحقوق حرية التنقل والإقامة...
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
كمال عباس
نعم كما قلت يجب ختم الخروج في المطار والمعابر البرية..
لكن بالنسبة لتاشيرة الدخول ، أظنك قاصد السودانيين العندهم جوازات أجنبية، لأن أصحاب الجوازات السودانية ما بيحتاجوا تأشيرة ، أما أصحاب الجوازات الأجنبية فيمكنهم الحصول على بطاقة الإقامة لفترة ٥ سنوات وتعفيهم من تأشيرة الدخول...
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
علاء سيد احمد
الغاء تاشيرة الخروج سوف لن تؤدي الى اية كارثة يا علاء ، بل سوف تسهل امور المسافرين ، فبدلا من الوقوف يوما كاملا في الصفوف امام شباك وزارة الداخلية يمكنهم تجهيز انفسهم للسفر ....
اما المجرمين واللصوص فلا يمكن ان يهربوا عبر المطار اذا وضعت اسماؤهم في القائمة السوداء، واعني قائمة الممنوعين من السفر وتكون القائمة عند ضباط الهجرة في المطار ....
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
د. احمد أمين
والله سؤالك منطقي ...
ولذا فالمفروض اولا إلغاء تأشيرة الخروج، وإلغاء مكتب جهاز ضرائب المغتربين ،،،والضرائب تتولاها السفارات واساسا الدبلوماسيين بياخدوا مرتبات بالعملة الصعبة وما عندهم شغلة يعملوها وسفاراتهم مقفلة أمام الجاليات السودانية في الخارج ...
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
Al Sunda
والمصيبة الاكبر أنه في مطار الخرطوم في عدد هائل من ضباط الأمن والموظفين والعمال وعدد آخر ما تعرف عملهم شنو وتلقاهم من باب الطيارة وحتى بوابة الخروج من المطار.....وان شاء الله بعد الحكومة المدنية الجديدة بدأت سلطاتها أن تقف على هذه الظاهرة وتخفف من عدد هؤلاء داخل المطار....
زنطالبها الآن بإلغاء تأشيرة الخروج وإلغاء حاجة اسمها جهاز المغتربين ...لان هذا الجهاز، وكما يقول كثير من المغتربين، أنه جهاز لوضع العقبات والصعوبات أمام المغتربين عند سفرهم ...
| |
|
|
|
|
|
|
|
|
|
Re: إلغاء تأشيرة الخروج (Re: علاء سيداحمد)
|
خالد عباس
ما هم الوزراء ديل ذاتهم هم التماسيح الكبار والقطط السمان ، وأقاربهم اغتنوا أيضا، ولكن إلغاء تأشيرة الخروج سوف لن يمكنهم من الهروب لأنهم معروفين حتى للأطفال ناهيك عن رجال الأمن المنتشرين داخل المطار، ..بس لازم يكون ضباط الأمن في المطار لا ينتمون لنظام اللصوص والحرامية
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
شعيب مدني
اوسكار ..اوسكار ..اوسكار بدون شك تعليقك الوافي الكافي ، فقد عبرت عني وعن كافة الأفراد الذين يعانون الأمرين من صفوف تأشيرة الخروج وعن المغتربين الذين يعانون من هذا الجهاز الأسمه جهاز المغتربين ...ويجب إلغاءهما فورا ...
| |
|
|
|
|
|
|
|
|
|
Re: إلغاء تأشيرة الخروج (Re: Asim Ali)
|
ولياب
لقد كنت محقا حقا في مطالبتك بإلغاء تأشيرة الخروج ...هذه التأشيرة التي لا لزوم لها بل هي فقط لتعذيب المغتربين والمهاجرين والذين يودون السفر لأغراض أخرى..
وسوف نظل ننادي بالغاءها لتسهيل السفر السودانيين...
| |
|
|
|
|
|
|
|
|
|
Re: إلغاء تأشيرة الخروج (Re: Amira Hussien)
|
محمد الشيخ
قوائم المنع من السفر في المطار مفروض يكون فقط للمجرمين واللصوص وليس للمعارضين السياسيين ...وبعدين الذي يتهرب من الضرائب، ممكن الدولة تلزمه بالقوانين المشددة حتى لا يتهرب من دفع ضريبة الوطن، وأنا أشرت سابقا أن الذي يتهرب من دفع الضرائب في أمريكا ممكن يواجه عقوبة سجن لفترة ٢٠ عاما...ونطالب مجددا إلغاء تأشيرة الخروج وعدم ربط التأشيرة بجباية الأموال....
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
الغالية نعمات
شكرا للتاييد بالغاء تاشيرة الخروج لتسهيل السفر للمواطنين. وكمان زي ما قلتي انت ضروري تاهيل المطار لان مطار الخرطوم اسوا مطار في العالم ..وطبعا سمعنا انه في مطار جديد حيبنوهو في امدرمان ، وعشان نصدق جونا ناس الاراضي في نيويورك وباعوا لينا قطع اراضي وقالوا لينا جنب المطار الجديد في امدرمان ، وسموها خي شرق المطار لكن الظاهر القطط السمان في نظام اللصوص والحرامية سرقوا ميزانية انشاء المطار الجديد ....
والمهم نتمنى من الحكومة الانتقالية تلغي تاشيرة الخروج وتبني مطار حديث يليق باسم السودان وشعب السودان....
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
محمد عبد الله الحسن
المواقف المزعجة كثيرة جدا فيما يتعلق تأشيرة الخروج...ونرجو أن نكتب لنا هنا المواقف المزعجة التي مررت بها وليس في بوست منفصل، ..
وسوف نظل نردد اسطوانة إلغاء تأشيرة الخروج حتى يتم إلغائها...
وان شاء الله ما تكون واحدة ضابطة هجرة في المطار منعتك من السفر عشان ما عندك تأشيرة خروج، عشان كده انت ما مقتنع أن السودانيات ملائكة...وجه باسم ...
| |
|
|
|
|
|
|
|
|
|
Re: إلغاء تأشيرة الخروج (Re: امتثال عبدالله)
|
عباس محمود
انا بتخيل لي زمان في عهد الديمقراطية الاولى ما كان في تاشيرة الخروج واحتمال لمن حو العساكر حكموا البلد برئاسة ابراهيم عبود يكونوا هم الفرضوا تاشيرة الخروج عشان يمنعوا السياسيين المعارضين من السفر...وبعد كده حتى الديمقراطيات الجات بعد العساكر لم تفكر في الغاء تاشيرة الخروج لمن لقوا في دخل ما بطال من جيوب المغتربين والمسافرين الاخرين ...
وحان الان لحكومة الثورة ان تلغي هذه التاشيرة لانه ما ممكن وانت سوداني تاخد اذن من الدولة عشان تسافر ...وهذا انتهاك ساقر لحقوق المواطنة وانتهاك لبعض مواد اتفاقيات الامم المتحدة المتعلقة بحقوق الانسان
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
خضر الطيب
Ali Alkanzi
عمر التاج
Asim Ali
دفع الله ود الأصيل
Hafiz Bashir
محمد على طه الملك
كمال عباس
علاء سيداحمد
Ahmed Yassin
Al Sunda
Shueib Medani
ولياب
MOHAMMED ELSHEIKH
نعمات عماد
محمد عبد الله الحسين
عباس محمود
علي عبدالوهاب عثمان
Amira Hussien
فيس بوك
تويتر
انستقرام
يوتيوب
بنتيريست